Pamje nga vendngjarja
SHKODËR- Një ngjarje që ka ngjallur panik në Shkodër është regjistruar paraditen e sotme, rreth orës 11:30. Ngjarja ka ndodhur në lagjen ‘Vasil Shanto”, ku një person i paidentifikuar me skafandër në kokë, ka tentuar të kryeje vjedhje në një argjendari. Mirëpo, si duket tentativa e tij ka dështuar, pasi pronari i argjendarisë i ka kërkuar të heqë skafandën dhe ai është larguar menjëherë me vrap nga vendngjarja. Dyshohet se ky person ka kërcënuar me armë pronarin e argjendarisë që mos ta ndiqte.
Njoftimi:
Shkodër / Informacion paraprak
Rreth orës 11:30, në lagjen “Vasil Shanto”, një shtetas ende i paidentifikuar, që qarkullonte me motomjet, ka qëndruar para një argjendarie dhe me skafandër në kokë është futur në argjendari. Pronari i argjendarisë i ka kërkuar që të heqë skafandrën, por ai ka refuzuar dhe është larguar me vrap, duke lënë edhe motomjetin para argjendarisë.
Dyshohet se jashtë ambienteve të saj, ky shtetas i ka drejtuar një armë zjarri pronarit të argjendarisë që të mos ta ndiqte për ta kapur.
Shërbimet e Policisë kanë shkuar menjëherë në vendin e ngjarjes dhe vijojnë kontrollin në zonë për kapjen e tij.
Grupi hetimor, nën drejtimin e Prokurorisë, po punon për identifikimin e autorit dhe dokumentimin ligjor të rastit.
