Lajmidites.com

Tag: pacolli

  • “Qante dy orë në makinën time dhe ankohej për vëllezërit”, Valon Ademi zbulon krisjen me Behgjet Pacollin: Ose ai, ose unë në burg!

    “Qante dy orë në makinën time dhe ankohej për vëllezërit”, Valon Ademi zbulon krisjen me Behgjet Pacollin: Ose ai, ose unë në burg!

    valon ademi dhe behgjet pacolli

    TIRANË- Valon Ademi, aksioner në ndërtimin e Aeroportit të Vlorës, ka qenë mbrëmjen e djeshme në studion e emisionit Opinion, ku ka zbuluar historinë e njohjes dhe më pas përplasjen me Behgjet Pacollin. Ademi, i cili drejton një kompani që merret me ndërtime në infrastrukturë kryesisht në Kosovë, tha se ai ka qenë i pari që ka shfaqur interes për ndërtimin e aeroportit të Vlorës, por nuk mund të përmbushte kriteret e koncensionit, dhe për këtë i është dashur bashkëpunimi me Pacollin, të cilin deri atëherë nuk e ka njohur. Ademi tha se me Pacollin janë njohur përmes pozicionit që a ika pasur si konsull i Shqipërisë në Kosovë, dhe e ka ndihmuar ish-politikanin që të pajisej me pasaportën shqiptare. Gjatë kësaj kohe, Ademi tha se ia kishte propozuar Pacollit që të hynin së bashku në tenderin për aeroportin e Vlorës, ndërsa stafet respektive ishin vënë në kontakt mes tyre.
    Sipas Ademit, në marrëveshjen verbale mes tyre, Pacolli i kishte propozuar që të kishin secili nga 50% të aksioneve, ndërsa pronari i 2A kishte thënë se do të mbante 49%, në raport me 51% që do të merrte ‘baca’. Por pavarësisht se njëri do të ndërtonte pistën, dhe tjetri infrastrukturën aeroportuale, si kriter për fitimin e tenderit, ishte dhe një kompani që duhet të kishte eksperiencë në pjesën e operimit të fluturimeve. Për këtë shkak kompania Mabex, ka propozuar kompaninë Yda që të bëhej pjesë e konsorciumit, ndërkohë që më parë nkjë ofertë e tillë për bashkëpunim ishte refuzuar nga një kompani franceze.
    Njohja me Pacollin
    Ademi: Në vitin 2019, kuptuam se e kishim të vështirë të plotësonim kriteret e garës, nuk kishim ndërtuar paraprakisht aeroport ne. E lashë si në heshtje atë çështjen, kriteret ishin goxha të vështira. Në atë periudhë, më kontakton shefi i kabinetit asokohe i zotit Pacolli, kisha në raport me të, më kontakton pa asnjë lidhje. Valo thotë zoti Pacolli ka marrë dekret nga Presidenti, a mund të na asistosh si t’i nxjerrim pasaportën. Isha konsull nderi i Shqipërisë në Kosovë. Më kërkon këtë nder, i them po absolutisht, unë shkoj me makinën time madje. E mar zotin Pacolli, aty ishte takimi ynë i parë.
    Propozimi për të marrë pjesë në koncensionin për aeroportin
    Ademi: Të nesërmen zoti Pacolli thotë a ikim përtej Golemit, më tha më ka ofruar njëri një tokë, ikim ta shohim. Duke u kthyer unë e pyes, a ke ndërtuar ndonjë aeroport, po Valon më tha si jo. Ok i thashë bacë, jam duke menduar për të aplikuar në një tender për aeroportin e Vlorës, nëse ke interes, mund të aplikojmë bashkë. Nuk u bë shumë ky muhabet, të nesërmen vendosim në kontakt stafet tona dhe ata shkëmbejnë dokumentacionin për të parë a i përmbushim kriteret. Ndoshta pas një jave, më fton dhe më thotë, a aplikojmë bashkë në atë tender. I thashë po, absolutisht! I thashë a mund të sigurojmë një kredi, si e ke menduar bacë i thashë, tha 50/50. I thashë jo ti 51 unë 49.
    Si u fut kompania turke në lojë
    “Nga refuzimi prej kompanisë franceze, dikush nga stafi i Mabetex, njihet me një nga kompania turke që punonte në Kazakistan, atje ku punon edhe kompania e zotit Pacolli”, tha Ademi, duke deklaruar me bindje se “kompania turke YDA Group është kërkuar dhe gjetur nga Mabetex”. “Di që pronari i kësaj kompanie ka ardhur në Tiranë më 11 janar 2021, e di që pjesë e takimit me zotin Pacolli, kanë qenë edhe pjesëtarë të kompanisë time, unë personalisht jo!”.
    Pse u tërhoqën turqit nga investimi
    Blendi Fevziu: Një nga problemet e tjera ishte largimi i turqve. Pse ikën turqit?
    Valon Ademi: Unë isha dëshmitar sepse thirra një mbledhje të aksionerëve Blendi sepse nuk po investonte asnjëri nga ata, ndërkohë që ne do të duhej të fillonim punën. Ministria na bënte presion vazhdoni punën, këta jo po do të shikojmë ne, do të bëjmë ne, ndërkohë që unë kisha sjellë makineritë, stafin.
    Blendi Fevziu: Po pse ikën turqit?
    Valon Ademi: Nuk donin të investonin.
    Blendi Fevziu: Pse kishin hyrë në kompani kur s’donin të investonin?
    Valon Ademi: Nuk di ta them.
    Blendi Fevziu: Kjo është ajo pika e errët e turqve që tregon që këta realisht kanë ardhur për të marrë ato lekët dhe ikën. Erdhën, kishin edhe një lidhje me spitalin e Fierit…
    Valon Ademi: Cilat lekë?
    Blendi Fevziu: 3 milionë euro.
    Valon Ademi: Kush ia dha këto 3 milionë euro, z. Pacolli?
    Blendi Fevziu: Po.
    Valon Ademi: Nga ia dha?
    Blendi Fevziu: Nuk e di nga ia ka dhënë. Kompania turke është larguar pasi ka marrë një shumë dhe nuk ka bërë asnjë ditë punë dhe nuk ka derdhur asnjë lek që tregon që ka qenë fiktive se po të donte të operonte me aeroportin siç kërkonte në bazë të koncensionit, kompania do të qëndronte dhe do të administronte koncensionin.
    Valon Ademi: Llafet e Pacollit e bëjnë fiktiv turkun, ndërkohë që dokumentacioni, letrat, thonë që turkut iu blenë 4 mijë euro aksione.
    Blendi Fevziu: Ato janë aksionet nominale.
    Valon Ademi: O Blendi, a e kupton që në vitin 2021 nuk donin të të jepnin as bankat para, nuk donin të të shikonin njerëzit se ishte koha e pandemise, thoshin çfarë janë këta budallenj që investojnë në aeroportin e Vlorës?
    Blendi Fevziu: Pse ikën turqit?
    Valon Ademi: Se ndoshta kishin frikë, ndoshta s’kishin lekë. Nuk e di. Por në mbledhje të asamblesë, e thirrur nga unë, përfaqësuesi i kompanisë YDA thotë ne nuk mund të investojmë në këtë projekt. Kaq, shumë e thjeshtë.
    Si ndodhi krisja me Pacollin
    Blendi Fevziu: Kur ka ndodhur thyerja juaj? Në cilën kohë? Kur doli çështja e aksioneve? Më herët, më vonë?
    Valon Ademi: Unë me z. Pacolli u prisha në maj të këtij viti.
    Blendi Fevziu: Pse?
    Valon Ademi: Është ai projekti në Bengazi, i Libisë. Atje bëri një veprim Behgjet Pacolli. Unë nga atje kuptova diçka të madhe. Behgjet Pacolli merr në telefon njeriun tim atje dhe i kërkon atij që të punonte për të, këtë gjë e bën jashtë dijenisë sime.
    Ademi pretendon se ky ishte një skenar, teksa shton: “A e kupton ti ku shkova unë me z. Pacolli? Unë kam shkuar e kam takuar në Lugano pasi ishte sëmurë, unë në makinë me të, ai filloi qau dy orë në makinë duke thënë që të gjithë ma bëjnë të padrejtë, ma bëjnë dhe vëllezërit, dhe unë i besoja, kaq është shumë e thjeshtë!”.
    Ademi i qëndron marrëveshjes që është nënshkruar përpara noteres, me një prokurë në emër të asamblesë së MABCO, që i shet atij 40% të aksioneve. Marrëveshja sipas tij është bërë përmes një prokure që mban firmën e të vëllait të Behgjet Pacollit, Eminit, të cilin pretendon se e ka takuar vetëm njëherë. Sipas Ademit, ai ka pasur një raport besimi me Pacollin, dhe për këtë shkak nuk ka kërkuar që të blinte ai në mënyrë direkte aksionit nga turqit, që u tërhoqën nga investimi. Përmes faturave që paraqiti në emision, kompania 2A deri tani ka investuar rreth 25 milionë euro në ndërtimin e aeroportit të Vlorës, ndërkohë që Pacolli propozoi që marrëveshja e re me ta të nënshkruhet 3 muaj pas përfundimit të punimeve.
    “Investimi në atë projekt ka nisur që nga dita e parë, këtu edhe garancinë e kontratës e kam paguar unë. Aviacioni në vitin 2021 ishte në një krizë, që kujtdo t’i thoje që do investoj, të shikonin si budalla. Ata (Pacolli dhe kompania turke) nuk e donin këtë projekt. Madje kishin frikë sepse kishte rrisqe të larta. Unë kam të gjithë dokumentacionin, faturat, librat ndërtimorë, sepse aty nuk është Netflix, është një kompani që ka investuar afërsisht 25 milion euro, kryesisht në infrastrukturën e pistës me aksesorët rreth e rrotull”, tha Ademi.
    Tashmë që çështja e aksioneve ka përfunduar në derën e prokurorisë së Tiranës, Ademi tha që pret që njëri prej të dyve të shkojë në burg, ose Pacolli si mashtrues, ose ai si hajdut.
    Blendi Fevziu: Çfarë prisni nga prokuroria?
    Valon Ademi: Nga prokuroria ose duhet të shkoj unë si hajdut në burg, ose duhet të shkojë ai si mashtrues.
    Blendi Fevziu: Por mund të zgjidhet edhe pa burg kjo, bini dakord, ndani aksionet në bazë të investimit.
    Valon Ademi: Ah, nëse prokuroria shqiptare merret me bie dakord ai, në rregull.
    Blendi Fevziu: Ti pret o ai, o ti.
    Valon Ademi: Unë e kam kallëzuar Behgjet Pacollin në prokurori për mashtrues. Ai më ka kallëzuar, kundërpadi, pra në këto kushte ose do të duhet të përgjigjem unë penalisht për vjedhje, mashtrim, ku e di unë, ose duhet të përgjigjet ai për mashtrim.
    Por, Ademi thekson se ka një mënyrë që mes tij e Pacollit marrëdhënia të funksionojë.
    Valon Ademi: Absolutisht ka vend që unë të vazhdoj të funksionoj me z. Pacolli. Ka vend, por me Compartment Berninën, kurrë.
    Blendi Fevziu: Po me Pacollin ka vend.
    Valon Ademi: Por s’është më i shkreti, iku.
    Sipas Ademit, aeroporti i Vlorës do të hapet më 1 mars 2026, pavarësisht se situata duket tejet komplekse.
    “Do e hapim në 1 mars. Do ulim avionin dhe do vazhdojmë operimet. Ne s’shesim bileta, e di çfarë kërkese ka Blendi?! Të hatashme, nga të gjitha kompanitë! Wizz Air, Ryanair, këto kompanitë low cost.”
    Ademi e përmbylli deklarimin e tij, me pretendimin se financimi që Pacolli ka marrë përmes kredisë, për ndërtimin e pjesës së tij të aeroportit, e ka bërë atë që të shesë të drejtat mbi këtë objekt.
    “Kontrata e Delpho nuk është kontratë kredie, por marrje me dhunë! Problemi është kontrata e shitjes, marrje me dhunë e aeroportit. Ore nuk do e marrin! Kur lexon kontratën thua ore kush është ky njeri që merr këtë lloj borxhi?! Compartment Bernina nuk e di njeri se kush është, ai do marrë aeroportin. Inshallah nuk janë rusë, se do dalë edhe tradhtar, deri këtu është në nivelin e mashtrimit. Po na doli rusi, do dalë edhe tradhtar ky. Delpho nuk është bankë!”, tha Ademi. /ZËRI 

  • “Unë 49, ti 51%”/ Ademi rrëfen marrëveshjen e parë me Pacollin për aeroportin e Vlorës

    “Unë 49, ti 51%”/ Ademi rrëfen marrëveshjen e parë me Pacollin për aeroportin e Vlorës

    Fillimisht, Ademi rrëfeu historinë e familjes së tij, që u zhvendos nga Kosova në Shqipëri në vitin 1990.

    -Ju jeni person, ose profil biznesi shumë pak i njohur në Shqipëri, prej sa kohësh drejtoni kompaninë?

    Ademi: Ne kemi një biznes familjar që daton që në vitet ’80 në Kosovë dhe në vitin ’90 u transferuam për shkak të përndjekjes që i bëhej tim eti. Në atë periudhë ai merrej me tregti, në fillim të viteve ’90, im atë përndiqej nga Serbia dhe ne zhvendosemi në Tiranë. Edhe këtu filloi të merrej me biznes, mbaj mend që sillte soba të vajgurit nga Turqia, deri në vitin 1994. Në atë vit, futet në biznesin e ndërtimit, projekti i parë ishte Linza, në Dajt. Kompania jonë ishte nënkontraktori kryesor i Kharafi Group në atë kohë. Pastaj vazhduam me Ambasadën amerikane, Sheratonin, në 1997.

    Pastaj nisëm edhe me ndërtim privat, në 1999-ën kemi përfunduar një pallat te Fakulteti i Shkencave, një pallat 16-katësh. Jemi marrë me rrugë, edhe në Shqipëri, edhe në Kosovë. Me biznes shkuam në Kosovë pas lufte! Edhe me ndërtim të lartë, edhe me ndërtim të ulët, ne hapëm fabrika për shitjen e betonit, guroren.

    -Në cilin vit e morët menaxhimin e kompanisë?

    Ademi: E kam marrë në moshën 20-vjeçare.

    -Që kur ishe ende student?

    Ademi: Saktë! Pa dëshirën e tim eti, por me vullnetin tim të madh.

    Theksoi se është edukuar në Shqipëri, ndërsa studimet e larta i ka mbyllur në Kosovë. Kur ishte 25 vjeç, e mori krejtësisht në dorë kompaninë.

    “Në Kosovë, u fokusuam te ndërtimet publike, sepse aty ishin punët më të mëdhaja. Kompania ime mund të ketë më shumë se 300 punëtorë, ajo që merret me ndërtimin, 2A Group”, tha Ademi.

    I pyetur se a ka qenë ai që ka kërkuar që Pacolli të marrë pjesë në atë projekt, u përgjigj duke kujtuar takimin e parë me të.

    Në vitin 2019, kuptuam se e kishim të vështirë të plotësonim kriteret e garës, nuk kishim ndërtuar paraprakisht aeroport ne. E lashë si në heshtje atë çështjen, kriteret ishin goxha të vështira. Në atë periudhë, më kontakton shefi i kabinetit asokohe i zotit Pacolli, kisha në raport me të, më kontakton pa asnjë lidhje. Valo thotë zoti Pacolli ka marrë dekret nga Presidenti, a mund të na asistosh si t’i nxjerrim pasaportën. Isha konsull nderi i Shqipërisë në Kosovë. Më kërkon këtë nder, i them po absolutisht, unë shkoj me makinën time madje. E mar zotin Pacolli, aty ishte takimi ynë i parë.

    Nënvizoi se ka dhe foto e dëshmi për të gjitha këto.

    “Të nesërmen zoti Pacolli thotë a ikim përtej Golemit, më tha më ka ofruar njëri një tokë, ikim ta shohim. Duke u kthyer unë e pyes, a ke ndërtuar ndonjë aeroport, po Valon më tha si jo. Ok i thashë bacë, jam duke menduar për të aplikuar në një tender për aeroportin e Vlorës, nëse ke interes, mund të aplikojmë bashkë. Nuk u bë shumë ky muhabet, të nesërmen vendosim në kontakt stafet tona dhe ata shkëmbejnë dokumentacionin për të parë a i përmbushim kriteret.

    Ndoshta pas një jave, më fton dhe më thotë, a aplikojmë bashkë në atë tender. I thashë po, absolutisht! I thashë a mund të sigurojmë një kredi, si e ke menduar bacë i thashë, tha 50/50. I thashë jo ti 51 unë 49”, tregoi ai më tej.

    Sipas Ademit, u kuptuar se asnjëra prej kompanive nuk i plotësonte kriteret për operimin e aeroportit.

    “Nga refuzimi prej kompanisë franceze, dikush nga stafi i Mabetex, njihet me një nga kompania turke që punonte në Kazakistan, atje ku punon edhe kompania e zotit Pacolli”, tha Ademi, duke deklaruar me bindje se “kompania turke YDA Group është kërkuar dhe gjetur nga Mabetex”.

    “Di që pronari i kësaj kompanie ka ardhur në Tiranë më 11 janar 2021, e di që pjesë e takimit me zotin Pacolli, kanë qenë edhe pjesëtarë të kompanisë time, unë personalisht jo!”, tha ai.

    “Më 22 dhjetor 2020, është firmosur marrëveshja që ne do të aplikonim në tender”, rrëfeu Ademi për periudhën para se të nisnin punimet në aeroportin e Vlorës.

  • Rrëfimi i Pacollit/ Aeroporti skandali tjetër i tenderit të Ballukut

    Rrëfimi i Pacollit/ Aeroporti skandali tjetër i tenderit të Ballukut

    Rrëfimi i Pacollit/ Aeroporti skandali tjetër i tenderit të Ballukut
    Ngjashmëritë e frikshme ses tenderit për tunelin e Llogarasë për tëcilin ështe marrë e pandehur Balluku dhe atij për Aeroportin e Vlorës. Faktet e raja që tregoi Behgjet Pacolli
    Në mënyrë identike sikurse akuzohet nga SPAK për manipulimin e tenderit të tunelit të Llogarasë, ministrja e infrastrukturës Belinda Balluku duket se ka vepruar edhe për atë të aeroportit të Vlorës.
    Një rrëfimi i gjatë i biznesmenit milliarder Behgjet Pacolli ka hedhur më shumë dritë për mënyrën se si bëhen “garat” e koncesioneve të mëdha në Shqipëri, ku personat dhe kompanitë paracaktohen paraprakisht. Pacolli ka rrëfyer për Fevziun, në Opinion, se kur ai vendosi të konkurronte për aeroportin e Vlorës, e mori në telefon një i njohuri i tij, pronari i kompanisë turke YDA Group që e njoftoi se bashkë me të do të futej edhe ai. “Ai më tha se e kishin njoftuar nga presidenca turke se duhej të merrin pjesë në këtë garë”, tregoi Pacolli.Ashtu sikurse dihet YDA Group, u fut në tendër vetëm për të plotësuar kriterin e një firme që kishte eksperiencë në punime të tilla që ishte një kusht për të marrë pjesë në konkurim. Por sapo puna u krye turqit u larguan duke arkëtuar sipas Pacollit 3 milionë euro vetëm se kishin dhënë letrat.
    Me sa duket ministrja Balluku kishte një marëveshje sekrete me ta sepse kur përfaqësuesi i YDA dhe Pacolli shkuan për takim në zyrën e saj, ajo as i adresoi fjalën biznesmenit kosovar. Ajo foli vetëm me turkun dhe e detyroi Pacollin të largohej nga takimi e të dilte jashtë. Pse i takoi Balluku fituesit para garës? Ç’kishte per ti thëne ajo palës turke?
    Këto insinuata nuk përbëjnë të vetmin dyshim. Njësoj si në tenderin e tunelit të Llogarasë aty përmendet emri i Erdoganit. Te tuneli, Balluku ka transferuar një mesazh, të kapur më pad nga SPAK, ku kompania turke Interkar ASL pretendon se është “e perferuruara e presidentit”. Në të dyja rastet turqit futen në tender vetërm formalisht pa bërë asnjë punë. Në të dyja rastet ata largohen me miliona të pamerituara që “nuk dihet” pse i kanë përfituar.
    Pra ngjashmëritë janë shumë të forta. Ndonëse, në intervistën për Fevziun Pacolli e mohoi të ketë dhënë ryshfet dhe hodhi poshtë aludimet e bëra se ikja e turqve lidhej me ndonjë skemë korruptive. “As Rama as Balluku nuk është marrë me %-t e aksioneve….Edi Rama nuk më ka pyetur kurrë për aksionet, e vetmja gjë që më ka kërkuar ishte nëse aeroporti mund të inagurohej para zgjedhjeve” tregoi ai, duke shtuar se ky afat qe i pamundur të arrihej.
    Por Behgjet Pacolli as nuk u pyet, as nuk u përgjigj, vetëm për një gjë. Si është e mundur që ai bashke më turqit e YDA Group u bënë fitues të një “gare” të manipuluar e cila gjithashtu ka përfunduar në SPAK me akuzën e “shkeljes së barazisë në tendera” njësoj si për tunelin e Llogarasë.
    Në tenderin e shpallur në fund të 2020-ës ka pasur një varg shkeljesh. Fillimisht ishte kërkuar që të ndërtohej një aeroport për 10 milionë pasagjerë dhe me dy kulla kontrolli. Që fituesit të ishin ata që u paracaktuan, katër ditë para garës, kapaciteti u zbrit në 2 milionë dhe kullat përfunduan në një.
    Për më tepër kompania tjetër konkurente, britanikja AL-DE, ndonëse me kushte shumë më të favorshme për interesin publik, u skualifikua nga gara me justifikimin banal se nuk kishte dorëzuar dokumentacionin e plotë. Britanikët e AL-DE Corporation LTD e denoncuan garën e paregullt dhe për këtë çështje SPAK ka njoftuar se ka hapur hetim, për shpërdorim detyre, favorizim të palëve të caktuara dhe shkelje të pabarazisë në tendera.
    Por nuk përfundon këtu. Pas marrjes së tenderit fiktiv kompania fituese kishte tre aksionerë: Mabco Construction e Pacollit me 58 për qind, YDA Group, e turqve që kishin ndërtuar edhe spitalin elektoral të Fierit me 40 për qind dhe 2A Group e Valon Ademit me 2 për qind.YDA Group, siç u tha, ishte përfshirë në koncesion për shkak të përvojës së saj për ndërtimin e aeroportit, pa të cilën nuk mund të justifikohej përmbushja e kritereve të garës. Prandaj ajo u “shpërblye” me 40 për qind të aksioneve.
    Po ç’ndodhi? Ndonëse u shpallën fitues, turqit e YDA Group u tërhoqën menjëherë pas përfundimit të procesit duke paguar një shumë qesharake, 4200 euro për 40%-shin e tyre. Në fakt, sipas rrëfimit të fundit të Pacollit ata u larguan me 3 milionë euro ndërkohë që kishin kërkuar 5 milionë
    Që këtu autoritetet shtetërore duhet të ndiznin sinjalin e kuq të alarmit sepse ligji për Koncesionet dhe Partneritetin Publik Privat detyron që përpara ndryshimit të çdo aksioneri në kontratat koncesionare, duhet marrë fillimisht miratimi i Autoritetit Kontraktor dhe Ministrisë së Financave. A e bënë këtë gjë? Natyrisht që jo. A dëshmon kjo se ishin palë në organizimin e një gare fiktive me një kompani turke të futur vetëm për letra? Natyrisht që po. Këtë e vërteton fakti se shitja e 40% të aksioneve që kaluan nga turqit tek Pacolli, në dhjetor të vitit 2022 (pikerisht ato aksione për të cilat po bëhet sherri i sotëm), është miratuar nga titullari i Autoritetit Kontraktor, ministrja e Infrastrukturës dhe Energjisë dhe ministrja e Financave!
    ©Lapsi.al

  • Miliarderi Behgjet Pacolli flet me emra, tregon si Balluku kërkoi të fuste turqit në Aeroportin e Vlorës dhe zbulon…

    Miliarderi Behgjet Pacolli flet me emra, tregon si Balluku kërkoi të fuste turqit në Aeroportin e Vlorës dhe zbulon…

    Biznesmeni nga Kosova, Behgjet Pacolli zbuloi për herë të parë prapaskenat se si ai u përfshi në ndërtimin e Aeroportit të Vlorës, ndërsa hodhi akuza të forta ndaj zv/kryeministres Belinda Balluku. Në një intervistë për emisionin “Opinion”, Pacolli zbuloi edhe një takim që ishte zhvilluar në zyrën e ministres së Infrastrukturës, Belinda Balluku në prani të përfaqësuesit të kompanisë turke që tregon se tenderi ndërkombëtar për këtë koncesion ka qenë fiktiv pasi fituesit ishin të paracaktuar.
    Fillimisht Pacollit ka dhënë versionin e tij për mënyrën se si mësoi për këtë investim. “Ai (Valon Ademi) vjen dhe e shpalos idenë dhe më thotë se është ky koncesion i cili ka dështuar një herë në të kaluarën për shkak se investitorët nuk e kanë parë si fitimprurës, por sipas tij mund të ishte interesant.
    Ai më tha se donte të hynte, por nuk e kishte mundësinë pasi nuk i kishte as referencat dhe as mundësitë financiare. I kam kaluar dokumentet kompanisë që t’i shqyrtonte nëse ishte me interes. Nuk kam folur me Ramën, me asnjë. Zonjën Balluku e kam takuar më vonë. Kompania më ktheu përgjigje dhe më tha se ishte me interes ndaj bënë referencën dhe dokumentet bankare. Më thonë se dokumentet janë gati, por më thanë se na mungonte një kompani menaxhuese për shkak se kontrata e koncesionit e kërkonte edhe këtë. Duhej një kompani menaxhuese pas ndërtimit. Kompania ime në Zvicër kontaktoi disa kompani, në Francë, në Gjermani… Mbetën në kontakt me Aeroportin e Munihut dhe ata treguan interes dhe prisnin që ne t’i thërrasim”, tregoi miliarderi Pacolli.
    Detaje nga takimi
    Më pas është zhvilluar takimi me turqit dhe Ballukun në zyrën e kësaj të fundit, takim nga i cili Pacolli, theksoi se mbeti i pakënaqur për mënyrën se si u trajtua nga ministrja. “Në këtë kohë marr një telefonatë nga një person në Turqi, të cilin unë e kisha njohur herët në Kazakistan, një i ashtuquajtur Hyseni që më thotë: “Zoti Behgjet unë jam ai” dhe më bie ndërmend kush ishte. Ai më tha se kishte marrë një telefonatë nga Presidenca turke që të udhëtonte në Shqipëri me dy detyra. E para ishte që të ndërtonte një spital dhe e dyta për një aeroport që ata mund të ishin bashkëfinacues.
    I them: “Pse jo. Është në rregull kjo që të bëhet”. Unë isha më pas në një event në Kazakistan ku ishte dhe ai dhe biseduam. E lamë që të bëjmë një takim në Shqipëri. Kam marrë një telefonatë prej tij më pas dhe më tha që kishte lënë një takim në ministrinë e Infrastrukturës në Shqipëri dhe më pyeti nëse mund të vija dhe unë. Dhe unë shkova. Ishte një ditë me shi. Unë u vonova pak në trafik, por ai më priste para derës së ministrisë. E takova në fund të shkallëve dhe shkuam të ministrja. Hymë brenda dhe ai u ul përballë ministres. Unë mbeta në një anë tjetër. Unë shihja në fytyrë vetëm turkun dhe shpinën e ministres gjithë kohën. Kuptova që ministrja i propozoi që të marrë pjesë në këtë tender. Ajo i propozoi që të ishin bashkë-financues. Unë në një moment ju them: “Ju jeni duke bërë muhabet.
    Unë po shkoj. Po e pres këtë mikun tim poshtë në restorant. Përshëndetem me ta dhe dal. Të them të drejtën isha pak i fyer. Ishte hera e parë që shkoj diku dhe dikush nuk më konsideron. Megjithatë turku erdhi në restorant dhe më tha se do të merrte 60%. I thashë dakord, por unë do të rivlerësoja nëse ia vlente të hyja në minorancë në këtë investim apo jo. Kam folur me kompaninë dhe isha i bindur që të mos hyja në këtë investim. Duke u kthyer në Kosovë, turku më telefonon dhe më thotë që unë do të kisha 60% dhe ata 40%. Megjithatë marrëveshja ishte që 2% i merrte Valon Ademi ndaj në fund ramë dakord që unë të kisha 58%, turqit 40% dhe Valon Ademi 2%”, nënvizoi Pacolli.
    Prapaskenat dhe mesazhi
    Por teksa shohim këto deklaratë të z. Pacolli, në mënyrë identike sikurse akuzohet nga SPAK për manipulimin e tenderit të tunelit të Llogarasë, ministrja e Infrastrukturës Belinda Balluku duket se ka vepruar edhe për atë të aeroportit të Vlorës. Rrëfimi i biznesmenit miliarder, Behgjet Pacolli ka hedhur më shumë dritë për mënyrën se si bëhen “garat” e koncesioneve të mëdha në Shqipëri, ku personat dhe kompanitë paracaktohen paraprakisht. Pacolli ka rrëfyer për moderatorin Fevziun, në Opinion, se kur ai vendosi të konkurronte për aeroportin e Vlorës, e mori në telefon një i njohuri i tij, pronari i kompanisë turke YDA Group që e njoftoi se bashkë me të do të futej edhe ai.
    “Ai më tha se e kishin njoftuar nga presidenca turke se duhej të merrni pjesë në këtë garë”, tregoi Pacolli. Ashtu sikurse dihet YDA Group, u fut në tender vetëm për të plotësuar kriterin e një firme që kishte eksperiencë në punime të tilla që ishte një kusht për të marrë pjesë në konkurrim. Por sapo puna u krye turqit u larguan duke arkëtuar sipas Pacollit 3 milionë euro vetëm se kishin dhënë letrat. Me sa duket ministrja Balluku kishte një marrëveshje sekrete me ta sepse kur përfaqësuesi i YDA dhe Pacolli shkuan për takim në zyrën e saj, ajo as i adresoi fjalën biznesmenit kosovar. Ajo foli vetëm me turkun dhe e detyroi Pacollin të largohej nga takimi e të dilte jashtë. Por kjo insinuatë nuk përbën të vetmin dyshim. Njësoj si në tenderin e tunelit të Llogarasë aty përmendet emri i Erdoganit. Te tuneli, Balluku ka transferuar një mesazh të kapur nga SPAK ku kompania turke Interkar ASL pretendon se është “e preferuara e presidentit”.
    Në të dyja rastet turqit futen në tender vetëm formalisht pa bërë asnjë punë. Në të dyja rastet ata largohen me miliona të pamerituara që “nuk dihet” pse i kanë merituar.  Pra ngjashmëritë janë shumë të forta. Ndonëse në intervistën për Fevziun, Pacolli e mohoi se ka dhënë ryshfet dhe hodhi poshtë aludimet e bëra se ikja e turqve lidhej me ndonjë skemë korruptive. “As Rama as Balluku nuk është marrë me %-t e aksioneve….Edi Rama nuk më ka pyetur kurrë për aksionet, e vetmja gjë që më ka kërkuar ishte nëse aeroporti mund të inaugurohej para zgjedhjeve” tregoi ai, duke shtuar se ky afat qe i pamundur të arrihej. Por Behgjet Pacolli as nuk u pyet as nuk u përgjigj vetëm për një gjë. Si është e mundur që ai bashke më turqit e YDA Group u bënë fitues të një “gare” të manipuluar e cila gjithashtu ka përfunduar në SPAK me akuzën e “shkeljes së barazisë në tendera njësoj si për tunelin e Llogarasë.
    Në tenderin e shpallur në fund të 2020-ës ka pasur një varg shkeljesh. Fillimisht ishte kërkuar që të ndërtohej një aeroport për 10 milionë pasagjerë dhe me dy kulla kontrolli. Që fituesit të ishin ata që u paracaktuan, katër ditë para garës, kapaciteti u zbrit në 2 milionë dhe kullat përfunduan në 1. Për më tepër kompania tjetër konkurrente, AL-DE, ndonëse me kushte shumë më të favorshme për interesin publik, u skualifikua nga gara me justifikimin banal se nuk kishte dorëzuar dokumentacionin e plotë. Britanikët e AL-DE Corporation LTD e denoncuan garën e parregullt dhe për këtë çështje SPAK ka njoftuar se ka hapur hetim, për shpërdorim detyre, favorizim të palëve të caktuara dhe shkelje të pabarazisë në tendera. Por nuk përfundon këtu. Pas marrjes së tenderit fiktiv kompania fituese kishte tre aksionerë: Mabco Construction e Pacollit me 58 për qind, YDA Group, e turqve që kishin ndërtuar edhe spitalin elektoral të Fierit me 40 për qind dhe 2A Group e Valon Ademit me 2 për qind.
    YDA Group, siç u tha, ishte përfshirë në koncesion për shkak të përvojës së saj për ndërtimin e aeroportit, pa të cilën nuk mund të justifikohej përmbushja e kritereve të garës. Prandaj ajo u “shpërblye” me 40 për qind të aksioneve. Po ç’ndodhi? Ndonëse u shpallën fitues, turqit e YDA Group u tërhoqën menjëherë pas përfundimit të procesit duke paguar një shumë qesharake, 4200 euro për 40%-shin e tyre. Në fakt, sipas rrëfimit të fundit të Pacollit ata u larguan me 3 milionë euro ndërkohë që kishin kërkuar 5 milionë. Që këtu autoritetet shtetërore duhet të ndiznin sinjalin e kuq të alarmit sepse ligji për Koncesionet dhe Partneritetin Publik Privat detyron që përpara ndryshimit të çdo aksioneri në kontratat koncesionare, duhet marrë fillimisht miratimi i Autoritetit Kontraktor dhe Ministrisë së Financave.
    A e bënë këtë gjë? Natyrisht që jo. A dëshmon kjo se ishin palë në organizimin e një gare fiktive me një kompani turke të futur vetëm për letra? Natyrisht që po. Këtë e vërteton fakti se shitja e 40% të aksioneve që kaluan nga turqit tek Pacolli, në dhjetor të vitit 2022 (pikërisht ato aksione për të cilat po bëhet sherri i sotëm), është miratuar nga titullari i Autoritetit Kontraktor, ministrja e Infrastrukturës dhe Energjisë dhe ministrja e Financave.
    Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
     

  • Rrëfimi i Pacollit për Aeroportin e Vlorës, reagon Agron Shehaj: Tregon mënyrën se si ndahen tenderat në mënyrë fiktive

    Rrëfimi i Pacollit për Aeroportin e Vlorës, reagon Agron Shehaj: Tregon mënyrën se si ndahen tenderat në mënyrë fiktive

    Deklarata e plotë e Agron Shehajt:
    Është e pabesueshme ajo që tregon Pacolli në lidhje me si ka fituar tenderin dhe ka marrë koncesionin e aeroportit të Vlorës. Dëgjojeni me veshët tuaj, është e pabesueshme! Tani, Pacolli thotë që për aeroportin e Vlorës nuk është bërë një garë, nuk është bërë një tender por fituesi është vendosur në zyrën e Ballukut.
    Ka qenë Balluku, ka qenë përfaqësuesi i kompanisë turke dhe Pacolli. Si fillim Pacollit i kanë ofruar vetëm 40% të kuotave dhe Pacollit nuk i ka ardhur mire.
    Nuk i ka ardhur mirë edhe që Balluku i ka treguar kurrizin dhe ka vendosur të mos i thotë direkt “Po”, por ka kërkuar kohë për t’u menduar.
    Pas disa orësh e ka marrë në telefon përfaqësuesi i kompanisë turke dhe i ka thënë që: “Shiko, ne e diskutuam dhe ti do marrësh 58% të kuotave se 2% do i marrë dikush tjetër dhe ne do marrim 40% te kuotave”.
    Kjo është mënyra se si përcaktohen fituesit e tenderave në Shqipëri. Nuk ka asnjë garë. Çdo gjë është fiktive. Çdo gjë vendoset nga Balluku dhe nga kryeministri Rama. Kjo është çmenduria që ndodh në Shqipëri! Kështu vidhen paratë e qytetarëve shqiptarë përditë nga kjo qeveri e korruptuar.
    Dhe ndërkohë që Balluku është e pandehur nga SPAK-u, Edi Rama vazhdon dhe e mban aty!

  • Dëshmia e fortë e Behgjet Pacollit për aeroportin e Vlorës, Bardhi publikon videon: E dhënë unike për SPAK

    Dëshmia e fortë e Behgjet Pacollit për aeroportin e Vlorës, Bardhi publikon videon: E dhënë unike për SPAK

    Kryetari i Grupit Parlamentar të PD ka publikuar një intervistë të biznesmenit Behgjet Pacolli, i cili ka treguar prapaskenat e procedurës së koncesionit për Aeroportin e Vlorës.
    Ai shprehet se në deklarimet e tij publike, aksioneri Pacolli tregon se përpara garës ai kishte rëne dakord me Aeroportin e Mynyhit për të marrë pjesë në garë, por ishte Ministrja Belinda Balluku që futi në lojë kompaninë turke në atë koncesion.
    Pacolli tregon se ishte telefonuar nga kompania turke, që i kishte treguar se ajo do të përfshihej në dy investime në Shqipëri në atë të Spitalit Memorial në Fier dhe në investimet për ndërtimin e Aeroportit të Vlorës, për të cilin i kishte kërkuar biznesmenit Pacolli që të përfshiheshin bashkë. Përpara se të shpallej fituesi i garës Pacolli tregon se Ministrja Balluku kishte thirrur në takim kompaninë truke, ku ishin ndarë edhe përqindjet e pjesëmarrjes në këtë koncesion.
    Më poshtë reagimi i plotë i Kryetarit të Grupit Parlamentar të PD Gazment Bardhi dhe video me dëshminë e biznesmenit Behxhet Pacolli:Dëshmia e biznesmenit Behgjet Pacolli provon se nuk ka garë, shteti përdoret si fasadë për pazaret “gjeostragjike” të Edi Ramës dhe se Belinda Balluku ka firmosur me vetëdije për këtë paligjshmëri gjigande.
    Nga dëshmia provohet përtej çdo dyshimi se koncesioni për Aeroportin e Vlorës është një skemë korruptive e dirigjuar nga Edi Rama dhe e menaxhuar nga Belinda Balluku.
    Dëgjojeni dëshminë! Në zyrën e Belinda Ballukut përcaktohet sa përqind do të jetë secili aksioner përpara se të hapet gara formalisht dhe se shqetësimi i saj është të kënaqë partnerin turk në koncesion. Pse? Arsyet do t’i tregojë patjetër gjatë hetimit në SPAK.
    Dëshmia e Behgjet Pacollit përbën një të dhënë unike për SPAK dhe një detyrim për t’u administruar si provë menjëherë për të kuptuar se koka e korrupsionit akoma nuk është vendosur nën hetim. Ose të paktën ne nuk kemi njoftim për këtë.
    Afera e koncesionit të Aeroportit të Vlorës ka nevojë të hetohet me shpejtësi, pa ndikim politik dhe me profesionalizëm. Këtu nuk është në diskutim vetëm rrënimi i shtetit shqiptar nga korrupsioni. Është në diskutim shkelja e çdo kontrate me Bashkimin Europian. Është shkelur jo vetëm ligji i prokurimeve dhe Kushtetuta, por edhe Marrëveshja e Stabilizim Asociimit me Bashkimin Europian. Ky po që është një regres i paprecedentë!
    P.S. Dëshmia e Behgjet Pacollit na zbardhi dhe arsyet e dhuratës aq urgjente të spitalit të Fierit. Asnjë dhuratë. Vetëm korrupsion!

  • Bardhi: Gara për Aeroportin e Vlorës ishte fiktive, Pacolli zbulon pazaret e Ballukut

    Bardhi: Gara për Aeroportin e Vlorës ishte fiktive, Pacolli zbulon pazaret e Ballukut

    Kryetari i Grupit Parlamentar të PD ka publikuar një intervistë publike të biznesmenit Behxhet Pacolli, i cili ka treguar prapaskenat e procedurës së koncesionit për Aeroportin e Vlorës. Në deklarimet e tij publike, aksioneri Pacolli tregon se përpara garës ai kishte rëne dakord me Aeroportin e Mynyhit për të marrë pjesë në garë, por ishte Ministrja Belinda Balluku që futi në lojë kompaninë turke në atë koncesion.

    Pacolli tregon se ishte telefonuar nga kompania turke, që i kishte treguar se ajo do të përfshihej në dy investime në Shqipëri në atë të Spitalit Memorial në Fier dhe në investimet për ndërtimin e Aeroportit të Vlorës, për të cilin i kishte kërkuar biznesmenit Pacolli që të përfshiheshin bashkë. Përpara se të shpallej fituesi i garës Pacolli tregon se Ministrja Balluku kishte thirrur në takim kompaninë truke, ku ishin ndarë edhe përqindjet e pjesëmarrjes në këtë koncesion.

    Më poshtë reagimi i plotë i Kryetarit të Grupit Parlamentar të PD Gazment Bardhi dhe video me dëshminë e biznesmenit Behxhet Pacolli:

    Dëshmia e biznesmenit Behgjet Pacolli provon se nuk ka garë, shteti përdoret si fasadë për pazaret “gjeostragjike” të Edi Ramës dhe se Belinda Balluku ka firmosur me vetëdije për këtë paligjshmëri gjigande.

    Nga dëshmia provohet përtej çdo dyshimi se koncesioni për Aeroportin e Vlorës është një skemë korruptive e dirigjuar nga Edi Rama dhe e menaxhuar nga Belinda Balluku.

    Dëgjojeni dëshminë! 👇 Në zyrën e Belinda Ballukut përcaktohet sa përqind do të jetë secili aksioner përpara se të hapet gara formalisht dhe se shqetësimi i saj është të kënaqë partnerin turk në koncesion. Pse? Arsyet do t’i tregojë patjetër gjatë hetimit në SPAK.

    Dëshmia e Behgjet Pacollit përbën një të dhënë unike për SPAK dhe një detyrim për t’u administruar si provë menjëherë për të kuptuar se koka e korrupsionit akoma nuk është vendosur nën hetim. Ose të paktën ne nuk kemi njoftim për këtë.

    Afera e koncesionit të Aeroportit të Vlorës ka nevojë të hetohet me shpejtësi, pa ndikim politik dhe me profesionalizëm. Këtu nuk është në diskutim vetëm rrënimi i shtetit shqiptar nga korrupsioni. Është në diskutim shkelja e çdo kontrate me Bashkimin Europian. Është shkelur jo vetëm ligji i prokurimeve dhe Kushtetuta, por edhe Marrëveshja e Stabilizim Asociimit me Bashkimin Europian. Ky po që është një regres i paprecedentë!

    P.S. Dëshmia e Behgjet Pacollit na zbardhi dhe arsyet e dhuratës aq urgjente të spitalit të Fierit. Asnjë dhuratë. Vetëm korrupsion!

  • Rrëfimi i Pacollit në prokurori: Po lahesha, dola nga pishina e firmosa atë që më solli shoferi

    Rrëfimi i Pacollit në prokurori: Po lahesha, dola nga pishina e firmosa atë që më solli shoferi

    Elton Qyno/

    Detaje të reja kanë dalë nga dosja penale që lidhet me ndërtimin dhe pronësinë e aksioneve të aeroportit të Vlorës, që tashmë është kthyer jo vetëm temë e debatit politik të vendit por në prokurorinë e Tiranës është rregjistruar dhe një çështje penale.

    Aksioneri më i madh i kësaj vepre me strategji kombëtare njëherësh oligarku kosovar Behgjet Pacolli, një javë më parë u paraqit në prokurori duke dhënë shpjegime si person që ka dijeni mbi rrethanat e këtij konflikti të lindur mes Ademit e Pacollit.

    Gazetari Elton Qyno ka mësuar se gjatë dhënies së dëshmisë biznesmeni Behgjet Pacolli, nuk ka pranuar në asnjë moment se ka qënë përballë noteres Valbona Selimi dhe të ketë nënshkruar dokumentin Kontratë-Shitje të 47 për qind të aksioneve tek ortaku tjetër Valdon Ademi.

    Sipas Pacollit gjithçka është ngatëruar për shkak të një marëdhënie mirëbesimi, duke shfrytëzuar firmosjen nga ana e tij të disa dokumentave që ja kishte sjellë shoferi i tij.

    “…unë isha duke u larë në pishinë. Dola nga pishina e firmosa ato dokumenta që më solli shoferi…”-mësohet të ketë dëshmuar përballë grupit hetimor Behgjet Pacolli, i cili ka pretenduar se nuk e ka ditur dhe as ka lexuar përmbajtjen e këtyre dokumentave, pasi nuk i ka kushtuar rëndësi.

    Pacolli ka këmbëngulur se gjithçka është kryer në kushtet e mirëbesimit të ndërsjelltë.

    Ndërsa asnjëherë, nuk ka qënë para noteres Valbona Selimi, për të nënshkruar këtë kontratë shitje siç e kërkon dhe formati i ligjit për Noterinë Shqiptare, ku është detyrues që palët të jetë prezent dhe të identifikuara nga noteri.

    Nisur nga këto pretendime, pritet që në ditët në vijim sërisht prokuroria e Tiranës të thërasë për të rimarë në pyetje noteren Valbona Selimi, me qëllim qartësimin e pozicionit të saj juridik në këtë moment të nënshkrimit të kontratës së shitjes së 47 për qind të aksioneve në aeroportin e Vlorës nga Pacollët tek Valdon Ademi.

    Njëherësh tashmë prokuroria e Tiranës ka kërkuar nga ekspertët e Policisë Shkencore, që të kryejnë ekspertimin grafik të origjinalitetit të 4 firmave të shtetasve Emin Pacolli, Behgjet Pacolli, Valbona Selimi dhe Valdon Ademi.

    Ende grupi i hetimit të këtij rasti nuk është njohur zyrtarisht me konkluzjonet e aktit përfundimtar.

    Ndërkohë mësohet se tashmë çështja e hetimeve lidhur me aksionet e aeroportit të Vlorës është shtrirë jo vetëm tek verifikimi grafik i origjinalitetit të firmës së oligarkut Bëhgjet Pacolli dhe ortakut tjetër Valdon Ademi, por edhe tek situacionet e punimeve që janë kryer për ndërtimin e pistën dhe terminalit të “Vlora International Airport – VIA”.

    Të dy aksionerët, Pacolli dhe Ademi, kur janë marë në pyetje në prokurorinë e Tiranës, kanë pretenduar qëndrime të ndërsjellta, duke ngritur dyshime të forta ndaj njëri-tjetrin për paraqitje fiktive të situacioneve të ndërtimeve të kryera në aeroportin e Vlorës nga kompanitë “Mabco Constructions SA” dhe “2A Group”.

    Palët kanë ngritur dyshime për punime fiktive dhe fryrje të proces-verbaleve të situacioneve, ndaj që tashmë prokuroria e Tiranës ka kërkuar të sekuestrohen këto dokumenta dhe të bëhen pjesë e fashikullit hetimor.

    Aeroporti i Vlorës u kthye temë debati në vend, për shkak të një kallëzimi penal që bëri në muajin Gusht 2025 njëri nga aksionerët Valdon Ademi, i cili denonconte për mashtrim me pasoja të rënda, falsifikim dokumentash dhe evasion fiskal, pronarët Emin Pacollin, Behgjet Pacollin dhe administratorin e “Mabco Constructions SA”, Nelso Çelën.

    Ndërsa në fund të muajit Tetor 2025, Emin Pacolli, kundërpërgjigjet me një kallëzim në prokurorinë e Tiranës, duke akuzuar direkt aksionerin në minorancë të “VIA” Valdon Ademin, noteren Valbona Selimi dhe ish-administratorin Valon Lluka.

    Të gjithë personat e kallëzuar tashmë janë marë në pyetje nga prokuroria e Tiranës.

  • Behgjet Pacolli konfirmon farsën me garën për Aeroportin e Vlorës

    Behgjet Pacolli konfirmon farsën me garën për Aeroportin e Vlorës

    Një skandal i përmasave të mëdha ka shpërthyer, duke vënë në qendër procesin e tenderimit për Aeroportin Ndërkombëtar të Vlorës. Lajmi i raportuar më 19 dhjetor 2019 nga mediat, ku Ministria e Infrastrukturës, nën drejtimin e Belinda Ballukut, shpallte një “garë” për investimin strategjik, rezulton të ketë qenë një farsë e mirëfilltë.
    Konfirmimin e farsës e dha vetë biznesmeni dhe ish-politikani kosovar Behgjet Pacolli, i cili zbuloi prapaskenat e negociatave që çuan në përjashtimin e tij dhe caktimin e paracaktuar të fituesve, me përfshirje të drejtpërdrejtë të palës turke.
    Në një emision televiziv, Pacolli, i cili ishte i interesuar të merrte pjesë në koncesion, tregoi se si i gjithë procesi ishte i kurdisur, duke hedhur dritë mbi pazaret që, sipas tij, mund të kenë qenë të ngjashme me ato të Tunelit të Llogarasë.

    Hyrja Nën Prapaskenë: Pacolli u kontaktua fillimisht nga Valon Ademi, i cili i paraqiti idenë e koncesionit të Aeroportit të Vlorës, i cili kishte dështuar një herë më parë. Pasi kompania e tij në Zvicër e cilësoi projektin interesant, u sigurua referenca dhe dokumentacioni bankar.
    Kërkesa Për Menaxhim: Kompania e Pacollit kontaktoi Aeroportin e Mynihut për t’u bërë partner menaxhues, siç e kërkonte kontrata e koncesionit.

    Momenti kyç, sipas Pacollit, ishte ndërhyrja e një pale të tretë, e cila kishte ardhur me udhëzim të qartë politik:

    Telefonata Nga Turqia: Pacolli mori një telefonatë nga një person i njohur i quajtur Hyseni (turk), i cili i tha se kishte marrë një udhëzim nga “Presidenca turke” për të udhëtuar në Shqipëri me dy detyra: ndërtimin e Spitalit të Fierit dhe bashkëfinancimin e Aeroportit të Vlorës.
    Takimi I Fyerjes: Pacolli pranoi të shkonte në një takim në Ministrinë e Infrastrukturës, ku ishte e pranishme Ministrja Balluku dhe përfaqësuesi turk. Aty, Pacolli ndjeu një fyerje të madh, pasi Balluku i foli drejtpërdrejt turkut dhe jo atij.

    Behgjet Pacolli: “Unë shihja në fytyrë vetëm turkun dhe shpinën e ministres gjithë kohën. Kuptova që ministrja i propozoi që të marrë pjesë në këtë tender… Unë në një moment ju them: ‘Ju jeni duke bërë muhabet. Unë po shkoj. Po e pres këtë mikun tim poshtë në restorant. Përshëndetem me ta dhe dal’. Të them të drejtën isha pak i fyer. Ishte hera e parë që shkoj diku dhe dikush nuk më konsideron.”
    Pas takimit, turku e ndoqi Pacollin në restorant dhe i zbuloi se kishte marrë një pjesë të madhe të projektit. Megjithatë, marrëveshja u finalizua ndryshe, duke treguar qartë se si u ndanë fitimet që në fillim, pavarësisht garës zyrtare:

    Propozimi I Parë: Turku 60%, Pacolli do të rivlerësonte minorancën.
    Marrëveshja Finale: Pacolli 58%, Turqit 40%, dhe Valon Ademi 2%.

    Dëshmia e Pacollit konfirmon se gara e shpallur nga Ministria e Infrastrukturës ishte vetëm një formalitet, ndërsa fituesi dhe ndarja e aksioneve ishte caktuar në tavolinë, duke u koordinuar në nivele të larta, me ndërhyrje të drejtpërdrejtë politike ndërkombëtare.
    Ky skandal është i ngjashëm me aferën e Tunelit të Llogarasë dhe bën të domosdoshme ndërhyrjen e Prokurorisë së Posaçme (SPAK) për të zbardhur të gjitha prapaskenat e këtij koncesioni strategjik.

  • “Jam ndjerë i fyer”, Pacolli: S’kam paguar asnjë ryshfet për kontratën e koncesionit të aeroportit të Vlorës

    “Jam ndjerë i fyer”, Pacolli: S’kam paguar asnjë ryshfet për kontratën e koncesionit të aeroportit të Vlorës

    Biznesmeni nga Kosova Behgjet Pacolli, që ka 98 përqind të aksioneve në koncesionin për ndërtimin e aeroportit të Vlorës, foli në emisionin “Opinion” në Tv Klan, në lidhje me përplasjen që ka pasur me ortakun për aeroportin e Vlorës. 
    Pacolli tha se është ndjerë jashtëzakonisht i fyer nga epitetet që ka dëgjuar për veten në kohët e fundit. Ai u shpreh se nuk ka paguar asnjë ryshfet për kontratën e koncesionit të aeroportit të qytetit bregdetar. 
    Behgjet Pacolli: Shumë epitete më kanë vendosur në këto ditë. Jam ndjerë jashtëzakonisht i fyer, prej epiteteve ndaj njerëzve që iu kam bërë tepër mirë dhe njerëzve që janë të paditur, që vetëm kanë folur duke karakterizuar një person, pa e njohur. Nuk kam përfituar nga askush, vetëm kam kontribuar për t’ju ndihmuar njerëzve, 147 milionë euro kam investuar në Shqipëri dhe në Kosovë. Nuk jam ortak me asnjë qeveritar në Shqipëri në aeroportin e Vlorës. Kam vetëm një partneri dhe është një firmë nga Kosova dhe ai është aty me 2 përqind. Nuk kam pasur asnjë shenjë, asnjë indicie, që dikush mund të pretendojë ato aksione që kam unë, që janë 98 përqind të aksioneve në Vlorë. Nuk kam paguar asnjë ryshfet për të nënshkruar kontratën për ndërtimin e Vlorës. Unë kam dashur të le thjesht një ndërtim të bukur në Shqipëri. Nuk kam nënshkruar asgjë. Jam aksionar në kompani dhe kam mbështetur vëllezërit e mi. 
    Kujtojmë se Behgjet Pacolli ka pasur një ‘përplasje’ me ortakun e tij Valon Ademi për ndërtimin e aeroportit të Vlorës dhe ai u thirr edhe në Prokurorinë e Tiranës.