Deputeti i PD-së Agron Gjekmarkaj ka vizituar në qarkun e Lezhës zonat e prekura nga përmbytjet e ditëve të fundit.
Me anë të një postimi në Facebook, Gjekmarkaj ka ndarë pamje nga këto zona ku shkruan se përmbytjet atje nuk janë thjesht pasojë e fatkeqësive natyrore, por e dështimit në qeverisje dhe abuzimeve të saj.
Depueti apelon për zgjidhje reale dhe jo thjesht deklarata.
Postimi i Gjekmarkajt:
Përmbytjet në Zejmen, Barbullojë dhe Bregun e Matës nuk janë thjesht një fatkeqësi natyrore, por pasojë direkte e dështimit qeverisjes dhe abuzimeve. Prej ditësh, mijëra hektarë tokë bujqësore janë nën ujë, ndërsa kulturat bujqësore po shkatërrohen dhe fermerët po përballen me humbje të mëdha. Megjithatë, nga institucionet shohim vetëm deklarata jo zgjidhje reale.
Në Zejmen, ku përmbytjet përsëriten çdo vit, kanalet kulluese nuk janë hapur dhe sistemi i kullimit është lënë në degradim të plotë. E njëjta pamje gjendet në të gjithë fushën e Lezhës, ku mungesa e investimeve dhe neglizhenca kanë prodhuar një krizë të parashikueshme.
Tag: pasojë
-
“Prej ditësh, mijëra hektarë tokë nën ujë”- Gjekmarkaj viziton zonat e përmbytura: Pasojë direkte e dështimit të qeverisjes
-
Rikthimi i reshjeve përmbyt Lezhën, një lagje e tërë nën ujë, vështirësi në qarkullim
Reshjet intensive gjatë natës kanë shkaktuar probleme në Lezhë, ku disa zona urbane janë përmbytur si pasojë e mosfunksionimit të sistemit të kanalizimeve. Blloku i banimit “11 Janari” në lagjen “Besëlidhja” është një nga zonat më të prekura, ku rreth 11.2 hektarë tokë ndodhen nën ujë.
Uji ka arritur deri në 40 cm, duke bllokuar hyrjet e pallateve dhe duke krijuar vështirësi të mëdha për banorët. Edhe lëvizja e automjeteve në disa segmente të aksit Lezhë–Shëngjin është vështirësuar për shkak të prezencës së ujit në rrugë.
Pjesa më e madhe e territorit është gjithashtu pa energji elektrike, si pasojë e motit të keq. Ekipet zjarrfikëse, të emergjencave civile dhe punonjësit e OSHEE-së janë në terren dhe po punojnë për normalizimin e situatës. -
Prag tragjedie/ Përfshihet nga flakët banesa në Fier, lëndohet foshnja 2 muajsh
Një ngjarje e rëndë ka ndodhur në lagjen “15 Tetori” në Fier. Një banesë është përfshirë nga flakët, ku për pasojë është lënduar një foshnjë 2 muajsh, i cili ndodhet në kujdesin e mjekëve.
“Specialistët për Hetimin e Krimeve të Komisariatit të Policisë Fier referuan materialet në Prokurori, për vlerësim, pasi në lagjen “15 Tetori”, dyshohet se për shkak të një shkëndije elektrike, ka rënë zjarr në banesën e shtetasit L. L., dhe për pasojë është dëmtuar një fëmijë 2 muajsh, i cili ndodhet në kujdesin e mjekëve, jashtë rrezikut për jetën.“, thuhet në njoftimin e policisë. -
Përfshihet nga flakët banesa në Fier, lëndohet foshnja 2-muajshe
FOTO ILUSTRUESE
FIER-Një banesë është përfshirë nga zjarri në lagjen “15 Tetori” të Fierit. Si pasojë e flakëve raportohet se është një foshnjë 2-muajshe. Ngjarja dyshohet të jetë shkaktuar nga një shkëndijë elektrike, e cila përfshiu me shpejtësi ambientet e shtëpisë së familjes.
Njoftimi i policisë:
Specialistët për Hetimin e Krimeve të Komisariatit të Policisë Fier referuan materialet në Prokurori, për vlerësim, pasi në lagjen “15 Tetori”, dyshohet se për shkak të një shkëndije elektrike, ka rënë zjarr në banesën e shtetasit L. L., dhe për pasojë është dëmtuar një fëmijë 2 muajsh, i cili ndodhet në kujdesin e mjekëve, jashtë rrezikut për jetën. -
Përfshihet nga flakët banesa në Fier, lëndohet foshnja 2 muajsh
Një ngjarje e rëndë ka ndodhur në lagjen “15 Tetori” në Fier.
Një banesë është përfshirë nga flakët, ku për pasojë është lënduar një foshnjë 2 muajsh, i cili ndodhet në kujdesin e mjekëve.
“Specialistët për Hetimin e Krimeve të Komisariatit të Policisë Fier referuan materialet në Prokurori, për vlerësim, pasi në lagjen “15 Tetori”, dyshohet se për shkak të një shkëndije elektrike, ka rënë zjarr në banesën e shtetasit L. L., dhe për pasojë është dëmtuar një fëmijë 2 muajsh, i cili ndodhet në kujdesin e mjekëve, jashtë rrezikut për jetën.“, thuhet në njoftimin e policisë.Top Channel
-
Bllokimi i rrugës Qukës-Qafë Plloçë, inxhinieri: E kanë hapur me shpejtësi për zgjedhje, punime joserioze
Që prej ditës së djeshme, aksi i ri rrugor Qukës-Qafë Plloç është bllokuar si pasojë e shkëpytjeve të gurëve masivë nga shpati ndërsa qarkullimi është devijuar në një tjetër rrugë alternative. Ky segment rrugor për të cilin janë derdhur rreth 260 milionë euro investime, është inauguruar vetëm dy muaj më parë dhe kjo hera e dytë brenda pak ditëve që ky aks rrugor bllokohet si pasojë e interteve pas reshjeve intensive të shiut.
Në një intervistë televizive, inxhinieri Romeo Nazarko renditi të gjitha problematikat lidhur me ndërtimin e segmenteve rrugore në vend.
Nazarko tha se kontrollet e ndërtimeve bëhen më forma fiktive si dhe monitorohen po nga të tillë inxhinierë, të cilët kryesisht janë të punësuar në administratën shtetërore. Inxhinieri u shpreh se skarpatat e rrugëve nuk trajtohen pas punimeve dhe për këtë faj është përshpejtimi i inugurimit për efekt zgjedhor apo dhe kolaudimet që bëhen fiktivisht.
“Shakqet për rrëzimin e skarpateve të rrugës, vijnë si pasojë e punëve qe bëhen nga kompanitë e ndërtimit me inxhinierë fiktivë. Në dosje, kompanitë prezantohen me të tjerë inxhinerë, e në terren punimet ndiqen nga inxhinierë të tjerë. Është rruga dhe skarpatsa që shtrihet rruga. Gjatë ndërtimit këto skarpata provokohen nga gërmimet dhe nuk trajtohen më pas. Provokimi që u bëhet, në rastin e reshjeve ato shemben. Kam konstatuar që i gjithë segmenti kishte rrëshqitje.
Kompanitë e kolaudimit dhe supervizimit, nuk janë kompani serioze. Janë inxhinierë që punojnë në administratë shtetërore. Në rastin konkret, nuk kemi pasur një projekt fillestar për tu bazuar, gjithmonë ka ndryshuar si projekt. Nuk janë bërë shpimet gjeologjike për të parë qëndrueshmërinë dhe këto janë pasojat. Si në cdo rrugë dhe kjo, ose nuk i është bërë kolaudimi, dhe është inuguaruar para kohe për efekt zgjedhor, ose kolaudimi i është bërë në mënyrë fiktive”, tha Nazarko.
Inxhinieri gjithashtu theksoi dhe nevojën për ndryshimin e sistemit procedurial dhe hapjen rrugë të krijimit të Urdhërit Profesional të Inxhinierit, si përgjegjës për monitorimin e punimeve rrugore. Për këtë, Nazarko me faj bën ministrinë e Infrastrukturës, e cila kërkon që të vetëmenaxhojë dhe tenderojë paratë e buxhetit të shtetit.
“Ne duam të shkojmë në BE dhe jemi akoma me sistemin komunist me marrjen e licensave pranë ministrisë së Infrastrukturës. Licensat duhet të hiqen dhe duhet krijuar urdhri profesional i inxhinierit për të monitoruar të gjitha shërbimet që behen në ndërtim. Ministria nuk e krijon këtë urdhër se kërkon të tenderojë të gjithë buxhetin e shtetit. Dhe jemi në këtë situatë, të gjithë drejtohet e ARRSH ose janë në burg, ose janë në ndjekje penale”, tha inxhinieri. -
Krim brenda familjes në Greqi, ja çfarë ka ndodhur
Një ngjarje e rëndë tronditi komunitetin e Nea Peramos mëngjesin e së hënës, ku një 47-vjeçar humbi jetën si pasojë e plagëve të marra me një mjet të mprehtë, që dyshohet të ketë qenë një palë gërshërë.
Në banesë ndodhej edhe vëllai i viktimës, 44 vjeç, i cili u gjet i plagosur dhe u transportua me urgjencë drejt spitalit. Ai po hetohet si i dyshuar kryesor për ngjarjen.
Sipas autoriteteve, alarmi u dha nga një tjetër vëlla i familjes, 48 vjeç, i cili njoftoi policinë pasi gjeti dy vëllezërit në gjendje të rënduar.Dyshohet se ngjarja është pasojë e një konflikti të ashpër mes dy vëllezërve, ndërsa shkaqet e debatit mbeten ende të paqarta. Policia ka nisur hetimet e plota për zbardhjen e rrethanave dhe motivit të incidentit.
-
Aksident I rëndë në aksin Vlorë–Levan (Detaje)
Një aksident është shënuar sot në autostradën Vlorë–Levan, ku një automjet ka humbur kontrollin si pasojë e shpejtësisë dhe lagështisë në asfalt.
Mësohet se përplasja ka shkaktuar dëme të konsiderueshme materiale.
Policia konfirmon se nuk ka persona të lënduar.
Si pasojë e aksidentit, qarkullimi në autostradë është bllokuar përkohësisht, duke krijuar radhë të gjata automjetesh që presin hapjen e kalimit. -
Ndotet uji i pijshëm, bashkia e Kolonjës: Mos e përdorni për konsum
Bashkia e Kolonjës njofton se, si pasojë e reshjeve intensive të ditëve të fundit, analizat e kryera mbi ujin e rrjetit të qytetit kanë treguar prezencë të ndotjes mikrobike dhe fiziko–kimike.
Autoritetet bëjnë thirrje që uji i rrjetit të mos përdoret për konsum deri në një njoftim të dytë.
Po punohet intensivisht për normalizimin e situatës dhe çdo informacion i ri do të bëhet menjëherë i ditur për publikun.
“NJVKSH Kolonjë bën me dije se, si pasojë e reshjeve intensive të ditëve të fundit, analizat e kryera mbi ujin e rrjetit të qytetit kanë treguar prezencë ndotjeje mikrobike dhe fiziko–kimike.
Uji i rrjetit nuk duhet të përdoret për konsum deri në një njoftim të dytë.Po punohet për normalizimin e situatës dhe çdo informacion i ri do të bëhet menjëherë i ditur për publikun.”, shprehet bashkia.Top Channel
-
Izolimi në zonën e Malësisë së Kurbinit nga reshjet, ushtria dhe Bashkia vijojnë punën për rihapjen e rrugëve
Prej tre ditësh, zona e Malësisë së Kurbinit ka qenë e izoluar si pasojë e shkatërrimit të disa urave, rrëshqitjeve të dherave dhe dëmtimit të rrugës kryesore.
Malësia e Kurbinit konsiderohet ndër zonat më të prekura nga reshjet e dendura, të cilat sollën vërshimin e ujërave të lumit Hurdhacë që përshkon disa prej fshatrave. Për pasojë, disa ura u shembën dhe segmentet rrugore u degraduan, duke lënë të bllokuar të gjithë fshatrat e kësaj zone malore.
Autoritetet lokale, në bashkëpunim me forcat e ushtrisë, kanë arritur gjatë ditës së sotme të rikuperojnë një pjesë të urave të dëmtuara dhe të sistemojnë disa segmente të rrugës. Sipas kreut të Njësisë Administrative Milot, Dritan Preçi, në fshatin e largët Vinjollë vijon puna për hapjen e rrugës, ndërsa dy fshatra të tjerë kanë dalë tashmë nga izolimi.
Ndërkohë, në fshatin Gallatë, disa familje u evakuuan pas përmbytjes së banesave të tyre. Me përmirësimin e situatës, pritet që ato të rikthehen së shpejti në shtëpi. Në zonë u shfaqën probleme edhe për shkak të dëmtimit të linjës elektrike, por energjia është rikthyer tashmë.
Paralelisht, në fshatin Shperdhet të Kurbinit po punohet për hapjen e rrugës së bllokuar nga dalja e lumit Drojë nga shtrati, që izoloi të gjithë fshatin.
Sipas Bashkisë së Kurbinit, dy zonat më të prekura nga reshjet e tre ditëve të fundit mbeten Malësia e Kurbinit dhe Njësia Administrative e Mamurrasit, si pasojë e daljes nga shtrati të lumit Drojë. Autoritetet thonë se ndërhyrjet do të vazhdojnë deri në rikthimin e plotë të qarkullimit dhe normalizimin e situatës.Top Channel