Lajmidites.com

Tag: përjashtimin

  • Deklarata për Gonzaton, PS kërkon përjashtimin e Berishën për 30 ditë: Nuk kam fyer asnjë ambasador

    Deklarata për Gonzaton, PS kërkon përjashtimin e Berishën për 30 ditë: Nuk kam fyer asnjë ambasador

    Sali Berisha

    TIRANË-“Bazuar në nenin 10, ndalimi i ngacmimit seksual, deputetit i ndalohet çdo sjellje me natyrë seksuale që prek dinjitetin e cilit do, bazuar në nenin 65 fraksion 1, masa disiplinore përjashtim nga pjesëmarrja nga komisione dhe seanca plenare. Zoti kryetar ju informoj që i jemi drejtuar komisionit të etikës për të kërkuar përjashtimin për 30 ditë të deputetit Sali Berisha”, tha Taulant Balla.
    “T’i përgjigjesh një shpifësi të denatyruar moralisht dhe në integritetin e tij njerëzor, nuk ia vlen të humbasësh kohë.Por ajo që dua të them edhe njëherë, nuk kam bërë asnjë fyerje ndaj asnjë ambasadori, por kam shprehur mendimet e mia këtu, siç do t’i shpreh haptas në çdo rast. Kam kërkuar nga ky parlament, dhe jashtë këtij parlamenti, nga ambasadori Gonzato, të na tregojë se cilën direktivë, se ai ka mbështetur këtë ligj dhe zonja Marta Kos deklaron se ai ka mbajtur qëndrimin e BE. Plotësisht dakord. Por përsëri, cila direktivë e BE- BE funksionon me direktiva- cila direktivë e BE përdor terminologjinë e përkatësisë së shumëfishtë gjinore. Ta shoh, ta di, sepse ekspertë të shquar që unë njoh, më kanë konfirmuar se asnjëra nga direktivat e BE nuk kanë këtë terminologji, por janë që të gjitha në binaritet,flasin për burrin dhe gruan. Kjo është e tëra. Çdo lloj interpretimi sui generis është problemi i atij që e bën. Por unë përsëri dhe përsëri deklaroj këtu se jam kundër çdo forme diskriminimi dhe pabarazie, por jam në mënyrë kategorike kundër çdo përpjekje për të riformatuar antropologjinë njerëzore, binaritetin e gjinisë, Kushtetutën e Shqipërisë, kodet e vendit, të cilat sanksionojnë këtë binaritet si themel juridik të rendit kushtetues të Shqipërisë,”-u shpreh Berisha në Kuvend.

  • Deklarata që solli reagimin e ndërkombëtarëve/ Balla kërkon përjashtimin e Berishës nga Kuvendi

    Deklarata që solli reagimin e ndërkombëtarëve/ Balla kërkon përjashtimin e Berishës nga Kuvendi

    Kreu i Grupit Parlamentar të PD-së, Taulant Balla, ka kërkuar përjashtimin e kreut të PD-së, Sali Berisha, pas deklaratave diskriminuese të këtij të fundit ndaj ambasadorit Silvio Gonzato

    “I kërkon PD të distancohet nga kjo deklaratë e turpshme, Këtë incident të rëndë diplomatik të sulmit kundër një ambasadori, bazuar në kodin etikës së Kuvendit, gjuha që nxit urrejtjen… deputetit i ndalohet çdo sjellje me natyrë seksuale. Bazuar në nenin, masa disiplinore, zoti kryetar i Kuvendit ju njoftoj që i jemi drejtuar komisionit të etikës për të marrë masa”, tha Balla.
    “Ti përgjigjesh një shpifësi, nuk ia vlen të humbasësh kohë. Nuk kam bërë asnjë fyerje ndaj asnjë ambasadori por kam shprehur mendimet e mia. Ai ka mbështetur këtë ligj dhe Marta Kos tregon që ka ai ka mbajtur qëndrimin e BE. Cila direktivë e BE përdor terminologjinë e shumëfishtë gjinore, asnjëra nga direktivat e BE nuk ka këtë terminologji, por janë të gjitha në binaritet, flasin për burrin dhe gruan. Unë përsëri deklaroi këtu se jam kundër çdo forme diskriminimi dhe pabarazie dhe jam kundër përpjekjeve për të ri formatuar antropologjinë gjinore”, tha Berisha.

  • “Janë nja dy që lehin këtu…”, krahasoi kolegët me qentë, Taulant Balla kërkon ndjesë, PD kërkon përjashtimin e tij

    “Janë nja dy që lehin këtu…”, krahasoi kolegët me qentë, Taulant Balla kërkon ndjesë, PD kërkon përjashtimin e tij

    belind kellici dhe taulant balla

    TIRANË- “Zoti kryetar, janë nja dy që lehin këtu…”, ishin këto fjalët që Taulant Balla i drejtoi kolegëve të opozitës në sallën e Kuvendit, që shkaktuan më pas dhe zemërimin e ligjvënësve demokratë, të cilët kërkuan përjashtimin e tij nga seanca.
    Deputeti demokrat, Belind Këlliçi, kërkoi përjashtimin nga seanca të kreut të grupit të PS-së, Taulant Balla, pasi sipas tij ka fyer vazhdimisht kolegët e opozitës.
    “Kërcënoi Balliun duke i thënë ‘ta tregoj unë ty’ dhe na tha ‘nuk jam si raca e këtyre’! Kërkoj përjashtimin nga seanca të deputetit Taulant Balla për fyerje ndaj deputetëve të opozitës, dhe ndërprerje 10 minuta të seancës për shqyrtimin e pamjeve filmike, a i ka thënë apo jo”, tha Këlliçi.
    “Kjo nuk mund të vazhdojë më!”, përfundoi deputeti, ndërkohë që Balla kërkoi ndjesë për fjalorin, por tha se duhet t’i jepet fund interferimeve nga përfaqësuesit e opozitës. 

    “Zoti kryetar i Kuvendit, kësaj zhurme iu referova…. Sa i përket reagimit, gjatë kohës që secili prej nesh flet, vjen një zhurmë që nuk e di si tia vëj emrin. Por gjithsesi nëse dikush ndihet i fyer kërkoj ndjesë. Por do të kërkoja mirëkuptimin tuaj, që të kemi një dakordësi, që kur flisni ju të mos ketë zhurmë, dhe kur flasim ne të mos ketë asnjë zhurmë. Nëse doni që të mos ketë zhurmë, hiqeni atë zotërinë që e paguani vetëm për atë lloj pune (I referohet Klevis Balliut)”, tha Balla gjatë fjalës së tij./ZËRI 

  • Quajti Peleshin “të paaftë”, Komisioni i Etikës vendos sot nëse do ta përjashtojë Bardhin për 30 ditë

    Quajti Peleshin “të paaftë”, Komisioni i Etikës vendos sot nëse do ta përjashtojë Bardhin për 30 ditë

    Këtë të hënë, më 20 tetor, Komisioni për Etikën në Kuvend do të shqyrtojë kërkesën e deputetëve të Partisë Socialiste, për përjashtimin me 30 ditë nga seancat plenare të deputetit demokrat Gazment Bardhit.
    Siç raporton gazetari Enkel Xhangolli në një lidhje të drejtpërdrejtë në Klan News, shqyrtimi i kërkesës së 14 deputetëve të grupit parlamentar të PS-së për  “Marrje mase disiplinore”, pritet të bëhet në mbledhjen e sotme.
    Komisioni i Etikës, do të vendosë nëse do pranohet kërkesa për përjashtimin me 30 ditë, apo do të vendoset një masë disiplinore më e lehtë për Bardhit.
    Kujtojmë se e gjitha nisi pas seancës parlamentare të së enjtes, ku pati përplasje mes Gazment Bardhit dhe kryetarit të Kuvendit Niko Peleshi, ndërkohë që po raportonte komisioneri për Diskriminimin.
    Bardhi kërkonte që çdo deputet të merrte të drejtën e fjalës dhe t’i bënte pyetje Komisionerit, ndërsa Peleshi shprehej se mjaftonte që secili të dërgonte pyetjet me shkrim. Deputeti demokrat e ka konsideruar këtë njëanshmëri, dhe e ka konsideruar Peleshin “të paaftë”. Pas fjalëve të Bardhit, Peleshi ai mori një masë disiplinore, duke i ndaluar atij fillimisht fjalën dhe më pas duke qenë se vijuan debatet, ai mori vendimin për ta përjashtuar nga seanca e ditës.
    Pas këtij debati, 14 deputetë firmosën për të kërkuar përjashtimin e Bardhit me 30 ditë. Kjo pasi sipas tyre, demokrati kishte thyer në mënyrë të përsëritur rregulloren e Kuvendit, duke ofenduar kryeparlamentarin dhe duke krijuar kaos në sallë me ndërhyrjet dhe tonet e larta.

  • Përplasjet në Kuvend, socialistët kërkojnë përjashtimin e Bardhit për 30 ditë: Ofendoi Peleshin

    Përplasjet në Kuvend, socialistët kërkojnë përjashtimin e Bardhit për 30 ditë: Ofendoi Peleshin

    Përjashtim 30 ditë nga punimet e Kuvendit, kanë kërkuar 14 deputetë socialistë, për kreun e grupit të PD-së Gazmend Bardhin, përmes një shkrese zyrtare kryetarit të Kuvendit, Niko Peleshi.
    Deputetët argumentojnë kërkesën e tyre, duke u shprehur se Bardhi ka thyer në mënyrë të përsëritur rregulloren e Kuvendit, duke ofenduar kryeparlamentarin dhe duke krijuar kaos në sallë me ndërhyrjet dhe tonet e larta.
    “Në seancën e datës 16 tetor 2025, ku konkretisht po raportonte Komisioneri për Mbrojtjen nga Diskriminimi, deputeti Gazment Bardhi, ndërhyri në mënyrë të përsëritur me tone agresive, duke ndërprerë folësin, duke përdorur fjalë shumë të rënda fyese ndaj Kryetarit të Kuvendit, veprime që përbëjnë shkelje të rëndë të rregullores dhe etikës parlamentare”, thuhet në shkresën ku kërkohet edhe mbledhja e Sekretariatit të Etikës për përjashtimin e tij.
    Në seancë e së enjtes, PS e PD debatuan ashpër mbi çështjen e gjenocidit në Kosovë, por edhe protestën që u mbajt në sheshin “Skënderbej” në mbështetje të ish-krerëve të UÇK-së.
     
     
    Bardhi u përjashtua nga seanca plenare pasi ndërpreu disa herë Komisionerin për Mbrojtjen nga Diskriminimi, Robert Gajda, i cili po raportonte si çdo vit në Kuvend.
    “Përjashtoheni nga seanca, largohuni, lini sallën!”, i tha kryetari i Kuvendit Niko Peleshi.
    Kreu i grupit parlamentar të Partisë Socialiste Taulant Balla, e paralajmëroi që atë ditë se do të kërkonte përjashtimin e Bardhit me 10 ditë. Pavarësisht tensioneve, deputeti demokrat refuzoi të largohej nga salla

  • PS kërkon përjashtimin e Bardhit/ “30 ditë jashtë Kuvendit”, të hënën mblidhet etika

    PS kërkon përjashtimin e Bardhit/ “30 ditë jashtë Kuvendit”, të hënën mblidhet etika

    Grupi parlamentar i Partisë Socialiste kërkon përjashtimin me 30 ditë të deputetit demokrat Gazment Bardhi nga Kuvendi.
    Në shkresën drejtuar kryetarit të Kuvendit, socialistët argumentojnë se Bardhi ishte shkaktar i kaosit në seancën publike ditën e enjte gjatë raportit të Komisionerit për Mbrojtjen nga Diskriminimi.
    “Gazment Bardhi ndërhyri në mënyrë të përsëritur me tone agresive, duke ndërprerë folësin, duke përdorur fjalë shumë të rënda fyese ndaj Kryetarit të Kuvendit, veprime këto që përbëjnë shkelje të rëndë të Rregullores së Kuvendit dhe të etikës parlamentare”
    Sipas shkresës, Bardhi është paralajmëruar disa herë, në fillim me vërejtje, më pas me heqjen e fjalës, në fund përjashtim nga seanca, por ai refuzoi të largohej nga salla duke çuar parlamentin në anormalitet.
    Kështu, Bardhi bëhet deputeti më i padisiplinuar i Kuvendit, pasi në 2 muaj, kërkohet për herë të dytë përjashtimi i tij.
    Të hënën, është thirrur Komisioni i Etikës për të shqyrtuar përjashtimin e Bardhit me 30 ditë nga Kuvendi.

  • “Ofendoi kreun e Kuvendit”/ PS kërkoi përjashtimin e Bardhit me 30 ditë, Komisioni i Etikës mblidhet të hënën

    “Ofendoi kreun e Kuvendit”/ PS kërkoi përjashtimin e Bardhit me 30 ditë, Komisioni i Etikës mblidhet të hënën

    bardhi-peleshi në seancën e 16 tetorit

    TIRANË- Komisioni i Etikës do të mblidhet të hënën në orën 09:30, për të shqyrtuar kërkesën e socialistëve, të cilën kërkojnë përjashtimin për 1 muaj nga Kuvendi të kreut të Grupit Parlamentar të PD-së, Gazment Bardhi.

    Grupi Parlamentar i Partisë Socialiste bëri kërkesë drejtuar për përjashtimin e Bardhit, me pretendimin se demokrati ka thyer në mënyrë të përsëritur Rregulloren e Kuvendit. Në kërkesën e firmosur nga 14 deputetë socialistë, theksohet se Bardhi ndërhyri me tone agresive dhe ofendoi kryeparlamentarin Niko Peleshi.
    “Në seancën e datës 16 tetor 2025, gjatë zhvillimit të diskutimeve mbi çështjet e rendit të dites, ku konkretisht po raportonte Komisioneri për Mbrojtjen nga Diskriminimi, deputeti Gazment Bardhi, ndërhyri në mënyrë të përsëritur me tone agresive, duke ndërprerë folësin, duke përdorur fjalë shumë të rënda fyese ndaj Kryetarit të Kuvendit, veprime që përbëjnë shkelje të rëndë të rregullores dhe etikës parlamentare”, thuhet në shkresën e socialistëve ku kërkohet mbledhja e Sekretariatit të Etikës. 

    Debatet dhe incidentet nuk munguan në seancën e së enjtes, ndërsa Gazment Bardhi u përfshi në një moment të tensionuar me kreun e Kuvendit, pasi ky i fundit nuk i dha fjalën. Pas disa paralajmërimve, Peleshi e përjashtoi Bardhin nga seanca, e cila u ndërpre për 5 minuta./ZËRI

  • “UEFA ta pezullojë Izraelin”; Pogba dhe 49 sportistë të tjerë i bëjnë apel publik Ceferinit

    “UEFA ta pezullojë Izraelin”; Pogba dhe 49 sportistë të tjerë i bëjnë apel publik Ceferinit

    50 sportistë, mes tyre futbollistë, trajnerë, boksierë e lojtarë kriketi, kanë nënshkruar një letër, duke kërkuar nga UEFA përjashtimin e Izraelit nga garat ndërkombëtare, për shkak të “genocidit në Gaza”. Ndër ta janë Anwar El Ghazi, Cheick Doucouré (Crystal Palace), Hakim Ziyech, Sam Morsy, trajneri Nigel Pearson, kriketisti Moeen Ali dhe boksieri Zak Chelli.
    Në dokumentin e siguruar nga “The Athletic”, sportistët theksojnë: “Sporti nuk mund të qëndrojë në heshtje kur nga soji ynë dhe civilë, përfshirë fëmijë, po vriten masivisht në Gaza”. Letra nderon edhe futbollistin palestinez Suleiman al-Obeid, i njohur si “Pelé palestinez”, i vrarë nga ushtria izraelite teksa priste ndihma humanitare. Mohamed Salah reagoi: “A mund të na thoni si, ku dhe pse vdiq?”
    Ky apel kërkon që UEFA ta pezullojë menjëherë Izraelin derisa të respektojë ligjin ndërkombëtar: “Sporti nuk mund të jetë neutral ndaj padrejtësive. Heshtja do të thotë të pranosh se disa jetojnë më pak”. Edhe ekspertë të OKB-së, mes tyre Francesca Albanese, i bënë thirrje FIFA-s dhe UEFA-s për përjashtimin e Izraelit, duke kujtuar precedentët me Rusinë, pas pushtimit të Ukrainës. Fansat e Galatasaray shpalosën pankarta pro Palestinës në ndeshjen kundër Liverpool-it.

  • Procesi “Maradona”, rrëzohet kërkesa për përjashtimin e gjyqtarëve. Vazhdon beteja ligjore

    Procesi “Maradona”, rrëzohet kërkesa për përjashtimin e gjyqtarëve. Vazhdon beteja ligjore

    Gati pesë vite pas ndarjes nga jeta të Diego Armando Maradonës, procesi gjyqësor lidhur me vdekjen e tij është ende në zhvillim. Gjykata e re argjentinase, e ngarkuar për të gjykuar faktet që ndodhën në nëntor të vitit 2020, ka rrëzuar të mërkurën kërkesën për përjashtimin e dy gjyqtarëve, të paraqitur nga mbrojtja e mjekut personal të Maradonës, Leopoldo Luque.
    Sipas avokatëve mbrojtës, gjyqtarët në fjalë nuk do të ishin të paanshëm, duke ngritur dyshime për “frikë të bazuar të njëanshmërisë”. Megjithatë, gjykata e hodhi poshtë këtë kërkesë, duke e cilësuar si “nismë thjesht për të vonuar procesin, e bazuar në opinione personale, hamendësime dhe supozime pa asnjë bazë ligjore”. Mbrojtja ka njoftuar se do ta ankimojë vendimin.
    Luque është një nga shtatë punonjësit e shëndetësisë që ndodhen nën akuzë, përfshirë mjekë, infermierë, një psikiatër dhe një psikolog, të akuzuar për “vrasje me dashje eventuale”. Në thelb, ata akuzohen për neglizhencë, ndonëse kanë qenë të vetëdijshëm për rrezikun ndaj jetës së pacientit.
    Dënimet e parashikuara variojnë nga 8 deri në 25 vite burg. Procesi i parë u anulua në fund të majit, pas më shumë se dy muaj seancash dhe mbi 40 dëshmitarësh të dëgjuar, për shkak të një skandali që shpërtheu. Ky skandal lidhej me përfshirjen e gjyqtares në prodhimin e një dokumentari për vetë procesin.
    Maradona ndërroi jetë më 25 nëntor 2020, në moshën 60-vjeçare, si pasojë e një arresti kardiak dhe edeme pulmonare, pas orësh agonie, në rezidencën e tij në Tigre, ku po rikuperohej nga ndërhyrja neurokirurgjikale.

  • Dosja “Partizani”/ Çupi: Hipokrizi kërkesa e Berishës për përjashtimin e Elsa Ullirit! 

    Dosja “Partizani”/ Çupi: Hipokrizi kërkesa e Berishës për përjashtimin e Elsa Ullirit! 

    Analisti Frrok Çupi e quan hipokrizi kërkesën e Sali Berishës për përjashtimin e Elsa Ullirit nga trupa gjykuese për aferën Partizani.
    Në një intervistë për “Newsline” në ABC News, Çupi u shpreh se procesi është goditur dhe korruptuar.
    “Berisha ka kërkuar të shmanget ky gjykim. Është hipokrizi. E vërteta është ndryshe. Më sulmo publikisht.
    Çdo vendim që merret për Berishën, përsëri do të ketë problem. Procedi gjyqësor është korruptuar, i goditur dhe i pabesueshëm.
    Kjo është e disa grupimeve politike. Berisha po mbledh ushtarë, janë sa politikë, aq edhe gjyqësore. Ai thjesht, bashkë me dikë në sistemin e drejtësisë, ai po ndërton muret e kështjellës së tij”, theksoi ai.