Nga Fabrizio Paladino
Është rreth orës 9 të mëngjesit të së premtes kur bie telefoni.
Numri është i panjohur, por siç ndodh shpesh, edhe për kuriozitet, ka një përgjigje. Përshëndetje? Nga ana tjetër: “Unë jam i burgosuri numër 234.” Zëri është ai i Davide Pecorellit . Davide, si je? “Në përgjithësi, mirë, edhe pse i kam përshkruar tashmë kushtet në burgun 313 në Tiranë.”
Nga burgu ku mbahet që nga 8 maji, ish-arbitri dhe sipërmarrësi nga San Giustino mund të kontaktojë familjen e tij (gruan, katër fëmijët dhe babanë e tij) çdo ditë, dhe, në këtë rast, edhe mikun e tij gazetar. “Vendosa ta ndërpres grevën e urisë pas dy javësh,” vazhdon ai. “Kam humbur 6 kilogramë.”
Pika e kthesës, ose më saktë, një shkëndijë shprese, erdhi pardje, më 31 korrik, kur Gjykata e Apelit e Shqipërisë më në fund paraqiti arsyet e saj për dënimin, duke i lejuar atij të apelonte në Gjykatën e Lartë .
Pecorelli kishte hyrë në grevë urie më 16 korrik, duke denoncuar në një letër të shkruar me dorë drejtuar Gjykatës dhe Konsullatës Italiane kushtet e tmerrshme të paraburgimit të tij, duke ndarë një qeli prej 16 metrash katrorë me tetë të tjerë, pa ujë të rrjedhshëm dhe të mbushur me minj.
“Deri më tani, unë, së bashku me avokatët e mi italianë dhe shqiptarë, nuk kemi mundur të apelojmë për shkak të mungesës së arsyeve për dënimin e dhënë nga Gjykata e Shkodrës”, e cila e dënoi atë me katër vjet burg për mashtrim, zjarrvënie dhe kalim të paligjshëm të kufirit. Përfshirja e shoqatës shqiptare “Avokatët e Popullit”, e cila e mori çështjen në dorë p), përfaqësoi një tjetër pikë kthese.
Organizata i dërgoi një letër zyrtare të regjistruar Gjykatës së Apelit duke kërkuar publikimin e dokumenteve, gjë që më në fund ndodhi – siç u përmend – më 31 korrik.
Tag: pecorelli
-
Davide Pecorelli flet nga burgu i Tiranës: Kam humbur 6 kg nga greva e urisë
-
Inskenoi vdekjen e tij/ Pecorelli ndërpret grevën e urisë në burgu 313: Të burgosurve u gatuaj makarona, kam humbur 6 kg
Davide Pecorelli
TIRANË-Biznesmeni italian Davide Pecorelli kishte hyrë në grevë urie më 16 korrik, duke denoncuar me një letër të shkruar me dorë dhe drejtuar Gjykatës dhe Konsullatës italiane kushtet e rënda të paraburgimit, duke ndarë një qeli 16 metra katrorë me tetë persona të tjerë, pa ujë të rrjedhshëm dhe e mbushur me minj. Tashmë biznesmeni italian rrëfen se e ka ndërprerë grevën e urisë dhe Gjykata e Apelit në Shqipëri ka depozituar motivimin e vendimit të dënimit, duke i lejuar kështu të paraqesë ankim në Gjykatën e Lartë.
Nga burgu ku ndodhet i mbyllur që nga data 8 maj, ish-arbitri i futbollit dhe sipërmarrësi nga San Giustino ka mundësi të kontaktojë çdo ditë me familjarët (gruan, katër fëmijët dhe babanë) dhe, në këtë rast, edhe me mikun italian gazetar.
“Jam i burgosuri numër 234’. Zëri është ai i Davide Pecorellit. Davide, si je? ‘Gjithsesi mirë, edhe pse jua kam përshkruar tashmë kushtet në burgun 313 të Tiranës. Kam vendosur të ndërpres grevën e urisë pas dy javësh, vazhdon, kam humbur 6 kilogramë. Një kthesë, apo më mirë, një rreze e parë shprese, ka ardhur pardje, më 31 korrik, kur Gjykata e Apelit në Shqipëri më në fund ka depozituar motivimin e vendimit të dënimit. Deri tani nuk kam mundur, bashkë me avokatët e mi italianë dhe shqiptarë, të paraqes ankim, për shkak të mungesës së motivimit të vendimit të Gjykatës së Shkodrës. Tani do të mund të formalizoj ankimimin në Gjykatën e Lartë: qëllimi është të marr një masë më pak kufizuese në pritje të gjyqit të shkallës së dytë, që është caktuar për më 18 shtator. Tani mund të shpresoj të paktën për diçka të mirë pas gati tre muajsh kalvari. Më trajtojnë mirë, çdo mbrëmje u gatuaj makaronat: përpiqemi të mbijetojmë, por kushtet janë ekstreme,”-shprehet Pecorelli.
Biznesmeni italian do të vuajë 4 vite burg në Shqipëri. Ai u shpall fajtor për “Mashtrim” në bashkëpunim, “Dhunimi i varreve” “Veprime që pengojnë zbulimin e së vërtetës” e “Shkatërrimi i pronës me zjarr”. Në lidhje me rastin Prokuroria e Pukës kërkoi dënimin me 8 vite burg.
Si e inskenoi zhdukjen?
Davide Pecorelli u zhduk në janar të 2021 në qytetin e Pukës, ku një makinë që ishte marrë me qera prej tij, u gjet e djegur në një zonë të thellë, të pambuluar me kamera sigurie. Brenda makinës u gjetën dhe mbetje skeletore, që fillimisht u dyshua se i përkisnin biznesmenit.
Teksa autoritetet italiane dhe ato shqiptare u ngritën në këmbë për të mësuar se çfarë kishte ndodhur me biznesmenin, më 17 shtator 2021 Davide Pecorelli, u shfaq për mrekulli shëndoshë e mirë në një gomone pranë ishullit Montecristo. Më pas ai tronditi jo pak me historinë që tregoi, duke thënë se për 9 muaj, kur të gjithë e kishin shpallur të zhdukur, ai kishte qenë në kërkim të një thesari. Me itinerarin nga Rinasi drejt Shkodrës e më pas në Pukë ai humbi gjurmët duke djegur brenda automjetit një skelet të cilin rezulton se e ka marrë duke dëmtuar një varr në varrezat e Pukës.
Për disa javë ky u bë lajmi që shqetësoi hetuesit mes Italisë e Shqipërisë ku një grup i posaçëm zbarkoi në Pukë. Por teksa hetimet ishin në vijim, rezultoi se eshtrat e gjetura në automjetin e djegur model Skoda i përkisnin një tjetër ADN-je dhe jo pemës gjenetike të familjes Pecorelli./ZËRI -
‘Jetoj me 7 të dënuar dhe mes minjve’/ Italiani Davide Pecorelli rrëfen ditët e tij në burgu 313 në Tiranë
Nga Fabrizio Paladino
Rreth orës 9 të mëngjesit të së premtes bie telefoni. Numër i panjohur, por, siç ndodh shpesh, edhe nga kureshtja, përgjigjja nuk mungon. Alo? Nga ana tjetër dëgjohet: ‘Jam i burgosuri numër 234’. Zëri është ai i Davide Pecorellit. Davide, si je? ‘Gjithsesi mirë, edhe pse jua kam përshkruar tashmë kushtet në burgun 313 të Tiranës’.
Nga burgu ku ndodhet i mbyllur që nga data 8 maj, ish-arbitri i futbollit dhe sipërmarrësi nga San Giustino ka mundësi të kontaktojë çdo ditë me familjarët (gruan, katër fëmijët dhe babanë) dhe, në këtë rast, edhe me mikun gazetar. ‘Kam vendosur të ndërpres grevën e urisë pas dy javësh, vazhdon, kam humbur 6 kilogramë’.
Një kthesë, apo më mirë, një rreze e parë shprese, ka ardhur pardje, më 31 korrik, kur Gjykata e Apelit në Shqipëri më në fund ka depozituar motivimin e vendimit të dënimit, duke i lejuar kështu të paraqesë ankim në Gjykatën e Lartë.
Pecorelli kishte hyrë në grevë urie më 16 korrik, duke denoncuar me një letër të shkruar me dorë dhe drejtuar Gjykatës dhe Konsullatës italiane kushtet e rënda të paraburgimit, duke ndarë një qeli 16 metra katrorë me tetë persona të tjerë, pa ujë të rrjedhshëm dhe e mbushur me minj.
‘Deri tani nuk kam mundur, bashkë me avokatët e mi italianë dhe shqiptarë, të paraqes ankim, për shkak të mungesës së motivimit të vendimit të Gjykatës së Shkodrës’, e cila e ka dënuar me 4 vite burg për mashtrim, zjarrvënie të qëllimshme dhe kalim të paligjshëm të kufirit shtetëror.
Përfshirja e ‘Avokatit të Popullit’, që sipas tij e ka marrë seriozisht çështjen, pasi e ka parë lajmin në SYRI.net dhe në mediat italiane (veçanërisht në La Nazione), ka qenë një tjetër pikë kthese. Organizata ka dërguar një letër zyrtare me postë rekomande Gjykatës së Apelit, duke kërkuar publikimin e akteve, gjë që më në fund ndodhi, siç u tha, më 31 korrik.
‘Tani do të mund të formalizoj ankimimin në Gjykatën e Lartë: qëllimi është të marr një masë më pak kufizuese në pritje të gjyqit të shkallës së dytë, që është caktuar për më 18 shtator’. ‘Po, kam filluar të ushqehem sërish, tha ai, kam humbur gjashtë kilogramë, por tani mund të shpresoj të paktën për diçka të mirë pas gati tre muajsh kalvari’.
Davide tregon gjithashtu se ka marrëdhënie shumë të mira me të burgosurit e tjerë. ‘Më trajtojnë mirë, çdo mbrëmje u gatuaj makaronat: përpiqemi të mbijetojmë, por kushtet janë ekstreme’.
Ish-arbitri ka bërë të ditur gjithashtu se shoqata ka kryer një inspektim në qelinë ku ndodhet dhe ka paraqitur një ankesë pranë Ministrit të Drejtësisë në Shqipëri për kushtet në burg. Në janar të katër viteve më parë, Pecorelli kishte sajuar vdekjen e tij, duke i vënë zjarrin një makine me qira në fshatin Gjegjan, në Pukë.
Nëntë muaj më vonë (në shtator 2021) u gjet si i mbijetuar në një gomone pranë ishullit të Montekristos, ku ishte nisur për të kërkuar thesarin e famshëm. Miratimi për ekstradim kishte ardhur një vit më parë nga Gjykata e Apelit. Më pas, në mars të këtij viti, erdhi edhe vendimi përfundimtar, me konfirmimin nga ministri italian i Drejtësisë, Carlo Nordio.
/La Nazione-Përgatiti: SYRI.net
-
Inskenoi vdekjen e tij/ Davide Pecorelli ankohet për kushtet e “313-ës”: Ka minj në tualet, jetoj me 8 persona!
Davide Pecorelli
TIRANË- Biznesmeni italian Davide Pecorelli i ka drejtuar Gjykatës së Apelit të Tiranës dhe gjyqtarit Dritan Hasani një letër të shkruar me dorë, ku denoncon kushtet e tij të izolimit dhe njofton fillimin e një greve urie. Letra mban fatën 16 qershor 2025 dhe Pecorelli, i paraburgosuri numër 234 në burgun 313 të Tiranës tregon me detaje kushtet e tij të qelisë. Në letrën e tij, Pecorellli shkruan se jeton që nga 8 marsi në një qeli 16 m², të cilën e ndan me të persona të tjerë. Ndërsa shton se tualetin e ndan…me minj. Greva e tij e urisë bazohet te mosdorëzimi, mbi dy muaj pas arrestimit, i arsyetimit të vendimit gjyqësor, gjë që e pengon të bëjë ankim. Gjithashtu kjo situatë lidhet me pritjen për procesin e apelit, i planifikuar për më 18 korrik, datë kur drejtësia shqiptare duhet të vendosë nëse do ta bëjë përfundimtar dënimin me 4 vite ndaj Pecorellit.
Letra me shkrim e Pecorellit
“I nderuar gjykatës, emri im është Davide Pecorelli. Po mbahem në burgun 313 në Tiranë. Në Sektorin 2-5, i burgosuri numër 234. Po e shkruaj këtë letër për t’u ankuar se që nga 8 maji 2025, kam jetuar në një dhomë 16m2 me tetë persona të tjerë. Ka minj në banjo dhe nuk ka ujë të rrjedhshëm. Më 9 maj 2025, Gjykata juaj e Apelit mbështeti arrestimin tim dhe deri më sot, më shumë se dy muaj më vonë, nuk më është dhënë asnjë deklaratë,”-shkruan Pecorelli.
Biznesmeni italian do të vuajë 4 vite burg në Shqipëri. Ai u shpall fajtor për “Mashtrim” në bashkëpunim, “Dhunimi i varreve” “Veprime që pengojnë zbulimin e së vërtetës” e “Shkatërrimi i pronës me zjarr”. Në lidhje me rastin Prokuroria e Pukës kërkoi dënimin me 8 vite burg./ZËRI
-
Inskenoi vdekjen e tij, ekstradohet në Shqipëri Davide Pecorelli
Davide Pecorelli, italiani i cili inskenoi vdekjen e tij në Pukë në vitin 2021, u ekstradua ditën e sotme nga Italia drejt Shqipërisë.
Ai u mor në dorëzim në Rinas nga Forcat Operacionale të Burgjeve dhe do të dërgohet në institucionin ku do të vuajë dënimin me burg.
Ai është dënuar me 4 vite burg në mungesë nga Gjykata e Shkodrës në Prill të vitit 2024. Ndërsa vendimi për ekstradimin e tij u mor nga autoritetet italiane në Mars të këtij viti.Në Janar të 2021-shit, në një fshat të Pukës, Pecorelli dogji makinën e marrë me qira dhe brenda saj kishte futur disa mbetje skeletore.
Për 9 muaj, autoritetet italiane dhe ato shqiptare e konsideruan të zhdukur biznesmenin, deri sa ky i fundit u lokalizua në ishullin Montecristo.
Pas ndalimit të tij, Pecorelli deklaroi se plani për të inskenuar vdekjen e tij ishte thurur për t’iu shmangur borxheve të shumta që kishte./tvklan -
Inskenoi vdekjen e tj në Pukë/ Ekstradohet Davide Pecorelli, me pranga në duar pritet nga Policia e Burgjeve
PAMJE NGA EKSTRADIMI
TIRANË- Ekstradohet nga Italia drejt Shqipërisë ish-gjyqtari i futbollit dhe biznesmeni Davide Pecorelli, që u akuzua për inskenimin e vdekjes së tij në Pukë rreth pesë vite më parë. Pecorelli u mor në Rinas nga Forcat Operacionale të Drejtorisë së Përgjithshme të Burgjeve dhe po dërgohet në Institucionet e Ekzekutimeve të Veprave Penale. Biznesmeni italian do të vuajë dënimin në Shqipëri.
Njoftimi i policisë:
Akuzohet se inskenoi vdekjen e tij,në vitin 2021, në Pukë,ekstradohet nga Italia,shtetasi italian. Në vijim të bashkëpunimit shumë të mirë ndërmjet strukturave homologe Interpol Tirana dhe Interpol Roma,u finalizua procedura për ekstradimin nga Italia, në Shqipëri,të shtetasit italian,të shpallur në kërkim ndërkombëtar, D. P., 50 vjeç.
Në vitin 2022, Gjykata e Rrethit Gjyqësor Pukë ka lëshuar urdhër arresti për këtë shtetas, mbi akuza për veprat penale: “Mashtrimi”,”Dhunimi i varreve”,”Veprime që pengojnë zbulimin e së vërtetës”,”Shkatërrimi i pronës me zjarr” dhe “Kalimi i paligjshëm i kufirit”.
Në vitin 2021, ky shtetas dyshohet se ka djegur automjetin me të cilin lëvizte në fshatin Gjegjan, Pukë, me qëllim inskenimin e vdekjes së tij.
Gjykata e Shkodrës e ka dënuar me 4 vite burg italianin Davide Pecorellin, sipërmarrësin nga Tiferno. Ai u shpall fajtor për “Mashtrim” në bashkëpunim, “Dhunimi i varreve” “Veprime që pengojnë zbulimin e së vërtetës” e “Shkatërrimi i pronës me zjarr”. Në lidhje me rastin Prokuroria e Pukës kërkoi dënimin me 8 vite burg.Si e inskenoi zhdukjen?
Davide Pecorelli u zhduk në janar të 2021 në qytetin e Pukës, ku një makinë që ishte marrë me qera prej tij, u gjet e djegur në një zonë të thellë, të pambuluar me kamera sigurie. Brenda makinës u gjetën dhe mbetje skeletore, që fillimisht u dyshua se i përkisnin biznesmenit.
Teksa autoritetet italiane dhe ato shqiptare u ngritën në këmbë për të mësuar se çfarë kishte ndodhur me biznesmenin, më 17 shtator 2021 Davide Pecorelli, u shfaq për mrekulli shëndoshë e mirë në një gomone pranë ishullit Montecristo. Më pas ai tronditi jo pak me historinë që tregoi, duke thënë se për 9 muaj, kur të gjithë e kishin shpallur të zhdukur, ai kishte qenë në kërkim të një thesari. Me itinerarin nga Rinasi drejt Shkodrës e më pas në Pukë ai humbi gjurmët duke djegur brenda automjetit një skelet të cilin rezulton se e ka marrë duke dëmtuar një varr në varrezat e Pukës.
Për disa javë ky u bë lajmi që shqetësoi hetuesit mes Italisë e Shqipërisë ku një grup i posaçëm zbarkoi në Pukë. Por teksa hetimet ishin në vijim, rezultoi se eshtrat e gjetura në automjetin e djegur model Skoda i përkisnin një tjetër ADN-je dhe jo pemës gjenetike të familjes Pecorelli./ZËRI -
Inskenoi vdekjen e tij dhe djegien e trupit, Davide Pecorelli ekstradohet nga Italia në Shqipëri
Shtetasi italian Davide Pecorelli është ekstraduar këtë të martë nga Italia drejt Shqipërisë, ku u mor në dorëzim në Aeroportin e Rinasit nga Forcat Operacionale të Drejtorisë së Përgjithshme të Burgjeve (DPB) dhe po dërgohet në Institucionet e Ekzekutimeve të Veprave Penale për të vuajtur masën e sigurisë.
Sipas vendimit të Gjykatës së Rrethit Gjyqësor Pukë, ndaj Pecorellit është caktuar masa “arrest në burg”, pasi ai dyshohet për një sërë veprash penale të rënda, përfshirë “mashtrimi”, “dhunimi i varreve”, “shkatërrimi i pronës me zjarr” dhe “kalimi i paligjshëm i kufirit shtetëror”.47-vjeçari në janar të vitit 2021, inskenoi ngjarjen e vrasjes së tij dhe djegies së trupit vepër për të cilën u dënua nga gjykata e Shkodrës në prill të vitit 2024 me 4 vite burgim.
Të gjitha shkallët e drejtësisë italiane vendosën ekstradimin e tij drejt Shqipërisë, ku kishte marrë dënimin, ndërsa vetë Pecorelli kishte deklaruar disa ditë më herët në Itali se nuk do të apelonte vendimin për ekstradim. -
Inskenoi vdekjen e tij në Pukë, ekstradohet nga Italia biznesmeni Davide Pecorelli
Është ekstraduar nga Italia drejt Shqipërisë shtetasi Davide Pecorelli, i cili u mor në dorëzim sot në Rinas nga Forcat Operacionale të DPB-së dhe po dërgohet në Institucionet e Ekzekutimeve të Veprave Penale.
Lajmi konfirmohet për Top Channel nga gazetarja Dorjana Bezat.
Sipas vendimit të Gjykatës së Rrethit Gjyqësor Pukë, ndaj tij është caktuar masa “arrest në burg”, si i dyshuar për veprat penale “Mashtrimi”, “Dhunimi i varreve”, “Shkatërrimi i pronës me zjarr” dhe “Kalimi i paligjshëm i kufirit shtetëror”. -
Inskenoi vdekjen e tij, ekstradohet nga Italia në Shqipëri biznesmeni Davide Pecorelli
Është ekstraduar nga Italia drejt Shqipërisë shtetasi Davide Pecorelli, i cili u mor në dorëzim sot në Rinas nga Forcat Operacionale të DPB-së dhe po dërgohet në Institucionet e Ekzekutimeve të Veprave Penale.
Lajmi konfirmohet për Top Channel nga gazetarja Dorjana Bezat.
Sipas vendimit të Gjykatës së Rrethit Gjyqësor Pukë, ndaj tij është caktuar masa “arrest në burg”, si i dyshuar për veprat penale “Mashtrimi”, “Dhunimi i varreve”, “Shkatërrimi i pronës me zjarr” dhe “Kalimi i paligjshëm i kufirit shtetëror”.Top Channel
-
Inskenoi vdekjen e tij në Pukë, ekstradohet nga Italia Davide Pecorelli
Shtetasi italian Davide Pecorelli është ekstraduar nga Italia në Shqipëri, ku u mor në dorëzim nga Forcat Operacionale të Drejtorisë së Policisë së Qarkut Shkodër, në Rinas. Pecorelli është shoqëruar nga autoritetet shqiptare dhe po dërgohet në Institucionet e Ekzekutimeve të Veprave Penale, ku do të qëndrojë nën masa të sigurisë.
Sipas vendimit të Gjykatës së Rrethit Gjyqësor Pukë, ndaj Pecorellit është caktuar masa “arrest në burg”. Ai akuzohet për një sërë veprash penale, përfshirë “Mashtrimi”, “Dhunimi i varreve”, “Shkatërrimi i pronës me zjarr” dhe “Kalimi i paligjshëm i kufirit shtetëror”. Ekstradimi i tij ka ardhur pas një bashkëpunimi të ngushtë mes autoriteteve italiane dhe atyre shqiptare për të realizuar këtë proces ligjor.
Çfarë ndodhi në Pukë, në janar të vitit 2021
Pecorelli inskenoi vdekjen e tij në janar të 2021. Makina e tij u gjet e shkrumbuar në fshatin Gjegjan dhe brenda saj u gjetën edhe eshtra njerëzore, duke bërë fillimisht që të mendohej se i përkisnin pikërisht 49-vjeçarit. Por disa muaj më vonë ai u shfaq në Itali. Ai u shpëtua në det, teksa lundronte me një varkë të vogël.
E kur zbriti në tokë, u përball me urdhërarrestin e lëshuar nga gjykata shqiptare, më 2 tetor të 2022. Nga vendi ynë ai akuzohej për mashtrim, dhunim të varreve, shkatërrim prone me zjarr, kalim të jashtëligjshëm të kufirit dhe veprime që pengojnë zbulimin e së vërtetës. Akuza e fundit ra, ndërsa për akuzat e tjera Pecorelli, i cili përfitoi nga gjykimi i shkurtuar, u dënua në prill të këtij viti me 4 vjet burg nga Gjykata e Pukës.
Rasti i Davide Pecorelli-t në fakt për shumë kohë ishte i mbushur me intrigë. Me origjinë nga San Giustino, sipërmarrësi në sektorin e produkteve të bukurisë dhe ish-arbitër, ishte vendosur në vendin tonë, aty ku fillimisht u mendua se ishte karbonizuar. Më pas u rishfaq në Itali, në ujërat e detit Tirreno. Tregoi një histori si nëpër libra, duke thënë se kishte qenë në kërkim të një thesari. Në fakt, sipas asaj që doli në hetimet e autoriteteve shqiptare, ai i vuri flakën makinës që kishte marrë me qira në Shqipëri dhe brenda saj vendosi eshtra për të simuluar vdekjen e tij.
E gjithë ngjarja u inskenua për shkak të borxheve, të cilat e çuan të ndërmerrte këto veprime. Për këto vepra ai u vendos në arrest provizor në Itali. Shqipëria kërkoi ekstradimin e tij që prej 2022.