Lajmidites.com

Tag: pelushi

  • “Nuk shihja mënyrë tjetër jetese”, si u bë prift Fortlumturia e tij Joan Pelushi

    “Nuk shihja mënyrë tjetër jetese”, si u bë prift Fortlumturia e tij Joan Pelushi

    Çfarë do e shtynte një 18-vjeçar në kulmin e regjimit komunist shqiptar, që të lexojë fshehurazi Ungjillin dhe të vendosë që gjithë jetës së tij t’i përkushtohej Zotit?!

    Në një intervistë në “Opinion” në Tv Klan, Kryepeshkopi i gjithë Shqipërisë, Joan Pelushi, rrëfen udhëtimin e tij shpirtëror, lidhjen e ngushtë që krijoi me fenë dhe besimin. Në një kohë ku besimi në Zot konsiderohej krim, sfidat ishin të pashmangshme, por asgjë nuk e lëkundi besimin e thellë të Kryepeshkopit Joan Pelushi.

    Blendi Fevziu: Kur menduat ju se besimi fetar do të ishte ardhmja e jetës suaj?

    Fortlumturia e tij, Joan Pelushi: Unë besoj që shkëndija e parë ishte momenti ku lexova Ungjillin, që në moshën 18-vjeçare. Nuk kisha bërë një betim. Nuk shikoja një mënyrë tjetër të jetesës në jetën time.

    Blendi Fevziu: Kur e morët vendimin që realisht do të dorëzoheshit prift?

    Fortlumturia e tij, Joan Pelushi: Pothuajse para pagëzimit. Me dëshirën gjithmonë, sepse nuk e dinim se çfarë do të ndodhte.

    Blendi Fevziu: Absolutisht sepse në vitin 1984 komunizmi dukej i pa kontestueshëm dhe i palëvizshëm.

    Fortlumturia e tij, Joan Pelushi: Edhe kur ua thoja ndonjëherë shokëve të ngushtë më shikonin pak si me habi.

    Blendi Fevziu: Shpresa gjithmonë ishte, por nuk e dinim që do të ndodhte në jetën tonë, apo do të ndodhte diku më vonë. Unë besoj se e keqja prishet nga vetja, nuk mund të vazhdojë për një kohë të gjatë ajo.

  • Arush pelushi e bërë nga lëkurë njerëzore? Panik mes banorëve, shakaja që çoi në arrestimin e një personi në Kaliforni

    Arush pelushi e bërë nga lëkurë njerëzore? Panik mes banorëve, shakaja që çoi në arrestimin e një personi në Kaliforni

    Një arush pelushi i bërë nga lëkurë artificiale njeriu shkaktoi panik në Kaliforni, duke i bërë banorët të kishin frikë se një vrasës serial ishte në arrati. Në realitet, arushi pelushi është një vepër arti në stilin e “Heshtjes së Qengjave”, që takohet me “Masakrën e Sharrës Variçore të Teksasit”.

    Autoritetet kaliforniane nuk u argëtuan nga një vepër arti, që u quajt një “arush pelushi makabër” i përdorur në një “shaka”.

    Një arush pelushi i bërë nga lëkurë artificiale njerëzore u zbulua të dielën në Victorville (130 km në verilindje të Los Angeles) dhe komuniteti vendas ishte i shqetësuar se pas këtij zbulimi të zymtë fshihej një vrasës serial.  

    Sipas New York Post, lodra groteske ishte vendosur ulur në një trotuar jashtë një stacioni benzine dhe zbulimi i saj e shtyu një dëshmitar të telefononte policinë për të raportuar se “një arush pelushi i bërë nga ajo që dukej si mish njeriu ishte lënë përpara biznesit”. 

    Pasoi një hetim policor – dhe madje edhe një ekzaminim i sendit nga një mjek ligjor.

    Të hënën, zyra e sherifit vendosi që krijimi i llahtarshëm nuk ishte bërë nga asnjë pjesë e trupit të njeriut. Ata e quajtën lodrën një “shaka”.

    Një deklaratë nga zyra e Sherifit të Qarkut San Bernardino nuk përmendi një motiv të mundshëm dhe tha se “hetimi se kush e la arushin prej pelushi në biznes po vazhdon”. 

    Kthesa e fundit në këtë hetim është se një artist nga Karolina e Jugut, i quajtur Robert Kelly ka marrë meritat për krijimin e objektit. 

    Puna e Kelly-t, e cila specializohet në krijime horror për ekspozita dhe filma, është në dispozicion për shitje online në Etsy.  

    Ai konfirmoi se ia kishte shitur arushin prej pelushi një blerësi në Victorville dhe identifikoi veprën e tij të artit. 

    “Puna jonë është mjaft lehtë e dallueshme dhe njerëzit po dërgonin artikuj (për stacionin e benzinës) majtas e djathtas. Shikova dhe me siguri ishte ariu që dërgova javën e kaluar”, tha Kelly për revistën People.

    Në një mesazh të postuar më vonë në Facebook, artisti shpjegoi se nuk ishte informuar për qëllimet e blerësit. 

    “Jo, nuk kisha asnjë dijeni për qëllimet (e blerësit) dhe as nuk isha i përfshirë në ndonjë shaka në anën tjetër të kombit nga ana ime”, shkroi ai.

    Sidoqoftë, Zyra e Sherifit të Qarkut San Bernardino nuk e gjeti shumë qesharake.  

    Ata lëshuan një deklaratë ku shkruhej: “Incidente të tilla si ky marrin burime të vlefshme emergjente dhe e vënë publikun në rrezik, duke vonuar ndoshta kohën e reagimit ndaj thirrjeve legjitime për shërbim.” / Euronews.

  • Gjithnjë e më shumë të rritur po flenë me arusha pelushi, por pse?

    Gjithnjë e më shumë të rritur po flenë me arusha pelushi, por pse?

    Foto ilustruese

    SHBA- Një kompani që kryen studimin e tregut me seli në Çikago ka dalë në përfundimin se shitjet e lodrave prej pelushi janë rritur gjatë pandemisë së koronavirusit. Në vitin 2024, 21% e lodrave prej pelushi iu shitën të rriturve mbi 18 vjeç. Kompania e lodrave Build-A-Bear madje ka një seksion të tërë në faqen e saj të internetit kushtuar produkteve për të rritur. Në një anketë tjetër, më shumë se gjysma e njerëzve të anketuar thanë se kishin mbajtur një lodër prej pelushi që nga fëmijëria, dhe rreth 40% thanë se ende flenë me një lodër prej pelushi.
    “Pyes veten nëse njerëzit po kërkojnë më shumë ngushëllim kur përballen me pasiguri,”- tha Dr. Jade Wu, një psikologe e gjumit.
    Nuk ka asgjë të keqe të kesh një kafshë pelushi si i rritur ose ta përdorësh atë për të të ndihmuar të flesh më mirë, thonë ekspertët. Në fakt, ka shumë anë pozitive. Terapistja e shëndetit mendor nga Seattle, Dr. Jessica Lamar, përdor lodra prej pelushi me të rritur që përballen me trauma psikologjike.
    “Ata shkojnë në Build-A-Bear dhe krijojnë një arush që përfaqëson fëmijën brenda tyre ose një version më të ri të vetes, në mënyrë që të shërojnë traumat e fëmijërisë.”
    Por kafshët prej pelushi nuk janë vetëm për njerëzit që përpiqen të kapërcejnë traumat e tyre psikologjike.
    Dr. Jessica Lamar shtoi se një lodër prej pelushi nga fëmijëria jonë mund të ofrojë një ndjenjë të ngrohtë nostalgjie, një lidhje me familjen ose miqtë nga të cilët jemi larg dhe një pikë kontakti për kujtime të këndshme.
    “Kjo është një nga mënyrat se si qetësojmë veten. Ne kemi diçka që duket si një kafshë në shtratin tonë. Ofron rehati”, tha Dr. Greenberg.
    Një kafshë pelushi në shtratin tonë natën mund të plotësojë nevojat tona evolucionare, sipas Dr. Jade Wu.
    “Ne evoluuam për të jetuar në fise dhe për të qenë anëtarë të një fshati. Ne flemë më mirë kur ndihemi të sigurt. Kur ndihemi të prekshëm… ndaj e duam atë kontakt fizik. Gjumi social na bën të ndihemi më të sigurt dhe të flemë më mirë. Pra, një kafshë pelushi mund të jetë një alternativë e mirë. Është e kuptueshme që ke nevojë për kontakt kur je duke fjetur. Mitra ishte një hapësirë shumë e sigurt. Si foshnje, njerëzit mbështilleshin për të fjetur. Ndërsa plakemi, kjo bëhet padyshim më pak e nevojshme, por është ende aty si ndjesi”, tha Dr. Jessica Lamar.
    Ndaj edhe të rriturit mund të flenë me lodra prej pelushi. Madje mund të jetë një gjë e mirë./ZËRI

  • FOTO/ Spiropali takim me kryepeshkopin Joan Pelushi: Frymëzim për të fuqizuar përmasën shpirtërore në punët e detyrat tona

    FOTO/ Spiropali takim me kryepeshkopin Joan Pelushi: Frymëzim për të fuqizuar përmasën shpirtërore në punët e detyrat tona

    Kryetarja e Kuvendit, Elisa Spiropali zhvilloi këtë të mërkurë një vizitë në Katedralen “Ngjallja e Krishtit” në Tiranë, ku prit nga Fortlumturia e Tij, Kryepeshkopi i Tiranës, Durrësit dhe gjithë Shqipërisë, Imzot Joan Pelushi.
    Spiropali i përsëriti Fortlumturisë së Tij, Kryepeshkopit Joan, urimet për udhëheqjen e Kishës Ortodokse Autoqefale të Shqipërisë dhe besimtarëve ortodoksë.

    ”Vizitë në Katedralen “Ngjallja e Krishtit” në Tiranë për të uruar nga afër Fortlumturinë e Tij, Kryepeshkopin e Tiranës, Durrësit dhe gjithë Shqipërisë, Imzot Joanin. Kthjelltësia hyjnore dhe urtësia e Fortlumturise së Tij, Joan, na frymëzojnë për të fuqizuar përmasën shpirtërore në punët e detyrat tona të përditshme, si qytetarë, shërbyes publikë dhe politikanë”,-shkruan Spiropali.
    Fortlumturia e Tij, Kryepeshkopi i Tiranës, Durrësit dhe gjithë Shqipërisë, Imzot Joan Pelushi u fronëzua më 29 mars në një ceremoni në Katedralen “Ngjallja e Krishtit” në Tiranë. Kjo ngjarje shënoi për herë të parë uljen e një kryepeshkopi shqiptar në fronin më të lartë kishtar.

  • Kryepeshkopi Joan Pelushi dhe miqësia me Ramën: Kisha nuk ka qenë asnjëherë kundër teknologjisë

    Kryepeshkopi Joan Pelushi dhe miqësia me Ramën: Kisha nuk ka qenë asnjëherë kundër teknologjisë

    Pak ditë pas fronëzimit në krye të Kishës Ortodokse Autoqefale të Shqipërisë, Kryepeshkopi Joan Pelushi ishte sot i ftuar në Podcastin “Flasim” të kryeministrit Edi Rama. Kryepeshkopi tregoi si i lindi dëshira për t’u bërë prift në një kohë të paimagjinueshme në vitet ’80, kur në vendin tonë ishte ende diktatura komuniste. Rama kujtoi bisedat me kryepeshkopin, Joan Pelushi të zhvilluara në rrugët e Myslym Shyrit në Tiranën e viteve të errëta të diktaturës, kur liria e besimit ishte një ëndërr e largët, teksa ky i fundit i shprehu dëshirën se do të bëhej prift.
    ”Në ato kohë askush nuk e mendonte që një ditë do të mund të dilnim në botën e lirë e të praktikonim besimin tonë”,-tha Rama, duke treguar se ishte pikërisht Kryepeshkopi ai që, me një bindje të palëkundur, i kishte thënë: “Unë do të bëhem prift”. Në një bisedë plot ndjeshmëri dhe thellësi shpirtërore, Kryepeshkopi Pelushi tregoi se ishte rritur në një familje jo fetare dhe se në rininë e tij kishte nisur një udhëtim të brendshëm përmes leximit, duke kujtuar se leximi i Ungjillit në vitin e katërt të gjimnazit i riktheu gëzimin e fëmijërisë dhe ndryshoi përgjithmonë jetën e tij. Kryepeshkopi Joan u shpreh se “Kisha nuk ka qenë asnjëherë kundër teknologjisë, por teknologjia në vetvete nuk mund ta zgjidhë akthin ekzistencial”.

    “Unë vij nga një familje shumë e madhe dhe jo e krishterë, në atë kohë nuk praktikohej asnjë lloj besimi. Nuk ishte konvertim, nuk ekzistonte asgjë. Në rini më pëlqente të lexoja pafund. Njeriu është qenie e etur, por varet çfarë uji pi. Kur lexova për herë të parë Ungjillin, në vitin e 4 të gjimnazit ndodhi diçka thellë brenda meje. Mu kthye sërish gëzimi i fëmijërisë.
    Falenderova Zotin që më ktheu gëzimin. Në atë çast jeta ime ndryshoi. Pata fatin të njihesha edhe me njerëz që kishin akses në libra akoma më të avancuar. Dhe së bashku me Petro Zhejin pothuajse kemi lexuar të gjithë bibliotekën te rruga e Elbasanit dhe kishte libra të vyer. Dhe këtë e kuptuam më vonë kur dolëm jashtë në Itali e Amerikë. Në shkollën ku shkova pashë që pjesën më të madhe të librave e kisha lexuar. Bindja për t’u bërë prift lindi atëherë”.

  • Imzot Joan Pelushi tregon në podcastin “Flasim” momentin kur vendosi të bëhej prift: Leximi i Ungjillit më ndryshoi jetën!

    Imzot Joan Pelushi tregon në podcastin “Flasim” momentin kur vendosi të bëhej prift: Leximi i Ungjillit më ndryshoi jetën!

    Kryeministri i vendit, Edi Rama në podcasting e tij “Flasim” mëngjesin e sotëm kishte të ftuar Kryepeshkopin e Kishës Ortodokse Autoqefale të Shqipërisë, Joan Pelushi.
    Kryepeshkopi Pelushi tregoi momentin kur ka lexuar për herë të parë Ungjillin në moshën 18-vjeçare. Ai tha se iu kthye sërish gëzimi i fëmijërisë.
    “Vij nga një familje shumë e madhe dhe jo e krishterë, në atë kohë nuk praktikohej asnjë lloj besimi. Nuk ishte konvertim. Kur lexova për herë të parë Ungjillin, në vitin e 4 të gjimnazit ndodhi diçka thellë brenda meje. Mu kthye sërish gëzimi i fëmijërisë. Në atë çast jeta ime ndryshoi. Pata fatin të njihesha edhe me njerëz që kishin akses në libra të tilla. Bindja për t’u bërë prift lindi atëherë. Liria me barazinë nuk qëndrojnë bashkë, duhet solidarit. Edhe për familjen njerëzore duhet solidaritet, dhe për këtë duhet edhe Perëndia”, u shpreh ai.

    Më pas, Kryepeshkopi tregoi se u pagëzua në një bodrum në Shqipëri dhe u largua në SHBA, me premtimin për tu kthyer në vendlindje kur Kisha të hapej.
    “Pas leximit të Ungjillit, unë u pagëzova në Shqipëri, Nuni ishte Petro Zheji. U pagëzova nga një prift hero, në bodrumin e shtëpisë së tij. Ndaj ishte edhe lidhja me Kishën Ortodokse sepse aty u pogëzova. Dhe më pas shkova në Amerikë, për të studiuar. Por unë u thashë që në momentin që Kisha do hapej atje unë do të kthehem.
    Raporti me Fan Nolin
    “Mbetet një nga njerëzit më të ndritur të Kishës. Kontributi i tij është i jashtëzakonshëm, ka bërë gjithë atë punë i vetëm. Kur isha në Amerikë, punuam disa kohë për të sistemuar bibliotekën e Fan Nolit. Në disa shkrime shprehej, “Kisha mbetej dashurua ime e parë”. Njihte mirë muzikën kishtare, jo vetëm përkthyesi më i madh, por edhe figura qendrore e Kishës”, tha ai.
    Gjatë bashkëbisedimit, Rama ka zbuluar se Kryepeshkopi, para se të bëhej prift ka shërbyer në Psikiatri si infermier.
    “Arsyeja përse shkova atje, ishte frymëzimi i ungjillit. Familja u çudit fillimisht sepse isha një djalë i ri. Kur shkova dhe pashë atë realitet, nis një dhembshuri e madhe për këta njerëz. Ajo që ndjeva herën e parë ishte dhembshuri, aq më tepër kur pashë që atje ishte edhe një person që e kisha njohur e kisha pasur në klasë. Mendja është gjëja më e rëndësishme e njeriut. Këta njerëz duhet të ndihmohen”, tha Imzot Joan Pelushi./vizionplus.tv 

  • E deleguara e SHBA takon Kryepeshkopin Joan Pelushi! Diskutohet mbi rëndësinë e harmonisë ndërfetare në Shqipëri

    E deleguara e SHBA takon Kryepeshkopin Joan Pelushi! Diskutohet mbi rëndësinë e harmonisë ndërfetare në Shqipëri

    E ngarkuara me punë e SHBA në Tiranë, Nancy VanHorn, ka zhvilluar një takim me Kryepeshkopin e sapo fronëzuar të Tiranës, Durrësit dhe gjithë Shqipërisë, Joan Pelushi, ku ka shprehur urimet e saj për rolin e ri të Kryepeshkopit në udhëheqjen e Komunitetit Ortodoks të Shqipërisë.
    VanHorn dhe Kryepeshkopi Pelushi sipas njoftimit të Ambasadës, kanë diskutuar mbi rolin jetik të komuniteteve fetare në Shqipëri dhe mbi rëndësinë e ruajtjes dhe forcimit të harmonisë ndërfetare, një histori e pasur që ka karakterizuar vendin për shumë vite.

    ”E Ngarkuara me Punë e SHBA në Tiranë, Nancy VanHorn, është takuar sot me me Kryepeshkopin e sapo fronëzuar të Tiranës, Durrësit dhe gjithë Shqipërisë, Joan Pelushi, për t’i përcjellë atij urimet për rolin e ri si udhëheqës i Komunitetit Ortodoks të Shqipërisë.
    Ambasada amerikane në Tiranë bën me dije se gjatë këtij takimi, VanHorn dhe Kyrepeshkopi Pelushi diskutuan mbi rolin jetik të komuniteteve fetare dhe rëndësinë e vazhdimit të historisë së pasur të harmonisë ndërfetare në Shqipëri”, thuhet në njoftimin e ambasadës amerikane.

  • E ngarkuara me Punë e SHBA takohet me Kryepeshkopin Joan Pelushi: U fol mbi rëndësinë e vazhdimit të harmonisë ndërfetare në Shqipëri

    E ngarkuara me Punë e SHBA takohet me Kryepeshkopin Joan Pelushi: U fol mbi rëndësinë e vazhdimit të harmonisë ndërfetare në Shqipëri

    E Ngarkuara me Punë e SHBA në Tiranë, Nancy VanHorn, është takuar sot me me Kryepeshkopin e sapo fronëzuar të Tiranës, Durrësit dhe gjithë Shqipërisë, Joan Pelushi, për t’i përcjellë atij urimet për rolin e ri si udhëheqës i Komunitetit Ortodoks të Shqipërisë.
    Ambasada amerikane në Tiranë bën me dije se gjatë këtij takimi, VanHorn dhe Kyrepeshkopi Pelushi diskutuan mbi rolin jetik të komuniteteve fetare dhe rëndësinë e vazhdimit të historisë së pasur të harmonisë ndërfetare në Shqipëri.
    Postimi i Ambasadës së SHBA në Tiranë
    E Ngarkuara me Punë e SHBA në Tiranë, Nancy VanHorn, është takuar sot me me Kryepeshkopin e sapo fronëzuar të Tiranës, Durrësit dhe gjithë Shqipërisë, Joan Pelushi, për t’i përcjellë atij urimet për rolin e ri si udhëheqës i Komunitetit Ortodoks të Shqipërisë.
    Ambasada amerikane në Tiranë bën me dije se gjatë këtij takimi, VanHorn dhe Kyrepeshkopi Pelushi diskutuan mbi rolin jetik të komuniteteve fetare dhe rëndësinë e vazhdimit të historisë së pasur të harmonisë ndërfetare në Shqipëri.

  • Kryepeshkopi Joan mban liturgjinë e parë në Katedralen “Ngjallja e Krishtit”, mesha mbahet në gjuhën shqipe

    Kryepeshkopi Joan mban liturgjinë e parë në Katedralen “Ngjallja e Krishtit”, mesha mbahet në gjuhën shqipe

    Pamje nga mesha

    TIRANË- Kryepeshkopi i Tiranës, Durrësit dhe gjithë Shqipërisë, Joan Pelushi ka mbajtur liturgjinë e parë, pas caktimit si Kryepeshkop. Liturgjia u mbajt në Tiranë, në Katedralen “Ngjallja e Krishtit”. Kryepeshkopi i Shqipërisë, Joan Pelushi u shpreh se forcimi i unitetit brenda kishës është nevojë e domosdoshme për të arritur qëllimin e saj.
    “Falenderojmë dhe nderojmë martirët e lirisë që përhapën dritën e besimit në trevat ku jetojmë, një listë e gjatë të cilën do ta kujtojmë me nderim e mirënjohje. Gjatë gjysmës së dytë të shekullit XX kisha u përball me persekutimin e egër komunist. E gjitha infrastruktura materiale e shpitërore u shkatërruar pjesërisht apo plotësisht. Kishat e shkatërruan nga themelet, pasi diktatura shkatërroi muret e jashtme të kishave, por nuk mundi të shkatërrojë zemrat e besimit. Në kohë kritike Perëndia vizitoi kishën tonë, nderoj kujtimin e paraardhësve të mi, në listën e gjatë përmend dy personalitete të shquara. Im Zot Fan Noli, ishte njeriu i duhur. Ai ishte pajisur nga perëndia me talente të jashtëzakonshme, dha kontribut për ndërgjegjësimin kombëtar. Në kohë rekord ai pajisi kishën me librat kryesorë”, tha ai.
    Gjatë liturgjisë, kryepeshkopi shpalosi shtatë shtylla themelore të misionit të tij të në krye të Kishës Orthodokse Shqiptare: Ruajtjen e Traditës së Shenjtë, forcimin e unitetit brenda Kishës, ruajtjen e ekuilibrit midis “Ungjillit të Mbretërisë” dhe “Ungjillit Social”, mbrojtjen e vlerave të martesës dhe të familjes, ruajtjen dhe forcimin e bashkëjetesës fetare në Shqipëri, inkurajimin e të rinjve për të dashur atdheun e tyre dhe për të mos e braktisur atë, si dhe kultivimin e marrëdhënieve me të gjitha Kishat dhe bashkësitë e tjera fetare.
    Në ceremoni morën pjesë zyrtarë të lartë nga Shqipëria dhe Greqia, si delegacione nga 13 Kishat Ortodokse të botës. Të pranishëm në ceremoni ishin kreu i Shtetit, Bajram Begaj, kryeparlamentarja Elisa Spiropali, zv.kryeministrja Belinda Balluku, ministri për Europën dhe Punët e Jashtme, Igli Hasani si dhe përfaqësues nga radhët e opozitës.
    Po ashtu, dje në Katedralen Ngjallja e Krishtit u mbajt ceremonia zyrtare e fronëzimit të Kryepeshkopit të ri të Tiranës, Durrësit dhe Gjithë Shqipërisë, Joani. Qindra besimtarë ndoqën nga afër ceremoninë e uljes së një kryepeshkopi shqiptar në fronin më të lartë të kishës ortodokse shqiptare. Gjatë fjalës së tij në ceremoni Kryepeshkopi i ri, Joan u shpreh se i lutet Zotit që t’i japë forcë e urtësi për të përmbushur këtë detyrë të vështirë dhe të shenjtë.
    Joan Pelushi u zgjodh Kryepeshkop i Kishës Ortodokse Shqiptare pas vdekjes së Kryepeshkopit Anastas. Emri laik i kryepeshkopit Joan është Fatmir Pelushi. Hirësia e tij, Joani u zgjodh nga vetë Kryepeshkopi Anastas Janullatos që ta pasonte pas vdekjes së tij. Në Shqipëri, Mitropoliti i Korçës Joani konsiderohej si “alter egoja” e kryepeshkopit të ndjerë të Shqipërisë, të cilin e shoqëronte apo edhe e zëvendësonte në krye të delegacioneve të Kishës Ortodokse të Shqipërisë kur ishte e nevojshme./ZËRI

  • Fronëzohet Kryepeshkopi i ri, Joan Pelushi: Forcojmë unitetit brenda kishës, domosdoshmëri

    Fronëzohet Kryepeshkopi i ri, Joan Pelushi: Forcojmë unitetit brenda kishës, domosdoshmëri

    Është fronëzuar në Katedralen Ngjallja e Krishtit këtë të shtunë Kryepeshkopi i Tiranës, Durrësit dhe gjithë Shqipërisë, Joan Pelushi. Ky moment i hap rrugë ushtrimit të plotë të detyrës si drejtues i Kishës Ortodokse Autoqefale të Shqipërisë.
    Gjatë fjalimit të tij të parë si kryepeshkop, Johan Pelushi u shpreh se forcimi i unitetit brenda kishës është një nevojë e domosdoshme për të arritur qëllimin e saj. Fortlumturia e tij nënvizoi se diktatura shkatërroi muret e jashtme të kishave, por jo zemrat e besimit.
    “Falenderojmë martirët e lirisë që përhapën dritën e besimit. Diktatura shkatërroi muret e jashtme të kishave, por nuk mundi të shkatërrojë zemrat e besimit. Çdo kohë ka patur sfidat e saj. Shekulli ku jetojmë me teknologjitë e reja paraqet sfida të reja dhe nga këto nuk përjashtohet as kisha jonë. Na duhet të përballemi jo vetëm për tu mbrojtur, por edhe të gjejmë zgjidhje. Përpjekja dhe përqendrimi ynë, ruajtja dhe mbrojtja nga Perëndia, forcimi i unitetit brenda kishës është një nevojë e domosdoshme për të arritur qëllimin e saj”, tha Kryepeshkopi  Joan.

    Të pranishëm në ceremoni ishin qindra besimtarë, si dhe personalitete jo vetëm nga Shqipëria, por edhe nga Greqia. Fronëzimi i kryepeshkopit Joan shënon një kapitull të ri në jetën shpirtërore të vendit tonë, u shpreh presidenti Bajram Begaj, ndërsa shtoi se shteti do të jetë gjithmonë në mbështetje të kishës.
    “Fronëzimi shënon një kapitull të ri të jetës shpirtërore të vendit tonë që nis me shpresë dhe përgjegjësi. Kisha nuk është vetëm një institucion fetar, por një udhërrëfyes mbrojtës i vlerave shpirtërore dhe kulturore të vendit. Fronëzimi i Fortlumturisë së tij, Kryepeshkopit Joan, shënon një kapitull të ri në jetën shpirtërore të vendit tonë, me shpresë dhe përgjegjësi. Është një moment solemn që përmbledh në vetvete vazhdimësinë. Nuk mund të mos ndalem për të shprehur mirënjohjen tonë të thellë për kryepeshkopin Anastas, i cili për dekada me radhë shërbeu me urtësi dhe përkushtim, duke i dhënë Kishës Ortodokse Autoqefale të Shqipërisë forcë dhe dritë”, u shpreh presidenti Bajram Begaj.
    Të dielën, kryepeshkopi do të mbajë në Katedralen Ngjallja e Krishtit shërbesën e parë si kryepeshkop tashmë i fronëzuar, ndërkohë që duhet të zgjedhë pasuesin e tij në Mitropolinë e Korçës, aty ku shërbeu pa ndërprerje që nga viti 1998.
    /vizionplus.tv