Lajmidites.com

Tag: përpjekjet

  • BE: Mbështesim përpjekjet e Trump, jemi kundër lëshimit të territorit ukrainas

    BE: Mbështesim përpjekjet e Trump, jemi kundër lëshimit të territorit ukrainas

    Presidenti i Ukrainës dhe udhëheqësit evropianë akuzuan sot presidentin rus, Vladimir Putin se po vonon kohën në përpjekjet diplomatike për t’i dhënë fund pushtimit të Ukrainës dhe kundërshtuan çdo lëvizje për të detyruar Kievin të dorëzojë territorin e pushtuar nga forcat ruse në këmbim të paqes, siç ka sugjeruar herë pas here presidenti i SHBA-së Donald Trump.
    Tetë udhëheqës evropianë, si dhe zyrtarë të lartë të Bashkimit Evropian thanë në një deklaratë të përbashkët, se kanë ndërmend të vazhdojnë me planet për të përdorur miliarda dollarë euro të Moskës në asete të ngrira jashtë vendit për të ndihmuar Kievin të fitojë luftën, pavarësisht disa dyshimeve në lidhje me ligjshmërinë dhe pasojat e një hapi të tillë.
    Në deklaratë, ata shprehën mbështetje për përpjekjet e Trump për paqe në Ukrainë, ndërsa ai përgatitet të takohet me Putinin në Budapest, Hungari në javët e ardhshme.

    “Udhëheqësit mbeten të përkushtuar ndaj parimit se kufijtë ndërkombëtarë nuk duhet të ndryshohen me forcë”, thuhet në deklaratë.
    Trump, muajin e kaluar ndryshoi qëndrimin e tij se Ukraina do të duhej të lëshonte territor dhe se ajo mund të fitonte sërish tokat e pushtuara nga Rusia.
    Megjithatë, pas një telefonate me Putini javën e kaluar dhe një takimi pasues me presidentin ukrainas, Volodymyr Zelenskyy të premten, Trump e ndryshoi sërish qëndrimin e tij dhe i bëri thirrje Kievit dhe Moskës të “ndalen aty ku janë” në luftën më shumë se 3-vjeçare.
    Trump tha të hënën se, ndërsa mendon se është e mundur që Ukraina të mundë Rusinë, tani dyshon se kjo mund të ndodhë. Udhëheqësit ukrainas dhe evropianë po përpiqen ta mbajnë Trump në anën e tyre.
    “Ne e mbështesim fuqimisht qëndrimin e presidentit Trump që luftimet duhet të ndalen menjëherë dhe se linja aktuale e kontaktit duhet të jetë pika fillestare e negociatave. Ne të gjithë mund të shohim se Putini vazhdon të zgjedhë dhunën dhe shkatërrimin”, thuhet në deklaratë.
    Dinamika e angazhimit të Trump në konfliktin më të madh të Evropës që nga Lufta e Dytë Botërore ka ndryshuar drejtim ndërsa ai kërkon një marrëveshje paqeje.
    Rusia ka pushtuar rreth një të pestën e Ukrainës, por copëtimi i vendit të tyre në këmbim të paqes është i papranueshëm për zyrtarët e Kievit.

  • Preken 1 në 5 individë! Sot, Dita Botërore e Shëndetit Mendor

    Preken 1 në 5 individë! Sot, Dita Botërore e Shëndetit Mendor

    10 tetori është Dita Botërore e Shëndetit Mendor.

    Objektivi i përgjithshëm i Ditës Botërore të Shëndetit Mendor është të rrisë ndërgjegjësimin në mbarë botën dhe të mobilizojë përpjekjet në mbështetje të shëndetit mendor.

    Fushata e këtij viti fokusohet në nevojën urgjente për të mbështetur shëndetin mendor dhe nevojat psikosociale të njerëzve të prekur nga emergjencat humanitare.

    Krizat si fatkeqësitë natyrore, konfliktet dhe emergjencat e shëndetit publik shkaktojnë shqetësim emocional, për 1 në 5 individë që përjetojnë një gjendje të shëndetit mendor.

    Mbështetja e mirëqenies mendore të individëve gjatë krizave të tilla nuk është vetëm e rëndësishme – ajo shpëton jetë, u jep njerëzve forcën për të përballuar, hapësirën për t’u shëruar dhe për t’u rikuperuar dhe rindërtuar jo vetëm si individë, por si komunitete.

    OKB thotë se, është thelbësore që të gjithë, përfshirë zyrtarët qeveritarë, ofruesit e kujdesit shëndetësor dhe social, stafin e shkollës dhe grupet e komunitetit të mblidhen së bashku.

    Në Ditën Botërore të Shëndetit Mendor, OKB fton të intensifikojmë përpjekjet tona për të krijuar një botë ku shëndeti mendor të jetë i vlerësuar, i mbrojtur dhe i aksesueshëm për të gjithë, veçanërisht përballë vështirësive.

  • Putin: Mbështesim përpjekjet e Trump për armëpushimin në Gaza

    Putin: Mbështesim përpjekjet e Trump për armëpushimin në Gaza

    Presidenti rus Vladimir Putin ka reaguar për marrëveshjen e propozuar për armëpushim në Gaza, duke shpresuar se bisedimet do të çojnë në rezultate pozitive.
    Gjatë fjalës së tij të mbajtur në një samit në Taxhikistan, Putin tha se Rusia dëshiron të shohë marrëveshjen të zbatohet me sukses dhe është e gatshme të mbështesë çdo përpjekje për të ndihmuar në përfundimin e konfliktit.
    “Ne shpresojmë vërtet që këto nisma të presidentit të Shteteve të Bashkuara do të zbatohen në praktikë”, tha presidenti rus.

    Më herët sot, zëdhënësi i Kremlinit, Dmitry Peskov, tha se Moska mbështet fazën e parë të marrëveshjes për Gazën midis Izraelit dhe Hamasit.

  • Erdogan flet me Putin: Përpjekjet diplomatike për paqe midis Rusisë dhe Ukrainës duhet të intensifikohen

    Erdogan flet me Putin: Përpjekjet diplomatike për paqe midis Rusisë dhe Ukrainës duhet të intensifikohen

    Recep Tayyip Erdogan zhvilloi një bisedë telefonike me Presidentin rus Vladimir Putin.
    Gjatë bisedës, Presidenti Erdogan deklaroi se Turqia po bën përpjekje për të arritur një armëpushim në Gaza dhe për të ofruar ndihmë humanitare në rajon.
    Presidenti turk theksoi se përpjekjet diplomatike duhet të intensifikohen për të arritur një paqe të drejtë dhe të qëndrueshme në luftën midis Ukrainës dhe Rusisë dhe se Ankaraja do të vazhdojë të punojë për paqen.

    Gjatë bisedës u diskutuan edhe marrëdhëniet dypalëshe midis Turqisë dhe Rusisë, ndërsa Tayyip Erdogan i uroi presidentit rus ditëlindjen.

  • Vendimi i Hamas për lirimin e pengjeve, reagon Spiropali: Përpjekjet e Trump e kanë afruar Lindjen e Mesme me paqen

    Vendimi i Hamas për lirimin e pengjeve, reagon Spiropali: Përpjekjet e Trump e kanë afruar Lindjen e Mesme me paqen

    Ministrja për Europën dhe Punët e Jashtme, Elisa Spiropali, ka reaguar në “X” në lidhje me zhvillimet më të fundit për vendimin e Hamas në lirimin e të gjithë pengjeve.
    Ajo vlerëson përpjekjet e Presidentit Trump si një hap të rëndësishëm për arritjen e paqes së shumëpritur.
    “Dy vite dëshpërimi pas sulmeve të tmerrshme, lajmi për vendimin e Hamasit për të liruar të gjithë pengjet ndez një flakë të brishtë, por të çmuar, të shpresës.
    Urojmë që kjo të shënojë agimin e një kapitulli të ri, ku izraelitët dhe palestinezët të mos jetojnë më në dhimbje paralele, por në paqe dhe dinjitet të përbashkët.
    Shqipëria e mirëpret këtë hap me zemër të hapur dhe me një besim të palëkundur në pajtim, dhe vlerëson përpjekjet e Presidentit Trump që e kanë afruar Lindjen e Mesme më pranë horizontit të paqes së shumëpritur”, thuhet në reagimin e plotë të ministres Spiropali.

  • Shpresë për Gazën: Hamasi pranon planin e SHBA, Guterres mbështet përpjekjet për paqe

    Shpresë për Gazën: Hamasi pranon planin e SHBA, Guterres mbështet përpjekjet për paqe

    Sekretari i Përgjithshëm i OKB-së, Antonio Guterres, përshëndeti përgjigjen e Hamasit ndaj planit të Trump për Gazën, tha zëdhënësi i tij Stephane Dujarric, duke falënderuar gjithashtu Katarin dhe Egjiptin për ndërmjetësimin e tyre.
    Guterres gjithashtu përsëriti thirrjen e tij “për një armëpushim të menjëhershëm dhe të përhershëm, lirimin e menjëhershëm dhe pa kushte të të gjithë pengjeve dhe akses të pakufizuar humanitar”, shpjegoi Dujarric. “Kombet e Bashkuara do të mbështesin të gjitha përpjekjet për të arritur këto qëllime për të parandaluar vuajtje të mëtejshme”, shtoi ai.

  • Erdogan bisedë telefonike me Trump: Turqia mirëpret përpjekjet për të arritur paqen në rajon

    Erdogan bisedë telefonike me Trump: Turqia mirëpret përpjekjet për të arritur paqen në rajon

    Presidenti turk Recep Tayyip Erdogan dhe Donald Trump kanë zhvilluar një bisedë telefonike.
    Erdogan i tha homologut të tij amerikan se Turqia mirëpret përpjekjet për të arritur paqen në rajon, por se Izraeli duhet të ndalojë sulmet e tij që përpjekjet të jenë të suksesshme.
    Në një deklaratë, presidenca turke tha se të dy kishin diskutuar lidhjet dypalëshe në telefonatën e kërkuar nga pala amerikane, duke shtuar se Erdogan theksoi rëndësinë e ndërmarrjes së hapave për të rritur bashkëpunimin e tyre, përkatësisht në industrinë e mbrojtjes.

    Erdogani tha gjithashtu se takimi i tyre kishte forcuar lidhjet. Të dy udhëheqësit diskutuan gjithashtu situatën në Gaza.
    Bëhet e ditur se Erdogan i tha Trump se Turqia po punonte shumë për të arritur paqen rajonale dhe mirëpriti iniciativat që synojnë këtë qëllim.
    “Erdogan theksoi se Turqia kishte rritur kontaktet e saj diplomatike për paqen, se do të vazhdonte të mbështeste vizionin e Trumpit për paqen globale dhe se ndalimi i sulmeve të tij nga Izraeli është i rëndësishëm për suksesin e iniciativave që synojnë arritjen e paqes në rajon”, tha presidenca.
     

  • Plani i paqes, Erdogan “duartroket” përpjekjet e Trumpit për t’i dhënë fund luftës në Gazë

    Plani i paqes, Erdogan “duartroket” përpjekjet e Trumpit për t’i dhënë fund luftës në Gazë

    Presidenti i Turqisë, Tayyip Erdogan, tha të martën se i çmon “përpjekjet dhe lidershipin” e Donald Trumpit për t’i dhënë fund luftës në Rripin e Gazës, pasi presidenti amerikan e siguroi mbështetjen e kryeministrit të Izraelit, Benjamin Netanyahu, për propozimin amerikan për paqe.

    Pas bisedimeve mes Trumpit dhe Netanyahut në Uashington të hënën, Shtëpia e Bardhë e publikoi një plan me 20 pika për Gazën.
    Plani parashikon armëpushim të menjëhershëm, shkëmbim të pengjeve që mbahen nga Hamasi me të burgosur palestinezë të mbajtur nga Izraeli, tërheqjen e Izraelit nga Gaza në faza, çarmatimin e Hamasit dhe krijimin e një qeverie tranzitore të udhëhequr nga një trup ndërkombëtar.
    Nuk është e qartë nëse Hamasi – grupi palestinez i shpallur organizatë terroriste nga Shtetet e Bashkuara dhe Bashkimi evropian – do ta pranojë këtë marrëveshje.
    “Unë përshëndes përpjekjet dhe lidershipin e presidentit amerikan Donald Trump, të cilat synojnë ndaljen e gjakderdhjes në Gazë dhe arritjen e një armëpushimi”, tha Erdogan, i cili javën e kaluar u takua me Trumpin në Shtëpinë e Bardhë për herë të parë pas gjashtë vjetësh.
    Turqia do të vazhdojë të kontribuojë në këtë proces “me synimin për të vendosur paqe të drejtë, të qëndrueshme dhe të pranueshme për të gjitha palët”, shkroi Erdogan në X.
    Turqia ka qenë një nga kritikët më të zëshëm të luftës dyvjeçare të Izraelit në Gazë, të cilën e quan “gjenocid”.
    Ajo ka pezulluar të gjithë tregtinë me Izraelin, ka kërkuar veprime ndërkombëtare kundër Netanyahut dhe Qeverisë së tij, dhe ka bërë thirrje të përsëritura për një zgjidhje me dy shtete.
    Gjatë pothuajse dy vjetëve luftë në Gazë, ofensiva izraelite ka vrarë mbi 65.000 palestinezë, sipas autoriteteve shëndetësore në Gazë, ka shkaktuar uri ekstreme, ka shkatërruar pjesën më të madhe të ndërtesave dhe ka zhvendosur pjesën më të madhe të popullsisë, në shumë raste disa herë.
    Lufta nisi pas sulmit të udhëhequr nga Hamasi në jug të Izraelit, ku militantët vranë rreth 1.200 njerëz dhe rrëmbyen 251 të tjerë, sipas zyrtarëve izraelitë./REL

    Top Channel

  • Hamasi i përgjigjet Trumpit: Ne kurrë nuk kemi qenë pengesë për paqen

    Hamasi i përgjigjet Trumpit: Ne kurrë nuk kemi qenë pengesë për paqen

    Hamasi hodhi poshtë sot akuzën e Presidentit të SHBA-së, Donald Trump, se grupi islamist palestinez po pengon përpjekjet për të arritur një armëpushim në Gaza.

    “Hamasi nuk ka qenë kurrë pengesë për arritjen e një marrëveshjeje armëpushimi në Rripin e Gazës. Administrata amerikane, ndërmjetësit dhe e gjithë bota e dinë se krimineli i luftës (kryeministri izraelit) Netanyahu është i vetmi që pengon të gjitha përpjekjet për të arritur një marrëveshje”, tha organizata në një njoftim për shtyp.
    Më herët sot, gjatë fjalimit të tij para Asamblesë së Përgjithshme të Kombeve të Bashkuara, presidenti amerikan deklaroi se Hamasi refuzon të lirojë pengjet e mbajtura në Gaza dhe të pranojë një armëpushim.

    Top Channel

  • Mesazhi për Ramën/ Misioni i BE: Po ndjekim nga afër përpjekjet për ndërhyrje të papërshtatshme politike që cenojnë drejtësinë

    Mesazhi për Ramën/ Misioni i BE: Po ndjekim nga afër përpjekjet për ndërhyrje të papërshtatshme politike që cenojnë drejtësinë

    Në një reagim të bërë publik gjatë ditës së sotme misioni i BE ka thënë se “mbështetja për një sistem drejtësie të pavarur, të përgjegjshëm dhe efektiv mbetet në qendër të misionit”.

    Në prononcimin e tyre Misioni i BE nuk ka lenë jashtë vëmendjes edhe Kërcënimet e vazhdueshme që Edi Rama i ka bërë anëtarëve të sistemit të drejtësisë.

    “Ndërkohë BE-ja ndjek nga afër zhvillimet në këtë fushë, përfshirë përpjekjet për ndërhyrje të papërshtatshme politike që cenojnë pavarësinë e gjyqësorit dhe që gjithashtu mund të gërryejnë besimin e publikut tek sistemi i drejtësisë”, thuet ne reagimin e misionit të BE.

    Reagimi

    Mbështetja për një sistem drejtësie të pavarur, të përgjegjshëm dhe efektiv mbetet në qendër të misionit të Delegacionit të BE-së në Shqipëri dhe një kusht kyç për përparimin në negociatat e anëtarësimit në BE.

    BE-ja ndjek nga afër zhvillimet në këtë fushë, përfshirë përpjekjet për ndërhyrje të papërshtatshme politike që cenojnë pavarësinë e gjyqësorit dhe që gjithashtu mund të gërryejnë besimin e publikut tek sistemi i drejtësisë. Në këtë kontekst, Raporti mbi Sundimin e Ligjit dhe Raporti Vjetor për Shqipërinë ofrojnë vlerësime mbi situatën në vend.