Lajmidites.com

Tag: oscar

  • Oscar, frakturë në shtyllën kurrizore. Përplasje e tmerrshme në fushë për ish-yllin e Chelsea (video)

    Oscar, frakturë në shtyllën kurrizore. Përplasje e tmerrshme në fushë për ish-yllin e Chelsea (video)

    Një lajm i trishtë vjen nga futbolli Brazilian. Mesfushori Óscar, sot pjesë e São Paulo, dikur një nga emrat më të ndritur të Premier League me fanellën e Chelsea, ka pësuar një dëmtim të rëndë gjatë superderbit kundër Corinthians. Një përplasje e dhunshme me José Martínez brenda zonës e ka rrëzuar keq në tokë, duke i shkaktuar fraktura në tre vertebra të shtyllës kurrizore (L1, L2, L3).
    Pamjet janë tronditëse; Oscar bie keq pas një dyluftimi ajror dhe menjëherë tregon shenja dhimbjesh të forta. Me vështirësi të dukshme në ecje, ai braktis fushën i përkrahur nga stafi mjekësor, duke u transportuar më pas me urgjencë në spital për ekzaminime të specializuara.

    O lance que o juiz não marcou pênalti e ainda machucou o Oscarpic.twitter.com/L6aVHT9KU8
    — Somos São Paulinos (@somosaopaulinos) July 20, 2025

    Raporti zyrtar i klubit konfirmon: “Oscar pësoi një traumë direkte në pjesën e poshtme të shpinës. Pas rezonancës dhe ekzaminimeve të tjera, u konstatua frakturë në proceset transversale të tre vertebrave. Gjendja e tij është e qëndrueshme dhe pa dëmtime neurologjike. Do të trajtohet në mënyrë konservative, me kontroll të dhimbjes, pushim dhe rehabilitim të kujdesshëm”.
    Koha e rikuperimit? 4 deri në 8 javë, në varësi të ecurisë klinike. Një goditje për trajnerin Hernán Crespo, që e kishte kthyer brazilianin në bosht të mesfushës. Oscar, pas aventurës në Kinë, po kërkonte rilindjen në futbollin e vendlindjes, por ky episod i rëndë mund ta lërë jashtë fushave për një kohë të konsiderueshme. Për momentin, lajmi pozitiv është mungesa e komplikimeve neurologjike dhe shpresat për një rikthim të plotë.

    pic.twitter.com/0W3VG3rESU
    — . (@spfcmovies) July 20, 2025

  • Hapet gara për kandidaturën e Shqipërisë për çmimet “Oscar 2026”, aplikimet për filmat deri më 1 gusht në QKK

    Hapet gara për kandidaturën e Shqipërisë për çmimet “Oscar 2026”, aplikimet për filmat deri më 1 gusht në QKK

    Flmat shqiptarë, që do të jenë në garë për kandidaturën e Shqipërisë për çmimet “Oscar” vitin që vjen premiera e tyre në vendin tonë duhet të jetë shfaqur jo më herët se 1 tetor 2024, por jo më vonë se 30 shtator këtë vit. Qendra Kombëtare e Kinematografisë
    (QKK) shpalli të premten thirrjen për paraqitjen e kandidaturave shqiptare në kategorinë “Inter-national Feature Film”, për edicionin e 98-të të çmimeve “Oscar”, që do të zhvillohet në vitin 2026. Qendra Kombëtare e Kinematografisë shprehet në njoftimin e saj se fton të gjitha shtëpitë kine-matografike /producentët shqiptarë, që të paraqesin pranë saj, filmat e tyre, si kandidaturë për t’u përzgjedhur, si një propozimi zyrtar i Shqipërisë në kategorinë “International Feature Film”, për edicionin e 98-të të çmimeve“Oscar”. Afati i fundit, për aplikim pranë QKK-së, është data 1 gusht 2025.
    Sipas njoftimit të QKK-së kriteret kryesore për pjesëmarrje në këtë kategori janë:1. Filmat artistikë, dokumentarë dhe të animuar mund të marrin pjesë në këtë kategori; 2. Filmi duhet të ketë një kohëzgjatje mbi 40 minuta; 3. Premiera e filmit në Shqipëri duhet të jetë shfaqur jo më herët se 1 tetor 2024, por jo më vonë se 30 shtator 2025; 4. Filmi duhet të ketë pasur ose të ketë një shfaqje komerciale në kinematë e Shqipërisë, brenda datave të mësipërme, për të paktën 7 ditë rresht. Ndëe kriteret e tjera, filmi duhet të përmbajë të paktën 50 për qind dialog në gjuhën shqipe apo dhe duhet të jetë i realizuar me të paktën 50 për qind aktorë dhe staf shqiptar. Producenti i filmit të përzgjedhur nga QKK-ja, duhet të dorëzojë materialet në zyrat e A.M.P.A.S. jo më vonë se data 1 tetor 2025. Procedura e komisionit Komisioni përzgjedhës i kandidaturës shqiptare, për edicionin e 98-të të “Oscar”, i ngritur pranë QKK-së ka për detyrë të shikojë filmat, të cilët janë  paraqitur për konkurrim, pasi ata të jenë kontrolluar nga QKK për përmbushjen e kritereve. Secili anëtar i komisionit voton vetëm për filmin që mendon seduhet të jetë kandidatura e Shqipërisë, secili anëtar voton në fletën vetjake të votimit në mënyrë të  fshehtë (fleta e votimit përgatitet nga QKK me udhëzimet përkatëse dhe me listën e filmave që  kanë aplikuar). Votat mblidhen dhe filmi, i cili, ka shumicën e votave përzgjidhet si kandidatura shqiptare. Përbërja e komisionit do të bëhet publike pas aprovimit nga A.M.P.A.S.
    Komisioni i Përzgjedhjes, i miratuar nga Academy of Motion Picture Arts and Sciences (A.M.P.A.S.), do të vlerësojë kandidaturat dhe do të shpallë filmin fitues që do të përfaqësojë Shqipërinë. Ndërsa Qendra Kombëtare e Kinematografisë (QKK) shpalli të premten zyrtarisht thirrjen për paraqitjen e kandidaturave shqiptare në kategorinë“International Feature Film” për edicionin e 98-të të çmimeve “Oscar” që do të zhvillohet në vitin 2026, filmi “Pikë uji” ishte për- faqësimi i Shqipërinë për në“Oscar 2025”. Filmi me regji nga Robert Budina sjell një histori dramatike, që na përball me problematika të shoqërisë që po jetojmë. Skenari i filmit përfaqësimi i Shqipërinë për në “Oscar 2025” është shkruar nga Robert Budina, Doruntina Basha dhe Ajola Daja.
     

  • Shuhet Lalo Schifrin kompozitori i “Mission Impossible”

    Shuhet Lalo Schifrin kompozitori i “Mission Impossible”

    Lalo Schifrin, kompozitori i muzikës për filmin “Mission Impossible” dhe filma të tjerë të famshëm si “Bullitt” dhe “Starsky and Hutch”, vdiq në moshën 93-vjeçare, sipas disa mediave amerikane.
    Vdekja e tij u konfirmua nga djali, Ryan Schifrin.
    Një shtetas amerikan i natyralizuar, Schifrin ishte pianist dhe dirigjent që bëri emër në kinema, duke kompozuar kolonat zanore për mbi 100 filma.
    ”Veprat e tij i kanë sjellë gjashtë nominime për çmimin Oscar, dhe ai u vlerësua me një çmim Oscar Nderi në vitin 2018 për arritjet e tij gjatë gjithë jetës – një çmim i dhënë vetëm dy kompozitorëve të tjerë, Ennio Morricone dhe Quincy Jones”, sipas Deadline.
    Veprat e tij përfshijnë muzikën minimaliste për ndjekjen e famshme të Mustang nga Steve McQueen në “Bullitt”, sinkretizmin e “Dragon”, funk-un avangard të “Dirty Harry” dhe përzierjen e xhazit, muzikës folk dhe simfonike në “Cool Hand”.
    Por, muzika e tij më e famshme mbetet ajo e “Mission: Impossible”, me motivin e saj përsëritës dhe të sinkopuar.
    Kjo temë muzikore, e kompozuar për serialin televiziv të viteve 1960, ka pësuar variacione të shumta, duke kulmuar në tetë filmat artistikë me protagonist Tom Cruise si agjenti Ethan Hunt.
    Kënga kryesore i fitoi kompozitorit dy çmime Grammy – ekuivalenti muzikor i çmimeve Oscar – midis shumë çmimeve që ai fitoi gjatë gjithë karrierës së tij.
    Akademia e Arteve dhe Shkencave të Filmit menjëherë i bëri homazh atij në X.
    “Numërimi mbrapsht fillon. Fitili ndizet. Muzika fillon dhe papritmas je i zhytur në aksion. Ky ishte gjenialiteti i Lalo Schifrin”, përmblodhi ajo.
    Një muzikant vizionar, Lalo Schifrin u përvetësua nga artistë hip-hop dhe elektronikë si Portishead.
    Swing, pop, funk, bossanova dhe muzikë dymbëdhjetëtonëshe: të gjitha këto ritme të integruara në partiturat e tij i dhanë muzikës së tij një modernitet të paprekshëm, siç dëshmohet nga “Tingulli i Lalo Schifrin”, një antologji e veprës së tij e publikuar në vitin 2016.

  • Verstappen “përçan” pilotët e McLaren, zgjedh favoritin e tij për titullin kampion në F1

    Verstappen “përçan” pilotët e McLaren, zgjedh favoritin e tij për titullin kampion në F1

    Piloti australian Oscar Piastri është lideri i ri i Botërorit të Formula 1 këtë sezon. Pas zhgënjimit në garën e parë sezonale, atë në pistën e shtëpisë, ai ka arritur tri fitore në katër garat e fundit, duke marrë edhe kreun e renditjes.
    Madje Piastri ka dominuar së fundi përballjen e drejtpërdrejtë me Lando Norris. Ai tani ka 10 pikë epërsi ndaj shokut të tij të skuadrës dhe 12 pikë diferencë ndaj Max Verstappen me Red Bull.
    Në garën e fundit në Arabi, Piastri ishte i akullt dhe i ftohtë në përballjen me Verstappen në kthesën e parë. Më pas ai tregoi pjekuri në menaxhimin e garës, duke demonstruar se nuk i mungon aspak guximi.
    Max Verstappen e vlerëson si rival të fortë, duke deklaruar se Piastri ka gjithçka për të synuar titullin për pilotë: “Ai është në vitin e tretë në F1, është shumë solid dhe konsistent. Ka një qasje shumë të qetë dhe është një karakteristikë që më pëlqen”.
    “Këtë gjë e tregon në pistë dhe bën shumë pak gabime. Këto janë cilësitë që duhen kur dëshiron të luftosh për një kampionat. Unë gjithashtu mendoj se edhe Mark Weber përkrah tij po e ndihmon shumë atë”, tha Verstappen.
    “Njerëzit mësojnë nga karriera e tyre dhe Webber me Piastri po bën atë që babai im bëri me mua përmes këshillave të vlefshme. Oscar thjesht po e përdor talentin e tij dhe kjo është një gjë e mrekullueshme”, tha Verstappen.

  • Ky film shqiptar propozohet për çmimin “Oscar”

    Ky film shqiptar propozohet për çmimin “Oscar”

    Filmi i metrazhit të gjatë “Pikë uji” tashmë është propozuar për garën e “Oscar”, garë në të cilën do të marrë pjesë Shqipëria. Filmi sjell një histori të Aidës (Gresa Pallska), e cila është një grua në karrierë, por që jeta e përplasë me një problem familjar, problem pastaj që shpërfaq fuqinë e politikës dhe drejtësisë.
    Për skenarin dhe regjinë është përkujdesur Robert Budina, ndërkaq producente është Sabina Kodra. Në këtë film, në role të tjera janë përfshirë edhe aktorët: Arben Bajraktaraj, Adem Karaga, Gerhard Koloneci, Kodjana Keco, Paolo Iancu edhe Henri Topi.
    Ky është njoftimi i plotë:Jemi jashtëzakonisht të lumtur të njoftojmë se filmi “Pikë Uji” është përzgjedhur për të përfaqësuar Shqipërinë në garën për Oscar! Për ne, ky është vlerësimi më i madh që mund të marrësh nga vendi yt.

    Falënderojmë me mirënjohje të thellë:
    – Aktorët dhe ekipin tonë të dedikuar që punuan me pasion dhe përkushtim – falë jush ky moment është bërë realitet!
    – QKK-në për mbështetjen e vazhdueshme dhe besimin!
    – Komisionin përzgjedhës për përgjegjësinë e jashtëzakonshme që na kanë dhënë.
    Është hera e tretë që një film nga ERAFILM do të përfaqësojë Shqipërinë në këtë skenë të madhe ndërkombëtare! Kjo arritje na mbush me krenari të thellë dhe na motivon të japim gjithçka për të çuar përpara kinemanë shqiptare në nivel ndërkombëtar. Robert Budina Sabina Kodra Gresa Pallaska Gresa Pallaska Official Gerhard Koloneci Adem Karaga Klodjana Keco.

  • Një Oscar për dramën palestineze

    Një Oscar për dramën palestineze

    “Vendi i vetëm”, një film për zhvendosjen e një komuniteti palestinez nga Izraeli, fitoi Oscar-in për dokumentarin më të mirë të dielën, me regjisorët e tij që i bënë thirrje botës për të ndihmuar në përfundimin e konfliktit dhe duke akuzuar Shtetet e Bashkuara për bllokimin e një zgjidhjeje.
    Bashkautorët e filmit, aktivisti palestinez Basel Adra dhe gazetari izraelit Yuval Abraham, kaluan pesë vjet duke bërë filmin, i cili përshkruan ushtarët izraelitë duke shkatërruar shtëpitë dhe duke dëbuar banorët për të krijuar një terren trajnimi ushtarak dhe një sulm nga kolonët hebrenj në një komunitet palestinez.
    Dokumentari nxjerr në pah realitetet paralele në të cilat jetojnë dy miq – Abrahami me targën e tij të verdhë izraelite që i lejohet atij të udhëtojë kudo ndërsa Adra është e kufizuar në një territor që po bëhet gjithnjë e më i vogël për palestinezët.
    “I vetmi vend pasqyron realitetin e ashpër që kemi duruar për dekada dhe të cilit ne ende i rezistojmë ndërsa i bëjmë thirrje botës të ndërmarrë hapa seriozë për të ndaluar padrejtësinë dhe spastrimin etnik të popullit palestinez,” tha Adra ndërsa pranoi çmimin.
    Duke qëndruar pranë bashkautorit të tij, Abraham shtoi: “Ne e bëmë këtë film, palestinezë dhe izraelitë, sepse së bashku zërat tanë janë më të fortë. Ne shohim njëri-tjetrin, shkatërrimin mizor të Gazës dhe popullit të saj që duhet të ndalet”.
    “Kur shikoj Bazelin, shoh vëllanë tim, por ne nuk jemi të barabartë. Ne jetojmë në një regjim ku unë jam i lirë sipas ligjit civil dhe Basel është nën ligjin ushtarak që po i shkatërron jetën”, tha Abraham.
    “Ka një rrugë tjetër. Një zgjidhje politike pa supremaci etnike, me të drejta kombëtare për të dy popujt tanë. Dhe duhet të them që sa jam këtu, politika e jashtme në këtë vend po ndihmon për të bllokuar këtë rrugë. Dhe pse? Nuk e shihni se ne jemi të ndërthurur? Se populli im mund të jetë vërtet i sigurt nëse populli i Bazelit është vërtet i lirë dhe i sigurt. Ka një mënyrë tjetër për jetën.”

    “No Other Land” director Basel Adra: “We call on the world to take serious actions to stop the injustice and to stop the ethnic cleansing of Palestinian people.” | #Oscars pic.twitter.com/NzoqLKiBSJ
    — Variety (@Variety) March 3, 2025

    Thirrja e presidentit amerikan Donald Trump muajin e kaluar për palestinezët që të emigrojnë nga Gaza në Egjipt dhe Jordani u dënua gjerësisht në Lindjen e Mesme dhe më gjerë si thellësisht destabilizuese.
    Pavarësisht se ka fituar çmime të mëdha në Evropë dhe Shtetet e Bashkuara, filmi ende nuk ka arritur një marrëveshje për shpërndarje në SHBA, tha Abraham për Deadline muajin e kaluar.
    I pyetur pse mendonte se distributorët amerikanë u tërhoqën nga shfaqja e filmit, Abraham tha për Deadline: “Unë besoj se është e qartë se është për arsye politike. Shpresoj që kjo të ndryshojë.”
    Ai tha se vendosën të mos prisnin për shpërndarje të rregullt teatrale dhe e shfaqën atë në mënyrë të pavarur në pothuajse 100 teatro. /tesheshi.com/