Lajmidites.com

Tag: paraqitur

  • Qëllohet me armë drejt një automjeti në aksin Shkodër-Hani i Hotit, shoferi humb kontrollin dhe aksidentohet

    Qëllohet me armë drejt një automjeti në aksin Shkodër-Hani i Hotit, shoferi humb kontrollin dhe aksidentohet

    Të shtëna me armë zjarri raportohen në aksin Shkodër-Hani i Hotit.

    Policia bën me dije se rreth orës 19:30, në Urgjencën e Spitalit Rajonal Shkodër është paraqitur me dëmtime në kokë dhe trup, dyshohet të shkaktuara me sende të forta, Edison Tirana 42 vjeç, banues në Bericë.
    Ky i fundit është përfshirë në konflikt për motive të dobëta, dhe në hyrje të qytetit të Koplikut është goditur me sende të forta nga disa persona, të cilët gjatë konfliktit kanë qëlluar dhe me armë zjarri makinën e tij, por plumbat nuk e kanë prekur shoferin.
    Pasi është qëlluar me armë në drejtim të mjetit, 42-vjeçari ka humbur drejtimin e makinës dhe është përplasur me barrierat anësorë të rrugës, dhe ka përfunduar pranë një karburanti.
    Më pas ai është larguar nga vendi i ngjarje, duke u paraqitur në spitalin e Shkodrës.
    Grupi hetimor po punon për sqarimin e rrethanave dhe dokumentimin ligjor të rastit, si dhe identifikimin dhe vënien në pranga të autorëve.

    Top Channel

  • Pas sherrit e dhunuan dhe qëlluan me armë drejt makinës së tij, zbardhet ngjarja në Shkodër, kush është 42-vjeçari i plagosur

    Pas sherrit e dhunuan dhe qëlluan me armë drejt makinës së tij, zbardhet ngjarja në Shkodër, kush është 42-vjeçari i plagosur

    Një sherr i nisur për arsye banale, ka çuar në një përplasje fizike dhe të armatosur mbrëmjen e sotme në aksin Shkodër-Koplik.

    Policia bën me dije se rreth orës 19:30, në Urgjencën e Spitalit Rajonal Shkodër është paraqitur me dëmtime në kokë dhe trup, dyshohet të shkaktuara me sende të forta, Edison Tirana 42 vjeç, banues në Bericë.
    Ky i fundit është përfshirë në konflikt për motive të dobëta, dhe në hyrje të qytetit të Koplikut është goditur me sende të forta nga disa persona, të cilët gjatë konfliktit kanë qëlluar dhe me armë zjarri makinën e tij, por plumbat nuk e kanë prekur shoferin.
    Pasi është qëlluar me armë në drejtim të mjetit, 42-vjeçari ka humbur drejtimin e makinës dhe është përplasur me barrierat anësorë të rrugës, dhe ka përfunduar pranë një karburanti.
    Më pas ai është larguar nga vendi i ngjarje, duke u paraqitur në spitalin e Shkodrës.
    Grupi hetimor po punon për sqarimin e rrethanave dhe dokumentimin ligjor të rastit, si dhe identifikimin dhe vënien në pranga të autorëve.
     
     

    Top Channel

  • Zbardhet ngjarja në Shkodër, kush është 42-vjeçari i plagosur

    Zbardhet ngjarja në Shkodër, kush është 42-vjeçari i plagosur

    Kronikë E Shtunë, 15 Nëntor 2025 22:06
    Një sherr i nisur për arsye banale ka përfunduar në një përplasje fizike dhe të armatosur mbrëmjen e sotme në aksin Shkodër–Koplik.
    Policia bën me dije se rreth orës 19:30 në Urgjencën e Spitalit Rajonal Shkodër është paraqitur me dëmtime në kokë dhe trup, dyshohet të shkaktuara me sende të forta, Edison Tirana, 42 vjeç, banues në Bericë.

    Sipas policisë, 42-vjeçari është përfshirë në konflikt për motive të dobëta. Në hyrje të qytetit të Koplikut, ai është goditur me sende të forta nga disa persona, të cilët gjatë sherrit kanë qëlluar edhe me armë zjarri drejt makinës së tij. Plumbat nuk e kanë prekur shoferin, por ai ka humbur kontrollin e automjetit dhe është përplasur me barrierat anësore të rrugës, duke përfunduar pranë një karburanti.

    Pas aksidentit, viktima është larguar nga vendi i ngjarjes dhe më pas është paraqitur në spitalin e Shkodrës për trajtim.

    Grupi hetimor po punon për sqarimin e rrethanave, dokumentimin ligjor të rastit, si dhe identifikimin dhe arrestimin e autorëve.

  • Gjokutaj: Prokurori Alfred Shehu po gënjen, Sali Berisha ishte në SPAK pikërisht në datën e fletëthirrjes

    Gjokutaj: Prokurori Alfred Shehu po gënjen, Sali Berisha ishte në SPAK pikërisht në datën e fletëthirrjes

    Gjokutaj: Prokurori Alfred Shehu po gënjen, Sali Berisha ishte në SPAK pikërisht në datën e fletëthirrjes
    Avokati i kryetarit të Partisë Demokratike të Shqipërisë, Sali Berisha, Genc Gjokutaj, ka reaguar ashpër, duke akuzuar SPAK për gënjeshtra, me pretendimin se i kishte dërguar dy fletëthirrje kryedemokratit për t’u paraqitur.
    Me një postim në Facebook, Gjokutaj hedh poshtë versionin zyrtar të SPAK, duke theksuar se Presidenti i PD-së, Sali Berisha, ka qenë fizikisht në ambientet e institucionit pikërisht në datën 3 nëntor 2025, ditën kur SPAK pretendon se e ka thirrur për t’u pyetur.
    Një sqarim për opinionin e interesuar! Tragji-komedia e SPAK për gjoja njoftimin e z. Sali Berisha për t’u pyetur së pari në datën 03.11.2025 dhe pastaj sot më datën 14.11.2025, si çdo gënjeshtër, i ka këmbët e shkurtëra!Zoti Prokuror SPAK-ist Alfred Shehu!
    Ju e dini mjaft mirë që Sali Berisha paraqitet në SPAK të hënën e parë dhe të tretë të çdo muaji në funksion të ekzekutimit të vendimit gjyqësor për masën ‘detyrim për paraqitje’!’
    Gjokutaj thekson se Berisha ka qenë prezent në SPAK më 3 nëntor, në orën 10:00, pikërisht në të njëjtën ditë dhe orë ku pretendohet se i është dërguar fletëthirrja për pyetje.
    ‘Për ironi të fatit, Sali Berisha është paraqitur ditën e hënë, datë 03.11.2025, ora 10.00, tek OPGj i SPAK, pikërisht në datën dhe orën që ju pretendoni se e keni thirrur për ta pyetur!
    Pyetje: Përse nuk e ftuat për t’u pyetur atë ditë, pasi ai ishte në ambientet e SPAK?’
    Gjokutaj ngre edhe një pikëpyetje të dytë mbi datën tjetër të përmendur nga SPAK.
    ‘Po për datën 14.11.2025, përse nuk ja komunikuat, meqë nuk ju dha ta realizonit pyetjen në datën 3? Që jeni të kapur politikisht, e dinim. Por që Prokurori i Shtetit të gënjejë për pushtetin, është kriminale, amorale dhe e padenjë institucionalisht!’
    Avokati, në përfundim të reagimit, thekson se Berisha ndodhet në Tiranë, i gatshëm për t’u paraqitur sa herë kërkohet nga organet e drejtësisë.
    ‘Ndërkohë z. Sali Berisha ndodhet në Tiranë, i gatshëm për t’u paraqitur sipas ligjit dhe në adresat ku keni trokitur sa herë ju ka qenë nevoja.’, shkruan avokati Genc Gjokutaj në reagimin e tij në Facebook

  • Berisha: Jam paraqitur në prokurori sa herë më kanë kërkuar, sepse unë jam njeri i ligjit

    Berisha: Jam paraqitur në prokurori sa herë më kanë kërkuar, sepse unë jam njeri i ligjit

    Lideri dhe kryetari i demokratëve, Sali Berisha në deklaratën për mediat nga institucioni i SPAK, u shpreh se është paraqitur në Prokurori sa herë që e kanë thirrur, duke i qëndruar korrekt ligjit, si njeri që e respekton atë.

    Sipas Berishës, dosja ‘Partizani’ e iniciuar ndaj tij, është një dosje hapur mashtruese, duke shtuar se gjithçka ka qenë konform ligjit.

    Kryedemokrati theksoi gjithashtu se hetimet e nisura ndaj tim mbi dosjen Partizani, nuk e kanë dëmtuar aspak, madje përmes vetingut që i bënë, e ndihmuan më shumë atë.

    ‘Nxorën se akt korrupsioni pasiv për Sali Berishën, se vajza e tij i ka paguar një javë pushime, mua dhe nënës së vet. Apo se i ka paguar një shërbim shëndetësor. Ose ka paguar 3 familje në nevojë, fëmijët autikë, për ti trajtuar në qendrën ku bashkëshortja ime punon pa asnjë qindarkë prej 20 vitesh’, u shpreh Berisha.

    Në çdo fletë thirrje që mua të më bëhet për çdo gjë, dhe unë e kam faktuar këtë, se jam paraqitur në prokurori shumë herë, sa më kanë kërkuar, unë e kam ligj të paraqitem, nuk mund të kem, sepse kam konceptet e mia për shtetin dhe shoqërinë parashtetërore dhe pashtetërore. Nuk mund të më bëhet kjo pyetje.

    Unë jam shumë i hapur për çdo lloj, siç isha. Unë ua faktova ju. Këta ndërtuar një piramidë mashtrimi për dosjen ‘Partizani’. Ju e keni parë.

    Një dosje në të cilën thuhej se toka ishte publike, në kohën kur fletoret zyrtare faktonin se toka ishte private.

    Këta thonin se toka ishte e shpronësuar, fletoret zyrtare të kohës faktonin se toka nuk ishte e shpronësuar. Ishte e konfiskuar nga regjimi komunist. Apo se vendimi im për përdorimin e letrave me vlerë ishte bërë për të ndihmuar dhëndërrin tim. Në një kohë që Sali Berisha në jetën e tij, nuk kishte firmosur kurrë një vendim me emër. Nga ai vendim kishin përfituar dhjetëra mijëra shqiptarë, dhëndërri im kishte përfituar gjithsej 64 euro.

    Por a më dëmtoi kjo mua? Jo nuk më dëmtoi, sepse unë arrita të jem ky që jam. Bile më ndihmuan në vettingun, më ndihmuan shumë.

    Se çfarë nxorrën me vettingun. Nxorrën se akt korrupsioni pasiv për Sali Berishën, se vajza e tij i ka paguar një javë pushime, mua dhe nënës së vet. Apo se i ka paguar një shërbim shëndetësor. Ose ka paguar 3 familje në nevojë, fëmijët autikë, për ti trajtuar në qendrën ku bashkëshortja ime punon pa asnjë qindarkë prej 20 vitesh.

    Pra në këtë aspekt këta, mercenarë mua më ndihmuan. Se dua të jem realist, unë nuk kam të drejtë të ankohem. Ju garantoj se në çdo çështje do të dalë kështu siç ju them unë. Unë u rrethova ty, qëndrova para flamurit, mora të gjitha rrisqet e jetës time, nuk e lëshova zyrën, nuk ja mbatha. Nderova detyrën dhe flamurin.

  • Masa “detyrim paraqitje”, Sali Berisha paraqitet në SPAK

    Masa “detyrim paraqitje”, Sali Berisha paraqitet në SPAK

    Kreu i PD, Sali Berisha është paraqitur këtë të hënë në SPAK.

    Kreu i Partisë Demokratike, Sali Berisha është paraqitur në SPAK në kuadër të masës së sigurimit “detyrim paraqitje” të vendosur ndaj tij.
    Berisha u prit nga një grup mbështetësish para ambienteve të SPAK, si edhe disa prej deputetëve të PD.
    Ish-kryeministri Berisha përballet me akuzën për korrupsion, ndërsa dhëndri i tij, Jamarbër Malltezi dhe biznesmeni Fatmir Bektashi akuzohen për përfshirje në korrupsion dhe veprime të paligjshme për pastrimin e parave.

  • Balluku trembet nga thirrja e SPAK, dërgon të motrën avokate të njihet me akuzat

    Balluku trembet nga thirrja e SPAK, dërgon të motrën avokate të njihet me akuzat

    Në ambientet e Prokurorisë së Posaçme (SPAK) ka mbërritur Pamela Qirko, e cila është njëherësh motra dhe avokatja e zëvendëskryeministres Belinda Balluku.
    Ajo është paraqitur sot për t’u njohur me akuzat që rëndojnë mbi të motrën.
    Belinda Balluku ishte thirrur nga SPAK për t’u paraqitur në cilësinë e personit nën hetim.

  • “Prokuroria mund të kërkojë shoqërim me forcë…”/ Thirrja për herë të dytë e Ballukut në SPAK, gazetarja sjell detaje

    “Prokuroria mund të kërkojë shoqërim me forcë…”/ Thirrja për herë të dytë e Ballukut në SPAK, gazetarja sjell detaje

    Teksa zv/kryeministrja dhe ministrja e Infrastrukturës dhe Energjetikës Belinda Balluku është ftuar sërish nga SPAK për t’u paraqitur pas mungesës të hënën në prokurorinë e posaçme, gazetarja, Klodiana Lala ka përcjellë informacione të reja në lidhje me këtë zhvillim.
    Mësohet se ajo është ftuar të paraqitet sot në orën 15:00, ku hetuesit dhe prokurori i posaçëm Dritan Prençi i kanë bërë me dije Ballukut përmes fletë thirrjes të jetë e shoqëruar me një avokat, që do të thotë se pritet që asaj t’i komunikohet akuza zyrtare.
    Nëse ajo refuzon në mënyrë të përsëritur të paraqitet në SPAK, kjo e fundit mund të kërkojë autorizim në Kuvend për shoqërimin e saj me forcë për t’u njohur me akuzën penale.
    Balluku është justifikuar se nuk mund të paraqitej më herët për shkak të axhendës zyrtare. Deri më tani ajo nuk ka paraqitur një argumentim të tillë për të mos u paraqitur në ambientet e prokurorisë.

  • Zbulime të reja për “21 Janarin”, Lala: Në SPAK kanë mbërritur materiale nga SHBA

    Zbulime të reja për “21 Janarin”, Lala: Në SPAK kanë mbërritur materiale nga SHBA

    Zbardhen detaje të reja mbi thirrjen në SPAK, të Lulzim Bashës., Klodiana Lala ka raportuar se Basha është paraqitur si person në dijeni për dosjen e “21 Janarit” që po hetohet nga SPAK.
    Sipas Lalës, Basha është paraqitur mbi bazën e një fletëthirrje të firmosur nga prokurori Alfred Shehu i cili po heton ngjarjet e dhunshme të 21 janarit ku u zhvillua demonstrata e udhëhequr nga opozita e asaj kohe drejtuar nga Edi Rama dhe ku humbën jetën 4 persona në Bulevard.
    “Në kohën që ka ndodhur ngjarja, Basha mbante detyrën e ministrit të brendshëm, në atë kohë ndodhej në ambientet e kryeministrisë ku garda e Republikës hapën zjarr mbi demonstruesit duke vrarë 4 prej tyre
    Për shkak të rifillimit të hetimeve, mbi bazën e të dhënave të ardhura nga SHBA që kanë të bëjnë me disa materiale audio të depozituara më pas nga gazetari Artan Hoxha dhe xhaxhai i viktimës Aleks Nika, SPAK ka regjistruar procedimin penal dhe është duke hetuar mbi rolin e zyrtarëve të lartë në demonstratën e dhunshme të asaj kohe.
    Basha është pyetur dhe më herët nga prokuroria e Tiranës.
    Në 2020 Prokuroria rihapi hetimet dhe kërkoi aktekspertizë për predhën e nxjerrë në Turqi nga trupi i Aleks Nikës dhe më pas mbi bazën e të dhënave të reja, Prokuroria e rihapi këtë cështje, ku ka vetëm 2 të dënuar, Ndrea Prendi dhe Agim Llupo që i kanë mbyllur hesapet me drejtësinë shqiptare.

  • Zbulohet arsyeja e paraqitjes së Bashës në SPAK/ Pyetet si person në dijeni për 21 janarin

    Zbulohet arsyeja e paraqitjes së Bashës në SPAK/ Pyetet si person në dijeni për 21 janarin

    Ish-kreu i Partisë Demokratike, Lulzim Basha, është paraqitur pasditen e sotme në ambientet e Prokurorisë së Posaçme Kundër Korrupsionit dhe Krimit të Organizuar (SPAK).
    Basha është paraqitur në godinën e Prokurorisë së Posaçme rreth orës 16:00.
    Bëhet me dije se Basha është thirrur nga prokurori Alfred Shehu, si deklarues për hetimet e 21 Janarit, kur ai ishte ministër i Brendshëm.
    Çfarë ndodhi më 21 janar?
    Më 21 janar 2011, në një protestë të organizuar nga Partia Socialiste, asokohe në opozitë, u vranë nga Garda e Republikës 4 protestuesit Ziver Veizi, Faik Myrtaj dhe Hekuran Deda dhe Aleks Nika.
    Kryeministri i kohës, Sali Berisha deklaroi se opozita kishte përgatitur një “grusht shteti” për të rrëzuar qeverinë, ndërsa opozita akuzoi qeverinë se vrau 4 qytetarë të pafajshëm.
    Në hetimin që u bë për vrasjen e protestuesve, të pandehur u morën Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia.
    Të dy të pandehurit u dënuan, ish-komandanti i Gardës, Ndrea Prendi me 1 vit ndërsa gardisti Agim Llupo me 3 vite burg.
    Por një publikim i ri ka dalë në dritë 12 vite pas ngjarjes.
    Gazetari Artan Hoxha publikoi audiopërgjimet e shërbimeve të huaja ku zbardhet urdhëri i marrë për të hapur zjarr ndaj protestuesve.