Lajmidites.com

Tag: përpjekje

  • Presidenti turk Erdogan uron Papën e ri Leo XIV, shpreson për përpjekje të përbashkëta për t’i dhënë fund krizave humanitare

    Presidenti turk Erdogan uron Papën e ri Leo XIV, shpreson për përpjekje të përbashkëta për t’i dhënë fund krizave humanitare

    Në një letër urimi për Papën e ri Leo XIV të premten, Presidenti i Turqisë, Recep Tayyip Erdogan, shprehu shpresën për përpjekje të përbashkëta për t’i dhënë fund tragjedive humanitare, veçanërisht në Gaza.

    Sipas një deklarate në llogarinë X të Presidencës, Erdogan tha: “Me rastin e zgjedhjes suaj si Papë, ju shpreh urimet e mia të përzemërta në emër të kombit tim dhe timin.”

    Erdogan deklaroi se i ndjeri Papa Françesku, një burrë shteti i shquar, fitoi admirimin e të gjithë botës përmes përpjekjeve të tij të mëdha për të vendosur paqen dhe tolerance, gjatë një kohe konfliktesh të intensifikuara rajonale dhe ndërkombëtare.

    “Jam plotësisht i bindur se do ta vazhdojmë dialogun e sinqertë dhe konstruktiv që kemi vendosur me Papa Françeskun edhe me ju. Besimi im i sinqertë është se avancimi i mëtejshëm i marrëdhënieve midis Turqisë dhe Vatikanit do të japë një kontribut të rëndësishëm në forcimin e tolerancës në arenën ndërkombëtare dhe në dhënien fund të tragjedive humanitare, veçanërisht në Gaza.”/ AA.

  • Polonia akuzon Rusinë për përpjekje për ndërhyrje në zgjedhjet presidenciale

    Polonia akuzon Rusinë për përpjekje për ndërhyrje në zgjedhjet presidenciale

    Polonia po përballet me një përpjekje të paprecedentë nga Rusia për të ndërhyrë në zgjedhjet presidenciale që do të mbahen më 18 maj, ka deklaruar ministri polak për çështje digjitale të martën, ndërsa fushata elektorale ka hyrë në fazën e saj përfundimtare.
    Sipas autoriteteve polake, roli i Polonisë si një qendër logjistike kyçe për ndihmën ndaj Ukrainës e ka bërë vendin një objektiv të drejtpërdrejtë për aktivitete sabotuese nga Rusia, përfshirë sulme kibernetike dhe fushata dezinformuese të mirë organizuara.
    Varshava ka qenë në gjendje të shtuar gatishmërie kundër këtyre kërcënimeve, duke ndjekur me shqetësim edhe rastin e Rumanisë, e cila anuloi zgjedhjet presidenciale në dhjetor pas akuzave serioze për ndërhyrje nga ana e Rusisë.

    Ndërhyrja që po përjetojmë nuk ka ndodhur më parë. Po bëhen përpjekje sistematike për të ndikuar te zgjedhësit dhe për të destabilizuar procesin demokratik,” deklaroi ministri polak për digjitalizimin.
    Zyrtarët polakë po bashkëpunojnë me aleatët perëndimorë dhe me agjencitë e sigurisë për të garantuar integritetin e zgjedhjeve dhe për të parandaluar ndërhyrjet e jashtme që mund të cenojnë vullnetin e lirë të qytetarëve.

  • 7 ditë nga 11 Maji, zbulohet ultimatumi i Berishës për strukturat: Bëni çdo përpjekje për votën e…

    7 ditë nga 11 Maji, zbulohet ultimatumi i Berishës për strukturat: Bëni çdo përpjekje për votën e…

    Teksa na ndajnë vetëm 7 ditë nga zgjedhjet parlamentare të 11 majit, kryetari i Partisë Demokratike iu ka dërguar një mesazh urgjent strukturave të partisë.
    Berisha kërkon nga drejtuesit politik të Qarqeve, kryetarët e degëve, kandidatët për deputet dhe të gjithë anëtarët që të kontaktojnë me qytetarët në emigracion që nuk ja kanë dalë të regjistrohen për të votuar dhe t’i ftojnë ata që të dielën e ardhshme të japin kontributin e tyre për të ardhmen e Shqipërisë.
    “Jemi në javën vendimtare, bëni çdo përpjekje të mundshme që çdo qytetar në emigracion, veçanërisht në vendet përreth që njohim dhe nuk është regjistruar, të kontaktohet dhe t’i kërkohet të vijë në një mision të veçantë e historik, për votim kundër narkodiktaturës! Shqipëria madhështore! Fitore!”, shkruhet mes të tjerash në mesazhin e Sali Berishës.

  • Kujdes nga këto email që po qarkullojnë me shpejtësi/ RTSH ngre alarmin: Synon të dhënat tuaja personale

    Kujdes nga këto email që po qarkullojnë me shpejtësi/ RTSH ngre alarmin: Synon të dhënat tuaja personale

    Radio Televizioni Shqiptar ka dalë sot me një deklaratë ku shprehet se po qarkullon online një seri emailesh të rreme, duke u hequr si RTSH.
    Sipas njoftimit këto emaile të flasifikuara kanë si qëllim vjedhjen e të dhënave personale. Gjithashtu thuhet se përmbajnë përpjekje për mashtrim dhe përfitim të paligjshëm, duke synuar aksesin në llogaritë personale nëpër platformat sociale, si Instagram dhe Facebook

     

     

    RTSH bën thirrje qytetarëve që të jenë të kujdesshëm dhe të ndjekin hapat e rreshtuar në njoftimin e mëposhtëm për të mbrojtur veten e tyre.
    NJOFTIMI I RTSH: 
    Radio Televizioni Shqiptar (RTSH) dëshiron të informojë publikun që sot po qarkullojnë online një seri email-esh të falsifikuara nën emrin e RTSH apo të subjekteve të autorizuara nga ne, të cilat kanë si qëllim vjedhjen e të dhënave personale. Këto email-e përmbajnë përpjekje për mashtrim dhe përfitim të paligjshëm, duke synuar aksesin në llogaritë personale nëpër platformat sociale, si Instagram dhe Facebook.

    mesazhi i rreme

    RTSH thekson se nuk ka autorizuar askënd dhe nuk ka asnjë lidhje me këto komunikime, dhe distancohet plotësisht nga çdo përpjekje për manipulim dhe mashtrim nën emrin e institucionit. U bëjmë thirrje qytetarëve që të jenë të kujdesshëm dhe të ndjekin këta hapa për të mbrojtur veten e tyre:
    Verifikoni burimin e email-eve – RTSH nuk dërgon asnjë mesazh të tillë që kërkon informacione sensitive për llogaritë personale.
    Mos klikoni mbi asnjë link të dyshimtë – Mesazhet e falsifikuara mund të përmbajnë lidhje që synojnë të vjedhin të dhënat tuaja.
    Raportoni çdo email mashtrues – Çdo email i dyshimtë mund të raportohet tek autoritetet e sigurisë kibernetike për të parandaluar përhapjen e tij më tej.
    RTSH mbetet i përkushtuar për të garantuar transparencë dhe siguri për publikun shqiptar. Për çdo informacion të mëtejshëm dhe përditësime zyrtare, ju ftojmë të vizitoni faqen tonë zyrtare dhe kanalet tona të komunikimit.
    Faleminderit për besimin tuaj!

  • “Çdo përpjekje për të lehtësuar rrugën e kësaj familjeje”, Benet Beci pret në zyrë nënën dhe 3 jetimët e saj…

    “Çdo përpjekje për të lehtësuar rrugën e kësaj familjeje”, Benet Beci pret në zyrë nënën dhe 3 jetimët e saj…

    Shkruan në Facebook kryetari i Bashkisë Shkodër, Benet Beci: Sot prita në zyrën time znj. Alijahaj së bashku me fëmijët e saj, një nënë e vetme nga fshati Trush në Bërdicë që po përballet me sfida të mëdha pas ndarjes së parakohshme nga jeta të bashkëshortit.
    Është shumë i lavdërueshëm solidariteti i treguar nga komuniteti dhe këshilli i xhamisë në Bërdicë për të ndihmuar me mjete financiare dhe punë e materiale falas për ndërtimin e një shtëpie të re.
    Nje histori prekëse që na kujton se krahas respektimit të ligjit, ka gjithmonë vend për ndjeshmëri njerëzore e solidaritet. Në emrin tim personal dhe në emër të Bashkisë Shkodër, kam dhënë mbështetje të plotë se do të bëjmë çdo përpjekje për të lehtësuar rrugën e kësaj familjeje, duke siguruar mbështetjen maksimale proceduriale dhe institucionale.
    Shkodra është vendi jonë i përbashkët dhe askush nuk duhet të ndjehet i vetëm kur përballet me vështirësi.

    Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
    Ju mirëpresim!

  • Shpallja e armëpushimit 3 ditor nga Rusia, Zelensky: Përpjekje e re për manipulim!

    Shpallja e armëpushimit 3 ditor nga Rusia, Zelensky: Përpjekje e re për manipulim!

    Pas shpalljes tre ditore të armëpushimit nga Rusia, vjen reagimi i presidentit Ukrainas. Siç raportojnë mediat, Zelensky ka bërë thirrje për një armëpushim të menjëhershëm njëmujor pasi Vladimir Putin njoftoi në mënyrë të njëanshme një armëpushim tre-ditor për muajin e ardhshëm gjatë përvjetorit të Luftës së Dytë Botërore. Presidenti Zelensky e ka konsideruar përpjekjen 3-ditore për armëpushim si një përpjekje e re për manipulim.
    “Tani ka një përpjekje të re për manipulim. Për ndonjë arsye, të gjithë duhet të presin 8 majin dhe vetëm atëherë të kenë një armëpushim për të siguruar qetësi për Putinin gjatë paradës. Ne i vlerësojmë jetët e njerëzve dhe jo paradat. Ne themi se bota beson se nuk ka arsye për të pritur 8 majin. Dhe armëpushimi nuk duhet të jetë vetëm për disa ditë për të rifilluar vrasjet më pas”, u shpreh Zelensky.
    Zyrtarët ukrainas theksuan gjithashtu se Rusia njoftoi një armëpushim të ngjashëm gjatë periudhës së Pashkëve vetëm për ta shkelur atë. Presidenti rus sugjeroi armëpushimin në maj për të shënuar 80-vjetorin e fitores së Bashkimit Sovjetik në Luftën e Dytë Botërore dhe tha se Kievi duhet të ndjekë shembullin e Moskës.

  • De Bruyne: Manchester City nuk bëri asnjë përpjekje për të më mbajtur, mendoj se kam ende për të dhënë

    De Bruyne: Manchester City nuk bëri asnjë përpjekje për të më mbajtur, mendoj se kam ende për të dhënë

    Mesfushori belg i Manchester City, Kevin De Bruyne, njoftoi në fillim të prillit se do të largohet nga klubi me të cilin ka fituar titull pas tituli: 16 trofe në total që nga momenti që u transferua nga Wolfsburg, në vitin 2015.
    Një vendim që erdhi pak muaj para përfundimit të kontratës së tij me “citizens”, në fund të qershorit. Siç raportohet nga BBC, belgu shprehu habinë e tij që nuk kishte marrë asnjë përpjekje nga klubi për ta bërë atë të ndryshojë mendje.
    “Unë nuk kam marrë asnjë ofertë gjatë gjithë vitit. Ata thjesht morën një vendim që unë të largohesha vetë. Natyrisht që u befasova pak, por duhet ta pranoj këtë dëshirë që kishte klubi”, tha De Bruyne.
    Më tej, belgu deklaroi: “Sinqerisht, unë ende mendoj se mund të jap maksimumin në këtë nivel, siç dhe po demonstroj aktualisht. Gjithsesi, nga ana tjetër, e kuptoj që klubet duhet të marrin vendime”.
    “Ndjehem sikur kam ende shumë për të dhënë. Natyrisht e di që nuk jam më 25 vjeç, por ende ndjej se mund ta bëj punën time. Jam i hapur për gjithçka”, u shpreh Kevin De Bruyne, që fitoi gjithcka me Manchester City.
    “Më duhet të shikoj situatën në një këndvështrim më të gjerë. Shikoj sportin, familjen, gjithçka së bashku, çfarë ka më shumë kuptim për mua dhe familjen time”, shtoi De Bruyne.
    Në fund, mesfushori belg shtoi: “Më pëlqen të luaj futboll. Më pëlqen të konkurroj. Kjo është ajo që ndiej, kështu që nuk mund të them se dua të ndalem sepse ende ndjej se sa herë që stërvitem dua të mposht djemtë”.

  • Një muaj në qeli, Imamoglu del para gjykatës

    Një muaj në qeli, Imamoglu del para gjykatës

    Ekrem Imamoglu, kryetar i Bashkisë së Stambollit dhe rivali më i madh politik i Presidentit Recep Tayyip Erdogan, ka bërë paraqitjen e tij të parë në gjykatë që nga arrestimi muajin e kaluar.

    Ai është akuzuar për korrupsion dhe terrorizëm, por u shfaq në një gjykatë speciale në burgun Silivri, ku po akuzohet gjithashtu për përpjekje për të intimiduar prokurorin kryesor të Stambollit.

    Arrestimi i Imamoglu ka shkaktuar protesta të mëdha kundër Erdoganit dhe është konsideruar një veprim politikisht të motivuar. Opozita e ka quajtur arrestimin një “përpjekje grushti shteti” dhe ka kërkuar lirimin e tij. Asambleja parlamentare e Këshillit të Evropës ka bërë thirrje për heqjen e akuzave dhe lirimin e Imamoglu. Ndërkohë, qeveria turke ka mohuar çdo ndërhyrje politike, duke insistuar se gjyqësori është i pavarur.

  • Dënimi i Le Pen, Vance: Përpjekje për ta nxjerrë nga fleta e votimit

    Dënimi i Le Pen, Vance: Përpjekje për ta nxjerrë nga fleta e votimit

    Zëvendëspresidenti i SHBA-së, JD Vance, ka kritikuar dënimin e lideres franceze të ekstremit të djathtë, Marine Le Pen, duke thënë se ajo u dënua për një “vepër shumë të vogël” dhe se ndalimi i saj nga kandidimi për postin nuk ishte një veprim demokratik.

    Vance e cilësoi këtë si një përpjekje për ta “hedhur në burg dhe për ta nxjerrë nga fleta e votimit,” duke theksuar se kjo nuk ishte demokraci.

    Ai shtoi se Le Pen ishte udhëheqëse në disa sondazhe për zgjedhjet presidenciale të Francës në 2027 dhe se dënimi ndaj saj ishte për një akuzë të vogël që lidhej me stafin e saj, madje jo me vetë Le Pen.

    Ish-presidenti i SHBA-së, Donald Trump, gjithashtu shprehu mbështetje për Le Pen, duke e vlerësuar për punën e saj të palodhur gjatë viteve dhe duke postuar në platformën e tij “Truth Social”: “Kjo është e gjitha kaq e keqe për Francën dhe popullin e madh francez, pavarësisht se në cilën anë janë”.

    Trump gjithashtu kishte krahasuar dënimin e Le Pen me betejat e tij ligjore, duke theksuar se kjo çështje ishte e ngjashme me ato që ai vetë kishte përjetuar.

  • ‘Kërkojnë të sabotojnë ekonominë e vendit’/ Qeveria e Erdoganit denoncon thirrjet e opozitës

    ‘Kërkojnë të sabotojnë ekonominë e vendit’/ Qeveria e Erdoganit denoncon thirrjet e opozitës

    Qeveria e Erdoganit ka denoncuar thirrjet e opozitës për bojkot të tregtisë masive në shenjë proteste ndaj arrestimit të kryebashkiakut Ekrem Imamoglus.

    Partia Republikane Popullore bëri thirrje për një bojkot të mallrave dhe kompanive që mbajnë lidhje me qeverinë e Erdoganit.

    Ministri i Tregtisë së Turqisë, Omer Bolat, theksoi se thirrja e bojkotit është një kërcënim për stabilitetin ekonomik dhe akuzoi organizatorët për përpjekje për të rrëzuar qeverinë, duke sabotuar ekonominë e vendit.  

    “Kjo është një përpjekje për të sabotuar ekonominë dhe përfshin tregti të padrejtë dhe konkurrencë të padrejtë. Ne e shohim atë si një përpjekje të kotë nga qarqet që e konsiderojnë veten ‘zotër’ të këtij vendi.” tha Bolat. Syri.net-Protothema