Lajmidites.com

Tag: përsëri

  • Autoritetet britanike lirojnë gabimisht një të dënuar algjerian, qeveria: Kjo është e papranueshme

    Autoritetet britanike lirojnë gabimisht një të dënuar algjerian, qeveria: Kjo është e papranueshme

    Qeveria britanike ndodhet përsëri në një pozicion të vështirë pasi policia konfirmoi se një tjetër i burgosur i huaj ishte liruar aksidentalisht nga burgu, mes një debati të tensionuar publik mbi imigracionin dhe sistemin e azilit në vend.
    Rreth dy javë më parë, një azilkërkues etiopian, Hadous Kebatu, i cili u dënua në shtator për sulm seksual , u lirua aksidentalisht . Sekretari i Drejtësisë David Lamy njoftoi në atë kohë se do të niste një hetim, pasi shifrat tregojnë se gabime të tilla janë rritur ndjeshëm (262 lirime nga burgu midis marsit 2024 dhe marsit të këtij viti, krahasuar me vetëm 115 një vit më parë).
    Sot, policia e Londrës konfirmoi se u informua të hënën se një algjerian 24-vjeçar u lirua gabimisht nga burgu Wandsworth në jug të Londrës më 29 tetor, vetëm pesë ditë pas Kebbato-s. Policia nuk specifikoi nëse algjeriani, i cili është ende në kërkim, kishte aplikuar për azil në Britani.

    Sekretari i Drejtësisë tha se ishte “i indinjuar dhe i tmerruar” nga gabimi i fundit dhe tha se departamenti i tij kishte punuar “gjithë natën” për ta gjetur dhe për ta sjellë përsëri në burg.
    Një zëdhënës i kryeministrit Keir Starmer e quajti gabimin “krejtësisht të papranueshëm”. “Sistemi duhet të forcohet dhe të vendosen kontrolle të përshtatshme për të parandaluar që kjo të ndodhë përsëri”, tha ai.
    Megjithatë, David Lamy po merr kritika të ashpra pasi refuzoi t’i konfirmonte parlamentit se ishte në dijeni të gabimit të ri.

  • Miley Cyrus bëri përsëri bujë me stil në “Vogue World: Hollywood 2025”

    Miley Cyrus bëri përsëri bujë me stil në “Vogue World: Hollywood 2025”

    Ylli i muzikës dhe stilit, Miley Cyrus, 32-vjeç, la përshtypje të forta me paraqitjen e saj në eventin Vogue World: Hollywood 2025, i mbajtur në kompleksin e Paramount Studios në Los Angeles më 26 tetor.
    Për këtë natë glamuroze, Cyrus zgjodhi një xhaketë të madhe lëkure nga koleksioni pranverë/verë 2026 i shtëpisë së modës Saint Laurent. Ajo kombinoi setin me fund dhe kapuç të njëjtë, doreza dhe geta të zeza transparente, syze të mëdha dielli dhe taka slingback me majë.Grimi i saj ishte relativisht i butë, buzë me shkëlqim rozë, ndërsa flokët i mbajti të kapura lart me disa fije që binin në valë për një pamje më të relaksuar.
    Në rreshtin e parë të eventit, Miley u shfaq pranë Hailey Bieber,ajo gjithashtu në veshje të lëkurës dhe të dyja bënë një paraqitje që tërhoqi vëmendje për stilin e përkryer të përbashkët.
    Edicioni i këtij viti i Vogue World shënoi për herë të katërt realizmin e tij dhe u bashkua me prezantimin e veshjeve kapsulë të stilistit Jerry Lorenzo, të frymëzuara nga ikonat e Los Angeles-it. Me këtë paraqitje, Miley Cyrus përsëri tregoi se është kryefjala e modës ndërkombëtare duke kombinuar modën me identitetin e saj të pakompromis. Edhe këtë herë, Miley nuk ndoqi trendet, ajo i krijoi ato.

  • “U stërvita me më të mirët, por kam prekur fundin!”/ Ish-futbollisti shqiptar i Juventusit tani punon në një kantier ndërtimi

    “U stërvita me më të mirët, por kam prekur fundin!”/ Ish-futbollisti shqiptar i Juventusit tani punon në një kantier ndërtimi

    Në vitin 2017, Çëndrim Kameraj mbërriti te Juventusi plot shpresë, në moshën 18 vjeç dhe i etur për t’u shfaqur në një ekip kampionësh. Tetë vjet më vonë, situata është krejtësisht e ndryshme, ai ka kaluar kohë të vështira, është dashur të përballet me zhgënjimin dhe të pranojë realitetin e jetës së tij të re, e cila nuk e ka çuar të luajë në fushat më prestigjioze në botë. 
    Ish-lojtari i Juventusit u detyrua të tërhiqej pas një sërë dëmtimesh dhe tre këputjeve të ligamenteve të kryqëzuara që ndikuan në karrierën e tij dhe ai përfundoi duke punuar në një kantier ndërtimi. 
    Në një intervistë me ’20min.ch’, shqiptari i lindur në Luzernë foli për vështirësitë me të cilat u përball dhe të gjitha pasojat mendore që duroi. Ai u stërvit me Cristiano Ronaldon dhe Higuainin, por nuk mundi ta ndiqte atë ëndërr. Karriera e tij ishte aq e zymtë saqë nuk mund të shihte më ndeshje në televizion. Në moshën 26 vjeç, atij iu desh të fillonte nga e para, duke gjetur një ekuilibër të ri në jetën e tij, pjesërisht falë dashurisë së familjes së tij. 
    Sapo mbushi 18 vjeç, ai arriti të siguronte një kontratë me Juven dhe u stërvit në ekipin e parë të mbushur me yje. Duke shfletuar profilin e tij në Instagram, mund të shihni foto me Cristiano Ronaldon, Higuainin dhe shumë gjuajtje në fushë duke veshur fanellën bardhezi që e veshi për dy vjet, deri në vitin 2019. Pastaj këputja e parë e ligamentit të kryqëzuar pengoi përparimin e tij, duke e detyruar të bënte një pushim gjashtëmujor që rezultoi fatal për qëndrimin e tij te Juventusi. 
    “I thashë vetes se do të kthehesha më i fortë. Kisha bërë gjithçka për futbollin.” Por nuk kishte më vend për të, aq sa vendosi të kthehej te Lugano dhe më pas te Zurich në huazim. Në ditën e fundit të provës së tij, ai këputi përsëri ligamentin e kryqëzuar, duke e hedhur në dëshpërim. 
    “Ishte shumë e vështirë mendërisht për mua. Isha në krye, duke u stërvitur me më të mirët dhe pastaj e gjeta veten përsëri në fund…” 
    Kameraj punoi shumë gjatë asaj periudhe dhe në vitin 2022, ai u rikthye në fushë për herë të tretë, pasi kishte ndërruar ekip. Por vetëm pak minuta pas debutimit të tij kundër Zug 94, ndodhi përsëri e paimagjinueshmja, ai këputi ligamentin e kryqëzuar për herë të tretë , duke ndjekur një paralajmërim të çuditshëm. 
    “U deshën dhjetë sekonda që të këputej përsëri. Gjëja e çmendur është se një ditë më parë, kisha ëndërruar se do ta këputja përsëri ligamentin e kryqëzuar”, tha ai. 
    Pas dëmtimit të tij të fundit, Kameraj nuk u kthye më në fushë dhe vendosi të ndryshonte jetën. Ai u bë viral pasi u bë trend në rrjetet sociale me një foto të tij pranë Cristiano Ronaldos, e ndjekur nga një foto e tij me një helmetë në një kantier ndërtimi, për të demonstruar se sa shpejt mund të ndryshojë jeta. 
    Sot, ai punon atje: “Unë jam në fakt një konsulent i burimeve njerëzore në kompaninë e ndërtimit ICM Bau AG. Mbikëqyrësi ynë dëshiron që të gjithë të shkojmë në kantierin e ndërtimit të paktën një herë në ditë për të na treguar se sa e vështirë është kjo punë.” 
    Futbolli është rikthyer në jetën e tij dhe tani ai trajnon FC Ebikon, një ekip të vogël zviceran që i ka lejuar t’i japë një formë të re ëndrrës së tij dhe të vazhdojë udhëtimin e tij në sport. 

  • Lirimi i pengjeve nga Hamasi, shënimi i shkruar me dorë nga Netanyahu: Ju kemi pritur, mirë se erdhët përsëri

    Lirimi i pengjeve nga Hamasi, shënimi i shkruar me dorë nga Netanyahu: Ju kemi pritur, mirë se erdhët përsëri

    Në një gjest simbolik, Kryeministri Benjamin Netanyahu ka përcjellë një shënim të shkruar me dorë për pengjet, ku thuhet: “Mirë se erdhët përsëri!”

    “Në emër të të gjithë popullit të Izraelit, mirë se erdhët përsëri!” thuhet në shënim.“Ju kemi pritur, ju përqafojmë. Sarah dhe Benjamin Netanyahu.”
    Ndërkohë, turmat janë mbledhur në Sheshin e Pengjeve në Tel Aviv dhe qytete të tjera, duke pritur me ankth dhe emocione kthimin e pengjeve.
    Nga ana tjetër, të burgosurit palestinezë janë parë duke hipur në autobusë nën masa të rrepta sigurie, ndërsa automjetet e Kryqit të Kuq janë në gatishmëri për të siguruar transferimin human dhe mjekësor.
    Po ashtu, ka mbërritur ndihma e parë humanitare për banorët e uritur të Gazës, shënuar si një tjetër hap i rëndësishëm në këtë ditë me zhvillime dramatike.

    Top Channel

  • Dragan Xhajiç: Nëse përsëritet ndeshja e 2014 do të ishte katastrofë për futbollin serb

    Dragan Xhajiç: Nëse përsëritet ndeshja e 2014 do të ishte katastrofë për futbollin serb

    Adriatik BALLA
    Serbët janë në panik të plotë para duelit me Shqipërinë, ndeshje që do të luhet këtë të shtunë në stadiumin e Leskovacit me kapacitet 8 mijë vende. Duhet thënë se ky panik vjen nga kërcënimet e huliganëve serbë, pra frika se mos ata futen në fushë dhe Serbia do ta humbasë ndeshjen në tavolinë dhe do të ndëshkohet rëndë nga UEFA. Shqetësimin për degjenerimin e ndeshjes e shprehu edhe kreu i federatës serbe, Dragan Xhajiç, i cili apeloi tek tifozeria serbe të sillet me kujdes, për të evituar ato që kanë ndodhur më 14 tetor 2014 në Beograd. “Nuk ka nevojë të harxhojmë fjalë, askush nuk ka nevojë të flasë me askënd. Ne të gjithë jemi të vetëdijshëm dhe e dimë se sa shumë do të thotë ajo ndeshje në këtë situatë. Një ndeshje shumë e rëndësishme për ne.
    Mendoj se kjo është e qartë për të gjithë. Më keni njohur për kaq shumë vite. Disa gjëra nuk do t’i dëgjosh kurrë nga unë. Më lejo të ta them kështu, dua të fitoj. Nuk do të jetë e lehtë për t’u arritur, por fitorja është diçka që pritet. Lëndimet janë pjesë integrale e futbollit. Gjëra të tilla ndodhin. Nuk ka nevojë të vajtojmë fatin tonë tani. Kështu jemi. Për mua, një problem më i madh se lëndimet është koha e pakët që luajnë futbollistët tanë në klubet e huaja. Përsëri, nuk i dyshoj, e di që secili prej djemve do të japë më të mirën e tij të shtunën, në mënyrë që Serbia të fitojë. Në të njëjtën mënyrë, trajneri Dragan Stojkoviç po ndjek gjithçka dhe besoj se ai do të nxjerrë në pah ekipin më të mirë. Këta do të jenë lojtarët që do të jenë në gjendje t’u përgjigjen të gjitha detyrave”, nënvizoi ai.
    Shqiptarët të mirë, kanë skuadër të fortë
    Më pas Xhajiç foli për Shqipërinë. “Shqipëria më kompakte? Nuk më pëlqen si ide. Është mirë kur ke një personalitet të fortë në ekip. Një lojtar që mund ta vendosë ndeshjen me një lëvizje ose frymëzim. Faleminderit zotit, i kemi. Përsëri, nuk mund të mbështetemi vetëm te një individ, na duhet një grup i fortë. Unë besoj te djemtë tanë, besoj te ekipi. Ata janë të vetëdijshëm për gjithçka dhe e di se do të bëjnë gjithçka për ta bërë kombin të lumtur. Shqiptarët janë të mirë, çfarëdo që mendon dikush për ta. Ata janë një ekip i fortë. Në kuptimin sportiv, askush nuk duhet t’i nënvlerësojë në asnjë kohë. Ata kanë rezultate të mira vitet e fundit, futbollistë të mirë. Një gjë tjetër, përfaqësimi i tyre është shumë i mirë, ta pranojmë”, theksoi më tej ai.
    Ngjarjet e vitit 2014
    Më tej kreu i federatës serbe foli për ngjarjet që ndodhën në stadiumin e Partizanit të Beogradit më 14 tetor 2014. “Ne kemi bërë gjithçka dhe po përpiqemi ta parandalojmë që diçka e tillë të ndodhë përsëri. E marrim shumë seriozisht. Do të ishte një katastrofë nëse do të ndodhte përsëri. Mendoj se do të përjashtoheshim nga futbolli evropian për një periudhë të gjatë kohore. Pikërisht për këtë arsye zgjodhëm Leskovacin dhe zvogëluam kapacitetin e stadiumit. Kjo është një situatë e jashtëzakonshme për ne. E përsëris, duhet të parandalojmë që çdo gjë e shëmtuar të ndodhë gjatë ndeshjes. Shpresoj që të gjithë ata që vijnë në ndeshje të jenë mirëkuptues”, u shpreh Xhajiç për “Kurir”-in serb.

  • Rama paralajmëron sërish qytetarët: Kush ndërton më pa leje, investon vetëm për belanë e vet

    Rama paralajmëron sërish qytetarët: Kush ndërton më pa leje, investon vetëm për belanë e vet

    Kryeministri Edi Rama ka paralajmëruar sërish qytetarët që ndërtojnë pa leje do të ndëshkohen.
    Ndërsa ka postuar në Facebook, pamje nga prishja e një ndërtimi pa leje në Theth, kryeministri Rama shkruan se kush ndërton pa leje do të gjejë belanë.
    Postimi i Ramës:

    Kush ndërton më pa leje, investon vetëm për belanë e vet👊
    *Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian🇦🇱✋🇪🇺

  • Rama paralajmëron sërish qyterarët: Kush ndërton më pa leje, investon vetëm për belanë e vet

    Rama paralajmëron sërish qyterarët: Kush ndërton më pa leje, investon vetëm për belanë e vet

    Kryeministri Edi Rama ka paralajmëruar sërish qytetarët që ndërtojnë pa leje do të ndëshkohen.
    Ndërsa ka postuar në Facebook, pamje nga prishja e një ndërtimi pa leje në Theth, kryeministri Rama shkruan se kush ndërton pa leje do të gjejë belanë.
    Postimi i Ramës:

    Kush ndërton më pa leje, investon vetëm për belanë e vet👊
    *Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian🇦🇱✋🇪🇺

  • Aksioni i dytë i IKMT në Theth, Rama: Kush ndërton pa leje investon për belanë e vet

    Aksioni i dytë i IKMT në Theth, Rama: Kush ndërton pa leje investon për belanë e vet

    Pas aksionit të dytë të IKMT-së në Theth ku vetëm ditën e sotme u shembën 35 objekte pa leje, ka reaguar edhe kryeministri Edi Rama.

    Me një postim në rrjetin e tij në Facebook, Rama ka paralajmëruar se nuk do të tolerohet më asnjë subjekt pa leje ndërtimi.
    “Kush ndërton më pa leje, investon vetëm për belanë e vet. Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian”, ka shkruar kryeministri.
    Ky është aksioni i dytë i zhvilluar në këtë zonë, pas atij të muajit korrik, kur u prishën rreth 70 ndërtime të tjera.
    Thethi, i shpallur park kombëtar dhe një ndër destinacionet kryesore turistike të veriut, është prej kohësh në vëmendjen e autoriteteve për shkak të ndërtimeve pa leje.

    Top Channel

  • “Do kemi përsëri historinë e trenit bullgar…”/ Zgjedhjet, reagon gazetari: Opozita do duket keq përpara perëndimorëve

    “Do kemi përsëri historinë e trenit bullgar…”/ Zgjedhjet, reagon gazetari: Opozita do duket keq përpara perëndimorëve

    Gazetari, Genc Burimi, i ftuar në një emision televiziv tha se PS do i fitojë përsëri zgjedhjet në 6 bashki, dhe sipas tij, Rama do e nxjerrë keq opozitën përpara perëndimorëve. Burimi shtoi se opozita nuk mund të ankimojë zgjedhjet përsëri në Bruksel ,pasi sipas tij, ajo i ka kontestuar ato të mëparshmet.
    Genc Burimi: Kjo opozitë duhet të pranojë zgjedhje të reja, vetëm pasi ka nxjerrë shkaqet çfarë ndodhi dhe të propozojë reformim. Sepse prap do të vijë historia e trenit bullgar. Prap do jetë historia buletore nga Rama, kur nxori 6 mijë punëtorë të Bashkisë.
    Këto gjëra nuk janë rregulluar ende me ligj si mund të hysh në këto zgjedhje. Në Bruksel po të shkosh ti thuash që po të hysh prap në zgjedhje do ketë prap mohim zgjedhjesh. Të gjithë do thonë duhet të rregullojmë kuadrin.
    Duhet t’i themi opozitës jo çfarë ke si kandidatë në zgjedhje, por çfarë ke për propozim në këto zgjedhje. Si mund të hysh ti sot në zgjedhje me ato metoda dhe atë kuadër që ti e kontestove. Dhe këtë po bën Rama, ai prap do i marri këto zgjedhje. Dhe do u thotë perëndimorëve shikoni këta janë humbës të keq, Nuk njohin fitoren.

  • Roli ikonik! Al Pacino zbulon pse fillimisht e refuzoi rolin kryesor në ‘Dog Day Afternoon’

    Roli ikonik! Al Pacino zbulon pse fillimisht e refuzoi rolin kryesor në ‘Dog Day Afternoon’

    Roli kryesor në filmin “Dog Day Afternoon” të Sidney Lumet ishte një nga më ikonikët në karrierën e gjatë të Al Pacino -s. Por aktori fitues i çmimit Oscar zbuloi se fillimisht e kishte refuzuar.
    Në filmin e vitit 1975, Pacino luan rolin e Sonny Warczyk, një të riu i cili, së bashku me Sal (John Cazale), përpiqen të grabisin një bankë në Bruklin për të siguruar para për operacionin e ndryshimit të seksit të partneres së tij transgjinore. Përpjekja shpejt shndërrohet në një situatë pengjesh.
    Martin Bregman, i cili ishte menaxheri dhe producenti i Pacinos i filmit “Serpico” (1973) – një film që i siguroi Pacinos një nominim për çmimin Oscar për Aktorin më të Mirë – i ishte afruar atij në lidhje me filmin “Dog Day Afternoon”.
    “Ai më tha se donte që unë ta bëja, dhe unë e kisha lexuar skenarin dhe mendova se ishte shkruar mirë, por nuk doja ta bëja”, tha aktori 85-vjeçar për Guardian. “Isha në Londër në atë kohë dhe po mendoja se po më mbaronte energjia. Nuk e dija nëse mund ta lexoja përsëri”, tha ai.
    Pacino sapo kishte luajtur rolin e Michael Corleones në filmin “Kumbari II” (duke i dhënë atij nominimin e dytë për Oscar) dhe nuk ishte i sigurt nëse mund ta përballonte përsëri atë lloj intensiteti. “Më dukej se i njëjti intensitet dhe rijetimi i tij ishte shumë i ngjashëm me filmin “Kumbari II”, i cili ishte një përvojë intensive në shumë mënyra – jo aq shumë vetë vepra, por gjithçka që po ndodhte në jetën time personale që po më prekte”, shpjegoi ai.
    Kështu që, fillimisht ai e refuzoi ofertën. “I thashë, në rregull, e kuptoj, është një ofertë e shkëlqyer dhe faleminderit, por nuk mendoj se mund ta bëj. Dua ta lë të shkojë. Edhe një herë, me armë në dorë, duke grabitur një bankë? Nuk dua ta përjetoj përsëri këtë “, kujtoi ai.
    “Mendimi im i parë ishte, pse e refuzova? Ku e kisha mendjen?” rrëfeu ai. Kështu që vendosi ta merrte rolin. Filmi gjithashtu i dha atij mundësinë të luante përsëri përkrah mikut të tij John Cazale – Fredo nga “Kumbari”.
    Edhe pse Pacino e pranoi rolin, ai shpjegoi se kishte vështirësi të futej në personazh: “Për ndonjë arsye, ndjeva sikur nuk e dija se cilin personazh po luaja. Kur pashë atë që kishim filmuar, po mendoja: Çfarë po bëj, ku jam unë, kush jam unë, ku po shkoj? ”
    “Atë natë u ktheva në shtëpi, piva një litër verë të bardhë të cilën zakonisht nuk e pi dhe e kalova gjithë natën duke u përpjekur të gjeja personazhin tek unë, përmes skenarit. Të nesërmen, sigurisht, Lumet më shikonte sikur, ‘Çfarë ndodhi, Al?’ Kasti miqtë e mi thoshin sikur, ‘Mendoj se po shkatërrohet’”, përshkroi ai.
    Por Pacino theksoi se kjo ishte pikërisht ajo që duhej për të luajtur rolin: “Mendoj se u bëra dikush tjetër. U bëra djali në film. Nuk e di deri më sot nëse po e gënjeja veten apo jo. Por e kalova dhe kjo më ndihmoi. Le ta themi kështu: e drejtë apo e gabuar, më ndihmoi. Kisha diçka personale me të cilën po punoja.”