Lajmidites.com

Tag: pensionin

  • Nga varfëri drejt dinjitetit, si ta kthesh pensionin në një mbështetje të vërtetë për jetën

    Nga varfëri drejt dinjitetit, si ta kthesh pensionin në një mbështetje të vërtetë për jetën

    5 në 7 pensionistë jetojnë nën minimumin jetik, ku çalon skema, si po ndikon indeksimi, çfarë duhet të bëjmë sot për një pleqëri më të sigurt dhe dinjitoze nesër, ekspertja e ekonomisë shpjegon gjithçka hap pas hapi
    Pesë nga shtatë pensionistë në Shqipëri jetojnë nën minimumin jetik. Ky është vetëm një nga treguesit shqetësues që ngre pyetje të mëdha për të ardhmen e skemës sonë të pensioneve. Si ndikojnë pensionet e ulëta, indeksi vjetor, informaliteti dhe rënia e raportit kontribues-përfitues në këtë krizë të heshtur? Dhe mbi të gjitha: çfarë mund të bëjmë sot që pleqëria jonë nesër të mos jetë një betejë për mbijetesë, por një periudhë dinjiteti? Ekonomistja e njohur e ekonomisë, Teuta Nunaj Kortoçi analizon hap pas hapi shifrat, sfidat dhe zgjidhjet në episodin e saj më të fundit në kanalin e saj zyrtar në YouTube.
    -Pyetësi (Teuta): Të nderuar miq, mirë se erdhët në episodin e 15-të të “Takim me Teutën”. Sot do të përpiqemi t’i përgjigjemi një pyetjeje që të gjithë herët apo vonë e bëjmë: A mjafton pensioni në Shqipëri për të bërë një jetesë dinjitoze kur të mos punojmë më? Dhe nëse jo, çfarë mund të bëjmë për të siguruar një të ardhme më të mirë dhe më të qëndrueshme?
    Përgjigjja (Teuta): Unë gjithmonë në analizat e mia kam bërë dallimin dhe kam vendosur theksin tek dinjiteti, pasi nuk është një vlerë pensioni i cili mundëson apo jo thjesht të jetuarit, por mundëson apo jo të jetuarit me dinjitet. Çdo e ardhur që merret nga individë që kanë punuar një jetë të tërë dhe kanë sakrifikuar, duhet t’i ofrojë dhe t’i mundësojë një jetesë dinjitoze, dhe jo thjesht të jetuarit. Për të kuptuar gjendjen reale të skemës së pensionit në Shqipëri, kam nxjerrë disa të dhëna nga Instituti i Sigurimeve Shoqërore. Për shembull, në vitin 2023, pensioni mesatar urban ishte 18,341 ALL, ndërsa pensioni mesatar rural ishte shumë herë më i vogël, 11,051 ALL.
    Siç e shohim, vlerat janë shumë të vogla dhe kanë një diferencë të ndjeshme mes tyre. Në Shqipëri, ne nuk kemi një minimum jetik zyrtar të përcaktuar, por kemi përllogaritje nga Banka Botërore, Avokati i Popullit, institucione publike, individë dhe organizata, të cilat përcaktojnë një mesatare prej 20,000 ALL (të reja) si një minimum jetik për të bërë një jetë dinjitoze. Në rastin e pensionistëve, pensioni mesatar nuk e mundëson këtë as për zonat rurale, as për ato urbane. Sipas Ministrisë së Ekonomisë, Kulturës dhe Inovacionit, për fundin e vitit 2024, kemi 724,933 pensionistë, nga të cilët 511,173 (pesë në shtatë pensionistë) marrin një pension nën vlerën e 20,000 ALL në muaj, që do të thotë nën minimumin jetik.
    -Pyetësi (Teuta): Ndaj, cilat janë sfidat në të cilat ndodhet skema e pensioneve në Shqipëri?
    Përgjigjja (Teuta): Sfida e parë është pikërisht pensionet e ulëta. Këto nivele kaq të ulëta nuk janë një problem i sotëm, por janë pensione të ulëta në 30 vite që funksionon skema e pensioneve. Asnjëra nga qeveritë e kohës nuk e ka marrë seriozisht çështjen e pensioneve për të bërë një rritje të ndjeshme që të përballojnë koston e jetesës. Nga viti 2010, qeveria shqiptare ka vazhduar me një rritje dhe indeksim të përvitshëm, duke filluar nga 4% dhe duke vijuar deri në 8.6% dy vite më parë, por kjo sërish nuk ka mundësuar një vlerë pensioni që t’u ofrojë dinjitet përfituesve. Të dhënat na ndihmojnë të kuptojmë edhe më tepër.
    Shkalla e zëvendësimit mesatar të pensionit me pagën bruto për vitin 2023 ishte 49.4%. Kjo do të thotë, nëse marrim për bazë një pagë minimale prej 40,000 ALL, pensioni do të ishte 19,760 ALL. Një tjetër tipar shumë i dukshëm në skemën e pensioneve, i cili nuk është vetëm shqiptar, por ndjehet globalisht, lidhet me jetëgjatësinë gjithmonë në rritje. Kjo do të thotë rritet numri i viteve të gëzimit të pensionit. Sipas të dhënave të vitit 2023, koha mesatare e gëzimit të pensionit për burrat është 19.4 vjet, ndërsa për gratë 27 vjet. Gratë dalin në pension më shpejt (61 vjeç e 10 muaj në 2025-ën, ndërsa burrat në 65 vjeç) dhe gëzojnë pensionin mesatarisht 7.6 vjet më gjatë.
    -Pyetësi (Teuta): Cilat janë sfidat ose problematikat më të mëdha që ka skema e pensioneve sot në Shqipëri?
    Përgjigjja (Teuta): Këto problematika lidhen me numrin gjithmonë e më të lartë të pensionistëve që dalin, por nga ana tjetër kemi një numër të vogël hyrjesh, ose ndryshe kontribuesish të rinj. Raporti i kontribuesve rritet, por rritja e tyre është shumë e kufizuar. Për vitin 2023, për një pensionist kemi vetëm 1.17 kontribues. Ky numër i kufizuar kontribuesish sjell një kontribut direkt edhe më të ulët. Nga ana tjetër, informaliteti i lartë çon në derdhje kontributesh edhe më të ulëta, dhe kjo e bën të gjithë skemën të jetë e ndërvarur në mënyrë të drejtpërdrejtë nga buxheti i shtetit.
    -Pyetësi (Teuta): Po mirë, pse buxheti i shtetit nuk subvencionon në rritjen e pensioneve por vetëm në indeksimin e tyre?
    Përgjigjja (Teuta): Në analizën time, gjykoj që buxheti i shtetit do të duhet ta financojë skemën e pensioneve përmes rritjes së pensioneve dhe jo vetëm përmes indeksimit. Kjo pasi ky indeksim është i pamjaftueshëm për të ndihmuar qytetarët të bëjnë një jetë më dinjitoze.
    -Pyetësi (Teuta): Atëherë, përpara këtyre vështirësive që na ofron pensioni i kufizuar i pleqërisë, si duhet të veprojmë për të ardhmen tonë? Pra, si mund të ndihmojmë veten sot në mënyrë që të sigurojmë një të ardhme më të mirë dhe më të qëndrueshme nesër? Cilat janë alternativat që na ndihmojnë pikërisht për këtë ardhme të qëndrueshme?
    Përgjigjja (Teuta): Alternativat mund t’i ndajmë në dy grupe:

    Për ata individë me të ardhura të mesme dhe të larta: Për të ruajtur nivelin e tyre të jetesës, ata duhet të ndërmarrin vendime të rëndësishme sot. Këto mund të jenë kursimet personale, investimet, skemat e pensioneve private, llogaritë e pensionit në banka, sigurimet për jetesën, pronat, fondet e investimeve, etj.. Këto janë mundësi që mund t’i kenë një numër i kufizuar njerëzish.
    Për individët me të ardhura të kufizuara (me pagë minimale ose nën mesataren kombëtare): Për ta, të bësh investime apo të kesh një pension të dytë/privat është thuajse e pamundur, pasi ata kanë vështirësi të përballojnë jetesën sot, jo më të kursejnë për nesër. Në të tilla raste, këshilla ime e vetme është: Sigurohuni që të paguani kontributet për sigurimet shoqërore. Bisedoni me punëdhënësit tuaj nëse nuk e realizojnë të plotë, në mënyrë që ju të derdhni të plotë, në bazë të pagës reale, të gjithë vlerën e kontributeve të sigurimeve shoqërore. Kjo do t’ju garantojë një pension të plotë shtetëror dhe një jetesë më dinjitoze në periudhën e pensionit, ku mundësitë për të siguruar të ardhura shtesë do të jenë të kufizuara dhe nevojat për shpenzime (sidomos shëndetësore) do të rriten.

    -Pyetësi (Teuta): Pyetja e parë që më bëhet shpesh, kryesisht nga studentët dhe të rinjtë, është: Kur duhet të fillojmë të mendojmë për pensionin?
    Përgjigjja (Teuta): Për këtë grupmoshë, të mendosh për pensionin duket një kohë jashtëzakonisht e gjatë, ndonjëherë edhe e vështirë për t’u arritur. Por, kur flasim për periudhën e pensionit, duhet të shohim prindërit dhe gjyshërit tanë, sepse aty duhet të kuptojmë sa e vështirë është të sigurosh një të ardhur shtesë përtej vlerës së pensionit, në mënyrë që të kemi mjete dinjitoze dhe të ruajmë të njëjtin standard jetese kur nuk punojmë më. Ndaj, këshilla ime ka qenë dhe vijon të mbetet: Mendoni për pensionin që nga dita e parë e punës tuaj! Mendoni për pensionin që nga dita e parë që siguroni të ardhura apo përfitoni një shpërblim për punën tuaj!
    Kjo do t’ju garantojë një të ardhur më të mirë, më të qëndrueshme dhe një jetesë më dinjitoze. Mos e shikoni pensionin si diçka që i përket të ardhmes dhe për të cilën kemi kohë të mendojmë, pasi bota po bëhet gjithmonë e më dinamike. Tregjet po ndryshojnë, ekonomitë rriten e tkurren, dhe pasiguria është gjithmonë e më prezente. Ne duhet të mendojmë sot për të ardhmen tonë nesër, duhet të marrim sot vendime për të ndihmuar veten nesër, pasi nesër ndoshta mund të jetë vonë. Kjo duke marrë parasysh që në momentin që individët dalin në pension, mundësitë e tyre fizike dhe mundësitë që ofron tregu për punësime në moshën 65 vjeç e më tepër zvogëlohen, dhe mosha e daljes në pension po rritet në mënyrë të vazhdueshme kudo në botë si pasojë e jetëgjatësisë më të madhe. Ndaj, ju këshilloj të mendoni për pensionin dhe të mos e lini si një vendimmarrje të mëvonshme.
    -Pyetësi (Teuta): Pyetja e dytë që do të trajtojmë sot lidhet me: Si e përballojnë jetesën pensionistët sot? A jetojnë ata me dinjitet?
    Përgjigjja (Teuta): Siç analizuam, kemi një pagë pensioni mesatare e cila është nën nivelin e klasifikuar si minimum etik. Realisht, pensionistët janë një nga grupet më të margjinalizuara dhe me të ardhurat më të kufizuara, gjë që prek drejtpërdrejt jetesën dhe dinjitetin e tyre. Një fakt i madh është se shumë anëtarë të familjeve, qoftë emigrantë apo ata që jetojnë në Shqipëri me të ardhura mbi mesataren, janë një mbështetje shumë e madhe dhe e vazhdueshme për këtë grupim. Këta individë nuk ia dalin dot vetëm me të ardhurat që marrin, dhe kur nuk kanë mundësi tjetër, zvogëlojnë konsumin e tyre në minimum për të përballuar jetesën. Ndaj, është e nevojshme një ndihmë shumë e menjëhershme dhe e vazhdueshme për këtë grupim, në mënyrë që të rriten pensionet e tyre dhe t’u mundësohet një jetesë më dinjitoze.
    -Pyetësi (Teuta): Dhe pyetja e tretë që do të trajtojmë është: A mendoni se kursimi sot është një garanci për të ardhmen nesër?
    Përgjigjja (Teuta): Krizat e fundit, duke filluar nga pandemia e deri te lufta Rusi-Ukrainë, na ndihmuan të kuptojmë dinamikën e vazhdueshme dhe ndryshueshmërinë e ekonomisë globale, shqiptare dhe familjare. Ato na bënë të kuptojmë që kostot e jetesës po rriten gjithmonë e më tepër, ndërsa ka gjithmonë e më shumë vështirësi për të ruajtur në mënyrë të qëndrueshme të ardhurat përmes punës. Kjo na bën të kuptojmë se duhet të mendojmë edhe për nesër, sa nuk është vonë. Ndaj, nëse ne kursejmë sot dhe marrim masa sot përmes investimeve, përmes pagimit të plotë të kontributeve të sigurimeve shoqërore, ndihmojmë veten tonë nesër për t’i garantuar një jetesë më të mirë dhe më të qëndrueshme. Unë do të vazhdoj t’ju rekomandoj: Paguani në mënyrë të plotë kontributet tuaja të sigurimeve shoqërore! Mendoni sot për pensionin nesër, pasi çdo vendimmarrje që marrim sot do të ndikojë në mënyrë të drejtpërdrejtë në të ardhmen tonë nesër. Shpresoj shumë që përmes këshillave të mia t’ju kem ndihmuar dhe orientuar në vendimmarrjet tuaja sot dhe nesër.

  • I marrin pensionin për 33 muaj, prokuroria ngre duart. Zgjidhja për të moshuarin

    I marrin pensionin për 33 muaj, prokuroria ngre duart. Zgjidhja për të moshuarin

    Më 12 maj 2023 emisioni “Stop” transmetoi problemin e një pensionisti. Kolë Shkëmbi në mars të vitit 2020 doli në pension, por pensionin mujor nuk e tërhoqi për 33 muaj në degën e Postës Shqiptare nr. 30.
    Kur u interesua zbuloi, se pensionin ia kishin tërhequr. Bëhej fjalë për një person me të dhëna të njëjta ID-je, por ndryshonte vetëm afati i skadencës së kartës. Shuma e munguar ishte 2 milionë e 126 mijë lekë. Pas kësaj, Kola tha së çështja vajti te krimi ekonomik dhe në Prokurori.
    Specialisti i ISSH-së sqaroi se gabimi ishte bërë nga posta, pasi duhet të ishte verifikuar karta e personit, që ka tërhequr paratë. Ne komunikuam në atë kohë me drejtorin e ISSH-së dhe atë të Postës, që thanë, se këtë ngërç do ta zgjidhnin mes dy institucioneve.
    Dy vjet pas këtij transmetimi, Kolë Shkëmbi tregon se pati një kallëzim nga ana e Postës në Prokurori, por Prokuroria ka pezulluar hetimet, sepse nuk gjeti autorin e këtij falsifikimi.
    “Kam dy vjet që vij vërdallë pas prokurorisë dhe pas postës dhe nuk e kanë vënë ujin në zjarr fare. Posta e ka çuar çështjen tek prokuroria, kurse prokuroria e ka mbyllur çështjen. Nuk e ka gjetur autorin fare. Unë kërkoj paratë nga posta, sepse posta e ka fajin nuk duhet që paratë e njërit t’i japë tjetrit. Nuk duhet që t’i japë pensionin tim për 33 muaj tjetrit”, tha deponuesi.
    Vetë Kola kërkon paratë që i takojnë, pavarësisht, se cili nga institucionet e ka fajin. Enkeleda Preçi, Përgjegjëse e Sektorit të Shërbimeve Financiare pranë Postës Shqiptare thotë se në këto kushte, posta ka marrë vendim, për t’ia kthyer pensionistit shumën e munguar, plot 2 milionë e 126 mijë lekë.
    “Në këto kushte për t’i kthyer pensionin pensionistit dhe për të gjetur një zgjidhje për situatën, për ngërçin e krijuar, ne kemin kërkuar informacion zyrtar në datën 25.03.2025 pranë institucionit të prokurorisë lidhur me fazën në të cilën gjenden hetimet për rastin e Kolë Shkëmbit. Përgjigja e kthyer në prill të vitit 2025 nga prokuroria na bën me dije vendimin e janarit të këtij viti, ku është vendosur pezullimi i hetimeve për shkak të mos zbulimit të autorit. Për pos anës ligjore që ne si institucion do e ndjekim deri në fund, për shkak se përbën precedent për këtë ka  ndodhur në institucionin tonë, në pjesën humane për pensionistin, Kolë Shkëmbi, Posta Shqiptare do të marrë një vendim përfundimtar. Patjetër për kthimin e shumës së munguar të pensionit”, tha Enkeleda Preçi.

  • Përfituan pensionin e një personi që nuk jetonte nga 2019, policia ndalon 2 shtetas

    Përfituan pensionin e një personi që nuk jetonte nga 2019, policia ndalon 2 shtetas

    Përfituan pensionin e një shtetasi, i cili nuk jetonte që prej vitit 2019, policia ka ndaluar edhe një shtetas tjetër. Sipas uniformave blu, Specialistët e Seksionit për Hetimin e Krimit Ekonomik dhe Financiar ndaluan shtetasin F. L., 53 vjeç.
    Nga ana tjetër policia bën të ditur se dje ka ndaluar për të njëjtën çështje edhe  shtetasin R.ZH.
    ‘Specialistët e Seksionit për Hetimin e Krimit Ekonomik dhe Financiar ndaluan shtetasin F. L., 53 vjeç, pasi në bashkëpunim me shtetasin R. Zh(i ndaluar ditën e djeshme), kanë përfituar, pensionin e një shtetasi, i cili nuk jeton që nga viti 2019’, thuhet në njoftimin e policisë.
    Materialet procedurale iu referuan Prokurorisë së Tiranës, për veprime të mëtejshme.

  • E Rëndë në Itali! Trupi i një 90-vjeçareje gjendet në një garazh, djali e mbante të fshehtë për t’i tërhequr pensionin

    E Rëndë në Itali! Trupi i një 90-vjeçareje gjendet në një garazh, djali e mbante të fshehtë për t’i tërhequr pensionin

    Një ngjarje tronditëse ka ndodhur në fshatin Scortichino, në komunën e Bondeno, në zonën e Ferrarës, ku trupi i pajetë i një gruaje 90-vjeçare u gjet i mbështjellë me celofan dhe i fshehur në garazhin e shtëpisë së saj.

    Karabinierët zbuluan kufomën dhe njoftuan menjëherë Prokurorinë, duke hapur një hetim për krimin e fshehjes së një kufome dhe mashtrimit kundër shtetit.

    Në qendër të hetimit është djali 54-vjeçar i gruas, i cili ka pranuar se e kishte fshehur trupin e nënës së tij për të vazhduar të merrte pensionin e saj.

    Hetuesit po shqyrtojnë gjithashtu përfshirjen e mundshme të një personi të dytë, i cili aktualisht është nën hetim. Reklama në FieriWeb – “STREET FOOD S.O.A”

    Rezultati i autopsisë do të jetë vendimtar për të sqaruar shkaqet e vdekjes dhe për të përcaktuar datën e saktë të vdekjes, e cila mund të datojë që nga janari.

    Ky zbulim ka tronditur komunitetin lokal dhe ka ngritur shqetësime për abuzimin e mundshëm të sistemit të pensioneve.Reklama në FieriWeb – “PASTIÇERI “RUSTEMAJ”

    Hetimet janë në vazhdim, dhe autoritetet po punojnë për të zbardhur plotësisht këtë ngjarje të rëndë.

  • Kryeministri Rama ironizon me videon e bufave/ Gafa e Berishës për pensionin minimal 100 euro, Rama: Rrjedh e rrjedh…

    Kryeministri Rama ironizon me videon e bufave/ Gafa e Berishës për pensionin minimal 100 euro, Rama: Rrjedh e rrjedh…

    Kryeministri Edi Rama, publikon videon e rradhës përzgjedhëse për ironizimet ndaj Kreut të PD-së, Sali Berisha. Krahas videos, Rama thotë me ironi se Berisha e shtrëngon dorën kur vjen puna te 6 milionë dollarët për lobim në SHBA, duke thënë se i do për hallin e tij.
    “Do vendosim pensionin minimal 100 euro…200 euro. Pensioni nën 200 euro do të jetë 200 euro”, dëgjohet të thotë Berisha në video, dy gafa që ka bërë së fundmi në takimet elektorale.
    “Rrjedh rrjedh, po prapë e shtrëngon dorën se 6 milionë dollarët i do për hallin e vet…”, shkruan Rama.

  • Balla garanton qytetarët: Pensionin mesatar do ta çojmë në 400 euro brenda mandatit të ri 

    Balla garanton qytetarët: Pensionin mesatar do ta çojmë në 400 euro brenda mandatit të ri 

    Drejtuesi Politik i Partisë Socialiste për Diasporën, Taulant Balla, gjatë një takimi me qytetarë deklaroi se Partia Socialiste gjatë mandatit të ardhshëm do ta bëjë pensionin mesatar 400 euro.
    Garanci për mbajtjen e këtij premtimi, sipas Ballës, është puna që ka bërë Partia Socialiste deri më sot në këtë drejtim, duke e dyfishuar pensionin mesatar që gjeti më 2013-n.
    “Po, është e vërtetë që ne duhet të bëjmë më shumë dhe ne do ta bëjmë pensionin mesatar. E gjetëm 86 euro kur ia morëm pushtetin Saliut dhe do ta bëjmë 400 euro brenda mandatit tonë të ri”, tha Balla.
    Në fjalën e tij, Balla solli edhe një përvojë personale duke përmendur nënën e tij, një ish-infermiere me 45 vite punë, e cila, si shumë të tjerë, humbi vlerën e kontributeve të paguara gjatë komunizmit pas vitit 1992.
    “Ne kemi bërë 170 euro, e kemi dyfishuar. Po prapë është i vogël apo s’është kështu? Po kur e bëj këtë debat me mamin tim-mami im ka punuar 45 vjet infermiere, edhe i ra mamit të shkretë që 23 vjet të punonte në komunizëm, 22 vjet në demokraci- tani ato kontributet shoqërore që dha në komunizëm në ’92-in, i shpëlau Saliu. Zero”, nënvizoi ai.
    Sipas Ballës, përgjegjës për këtë ishte qeverisja e Partisë Demokratike, sepse privatizimet nuk u orientuan në funksion të sigurimeve shoqërore.
    “Ç’kishe dhënë kontribut gjithë jetën tënde- në vend që ato fabrikat, ato uzinat, ato pronat, t’i jepeshin sigurimeve shoqërore si kapital, se kishin punuar prindërit tanë, ato mbani mend-u dhanë ca letra me vlerë, ca pa vlerë. Dhe kur erdhi Edi Rama në 2013 çfarë gjeti? Gjeti një skemë pensionesh e cila kishte falimentuar. Largqoftë sikur të vazhdonte edhe një vit Saliu, ne s’do kishim mundësi të jepnim pensionet”, theksoi Balla.
    Balla shtoi se, ndonëse ka një perceptim të përhapur për largimin e shqiptarëve nga vendi, numri i të punësuarve që paguajnë sigurime shoqërore është rritur ndjeshëm nga viti 2013, nga 1 milion e 23 mijë në mbi 1 milion e 327 mijë persona.
    “Tani që paskan ikur shqiptarët, ke të punësuar që paguajnë sigurime 1 milion e 327 mijë, pra ke 300 mijë veta më shumë që kontribuojnë për këto të shkreta pensione. Por që ta dini edhe që është dhe angazhimi ynë,” deklaroi Balla.
    Kjo rritje tregon një bazë më të fortë për mbështetjen e skemës së pensioneve, duke fuqizuar përpjekjet e qeverisë për të përmirësuar sistemin e pensioneve, në atë që kryeministri Edi Rama e ka cilësuar si një “plagë” që po mbyllet.

  • Berisha në Kuçovë: Në 100 ditët e para garantojmë minimumin jetik dhe pensionin minimal 200 euro

    Berisha në Kuçovë: Në 100 ditët e para garantojmë minimumin jetik dhe pensionin minimal 200 euro

    Kreu i Partisë Demokratike, Sali Berisha, zhvilloi një takim në Kuçovë, ku para qytetarëve prezantoi angazhimet e tij për të ardhmen e Shqipërisë.
    Ai theksoi se 11 maji do të shënojë një fillim të ri për të rinjtë dhe të rejat që dëshirojnë të ndërtojnë të ardhmen e tyre në vend. Berisha premtoi se qeveria e PD do të ndërmarrë masa për të mbështetur qytetarët dhe për të rikthyer të rinjtë që kanë emigruar.

    Ai garantoi minimumin jetik dhe pensionin minimal prej 200 euro për 100 ditët e para të qeverisjes dhe njoftoi mbështetje financiare për çiftet e reja, duke ofruar 30 mijë euro për të mbuluar interesat e kredive dhe një mbështetje të veçantë për ata që kanë fëmijën e tretë.
    “11 Maji shënon fillimin e ri për çdo djalë e vajzë, që dëshiron të ndërtojë të ardhmen e tij në Shqipëri. Qeveria do përcaktojë grante për çdo kredi, që çdo çift i ri të ketë një çati. 30 mijë euro për të mbuluar të gjitha interesat dhe për fëmijën e tretë, qeveria do paguajë këtë 30 mijë eurosh. Të kthejmë nga emigracioni të rinjtë dhe të rejat që ikën.
    Të kthejmë kombin në moshën e rinisë së tij. Vetëm kështu kombi shqiptar është komb që begatohet gjithmonë e më shumë. 100 ditët e para garantojmë minimumin jetik dhe pensionin minimal 200 euro. Në këte vend, rroga mesatare do jetë 1200 euro dhe paga minimale do të jetë 500 euro”, tha Berisha.

  • “Do rrisim subvencionet me 5 herë”, Berisha në Vaqarr: Produktet serbe morën hov nga Ballkani i Hapur!

    “Do rrisim subvencionet me 5 herë”, Berisha në Vaqarr: Produktet serbe morën hov nga Ballkani i Hapur!

    Kreu i Partisë Demokratike, Sali Berisha, gjatë një takimi me qytetarët në Vaqarr, ka kritikuar ashpër qeverinë aktuale për mënyrën si po trajton pensionistët dhe fermerët shqiptarë. Ai premtoi masa konkrete në rast të ardhjes në pushtet të PD-së, duke theksuar se në treg nuk do të lejohen më ilaçe që nuk tregtohen të paktën në dy vende të Bashkimit Evropian.
    “Qeveria tallet me pensionistët,” deklaroi Berisha. “Mali i Zi e ka pensionin mesatar 450 euro, ndërkohë që ne jemi shumë poshtë. Kur ishim në pushtet, rritëm pensionet duke marrë fonde nga buxheti.”
    Në lidhje me bujqësinë, Berisha u zotua se do të pesëfishojë subvencionet për fermerët, duke theksuar se çdo vend i zhvilluar mbështet financiarisht prodhuesit e tij. Ai akuzoi qeverinë për hapjen e tregut ndaj prodhimeve serbe, të subvencionuara shumë më tepër se ato vendase, çka ka çuar sipas tij në falimentimin e fermerëve shqiptarë.
    Kreu i PD Sali Berisha: Nuk do ketë ilaçe në treg, që nuk tregtohen së paku në dy vende të BE-së. Ne do të zgjidhim disa gjëra, që janë jetike. Qeveria tallet me pensionistët. Pse Kurti ku i ka marrë paratë, kur ka gjysmën e pensionistëve të Shqipërisë, por ka gjysmën e buxhetit. Mali i Zi e ka pensionin mesatar 450 euro. PD kur erdhi e gjeti pensionin 36 mijë lekë të vjetra dhe i rritëm. Morëm paratë nga buxheti dhe i dërguam në pensione. Çdo shtet subvencionon fermerin, i jep para në dorë për atë që mbjell, për atë që korr, për atë që mbarështon, për fidanët që mbjell dhe asnjë shtet nuk humbet nga kjo, ato kthehen në mirëqenie. Ky hapi kufijtë për Serbinë, për Ballkanin e Hapur. Prodhimet serbe, që kanë subvencione 8 herë më shumë se ne, normalisht që do kenë prioritete. Kjo bëri që malli i vendit të kalbet dhe fermeri të falimentojë e të largohet. Subvencionet do i rrisim me 5 herë.

  • Rama nga Cërriku: Në 2030 synojmë pensionin minimal 200 euro

    Rama nga Cërriku: Në 2030 synojmë pensionin minimal 200 euro

    Kryeministri Edi Rama ishte ditën e sotme në Cërrik për të zhvilluar një takim me fermerët e zonës.Gjatë fjalës së tij, ai ka folur për pensionet, teksa tha se në 2030, synojnë pensionin minimal 200 euro.
    “Sot ka pensionistë që për të njëjtën vite pune marrin pensione të ndryshme në varësi të reformës. Një nga politikat më kriminale, të kënetës, u bë një mbyllje masive e aseteve të Shqipërisë dhe u nxorën njerëzit në rrugë dhe që 40 vjeç u shpallën pensionistë. U nxor me një vendim që pensioni më i lartë ishte 200 mijë lek. Të tjerat ishin qesharake. Kjo krijoi një masë të madhe njerëzish që u shpallën pensionistë dhe puna e tyre nuk konsiderua dhe niveli i punës në të zezë katastrofik.Kjo situatë u mbajt deri në 2014 kur ne e hoqëm tavanin dhe thamë pensioni është ajo që ke kontribuar në vite. Na ra goja duke thënë, mos e hani karamelen që duket e ëmbël, të marrjes së pagave në dorë. Të duket sikur merr pak më shumë, do i bësh vetes gropën kur të dalësh në pension. Kjo ka sjellë të rritet në mënyrë të ndjeshme kontributi në sigurimet shoqërore. Në 2030, synojmë pensionin minimal 200 euro. Ajo që thatë ju. Ju që jeni këtu dhe ato që janë pranë pensionit, keni një kapacitet financiar, nuk e kanë pensionistët e qytetit. Keni kapacitet ekonomik. I them atyre që thonë po vdesin për bukë. Kush flet kështu nuk njeh fshatin, ata që janë aty punojnë fort. Ju punoni fort. Në të gjitha rastet duam një pension minimal, të jetë garanci”, tha Rama.