Lajmidites.com

Tag: pakistan

  • Rasti i tretë këtë vit, ‘zhduken’ në Kanada anëtarët e ekuipazhit të Pakistan Airlines

    Rasti i tretë këtë vit, ‘zhduken’ në Kanada anëtarët e ekuipazhit të Pakistan Airlines

    Pakistan Airlines po regjistron një trend në rritje të “zhdukjeve” të anëtarëve të ekuipazhit të tyre në Kanada.
    Një asistente fluturimi, incidenti i tretë i tillë brenda një viti, nuk hipi në fluturimin Toronto-Lahore të planifikuar për 19 nëntor.
    Sipas PIA-s (Pakistan International Airlines), asistentja e fluturimit nuk u paraqitën në detyrë në fluturimin e kthimit. Kur u kontaktua nga menaxhmenti i linjës ajrore, ajo përmendi shëndetin e dobët si arsye të mungesës.
    Një zëdhënës i PIA-s tha se rasti është nën hetim: “Do të merren masa të departamentit kundër asistentes së fluturimit në rast të zhdukjes së paligjshme”, tha zëdhënësi. Rasti i asistentes të fluturimit i shtohet listës në rritje të anëtarëve të ekuipazhit të PIA-s që kanë përdorur ndalesat në Kanada si një mundësi për t’u arratisur, duke përmendur shpesh presionet ekonomike dhe rrugët e azilit të vendit si motive.
    Zhdukjet e anëtarëve të ekuipazhit të PIA-s në Kanada janë bërë gjithnjë e më të shpeshta. Në tetor 2024, një anëtar i ekuipazhit të kabinës me bazë në Islamabad u zhduk gjatë një ndalese në Toronto.
    Në mars të vitit 2024, një asistente fluturimi 47-vjeçare e PIA-s u zhduk në mënyrë të ngjashme në Kanada.
    Në shkurt të vitit 2024, një anëtar tjetër i ekuipazhit që mbërriti në Toronto nga Islamabadi nuk u paraqit për fluturimin e kthimit.
    PIA raportoi se tetë anëtarë të ekuipazhit u zhdukën në Kanada midis viteve 2022 dhe 2023, një rritje që zyrtarët e lidhën me politikat relativisht liberale të azilit të Kanadasë.
    Deri në fillim të vitit 2024, totali ishte rritur në 10, përfshirë dy asistente të tjera fluturimi, të cilat të dyja u zhdukën në shkurt të vitit 2024.

  • Anëtarët e ekuipazhit të Pakistan Airlines ‘zhduken’ në Kanada, rasti i tretë këtë vit

    Anëtarët e ekuipazhit të Pakistan Airlines ‘zhduken’ në Kanada, rasti i tretë këtë vit

    Pakistan Airlines po regjistron një trend në rritje të “zhdukjeve” të anëtarëve të ekuipazhit të tyre në Kanada.

    Një asistente fluturimi, incidenti i tretë i tillë brenda një viti, nuk hipi në fluturimin Toronto-Lahore të planifikuar për 19 nëntor.
    Sipas PIA-s (Pakistan International Airlines), asistentja e fluturimit nuk u paraqitën në detyrë në fluturimin e kthimit. Kur u kontaktua nga menaxhmenti i linjës ajrore, ajo përmendi shëndetin e dobët si arsye të mungesës.
    Një zëdhënës i PIA-s tha se rasti është nën hetim: “Do të merren masa të departamentit kundër asistentes së fluturimit në rast të zhdukjes së paligjshme”, tha zëdhënësi. Rasti i asistentes të fluturimit i shtohet listës në rritje të anëtarëve të ekuipazhit të PIA-s që kanë përdorur ndalesat në Kanada si një mundësi për t’u arratisur, duke përmendur shpesh presionet ekonomike dhe rrugët e azilit të vendit si motive.
    Zhdukjet e anëtarëve të ekuipazhit të PIA-s në Kanada janë bërë gjithnjë e më të shpeshta. Në tetor 2024, një anëtar i ekuipazhit të kabinës me bazë në Islamabad u zhduk gjatë një ndalese në Toronto.
    Në mars të vitit 2024, një asistente fluturimi 47-vjeçare e PIA-s u zhduk në mënyrë të ngjashme në Kanada.
    Në shkurt të vitit 2024, një anëtar tjetër i ekuipazhit që mbërriti në Toronto nga Islamabadi nuk u paraqit për fluturimin e kthimit.
    PIA raportoi se tetë anëtarë të ekuipazhit u zhdukën në Kanada midis viteve 2022 dhe 2023, një rritje që zyrtarët e lidhën me politikat relativisht liberale të azilit të Kanadasë.
    Deri në fillim të vitit 2024, totali ishte rritur në 10, përfshirë dy asistente të tjera fluturimi, të cilat të dyja u zhdukën në shkurt të vitit 2024.

    Top Channel

  • Shpërthim jashtë një gjykate në Pakistan, 12 të vdekur dhe dhjetëra të plagosur 

    Shpërthim jashtë një gjykate në Pakistan, 12 të vdekur dhe dhjetëra të plagosur 

    Një shpërthim në kryeqytetin e Pakistanit, Islamabad, të martën la të paktën 12 të vdekur dhe 20 të plagosur, sipas raportimeve nga Spitali i Institutit të Shkencave Mjekësore të Pakistanit.

    Një burim i sigurisë në Pakistan i tha CNN se shpërthimi pranë Gjykatës së Lartë të qytetit, herët pasdite të së martës, po hetohet si një sulm vetëvrasës.
    Islamabad kërkon një nivel të lartë sigurie për hyrje dhe dalje nga qyteti, me zona të veçanta sigurie në të gjithë kryeqytetin. Shpërthimi ndodhi në parkingun e kompleksit gjyqësor të qytetit, në një zonë me zyra të larta qeveritare.
    Një deklaratë e lëshuar nga një burim i sigurisë për CNN pretendon se sulmin e kryen militantë të lidhur me Talibanët Afghan dhe Indi.
    Ky sulm ndodh më pak se një ditë pas sulmit ndaj një kolegji nga militantë në veriperëndim të Pakistanit.

    Top Channel

  • Asif: Paqja Pakistan – Afganistan, varet nga ndalimi i inkursioneve nga talebanët

    Asif: Paqja Pakistan – Afganistan, varet nga ndalimi i inkursioneve nga talebanët

    Marrëveshja e armëpushimit midis Islamabadit dhe Kabulit është e lidhur me aftësinë e talebanëve në pushtet, për të frenuar militantët që sulmojnë Pakistanin nga Afganistani, tha për Reuters të hënën Ministri i Mbrojtjes i Pakistanit, Khawaja Muhammad Asif.

    Fqinjët e Azisë Jugore ranë dakord për një armëpushim në Doha në fundjavë pas ditësh përleshjesh kufitare që vranë dhjetëra të vdekur, dhuna më e keqe e këtij lloji që kur talebanët morën pushtetin në Kabul në vitin 2021.

    Luftimet tokësore midis aleatëve të dikurshëm dhe sulmeve ajrore pakistaneze përgjatë kufirit të tyre të kontestuar prej 2,600 km (1,600 milje) u shkaktuan pasi Islamabadi kërkoi që Kabuli të kontrollonte militantët, duke thënë se ata vepronin nga streha në Afganistan.

    “Çdo gjë që vjen nga Afganistani do të jetë (një) shkelje e kësaj marrëveshjeje”, tha Asif në zyrën e tij në parlamentin e Pakistanit në Islamabad. “Gjithçka varet nga kjo klauzolë e vetme.”

    Administrata talebane dhe ministria e mbrojtjes e Afganistanit nuk iu përgjigjën menjëherë kërkesave për koment.

    Në marrëveshjen e nënshkruar nga Pakistani, Afganistani, Turqia dhe Katari, ishte përcaktuar qartë se nuk do të kishte asnjë ndërhyrje, tha ministri.

    “Ne kemi një marrëveshje armëpushimi, për sa kohë që nuk ka shkelje të marrëveshjes që është tashmë në fuqi.”

    Tehreek-e-Taliban Pakistan, ombrella e disa grupeve militante islamike, vepron nga Afganistani për të sulmuar Pakistanin “në bashkëpunim” me talebanët, tha ministri.

    Kabuli më parë i ka mohuar akuzat e tilla./ Reuters.

  • Pakistan, trupat e tre grave transgjinore gjenden të vrara me armë zjarri buzë një rruge

    Pakistan, trupat e tre grave transgjinore gjenden të vrara me armë zjarri buzë një rruge

    Policia pakistaneze zbuloi sot trupat e të tre grave transgjinore në anë të një rruge, të vrara me armë zjarri.

    “Trupat e tre grave transgjinore janë gjetur plot me plumba”, tha për AFP-në zyrtari i policisë së Karaçit, Javed Ahmed Abro. “Ne ende po përpiqemi t’i identifikojmë ato”, tha ai, duke shtuar se ishte ende “shumë herët për të ditur motivin e këtyre vrasjeve”.
    Trupat u zbuluan pak pas mesnatës në lagjen Memon Goth të Karaçit.
    Kryeministri i provincës Sindh ka urdhëruar policinë të “arrestojë menjëherë vrasësit”. “Personat transgjinorë janë një segment i prekshëm i shoqërisë dhe ne të gjithë duhet t’i trajtojmë ata me dinjitet dhe respekt”, shtoi ai në një deklaratë.
    Amnesty International ka raportuar një rritje shqetësuese të dhunës kundër personave transgjinorë në Pakistan.

    Top Channel

  • Pakistan/ Sulm me eksploziv në një tubim politik në Balochistan, 14 të vdekur

    Pakistan/ Sulm me eksploziv në një tubim politik në Balochistan, 14 të vdekur

    Të paktën 14 persona u vranë të martën në mbrëmje kur një person shpërtheu eksploziv në një tubim partie në Balochistan në Pakistan , ndërsa 11 ushtarë dhe personel paraushtarak u vranë në sulme të tjera në vendin e Azisë Juglindore.

    Dy zyrtarë në provincën jugperëndimore të Balochistan, e cila është përfshirë gjithnjë e më shumë nga incidente të përgjakshme, thanë se dhjetëra të tjerë u plagosën në bombardim .

    “Shtatë prej tyre janë të shtruar në spital në gjendje kritike”, thanë ata me kusht anonimiteti, pasi nuk lejohen zyrtarisht të flasin me shtypin.

    Ata shpjeguan se kamikazi shpërtheu eksplozivët që mbante veshur në parkingun e stadiumit, ku ishin mbledhur qindra anëtarë të Partisë Kombëtare të Balochistanit (BNP).

    #BREAKING: Explosion targeting public rally in Pakistan’s southwestern province of Balochistan leaves four people dead and 10 injured – AA, citing health officials pic.twitter.com/ZSmHay6egi— TRT World (@trtworld) September 2, 2025

    Udhëheqësi i partisë Akhtar Mengal, i cili po mbante një fjalim në kohën e sulmit, siguroi nëpërmjet X se ishte “i sigurt”, por “i shokuar” nga humbja e anëtarëve të partisë. Aktualisht, askush nuk ka marrë përgjegjësi për bombardimin.

    Që nga 1 janari, sipas një llogaritjeje të AFP, më shumë se 430 persona, shumica e tyre anëtarë të forcave të sigurisë, janë vrarë në veprime nga grupe të armatosura që luftojnë kundër shtetit në provincat e Balochistan dhe Khyber Pakhtunkhwa.

    “Më herët dje në Balochistan, pesë personel paraushtarak u vranë dhe katër të tjerë u plagosën kur një bombë e improvizuar shpërtheu ndërsa konvoji i tyre kaloi pranë vendit ku ishte pozicionuar, pranë kufirit me Iranin”, tha një zyrtar lokal për AFP-në.

  • Sulm kamikaz në një tubim politik në Pakistan, 11 viktima dhe 40 të plagosur

    Sulm kamikaz në një tubim politik në Pakistan, 11 viktima dhe 40 të plagosur

    Të paktën 11 persona u vranë dhe rreth 40 të tjerë u plagosën sot kur një sulmues kamikaz në një tubim politik në qytetin jugperëndimor pakistanez të Quetta-s, thanë autoritetet lokale.

    Zyrtarët lokalë, duke folur për AFP në kushte anonimiteti, thanë se bombardimi ndodhi në parkingun e një stadiumi ku ishin mbledhur qindra anëtarë të Partisë Kombëtare të Balochistanit (BNP).
    Pakistani vjen nga nje konflikt i para disa muajve më Indinë në rajonin e Kashmirit. Territor nën administrimin indian që pretendohet nga të dyja palët.

    Top Channel

  • Tragjedi në Pakistan/ Shpërthim i fuqishëm në një depo fishekzjarresh në Karaç, 4 të vdekur dhe mbi 30 të plagosur

    Tragjedi në Pakistan/ Shpërthim i fuqishëm në një depo fishekzjarresh në Karaç, 4 të vdekur dhe mbi 30 të plagosur

    Një shpërthim  i fuqishëm ndodhi ditën e djeshme në një depo fishekzjarrësh në qytetin  pakistanez të Karaçit, duke vrarë katër persona dhe duke plagosur më shumë se 30. 

    Në veçanti, sipas Reuters, depoja dhe disa dyqane aty pranë u përfshinë nga flakët pas shpërthimit fillestar, i cili u pasua nga disa shpërthime më të vogla, duke i detyruar banorët të largoheshin nga zona.

    Intensiteti i shpërthimit ishte aq i fortë sa xhamat e dyqaneve aty pranë u thyen, duke shpërndarë copa xhami mbi njerëzit në rrugë.

    “Mendova se kishin shpërthyer disa bomba”, u tha gazetarëve Aqib Khan, një banor i zonës.

    A massive explosion at a fireworks warehouse in Karachi, Pakistan, left four people dead and more than 30 injured on Thursday, according to police.The blast triggered a fire that engulfed the warehouse and several nearby shops. Multiple smaller explosions followed, forcing… pic.twitter.com/0AcMWHI1Iu— The Siasat Daily (@TheSiasatDaily) August 22, 2025

    Siç shihet në video, tym i dendur ngrihej nga një ndërtesë shumëkatëshe ndërsa zjarrfikësit përpiqeshin të shuanin zjarrin. Deri më tani nuk ka asnjë të dhënë për shkakun e shpërthimit.

    Njerëzit filluan të vraponin për t’u fshehur dhe shoferët i devijuan me nxitim makinat e tyre. 

    Karaçi është kryeqyteti financiar i Pakistanit dhe ka një popullsi prej më shumë se 20 milionë banorësh, ndërsa shpërthimi ndodhi një ditë pasi shirat e rrëmbyeshëm të musoneve përmbytën qytetin.

  • Përmbytje katastrofike në Pakistan, mbi 300 viktima

    Përmbytje katastrofike në Pakistan, mbi 300 viktima

    Numri i të vdekurve nga përmbytjet e mëdha dhe rrëshqitjet e dheut në Pakistan dhe Kashmirin e administruar nga Pakistani vazhdon të rritet me shpejtësi, me të paktën 307 persona të konfirmuar të vdekur.

    Shumica e vdekjeve u regjistruan nga autoritetet e fatkeqësive në provincën malore Khyber Pakhtunkhwa në Pakistanin veriperëndimor.
    Të paktën 74 shtëpi janë dëmtuar, ndërsa një helikopter shpëtimi u rrëzua gjatë operacioneve, duke vrarë pesë anëtarë të ekuipazhit.

    Nëntë u vranë në Kashmirin e administruar nga Pakistani, ndërsa pesë të tjerë vdiqën në rajonin verior Gilgit-Baltistan, thanë autoritetet.
    Parashikuesit e motit thanë se pritej të shira të dendur deri më 21 gusht në veriperëndim të vendit, ku disa zona janë shpallur zona fatkeqësie, shkruan BBC.
    Në Buner, një i mbijetuar tha se përmbytjet mbërritën si “dita e fundit të botës”.
    “Dëgjova një zhurmë të fortë sikur mali po rrëshqiste. Vrapova jashtë dhe pashë të gjithë zonën duke u dridhur, sikur të ishte fundi i botës”, tha Azizullah.

  • Përmbytje në Pakistan, më shumë se 320 të vdekur nga uji dhe rrëshqitjet e dheut në 48 orë

    Përmbytje në Pakistan, më shumë se 320 të vdekur nga uji dhe rrëshqitjet e dheut në 48 orë

    Të paktën 320 persona kanë humbur jetën në 48 orët e fundit si pasojë e reshjeve të dendura dhe përmbytjeve masive që kanë goditur pjesën veriore të Pakistanit, sipas një bilanci të ri të publikuar nga autoritetet pakistaneze.

    Shifra e përgjithshme e viktimave që nga fillimi i sezonit të musoneve, në fund të qershorit, ka arritur tashmë në më shumë se 600 të vdekur në të gjithë vendin.
    Ndër zonat më të goditura është provinca malore Khyber Pakhtunkhwa, që ndodhet në kufi me Afganistanin. Sipas autoritetit lokal të menaxhimit të fatkeqësive, vetëm në këtë provincë janë regjistruar 307 viktima.

    Floods triggered by cloudbursts and monsoon rains have killed at least 300 people with many more still missing, authorities in India and Pakistan have said. pic.twitter.com/KWyx02hQ6U

    — DW News (@dwnews) August 16, 2025

    Shërbimet e kërkim-shpëtimit janë ende në terren, ndërsa vijojnë përpjekjet për të gjetur trupa të mbuluar nga balta dhe rrënojat.
    Kjo tragjedi nënvizon edhe njëherë rrezikun e lartë që përbën ndryshimi i klimës për vendet e prekura nga moti ekstrem dhe infrastruktura e dobët, duke e bërë Pakistanin një ndër vendet më të cenueshme ndaj fatkeqësive natyrore në rajon.
    /vizionplus.tv