Lajmidites.com

Tag: penguar

  • Tiranë/ Parkuan në mënyrë të gabuar duke penguar lëvizjen, procedohen 24 persona

  • “Çuna, respekt për çmontimin”! Rama: Koha për të jetuar me biznesin pa penguar të tjerët

    “Çuna, respekt për çmontimin”! Rama: Koha për të jetuar me biznesin pa penguar të tjerët

    pamje nga aksioni

    TIRANË-Kryeministri Edi Rama ka reaguar sërish këtë të martë në lidhje me lirimin e hapësirave publike. Rama në rrjetin social Facebook ka ndarë disa foto nga çmontimi i një tende metalike në një prej trotuareve të Tiranës. Kreu i qeverisë shkruan se tani është koha për biznes pa penguar hapësirat e përbashkëta, teksa shpreh vlerësimin për ata biznesmen që po heqin vullnetarisht tendat e tyre nga trotuaret.
    “Çuna, ka ardhur koha të tërhiqemi përtej kufirit të komunitetit dhe të jetojmë me biznesin, pa i penguar të tjerët të jetojnë në hapësirat e përbashkëta të komunitetit. Respekt për çmontimin”, shkruan Rama.

    Aksioni i lirimit të hapësirave publike ka nisur pothuajse në të gjithë vendin me urdhër të kryeministrit Edi Rama. Fenomeni “tokë e xanun”, sipas Ramës, nuk do të ekzistojnë më. Lidhur me këtë, ai ka bërë thirrje për të gjitha bizneset apo individët të cilët kanë zaptuar padrejtësisht hapësirat publike, t’i lirojnë menjëherë. Sakaq, kryeministri ka paralajmëruar se do të përballen me ligjin kushdo që e kundërshton aksionin./ZËRI

  • “Metës i janë penguar qëllimisht takimet me avokatët, dhe familjarët”, Blushi: Edhe unë e kam të pamundur të komunikoj me të

    “Metës i janë penguar qëllimisht takimet me avokatët, dhe familjarët”, Blushi: Edhe unë e kam të pamundur të komunikoj me të

    Sekretari i Përgjithshëm i Partisë së Lirisë, Tedi Blushi zhvilloi një konferencë për shtyp në lidhje me situatën e kreut të PL Ilir Meta, i cili ndodhet në qeli që prej tetorit të vitit të kaluar.

    Ai u shpreh se Metës i është penguar takimi me avokatë apo familjarë.
    “Prej më shumë se një muaji e kam të pamundur të komunikoj me Metën edhe nga kabina telefonike e IEPV edhe pse numri im është i regjistruar atje. Metës i janë penguar qëllimisht takimet me deputetë, eurodeputetë, me familjarë si motra dhe fëmijët, si dhe me avokatët.Rrëmbimi i Metës dhe izolimi politik i tij ka ndodhur fund e krye për arsye se regjimi i tmerruar nga të vërtetat e Metës edhe kur thuhen nga kabinat telefonike të burgut 313 po i cenon lirinë e fjalës si masë represive që ndodhi veçanërisht pas dy lidhjeve telefonike me gazetarë”, tha Blushi.
     

    Top Channel

  • Ish-presidenti Alfred Moisiu: Kemi 113 vjet shtet dhe ende s’kemi bërë shtet, bajraktarizmi na ka penguar

    Ish-presidenti Alfred Moisiu: Kemi 113 vjet shtet dhe ende s’kemi bërë shtet, bajraktarizmi na ka penguar

    Ish-presidenti i Shqipërisë, Alfred Moisiu, aktualisht në moshën 95-vjeçare, ka folur hapur për krizën e vazhdueshme të politikës shqiptare, duke treguar se pas më shumë se një shekulli shtet, Shqipëria ende nuk ka arritur të ndërtojë institucione solide.
    I ftuar në emisionin “Off the Record” me Andrea Dangllin në A2 CNN, Moisiu u ndal tek mangësitë që e kanë penguar vendin të ecë përpara.
    “Ne e donim dhe e duam demokracinë. Populli jonë gjithmonë e ka dashur, por tjetër punë si janë zhvilluar ngjarjet. Për fat të keq, na kanë dalë në krye ata që nuk duhet të dilnin. Kemi 113 vjet shtet dhe ende nuk mund të themi që kemi bërë shtet.”
    Por ku kemi gabuar?
    “Ne kemi një ndjenjë bajraktarizmi. Kjo është ajo që na ka penguar. Bajraktarllëku të jep fjalën dhe vazhdon, por njeriu e humbet logjikën dhe arsyen. Pikërisht kjo na ka penguar. Kemi 35 vjet në demokraci dhe nuk merret vesh tani. Ne ende nuk po dimë të bëjmë zgjedhje, i duam elektronike, jo si duam. Ata që i kërkojnë, nuk i duan. Si shpjegohet kjo punë? Një dreq i di. Kjo është një krizë e përhershme. Në zgjedhjet e para që janë bërë kam qenë ministër i Mbrojtjes dhe i kam ndjekur me shumë vëmendje. Në atë kohë kishte rënë telekomunikacioni dhe funksiononte ndërlidhja e ushtrisë dhe e bëra. Pra e kemi ndjekur mirë këtë punë. Zgjedhjet bëheshin në pikat e votimit në mal e fushë dhe të raportoheshin. Sot nuk merret vesh. Ndodhin këto gjëra apo sajohen?
    A kemi një mungesë reale alternativash?
    “Zhgënjimi është shumë i madh. Unë kam një jetë të gjatë që kam punuar për shtetin, por në vend që të përmirësohemi, sa i përket punës së shtetit, ne e kemi dobësuar. Ne nuk besojmë te administrata, kur ndërrohet qeveria ne i bëjmë nga e para, por kështu nuk kemi për të bërë administratë kurrë, por ajo është e shenjtë. Duhet të ketë një marrëveshje mes partive: Deri këtu ke të drejtë të ndryshosh, më poshtë mos prek.
    Kur jam zgjedhur president, thirra sekretarët e përgjithshëm dhe i thash se nuk prek asnjërin, kush do të ikë le të ikë. Pse duheshin ndryshuar? Ata bënin punën e tyre. Më vjen mirë se kjo traditë në Presidencë është ruajtur, që nga roja, që nga shoferi”.
    Pastaj dalim te kjo që po na ndodh tani. Çohet kryeministri dhe bën batërdinë, i ndërron të gjithë drejtorët. Ka një arsye se kot ai nuk reagon. Në fund të fundit ata janë ata që e njohin. Kur ndodhin këto probleme ndonjëherë duhet të marrësh masa të tilla të ekzagjeruara për mendimin tim”, tha Moisiu.

  • “Nuk jam e penguar nga askush për të lëvizur drejt Amerikës”, Kryemadhi i përgjigjet “flakë për flakë” Metës: Fans i Zegjinesë! Tedi Blushi është fansi i garderobës…

    “Nuk jam e penguar nga askush për të lëvizur drejt Amerikës”, Kryemadhi i përgjigjet “flakë për flakë” Metës: Fans i Zegjinesë! Tedi Blushi është fansi i garderobës…

    Pas deklaratës së Ilir Metës që e quajti “Zegjine e SPAK”, Monika Kryemadhi ka reaguar menjëherë me një postim ironik e thumbues.
    Ajo mohon të jetë e penguar për të udhëtuar jashtë vendit dhe shprehet se ka vizë amerikane me hyrje-dalje të shumta.
    Kryemadhi thumbon Metën duke e quajtur “fans i Zegjinesë”, ndërsa përmend edhe Tedi Blushin si “fansi i garderobës së saj”.

    Postimi i Monika Kryemadhit:
    “Një sqarim i vogël në këtë ditë të nxehtë për të ftohur mendje të nxehura nga dezinformues tradicionalë”. Unë nuk jam e penguar nga askush për të lëvizur drejt Amerikës dhe çdo vendi tjetër dhe përveç ditës që drejtësia ka vendosur të jem në “detyrim paraqitje” pranë SPAK.
    Siç e shikoni, viza amerikane është me disa hyrje-dalje dhe kjo është një gjë e vërtetueshme nga foto ose nga zyra e shtypit në ambasadën përkatëse. Nuk kam nevojë të marrë leje askund, madje as fansit të Zegjinesë, e as fansit të garderobës sime Tedi Blushit, për të udhëtuar drejt çdo vendi ku kam viza pune.

  • “Duhet penguar Putin”, Anglia do blejë avionë për të qëlluar me armë bërthamore

    “Duhet penguar Putin”, Anglia do blejë avionë për të qëlluar me armë bërthamore

    Britania e Madhe dëshiron të blejë avionë luftarakë të aftë për të qëlluar me armë bërthamore taktike, në një zgjerim të madh të parandalimit që synon të kundërshtojë kërcënimin në rritje që paraqet Rusia.
    Qeveria e Sir Keir Starmer është në bisedime shumë të ndjeshme mbi këtë veprim, i cili do të përfaqësonte zhvillimin më të madh në parandalimin e Mbretërisë së Bashkuar që nga Lufta e Ftohtë dhe një njohje se bota ka hyrë në një epokë më të rrezikshme bërthamore.
    Sekretari i mbrojtjes, John Healey, dhe Admirali Sir Tony Radakin, kreu i forcave të armatosura, po kërkojnë të blejnë avionë luftarakë të prodhuar në Amerikë, të aftë për të lëshuar bomba gravitacionale me fuqi më të ulët se armët bërthamore konvencionale. Starmer gjithashtu ka dhënë mbështetjen e tij dhe besohet se kanë zhvilluar diskutime me Pentagonin.
    Në një intervistë me The Sunday Times, Healey refuzoi të komentonte mbi bisedimet, por pranoi se Britania duhet të përshtatet me “epokën e re të kërcënimit” me të cilën përballet.
    “Bota po bëhet padyshim më e rrezikshme. Rreziqet bërthamore po rriten”, tha ai. “Tani përballemi, për herë të parë që nga fundi i Luftës së Ftohtë, me rreziqe serioze në rritje të konfliktit shtet-me-shtet”.
    Me Presidentin Putin që kërcënon vazhdimisht për përshkallëzim bërthamor në vitet e fundit, ka shqetësime në rritje se Moska mund të përdorë armë bërthamore taktike në Ukrainë ose në frontin lindor të NATO-s.
    Ndërsa kjo e fundit pothuajse me siguri do të provokonte konflikt me NATO-n sipas Nenit 5 – një sulm i armatosur kundër një anëtari konsiderohet sulm kundër të gjithëve – është e paqartë nëse një sulm i kufizuar taktik bërthamor nga Rusia do të provokonte një hakmarrje të plotë bërthamore.
    Shefat ushtarakë të Britanisë tani besojnë se Mbretëria e Bashkuar duhet të jetë në gjendje të përdorë më shumë aftësi bërthamore taktike për të penguar Putinin.

  • Rusia kritika BE-së/ Ministria e Jashtme: Taktika ‘të pacivilizuara’ për të penguar udhëheqësit të marrin pjesë në ‘Ditën e Fitores’

    Rusia kritika BE-së/ Ministria e Jashtme: Taktika ‘të pacivilizuara’ për të penguar udhëheqësit të marrin pjesë në ‘Ditën e Fitores’

    Zëdhënësja e Ministrisë së Jashtme ruse, Maria Zakharova, akuzoi disa vende të BE-së se po përdorin taktika “të pacivilizuara”, për të penguar mysafirët ndërkombëtarë të udhëtojnë në Moskë për festimet e Ditës së Fitores.

    “Në përputhje me fushatën e frikësimit të udhëheqësve evropianë që është nisur nga Brukseli për të kënaqur regjimin e Kievit dhe për t’i penguar ata të udhëtojnë drejt Moskës, anëtarët më të zellshëm të BE-së po përdorin metoda të pacivilizuara, duke kërkuar të mbyllin rrugët e transportit që të çojnë në Rusi”, tha ajo në një deklaratë.

    “Vendet e BE-së vazhdojnë praktikën e kufizimit të së drejtës sovrane të kombeve për të ndjekur politikën e tyre të jashtme, duke përdorur të gjitha mjetet në dispozicion të tyre”, vazhdoi Zakharova.

    Ajo tha se refuzimi i Lituanisë dhe Letonisë për të lejuar aeroplanin që transportonte presidentin serb Aleksandar Vuçiç të fluturonte nëpër hapësirën e tyre ajrore, përfaqëson “një tjetër rast skandaloz” të kësaj praktike.

    “Sjellja e autoriteteve lituaneze dhe letoneze për fat të keq, nuk është e habitshme,” vazhdoi ajo. “Vilnius dhe Riga kanë rezervuar prej kohësh për veten e tyre rolin e një poste rusofobe, të gatshme për çdo veprim të egër, vetëm për të inatosur Rusinë dhe këdo që refuzon të ndjekë shembullin e burokratëve të BE-së që veprojnë si mbikëqyrës.”

    “Intrigat keqdashëse do të mbeten të pafrytshme, edhe në këtë rast”, tha zëdhënësja. “Askush nuk mund ta prishë partneritetin tonë strategjik me Beogradin, miqësinë shekullore me popullin vëllazëror serb”.

    “Rusia do ta festojë përvjetorin e Fitores së Madhe me dinjitet, së bashku me një numër mbresëlënës të mysafirëve të huaj që besojnë se është e rëndësishme të shënohet kjo festë e shenjtë midis miqve në asnjë vend tjetër përveç Moskës.”

    Rusia e sheh këtë jo vetëm si simbolikë, por edhe si provë të “paprekshmërisë së së vërtetës historike”./ TASS.

  • ‘Bufi i kënetës, peshqesh nga komunizmi’, Rama ironizon Berishën: Rri e mbretëron në llum

    ‘Bufi i kënetës, peshqesh nga komunizmi’, Rama ironizon Berishën: Rri e mbretëron në llum

    Kryeministri Edi Rama, gjatë një takimi me emigrantët në Athinë, ka ironizuar ish-kryeministrin Sali Berisha, duke iu referuar sërish si “bufi i kënetës”.
    Rama e përdori këtë metaforë për të theksuar dallimin mes simbolikës së bufit të shfaqur nga Berisha dhe asaj tradicionale të bufit, i cili ishte simbol i urtësisë tek grekët dhe romakët. Ai theksoi se “bufi i Tiranës”, duke nënkuptuar Berishën, nuk është një simbol i urtësisë, por një figurë e mbetur nga periudha komuniste që ka penguar zhvillimin e Shqipërisë.
    Rama u shpreh se, ndërsa Evropa dhe NATO janë të angazhuara për Shqipërinë, Shqipëria nuk duhet të kthehet në një temë përqeshjeje, duke përmendur si “buff” figurën e Berishës që, sipas tij, vazhdon të jetë një pengesë për përparimin e vendit.
    ‘Nuk duhet asnjë urtësi e madhe për të menduar vetëm një moment, imagjinojeni që BE me ne është angazhuar në negociata, Janë 1 mijë vajza e djem që punojnë çdo ditë, më 15 Maj, BE i gjithi, vjen në Tiranë. Në datën 16 maj, vijnë edhe të gjithë liderët e Evropës jashtë BE që nga Britania e Madhe, Turqia, Ukraina dhe Azerbajxhani dhe sekretari i NATO-s. Çfarë ndryshimi ka midis një mesazhi të 1 majit, ku shqiptarët pa dallim partie, i çojnë Evropës mesazhin që ne të gjithë duam të hyjmë në BE tani dhe një mesazhi të paqartë. Pastaj imagjinoni që atyre t’iu rishfaqet bufi i kënetës si një bashkëbisedues. Imagjinoni Evropa dhe NATO që bashkëbisedon me bufin e kënetës, se jemi edhe këtu në Athinë…e dëgjo ca thotë apo jo thuaj matuf, por jo buf. Jemi në Athinë dhe bufi kishte thënë një ditë që jam krenar, e kam për nder të jem buf sepse bufi ka qenë simboli i Athinasë dhe i minervës dhe bufi ka qenë simboli i urtësisë dhe i bukurisë. I duket vetja edhe i bukur. E dini vetë sesa super seksi është. Por problemi është që nuk bëhet fjalë për të njëjtin buf, bufi i grekëve dhe romakëve ishte ai që quhet bufi i vogël ndërkohë që ky bufi ynë është ai për të cilin populli thotë ç’më rri akoma aty o buf kënete. Ai bufi i urtësisë, ai rri në male dhe ullishta, ndërsa ai i yni mbretëron në një llum që e ka penguar Shqipërinë dhe penguar shqiptarët për kaq shumë vite. Atë bufin në Tiranë nuk e kemi trashëgimi nga qytetërimi ynë i vjetër, por peshqesh nga diktatura komuniste’, tha Rama.