Ministri i Jashtëm izraelit, Gideon Saar, tha të martën se lufta në Gaza mund të përfundojë nëse pengjet do të liroheshin dhe lëvizja islamiste palestineze Hamas do të dorëzonte armët.
Saar e bëri deklaratën në një konferencë të përbashkët për shtyp me homologun e tij danez në Jerusalem, një ditë pasi Hamasi përsëriti qëndrimin e tij të kahershëm se do të lironte të gjithë pengjet nëse Izraeli do të pranonte të përfundonte luftën dhe të tërhiqte forcat e tij nga Qyteti i Gazës.
Top Channel
Ministri i Jashtëm izraelit, Gideon Saar tha se lufta në Gaza mund të mbaronte nëse të gjitha pengjet do të liroheshin dhe lëvizja islamiste palestineze Hamas do të dorëzonte armët.
Saar e bëri deklaratën në një konferencë të përbashkët për shtyp me homologun e tij danez në Jerusalem, një ditë pasi Hamasi përsëriti qëndrimin e tij të kahershëm se do të lironte të gjithë pengjet nëse Izraeli do të pranonte të përfundonte luftën dhe të tërhiqte forcat e tij nga Qyteti i Gazës.
Izraeli goditi dje një bllok ndërtesash të larta në Qytetin e Gazës, duke intensifikuar ofensivën.
Kulla Sussi është ndërtesa e dytë shumëkatëshe që shkatërrohet brenda pak ditësh. Të premten, Izraeli shkatërroi kullën më të lartë në qytetin e Gazës./vizionplus.tv
Zëdhënësi i Ministrisë së Jashtme të Katarit, Majed al Ansari, ka paralajmëruar se një pushtim izraelit i qytetit të Gazës mund të kushtojë qindra jetë.
Duke folur në një konferencë për shtyp, Al Ansari u shpreh se “Hapi i rrezikshëm që po ndërmerr Izraeli, duke pushtuar qytetin e Gazës, duke pasur parasysh popullsinë e dendur dhe përkeqësimin e situatës humanitare, do të shkaktojë vdekjen e qindra civilëve“.
“Kjo do të rrezikojë të gjithë, përfshirë pengjet“, shton ai.
Kryeministri izraelit Benjamin Netanyahu ka vazhduar me planin e tij për të pushtuar ushtarakisht Rripin e Gazës, duke filluar nga Qyteti i Gazës, me qëllim shkatërrimin e Hamasit dhe kthimin e pengjeve të mbetura izraelite.
Izraeli ka pretenduar se qyteti ishte një bastion i Hamasit dhe ka pretenduar se një rrjet tunelesh mbetet në përdorim pavarësisht disa bastisjeve të mëparshme në shkallë të gjerë në zonë.
Top Channel
E vendosur në bindjet e saj, ministrja Orit Malka Strook kërkoi fjalën të dielën gjatë mbledhjes së kabinetit të sigurisë, të thirrur nga Beniamin Netanyahu.
“Sonte nuk do flasim për pengjet,” kishte thënë më parë kryeministri izraelit, “por vetëm për planet ushtarake në Gaza.”
A ishte e mundur kjo? Jo. Gjenerali Eyal Zamir, shefi i shtabit të përgjithshëm, i cili para një pushtimi të plotë dëshironte një marrëveshje, edhe të pjesshme, me Hamasin për të kthyer pengjet (të gjallë apo të vdekur) e hapi temën. Sipas një artikulli të “Corriere Della Sera”, ai tha qartë se ushtria nuk është dakord.
Ministrja Strook, e njohur në media edhe për faktin se djali i saj është dënuar për torturimin e një palestinezi, nuk e duroi këtë. Në mes të mbledhjes së qeverisë, i drejtohet Zamirit duke cituar Biblën: “A ka njeri që ka frikë dhe i mungon guximi? Le të largohet dhe të kthehet në shtëpi, që të mos e humbasin guximin vëllezërit e tij si ai.”
A ka fyerje më të rëndë për një gjeneral sesa ta quash frikacak?
“Përsërite atë varg!”, ia ktheu Zamir. “Unë kam vetëm dy detyra: të ndaloj Iranin nga armët bërthamore dhe të shkatërroj Hamasin.”
Strook nuk u ndal. Lexoi sërish vargun.
Gjenerali ngriti zërin: “Këtu askush nuk ka frikë!” Pastaj u kthye nga Netanyahu: “Nëse do disiplinë të verbër, thirr dikë tjetër”
“Jo,” – e qetësoi Bibi – “nuk dua disiplinë të verbër.”
Por ajo që kryeministri dhe ministrat duan është tashmë e qartë: “Harroni çdo marrëveshje për pengjet,” – thonë ata, duke ndjekur këshillat e Donald Trump “dhe hyni me tërë forcën në Gaza. Përfundoni punën.”
Përplasjet me ushtrinë izraelite (IDF), e cila është kundër një pushtimi të plotë të Gazës sepse beson se nuk do të çonte në fitore kundër Hamasit, janë bërë të zakonshme në mbledhjet e kabinetit.
Së pari, për shkak të tensioneve në Jemen, ku mund të hapet një tjetër front pas vrasjes së një udhëheqësi Houthi. Së dyti, sepse gjenerali Zamir e di që trupat janë të lodhura, oficerët të pasigurt, dhe askush në ushtri nuk dëshiron të mbajë mbi supe përgjegjësinë e qeverisjes së Gazës.
“Po shkoni drejt një qeverisjeje ushtarake,” përsërit Zamir, “plani juaj na çon në atë drejtim. Në pushtimin e kampeve të refugjatëve në pjesën qendrore të Rripit. Nuk do ketë asnjë organizëm tjetër përveç ushtrisë që të marrë përsipër kujdesin për popullatën.”
Ministri ekstremist Itamar Ben-Gvir e ka parashikuar kundërshtimin e ushtrisë dhe për këtë kërkon dëbimin e miliona palestinezëve, për të “shmangur që qeverisjen ta bëjë ushtria”.
Pozicioni i Zamir-it, por edhe i gjeneralit Alon Nitzan, që drejton çështjen e pengjeve, ka arritur në një pikë kritike. A është e mundur që shefi i shtabit të japë dorëheqjen vetëm gjashtë muaj pas emërimit?
Jo, thonë bashkëpunëtorët e tij, megjithëse e dinë që një shumicë e madhe e opinionit publik izraelit është kundër një operacioni të ri ushtarak, që do të rrezikonte negociatat për lirimin e pengjeve.
“Marrëveshja për lirimin është në tryezë,” thotë analisti Ben Caspit, “por Netanyahu refuzon të flasë për të. Si ai admirali turk që deshi të pushtonte Maltën por s’arriti dot, edhe ai thotë: Malta nuk ekziston.” “Të gjithë jemi pengje”
Ushtarakët janë të irrituar nga frika e Netanyahu-t ndaj ministrave ekstremistë, që sipas tyre është më e madhe se frika nga protestat që kërkojnë fundin e luftës. “Ai është peng i fanatikëve, ne jemi peng të tij, dhe pengjet janë pengje të Hamasit. Jemi në një trekëndësh të Bermudës.”/tvklan.al
Shkrim nga “Corriere Della Sera”
Kryeministri Benjamin Netanyahu refuzoi të lejonte zhvillimin e një votimi për një marrëveshje të propozuar për pengjet dhe armëpushim, në një mbledhje të tensionuar të kabinetit që zgjati deri në orët e para të mëngjesit të së hënës.
Siç shkruan “The Times of Israel”, në këtë mbledhje Netanyahu tha se marrëveshja nuk ishte në tryezë dhe shtoi se presidenti amerikan Donald Trump e kishte nxitur të mos e pranonte atë.
Ky qëndrim i Netanyahut erdhi pavarësisht presionit nga ministrat e ekstremit të djathtë që kërkonin të zhvillohej një votim për ta refuzuar zyrtarisht marrëveshjen, ndërkohë që shefi i shtabit të ushtrisë izraelite (IDF) dhe disa ministra të kabinetit ishin pro pranimit të saj. Kështu shkruan media izraelite, duke iu referuar disa burimeve nga mbledhja e zhvilluar me dyer të mbyllura deri të hënën në mëngjes.
Mbledhja e kabinetit të sigurisë në Tel Aviv, e cila zgjati afro gjashtë orë, ishte përqendruar pothuajse tërësisht te planet e Forcave të Mbrojtjes së Izraelit për të marrë nën kontroll qytetin e Gazës.
Qeveria ka avancuar me këtë plan javët e fundit, pavarësisht se Hamasi kishte deklaruar disa javë më parë se kishte rënë dakord për një marrëveshje për pengjet me faza, pothuajse identike me një marrëveshje që Izraeli e kishte miratuar më parë. Ndërkohë, Jeruzalemi kishte hequr dorë nga marrëveshjet me faza, duke kërkuar një marrëveshje gjithëpërfshirëse për kthimin e të gjithë pengjeve në një herë të vetme dhe dorëzimin e Hamasit.
Sipas raportimeve, shefi i shtabit të IDF-së, gjeneralmajor Eyal Zamir, i cili besohet të jetë kundër planit për marrjen e qytetit të Gazës, insistoi që çështja e marrëveshjes së propozuar të diskutohej, edhe pse nuk ishte në rendin e ditës.
Marrëveshja, të cilën Hamas tha se e kishte pranuar më 18 gusht, parashikonte lirimin e 10 pengjeve të gjalla dhe kthimin e trupave të 18 pengjeve të vdekur, në këmbim të lirimit të qindra të burgosurve palestinezë për siguri dhe rreth 1 mijë të ndaluarve nga Gaza, si dhe një armëpushim 60-ditor, gjatë të cilit do të zhvilloheshin negociata për lirimin e 20 pengjeve të mbetura, nga të cilat besohet se 10-12 janë ende gjallë, si dhe për përfundimin përfundimtar të luftës.
Zamir u tha anëtarëve të kabinetit: “Ka një marrëveshje mbi tryezë, duhet ta pranojmë,” sipas “Channel 12”, e cila raportoi se po të mos e kishte ngritur çështjen Zamir, kjo temë nuk do të ishte diskutuar fare në mbledhje.
Forumi i Familjeve të Pengjeve dhe të Zhdukurve i ka dërguar një apel të hapur Presidentit Donald Trump, duke e kujtuar për premtimin e tij për të sjellë në shtëpi të gjithë pengjet nga Gaza.
“President Trump, keni deklaruar se brenda 2-3 javësh do të ketë një përfundim të qartë të luftës. Lutemi që kjo të jetë e vërtetë dhe që ju të keni vendosur një afat për të përfunduar vuajtjet tona. Ju keni premtuar drejtpërdrejt lirimin e pengjeve dhe sjelljen e tyre në shtëpi, tani është koha për ta bërë realitet”, thuhet në mesazhin e forumit.
Ata shtojnë se aktualisht në Gaza janë 50 pengje, secili prej tyre përfaqëson një të dashur, vëlla, motër, prind, fëmijë.
“Që nga 7 tetori, 42 pengje që ishin marrë të gjallë janë vrarë gjatë kapjes. Çdo ditë që kalon ndërsa luftimet vazhdojnë rrit rrezikun që të dashurit tanë të mos kthehen kurrë. Çdo vonesë shtesë në nënshkrimin e marrëveshjes rrezikon të gjithë 50 pengjet e mbetura.”
Forumi i bën thirrje Trump të përfundojë marrëveshjen dhe të sjellë pengjet në shtëpi “para se të jetë tepër vonë”.
Civilët po ikin nga Qyteti i Gazës, shtëpi e më shumë se një milion palestinezëve, ndërsa Izraeli fillon fazat e para të operacionit të tij të planifikuar tokësor për të pushtuar enklavën.
IDF (forcat e armatosura të Izraelit) ka vendosur tashmë një prani në periferi të qytetit pas ditësh sulmesh të rënda ajrore dhe artilerie, tha dje një zëdhënës ushtarak izraelit.
Përshkallëzimi e shtyu sekretarin e përgjithshëm të OKB-së të përsëriste thirrjen e tij për një armëpushim. “Është jetike që një armëpushim në Gaza të arrihet menjëherë për të shmangur viktimat masive dhe shkatërrimin”, u tha Guterres gazetarëve në Japoni, ku po merr pjesë në një konferencë mbi zhvillimin afrikan.
Sipas një deklarate dje nga një zëdhënës i ushtrisë izraelite, trupat tashmë po veprojnë në zonat Zeitoun dhe Jabalia, duke përgatitur terrenin për ofensivën më të gjerë të miratuar të martën nga Ministri i Mbrojtjes Israel Katz dhe që pritet të diskutohet në kabinetin e sigurisë më vonë këtë javë. Rreth 60 miijë rezervistë u thirrën për t’u bashkuar me forcat IDF në fillim të shtatorit.
Kryeministri izraelit, Benjamin Netanyahu urdhëroi dje një orar më të ngushtë për kapjen e fortifikimeve të Hamasit në Rripin e Gazës dhe mposhtjen e organizatës, tha zyra e tij.
Hamasi, nga ana e tij, akuzoi udhëheqësin izraelit për vazhdimin e një “lufte brutale kundër civilëve të pafajshëm” dhe e kritikoi atë për “indiferencë” ndaj propozimit të ri të armëpushimit nga ndërmjetësit rajonalë, të cilit Izraeli ende nuk i është përgjigjur zyrtarisht.
Autoritetet izraelite pritet të urdhërojnë qindra mijëra banorë të Qytetit të Gazës të evakuojnë shtëpitë e tyre dhe të shkojnë në strehimore në pjesën jugore të enklavës, ndërsa përgatitjet për fazat e ardhshme të planit të pushtimit, të koduar ” Gideon’s Chariots II“, përparojnë.
Reagimi ndërkombëtar nuk duket se e ka penguar qeverinë e Netanyahut. Presidenti francez Emmanuel Macron paralajmëroi se operacioni “mund të çojë vetëm në katastrofë për të dy popujt dhe ta zhytë rajonin në një cikël lufte të përhershme”.
Në të njëjtën linjë, Komiteti Ndërkombëtar i Kryqit të Kuq theksoi se zhvendosjet e reja dhe përshkallëzimi i mëtejshëm “rrezikojnë të përkeqësojnë një situatë tashmë të tmerrshme” për popullsinë e Gazës prej 2.1 milionë banorësh.
Ushtria e rraskapitur izraelite mund të përballet me probleme personeli
Ministri i Mbrojtjes, Israel Katz, urdhëroi dje në mëngjes mobilizimin e 60,000 rezervistëve, si pjesë e zbatimit të fazave të ardhshme të planit për të pushtuar Gazën. Vendimi u mor gjithashtu për të zgjatur shërbimin e 20,000 rezervistëve që tashmë shërbejnë në ushtri.
Pas pothuajse dy vitesh lufte dhe në dritën e operacionit të ri të madh, zyrtarët e ushtrisë po shprehin shqetësimin e tyre për barrën shtesë mbi IDF-në. Siç thekson rrjeti amerikan CNN, disa rezervistë janë thirrur disa herë për të luftuar në Gaza që nga fillimi i konfliktit.
Shefi i Shtabit të Forcave të Armatosura, gjenerallejtënant Eyal Zamir, kishte informuar kabinetin e sigurisë në fillim të këtij muaji se ushtria po përballej me dobësim dhe rraskapitje, por shqetësimet e tij u injoruan pasi Netanyahu dhe partnerët e tij qeveritarë këmbëngulën në planet e reja të luftës.
Një sondazh i ri nga Agam Labs në Universitetin Hebraik të Jerusalemit zbuloi se rreth 40% e ushtarëve kanë humbur motivimin e tyre për të shërbyer, në dallim nga 13% që thonë se janë më të gatshëm se më parë.
Gjetjet nxjerrin në pah realitetin e ashpër brenda ushtrisë izraelite, e cila mund të përballet me probleme me personelin në kontekstin e rekrutimit të ri, pasi sondazhet tregojnë se shumica dërrmuese e qytetarëve mbështesin përfundimin e luftës.
Dënim me vdekje për pengjet
Absalom Zohar Shall ka shërbyer më shumë se 300 ditë në Gaza në katër misione të ndryshme. Misioni i tij i fundit përfundoi vetëm një muaj më parë dhe ai nuk është gati të kthehet në vijën e frontit, veçanërisht në një operacion në Qytetin e Gazës.
“Jam pak i tronditur që ende po flasim për këtë luftë, e cila supozohej të kishte mbaruar shumë kohë më parë”, tha Zohar Shall për CNN. Ai thotë se dyshimet që filluan ta kapnin një vit më parë tani janë intensifikuar dhe të tjerët në njësinë e tij po shprehin të njëjtat shqetësime.
“Unë besoj se ky vendim është i barabartë me një dënim me vdekje për pengjet. Qeveria ka thënë gjatë gjithë kohës se kjo luftë ka dy misione: Të kthejë pengjet dhe të mposhtë Hamasin. Tani është sikur po na thonë se ka vetëm një qëllim, i cili, sipas mendimit tim, nuk është i arritshëm, të shkatërrojë Hamasin. Dhe as ajo që po bëhet tani nuk do ta shkatërrojë atë”, tha ai
Mbetet e panjohur se sa rezervistë do t’i përgjigjen thirrjes së re për të shërbyer përsëri në Gaza, veçanërisht pasi shefi i ushtrisë paralajmëroi se operacioni mund të rrezikojë si ushtarët ashtu edhe pengjet. Urdhrat e marshimit janë të detyrueshëm, por deri më tani ushtria ka treguar pak prirje për të ndjekur penalisht ata që refuzojnë ose shmangin rekrutimin.
Deklarata e Hamasit
Sipas Hamasit, plani për të pushtuar Qytetin e Gazës, në lidhje me të cilin qeveria izraelite njoftoi dje të mërkurën se po thërret 60 mijë rezervistë, dëshmon për “përbuzjen flagrante” të Izraelit për përpjekjet e ndërmjetësve, Katarit, Egjiptit, Shteteve të Bashkuara, për të përfunduar një marrëveshje armëpushimi, tha Hamasi në një deklaratë.
“Njoftimi i ushtrisë pushtuese terroriste për të nisur një operacion kundër Qytetit të Gazës dhe gati një milion banorëve të tij dhe të zhvendosurve dëshmon përbuzje të hapur për përpjekjet e bëra nga ndërmjetësuesit me qëllim përfundimin e një marrëveshjeje armëpushimi dhe lirimin e pengjeve në Rripin e Gazës”, tha lëvizja islamiste palestineze.
“Ndërsa Hamasi njoftoi se pajtohet me propozimin e fundit të paraqitur nga ndërmjetësuesit, Izraeli këmbëngul të vazhdojë luftën e tij barbare dhe nuk i përgjigjet propozimit, kryeministri izraelit Benjamin Netanyahu tregon se ai është pengesa e vërtetë për çdo marrëveshje, se nuk interesohet për jetën e pengjeve dhe nuk ka asnjë qëllim serioz për t’i rimarrë ata”, shkruhej në deklaratën e Hamasit.
Top Channel
Duke reaguar ndaj planit të raportuar të kryeministrit izraelit Benjamin Netanyahu për një pushtim të plotë ushtarak të Gazës, Hamasi ka akuzuar kreun e qeverisë izraelite se synon të “heqë qafe” pengjet që ndodhen ende në territorin palestinez.
Sipas vlerësimeve të autoriteteve izraelite, rreth 50 pengje besohet se vazhdojnë të mbahen nga Hamasi që prej sulmit të 7 tetorit 2023, kur militantët vranë rreth 1,200 persona – shumica civilë – dhe rrëmbyen 251 të tjerë.
Gjatë fundjavës, Hamasi dhe Xhihadi Islamik Palestinez publikuan video që shfaqnin dy pengje në gjendje të rënduar fizike.
Në një deklaratë, Hamasi tha se plani i Netanyahut për një ofensivë të përgjithshme në Gaza tregon se ai është i gatshëm të “sakrifikojë” pengjet, duke i përdorur ato për interesat e tij politike personale.
Grupi militant e cilësoi gjithashtu retorikën e kryeministrit izraelit si një “grusht shteti” ndaj negociatave për armëpushim, duke i dhënë goditje përpjekjeve për marrëveshje.
Më shumë detaje mbi planin e mundshëm priten të bëhen publike sonte, pasi kabineti i sigurisë i Izraelit zhvillon një takim për të vlerësuar propozimin e Netanyahut.
Top Channel
Hamasi dënoi sot deklaratat e kryeministrit izraelit, Benjamin Netanyahu se Izraeli synon ta ketë të gjithë Rripin e Gazës nën kontroll ushtarak, duke theksuar se plani përbën një “grusht shteti” në mes të negociatave që synojnë arritjen e një marrëveshjeje armëpushimi.
Në një deklaratë të lëshuar nga udhëheqja e lëvizjes palestineze, thuhet, ndër të tjera, se planet e Netanyahut për të zgjeruar operacionet ushtarake në Gaza tregojnë se qëllimi i tij është të sakrifikojë pengjet izraelite në shërbim të interesave të tij personale.
Top Channel
Kryeministri izraelit Benjamin Netanyahu ka reaguar ashpër pas publikimit të një videoje nga Hamasi, ku shfaqen dy pengje izraelitë të dobësuar dhe të rraskapitur, duke nxitur valë zemërimi dhe shqetësimi në opinionin publik izraelit.
“Kryeministri shprehu trishtim të thellë për pamjet video të publikuara nga organizata terroriste Hamas dhe u tha familjeve se përpjekjet për të kthyer të gjithë pengjet tona vazhdojnë dhe do të vazhdojnë pa pushim,” deklaroi zyra e Netanyahut.
Pamjet u publikuan nga dy organizata islamike dhe synojnë, sipas analistëve, të krijojnë një paralelizëm të zymtë me krizën humanitare në Gaza, ku Kombet e Bashkuara paralajmërojnë për rrezik të “urisë së përgjithshme”.
Një prej skenave më tronditëse të videos tregon një peng që gërmon tokën me lopatë brenda një tuneli, duke simuluar hapjen e varrit të tij – një imazh që ka shkaktuar indinjatë të thellë në Izrael dhe më gjerë.
Netanyahu, sipas zyrës së tij, zhvilloi një bisedë të gjatë me familjet e Rom Braslavsky dhe Eviatar David, dy pengjet që shfaqen në pamjet e fundit. Ai i cilësoi videot si një “prodhim cinik dhe të përçmuar”, duke denoncuar mizorinë e Hamasit që “nuk njeh kufij”.
Në të njëjtën kohë, dhjetëra mijëra njerëz u mblodhën në Tel Aviv, duke shprehur solidaritet me familjet e pengjeve dhe duke kërkuar lirimin e tyre të menjëhershëm. Protestuesit bënë thirrje për veprime më të forta nga qeveria dhe presion ndërkombëtar ndaj Hamasit.
Netanyahu shtoi se militantët e Hamasit po përdorin qëllimisht civilët në Gaza si mjete propagande, duke bllokuar ndihmat dhe duke ndërtuar një narrativë të rreme kundër Izraelit.
“Bëj thirrje që vendet e botës të mobilizohen për të dënuar pa mëdyshje abuzimet kriminale naziste të organizatës terroriste Hamas,” përfundoi ai.