Gazeta e madhe amerikane, Washington Examiner, u bën thirrje drejtuesve të FBI, Kash Patel dhe zëvendësit të tij, Dan Bongino që të mos injorojnë skandalin më të madh të FBI, që të Charles McGonigal, i cili u korruptua nga kryeministri shqiptar, Edi Rama. Më poshtë shkrimi i gazetarit John Schindler.
Reformimi i të ashtuquajturit “shtet i thellë” në aparatin e inteligjencës dhe sigurisë së Amerikës përbën një objektiv thelbësor entuziast për administratën e dytë të Presidentit Donald Trump. Por a po kujdeset ekipi Trump që të kuptojë se ku mund ta gjejë kalbjen?
Në letër, angazhimi i MAGA për të hequr qafe korrupsionin nga “shteti i thellë” është i qartë. Këtë javë, Drejtoresha e Inteligjencës Kombëtare, Tulsi Gabbard, njoftoi krijimin e Grupit të Iniciativave të Drejtorëve për “hetimin e përdorimit si armë politike, çrrënjosjen e politizimit të thellë, ekspozimin e zbulimeve të paautorizuara të inteligjencës së klasifikuar dhe deklasifikimin e informacionit që i shërben një interesi publik”.
GID supozohet gjithashtu të udhëzojë komunitetin e inteligjencës për të reduktuar shpenzimet e kota.
Në FBI, drejtori Kash Patel, një bashkëpunëtor i vendosur i MAGA-s, ka shprehur angazhimin e tij për të spastruar byronë nga njollat partizane demokratike.
Patel përshëndeti kohët e fundit asgjë më pak se “asgjësimin e plotë dhe total të përdorimit si armë politike të drejtësisë” nën drejtimin e tij.
Emërimi i podkasterit të njohur të MAGA-s, Dan Bongino, si zëvendës i Patel-it, u mor nga ata që besojnë te Trump si një shenjë e sigurt se FBI do të pastrohet rigorozisht nga korrupsioni. Bongino denoncoi byronë si “një organizatë plotësisht të korruptuar” gjatë presidencës Biden. Me siguri dyshja Patel-Bongino do të reformonte rrënjësisht FBI-në?
Ka vend për të dyshuar në këtë. Ekziston një emër që mungon dukshëm në diskutimet publike të udhëheqjes së re për reformimin e byrosë: Charlie McGonigal.
Lexuesit e kësaj rubrike do ta kujtojnë atë emër sepse i është bashkangjitur skandalit më të keq të FBI-së në kohët moderne. McGonigal, një drejtues i lartë në byro, u diskreditua dhe akoma më keq pas daljes në pension të tij në 2018 nga FBI, kur u zbulua se, ndërsa shërbente si kreu i fuqishëm i kundërzbulimit në Zyrën e Nju Jorkut, një punë shumë, shumë e rëndësishme në agjenci, ai ra në shtrat me një oligark të lartë të Kremlinit dhe me shqiptarë të dyshimtë. Ai e bëri këtë për para të thata.
Çështja McGonigal nuk mori kurrë vëmendjen që meritonte nga media. Kjo pjesërisht sepse ishte çështje komplekse, dhe pjesërisht sepse demokratët nuk donin që të ekspozoheshin pasojat e plota të këtij skandali të shëmtuar. Karriera e McGonigal ishte thellësisht e përfshirë në çështjet ruse, në fund të fundit.
Në fund të vitit 2016, zyra e tij kundër spiunazhit në Nju Jork mori pjesë në hetimin e FBI-së për lidhjet e pretenduara të Trump me Kremlinin, operacionin famëkeq ‘Crossfire Hurricane’. Megjithatë, vetëm disa vjet më vonë, McGonigal ishte në listën e pagesave të Oleg Deripaskës, një oligark kryesor i Kremlinit, i cili u shfaq i dukshëm në atë hetim.
Pastaj është këndi i çuditshëm shqiptar. Ndërsa punonte si shef i kundërspiunazhit të FBI-së në Nju Jork, ai u miqësua me Edi Ramën, kryeministrin socialist të Shqipërisë.
McGonigal bëri vizita në Shqipëri, gjoja për çështjet e FBI-së, por ajo që ai do të bënte në të vërtetë, mbetet misterioze.
Ai pranoi se kishte marrë 255.000 dollarë nga një ish-operativ i inteligjencës shqiptare, por kjo rubrikë zbuloi se McGonigal, ndërsa shërbente në FBI, e lejoi veten të përfshihej në politikën shqiptare, kundrejt një pagese.
Ka prova bindëse se McGonigal ishte përfshirë në zhvatjen e oligarkëve shqiptarë me shokun e tij, Ramën, duke fituar miliona dollarë.
Fakti që Rama është mik i ngushtë me Alex Soros, donatori kryesor i Partisë Demokratike, ngre pyetje shqetësuese. Kjo jo më pak sepse, gjatë dekadës plus të Ramës në pushtet, vendi i tij i vogël është bërë qendra kryesore e Evropës për narkotikët e paligjshëm.
Sidoqoftë, asnjë nga këto nuk u trajtua gjatë marrëveshjeve të pranimit të fajësisë së McGonigal. Departamenti i Drejtësisë nuk tregoi interes për implikimet më të gjera të rastit.
Në vitin 2023, ai u dënua me katër vjet burg për punë të paligjshme për Deripaskën.
Në fillim të vitit 2024, McGonigal mori një dënim shtesë prej 28 muajsh për fshehjen e pagesës së tij prej 225.000 dollarësh nga inteligjenca shqiptare.
Pyetjet kryesore kanë mbetur pa përgjigje.
Sa kohë kishte McGonigal duke punuar fshehurazi për Kremlinin, nëpërmjet Deripaskës apo dikujt tjetër? Çfarë bëri konkretisht ai për ta? Sa para ka marrë McGonigal nga Shqipëria dhe për çfarë saktësisht? Sa e ngushtë është marrëdhënia e tij me Ramën dhe si nisi ky partneritet kurioz?
Është e domosdoshme që udhëheqja e re e FBI-së të hetojë karrierën e plotë të McGonigal, duke kërkuar për atë se çfarë shkoi keq këtu, duke përfshirë kur dhe pse. Fakti që një zyrtar i lartë i zyrës u mashtrua nga një qeveri të huaj është një çështje e madhe – që një zyrtar i korruptuar u punësua në kundërzbulim në nivelet më të larta e çon këtë skandal në një nivel të ri tronditës.
Së paku, FBI duhet të kryejë një vlerësim të thellë të dëmit në çështjen McGonigal, duke u nisur prej dekadash. Ka pëshpëritje në qarqet e kundërspiunazhit se disa operacione sekrete të klasifikuara të FBI-së kundër Rusisë u zbehën nën udhëheqjen e McGonigal. Ishte ky fat i keq, apo diçka më e keqe? Burimet e komunitetit të inteligjencës më thonë se i gjithë vlerësimi i dëmit nga FBI për rastin përfshin një agjent të vetëm, me kohë të pjesshme. Nëse po, kjo është qesharake.
Aspekti shqiptar është po aq shqetësues. Raportet se McGonigal mori miliona dollarë nga udhëheqja e atij narko-shteti të NATO-s janë shqetësuese dhe kërkojnë përgjigje. Për më tepër, çfarë dinte administrata Biden, e cila mbrojti Ramën dhe qeverinë e tij kriminale nga shqyrtimi, për aktivitetet e ndyra të McGonigal në Ballkan?
Mbi të gjitha, a rekrutoi McGonigal ndihmës brenda FBI-së për të forcuar korrupsionin e tij flagrant dhe ndoshta edhe më keq? A shërbejnë ende ata individë në byro?
Nëse udhëheqja e re e FBI-së e ka seriozisht çlirimin e FBI-së nga korrupsioni, skandali i McGonigal duhet të hetohet rigorozisht derisa të identifikohen të gjithë të përfshirët në këtë aferë. Ne e dimë se zëvendësdrejtori është në dijeni për McGonigal dhe shkeljet e tij. Në fillim të vitit 2023, Bongino diskutoi rastin, duke përfshirë dimensionin e tij të çrregullt shqiptar, në podkastin e tij të njohur.
Çuditërisht, megjithatë, ai episod që atëherë është zhdukur nga uebfaqja e tij e arkivit.
Kjo nuk është një shenjë e mirë.
Nëse Patel dhe Bongino janë të sinqertë në qëndrimet e tyre të ashpra për reformimin e FBI-së, ata nuk mund të vazhdojnë mbulimin e çështjes McGonigal si Biden.
