Lajmidites.com

Tag: palestina

  • (FOTOT)Zbulimi: Çudit Miss Palestina, e martuar me djalin e terroristit të dënuar me burg përjetë

    (FOTOT)Zbulimi: Çudit Miss Palestina, e martuar me djalin e terroristit të dënuar me burg përjetë

    Nadine Ayoub , e cila garoi në konkursin e bukurisë Miss Universe të këtij viti si Miss Palestina, është e lidhur me Marwan Barghouti, një udhëheqës i dënuar i Fatah, përmes martesës së saj me djalin e tij, sipas informacionit të publikuar nga gazeta amerikane New York Post.
    Çështja ka ngjallur reagime, pasi pjesëmarrja e Ayoub vjen në një kohë të konfrontimit të fortë politik ndërkombëtar.
    Nadine Ayoub, 27 vjeç, e cila mban shtetësi amerikane dhe kanadeze dhe jeton në Dubai, garoi këtë javë si Miss Palestina, një titull që nuk njihet zyrtarisht as nga Shtetet e Bashkuara dhe as nga Izraeli.
    Siç zbulon botimi, jeta e saj personale kishte mbetur jashtë vëmendjes deri në shfaqjen e postimeve dhe bisedave të vjetra që zbuluan se ajo ishte martuar me Sharaf Barghouti , djalin e Marwan Barghouti, i cili po vuan pesë dënime me burgim të përjetshëm në Izrael për sulme që morën jetën e pesë personave në vitet 2001 dhe 2002.
    Sipas të njëjtit informacion, Ayyoub u martua me Sharaf Barghouti në vitin 2016 dhe tre vjet më vonë ata patën një djalë, të cilin e quajtën Marwan.
    Një i afërm që foli me gazetën konfirmoi martesën, por nuk pranoi të komentonte mbi situatën aktuale familjare. Fotot tregojnë Ayyoub me bashkëshortin e saj, si dhe me Fadwa Barghouti, gruan e Marwan Barghouti dhe një figurë e shquar politike e Fatah.

  • Mesazh nga Palestina/ Krijimtari gjatë bombardimeve, poetja Nima Hasan: Shkatërruan gjithçka

    Mesazh nga Palestina/ Krijimtari gjatë bombardimeve, poetja Nima Hasan: Shkatërruan gjithçka

    Prej më shumë se dy vitesh, lindja e diellit nuk sjell një ditë të re për banorët e Gazës, që lufta i ka bërë të përjetojnë një vuajtje pa fund.

    Poetja palestineze Nima Hasan tregon se bombardimet kanë shkatërruar çdo gjë, por nuk kanë shuar ëndrrat e banorëve që jetojnë me frikën e bombardimeve.
    “Fillova të shkruaj disa vite më parë, po kërkoja një vend për të jetuar, por zbulova se të zhytesh në poezi, është më argëtuese dhe luksoze. Para disa vitesh, shtëpia ime u shkatërrua dhe unë gjendesha brenda me familjen time. Kaluan vite dhe përvoja u përsërit prapë, përvoja e vdekjes dhe e mbijetesës. Shtëpia ime u bombardua dhe unë ndodhesha brenda me fëmijët e mi. Raketa që peshonte 1 ton e gjysmë nuk shpërtheu, por… po sikur të shpërthente?!” u shpreh poetja.
    Përmes një videomesazhi që u transmetua në Festivalin Letrar për të rinj, në një sesion nën moton “Palestina flet”, shkrimtarja që vlerësohet si zë i qëndrueshmërisë, rezistencës dhe rrëfimit të historive në Gaza,
     “Nuk e di nëse bota sot gëzon shëndet të mirë apo jo. Por, pavarësisht frikës zgjohem me pasionin e një gruaje që do ta mposhtë botën. Shpresoj që fitimtarët e saj të dalin fitimtarë mbi urinë, mbi varfërinë, mbi trishtimin dhe mbi luftën. Unë jam nëna e shtatë fëmijëve. Jetoj në një qendër refugjatësh për të dhjetën herë. Punoj si punonjëse sociale. Vizatoj me fëmijët, këndoj dhe i mësoj ata të bëjnë muzikë, muzikë nga mbeturinat. E dua shumë punën time dhe dashuroj të shkruaj”, tha poetja Nima Hasan.
    Ndonëse lufta u ka marrë gjithçka kishin, teksa armëpushimi ka hyrë në fuqi, fëmijët në Gaza manifestojnë për një të ardhme plot ngjyra, ashtu sikurse këto pjesë muzikore që performojnë në kampet ku janë strehuar.

    Top Channel

  • Protesta në Londër në mbështetje të “Palestina Action”/ Vihen në pranga 300 persona, tensione të ashpra pas sulmit në sinagogë

    Protesta në Londër në mbështetje të “Palestina Action”/ Vihen në pranga 300 persona, tensione të ashpra pas sulmit në sinagogë

    Policia Metropolitane arrestoi 300 persona në Londër gjatë protestave të zhvilluara në mbështetje të grupit të ndaluar “Palestina Action”.

    Protesta u organizua nga lëvizja “Mbrojini Juritë Tona” në Sheshin Trafalgar, ku morën pjesë qindra njerëz, pavarësisht thirrjeve për shtyrjen e saj, pas një sulmi tragjik në një sinagogë në Mançester ku u vranë dy persona hebrenj.
    Protestuesit mbanin pankarta me mbishkrimet “Unë kundërshtoj gjenocidin” dhe “Unë mbështes Veprimin për Palestinën”, ndërsa Policia Metropolitane dërgoi mbi 1,500 efektivë për të mbikëqyrur situatën.
    Gjashtë persona u arrestuan gjithashtu për shpalosjen e banderolave në Urën e Westminster-it.
    Organizatorët thanë se protesta ishte paqësore dhe kishte për qëllim të dënonte dhunën në Gaza, jo të sfidonte komunitetin hebre.
    “Nuk ka asnjë dyshim se të gjithë ata që marrin pjesë në vigjiljen e heshtur do të tregojnë respekt dhe pikëllim të vërtetë për ata që u prekën nga mizoria në Heaton Park,” tha Jonathon Porritt nga “Mbrojini Juritë Tona”.
    “Por kjo nuk do të thotë që duhet të heqim dorë nga e drejta për të mbrojtur ata që po shkatërrohen nga një gjenocid i vazhdueshëm në kohë reale në Gaza”, shtoi ai.
    Nga ana tjetër, komuniteti hebre dhe organizata bamirëse Community Security Trust (CST) e cilësuan protestën si të papërshtatshme dhe provokuese.
    “Të pretendosh se mbron të drejtat e njeriut, ndërkohë që ia heq policisë mundësinë për të mbrojtur sigurinë e hebrenjve që thjesht duan të shkojnë në sinagogë, është thellësisht egoiste dhe e pandjeshme”, tha Dave Rich, përfaqësues i CST.
    “Palestina Action” u ndalua nga qeveria britanike në korrik 2025, sipas ligjit kundër terrorizmit, pas një sërë aksionesh të dhunshme ndaj bazave ushtarake dhe furnizuesve të armëve të Izraelit. Çdo shfaqje mbështetjeje ndaj grupit tani është e paligjshme.
    Grupi po sfidon ndalimin ligjërisht dhe organizatat protestuese kërkojnë rikthimin e të drejtës për të shprehur solidaritet paqësor.
     

    Top Channel

  • Protesta në Londër në mbështetje të “Palestina Action”/ Vihen në pranga 175 persona, tensione të ashpra pas sulmit në sinagogë

    Protesta në Londër në mbështetje të “Palestina Action”/ Vihen në pranga 175 persona, tensione të ashpra pas sulmit në sinagogë

    Policia Metropolitane arrestoi 175 persona në Londër gjatë protestave të zhvilluara në mbështetje të grupit të ndaluar “Palestina Action”.

    Protesta u organizua nga lëvizja “Mbrojini Juritë Tona” në Sheshin Trafalgar, ku morën pjesë qindra njerëz, pavarësisht thirrjeve për shtyrjen e saj, pas një sulmi tragjik në një sinagogë në Mançester ku u vranë dy persona hebrenj.
    Protestuesit mbanin pankarta me mbishkrimet “Unë kundërshtoj gjenocidin” dhe “Unë mbështes Veprimin për Palestinën”, ndërsa Policia Metropolitane dërgoi mbi 1,500 efektivë për të mbikëqyrur situatën.
    Gjashtë persona u arrestuan gjithashtu për shpalosjen e banderolave në Urën e Westminster-it.
    Organizatorët thanë se protesta ishte paqësore dhe kishte për qëllim të dënonte dhunën në Gaza, jo të sfidonte komunitetin hebre.
    “Nuk ka asnjë dyshim se të gjithë ata që marrin pjesë në vigjiljen e heshtur do të tregojnë respekt dhe pikëllim të vërtetë për ata që u prekën nga mizoria në Heaton Park,” tha Jonathon Porritt nga “Mbrojini Juritë Tona”.
    “Por kjo nuk do të thotë që duhet të heqim dorë nga e drejta për të mbrojtur ata që po shkatërrohen nga një gjenocid i vazhdueshëm në kohë reale në Gaza”, shtoi ai.
    Nga ana tjetër, komuniteti hebre dhe organizata bamirëse Community Security Trust (CST) e cilësuan protestën si të papërshtatshme dhe provokuese.
    “Të pretendosh se mbron të drejtat e njeriut, ndërkohë që ia heq policisë mundësinë për të mbrojtur sigurinë e hebrenjve që thjesht duan të shkojnë në sinagogë, është thellësisht egoiste dhe e pandjeshme”, tha Dave Rich, përfaqësues i CST.
    “Palestina Action” u ndalua nga qeveria britanike në korrik 2025, sipas ligjit kundër terrorizmit, pas një sërë aksionesh të dhunshme ndaj bazave ushtarake dhe furnizuesve të armëve të Izraelit. Çdo shfaqje mbështetjeje ndaj grupit tani është e paligjshme.
    Grupi po sfidon ndalimin ligjërisht dhe organizatat protestuese kërkojnë rikthimin e të drejtës për të shprehur solidaritet paqësor.
     

    Top Channel

  • Palestina nuk e njeh pavarësinë e saj, Enver Hoxhaj: Ja cili do jetë qëndrimi i Kosovës

    Palestina nuk e njeh pavarësinë e saj, Enver Hoxhaj: Ja cili do jetë qëndrimi i Kosovës

    Tema kryesore që po “mundon” të gjithë liderët botërorë, është njohja e Palestinës si shtet ose jo, e dhënia fund e luftës nga pala izraelite.
    Shumë liderë evropianë së fundmi kanë deklaruar se janë pro njohjes së Palestinës, gjë që po kundërshtohet nga SHBA-të, duke krijuar kështu ndoshta dy “fronte” kontinentale për të njëjtën çështje.
    Pikërisht për këtë temë po diskutohet sot, 25 shtator 2025, në emisionin “Opinion” në Tv Klan, ku përmes një lidhjeje të drejtpërdrejtë ka dhënë mendimin e tij Enver Hoxhaj, ish-ministri i Punëve të Jashtme të Kosovës.
    Teksa kujtojmë se pavarësia e Kosovës nuk është pranuar nga palestinezët, vihet në pikëpyetje se cili do të jetë qëndrimi i Kosovës ndaj njohjes së Palestinës si shtet?
    Hoxhaj, u shpreh se Kosova do të përkrahë qëndrimin e Uashingtonit.
    “Besoj se Kosova do të jetë e rreshtuar më shumë me qëndrimin që do të ketë Uashingtoni zyrtar”, tha ai.
    Por çfarë do të thotë kjo? Siç mendon Hoxhaj, e gjitha është e bazuar në marrëdhëniet politike, e çdo qëndrim i Kosovës do të bazohet në njohjen e saj si shtet i pavarur.
    “Mendoj që raportet tona me Palestinën nuk janë raporte të zakonshme. Përtej njohjes nga Izraeli, që është e rëndësishme për Kosovën, raportet tona me Palestinën janë si rezultat i një qëndrimi që ka Palestina ndaj çështjes së Kosovës dhe mënyrës se si Palestina në fakt ka qenë në fillim në një bllok gjeopolitik të kundërt me Kosovën. Nëse ju shihni hartën e njohjes së Palestinës dallon shumë prej hartës së njohjes së Kosovës”, tha ai.

  • Sanchez: Palestina duhet të bëhet anëtare e plotë e OKB-së

    Sanchez: Palestina duhet të bëhet anëtare e plotë e OKB-së

    Kryeministri spanjoll, Pedro Sanchez, një kritik i hapur i luftës së Izraelit në Gazë, ka bërë thirrje që shteti i Palestinës të pranohet në OKB.

    Thirrja vjen një ditë pas samitit të udhëhequr nga Franca dhe Arabia Saudite, në të cilin shteti francez ka bërë njohjen zyrtare të shtetit palestinez.

    “Kjo konferencë shënon një moment historik, por nuk është fundi i rrugës. Është vetëm fillimi”, ka thënë Sanchez në takimin para Asamblesë së Përgjithshme të OKB-së në New York.

    “Shteti i Palestinës duhet të jetë anëtar i plotë i Kombeve të Bashkuara. Procesi që shteti i Palestinës të bashkohet me këtë organizatë duhet të përfundojë sa më shpejt të jetë e mundur, në kushte të barabarta me shtetet e tjera”, ka thënë ai.

    Spanja, së bashku me Irlandën dhe Norvegjinë, kanë njohur shtetin palestinez në maj.

    Palestina njihet aktualisht nga rreth 75% e 193 shteteve anëtare të OKB-së.

    Në OKB, ajo ka statusin e një “shteti vëzhgues të përhershëm” që lejon pjesëmarrjen, por jo të drejtën e votës.

    Ndërkohë, pavarësisht njohjeve të fundit, Izraeli po vazhdon ofensivën e tij ushtarake që synon pushtimin e qytetit të Gazës.

    Banorët kanë thënë për mediat se tanket izraelite kanë përparuar në qendër të qytetit nga veriu dhe jugu.

  • Palestina për herë të parë në Miss Universe, Nadine Ayoub: Unë mbaj zërin e një populli që refuzon të heshtë

    Palestina për herë të parë në Miss Universe, Nadine Ayoub: Unë mbaj zërin e një populli që refuzon të heshtë

    Showbiz E Hënë, 18 Gusht 2025 21:50
    Nadine Ayoub po krijon histori, pasi është gruaja e parë që përfaqëson Palestinën në konkursin ndërkombëtar të bukurisë Miss Universe. Organizata e Miss Universe (MUO) konfirmoi për CNN se Ayoub do të marrë pjesë në edicionin e vitit 2025, i cili do të mbahet më 21 nëntor në Bangkok, Tajlandë.
    “Organizata e Miss Universe mirëpret me krenari delegatë nga e gjithë bota, duke festuar diversitetin, dialogun kulturor dhe fuqizimin e grave”,-thuhet në deklaratë. “Nadine Ayoub, një aktiviste dhe modele e njohur nga Palestina, mishëron qëndrueshmërinë dhe vendosmërinë që karakterizojnë platformën tonë”.

    Ayoub do të konkurrojë përkrah pjesëmarrëseve nga më shumë se 130 vende dhe territore të tjera në konkursin e 74-të të Miss Universe. 27 vjeçarja në një postim në Instagram tha se dëshiron të jetë zëri i popullit palestinez. ”Jam e nderuar të njoftoj se, për herë të parë, Palestina do të përfaqësohet në konkursin Miss Universe. Ndërsa Palestina po përjeton tragjedi, veçanërisht në Gaza, unë mbaj zërin e një populli që refuzon të heshtë. Unë përfaqësoj çdo palestinez, grua dhe fëmijë, forcën e të cilëve bota duhet ta shohë. Ne jemi më shumë sesa vuajtja jonë – ne jemi qëndresë, shpresë dhe pulsi i një atdheu që jeton brenda nesh”.
    Përfshirja e një konkurrenteje palestineze në Miss Universe vjen në një moment kur kritikat ndërkombëtare ndaj luftës së Izraelit në Gaza po rriten. Sipas një deklarate të publikuar të hënën nga Ministria Palestinaze e Shëndetësisë, të paktën 62,004 persona janë vrarë në Rripin e Gazës që nga fillimi i konfliktit në tetor 2023. Autoritetet në Gaza nuk bëjnë dallim mes civilëve dhe militantëve të Hamasit në raportimet e viktimave, por Ministria e Shëndetësisë dhe Kombet e Bashkuara theksojnë se shumica e viktimave janë gra dhe fëmijë.

  • “Palestina2”, Huthi sulmon me raketa aeroportin e Tel Aviv

    “Palestina2”, Huthi sulmon me raketa aeroportin e Tel Aviv

    Forcat e armatosura të rebelëve Huthi të Jemenit shënjestruan Aeroportin Ben Gurion në Tel Aviv me një raketë hipersonike “Palestina-2”, njoftoi zëdhënësi Yahya Saree.

    Saree tha se njësia raketore e Forcave të Armatosura të Jemenit kreu me sukses një operacion unik ushtarak që synonte Ben Gurionin në Tel Aviv me raketën supersonike “Palestina-2”, raportoi agjencia iraniane e lajmeve Tasnim , e lidhur me rebelët Huthi.

    Zëdhënësi ushtarak jemenas deklaroi se operacioni e arriti me sukses objektivin e tij me ndihmën hyjnore, duke bërë që më shumë se 4 milionë izraelitë të iknin në strehimore dhe duke rezultuar në pezullime të fluturimeve në aeroport.

    Saree tha se Jemeni monitoron lëvizjet e armikut dhe planet që synojnë ndalimin e frontit mbështetës të Jemenit, duke shtuar se “ne dhe të gjithë njerëzit e lirë të kombit tonë të palëkundur dhe muxhahid, me ndihmën e Zotit, mbetemi në vigjilencë dhe gatishmëri të plotë për t’u përballur me çdo lëvizje armike për t’i mposhtur ata”.

    Zyrtarët ushtarakë izraelitë thanë se sistemet e mbrojtjes ajrore kanë interceptuar me sukses kërcënimin raketor nga Jemeni.

    Sirenat u dëgjuan në të gjithë Izraelin qendror, duke përfshirë zonën e Tel Avivit, rajonin Shfela, Jerusalemin dhe pjesë të Bregut Perëndimor, thanë raportet izraelite.

    Jemeni ka lëshuar rregullisht raketa dhe dronë ndaj objektivave izraelite që nga fillimi i luftës në Gaza, me rebelët Huthi që i kanë deklaruar operacionet e tyre si pjesë të solidaritetit me palestinezët nën bombardimet izraelite.

  • Tentoi të kalonte përtej kufirit emigrantë nga Palestina, arrestohet 37 vjeçari

    Tentoi të kalonte përtej kufirit emigrantë nga Palestina, arrestohet 37 vjeçari

    Policia e Elbasanit ka arrestuar një 37 vjeçar banues në Tiranë, pasi u kap duke transportuar me automjet, kundrejt fitimit, emigrantë nga Palestina, me qëllim kalimin e paligjshëm të kufirit.
    Uniformat blu kanë finalizuar operacionin e koduar “Aksi ”, si rezultat i të cilit u arrestua në flagrancë shtetasi:  D. B., 37 vjeç, banues në Tiranë.
    “Seksioni për Hetimin e Trafiqeve të Paligjshme të DVP Elbasan, në bashkëpunim me shërbimet e Forcës së Posaçme “Shqiponja” dhe shërbimet e Policisë Rrugore, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, si dhe mbështetur nga inteligjenca informative, kanë finalizuar operacionin policor të koduar “Aksi ”, si rezultat i të cilit u arrestua në flagrancë shtetasi:  D. B., 37 vjeç, banues në Tiranë. Ky shtetas u kap në flagrancë nga shërbimet e Policisë Elbasan, në aksin rrugor “Librazhd-Elbasan”, duke transportuar me automjet, kundrejt fitimit, 3 emigrantë nga Palestina, me qëllim kalimin e paligjshëm të kufirit”, thuhet në njoftimin e policisë.
    Në cilësinë e provës materiale u sekuestruan automjeti dhe 2 celularë.  Materialet procedurale i kaluan Prokurorisë, për veprime të mëtejshme.

  • Transportonte ilegalisht emigrantët nga Palestina, arrestohet 37-vjeçari në Elbasan 

    Transportonte ilegalisht emigrantët nga Palestina, arrestohet 37-vjeçari në Elbasan 

    Një 37-vjeçar është arrestuar në flagrancë në aksin rrugor Librazhd-Elbasan pasi u kap duke transportuar 3 persona nga Palestina, kundrejt pagesës, me qëllim kalimin e paligjshëm të kufirit.
    Policia sekuestroi makinën e Drisel Biçakut dhe 2 celularë si provë materiale.
    Njoftimi i policisë:
    Seksioni për Hetimin e Trafiqeve të Paligjshme të DVP Elbasan, në bashkëpunim me shërbimet e Forcës së Posaçme “Shqiponja” dhe shërbimet e Policisë Rrugore, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, si dhe mbështetur nga inteligjenca informative, kanë finalizuar operacionin policor të koduar “Aksi ”, si rezultat i të cilit u arrestua në flagrancë shtetasi:   
    D. B., 37 vjeç, banues në Tiranë.
    Ky shtetas u kap në flagrancë nga shërbimet e Policisë Elbasan, në aksin rrugor “Librazhd-Elbasan”, duke transportuar me automjet, kundrejt fitimit, 3 emigrantë nga Palestina, me qëllim kalimin e paligjshëm të kufirit.   
    Në cilësinë e provës materiale u sekuestruan automjeti dhe 2 celularë.
    Materialet procedurale i kaluan Prokurorisë, për veprime të mëtejshme.