Prova e parë kundër Olimpijas së Ljubjanës është kaluar me sukses. Egnatia është larguar e pamposhtur nga transferta sllovene, e cila përfundoi me shifrat e barabarta 0-0. Kampionët e Shqipërisë kanë rezistuar edhe me 2 lojtarë më pak në fushë, duke e mbajtur rrjetën të paprekur gjatë gjithë lojës.
Bakajoko u largua me karton të kuq në minutën e 55, ndërsa në të 89-n Fangaj e la ekipin me 9 lojtarë. Pavarësisht këtyre rrethanave, rrogozhinasit kanë marrë një rezultat pozitiv në Ljubjanë, çka i jep shpresë për një kualifikim hitorik në javën e ardhshme në Shqipëri./Sport Ekspres/
Tag: pamposhtur
-
Egnatia qendron e pamposhtur me 2 lojtarë më pak më fushë, kalon me sukses provën e parë me Olimpijan e Ljubjanës
-
Usyk një legjendë: I pamposhtur dhe sërish kampion i padiskutueshëm i botës në peshën e rëndë
Boksieri ukrainas Oleksandr Usyk është sërish kampion i padiskutueshëm i botës në peshën e rëndë. Në përballjen e zhvilluar në “Wembley” të Londrës, ai mundi me KO në raundin e pestë britanikun Daniel Dubois.
Usyk e hodhi dy herë në tapet rivalin në këtë raund, që herën e dytë nuk arriti dot të ngrihej dhe gjyqtari e ndali sfidën. Ky është suksesi nr.24 në karrierë për Usyk, i pamposhtur në karrierën e tij, duke mbajtur të gjithë titujt e kësaj peshe.Një përballje që u dominua nga Usyk, që në të gjitha raundet pati një epërsi të lehtë, duke u mbrojtur mirë dhe duke dhënë goditje të forta. Dubois nuk arriti të rivalizojë, duke u mundur edhe më herët se në përballjen e parë.
Tashmë Usyk i mban sërish të gjithë titujt e peshës së rëndë, ato WBC, WBO e WBA që i kishte, duke i marrë Dubois edhe atë IBF. Britaniku pësoi humbjen e tretë në karrierën e tii (ka edhe 22 fitore) dhe dy prej tyre i ka ndaj ukrainasit.Dubois ishte shumë larg asaj që pritej dhe hakmarrja që synonte sot dështoi (e ka humbur edhe sfidën e parë mes tyre, dy vite më parë). Usyk ishte në formë të jashtëzakonshme, duke treguar teknikë të mirë dhe fuqi të madhe grushtuese.
VIDEO E NOKAUT
Duket se taktika që përdori Usyk ishte efikase, duke u mbrojtur mirë dhe grushtet që i dha britanikut e dobësuan shumë këtë të fundit.
Të shumtë mbështetësit e tij në stadium, që shijuan këtë triumph, duke konfirmuar se Usyk është më i miri. -
Nelson Hysa, i pamposhtur në ring: 23 fitore, 21 nokautë dhe një tjetër mbrojtje e lavdishme e titullit WBO në Angli
Boksieri shqiptar Nelson Hysa vazhdon të mahnisë botën e sportit të dorës së hekurt me një tjetër paraqitje spektakolare. Në mbrëmjen e së shtunës, në qytetin Ipswich të Anglisë, Hysa regjistroi fitoren e tij të 23-të radhazi, duke mbrojtur me sukses titullin WBO për kategorinë e peshave të rënda në zonën evropiane.
Përballë tij qëndroi gjermani me përvojë Patrick Korte (bilanc 22-5-1), i cili nuk mundi t’i rezistonte furisë së goditjeve të shkodranit. Me një “knockout” të pastër, Hysa e mbylli duelin brenda dy raundeve, duke dëshmuar jo vetëm fuqinë e tij fizike, por edhe një shpejtësi të jashtëzakonshme për një sportist në këtë kategori peshe – aq më tepër në moshën 40-vjeçare.Kjo fitore i shton një tjetër kapitull të artë karrierës së Hysës, i cili tashmë numëron 21 fitore me nokaut në 23 përballje, një statistikë që dëshmon dominimin absolut dhe stilin e tij agresiv e efikas në ring.
Performanca e fundit konfirmon se Nelson Hysa nuk është thjesht një kampion rajonal, por një kandidat serioz për sfida në nivelet më të larta të boksit profesionist botëror. Ai është i pamposhtur, i palëkundur dhe me një përkushtim të admirueshëm që sfidon çdo kufi moshe.
I lindur dhe formuar në Shkodër, Hysa ka ruajtur gjithmonë një lidhje të fortë me rrënjët e tij, duke u kthyer në një model frymëzimi për të rinjtë shqiptarë, jo vetëm në sport, por edhe në forcën e karakterit dhe përkushtimin e pandalshëm për arritjen e ëndrrave.
Me këtë triumf në Ipswich, Nelson Hysa jo vetëm që mbron titullin e tij evropian, por ngjit edhe më lart aksionet e tij në skenën ndërkombëtare të boksit. E ardhmja për të është e hapur: një përballje për titull bote mund të mos jetë më thjesht një ëndërr, por një horizont i afërt.
Albert Vataj -
Conor Benn mesazh Eubank: Do të qëndroj i pamposhtur dhe do ta detyroj të tërhiqet nga sporti
Edhe pak ditë kanë mbetur nga dueli i 26 prillit, kur në stadiumin e Tottenham, në Londër, do të përballen mes tyre dy boksierët britanike Chris Eubank Jr dhe Conor Benn. Një sfidë që pritet me interes për shkak të hasmërive të vjetra mes dy boksierëve.
Në një deklaratë për “Sky Sport”, boksieri i pamposhtur Conor Benn (23 fitore e asnjë humbje) është zotuar se do të detyrojë Eubank të tërhiqet nga ringu. Ai shton se “arsyet personale” janë në qendër të grindjes së tyre.
“Ne jemi të fokusuar në të ardhmen. Jemi të fokusuar në përfundimin e asaj që kemi filluar” tha Benn. “Unë e urrej atë që ai përfaqëson. Unë e urrej atë që ai është si burrë, atë që ai po ndjek”, shtoi më tej Conor Benn.
“Për arsye që nuk janë publike, arsye personale mes meje dhe Chris, për të cilat ai është plotësisht i vetëdijshëm, unë nuk e pëlqej vërtet. Një sfidë është një sfidë. Është e qartë se ka interes edhe për historinë e baballarëve tanë, pasi molla nuk bie shumë larg pemës”, shtoi Benn.
Conor Benn dhe Chris Eubank Jr do të takohen tre dekada pas revansh mes baballarëve të tyre, revansh që doli barazim. Ndërkohë që sfida e parë mes baballarëve të tyre Chris Eubank Sr dhe Nigel Benn u fitua nga i pari.
“Mendoj se ka një përplasje të madhe personaliteti. Kjo nuk e ndryshon rezultatin e 26 prillit dhe atë që unë do t’i bëj atij. Është një luftë që nuk do të shuhej kurrë. Është në fuqi ende plani im të eliminoj Eubank”, tha Conor Benn.
“Kur ai humbet, ai duhet të tërhiqet. Nuk e kuptoj pse në këtë fazë të karrierës së tij ai do të zgjidhte të luftonte një peshë të lehtë për një titull botëror. Unë nuk kam humbur. Jam i pamposhtur. Ai nuk do të jetë humbja ime e parë. S’ka asnjë shans të humbas ndaj tij”, tha Benn.