Lajmidites.com

Tag: përdor

  • “Ua, ç’është kjo paçavure”/ Zegjineja ‘qorton’ deputetët e opozitës: Mos përdorni fjalor rruge, kujtohuni ku jeni

    “Ua, ç’është kjo paçavure”/ Zegjineja ‘qorton’ deputetët e opozitës: Mos përdorni fjalor rruge, kujtohuni ku jeni

    I ashpër ishte reagimi i deputetes Zegjine Çaushi ndaj deputetëve të opozitës për fjalorin e përdorur sot në Kuvend.

    Deputetja i kërkoi kryeparlamentarit Peleshi që të mos e lejojë sjelljen e z.Noka.
    “Ua sa të respektuar, u çudita tani, i nderuar kryetar, kjo sjellje nuk duhet toleruar nga ana juaj. Çështë kjo paçavure, ç’janë këto fjalë dhe këto ofendime që përdor z.Noka.
    Ua, je në institucionin që të kanë votuar qytetarët, nuk je në këtë fjalorin e rrugëve që përdor. Kujtohu ku je. Faleminderit”-ishte fjala e Zegjinesë.

  • Finlanda po përdor dronë dhe inteligjencë artificiale për të trajtuar trafikun. A është e sigurt?

    Finlanda po përdor dronë dhe inteligjencë artificiale për të trajtuar trafikun. A është e sigurt?

    Kryeqyteti i Finlandës, Helsinki, ka nisur një projekt inovativ që kombinon dronët dhe inteligjencën artificiale për të mbajtur trafikun nën kontroll dhe për të përmirësuar lëvizshmërinë urbane.

    Në Portin Perëndimor, një nga nyjet më të ngarkuara të transportit në Evropë, ku përpunohen rreth 6 milionë pasagjerë tragetesh çdo vit, dronët monitorojnë rrjedhën e automjeteve, tramvajeve, biçikletave, skuterëve dhe këmbësorëve.

    Pamjet e mbledhura përpunohen nga startup-i zviceran Mobilysis, i cili përdor inteligjencën artificiale për të klasifikuar automjetet, ndjekur lëvizjet dhe analizuar mënyrën e ndërveprimit të tyre. Të dhënat më pas integrohen në binjakë dixhitalë, modele virtuale që u japin inxhinierëve dhe autoriteteve mundësinë të testojnë strategji menaxhimi të trafikut përpara se t’i zbatojnë në praktikë.

    Sipas Forum Virium Helsinki, kompania e inovacionit të qytetit, projekti synon të krijojë një bazë për një lëvizshmëri më të qëndrueshme dhe për të shmangur mbingarkesat gjatë orëve të pikut. Autoritetet theksojnë se të dhënat janë anonimizuar dhe në përputhje me rregulloren evropiane të privatësisë (GDPR), megjithatë ekspertë ligjorë paralajmërojnë për rreziqe të mundshme në sigurinë dhe perceptimin publik.

    Projekti është pjesë e iniciativës së financuar nga Bashkimi Evropian, ACUMEN, i cili po testohet edhe në qytete të tjera si Athina, Amsterdami dhe Luksemburgu. Rezultatet përfundimtare dhe seti i rekomandimeve politike priten në maj 2026. Nëse provat janë të suksesshme, Helsinki mund të hapë rrugën për menaxhimin e trafikut të drejtuar nga inteligjenca artificiale në gjithë Evropën.

  • “Përdor civilët si mburojë”/ Ambasadorja izraelite në Shqipëri: Hamas, qeveri që vret qytetarët e tij

    “Përdor civilët si mburojë”/ Ambasadorja izraelite në Shqipëri: Hamas, qeveri që vret qytetarët e tij

    Ambasadorja Izraelite në Shqipëri Galit Peleg në një intervistë për “ABC News” foli për konfliktin në Lindjen e Mesme. Ambasadorja Izraelite theksoi se vendi i saj ka pranuar të gjitha kërkesat e Shteteve të Bashkuara dhe vendeve Arabe, por Hamas kërkon që ti ndryshojë këto kushte.
    Peleg tha se Izraeli nuk do të pranojë një marrëveshje paqeje nëse ajo nuk përfshin çarmatosjen e Hamas dhe largimin e këtij grupi terrorist nga qeverisja e Enklavës.
    “Hamas po ndalon ndihmën humanitare. Për një vit e 10 muaj konfiskoi çdo furnizim me ushqim. Ka njerëz që po vuajnë në Gaza? Po. Por kjo nuk ndodh sepse Izraeli nuk lejon ndihmën humanitare”, tha ajo.
    Gjatë intervistës, më tej theksoi se Hamas po përdor civilët si mburoja.
    “Hamas jo vetëm që po u merr ushqimin, por sigurohet t’i përdorë si mburojë njerëzore. Hamas vret qytetarët e tij”, tha ajo, duke shtuar: “Është shumë e lehtë të mos jesh në Izrael, të mos kesh nevojë të kesh dilemat që ka mbi vendimet që merr kryeministri Izraelit, të mos mendosh për sigurinë e qytetarëve Izraelitë, të mos marrësh në konsideratë asgjë që ka të bëjë me mbrojtjen e Izraelit dhe te kritikosh Izraelin. Gjithashtu ju e dini se duke përdorur terminologji si gjenocidi, uria, gjëra të tilla epo është shumë e lehtë ti hedhësh këto deklarata në ajër. Por nëse i shihni vërtet faktet, numrat, do të shihni se kjo terminologji është thjesht e parëndësishme”.

  • “Shkarkon zyrtarë pa të drejtë”, Beleri godet Ramën: Kryeministri kap çdo funksion dhe vendos si të dojë ai

    “Shkarkon zyrtarë pa të drejtë”, Beleri godet Ramën: Kryeministri kap çdo funksion dhe vendos si të dojë ai

    Eurodeputeti dhe njëkohësisht ish-kryebashkiaku i zgjedhur i Himarës, Fredi Beleri duke folur në një emision televiziv, theksoi se Edi Rama është dora mbi gjyqësorin që vendos për çdo çështje në Shqipëri.
    Ai vuri në dukje se në rastin e Veliajt u përdor si argument për shkarkimin mungesa 90 ditë në detyrë, ndërkohë që në rastin e tij, nuk u përdor i njëjti argument. Beleri tha se në Shqipëri ka autorkaci, mos ndarje pushtetesh, dhe me një drejtësi të tillë s’mund të integrohesh në BE.
    “Është hera e dytë, por jo në të njëjtën mënyrë. Te mua s’u përdor tre muajshi i mungesës në detyrë për të më shkarkuar. Sot e njëjta drejtësi vendos ndryshe, kjo tregon që s’është drejtësia, s’janë ligjet dhe institucionet shtetërore ato që vendosin, por është një njeri, vetëm Edi Rama.
    Kemi dy shkarkime të dy kryebashkiakëve të zgjedhur, në rastin tim s’u përdor mungesa ime 90-ditore në detyrë, kurse në rastin e Veliajt u përdor kjo metodë. Kur të gjitha pushtetet i merr një njeri, vendimet e institucioneve s’i merr njeri parasysh, kemi një neo-diktaturë që fatkeqësisht pak shqiptarë e kuptojnë, ose e kuptojnë shumë por s’reagojnë.
    Edhe në rastin tim, edhe në rastin Veliaj, demokracia është gjëja e fundit që merret parasysh në Shqipëri. Z.Rama shkarkon nëndrejtorë, kryetar bashkish, ka marrë kompetenca që s’ia jep ligji dhe kushtetuta. Institucionet do vendosin për interesin që ka partia në pushtet. S’besoj që në rastin Veliaj do jetë ndryshe. Nëse mendimi opozitar për gjërat kryesore dhe madhore s’bëhet një, s’do dëgjohet. Unë jam drejtuar në Strasburg për dy çështje, për të cilat janë ezauruar mjetet në legjislacionin shqiptar.
    Për mënyrën e veprës dhe sa muaj kam ndenjur në burg, dhe ndalimin për t’u betuar. Është shumë afër për të dalë vendimi dhe presim të dalë vendimi. Sot është një njeri që vendos për të gjitha, jo vetëm për rastin tim dhe Veliajt, por për të gjitha çështjet politike. Në rastin tim s’u përdor 90-ditëshi i mungesës nga detyra. Është një dorë mbi gjyqësorin që vendos, kjo është autokracia dhe mos ndarja e pushteteve. Me këtë drejtësi s’mund të vesh në Europë”.

  • Futbolli “nxjerr” kartonin jeshil/ Për herë të parë në histori u përdor një risi e tillë

    Futbolli “nxjerr” kartonin jeshil/ Për herë të parë në histori u përdor një risi e tillë

    Nuk është për ndëshkim. Edhe pse e ka emrin karton, sërish ai me ngjyrë të blertë nuk përdoret nga arbitrat e futbollit, por nga trajnerët.
    Për herë të parë historinë e sportit më popullor të botës, kartoni jeshil u përdor në Kupën e Botës U20 që po zhvillohet në Kili, në ndeshjen mes Koresë së Jugut dhe Ukrainës.
    Trajneri koreanojugor Li Çan Uon ngriti lart këtë karton duke kërkuar të rishikohej një aksion në zonën kundërshtare, duke pretenduar për penallti.
    Kjo kërkesë është një detyrim për gjyqtarin, sipas rregullores së re të FIFA-s, që të shqyrtojë aksionin me pamje filmike në ekranin e VAR-it.
    Arbitri Kejlor Herrera nga Kosta Rika bëri atë që duhej, ndonëse vendimi I tij nuk ia dha kënaqësinë koreanojugorëve.
    Ai nxorri përfundimin se aksioni me kontaktin mes dy lojtarëve nuk ishte në kushtet për të dhënë një 11-metërsh.
    Në fund, Ukraina arriti fitoren 2-1 me golat e shënuar nga Sinçuk e Pishçuk në pjesën e parë, dhe me rrjetën e aziatikëve në 80’ nga Kim Mjun Xhun.
    Pritet që kjo risi e kartonit të blertë të bëhet pjesë e ndeshjeve të futbollit edhe në nivelin e të rriturve.

  • “Kjo është epoka e artë e Amerikës”/ Donald Trump rikthehet në OKB pas 5 vitesh, batuta në sallë kur i fiket mikrofoni: Kushdo që po e përdor…

    “Kjo është epoka e artë e Amerikës”/ Donald Trump rikthehet në OKB pas 5 vitesh, batuta në sallë kur i fiket mikrofoni: Kushdo që po e përdor…

    Presidenti i Shteteve të Bashkuara, Donald Trump, iu drejtua sot Asamblesë së Përgjithshme të Kombeve të Bashkuara për herë të parë që nga viti 2020, duke prezantuar atë që e përshkroi si “vizionin e tij për botën”, përballë liderëve globalë dhe diplomatëve ndërkombëtarë.

    Fjalimi nisi me një batutë, kur Trump vuri re se mikrofoni nuk po funksiononte siç duhej. “Nuk më shqetëson, sepse në këtë mënyrë flet më shumë nga zemra”, tha ai, duke shtuar me ironi: “Kushdo që po e përdor këtë mikrofon është në telashe të mëdha”.
    Në një sallë të mbushur plot, Trump e nisi adresimin e tij me kritika ndaj administratës së mëparshme amerikane, të cilën e akuzoi për një “seri të përsëritur dështimesh” në arenën kombëtare dhe ndërkombëtare.
    Tetë muaj pas fillimit të mandatit të tij të dytë presidencial, Trump deklaroi se “Shtetet e Bashkuara janë vendi më i nxehtë në botë, një shprehje që ai e përdor shpesh për të përshkruar rritjen ekonomike dhe ndikimin global të Amerikës.
    “Kjo është vërtet epoka e artë e Amerikës”, shtoi ai.
    Gjatë fjalimit, Trump u përqendrua në arritjet e administratës së tij, duke përmendur rritjen e tregjeve të aksioneve, investimet e reja në SHBA, uljen e taksave dhe rregulloreve, si dhe forcimin e sigurisë kufitare.

    Top Channel

  • Lubonja: Rama mbështet Izraelin, por për të qetësuar myslimanët u hap muze

    Lubonja: Rama mbështet Izraelin, por për të qetësuar myslimanët u hap muze

    Analisti i njohur Fatos Lubonja kritikoi kryeministrin Edi Rama për mënyrën se si sipas tij, po përdor myslimanët shqiptarë për interesa politike.

    Gjatë një aktiviteti kulturor të mbajtur me rastin e botimit të librit “Industria e Holokaustit” të Norman Finckelstein, Lubonja tha se edhe pse Shqipëria ka shumicë myslimane, qëndrimet e fundit të qeverisë në raport me konfliktin në Lindjen e Mesme, tregojnë një kurs të afërt me Izraelin, duke përmendur abstenimin e Tiranës në votimin e rezolutës për Palestinën në OKB.

    Për Lubonjën, lajmi për hapjen e një muzeu të artit islam, u përdor për të qetësuar reagimet e komunitetit mysliman për heshtjen ndaj asaj që po ndodh në Gazë.

  • Gjyqi për aferën ‘Partizani’, avokati Gjokutaj: Prokuroria po përdor dy standarde, ish-ambasadorja…

    Gjyqi për aferën ‘Partizani’, avokati Gjokutaj: Prokuroria po përdor dy standarde, ish-ambasadorja…

    Avokati i Sali Berishës, Genc Gjokuaj i ka kërkuar trupës gjykuese të GJKKO-së shpalljen të pavlefshme të akteve të ndërmarra deri më tani si dhe rrëzimin e akuzave të ngritura ndaj ish-kryeministrit. Ndër të tjera, ai ka përmendur dhe ish-ambasdoren Yuri Kim, për të cilën thotë se ka ushtruar në SPAK për të ndjekur penalisht Berishë,.
    “Nga të dhënat e njoftimit nga SPAK, konstatohet se Berisha në cilësinë e tij si kryeministër, ka kryer veprime konkrete, duke marrë akte ligjore dhe nënligjore me qëllim përfitimin e familjeve pronare, ku përfitues ishte edhe Jamarbër Malltezi. Prokuroria ka tejkaluar kompetencën e saj kushtetuese, duke u bazuar në opinione. Ngritja e akuzës nuk është kryer në përputhje me ligjin.
    Prokuroria përdor dy standarde, për Sali Berishën vendos masë sigurie ndërsa për bazën detare të Limionit dhe për Teatrin nuk ka masë sigurie. Ambasadorja Yuri Kim ka ushtruar presion në SPAK për te ndjekur penalisht Berishën”, ka thënë Gjokutaj në seancë.

  • Vrasja e Charlie Kirk, Kryepeshkopi Elpidophoros: Ai që përdor plumbin në vend të fjalës pasqyron një plagë të thellë në vetë shpirtin e Amerikës

    Vrasja e Charlie Kirk, Kryepeshkopi Elpidophoros: Ai që përdor plumbin në vend të fjalës pasqyron një plagë të thellë në vetë shpirtin e Amerikës

    Kryepeshkopi Elpidoforos i Amerikës është thellësisht i shqetësuar dhe i tronditur pas vrasjes së aktivistit, autorit dhe gazetarit, si dhe bashkëthemeluesit të organizatës “Turning Point USA”, Charlie Kirk, gjatë një fjalimi në kampusin e Universitetit Utah Valley në Orem.

    Në një deklaratë në faqen e internetit të Kryedioqezës së Amerikës, ai vëren se “Charlie Kirk u vra në kulmin e jetës së tij, duke lënë pas gruan e tij të dashur, Erica dhe dy fëmijë të vegjël”. “Humbja e tij,” thekson ai, “është e pallogaritshme dhe dhembja e tyre duhet të jetë dhembja e të gjithëve ne. Sot, Amerika vuan me familjen e të vrarit Charlie Kirk. Shpresoj dhe lutem që Zoti të ofrojë ngushëllimin e Tij, të përqafojë gruan dhe fëmijët me mëshirën e Tij dhe t’u japë forcë në këtë moment shumë tragjik.”
    Siç thekson Kryepeshkopi i Amerikës, “të gjithë duhet ta kuptojmë saktësisht se çfarë do të thotë ky akt dhune për kombin tonë. Ai që përdor një plumb në vend që t’i drejtohet fuqisë së fjalës, pasqyron një plagë të thellë në vetë shpirtin e Amerikës. Nëse lejojmë që dhuna politike të normalizohet, jo vetëm që do të rrezikojmë jetë njerëzore, por edhe vetë thelbin dhe strukturën e demokracisë sonë. Të gjithë duhet të përpiqemi për një Amerikë të bashkuar, ku pikëpamjet e ndryshme shprehen pa frikë dhe ku çdo jetë njerëzore konsiderohet e shenjtë. Vetëm në këtë frymë,” përfundon ai, “do ta shërojmë dhe trajtojmë plagën që është hapur dhe do të kthehemi në rrugën e paqes.”

    Top Channel

  • Salianji: Rama e ka kapur drejtësinë dhe e përdor si armë kundër kundërshtarëve

    Salianji: Rama e ka kapur drejtësinë dhe e përdor si armë kundër kundërshtarëve

    Ervin Salianji ka akuzuar Edi Ramën se e përdor drejtësinë si një vegël politike dhe e trajton si pronë personale.
    Në një postim në FB, Salianji denoncon kapjen e sistemit gjyqësor nga qeveria, që sipas tij, jo vetëm që nuk e kontrollon pushtetin ekzekutiv, por i shërben atij duke heshtur për ndërtimet pa leje, korrupsionin dhe abuzimet me ligjin.
    Ai i bën thirrje partnerëve ndërkombëtarë të reagojnë jo vetëm kur akuzat vijnë nga opozita, por edhe kur vetë kreu i qeverisë minon institucionet që ata kanë ndihmuar për të ndërtuar.
    Postimi në FB:
    Edi Rama bën sikur shqetësohet nga drejtësia që kontrollon, kur ndonjë gjyqtar i rrallë nuk i është nënshtruar plotësisht, ndërkohë që pasi e ka kapur sistemin, i përdor dhe sillet me prepotencë duke i trajtuar institucionet e drejtësisë si lecka.
    Shumica dërrmuese e gjyqësorit sillen si vartës të qeverisë, jo si pushtet i pavarur kontrolli e balance!
    Është përgjegjësi e gjyqësorit që ka lejuar qeverinë në batërdinë urbanistike, ndërtimet pa leje dhe korrupsionin që i ka ushqyer ato. Qeveria i ka lejuar për interesa politike e korruptive dhe sot i përdor politikisht me aksione propagandistike.
    Në vend që të kontrollojë pushtetin ekzekutiv, drejtësia ka pranuar të përdoret si armë kundër kundërshtarëve dhe si mburojë për klientelën e qeverisë. Për pasojë, ajo degradohet publikisht nga kryeministri dhe ka frikë dhe ti reagojë.
    Ky është portreti më i qartë i kapjes së shtetit dhe shkatërrimit të pavarësisë së institucioneve.
    Qytetarët shqiptarë dhe opinioni publik kane pritur  reagimin e partnerëve ndërkombëtarë që kanë investuar për ndërtimin e institucioneve të reja të drejtësisë: a do të ketë një reagim të fortë kur Rama i godet, i poshtëron dhe i minon institucionet e drejtësisë? Apo standardet e reagimet vlejnë vetëm kur opozita denoncon abuzimet?