Në një intervistë për emisionin Balkan Talks në Euronews Albania, politikani shqiptar nga Maqedonia e Veriut, Ali Ahmeti, deklaroi se ka qenë subjekt përgjimesh nga shërbimet e sigurisë maqedonase.
Ai u shpreh se këto përgjime dëshmojnë përkushtimin e tij për të votuar Gjykatën Speciale me qëllimin e vetëm për të nxjerrë në dritë të vërtetën mbi luftën në Kosovë.
“Unë jam i përgjuar nga Maqedonia dhe në ato përgjime shihet qartë se si flas me deputetë për ta votuar Gjykatën Speciale, jo që ajo të devijojë apo të krijojë dëshmitarë të rremë, por që e vërteta të dalë në pah, e vërteta që është fshehur në librin e verdhë,” – u shpreh Ahmeti.
Ai theksoi se nuk pranon që Ushtria Çlirimtare e Kosovës të gjykohet për ngjarje që, sipas tij, janë të inskenuara nga vetë shërbimet serbe.
“Si mund ta gjykosh UÇK-në për rastin e Pejës, ku u vranë 9 serbë? Më vonë doli se ishte vetë organizim i shërbimeve serbe. Ashtu si rasti i Martinoviqit, që dhunoi veten dhe akuzoi shqiptarët,” – deklaroi ai.
Ali Ahmeti ngriti shqetësimin se shumë prej akuzave që rëndojnë mbi shqiptarët janë pjesë e dezinformimit nga shërbimet e fshehta serbe.
Ai shtoi se qëllimi i tyre nuk ka qenë kurrë të bëjnë krime, por të ndërtojnë një strukturë të organizuar ushtarake për mbrojtje dhe çlirim, gjë që nuk u arrit plotësisht për shkak të dinamikave të kohës.
“Objektivi ynë ka qenë të ndërtojmë strukturën ushtarake, por nuk arritëm te ky objektiv, sepse zhvillimet ishin aq të forta sa gjithkush vepronte ku donte. Nuk u arrit të krijohej një hierarki për një ushtri të mirëfilltë,” – tha Ahmeti.
Tag: përgjuar
-
“Jam përgjuar nga maqedonasit”, Ali Ahmeti: Si dola kundër Gjykatës Speciale (VIDEO)
-
(VIDEO) “TËRMET” NË USHTRI/ Përgjimi 5 orësh i gjeneralëve që shesin bazën e Sarandës përfundon në SPAK
Një material filmik ku gjeneralë të Ushtrisë Shqiptare, janë përgjuar teksa diskutojnë në një mbledhje vendimarëse për fatin e bazës detare të Limionit në Sarandë dhe mënyrën e shkarkimit të Admiralit, Artur Meçollari, është dorëzuar sot në ambjenjtet e Byrosë Kombëtare të Hetimit.
Bëhet fjalë për 5 orë filmim, ku Gjeneralët kryesorë të Ushtrisë janë përgjuar me zë dhe figurë, teksa marin vendime të orientuara në mënyrë të drejtpërdrejtë nga ministrja e Mbrojtjes, Olta Xhaçka.
Me kërkesë të vetë oficerëve të BKH-së, materiali filmik është dorëzuar nga avokati Arben Llangozi, i cili bëri publik prezencën e kësaj video, ku përmendet nga Bardhyl Kollçaku në atë kohë Shef i Shtabit të Përgjithshëm të Ushtrisë, që më pas u bë Deputet i Partisë Socialiste në qarkun e Beratit.
Llangozi ka dorëzuar CD-në me materialin filmik dhe njëherësh ka dhënë shpjegime të detajuara mbi përmbajtjen e videos dhe denoncimin publik që bëri tre ditë më parë, lidhur me rastin në fjalë.
Për këtë çështje për më shumë se 3 vite me rradhë, SPAK ka hapur një dosje penale, ku në qëndër të hetimit janë Gjeneralët kryesorë të Ushtrisë dhe ish-ministria e Mbrojtjes, Olta Xhaçka.
Megjithëse ka kaluar disa vite nga hapja e kësaj dosje hetimore, SPAK, ende nuk ka konkretizuar këtë çështje, qoftë me vendim dërgimi në gjyq por qoftë dhe me vendim pushimi.
Tani pas dorëzimit të këtij materiali filmik prej 5 orë diskutim në mbledhje, pritet hetimi të përparojë edhe më tej.