Lajmidites.com

Tag: paris

  • Paris/ I ftuar nga Macron, Rama ndan pamjet nga ‘Forumi i Paqes’ (VIDEO)

    Paris/ I ftuar nga Macron, Rama ndan pamjet nga ‘Forumi i Paqes’ (VIDEO)

    Kryeministri Edi Rama ndodhet në Paris, ku është ftuar nga presidenti Emanuel Macron për ‘Forumin e Paqes’. 
    Rama përmes një postimi në rrjetet sociale ka ndarë pamjet nga forumi që po mbahet në kryeqytetin francez. 
    “Paris – Me ftesë të Presidentit Macron në Paris Peace Forum”, shkruan kryeministri. 
     
     

  • Surpriza Alcaraz! Numri 1 në botë eliminohet që në start në Paris dhe rrezikon kreun

    Surpriza Alcaraz! Numri 1 në botë eliminohet që në start në Paris dhe rrezikon kreun

    29 Tetor 2025

    12:28

    Telesport

    Një surprizë e madhe ka ndodhur në turneun Masters 1000 që ka nisur këtë javë në Paris. Spanjolli Carlos Alcaraz u eliminua në raundin e dytë. Në ndeshjen e tij debutuese, tenisti “numër 1” në botë humbi ndaj britanikut Cameron Norrie.
    Ku i fundit fitoi 2-1 (4-6, 6-3, 6-4), një ndeshje që zgjati dy orë e 25 minuta. Ky rezultat mund ta penalizojë shumë Alcaraz, pasi mund të humbasë kreun e renditjes botërore nëse këtë turneu e fitoi italiani Jannik Sinner.
    Sinner, numri 2 në botë, është më pak se 800 pikë pas Alcaraz dhe në rast se grumbullon 1000 pikë nga ky turne mund ta parakalojë spanjollin. Një ndeshje e dobët e Alcaraz, që bëri mjaft gabime ndaj Norrie.
    Spanjolli vinte nga 18 fitore radhazi dhe këtë vit do të luajë edhe në finalet ATP në Torino në nëntor dhe në Kupën Davis. Gjithsesi, dueli me Sinner për ta mbyllur vitin si “numri 1” do të vijojë deri në momentin e fundit.

  • Katy Perry dhe Justin Trudeau konfirmojnë romancën në Paris

    Katy Perry dhe Justin Trudeau konfirmojnë romancën në Paris

    Showbiz E Hënë, 27 Tetor 2025 11:07
    Ylli i muzikës pop Katy Perry dhe ish-kryeministri kanadez Justin Trudeau kanë bërë publike lidhjen e tyre gjatë një mbrëmjeje romantike në Paris, ku këngëtarja festoi ditëlindjen e saj të 41-të.
    Dyshja u fotografuan duke ecur dorë për dore pas një nate në klubin e njohur kabare “Crazy Horse Paris”, më 25 tetor 2025, në daljen e tyre të parë publike si çift.Në pamjet që po qarkullojnë në mediat ndërkombëtare, Perry shfaqet me një fustan të kuq elegant, ndërsa Trudeau me kostum të errët klasik të dy të buzëqeshur dhe dukshëm të afërt, raporton Bota sot.

    Thashethemet për një romancë mes tyre kishin nisur që gjatë verës, kur ata u panë disa herë bashkë në Montreal dhe më pas në një jaht luksoz në Mesdhe.Tani, pas shfaqjes publike në Paris, duket se çifti ka vendosur ta bëjë lidhjen e tyre zyrtarisht të njohur për publikun.

    Të dy kanë pasur ndarje të bujshme në vitet e fundit: Trudeau u nda nga bashkëshortja e tij Sophie Grégoire-Trudeau në vitin 2023, ndërsa Perry i dha fund fejesës së gjatë me aktorin Orlando Bloom.

    Sipas revistës People, mbrëmja e ditëlindjes së Perry-t ishte një festë private me miq të afërt, por momenti i daljes nga lokali është konsideruar konfirmimi zyrtar i lidhjes që deri tani kishte mbetur nën hije.
    Mediat si E! Online, The Times dhe News.com.au e kanë përshkruar këtë romancë si “njërën nga lidhjet më të papritura të vitit”, duke e cilësuar si një bashkim që “përzien botën e artit dhe politikës në mënyrën më elegante të mundshme.”

  • Grabitje spektakolare, por ku gabuan ‘skifterët’ e Luvrit, ADN-ja nxori zbuluar autorët

    Muzeu i Luvrit

    PARIS-Një javë pas grabitjes në Luvrin e Parisit, dy të dyshuar janë në paraburgim. Por a do të çojë ndjekja e suksesshme e autorëve në zgjidhjen e krimit dhe në gjetjen e bizhuterive?
    Mediat vendase raportuan se njëri nga të dyshuarit u ndalua në aeroportin Paris-Charles-de-Gaulle, ndërsa i dyshuari i dytë u arrestua në rajonin e Parisit, konfirmoi prokurorja e Parisit Laure Beccuau për Agjencinë Gjermane të Shtypit. Dy bashkëpunëtorët e tjerë të dyshuar janë ende në arrati.
    Sipas raportimeve gjurmët e ADN-së të gjetura në vendin e krimit thuhet se kanë çuar drejtpërdrejt te të dyshuarit. Njëri prej tyre, i arrestuar në aeroport ndoshta kishte ndërmend të fluturonte për në Algjeri. Ata lanë pas sende të ndryshme në vendin e krimit, duke përfshirë helmeta, një makinë saldimi, një jelek të verdhë me dukshmëri të lartë dhe rrota prerëse, disa prej të cilave ishin të spërkatura me benzinë ​​- dhe rreth 150 gjurmë ADN-je.
    Ekspertët vlerësojnë shkallën e kthimit në rreth tetë përqind të të gjitha objekteve të vjedhura të artit. Një vështrim në rastet e mëparshme të vjedhjes së veprave të artit tregon se një pjesë e madhe e sendeve të grabitura është zhdukur përgjithmonë.
    Si ndodhi grabitja
    Katër persona të veshur me jelekë me dukshmëri të lartë për t’u ngjarë punëtorëve të ndërtimit, thyen një dritare dhe më pas përdorën prerës me disk për të hapur dy vitrina në galerinë e zbukuruar përpara se të zbrisnin me ashensorin dhe të iknin në pjesën e pasme të motoçikletave të drejtuara nga dy anëtarët e tjerë të bandës. 
    E gjithë grabitja zgjati më pak se shtatë minuta, me dy hajdutët që hynë në galeri që qëndruan brenda 3 minuta e 58 sekonda. Ata kanë vjedhur nëntë objekte nga koleksioni i bizhuterive të Napoleonit dhe Perandoreshës, përfshirë një gjerdan, një karficë dhe një kurorë. Burime brenda muzeut konfirmojnë se diamanti legjendar “Régent”, më i madhi i koleksionit me peshë mbi 140 karatë, nuk është prekur nga grabitja./ZËRI

  • Vjedhja e bujshme në Muzeun e Luvrit në Paris, policia franceze arreston dy persona

    Vjedhja e bujshme në Muzeun e Luvrit në Paris, policia franceze arreston dy persona

    Dy persona janë arrestuar gjatë një operacioni policor të zhvilluar të shtunën në mbrëmje, në kuadër të hetimeve për vjedhjen e bizhuterive që ndodhi një javë më parë në Muzeun e Luvrit në Paris.

    Sipas mediave franceze, përfshirë Le Parisien, të arrestuarit besohet të jenë pjesë e një bande prej katër personash që vodhi bizhuteritë nga Galeria Apollo duke përdorur një ashensor mallrash. Të dy burrat janë identifikuar si banorë të rajonit Seine-Saint-Denis, pranë Parisit.
    Hetimet vazhdojnë për kapjen e anëtarëve të tjerë të grupit dhe për rikuperimin e bizhuterive të vjedhura.

    Top Channel

  • Paris SG merr kritika pse largoi Donarumën, portieri i ri s’i ka përmbushur pritshmëritë

    Paris SG merr kritika pse largoi Donarumën, portieri i ri s’i ka përmbushur pritshmëritë

    Adriatik Balla
    Largimi i një portieri si Xhixhi Donaruma ka sjellë shqetësim tek kampionët e Francës. Janë vetë mediat që shkruajnë se situata me klubin s’është aq e mirë. Në fakt, shtypi francez ka qenë kritik ndaj Paris San Zhermen dhe trajnerit Luis Enrike për vendimin e tyre për t’u ndarë gjatë verës me portierin italian Gianluigji Donaruma, pasi zëvendësuesi i tij, Lucas Chevalier, po has vështirësi për të përmbushur pritshmëritë. Donaruma kaloi katër vite në Paris dhe ishte një pjesë thelbësore e skuadrës që fitoi titullin e parë në histori të Ligës së Kampionëve në fund të sezonit 2024-25. Ai hyri në vitin e fundit të kontratës me PSG-në gjatë verës dhe, meqë nuk kishte arritur një marrëveshje për rinovim, klubi vendosi ta linte të largohej drejt Mançester Sitit për një shumë të ulët prej 27 milionë eurosh, ndërsa në vend të tij solli Chevalier për një kosto totale prej 55 milionë eurosh. Që atëherë, Donaruma është përshtatur në mënyrë të përkryer me skuadrën e Pep Guardiolës në Manchester, pavarësisht faktit që Siti kishte marrë më herët gjatë merkatos së verës një portier tjetër, James Traford. Ndërkohë, tifozët e PSG-së janë më pak të kënaqur me zgjedhjen e tyre të parë në portë, edhe pse skuadra ndodhet në krye të renditjes së Ligës së Kampionëve pas tre ndeshjeve të para të sezonit. Edhe shtypi francez ka qenë kritik ndaj PSG-së dhe vendimit për të shitur Donarumën për t’i hapur vend Chevalierit, me “L’Équipe” dhe “Le Parisien” që e kanë dënuar ashpër vendimin e klubit gjatë verës. Një raportim madje pretendon se Donaruma është aktualisht portieri më i mirë në botë dhe se PSG nuk do ta kishte fituar Ligën e Kampionëve sezonin e kaluar pa të. Luis Enrike është kritikuar edhe individualisht, pasi mediat franceze pretendojnë se ai kishte “miratuar” nënshkrimin e Chevalier gjatë pjesës më të madhe të sezonit 2024-25 dhe se në fakt e kishte shtyrë Donaruman drejt largimit nga skuadra, duke bërë që italiani të mbetej jashtë listës së Superkupës përpara se të bashkohej me Mançester Sitin. Aktualisht, Chevalier po pëson më shumë se dyfishin e golave që pëson Donaruma në nivel klubi. Francezi ka pësuar 13 gola në 12 ndeshje zyrtare këtë sezon, ndërsa italiani ka pranuar vetëm 4 gola në 8 ndeshjet e para me klubin e tij të ri. Paris San Zhermen është kampione në fuqi e Ligës së Kampioneve dhe shihet si një nga skuadrat pretendente edhe për sezonin e ri. Në gjirin e saj ka edhe lojtarë të nivelit të lartë që bëjnë diferencë.

  • Grabitja spektakolare për 4 minuta në Muzeun e Luvrit, eskspertët: “Dorë” e klanit të rrezikshëm në Gjermani

    Muzeu i Luvrit

    PARIS- Ekspertët besojnë se vjedhja spektakolare e bizhuterive të Napoleonit nga muzeu i Luvrit në Paris është kryer nga klani më i rrezikshëm kriminal në Gjermani. Bëhet fjalë për klanin Remmo me origjinë arabe, i cili ka kryer një grabitje të ngjashme në Gjermani
    Grabitja spektakolare ishte përgatitur në mënyrë prefekte dhe zgjati vetëm katër minuta: Katër autorë të maskuar u ngjitën në një ballkon në katin e parë të Luvrit në Paris me një platformë pune lëvizëse. Ata hynë përmes një dritareje në Galerinë e Apolonit, vodhën nëntë bizhuteri të zbukuruara me gurë të çmuar – dhe u larguan me to!
    Nga mënyra e grabitjes së bizhuterive në Paris duket se ishin vërtet hajdutë profesionistë. Eksperti i sigurisë, Butz Peters, e sheh këtë si vepër të profesionistëve – dhe gjen paralelizma me grabitjen e bizhuterive në “Grünes Gewölbe” (Kthina e Gjelbër) në Dresden. “Diçka e paimagjinueshme ndodhi në Francë në kohë rekord – jo rastësi, por e planifikuar me aq saktësi sa dikur në Dresden. Grabitja në Luvër ishte punë precize e profesionistëve,” tha ai për BILD.
    Sipas hetimeve të para, autorët parkuan një platformë pune lëvizëse në anën e Senës pranë muzeut, për t’u ngjitur në një ballkon të vogël në katin e parë. Askush nuk e vuri re platformën, sepse aty ishte duke u bërë një ndërtim. Në qarqet e sigurisë, zonat e ndërtimit konsiderohen kritike, sepse sistemet e alarmit ose kamerat shpesh janë jashtë funksionit për një periudhë kohe.
    Një metodë shumë e ngjashme ishte përdorur nga klani Remmo edhe në Dresden. Disa ditë para vjedhjes, autorët prenë një grilë dritareje në një qoshe të fshehur dhe e vendosën përkohësisht me ngjitës. Natën e krimit, ata nxorën përkohësisht grilën dhe hapën dritaren e qoshes pas saj, duke hyrë brenda.
    Për Peters, kjo grabitje nuk është rastësi: “Autorët duhet ta kenë studiuar më parë objektin dhe do të kenë identifikuar dobësitë dhe kanë kontrolluar rrugët e arratisjes”. Një vjedhje e shpejtë dhe e suksesshme planifikohet gjithmonë me kujdes të madh. Në Dresden, autorët kishin nevojë për një vit e gjysmë për të përgatitur grabitjen e tyre. Edhe në Paris duhet të ketë qenë e njëjta gjë – saktësia e veprimit nuk mund të shpjegohet ndryshe. Peters thekson: “Rreziku më i madh nuk është gjatë grabitjes, por gjatë arratisjes”.
    Në Paris, pas vjedhjes, vitrinat u hapën shpejt me forcë, ndërsa në Dresden u thyen brutalisht dhe më pas u plaçkitën.
    Edhe arratisja ishte e planifikuar me kujdes strategjik në të dy rastet. Në Gjermani, autorët u larguan me një Audi A6 Avant të regjistruar në vitin 2017. Ata ikën nga Theaterplatz-i, që ishte pa drita pas një sulmi të mëhershëm me zjarr ndaj furnizimit me energji elektrike, dhe u futën në një garazh nëntokësor në lagjen Mickten. Atje dogjën Audin dhe u larguan me një Mercedes që e kishin vendosur më parë aty.
    Makina e dytë e arratisjes u sekuestrua më vonë në Berlin. Një muaj më pas, mbi Mercedes-in e konfiskuar u bë një sulm me zjarr, por nuk u dogj krejtësisht. Ekipi i sigurimit të provave gjeti copa xhami nga vitrinat e “Grünes Gewölbe” dhe ADN-në e tre autorëve.
    Në Paris, hajdutët e bizhuterive u larguan me skutera. “Kjo nuk është aspak një ide e keqe në një qytet të madh,” thotë eksperti. Shumë shpejt pas grabitjes, policia njoftoi se një skuter ishte gjetur. Ministria franceze e Kulturës deklaroi: “U parandalua një përpjekje për të djegur mjetin motorik që përdorën autorët”.
    Për autorët, Peters vetëm mund të spekulojë. Në Dresden, ata vinin nga familja Remmo e Berlinit, një klan i njohur dhe famëkeq.
    Butz Peters: “Kjo ishte një dukuri gjermane. Por edhe në Paris ka klane”. Sipas tij, është e mundsur që pas grabitjes së Luvrit të jenë struktura të ngjashme: “Kush bën një gjë të tillë, duhet të ketë besim absolut tek njëri-tjetri”.
    Mbetet pikëpyetja për plaçkitjen e grabitur: Bizhuteritë janë unike dhe është pothuajse e pamundur për t’u shitur.
    Peters: “Në “Grünes Gewölbe”, vlera e plaçkitjes ishte mbi 100 milionë euro, por nuk mund të shitej”. Një pjesë e saj u gjet më vonë e fshehur – e dëmtuar dhe e deformuar.
    “Edhe në Paris mund të ndodhë një gjë e tillë,” thotë Peters. Ka gjasa që plaçka të fshihet fillimisht ose të ndahet për t’u shitur më vonë pjesë-pjesë. Eksperti paralajmëron: “Orët dhe ditët e para janë vendimtare. Sa më gjatë të mbetet e fshehur plaçka, aq më e vogël është shpresa për ta gjetur të paprekur”.
    Kurora e thyer e perandoreshës Eugénie – u gjet menjëherë pranë muzeut. Autorët e humbën atë gjatë arratisjes./BILD

  • Grabitja spektakolare në Luvër mund të jetë realizuar nga klani famëkeq Remmo

    Grabitja spektakolare në Luvër mund të jetë realizuar nga klani famëkeq Remmo

    Ekspertët besojnë se vjedhja spektakolare e bizhuterive të Napoleonit nga muzeu i Luvrit në Paris është kryer nga klani më i rrezikshëm kriminal në Gjermani. Bëhet fjalë për klanin Remmo me origjinë arabe, i cili ka kryer një grabitje të ngjashme në Gjermani

    BILD

    Grabitja spektakolare ishte përgatitur në mënyrë prefekte dhe zgjati vetëm katër minuta: Katër autorë të maskuar u ngjitën në një ballkon në katin e parë të Luvrit në Paris me një platformë pune lëvizëse. Ata hynë përmes një dritareje në Galerinë e Apolonit, vodhën nëntë bizhuteri të zbukuruara me gurë të çmuar – dhe u larguan me to!

    Nga mënyra e grabitjes së bizhuterive në Paris duket se ishin vërtet hajdutë profesionistë. Eksperti i sigurisë, Butz Peters, e sheh këtë si vepër të profesionistëve – dhe gjen paralelizma me grabitjen e bizhuterive në “Grünes Gewölbe” (Kthina e Gjelbër) në Dresden. “Diçka e paimagjinueshme ndodhi në Francë në kohë rekord – jo rastësi, por e planifikuar me aq saktësi sa dikur në Dresden. Grabitja në Luvër ishte punë precize e profesionistëve,” tha ai për BILD.

    Sipas hetimeve të para, autorët parkuan një platformë pune lëvizëse në anën e Senës pranë muzeut, për t’u ngjitur në një ballkon të vogël në katin e parë. Askush nuk e vuri re platformën, sepse aty ishte duke u bërë një ndërtim. Në qarqet e sigurisë, zonat e ndërtimit konsiderohen kritike, sepse sistemet e alarmit ose kamerat shpesh janë jashtë funksionit për një periudhë kohe.

    Një metodë shumë e ngjashme ishte përdorur nga klani Remmo edhe në Dresden. Disa ditë para vjedhjes, autorët prenë një grilë dritareje në një qoshe të fshehur dhe e vendosën përkohësisht me ngjitës. Natën e krimit, ata nxorën përkohësisht grilën dhe hapën dritaren e qoshes pas saj, duke hyrë brenda.

    Për Peters, kjo grabitje nuk është rastësi: “Autorët duhet ta kenë studiuar më parë objektin dhe do të kenë identifikuar dobësitë dhe kanë kontrolluar rrugët e arratisjes”. Një vjedhje e shpejtë dhe e suksesshme planifikohet gjithmonë me kujdes të madh. Në Dresden, autorët kishin nevojë për një vit e gjysmë për të përgatitur grabitjen e tyre. Edhe në Paris duhet të ketë qenë e njëjta gjë – saktësia e veprimit nuk mund të shpjegohet ndryshe. Peters thekson: “Rreziku më i madh nuk është gjatë grabitjes, por gjatë arratisjes”.

    Në Paris, pas vjedhjes, vitrinat u hapën shpejt me forcë, ndërsa në Dresden u thyen brutalisht dhe më pas u plaçkitën.

    Edhe arratisja ishte e planifikuar me kujdes strategjik në të dy rastet. Në Gjermani, autorët u larguan me një Audi A6 Avant të regjistruar në vitin 2017. Ata ikën nga Theaterplatz-i, që ishte pa drita pas një sulmi të mëhershëm me zjarr ndaj furnizimit me energji elektrike, dhe u futën në një garazh nëntokësor në lagjen Mickten. Atje dogjën Audin dhe u larguan me një Mercedes që e kishin vendosur më parë aty.

    Makina e dytë e arratisjes u sekuestrua më vonë në Berlin. Një muaj më pas, mbi Mercedes-in e konfiskuar u bë një sulm me zjarr, por nuk u dogj krejtësisht. Ekipi i sigurimit të provave gjeti copa xhami nga vitrinat e “Grünes Gewölbe” dhe ADN-në e tre autorëve.

    Në Paris, hajdutët e bizhuterive u larguan me skutera. “Kjo nuk është aspak një ide e keqe në një qytet të madh,” thotë eksperti. Shumë shpejt pas grabitjes, policia njoftoi se një skuter ishte gjetur. Ministria franceze e Kulturës deklaroi: “U parandalua një përpjekje për të djegur mjetin motorik që përdorën autorët”.

    Për autorët, Peters vetëm mund të spekulojë. Në Dresden, ata vinin nga familja Remmo e Berlinit, një klan i njohur dhe famëkeq.

    Butz Peters: “Kjo ishte një dukuri gjermane. Por edhe në Paris ka klane”. Sipas tij, është e mundsur që pas grabitjes së Luvrit të jenë struktura të ngjashme: “Kush bën një gjë të tillë, duhet të ketë besim absolut tek njëri-tjetri”.

    Mbetet pikëpyetja për plaçkitjen e grabitur: Bizhuteritë janë unike dhe është pothuajse e pamundur për t’u shitur.

    Peters: “Në “Grünes Gewölbe”, vlera e plaçkitjes ishte mbi 100 milionë euro, por nuk mund të shitej”. Një pjesë e saj u gjet më vonë e fshehur – e dëmtuar dhe e deformuar.

    “Edhe në Paris mund të ndodhë një gjë e tillë,” thotë Peters. Ka gjasa që plaçka të fshihet fillimisht ose të ndahet për t’u shitur më vonë pjesë-pjesë. Eksperti paralajmëron: “Orët dhe ditët e para janë vendimtare. Sa më gjatë të mbetet e fshehur plaçka, aq më e vogël është shpresa për ta gjetur të paprekur”.

    Kurora e thyer e perandoreshës Eugénie – u gjet menjëherë pranë muzeut. Autorët e humbën atë gjatë arratisjes.

  • Grabitje në Muzeun e Luvrit në Paris, vidhen bizhuteri historike të Napoleonit

    Grabitje në Muzeun e Luvrit në Paris, vidhen bizhuteri historike të Napoleonit

    Një grabitje e guximshme ndodhi sot në mëngjes në Muzeun e Luvrit në Paris, ngjarje që u bë e ditur nga ministrja franceze e Kulturës, Rachida Dati, e cila ndodhej në muze në momentin e ngjarjes.
    “Sot në mëngjes, gjatë hapjes së muzeut të Luvrit, ndodhi një grabitje. Nuk ka persona të lënduar. Jam në vendngjarje me stafin dhe policinë. Hetimet janë në vijim,” shkroi ministrja në rrjetet sociale.
    Sipas informacioneve paraprake, tre autorë të maskuar hynë në ndërtesë nga ana e lumit Sena, ku aktualisht po zhvillohen punime. Ata përdorën një ashensor për të hyrë direkt në Galerinë e Apolonit, ku ndodhet koleksioni i çmuar i bizhuterive perandorake.

    Un cambriolage a eu lieu au Louvre ce matin.Importante présence policière sur place.La foule est tenue à distance.Le musée restera fermé aujourd’hui. @BFMTV pic.twitter.com/E3Oo048ZQO

    — Antoine Forestier (@a_forestier) October 19, 2025

    Dy prej tyre depërtuan brenda duke thyer xhamat mbrojtës, ndërsa njëri qëndroi jashtë. Grabitësit morën nëntë objekte të çmuara nga koleksioni i Napoleonit dhe Perandoreshës, përfshirë një varëse, një brosh dhe një diademë.
    Fatmirësisht, diamanti i famshëm “Le Régent”, një nga më të mëdhenjtë në botë me peshë mbi 140 karatë, nuk u pre. Dëmi i shkaktuar ende nuk është vlerësuar.
    Policia ndodhet në vendngjarje dhe po zhvillon hetime intensive, ndërsa muzeu është mbyllur për publikun. Nuk raportohet për persona të lënduar.
    /vizionplus.tv

  • Grabitet ‘Muzeu i Luvrit’! Hajdutët prenë hekurat e dritares dhe vodhën bizhuteritë e Napoleon Bonapartit

    Grabitet ‘Muzeu i Luvrit’! Hajdutët prenë hekurat e dritares dhe vodhën bizhuteritë e Napoleon Bonapartit

    Muzeu i Luvrit

    PARIS-Grabitet ‘Muzeu i Luvrit’ në Paris! Muezu më i vizituar në botë në Paris të Francës, është mbyllur pas vjedhjes. Muzeu, i cili strehon vepra arti me famë botërore, përfshirë Mona Lisën e Leonardo da Vinçit, tha se do të mbetet i mbyllur për “arsye të jashtëzakonshme”. Mediat franceze raportojnë se tre burra të maskuar hynë me forcë në muze dhe përdorën një ashensor mallrash për të hyrë në Galerinë Apollo. Hajdutët prenë hekurat e dritares dhe vodhën bizhuteritë e Napoleon Bonapartit.