Lajmidites.com

Tag: panorama

  • Trump paralajmëron padi ndaj BBC-së, nisur qe nga viti 2021

    Trump paralajmëron padi ndaj BBC-së, nisur qe nga viti 2021

    Bota E Shtunë, 15 Nëntor 2025 21:18
    Presidenti amerikan, Donald Trump, njoftoi se do ta padisë BBC-në javën e ardhshme, pas një versioni të redaktuar të fjalimit të tij të vitit 2021, të transmetuar nga programi “Panorama”. BBC kërkoi falje për gabimin, por refuzoi të ofronte kompensim financiar.
    Duke folur me gazetarët në bord të Air Force One, Trump deklaroi: “Ne do t’i padisim ata mes një dhe pesë miliardë dollarë, ndoshta javën e ardhshme.”

    Avokatët e tij kishin dhënë një afat BBC-së deri të premten në orën 22:00 GMT për t’u përgjigjur, ndërsa kërcënuan me padi njëmiliardëshe nëse nuk publikohej një tërheqje dhe kërkim falje.

    Trump akuzoi BBC-në për mashtrim ndaj publikut, duke bërë të dukej sikur ai po nxitonte në mënyrë të qartë njerëzit të sulmonin Capitol-in, më 6 janar 2021. Ai tha gjithashtu në një intervistë për “GB News”: “Nuk po kërkoj të bëj padi, por mendoj se kam detyrimin ta bëj. Nëse nuk e bëj, nuk e ndalon që të ndodhë përsëri me njerëz të tjerë.”

    Skandali i “Panorama” çoi në dorëheqjen e dy drejtuesve të lartë të BBC-së, përfshirë drejtorin e përgjithshëm Tim Davie dhe shefen e lajmeve Deborah Turness.

  • “Partitë e mëdha nuk kanë më të njëjtën peshë”/ Reagon pedagogu: Shqiptarët të zhgënjyer nga politika

    “Partitë e mëdha nuk kanë më të njëjtën peshë”/ Reagon pedagogu: Shqiptarët të zhgënjyer nga politika

    Pedagogu Ervin Goci, i ftuar në një emision televiziv tha se panorama politike shqiptare ka hyrë në një fazë disiluzionimi, ku qytetarët nuk presin më asgjë nga klasa drejtuese.
    “Mendoj se pothuajse 30 vjet ne kemi qenë në një marrëdhënie socio-politike të atillë që dy partitë e mëdhaja kanë qenë të pranuara dhe të gjithë kanë pasur sy e veshë për të parë se çfarë bëjnë këta, pra mënyrë elitare, vertikale dhe ne në një farë kuptimi si një popull që ua japim votën dhe besimin po edhe iu kemi dhënë një farë mitologjie pra që këta janë ato që na përfaqësojnë.
    Panorama mendoj se ka ndryshuar. Unë mendoj se është një lloj disiluzionimi që ka ardhur nga një zhgënjim shumë i madh.
    Njerëzit nuk kanë asnjë lloj pritshmërie nga kjo klasë politike,” u shpreh Goci.

  • Karnavali i Notting Hill 2025, festivali më i madh në Europë

    Karnavali i Notting Hill 2025, festivali më i madh në Europë

    Ngjyrat, tingujt e daulleve dhe aroma e ushqimit të shijshëm do të pushtojnë sërish rrugët e Londrës këtë gusht. Karnavali i Notting Hill rikthehet për të festuar kulturën dhe komunitetin e Karaibeve.Çdo fundjavë të “August Bank Holiday”, mbi dy milionë njerëz mblidhen në perëndim të Londrës për paradën e madhe me kostume, muzikë dhe gatime tradicionale.Nga rrënjët te festa moderneKarnavali lindi në vitin 1966 nga komunitetet e Karaibeve në Londër, duke u frymëzuar nga një event i vitit 1959 i organizuar nga aktivistja Claudia Jones për të zbutur tensionet etnike pas vrasjes së Kelso Cochrane, një marangoz nga Antigua, i cilii u vra në Notting Hill më 1959. Që atëherë, është kthyer në festivalin më të madh rrugor në Europë dhe “Mardi Gras”-in britanik.Programi i këtij vitiFestimet nisin të shtunën, më 23 gusht, me garën Panorama Steelpan në Emslie Horniman’s Pleasance Park, ku këtë vit debuton edhe Junior Panorama.Të dielën zhvillohet J’Ouvert në mëngjes, ceremonia e hapjes, paradat dhe aktivitetet për familjet, me një heshtje 72-sekondëshe në orën 15:00 në kujtim të viktimave të Grenfell.Të hënën, më 25 gusht, është finalja e madhe, parada nis në 10:30 dhe muzika vazhdon deri në orën 19:00.Festivali shtrihet në lagjet Notting Hill, Ladbroke Grove, Westbourne Grove, Westbourne Park dhe Kensal Road. E diela është më e qetë dhe familjare, ndërsa e hëna ofron atmosferën më të zjarrtë me turma të dendura. Në mbrëmje, dhjetëra “after party” zhvillohen në të gjithë qytetin.Në 2025 për herë të parë zhvillohet Junior Panorama, ndërsa marka Hennessy do të prezantojë një platformë të re në paradë. Junior Panorama është një garë muzikore për të rinj, ku grupet e reja të interpretuesve të steelpan (daulleve prej çeliku) konkurrojnë duke luajtur muzikë nga Karaibet.Qëllimi është të promovojë talentin e brezit të ri dhe të ruajë traditën muzikore të Karaibeve. Kjo është hera e parë që Junior Panorama përfshihet në programin zyrtar të karnavalit./ LP, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Hysenbelliu: E paprecedentë mbyllja e sinjalit

    Hysenbelliu: E paprecedentë mbyllja e sinjalit

    Drejtuesi i grupit mediatik “Focus Group”, ku bëjnë pjesë News24, Panorama TV, Gazeta Panorama, Panorama Sport dhe Gazeta Shqiptare Online, ka reaguar pas ndërprerjes së sinjalit të televizionit dhe sekuestrimit të godinës nga shteti për t’i kaluar kompanisë shtetërore të prodhimit të armëve, “KAYO”.
    Në deklaratën publike, Irfan Hysenbelliu e ka cilësuar veprimin si të paprecedentë dhe një shkelje flagrante të lirisë së shtypit.
    “Pa asnjë paralajmërim, pa urdhër gjykate dhe pa asnjë bazë ligjore të justifikuar, forca të shumta të policisë dhe ushtrisë kanë bllokuar hyrjen në ambientet e televizionit, kanë ndërprerë me forcë sinjalin e transmetimit dhe kanë ndërhyrë në mënyrë të papranueshme në punën e gazetarëve tanë dhe stafit teknik. Ky nuk është një incident i zakonshëm. Ky është një akt brutal dhe përbën një shkelje flagrante të lirisë së shtypit dhe të të drejtës themelore të qytetarëve për t’u informuar.”
    Drejtuesi i grupit mediatik “Focus Group” garanton gazetarët se media nuk do të mbyllet.
    “Ju drejtohem të gjithë punonjësve të News24 dhe grupit mediatik “Panorama”: Mos u dorëzoni! Qëndroni të fortë, të qetë dhe krenarë për misionin tuaj. Ne kemi raportuar me ndershmëri, profesionalizëm dhe integritet dhe nuk do të lejojmë që dhuna apo presioni ta shuajë zërin tonë. News24 nuk mbyllet. E vërteta nuk zhduket.”
    Ndër të tjera, ka bërë thirrje për ndalimin e menjëhershëm të veprimeve që i ka quajtur “represive” dhe rikthimin e sinjalit televiziv, si dhe lejimin e gazetarëve të kthehen në punë. Më herët, ministria e Ekonomisë ka sqaruar se pretendimet e Panorama Group, që pretendon se ka kontratë qeraje deri në 2033, ka një borxh prej 2 milionë eurosh të akumuluar që nga viti 2017 për mospagimin e qirasë së objektit. Klan News
     

  • LETRA / Hysenbelliu: Na kanë marrë disa dosje ‘të forta’, po hetonim korrupsionin dhe abuzimet e Qeverisë

    LETRA / Hysenbelliu: Na kanë marrë disa dosje ‘të forta’, po hetonim korrupsionin dhe abuzimet e Qeverisë

    Botuesi i “Focus Group”, Irfan Hysenbelliu ka reaguar pas aksionit ndaj mediave, News24, BalkanWeb, Gazetës Panorama, Panorama Sport dhe Gazetës Shqiptare, të cilin e ka quajtur si akt të paprecedentë dhe të paligjshëm të ndërmarrë ndaj këtij grupi mediatik.
    Ai shprehet se pa asnjë paralajmërim apo urdhër gjykate, forcat e policisë dhe ushtrisë kanë bllokuar hyrjen e televizionit dhe ndërprerën sinjalin e transmetimit të News24.
    “U drejtohem të gjithë punonjësve të News24: Mos u dorëzoni! Qëndroni të fortë, të qetë dhe krenarë për misionin tuaj. Ne kemi raportuar me ndershmëri, profesionalizëm dhe integritet – dhe nuk do të lejojmë që dhuna apo presioni ta shuajë zërin tonë. News24 nuk mbyllet. E vërteta nuk zhduket”, shprehet në mesazhin e tij, Irfan Hysenbelliu.
    DEKLARATË PËR SHTYP E BOTUESIT TE “FOCUS GROUP”, IRFAN HYSENBELLIU
    Tiranë, 12 Gusht 2025
    Si botues i “Focus Group” i News24 dhe Panorama TV, Gazeta Panorama dhe Panorama Sport, Panorama Online, Gazeta Shqiptare Online dënoj me forcë të gjitha veprimet e rënda, të paprecedenta dhe tërësisht të paligjshme që janë ndërmarrë ndaj Grupit tonë mediatik.
    Sot, pa asnjë paralajmërim, pa urdhër gjykate dhe pa asnjë bazë ligjore të justifikuar, forca të shumta të policisë dhe ushtrisë kanë bllokuar hyrjen në ambientet e televizionit, kanë ndërprerë me forcë sinjalin e transmetimit dhe kanë ndërhyrë në mënyrë të papranueshme në punën e gazetarëve tanë dhe stafit teknik.
    Ky nuk është një incident i zakonshëm. Ky është një akt brutal dhe përbën një shkelje flagrante të lirisë së shtypit dhe të të drejtës themelore të qytetarëve për t’u informuar. Në mënyrë të fshehtë, civilë me automjete të paidentifikuara janë futur në ambientet tona dhe kanë marrë dokumente konfidenciale, materiale të ndjeshme dhe dosje që lidhen me hetime serioze mbi korrupsionin dhe abuzimet me pushtetin.
    Këto materiale janë rezultat i një pune të ndershme, të rrezikshme dhe të palodhur nga gazetarët tanë – dhe tani, përveç dëmit moral, po rrezikohet realisht edhe jeta e tyre.
    Ky është një paralajmërim i qartë dhe i rrezikshëm për çdo media që guxon të hetojë dhe të flasë dhe të publikojë të vërtetën.
    Ju drejtohem të gjithë punonjësve të News24 dhe grupit mediatik “Panorama”: Mos u dorëzoni! Qëndroni të fortë, të qetë dhe krenarë për misionin tuaj. Ne kemi raportuar me ndershmëri, profesionalizëm dhe integritet – dhe nuk do të lejojmë që dhuna apo presioni ta shuajë zërin tonë.
    News24 nuk mbyllet. E vërteta nuk zhduket.
    Ju bëj thirrje institucioneve të shtetit: Të ndalojnë menjëherë çdo veprim represiv, të rikthejnë sinjalin e televizionit, të lejojnë gazetarët të kthehen në vendin e tyre të punës dhe të respektojnë ligjin dhe parimet e shtetit të së drejtës.
    I falënderoj përzemërsisht gazetarët tanë, organizatat kombëtare dhe ndërkombëtare të medias, partnerët tanë dhe qytetarët që po tregojnë solidaritet në këtë moment kritik.
    News24 do vazhdoje te jete dritarja e së vërtetës, misioni ynë do vazhdojë!
    Ne nuk do të heshtim. Ne nuk do të tërhiqemi.

  • ‘Pengmarrje e pastër që sot i bëhet kësaj medie’/ Osman Stafa publikon dokumentet për kontratën e godinës së Panorama TV deri në 2033

    ‘Pengmarrje e pastër që sot i bëhet kësaj medie’/ Osman Stafa publikon dokumentet për kontratën e godinës së Panorama TV deri në 2033

    Gazetari Osman Stafa ka reaguar me tone të forta pas ngjarjeve të sotme, kur një numër i madh policësh rrethuan godinën ku ndodhen televizioni News24 dhe Panorama TV, duke ndërprerë sinjalin dhe energjinë elektrike të medias.

    Në një postim publik, Stafa ka publikuar një dokument që tregon qartë hartën e vendndodhjes së godinës së televizionit, si dhe një kontratë qiraje të vlefshme deri në vitin 2033. Ai thekson se në kushte normale, gazetarët duhet të kishin akses të lirë në ambientet e punës së tyre, por sot kjo e drejtë është mohuar.

    “Kjo është pengmarrje e pastër që sot i bëhet kësaj mediaje. Gazetarët duhet të hynin e dilnin pa asnjë problem në këtë godinë. Por godina e Panorama TV jo vetëm është uzurpuar, por i është hequr sinjali dhe energjia elektrike. Kjo është skandaloze. Godina e një televizioni po mbahet peng, pa ligj. Kjo është diktaturë,” ka shkruar Stafa.

    Veprimi i sotëm, është cilësuar si i pa precedent nga disa gazetarë dhe politikanë, ngre pikëpyetje serioze mbi respektimin e standardeve të shtetit ligjor dhe të drejtës për informim publik.

    Postimi i plotë:

    SHIKONI ÇFARË PO NDODH!!! 
    Dokumenti i mëposhtëm tregon hartën (e rrethuar me të kuqe) se ku ndodhet godina e Panorama TV. 
    Kjo godinë, (shih dokumentin tjetër), ka një kontratë qiraje deri në vitin 2033. 
    Kjo është pengmarrje e pastër që sot i bëhet kësaj mediaje. Pra, në këto kushte, gazetarët duhet të hynin e dilnin pa asnjë problem në këtë godinë. 
    Por godina e Panorama TV, jo vetëm është uzurpuar, por i është hequr sinjali, dhe i është hequr energjia elektrike. 
    Kjo është skandaloze. 
    Godina e një televizioni po mbahet peng, pa ligj. 
    Kjo është diktaturë.

  • Nuri: Reagim mbi marrjen me dhunë të ambienteve të Fokus Media Group: Rast tipik i Vetëgjyqësisë

    Nuri: Reagim mbi marrjen me dhunë të ambienteve të Fokus Media Group: Rast tipik i Vetëgjyqësisë

    Nga Franc Nuri

    Si Drejtues i Departamentit të Drejtësisë në Partinë Demokratike, por mbi të gjitha si qytetar i angazhuar, e konsideroj detyrim moral dhe profesional të reagoj ndaj dhunës së ushtruar sot, më 9 gusht 2025, mbi disa media shqiptare pjesë e Fokus Media Group: TV News 24, Balkanweb, Gazeta Panorama, TV Panorama, Gazeta Panorama Sport dhe Radio RASH.

    Akti i ndërhyrjes së dhunshme me forca policie për rrethimin e kësaj Media, pa Përmbarim dhe në tejkalim flagrant të vendimit të gjykatës dhe kontratës në fuqi, nuk ka të bëjë aspak me një zbatim normal të vendimeve gjyqësore (siç pretendohet nga Qeveria), por përbën një rast të pastër vetëgjyqësie! Po po, ky akt është vetëgjyqësi, e ndaluar dhe të dënueshme nga neni 277 i Kodit Penal të Republikës së Shqipërisë. Ky nen parashikon qartë:

    “Ushtrimi i një të drejte prej personit që i përket ose që kujton se i përket, dhe që nuk njihet nga tjetri, pa iu drejtuar organit kompetent shtetëror, përbën kundërvajtje penale dhe dënohet me gjobë ose me burgim gjer në tre muaj.”

    Në këtë rast, edhe sikur të ekzistojnë vendime gjyqësore për lirimin e ambienteve, procedura ligjore për ekzekutimin e tyre është e përcaktuar qartë në Kodin e Procedurës Civile, i cili kërkon ndërhyrjen e Shërbimit Përmbarimor, njoftim paraprak të palëve, afate ligjore dhe respektimin e të drejtave procedurale të secilit. Ekzekutimi i vendimit “me dhunë policore” në mënyrë të menjëhershme, ditën e shtunë ora 06.00 e mëngjesit, si në kohën e dëbim-internimeve me Sigurim-Shteti, është veprim i pastër arbitrar dhe politikisht i motivuar për t’i mbyllur gojën çdokujt që flet i lirë në këtë vend.

    Në asnjë vend normal demokratik, vendimet civile për qira, pronësi ose mosmarrëveshje tregtare nuk ekzekutohen me ndërhyrje të forcave policore, si në operacione kriminaliteti të rrezikshëm, por me shërbim përmbarimor. Ky është standardi bazë i shtetit të së drejtës, i cili po shkelet hapur, ashtu sikundër po shkelet prona private e televizionit, sinjali i transmetimit, i cili është pasuri publike, si dhe po shkelen të drejtat e gazetarëve dhe operatorëve të cilët po pengohen të tërheqin sendet dhe mjetet e tyre personale!

    Ky rast nuk mund të shihet i izoluar. Vetëm pak muaj më parë, Qeveria e Edi Ramës mbylli me ligj platformën TikTok, duke e rreshtuar Shqipërinë në listën e pak vendeve të Botës së tretë që përdorin censurën digjitale në mënyrë sistematike, krahas vendeve si Afganistani i talebanëve. Sot, pas kësaj goditjeje ndaj lirisë së fjalës së lirë, po shohim edhe goditjen e hapësirave të pakta mediatike ku ende dëgjohej zëri opozitar.

    Ky është një sulm frontal ndaj fjalës së lirë, një përpjekje e hapur e Qeverisë për të mbytur çdo zë kritik, një akt politik i paramenduar për të mbjellë frikë dhe autocensurë tek gazetarët, opinionistët dhe qytetarët. Është një mesazh kërcënues, pas 12 viteve pushtet absolut të një njeriu të vetëm, që kush guxon të flasë kundër, do të përballet me forcën brutale të shtetit.

    Shqipëria e vitit 2025, fiks 35 vite pas rënies së diktaturës socialiste, po përballet sot me rikthimin e metodave staliniste të kontrollit mbi median dhe mendimin kritik. Ky është një alarm kombëtar për demokracinë tonë dhe një thirrje për rezistencë të hapur qytetare e politike kundër shuarjes së pluralizmit dhe lirisë së informacionit.

    Ndaj nisur nga kjo ngjarje e rëndë, kërkoj hetim të menjëhershëm për veprën penale të vetëgjyqësisë dhe për çdo tejkalim kompetencash nga strukturat shtetërore të përfshira. 

    Çdo heshtje përballë këtij akti është bashkëfajësi.

  • Rrethimi i News 24 nga Policia/ Panorama Group: E paligjshme, prona nuk ka kaluar kurrë në pronësi të “Kayo”

    Rrethimi i News 24 nga Policia/ Panorama Group: E paligjshme, prona nuk ka kaluar kurrë në pronësi të “Kayo”

    Foto nga ngjarja

    TIRANË- Shoqëria “Panorama Group” sh.a., pronare e Panorama TV, Gazeta Panorama, Panorama Sport dhe Panorama, ka reaguar ashpër pas rrethimit të redaksisë së News 24 nga forca të shumta policie ditën e sotme. Në deklaratën zyrtare, “Panorama Group” me përfaqësues administratorin Kino Buxheli ka denoncuar ndërhyrjen arbitrare të policisë, duke theksuar se ky është një akt tjetër që synon të minojë lirinë e shprehjes dhe të pengojë punën e mediave të pavarura. Gjithashtu është nënvizuar fakti që kjo ndërhyrje ka për qëllim të pengojë informimin e publikut dhe të minojë besimin e qytetarëve tek informacionet e pavarura.
     “Panorama Group” ka kërkuar nga autoritetet përkatëse të ndërmarrin veprime urgjente për të rivendosur të drejtat e medias dhe për të siguruar një klimë të mbrojtur për gazetarët dhe organizatat e medias në Shqipëri.
    Në deklaratë theksohet se vendimi i Ministrave nuk përfshin godinën ku ushtron aktivitet “Panorama Group” sh.a dhe kjo pronë nuk ka kaluar asnjëherë në pronësi të kompanisë shtetëtore “Kayo” dhe shprehen se ambinetet janë të zaptuara në mënyrë të padrejtë, duke e bërë këtë një akt të paligjshëm.
    Deklarata e plotë e administratorit Kino Buxheli:
    “Sot, në orët e para të mëngjesit, ambientet e Shoqërisë “Panorama Group” sh.a. (Panorama TV, Gazeta Panorama, Panorama Sport dhe Panorama) janë bllokuar dhe i është ndërprerë furnizimi me energji elektrike, në shkelje flagrante të ligjit.
    “Panorama Group” sh.a. ka respektuar në mënyrë të përpiktë të gjitha detyrimet kontraktuale ndaj Bashkisë së Tiranës dhe zotëron një kontratë qiraje të nënshkruar me ish-Ministrinë e Ekonomisë, e vlefshme deri në vitin 2033. Çdo veprim për prishjen e kësaj kontrate pa vendim gjykate është i paligjshëm.
    Megjithatë, ambientet tona janë zaptuar në mënyrë arbitrare nga z. Ardi Veliu- shoqëria “Kayo” sh.a dhe policia, duke shkelur të drejtat kontraktuale dhe ligjore të “Panorama Group” sh.a. Vendimi i Këshillit të Ministrave, ku z. Veliu pretendon të mbështetet, nuk përfshin godinën ku ushtron aktivitetin “Panorama Group” sh.a. dhe kjo pronë nuk ka kaluar kurrë në pronësi të “Kayo” sh.a.
    Ky akt përbën ndërhyrje të paprecedentë në lirinë e medias, duke bllokuar transmetimin e Panorama TV, Gazetës Panorama dhe Panorama Sport, si dhe duke penguar gazetarët tanë të hyjnë në ambientet e tyre të punës. Si pasojë, pasqyrimi i lajmeve penguar dhe pajisjet tona teknike rrezikohen nga mungesa e energjise elektrike.
    “Panorama Group” sh.a. dënon ashpër këtë veprim arbitrar dhe i bën thirrje autoriteteve shtetërore të ndërpresin menjëherë çdo veprim të paligjshëm, të rivendosin të drejtën e ushtrimit të veprimtarisë sonë mediatike dhe të garantojnë respektimin e Kushtetutës së Shqipërisë, e cila garanton lirinë e medias.”
    Mëngjesin e sotëm Policia e Shtetit ka rrethuar godinën e News 24 duke mos lejuar punonjësit të futen brenda godinës. Ky hap vjen pasi kontrata e grupit mediatik për godinën ka disa vite që ka mbaruar. Tashmë godina do të përdoret për “KAYO”, kompaninë e prodhimit të armëve me vendim të qeverisë për përdorimin e saj në funksion të shoqërisë. Lidhur me këtë ngjarje nuk kemi ende asnjë reagim nga Policia./ZËRI

  • DEKLARATA/ Shoqëria “Panorama Group” sh.a. denoncon bllokimin e paligjshëm të ambienteve dhe ndërprerjen e veprimtarisë: Kemi kontratë qiraje deri në vitin 2033!

    DEKLARATA/ Shoqëria “Panorama Group” sh.a. denoncon bllokimin e paligjshëm të ambienteve dhe ndërprerjen e veprimtarisë: Kemi kontratë qiraje deri në vitin 2033!

    Deklaratë e administratorit Kino Buxheli
    Sot, në orët e para të mëngjesit, ambientet e Shoqërisë “Panorama Group” sh.a. (Panorama TV, Gazeta Panorama, Panorama Sport dhe Panorama) janë bllokuar dhe i është ndërprerë furnizimi me energji elektrike, në shkelje flagrante të ligjit.

    “Panorama Group” sh.a. ka respektuar në mënyrë të përpiktë të gjitha detyrimet kontraktuale ndaj Bashkisë së Tiranës dhe zotëron një kontratë qiraje të nënshkruar me ish-Ministrinë e Ekonomisë, e vlefshme deri në vitin 2033. Çdo veprim për prishjen e kësaj kontrate pa vendim gjykate është i paligjshëm.

    Megjithatë, ambientet tona janë zaptuar në mënyrë arbitrare nga z. Ardi Veliu- shoqëria “Kayo” sh.a dhe policia, duke shkelur të drejtat kontraktuale dhe ligjore të “Panorama Group” sh.a. Vendimi i Këshillit të Ministrave, ku z. Veliu pretendon të mbështetet, nuk përfshin godinën ku ushtron aktivitetin “Panorama Group” sh.a. dhe kjo pronë nuk ka kaluar kurrë në pronësi të “Kayo” sh.a.
    Ky akt përbën ndërhyrje të paprecedentë në lirinë e medias, duke bllokuar transmetimin e Panorama TV, Gazetës Panorama dhe Panorama Sport, si dhe duke penguar gazetarët tanë të hyjnë në ambientet e tyre të punës. Si pasojë, pasqyrimi i lajmeve penguar dhe pajisjet tona teknike rrezikohen nga mungesa e energjise elektrike.
    “Panorama Group” sh.a. dënon ashpër këtë veprim arbitrar dhe i bën thirrje autoriteteve shtetërore të ndërpresin menjëherë çdo veprim të paligjshëm, të rivendosin të drejtën e ushtrimit të veprimtarisë sonë mediatike dhe të garantojnë respektimin e Kushtetutës së Shqipërisë, e cila garanton lirinë e medias.
     
     

  • Policia rrethon ambientet e News 24, ndërpritet sinjali i televizionit informativ

    Policia rrethon ambientet e News 24, ndërpritet sinjali i televizionit informativ

    Të shtunën, rreth orës 07:00 të mëngjesit, një duzinë policësh u shfaqën në mjediset e televizionit News 24, në ish-Uzinën e Autotraktorëve, në lagjen Shkozë të Tiranës, duke kërkuar largimin e gazetarëve dhe zbrazjen e godinës.
    Sipas gazetës Panorama, e cila është pjesë e të njëjtit grup mediatik, policia po ndalon futjen e gazetarëve në ndërtesë, ndërsa kërkon lirimin e ambienteve ku aktualisht ndodhen redaksitë e News 24, BalkanWeb, Panorama dhe Gazeta Shqiptare, për t’ia transferuar kompanisë shtetërore “KAYO”. Panorama gjithashtu raporton se televizionit i është prerë energjia elektrike.
    Në orën 07:36, sinjali i News 24 u ndërpre.
    KAYO është një kompani shtetërore e prodhimit dhe tregtimit të armëve, e themeluar në vitin 2024. Në 12 mars 2025, qeveria miratoi një vendim që i kalon pronësinë e ish-Uzinës së Autotraktorëve kompanisë KAYO. News 24 është qiramarrës afatgjatë në ish-Uzinën e Autotraktorëve.
    Në një deklaratë të shpërndarë në Facebook, Asociacioni i Gazetarëve të Shqipërisë u shpreh i shqetësuar për veprimet e Policisë së Shtetit.
    “Ky veprim alarmant përbën një shkelje flagrante të parimeve themelore të demokracisë dhe të lirisë së shprehjes, të garantuara nga Kushtetuta e Shqipërisë dhe aktet ndërkombëtare për të drejtat e njeriut,” shkruan AGSH.
    “Ndërhyrja e policisë, që pengon drejtpërdrejt punën e gazetarëve, është një akt i papranueshëm dhe përbën presion të hapur mbi median e lirë,” theksoi organizata.
    AGSH i bëri thirrje institucioneve shtetërore të ndërpresin aksionin dhe t’u garantojnë gazetarëve të News 24 qasje në ambientet e punës, si dhe të respektojnë standardet demokratike për lirinë e medias.
    I pyetur nga BIRN, zëdhënësi i Policisë së Shtetit nuk komentoi për operacionin për lirimin e mjediseve të News 24.