Kroacia mund të padisë Shqipërinë për mbeturinat që pushtuan Dubrovnikun
Në Kroaci po mendojnë edhe që të ngrihet padi kundër Shqipërisë për shkak të mbeturinave që u transferuan para pak ditësh në rrugë detare drejt brigjeve të Dubrovnikut. Sipas mediave kroate kjo tezë është ngritur në mbledhjen e këshillit bashkiak të qytetit bregdetar kroat nga këshilltarja dhe njëkohësisht avokatja Viktorija Knežević.
“Pas një studimi të plotë të situatës, përgjigjja është se teorikisht mundemi, por praktikisht është shumë e vështirë të kemi sukses, gjë që nuk do të thotë se duhet të heqim dorë nga idea nëse asgjë tjetër nuk ndihmon. Pyetja më e rëndësishme tani është se çfarë tjetër mund të bëjmë për të ndaluar përsëritjen e fenomenit të plazheve tona të mbushura me mbeturina“, tha Viktorija Knežević.
Ajo ka theksuar se Konventa e Barcelonës i detyron të gjitha vendet mesdhetare, përfshirë Shqipërinë, të marrin masa që të zvogëlojnë sasinë e mbeturinave që përfundojnë në det. Kroacia mund të kërkojë po ashtu që Adriatiku jugor të shpallet zonë prioritare në këtë drejtim.
“Shqipëria është në procesin e negociatave të anëtarësimit në BE, gjë që i jep Kroacisë një mjet të fuqishëm për të kërkuar rezultate konkrete dhe të matshme në mbrojtjen e Adriatikut nga mbetjet. Ekziston një projekt kroato-shqiptar me UNDP-në që mund të zgjerohet për të përfshirë grykëderdhjet e lumenjve dhe vendgrumbullimet problematike të mbetjeve“, tha Knežević.
Sipas saj, ajo që del në plazhe përbën vetëm rreth 20% të totalit të mbeturinave, pasi rreth 80% e mbetjeve “shetitëse” fundosen në shtratin e detit.
“Ajo që pamë është vetëm maja e ajsbergut dhe barra e vërtetë mjedisore mbetet nën det, ku ne me sy të lirë nuk mund ta shohim, por ekosistemi ynë, peshkatarët, turizmi dhe shëndeti detar vuajnë pasojat“, shtoi ajo.
Knežević thekson se ka modele bashkëpunimi për përballimin e situatës me mbetjet që kanë pasur sukses tashmë në Detin Baltik, ku vendet fqinj kanë arritur të zvogëlojnë në mënyrë drastike sasinë e mbeturinave në bregdet përmes një plani të përbashkët veprimi.
Tag: padisë
-
Kroacia mund të padisë Shqipërinë për mbeturinat që pushtuan Dubrovnikun
-
TEMU paditet për vjedhje të dyshuar të të dhënave të konsumatorëve
Shteti amerikan i Arizonës ka vendosur sot të padisë shitësin me pakicë online kinez Tema dhe kompaninë PDD Holdings Inc për dyshimet se po përdorin për të vjedhur të dhënat e klientëve.
Prokurori i Përgjithshëm i Arizonës, Chris Mays, tha se aplikacioni i mashtron klientët në lidhje me cilësinë e produkteve të lira që ofrojnë dhe mbledh atë që ai e quan një sasi tronditëse të dhënash të ndjeshme pa pëlqimin e përdoruesve.
Midis këtyre të dhënave janë vendndodhjet GPS dhe të dhëna të tjera nga aplikacioni në telefonat e klientëve.
Sipas padisë, prokurorët e Arizonës janë të shqetësuar se Temu është nën juridiksionin e Kinës, e cila kërkon që kompanitë kineze t’ia dorëzojnë të gjitha të dhënat qeverisë në Pekin nëse kjo i kërkon.
Prokurorët thonë gjithashtu se kodi i Temu-t u krijua për të shmangur hetimet e sigurisë.
“Mund të zbulojë çdo vend ku shkoni, te mjeku, në bibliotekën publike, në një ngjarje politike, te miqtë tuaj në shtëpinë e tyre”, tha Mays në një konferencë për shtyp. “Prandaj, shkalla e shkeljes së privatësisë është e jashtëzakonshme, dhe për këtë arsye e konsideroj këtë si ndoshta shkeljen më serioze të Aktit të Mashtrimit të Konsumatorit të Arizonës që kam parë ndonjëherë në Arizona.”
Mays tha se dëshiron që shteti amerikan t’i mbrojë bizneset nga “kopjimi i lëkurës”, duke pretenduar se Temu kopjoi pronën intelektuale nga marka, përfshirë Universitetin Shtetëror të Arizonës.
Temu i mohoi këto pretendime sot.
Padi të ngjashme kundër platformës Temu janë ngritur në Kentucky, Nebraska dhe Arkansas vitet e fundit.
-
Kim Kardashian dhe Kris Jenner kundërshtuan padinë e Ray J, reagon ashpër ky i fundit
Ray J ka dorëzuar një përgjigje dhe kundër-padi ndaj padisë për shpifje të Kim Kardashian dhe Kris Jenner në lidhje me kasetën e tij seksuale me Kardashian. Në dokumentin e dorëzuar më 13 nëntor, Ray J (William Ray Norwood Jr.) akuzon Kardashian dhe Jenner për shkelje të një marrëveshje me vlerë 6 milionë dollarë, të arritur në vitin 2023 lidhur me kasetën. Ai mohon të gjitha akuzat për shpifje, duke i quajtur ato si një “shfaqje publike” të mbushur me “gënjeshtra të keqija” dhe thotë se padia nuk ka të bëjë me shpifjen, por me “përfitime publike, pushtet dhe hakmarrje.”
Ray J pohon se Kardashian dhe Jenner po e padisin për të tërhequr vëmendjen dhe për të nxjerrë përfitime për bizneset e tyre mediatike, duke kërkuar që padia të hidhet poshtë. Ai kërkon 1 milion dollarë dëme, përveç tarifave të avokatëve dhe dëmshpërblimeve të tjera.
Sipas padisë së Ray J, kaseta u filmua me pëlqimin e të dyve dhe ata kishin filluar të diskutonin për publikimin e saj në vitin 2006. Ai akuzon Kardashian dhe Jenner për përdorimin e një padie false për të krijuar një histori viktimizimi, ndërkohë që, sipas tij, ata kanë shpifur për një marrëveshje të rreme me kompaninë Vivid Entertainment që publikoi videon në vitin 2007. -
Pas padisë së Aida Hajnajt, Gjykata Administrative pezullon garën për drejtuesin e Policisë së Shtetit
Gjykata Administrative vendosi të pezullojë garën për drejtues në Policinë e Shtetit, e hapur në fillim të muajit nëntor.
Gazetarja e Top Channel Anila Hoxha, e cila ndoqi nga afër procesin, bën me dije se vendimi u dha pas padisë së Aida Hajnajt, e cila iu drejtua administratives në Tiranë pasi i mbaroi mandati si drejtoreshë e BKH.
Por ndërsa ligji thotë që ajo kthehet në detyrën e mëparshme si drejtuese, diçka e tillë nuk ndodhi
Në këto kushte Hajnaj kërkoi në administrative sigurim padie dhe ngrirje të garës për drejtues në Policinë e Shtetit derisa të zgjidhet kërkesa e saj për kthimin si drejtuese në Polici.Top Channel
-
Kjo nuk është drejtësi, Grenell: Kur të lirohet, Thaçi t’i padisë në SHBA të gjithë ata në Hagë
I dërguari i presidentit amerikan për misione të veçanta, Richard Grenell ka kritikuar sistemin evropian të drejtësisë dhe mbajtjen në paraburgim të ish-presidentit të Kosovës, Hashim Thaçi, pa nisur gjykimi ndaj tij.
Ai në një postim në platformën X ka shkruar se ka shumë arsye pse Evropa po dështon.
“Ka shumë arsye pse Evropa po dështon. Por një shembull është numri i madh i politikanëve evropianë që heshtin rehat për Hagën që mban një president shteti në burg për 5 vjet pa gjyq. Dhe pastaj gjyqi zgjat më shumë vite.
Është një sistem brutal arkaik i drejtuar nga elitat. Kjo nuk është drejtësi. Dhe askush nuk duhet të marrë më kurrë këshilla gjyqësore nga një evropian.
Shpresoj që Hashim Thaçi t’i padisë të gjithë në Hagë në një gjykatë amerikane kur të jetë jashtë – në fund të fundit, janë para të taksapaguesve amerikanë”, shkruan Grenell. -
Beteja për mandatin e deputetit, nis shqyrtimi i padisë së Andia Ullirit në Kolegjin Zgjedhor
Në Kolegjin Zgjedhor ka nisur shqyrtimi i padisë së demokrates Andia Ullirit.
Gazetarja e Top Channel, Elda Menga raporton se Ulliri kërkon rrëzimin e vendimit të KQZ-së që i dha mandatin Arjan Ndojas. Andia Ulliri përfaqësohet nga avokati Indrit Sefa, ndërsa Arjan Ndoja nuk është paraqitur, por përfaqësohet nga avokati Rexhë Margjeka.
Kandidatja demokrate, e cila kërkon t’i marrë mandatin ish prokurorit Arian Ndoja për shkak të kuotës gjinore, ka ankimuar në Komisionin e Ankimimeve dhe Sanksioneve si dhe vendimin e kryekomisionerit Celibashi që rrëzuan njeri pas tjetrës kërkesën e saj me argumentin se lista e hapur dhe ajo e mbyllur funksionojnë të ndara.
Ulliri kandidoi në listat e Partisë Demokratike-Aleanca për Shqipërinë Madhështore në qarkun e DurrësitTop Channel
-
Puthja që çoi në konflikt: Ish-CEO i Astronomer planifikon të padisë Coldplay
Andy Byron, ish-drejtori ekzekutiv i Astronomer, thuhet se po shqyrton mundësinë e paditjes së Coldplay për akuzën se e ka kapur me të dashurën e tij Kristin Cabot, drejtoreshën e burimeve njerëzore të kompanisë, gjatë një sesioni puthjeje me kamera në koncertin e tyre. Sipas burimeve pranë menaxherit të cituara nga New York Post , padia kundër grupit dhe organizatorëve të eventit bazohet në akuzat për “shkelje të privatësisë” dhe “shqetësim emocional” për shkak të sikletit që përjetoi. Tabloidi i New York-ut shpjegon se Byron, përveç “mosdhënies së pëlqimit për t’u filmuar”, ndihet “viktimë e poshtërimit publik pa pëlqim”, gjë që e ka “shndërruar atë në një meme”.
Ekspertët ligjorë të konsultuar nga gazeta besojnë se shanset e padisë për sukses janë të pakta.
Coldplay nuk i është përgjigjur ende zyrtarisht padisë së mundshme të Byron. Megjithatë, kolumnisti i njohur i thashethemeve, Rob Shuter, duke cituar burime, pohon se Chris Martin “qeshi me të madhe” me idenë e përfshirjes në veprime ligjore pas incidentit me kamerën e puthjes. Ekspertët ligjorë, siç u përmendën, janë skeptikë në lidhje me shanset e suksesit të padisë.
Pas dorëheqjes së Byron si CEO e Astronomer, shpërthyen polemika të forta sepse Cabot kishte mbetur në kompani. Por pak më shumë se një javë pas kamerës famëkeqe me puthje, ajo vendosi gjithashtu të linte rolin e saj. Pas jehonës globale të videos, kompania e teknologjisë njoftoi se kishte nisur një hetim të brendshëm për këtë çështje, i cili çoi në emërimin e bashkëthemeluesit dhe drejtorit kryesor të produktit Pete DeJoy si CEO të përkohshëm.