10 Tetor 2025
13:03
Alfred Lleshi
Claudio Pasqualin, agjenti historik i Alessandro Del Pieros, foli për “Tuttosport” mbi rinovimin e ish-kapitenit të Juventusit: “Doktor Umberto Agnelli na thoshte gjithmonë se Alex po merrte shumë para (qesh). Në fakt, na ndihmoi kur ishim afër skadencës, sepse gjysma e Europës e donte Del Pieron, përtej vlerës së tij të jashtëzakonshme”.
Sipas Pasqualin, Barcelona kishte treguar interes serioz, por më pas zgjodhi Rivaldon, ndërsa Manchester United gjithashtu e kërkonte: “Sir Alex Ferguson e admironte shumë Del Pieron, por Alex nuk kishte asnjë dyshim, në mendjen e tij ekzistonte vetëm Juventusi. Donte të qëndronte me çdo kusht”.
Pasqualin bëri edhe një krahasim me Kenan Yildiz, duke theksuar se, ndryshe nga ajo kohë, lojtari turk ka ende 3 vite e gjysmë kontratë, ndaj Juventusi mund të veprojë me qetësi, por duhet të veprojë shpejt për ta blinduar, pasi ka interesim nga klube të mëdha europiane.