Dy grupe ekstremiste të Izraelit, Neria Ben Pazi dhe Zohar Sabah, të cilët janë sanksionuar nga Mbretëria e Bashkuar këtë të martë janë bashkuar për të dëbuar palestinezët nga fshati Mughayyir al-Deir, në Bregun Perëndimor.
Kjo lëvizje i dhunshme i tyre vjen pas një sërë veprimesh të ngjashme që kanë çuar në dëbimin e mbi 1,200 palestinezëve që nga sulmet e Hamasit, që nisën në tetor të vitit 2023.
Udhëheqësi “famëkeq” i Neria’s Farm, Ben Pazi, është një nga individët që u sanksionua nga Mbretëria e Bashkuar për rolin e tij në krijimin e shumë postblloqeve dhe në dëbimin e shumë familjeve palestineze.
Ben Pazi ka vizituar disa herë këtë javë një postbllok të paligjshëm të vendosur afër shtëpive palestineze, duke shkaktuar frikë dhe intimidim mes banorëve. Sabah gjithashtu në listën e të sanksionuarve nga Mbretëria e Bashkuar, u shfaq në vendin e ngjarjes menjëherë pas vendosjes së sanksioneve ndaj tij.
Këto veprime janë dënuar nga grupe të të drejtave të njeriut si B’tselem dhe Peace Now, të cilët theksojnë se qeveria izraelite ka lejuar një mjedis të rrezikshëm që ka çuar në rritjen e dhunës nga kolonët. Politikanët izraelitë të krahut të djathtë kanë shprehur mbështetje për kolonët, ndërsa autoritetet izraelite nuk kanë ndërmarrë asnjë veprim për të shkatërruar këto postblloqe të paligjshme të ngritura nga organizatat e dhunshme.
Kjo situatë është një pasqyrë e tensioneve të vazhdueshme në Bregun Perëndimor, ku veprimet e kolonëve dhe reagimet e qeverisë izraelite vazhdojnë të jenë një çështje e nxehtë në politikën ndërkombëtare.
Tag: palestinezë
-
Grupet ekstremiste të Izraelit përzënë familjet palestineze nga Bregu Perëndimor
-
Vriten 107 palestinezë nga sulmet ajrore në Gaza, forcat izraelite shënjestrojnë spitalet
Izraeli vazhdoi të enjten me ofensivën e tij të re ushtarake në Gaza, pavarësisht kritikave në rritje ndërkombëtare. Zyrtarët e shëndetësisë në Gaza, si dhe stafi i spitalit, thonë se sulmet ajrore u nisën në të gjithë enklavën, duke vrarë të paktën 107 palestinezë dhe duke plagosur afërsisht 250 të tjerë.
Re të mëdha tymi u panë duke u ngritur në rajonet lindore të Qytetit të Gazës, të vendosura në veri të Rripit, ndërsa bombardimet vazhduan. Një spital në Gazën veriore u vu gjithashtu në shënjestër sipas zyrtarëve të spitalit.
Videot që qarkullojnë në mediat sociale tregojnë tanke dhe dronë izraelitë që thuhet se sulmojnë spitalin Al-Aëda duke shkaktuar dëme të mëdha dhe duke i vënë flakën disa pjesëve të spitalit. Pamjet e publikuara nga një anëtar i stafit në spital treguan mure të rrëzuara dhe tym të zi të dendur që ngrihej mbi një strukturë të kthyer në rrënoja.
Forcat izraelite shënjestruan gjithashtu rezervuarët e ujit të spitalit dhe i vunë flakën klinikave ambulatore, sipas Raafat Ali al-Majdalaëi, drejtor i Shoqatës së Shëndetit dhe Komunitetit Al-Aëda.
Spitali Al-Awda ishte një nga dy spitalet e vetme të mbetura në veri të enklavës. Nuk është e qartë se sa persona u plagosën ose u vranë në ato sulme.
Ndërkohë vetëm mëngjeisn e sotëm janë vrarë 16 persona në sulmet e mëngjesit në Gaza. -
“Një pikë uji në oqean në bazë të nevojave”/OKB nis shpërndarjen e ndihmave në Gaza
OKB njofton fillimin e shpërndarjes së ndihmave humanitare në Rripin e Gazës, më shumë se dy muaj e gjysmë pasi Izraeli vendosi një bllokadë të plotë mbi enklavën palestineze.
Ndërkohë, Izraeli është vënë në një presion në rritje nga bashkësia ndërkombëtare për mënyrën se si e ka trajtuar luftën në Gaza, qeveria izraelite njoftoi më parë këtë javë se do të lejojë akses të kufizuar humanitar në enklavën palestineze.
Dje, të mërkurën, “OKB mblodhi ngarkesat e afërsisht 90 kamionëve në pikën e kalimit të Kerem Shalom dhe i dërgoi ato në Gaza”, tha në një deklaratë Stephane Dujarric, zëdhënës i Sekretarit të Përgjithshëm të OKB-së.
Zyra e shtypit e qeverisë së Hamasit që kontrollon Gazën konfirmoi se ngarkesa me 87 kamionë kishte hyrë në enklavë, në një mesazh në Telegram gjatë natës.
Nga ana e tij, Izraeli kishte njoftuar dje se 100 kamionë me ndihmë humanitare të OKB-së – miell, ushqim për fëmijë dhe furnizime mjekësore – kishin hyrë në Gaza, pas 93 kamionëve që kaluan nëpër enklavë të martën dhe 10 të hënën.
Por asnjë nga këto ngarkesa nuk kishte arritur të largohej nga zona e shkarkimit të Kerem Shalom deri më tani.
Autoritetet izraelite lejuan ekipet e OKB-së vetëm “të kalonin nëpër një zonë shumë të dendur të populluar, të cilën ne e gjykuam të pasigurt dhe se plaçkitja ishte shumë e mundshme duke pasur parasysh privimin e zgjatur” që palestinezët kanë vuajtur në javët e fundit, vuri në dukje Dujarric më herët dje.
Për OKB-në, ndihma që ka hyrë në Gaza është një “pikë uji në oqean” në raport me nevojat e banorëve të saj: para shpërthimit të luftës, në tetor 2023, afërsisht 500 kamionë me ndihma hynin në enklavën palestineze çdo ditë.
-
Izraeli njofton se 100 kamionë me ndihma humanitare kanë hyrë në enklavën palestineze
Autoritetet izraelite lejuan sot hyrjen e 100 kamionëve me ndihma humanitare të dërguara nga OKB-ja dhe bashkësia ndërkombëtare në Rripin e Gazës, përmes pikës kufitare Kerem Shalom.
Kjo u bë e ditur nga COGAT, agjencia e Ministrisë izraelite të Mbrojtjes e cila merret me çështjet civile në territoret palestineze.
Sipas deklaratës zyrtare, kamionët transportonin miell, ushqim për fëmijë dhe pajisje mjekësore. Ky është dërgimi më i madh i ndihmave që nga rifillimi gradual i lejeve për hyrje, pas më shumë se dy muajsh e gjysmë bllokadë të plotë të Gazës.
Në dy ditët e fundit, Izraeli kishte lejuar kalimin e 93 kamionëve të martën dhe rreth 10 të hënën.
Megjithatë, zyrtarët e Kombeve të Bashkuara shprehën shqetësim, duke deklaruar se ndihma ende nuk ka arritur te popullata në nevojë, për shkak të problemeve serioze me shpërndarjen në terren.
Infrastruktura e shkatërruar, mungesa e sigurisë dhe mungesa e karburantit po pengojnë shpërndarjen efektive të ndihmave.
Kombet e Bashkuara dhe organizatat humanitare kanë paralajmëruar për një krizë të thellë humanitare në Rripin e Gazës, ku miliona banorë përballen me mungesë ushqimi, uji të pijshëm dhe ndihme mjekësore bazë. Syri.net-Protothema
-
Situata në Rripin e Gazës, OKB: Izraeli po pengon shpërndarjen e ndihmave
Banorët në Rripin e Gazës vazhdojnë të vuajnë. Ende nuk ka filluar shpërndarja e ndihmave, pavarësisht se kamionët me ndihma humanitare kanë hyrë në enklavë. Ndërsa bombardimet e rënda izraelite po shkaktojnë dhjetëra të vrarë dhe të plagosur. Më shumë se një muaj pasi ndaloi hyrjen e çdo ndihme humanitare më 2 mars, qeveria izraelite njoftoi hyrjen e 93 kamionëve të OKB-së me ushqime në Rripin e Gazës, në mes të luftës që tani është në muajin e saj të 20-të.
OKB-ja denoncon se pavarësisht faktit se kamionët kanë kaluar në anën palestineze të pikës kufitare Kerem Shalom, deri më tani nuk është shpërndarë asnjë ndihmë. Stephane Dujarric, zëdhënësi i OKB tha se një ekip priti për disa orë që Izraeli t’u lejonte atyre qasje në zonë. Dujarric tha se operacioni i ndihmës u bë “i ndërlikuar” pasi Izraeli kërkoi që OKB-ja “të shkarkonte furnizimet në anën palestineze të pikës kalimtare Kerem Shalom dhe t’i ngarkonte ato veçmas pasi të siguronin akses për ekipet nga brenda Rripit të Gazës”.
Edhe pse ai e quajti mbërritjen e ndihmës humanitare një zhvillim pozitiv, ai e përshkroi atë si “një pikë uji në oqeanin e asaj që nevojitet”. Agjencitë e OKB-së vlerësojnë se nevojiten 600 kamionë në ditë për të filluar adresimin e krizës kronike humanitare në Gaza. Përballë situatës katastrofike humanitare dhe përshkallëzimit të operacioneve ushtarake izraelite në enklavë, disa qeveri evropiane po ndërmarrin iniciativa për të ushtruar presion mbi Izraelin.
Bashkimi Evropian njoftoi se do të fillojë një proces rishikimi të marrëveshjes së asociimit që ka nënshkruar me Izraelin, e cila ka qenë në fuqi që nga viti 2000. Ky vendim u mbështet nga 17 shtete anëtare, sipas Parisit. Britania, nga ana e saj, njoftoi pezullimin e negociatave me Izraelin për të përfunduar një marrëveshje të tregtisë së lirë. Nga ana e tij, Sekretari i Shtetit i SHBA-së, Marco Rubio, vendi i të cilit është aleati kryesor ndërkombëtar i Izraelit, tha se ishte “i lumtur” që “ndihma ka rifilluar të hyjë” në Rripin e Gazës, megjithëse pranoi se sasia nuk është e mjaftueshme.
Bastisja e Hamasit në Izraelin jugor më 7 tetor 2023 kushtoi jetën e 1,218 personave në anën izraelite, shumica e të cilëve civilë, duke çuar në hakmarrje të ashpër izraelite, duke përfshirë një “ngrirje” të shpërndarjes së ndihmës humanitare. Nga 251 personat e rrëmbyer, 57 mbeten në duart e grupeve të armatosura palestineze në Gaza, por 34 prej tyre janë shpallur të vdekur nga ushtria izraelite.
Operacionet hakmarrëse ushtarake izraelite në shkallë të gjerë kanë marrë që atëherë jetën e të paktën 53,573 personave në Rripin e Gazës, shumica e të cilëve civilë, sipas të dhënave më të fundit nga Ministria e Shëndetësisë e qeverisë së Hamasit në enklavën palestineze, e cila konsiderohet e besueshme nga OKB-ja. -
Sulmet izraelite në Gaza vrasin 38 persona
Të paktën 38 palestinezë u vranë pas sulmeve ajrore izraelite në të gjithë Rripin e Gazës gjatë natës, sipas mjekëve palestinezë.
Sipas agjencisë së mbrojtjes civile të drejtuar nga Hamasi, avionët luftarakë izraelitë goditën disa vende, duke përfshirë një shkollë në qytetin lindor të Gazës dhe një stacion karburanti të braktisur që strehonte familjet e zhvendosura.Lexo edhe :Related Posts
Ai shtoi se ekipet e shpëtimit po përballeshin me vështirësi të mëdha për të arritur tek të plagosurit për shkak të mungesës së pajisjeve dhe intensitetit të bombardimeve.Sulmi vjen pasi Izraeli lëshoi një urdhër gjithëpërfshirës për evakuimin e civilëve në Gaza, ndërsa udhëheqësit e Mbretërisë së Bashkuar, Francës dhe Kanadasë lëshuan një deklaratë të përbashkët duke kërcënuar me veprime nëse kryeministri i Izraelit, Benjamin Netanyahu, do të vazhdonte me qëllimin e tij për të “marrë kontrollin” e të gjithë Gazës.
Netanyahu e përshkroi deklaratën si një “çmim të madh” për Hamasin.
Më parë, Izraeli tha se do të lejonte një “sasi bazë” ushqimi në Gaza, duke i dhënë fund një bllokade 11-javore të ndihmës.
Por shefi i ndihmës së Kombeve të Bashkuara, Tom Fletcher, tha se sasia e ndihmës ishte një “pikë në oqean”, në krahasim me atë që nevojitet urgjentisht.
Lufta u shkaktua nga sulmet e udhëhequra nga Hamasi në Izraelin jugor më 7 tetor 2023. 1,200 persona u vranë dhe 251 të tjerë u morën peng.
Rreth 58 pengje mbeten në Gaza, dhe vetëm 23 prej tyre besohet se janë gjallë.
Të paktën 53,486 palestinezë janë vrarë gjatë fushatës ushtarake të Izraelit në Gaza, sipas ministrisë së Shëndetësisë të drejtuar nga Hamasi./vizionplus.tv -
“Plani funksionoi, por me një çmim të tmerrshëm”, zbulohen dokumentet sekrete: Pse Hamasi sulmoi Izraelin më 7 tetor 2023
Udhëheqësit kryesorë të grupit palestinez Hamas nisën sulmin e tyre ndaj Izraelit më 7 tetor 2023, me qëllim që të pengonin negociatat e paqes midis Izraelit dhe Arabisë Saudite, sipas procesverbalit të një takimi të nivelit të lartë në Gaza që ushtria izraelite tha se e zbuloi në një tunel poshtë enklavës.
Zbulimi është bërë nga The Wall Street Journal.Disa ditë para sulmit që la gati 1,200 të vdekur, Yahya Sinwar, kreu i Hamasit në Gaza, u tha militantëve të tjerë se një “akt i jashtëzakonshëm” ishte i nevojshëm për të prishur bisedimet e normalizimit, të cilat ai tha se rrezikonin margjinalizimin e kauzës palestineze.
Plani funksionoi, por me një çmim të tmerrshëm.
Sulmi i tetorit, pasoi një operacion ushtarak izraelit dhe pas më shumë se dy vitesh më shumë se 53,000 palestinezë janë vrarë, sipas autoriteteve shëndetësore të Gazës.
Kjo ka nxitur zemërim në të gjithë botën arabe dhe më gjerë.
Protokolli i takimit (2 tetor 2023) nga një takim i byrosë politike të Hamasit në Gaza, citon Sinwar: “Nuk ka dyshim se marrëveshja e normalizimit saudito-sionist po përparon ndjeshëm”.
Ai paralajmëroi se një marrëveshje do të “hapte derën për shumicën e vendeve arabe dhe islamike që të ndjekin të njëjtën rrugë”.
Për Sinwarin dhe Hamasin, të cilët kanë bërë thirrje për shkatërrimin total të Izraelit dhe krijimin e një shteti palestinez midis lumit Jordan dhe Detit Mesdhe, kjo ishte e papranueshme. Sinwar tha se ishte koha për të nisur një sulm që kishte qenë në fazat e planifikimit për dy vjet.
Qëllimi, tha ai, është “të sjellë një lëvizje të madhe ose një ndryshim strategjik në rrugët dhe ekuilibrat e rajonit në lidhje me kauzën palestineze”.
Hamasi nuk iu përgjigj një kërkese për koment mbi vërtetësinë e dokumentit apo përmbajtjen e tij, shkruan vizionplus.
Zyrtarët e inteligjencës arabe, thanë se dokumenti duket i vërtetë, ashtu si edhe të tjerët që ushtria izraelite thotë se i ka gjetur në Gaza.
Këto dokumente, të shqyrtuara nga Journal, tregojnë shqetësim në rritje midis udhëheqësve të Hamasit në lidhje me progresin e bisedimeve të ndërmjetësuara nga SHBA-të midis Izraelit dhe Arabisë Saudite. Zyrtarët e të tre vendeve thanë në vitin 2023 se mosmarrëveshjet po ngushtoheshin.
Ky arkiv më i ri i të dhënave të Hamasit shton një hallkë të re në zinxhirin e ngjarjeve që çuan drejt 7 tetorit 2023, dita më vdekjeprurëse për izraelitët që nga themelimi i vendit.
Shumë nga figurat e përfshira drejtpërdrejt në planifikimin e sulmeve të 7 tetorit tani janë të vdekur.
Sinwar u vra nga trupat izraelite në Gaza tetorin e kaluar. Shumica e udhëheqësve të tjerë të lartë të Hamasit në Gaza janë vrarë gjithashtu, përfshirë disa që ishin të pranishëm në takimin e byrosë politike më 2 tetor, siç është Marwan Issa.
Një billboard në Teheran vitin e kaluar që përshkruante udhëheqësin e Hamasit, Yahya Sinwar, menjëherë pas vdekjes së tij në Gaza.
Izraeli ka vrarë gjithashtu udhëheqës të lartë të Hamasit në mërgim, përfshirë Ismail Haniyeh, i cili ishte personi më i fuqishëm në lëvizje së bashku me Sinwar. Të martën, një sulm ajror izraelit në Gaza shënjestroi vëllain e Sinwar, Mohammed, kreun e operacioneve ushtarake të Hamasit.
Megjithatë nuk është e qartë nëse ai është vrarë.
Ndër dokumentet e tjera të brendshme të Hamasit të gjetura nga ushtria izraelite dhe të shqyrtuara nga Journal ishte një raport i shtatorit 2023 që rekomandonte përshkallëzimin e konfliktit në Bregun Perëndimor dhe Jerusalem për ta bërë më të vështirë normalizimin e marrëdhënieve saudite-izraelite.
Raporti shprehu mosbesim ndaj premtimeve saudite për të mbështetur interesat palestineze, duke i quajtur ato “hapa të dobët dhe të kufizuar për të neutralizuar” Hamasin dhe për ta ndaluar atë të luftojë kundër normalizimit.
Marrëdhëniet e Arabisë Saudite me Hamasin e mbështetur nga Irani kishin qenë të acaruara që kur Hamasi mori me dhunë kontrollin e Rripit të Gazës nga fraksioni rival palestinez Fatah.
Plani i Hamasit për të prishur normalizimin e marrëdhënieve izraelito-saudite me një sulm vdekjeprurës ndaj Izraelit funksionoi, por me një kosto të tmerrshme në Gaza.
Një informim i brendshëm i shënuar si “sekret” nga gushti 2022, i shkruar nga udhëheqja ushtarake e Hamasit, përfundon: “Është bërë detyrë e lëvizjes të ripozicionohet për të … ruajtur mbijetesën e kauzës palestineze përballë valës së gjerë të normalizimit nga vendet arabe, e cila synon kryesisht të likuidojë kauzën palestineze.”
Në përgjigje, Hamasi po forconte koordinimin e tij me Hezbollahun, si dhe me fraksione të tjera militante palestineze, thuhet në njoftim.
Normalizimi saudito-izraelit do të shënonte ndryshimin më të madh në pozicionin politik të Izraelit në Lindjen e Mesme që kur ai nënshkroi traktate paqeje me Jordaninë dhe Egjiptin dekada më parë. Në vitin 2020, Izraeli vendosi gjithashtu marrëdhënie të plota diplomatike me Emiratet e Bashkuara Arabe dhe Bahreinin, marrëveshje të njohura si Marrëveshjet e Abrahamit./vizionplus.tv -
100 palestinezë të vrarë nga sulmet ajrore, Izraeli nis operacionet tokësore në shkallë të gjerë në Gaza
Ushtria izraelite njoftoi të dielën, më 18 maj, nisjen e operacioneve tokësore në shkallë të gjerë përgjatë veriut dhe jugut të Gazës, si pjesë e një fushate të re të quajtur “Operacioni Karrocat e Gedeonit”, ndërkohë që vendet ndërmjetësuese kanë filluar një raund të ri negociatash për armëpushim mes Izraelit dhe Hamasit.
Më herët gjatë ditës, Ministria e Shëndetësisë e administratës së Hamasit në Rripin e Gazës njoftoi se “të gjitha spitalet publike” në pjesën veriore të territorit palestinez kanë dalë jashtë funksioni, pasi ushtria izraelite ka rrethuar spitalin e fundit publik që funksiononte në këtë zonë.
“Okupimi izraelit ka intensifikuar rrethimin, me zjarr të ashpër përreth Spitalit Indonezian dhe zonës përreth, duke penguar mbërritjen e pacientëve, stafit mjekësor dhe furnizimeve, gjë që detyroi spitalin të mbyllet”, thuhet në një komunikatë të ministrisë, ku shtohet se “të gjitha spitalet publike në qarkun e Gazës, në veri, nuk funksionojnë më”.Palestinezët pa ushqim dhe barna – negociatat në vazhdim
Ndërkohë, gjatë natës, sulmet ajrore izraelite vranë të paktën 100 palestinezë në Rripin e Gazës.
Në kuadër të rrethimit të ashpër të territorit palestinez, Izraeli ka bllokuar hyrjen e barnave, ushqimeve dhe karburanteve në Gaza që nga fillimi i marsit, si pjesë e një përpjekjeje për të detyruar Hamasin të lirojë pengjet izraelite. Po ashtu, janë miratuar plane që përfshijnë mundësinë e pushtimit të plotë të Rripit të Gazës dhe marrjes nën kontroll të ndihmës humanitare.
Hamas ka deklaruar se do të lirojë pengjet në këmbim të një armëpushimi izraelit.
Vendet ndërmjetësuese, Egjipti dhe Katari, me mbështetjen e SHBA-së, kanë nisur një raund të ri bisedimesh indirekte për një ndalim zjarri mes të dy palëve. Megjithatë, burime pranë negociatave i thanë agjencisë Reuters se deri tani nuk është arritur ndonjë përparim i rëndësishëm.
Netanjahu i hapur për marrëveshje që përfshin përfundimin e operacioneve në Gaza
Kryeministri izraelit Benjamin Netanjahu deklaroi se është i hapur për një marrëveshje që do të përfshinte përfundimin e operacioneve ushtarake në Rripin e Gazës, ku dhjetëra palestinezë, shumica prej tyre fëmijë, janë vrarë në sulme të fundit izraelite.
Megjithatë, Netanjahu theksoi se çdo marrëveshje duhet të përfshijë “dëbimin” e organizatës islamike palestineze Hamas dhe “çarmatosjen” e të gjithë territorit të Gazës, që ndodhet nën rrethim dhe është shkatërruar pas më shumë se 19 muajsh lufte, sipas një deklarate të zyrës së tij.
Të paktën 464 palestinezë të vrarë në një javë
Të paktën 464 palestinezë janë vrarë nga sulmet ushtarake izraelite në Gaza gjatë javës së fundit, sipas një deklarate të lëshuar nga Ministria e Shëndetësisë në territorin e rrethuar.
Gjithashtu raportohet se 1.418 palestinezë janë plagosur në të njëjtën periudhë, nga 11 deri më 17 maj. Numri total i të vrarëve palestinezë që nga 7 tetori 2023 ka kaluar shifrën 53.000. -
Qindra protestues pro-palestinezë arrestohen në Universitetin Kolumbias
Policia e Nju Jorkut ka arrestuar mbi 70 protestues pro-Palestinezë, të cilët ‘pushtuan’ bibliotekën kryesore të Universitetit Kolumbias të mërkurën.
Dy oficerë sigurie u plagosën kur protestuesit hynë me forcë në bibliotekën Butler. Aktivistët, shumica me shami arabe dhe maska, sfiduan ndalimin të vendosur nga administrata Trump pas protestave të mëparshme në kampus.
Në një postim në rrjetet sociale, protestuesit akuzuan universitetin për “represion të dhunshëm” dhe refuzuan të tregojnë ID-të përpara policisë dhe oficerëve të sigurisë. Sekretari amerikan i Shtetit, Marco Rubio, njoftoi se statuset e vizave për të arrestuarit do të rishikoheshin.
Ky është rasti i parë që universiteti ka kërkuar ndihmën e policisë për një protestë në kampus që nga prilli 2024. Protestuesit vandalizuan raftet e librave duke shkruar “Liri për Palestinën”, ndërsa një video tregon oficerët që bllokojnë daljen dhe kërkojnë ID-të e universitetit për të shmangur arrestimin.
Ky incident vjen pas një periudhe tensioni mes administratës Trump dhe universiteteve të SHBA-së, për shkak të kritikave për antisemitizëm në kampus. Trump ka kërcënuar se mund të ndalojë financimin federal për Columbia dhe universitete të tjera që nuk luftojnë antisemitizmin.Top Channel
-
VIDEO/ Protesta pro-palestineze në një universitet në Uashington, arrestohen rreth 30 persona
Rreth 30 persona u arrestuan mbrëmë në Universitetin e Uashingtonit në Seattle, pasi pushtuan një ndërtesë të kampusit pas një thirrjeje nga një organizatë studentore pro-palestineze.
Ky grup, i quajtur Studentët e Bashkuar për Barazinë dhe Kthimin Palestinez (SUPER), i bëri thirrje universitetit të shkëpusë lidhjet me Boeing, duke akuzuar prodhuesin e avionëve se prodhon armë të përdorura në Gaza.
Antifa & Pro-Palestine Activists in Seattle,WA took over parts of University of Washington last night setting things on fire starting riot all to protest against Israel 💯🔥 This looks a lot like Summer of Love 2.0 💯🔥 Why did the police retreat like that? It is Unreal 💯🔥… pic.twitter.com/cad9qGUQB5
— Jess Americaz Chicanó 😎❤️🔥✊🏾🇺🇸❤️🔥🌹🔥❤️🔥 (@Jess3CAgrl4Life) May 6, 2025Ndërtesa, e cila i përket departamentit të Inxhinierisë Mekanike dhe u uzurpua dje, kishte marrë një grant prej 10 milionë dollarësh nga Boeing, nga i cili shteti i Uashingtonit është një fortesë historike, sipas faqes së internetit të universitetit.
Njerëzit e përfshirë “krijuan një mjedis të rrezikshëm brenda dhe përreth ndërtesës”, tha universiteti në një njoftim për shtyp. “Këta individë, shumica e të cilëve kishin fytyrat e mbuluara, bllokuan hyrjen në dy rrugë pranë ndërtesës, mbyllën hyrjet dhe daljet dhe u vunë flakën dy kazanëve të plehrave në një rrugë fqinje”, thuhet më tej në deklaratë.
Personat e arrestuar akuzohen për hyrje pa leje, shkatërrim prone, mosbindje dhe formimin e një organizate kriminale, tha universiteti.WATCH: Police in riot gear arrive on the University of Washington campus during pro-Palestinian protests. Dumpsters overturned by protesters were set on fire and later extinguished by the Seattle Fire Department. #news #protest #uw #kiro7 #fire #palestine #police pic.twitter.com/ssZizHgrdH
— KIRO 7 (@KIRO7Seattle) May 6, 2025Top Channel