Lajmidites.com

Tag: pengjeve

  • Lufta në Gaza, Izraeli akuza Hamasit: Eshtrat e dorëzuara nuk i përkasin trupave të pengjeve

    Lufta në Gaza, Izraeli akuza Hamasit: Eshtrat e dorëzuara nuk i përkasin trupave të pengjeve

    Zyra e kryeministrit izraelit Benjamin Netanyahu njoftoi se “eshtrat” njerëzore të dorëzuara nga Hamasi për analizë nuk i përkasin asnjërit prej dy pengjeve që mbeten ende në Gaza.

    Sipas deklaratës zyrtare, fraksioni palestinez ende nuk ka rikthyer trupat e dy pengjeve, ndërsa Izraeli thekson se përpjekjet për t’i sjellë ata në atdhe nuk do të ndalen, derisa të garantohet një varrim dinjitoz për secilin.
    Ndërkohë, tensionet në rajon mbeten të larta. Gjatë vizitës së tij në Liban, Papa Françesku bëri një thirrje të drejtpërdrejtë ndaj Hezbollahut dhe aktorëve të tjerë të armatosur që të “ndalojnë dhunën, të heshtin armët dhe të hapin rrugën për dialog”.
    Në frontin diplomatik, kryeministri Netanyahu zhvilloi një bisedë me Presidentin e SHBA-së, Donald Trump, ku të dy liderët theksuan angazhimin për çarmatosjen e Hamasit, demilitarizimin e Rripit të Gazës dhe diskutuan mbi mundësinë e zgjerimit të marrëveshjeve të paqes në Lindjen e Mesme.

    Top Channel

  • Hamasi i dorëzon Izraelit trupin e një prej tre pengjeve të fundit

    Hamasi i dorëzon Izraelit trupin e një prej tre pengjeve të fundit

    Izraeli ka marrë nëpërmjet Kryqit të Kuq, një arkivol që sipas Hamasit dhe Xhihadit Islamik Palestinez (PIJ), përmban trupin e njërit prej tre pengjeve të fundit të ndjerë që ndodhen ende në Gaza, sipas zyrës së kryeministrit izraelit.
    Forcat izraelite tani do ta transferojnë trupin në Qendrën Kombëtare të Mjekësisë Ligjore të Izraelit në Tel Aviv, për identifikim. Më parë, PIJ dhe Hamasi njoftuan se trupi i një pengu izraelit ishte gjetur në Gazën qendrore të hënën.
    Zyra e kryeministrit Benjamin Netanyahu paralajmëroi se e shikonte “me ashpërsi vonesën në transferimin e menjëhershëm” të trupit, duke thënë se kjo përbënte një “shkelje të mëtejshme” të marrëveshjes gjashtëjavore të armëpushimit në Gaza.

    Pas dorëzimit në Gazën qendrore të martën pasdite, zyra njoftoi se familjet e tre pengjeve të vdekura ishin përditësuar në përputhje me rrethanat.
    “Zemrat tona janë me ta në këtë orë të vështirë”, shtoi ajo. “Përpjekja për të kthyer pengjet tona është e vazhdueshme dhe nuk do të ndalet derisa të kthehet edhe pengu i fundit”, theksohet në njoftim.
    Sipas fazës së parë të marrëveshjes së armëpushimit të ndërmjetësuar nga SHBA-të, e cila hyri në fuqi më 10 tetor, Hamasi pranoi të kthejë 20 pengjet izraelite të gjallë dhe trupat e 28 pengjeve të vdekur izraelitë dhe të huaj që ndodheshin ende në Gaza brenda 72 orëve, informon BBC.
    Të gjithë pengjet e gjalla u liruan më 13 tetor në këmbim të 250 të burgosurve palestinezë dhe 1,718 të paraburgosurve nga Gaza. Deri më tani, janë dorëzuar eshtrat e 22 pengjeve të vdekur izraelitë, së bashku me ato të tre pengjeve të huaja – njëri prej tyre tajlandez, një nepalez dhe një tanzanian.
    Në këmbim, Izraeli ka dorëzuar trupat e 330 palestinezëve të vrarë gjatë luftës. Dy nga tre pengjet e mbetur të vdekur janë izraelitë – Ran Gvili, 24 vjeç, dhe Dror Or, 48 vjeç – dhe njëri është tajlandez – Suthisak Rintalak, 43 vjeç.
    Pengjet e vdekura që ndodheshin ende në Gaza ishin midis 251 personave të rrëmbyer gjatë sulmit të udhëhequr nga Hamasi ndaj Izraelit më 7 tetor 2023, gjatë të cilit u vranë rreth 1,200 persona të tjerë.
    Izraeli u përgjigj duke nisur një fushatë ushtarake në Gaza, gjatë së cilës janë vrarë më shumë se 69,770 njerëz, sipas ministrisë së shëndetësisë të territorit të drejtuar nga Hamasi.

  • Armëpushimi në Gaza, Hamasi i dorëzon trupin e një pengu tjetër Izraelit

    Armëpushimi në Gaza, Hamasi i dorëzon trupin e një pengu tjetër Izraelit

    Hamasi i dorëzoi të martën Kryqit të Kuq trupin e një prej katër pengjeve të fundit të mbetura në Rripin e Gazës, si pjesë e marrëveshjes së armëpushimit me Izraelin.

    Zyra e kryeministrit izraelit, Benjamin Netanyahu konfirmoi se ushtria kishte marrë arkivolin që mbante trupin, i cili do të ekzaminohet nga mjeku ligjor për ta identifikuar atë.
    Sipas kushteve të marrëveshjes që hyri në fuqi më 10 tetor, pas pothuajse dy vitesh lufte në Gaza, Hamasi duhej t’i dorëzonte Izraelit të gjithë trupat e pengjeve të rrëmbyera më 7 tetor 2023.
    Deri më sot, trupat e katër personave, tre izraelitë dhe një tajlandez, ende nuk janë kthyer.

    Top Channel

  • Marrëveshja e armëpushimit në Gaza, Izraeli dorëzon trupat e 45 palestinezëve

    Marrëveshja e armëpushimit në Gaza, Izraeli dorëzon trupat e 45 palestinezëve

    Izraeli dorëzoi të hënën trupat e 45 palestinezëve, tha Kryqi i Kuq, një ditë pasi militantët kthyen eshtrat e tre pengjeve.
    Zyrtarët izraelitë i identifikuan të tre si ushtarë që u vranë në sulmin e udhëhequr nga Hamasi më 7 tetor 2023 që shkaktoi luftën.
    Shkëmbimi i pengjeve shënoi një hap tjetër përpara për armëpushimin e ndërmjetësuar nga SHBA-ja në konfliktin 2-vjeçar, lufta më vdekjeprurëse dhe më shkatërruese e zhvilluar ndonjëherë midis Izraelit dhe grupit militant “Hamas”.

    Që prej hyrjes në fuqi të armëpushimit më 10 tetor, militantët palestinezë kanë dorëzuar trupat e 20 pengjeve, ndërsa tetë të tjerë kanë mbetur ende në Gaza.
     
     

  • Izraeli dorëzon trupat e 45 palestinezëve

    Izraeli dorëzon trupat e 45 palestinezëve

    Bota E Hënë, 3 Nëntor 2025 16:27
    Këtë të hënë Izraeli dorëzoi trupat e 45 palestinezëve, tha Kryqi i Kuq, një ditë pasi militantët kthyen eshtrat e tre pengjeve. Zyrtarët izraelitë i identifikuan të tre si ushtarë që u vranë në sulmin e udhëhequr nga Hamasi më 7 tetor 2023 që shkaktoi luftën.
    Shkëmbimi i pengjeve shënoi një hap tjetër përpara për armëpushimin e ndërmjetësuar nga SHBA-ja në konfliktin 2-vjeçar lufta më vdekjeprurëse dhe më shkatërruese e zhvilluar ndonjëherë midis Izraelit dhe grupit militant “Hamas”.
    Që prej hyrjes në fuqi të armëpushimit më 10 tetor, militantët palestinezë kanë dorëzuar trupat e 20 pengjeve, ndërsa tetë të tjerë kanë mbetur ende në Gaza.

  • Pas rikthimit të pengjeve, Izraeli ashpërson qëndrimin ndaj terrorizmit: Projektligji për dënimin me vdekje kalon në komitet

    Pas rikthimit të pengjeve, Izraeli ashpërson qëndrimin ndaj terrorizmit: Projektligji për dënimin me vdekje kalon në komitet

    Komiteti Ministror për Sigurinë Kombëtare i Knesset-it miratoi të hënën avancimin e një projektligji që propozon dënimin me vdekje për terroristët.

    Koordinatori për të Burgosurit dhe Personat e Zhdukur, Gal Hirsch, i tha komitetit para votimit se kryeministri Benjamin Netanyahu e mbështet këtë legjislacion. Hirsch shtoi se kundërshtimi ndaj projektligjit “ka humbur rëndësinë” pas kthimit të pengjeve dhe “situatës aktuale me Hamasin” siç u shpreh ai.

    Ai e përshkroi më tej projektligjin si “një mjet në kutinë e mjeteve që na lejon të luftojmë terrorin dhe të sigurojmë lirimin e pengjeve”. Ministri i Sigurisë Kombëtare nga e djathta ekstreme, Itamar Ben-Gvir, deklaroi gjatë diskutimit se “nuk do të ketë diskrecion sipas këtij ligji. Ky është qëndrimi dhe qasja ime. Sapo lejon diskrecion, nuk kupton që gjithçka ka ndryshuar këtu”. Ai shtoi se “qasja ka ndryshuar” dhe këmbënguli se “të gjithë bien dakord që dënimi me vdekje për terroristët mund të shërbejë si pengesë. Sapo lejon diskrecion, minon efektin pengues”.

    Ben-Gvir tha gjithashtu: “Dua që të mos ketë asnjë nxitje për ta që të rrëmbejnë. Sapo një terrorist që ka kryer vrasje e di se do të përballet me dënimin me vdekje, nuk do të ketë më hezitime apo mendime të dyta. Qëndrimi im dhe i mbështetësve të projektligjit është i qartë: nuk duhet të ketë diskrecion, duhet të jetë i detyrueshëm dhe kjo pasqyron një ndryshim në doktrinën e sigurisë së Izraelit”.

    “Çdo terrorist që synon të vrasë duhet ta dijë se ka vetëm një dënim të mundshëm, vdekjen”, shtoi Ben-Gvir.

    Komiteti e kishte miratuar më parë projektligjin në shtator me katër vota pro dhe një kundër. Megjithatë, vendimi u anulua sepse votimi ishte zhvilluar gjatë pushimeve të Knesset-it dhe anëtarët e komitetit nuk kishin dëgjuar më parë qëndrimet e autoriteteve të sigurisë përkatëse. Pavarësisht paralajmërimeve nga këshilltari ligjor i komitetit, avokati Ido Ben Yitzhak, se votimi ishte i pavlefshëm, anëtarët vazhduan përpara.

    Kryetari i komitetit, deputeti Tzvika Fogel nga partia e ekstremit të djathtë Otzma Yehudit e Ben-Gvir-it, tha në atë kohë se këshilltarja ligjore e Knesset-it, Sagit Afek, i kishte kërkuar të mos e zhvillonte votimin. “I thashë se do ta merrja në konsideratë. Sot, më shumë se kurrë, e kuptoj që duhet të votoj”, tha ai.

    Projektligji u iniciua nga deputetja Limor Son Har-Melech nga Otzma Yehudit, me një propozim identik të paraqitur nga deputeti Oded Forer i partisë Yisrael Beiteinu. Ata që votuan pro përfshinin Fogel, Har-Melech, Forer, si dhe deputetin Zvi Sukkot nga Partia Sioniste Fetare dhe deputeten Tali Gottlieb nga Likud. Deputeti dhe rabini reformist Gilad Kariv nga demokratët votoi kundër projektligjit.

    Në seancën e shtatorit, Gal Hirsch mori pjesë për të përfaqësuar, siç tha ai, perspektivën e profesionistëve “qëllimi i vetëm i të cilëve është shpëtimi i pengjeve”, Hirsch kërkoi ndalimin e diskutimit për projektligjin, duke thënë: “Ende kemi 48 pengje për të rikuperuar. Ky diskutim nuk na ndihmon. Duhet ta shqyrtojmë këtë me lupë, ndërsa jetët e vëllezërve tanë janë në rrezik. Kjo nuk është qasja ime e zakonshme në punën e komitetit, por duhet të përmbush misionin e kthimit të pengjeve. Prandaj kam ardhur këtu për të kundërshtuar qëndrimin e komitetit.”

    Fogel e pranoi kundërshtimin e ngritur nga profesionistët, përfshirë Hirschin, por vendosi të mos i marrë parasysh vlerësimet e tyre.

  • Hamas dorëzon trupat e tre pengjeve izraelite në kuadër të marrëveshjes për armëpushim

    Hamas dorëzon trupat e tre pengjeve izraelite në kuadër të marrëveshjes për armëpushim

    Hamas ka dorëzuar tre arkivole që, sipas tij, përmbajnë trupat e pengjeve izraelite të vdekur në Rripin e Gazës. Ushtria izraelite ka konfirmuar se arkivolet janë marrë përmes Kryqit të Kuq dhe janë transportuar në Izrael për proces identifikimi.
    Nëse konfirmohet se bëhet fjalë për pengje të vrarë, në Gaza do të mbeten edhe tetë trupa të tjerë të pengjeve izraelitë dhe të huaj që nuk janë kthyer ende.
    Dorëzimi i sotëm është pjesë e fazës së parë të marrëveshjes për armëpushim të ndërmjetësuar nga Shtetet e Bashkuara, e cila parashikon kthimin e 20 pengjeve të gjalla dhe 28 trupave të të vrarëve që ndodheshin në duart e Hamasit.

    Izraeli ka akuzuar Hamasin për vonesa në kthimin e trupave, ndërsa grupi palestinez ka deklaruar se po përpiqet të gjejë trupat që mund të jenë ende nën rrënojat e shkaktuara nga bombardimet në Gaza. Brigadat Al-Kasam, krahu i armatosur i Hamasit, thanë se mbetjet njerëzore u gjetën të dielën “në një nga tunelet në jug të Rripit të Gazës”.
    Në një reagim pas njoftimit, zyra e kryeministrit izraelit Benjamin Netanyahu bëri të ditur se familjet e pengjeve janë informuar dhe se “përpjekjet për kthimin e të gjithë pengjeve do të vazhdojnë deri në kthimin e fundit prej tyre”.
    Armëpushimi i brishtë mes dy palëve është shoqëruar me akuza të ndërsjella për shkelje. Të dielën, një sulm ajror izraelit vrau një burrë në veri të Gazës, sipas Ministrisë së Shëndetësisë që kontrollohet nga Hamasi, ndërsa ushtria izraelite tha se kishte goditur një militant që përbënte kërcënim për trupat e saj.
    Sipas marrëveshjes aktuale, të gjithë pengjet izraelitë të gjallë u liruan më 13 tetor në këmbim të 250 të burgosurve palestinezë dhe 1 mijë e 718 të ndaluarve nga Gaza. Deri më tani, Izraeli ka kthyer trupat e 225 palestinezëve në shkëmbim për trupat e 15 pengjeve izraelite dhe dy pengjeve të huaj një tajlandez dhe një nepalez, që janë dorëzuar nga Hamasi.
    Që nga sulmi i Hamasit më 7 tetor 2023, ku u vranë rreth 1 mijë e 200 persona në jug të Izraelit dhe u rrëmbyen mbi 250 pengje, konflikti ka shkaktuar pasoja të rënda humanitare. Sipas Ministrisë së Shëndetësisë që administrohet nga Hamasi, më shumë se 68 mijë e 500 persona janë vrarë në Rripin e Gazës si pasojë e ofensivës izraelite që pasoi sulmin.

  • Ushtria e Izraelit: Hamasi na ka dorëzuar kufoma të rreme të pengjeve

    Ushtria e Izraelit: Hamasi na ka dorëzuar kufoma të rreme të pengjeve

    Organizata terroriste Hamas ende nuk i ka dorëzuar trupat e të gjitha pengjeve të vdekura. Sipas hetimeve mjeko-ligjore të ushtrisë izraelite, sërish janë dorëzuar kufoma të gabuara.
    Mbetjet e trupave të tre personave të vdekur, që dorëzoi së fundmi grupi islamist Hamas, nuk u përkasin pengjeve të zhdukur, njoftoi ushtria izraelite, duke ju referuar analizave dhe hetimeve të Institutit të Mjekësisë Ligjore. Mbetjet mortore iu dorëzuan nga Hamasi të premten në mbrëmje përfaqësuesve të Komitetit Ndërkombëtar të Kryqit të Kuq në Rripin e Gazës, dhe ata ia përcollën ato më pas ushtrisë izraelite.
    Izraeli akuzon Hamasin për gënjeshtra
    Një ditë më parë, të enjten 30.10, Hamasi dorëzoi dy trupa pa jetë, të cilët u përkisnin vërtet izraelitëve Amiram Cooper dhe Sahar Baruch. Grupi islamist Hamas ka dorëzuar deri tani trupat e 17 nga 28 pengjet e vdekura. Ndryshe nga sa ishte rënë dakord në planin e paqes së Presidentit të SHBA-së, Donald Trump, për Gazën, organizata terroriste po i liron trupat ngadalë. Ajo e justifikon këtë me pretendimin se është e vështirë për t’i gjetur të vdekurit, sepse janë varrosur nën rrënojat e ndërtesave dhe tuneleve të bombarduara. Izraeli e quan këtë një gënjeshtër të Hamasit.
    Hamasi e pranon gabimin e tij
    Ky nuk është rasti i parë i këtij lloji. Hamasi edhe më parë ka dorëzuar trupa palestinezësh në vend të mbetjeve të personave që u rrëmbyen si pengje. Në mes të tetorit Hamasi dorëzoi trupin e një palestinezi në vend të trupit të një pengu.
    Edhe në muajin shkurt Hamasi dorëzoi trupin e një gruaje palestineze në vend të trupit Shiri Bibas, të marrë peng. Bibas ishte edhe shtetase gjermane. Organizata terroriste e pranoi më vonë një gabim të mundshëm dhe në fund dorëzoi trupin e saktë./ DW

  • Izraeli thotë se trupat e kthyer të premten nga Hamasi nuk janë të pengjeve izraelite

    Izraeli thotë se trupat e kthyer të premten nga Hamasi nuk janë të pengjeve izraelite

    Mbetjet më të fundit mortore të dorëzuara nga Hamasi në Izrael nuk i përkasin asnjërit prej pengjeve të zhdukura, njoftoi ushtria izraelite të shtunën.
    Hamasi është grup militant palestinez i shpallur organizatë terroriste nga Shtetet e Bashkuara dhe fuqi të tjera.
    Sipas ushtrisë izraelite, mbetjet e tre trupave, të cilat u transferuan tek Komiteti Ndërkombëtar i Kryqit të Kuq (ICRC) të premten në mbrëmje, u ekzaminuan nga një institut mjekoligjor në Izrael.

    Në të kaluarën, dorëzimi i mbetjeve mortore që më vonë rezultonte se nuk i përkisnin pengjeve, ka shkaktuar zemërim në Izrael. Qeveria izraelite nuk ka folur për pasojat e mundshme.
    Të enjten, Hamasi kishte kthyer trupat e dy pengjeve izraelite, të identifikuar si Amiram Kuper dhe Sahar Baruh. Në Gazë tani kanë mbetur trupat e edhe 11 pengje të tjera të zhdukura.
    Hamasi i ka kthyer gradualisht trupat në Izrael si pjesë e një marrëveshjeje armëpushimi të ndërmjetësuar nga SHBA-ja.
    Hamasi thotë se e ka të vështirë t’i gjejë trupat nën rrënojat e ndërtesave dhe tuneleve të bombarduara, por Izraeli e akuzon atë për vonesa të qëllimshme.
    Lufta në Gazë shpërtheu pasi militantët e udhëhequr nga Hamasi sulmuan Izraelin më 7 tetor 2023, duke vrarë rreth 1.200 persona dhe duke rrëmbyer mbi 250 të tjerë.
    Izraeli nisi një fushatë të gjerë ushtarake si përgjigje, e cila ka vrarë më shumë se 68.500 palestinezë në Gazë, sipas autoritetit shëndetësor të drejtuar nga Hamasi.
    Armëpushimi është në fuqi që nga 10 tetori, si pjesë e një plani për paqe, të paraqitur nga presidenti amerikan Donald Trump.
    Më 13 tetor, sipas kushteve të marrëveshjes, Hamasi liroi të gjitha pengjet e gjalla në këmbim të qindra të burgosurve palestinezë.

  • Hamasi dorëzoi dje tre trupa, Izraeli akuzon grupin rebel: Nuk i përkasin pengjeve izraelite

    Hamasi dorëzoi dje tre trupa, Izraeli akuzon grupin rebel: Nuk i përkasin pengjeve izraelite

    Tre trupat e dorëzuar nga Hamasi dje me ndërmjetësimin e Kryqit të Kuq nuk i përkasin asnjërit prej pengjeve që organizata palestineze rrëmbeu gjatë sulmit të saj më 7 tetor 2023, tha sot një zëdhënës i ushtrisë izraelite për AFP.

    Një burim ushtarak kishte treguar mbrëmë, në kohën e dorëzimit të trupave, se nuk besonte se ato ishin mbetje pengjesh.
    Sipas marrëveshjes së armëpushimit, Hamasi liroi 20 pengjet e gjalla që mbante në Rripin e Gazës më 13 tetor. Gjithashtu supozohej se kishte dorëzuar mbetjet e 28 pengjeve të vdekur, por deri më tani ka kthyer 17 trupa, duke përmendur vështirësitë në gjetjen e tyre nën rrënojat e ndërtesave të shembura nga sulmet izraelite në enklavën palestineze.
    Vonesat kanë zemëruar qeverinë izraelite, e cila akuzon Hamasin për shkelje të kushteve të marrëveshjes së armëpushimit.

    Top Channel