Lajmidites.com

Tag: ornela

  • Ornela, mes sfidave dhe ëndrrave, konkurrentja e AGT rrëfen vështirësitë: Rris e vetme 2 vajzat me nevoja të veçanta

    Ornela, mes sfidave dhe ëndrrave, konkurrentja e AGT rrëfen vështirësitë: Rris e vetme 2 vajzat me nevoja të veçanta

    Ornela, një nga konkurrentet më të spikatura dhe të guximshme të këtij sezonit të Albanias Got Talent në Vizion Plus, rrëfen historinë e saj prekëse, të përditshmen plot sfida dhe ëndrrën në një intervistë në Mes’Drite.
    Edhe pse nuk fitoi, Ornela thotë se ndihet shumë e lumtur që mori pjesë dhe se do të rikthehet sërish vitin e ardhshëm. Ajo nuk i ka marrë parasysh komentet negative në rrjetet sociale, që nuk kanë munguar.Lexo edhe :Related Posts
    “E përditshmja ime është e mbushur me sfida. Merrem me punët e shtëpisë, kujdesem për vajzat dhe kur më del koha punoj edhe tokën. Jetoj me vjehrrin. Partneri ndodhet jashtë vendit dhe nuk i kemi marrëdhëniet mirë. Mbështetjen financiare për vajzat e jep me gjysmë zemre. Jam shumë e lodhur shpirtërisht,” rrëfen Ornela.

    Ajo tregon se është rritur jetimë, pasi prindërit e saj u ndanë kur ishte vetëm 2 vjeç, dhe u rrit nga gjyshërit me shumë dashuri, por edhe me sfida. Ornela ka tre vajza, dy prej të cilave me aftësi të kufizuara: e madhja me epilepsi dhe e vogla me autizëm.
    “Kam 3 vajza. 2 i kam me aftësi të kufizuara, e madhja është me epilepsi dhe e vogla është me autizëm. Është shumë e lodhshme, por ja kam dalë. Zgjodha të merrja pjesë në AGT sepse e kam pasur dëshirë që e vogël, por nuk kam pasur mundësi dhe mbështetje. Vetë e mora hapin dhe ja dola,” thotë ajo.
    /vizionplus.tv

  • “Bashkëshorti më dhunonte”, Ornela përlot studion me rrëfmin e dhimbshëm: Dua vetëm një shtëpi të rris vajzat e mia

    “Bashkëshorti më dhunonte”, Ornela përlot studion me rrëfmin e dhimbshëm: Dua vetëm një shtëpi të rris vajzat e mia

    Konkurrentja e Albanias Got Talent, Ornela, ka rrëfyer hapur në një intervistë në Mes’Drite se jeta e saj familjare ka qenë e vështirë, sidomos për shkak të marrëdhënies me bashkëshortin.
    Ajo tregon se bashkëshorti ndodhet jashtë vendit dhe nuk ka ofruar mbështetje të plotë për tre vajzat e tyre, dy prej të cilave përballen me nevoja të veçanta. Vajza e madhe e Ornelës vuan nga epilepisa, ndërsa e vogla me spektrin e autizmit.Lexo edhe :Related Posts
    “Mbështetjen financiare për vajzat e jep me gjysmë zemre. Jam shumë e lodhur shpirtërisht. Refuzoj t’i jap një mesazh nga ekrani, sepse nuk do ta dëgjonte fjalën time dhe do të më thoshte ‘Mbylle gojën’,” rrëfen Ornela.

    Më tej, ajo pranon se bashkëshorti ka qenë i dhunshëm dhe se ka duruar për shkak të fëmijëve:
    “Më dhunonte pas vdekjes së nënës time. Do doja të kisha një shtëpi time, të jetoja e qetë me vajzat dhe të vazhdoja përpara.”

    Ornela thekson se përkundër të gjithave, ajo po përpiqet të rrëfejë historinë e saj dhe të vazhdojë përpara, duke u kujdesur vetë për vajzat dhe duke ndjekur ëndrrën e saj për muzikën.
    Kam hequr dorë nga shkolla pasi duhet të punoja. Në 2011 jam martuar, isha 20 vjec. Pas një viti lindi vajza e parë. Deri në 5 vjeç ishte mirë, një muaj para se të hynte në klasën e parë e kapi epilepsia. Nuk dija asgjë për këtë sëmundje, aty e mësova. Me vajzën e madhe më shumë nga ndenjur nëpër spitale. , rrëfen mes lotësh Ornela duke emocionuar edhe moderatorët.
    /vizionplus.tv

  • Ish-këshilltarja e Ramës: Ju zbuloj qeverinë e re, ja si do të ndryshojë kabineti ‘Rama 4’, kush janë ministrat që…

    Ish-këshilltarja e Ramës: Ju zbuloj qeverinë e re, ja si do të ndryshojë kabineti ‘Rama 4’, kush janë ministrat që…

    Rigels Seliman
    Në prag të shpalljes së kabinetit të ri më 11 shtator, ish-këshilltarja e kryeministrit Edi Rama, njëherësh ish-zv/ministre e Turizmit, Ornela Çuçi komentoi dje sfidat dhe pritshmëritë nga qeveria Rama 4. Çuçi theksoi se Shqipëria ka nevojë për një qeveri me pushtet real të teknikëve. “Unë do të doja që më në fund të kishte një qeveri plotësisht teknike. Edhe pse teknikët na kanë dështuar herë pas here, pushteti duhet t’u jepet atyre. Nëse për çdo gjë vendos vetëm kryeministri, atëherë asgjë nuk mund të bëhet si duhet nga profesionistë”, deklaroi ajo. Në lidhje me premtimin e kryeministrit Rama se “asnjë ministër nuk do të qëndrojë më shumë se 5 vjet”, Çuçi u shpreh e bindur se vërtet nuk do të ndodhë.
    “Në gjykimin tim po. Nuk besoj që do të jenë më në ministri”, u shpreh ajo. Sipas saj, kabineti i ri pritet të ketë ndryshime rrënjësore. “Unë mendoj që Rama do të bëjë një qeverisje me figura të panjohura më parë, me njerëz të pa përfolur, nga SPAK-u. Besoj që do të ndryshohen të gjithë ministrat, nga i Brendshmi deri tek ai i Drejtësisë. Nëse synimi numër një është BE-ja, atëherë duhet të kemi ministra teknike”, shtoi ish-këshilltarja. Më tej se zonja Çuçi ndaloi edhe te pasardhësi politik të kreut të PS-së, duke theksuar mungesën e një figure të qartë që mund të trashëgojë lidershipin e Edi Ramës. “Sfida më e madhe e Ramës është të lërë institucione të trashëgueshme brenda PS-së.
    Nuk ka ende një pasardhës. Erion Veliaj e kishte karizmën e liderit, por fatkeqësisht nuk e shikoj të rikthehet në politikë”, nënvizoi dje ish-zv/ministrja e Mjedisit dhe Turizmit, Ornela Çuçi. Megjithatë të gjithë sytë janë tani nga 11 shtatori, kur pritet të zyrtarizohet kabineti i ri i qeverisë Rama 4. Kush do të ikë e kush do të vijë në qeveri, atë do ta shohim për pak ditë.
    Si është të punosh me Ramën, rrëfehet ish-këshilltarja e kryeministrit
    Nga ana tjetër, ish-zëvendësministrja Ornela Çuçi tregoi se si ishte të punonte me kryeministrin Edi Rama dhe arsyet që e çuan drejt largimit nga detyra. “Rama të shkruan në orën 5 të mëngjesit për të të detyruar të bësh punën që ke marrë përsipër. Nëse harron, ai të kujton menjëherë”, tregoi Çuçi. Ndërkohë për menaxhimin e sfidave brenda administratës dhe ndryshimet e zëvendësministrave dhe ministrave, Çuçi theksoi: “Ripërcaktimet nuk kanë qenë gjithmonë të drejtpërdrejta nga qeveria.
    Në fakt, në Shqipëri, zëvendësministrat nuk mbajnë detyrë për më shumë se disa muaj dhe shpesh ndryshojnë me ministrat.” Sa i përket largimit nga detyra, ish-zëvendësministrja sqaroi. “Nuk ishte shkarkim, por lirim nga detyra. Zakonisht, lirohet personi pasi ai kërkon dorëheqjen. Unë nuk kam pasur konflikt me drejtuesit për këtë çështje. Unë nuk e kam takuar Edi Ramën për t’u zënë keq, në atë kohë. Unë kisha kërkuar disa herë të ikja sepse ishte kohë e gjatë 5 vjet”, nënvizoi dje ish-zv/ministrja e Mjedisit dhe Turizmit, Ornela Çuçi për “Dritare Tv”.

  • Partnerja e Mevlanit i përgjigjet Livias: Ke zgjedhur të jetosh në jetën time

    Partnerja e Mevlanit i përgjigjet Livias: Ke zgjedhur të jetosh në jetën time

    Ornela Murati, partnerja aktuale e Mevlan Shabës, ka reaguar me tone të forta në një postim në Instagram, i cili duket të jetë një përgjigje e drejtpërdrejtë për Livian, ish-partneren e Mevlanit. Në një mesazh të qartë dhe ironik, Ornela shkruan:
    “Më vjen keq që jeta jote është kaq bosh sa ke zgjedhur të jetosh në timen. Kur një grua e pavlerë kërkon vëmendje, vetëm bëhet reklamë për nivelin e saj.”
    Ajo vijon duke thënë se personi që përpiqet ta mallkojë, harron se ajo ka diçka që tjetra nuk do ta ketë kurrë, ndërsa e konsideron “qesharake” mendimin se ajo mund të fitojë në këtë situatë. Në fund, Ornela përmend se është dikush “që e mbron dhe i jep atë që meriton”, duke nënkuptuar qartë se ndodhet në një pozicion më të qëndrueshëm dhe të sigurt në raportin e saj aktual me Mevlanin.

  • Ish-zv.ministrja Ornela Çuçi akuzon: Zjarri te plehrat në Vlorë vendoset qëllimisht, reagon kryetari Dredha

    Ish-zv.ministrja Ornela Çuçi akuzon: Zjarri te plehrat në Vlorë vendoset qëllimisht, reagon kryetari Dredha

    Ish-zv.ministrja e Turizmit dhe Mjedisit, Ornela Çuçi, thotë se zjarrin në vendgrumbullimin e plehrave në Vlorë e vendosin qëllimisht për të ulur sasinë. Deklaratat ajo i bëri gjatë emisionit “Opinion” në Tv Klan teksa akuzoi direkt Bashkinë Vlorë për këtë problem.
    “Kjo ngjarja kriminale ka vetëm një kriminel, që janë institucionet. Cili është ky piroman që ka nevojë të vërë zjarr te plehrat çdo vit. Arsyeja përse vihet zjarri aty është sepse duhet që ato sasi mbetjesh aty të ulen në tonalitet. Vetëm për këtë ndizet, vetëm për këtë digjet, pra të ulin tonalitetin. Ligji i mbetjeve njeh vetëm një përgjegjes, që është kryetari i bashkisë që e menaxhon atë landfill. Zjarri i përsëritur s’ka asnjë arsye piromane për t’u bërë, ka arsye institucionale”, deklaroi Çuçi.
    Por ndërkohë gjatë emisionit reagoi edhe kryebashkiaku i Vlorës, Ermal Dredha, i cili mohoi akuzat e Çuçit. Ai tha se tashmë është hapur landfilli i ri i Sherishtës ku po depozitohen mbetjet ndërsa për fushën aktuale do të kryhet një kapsulim i plehrave. ©Argjiroja.net 

  • “Makinat me dhe kushtonin shumë?!”, Dredha i kthehet Çuçit: Vlora prodhon 600 ton mbetje ditore

    “Makinat me dhe kushtonin shumë?!”, Dredha i kthehet Çuçit: Vlora prodhon 600 ton mbetje ditore

    “Përgjegjëse vetëm bashkia”, pas deklaratës së fortë të Ornela Çuçit në “Opinion” për zjarrin në fushën e mbetjeve në Vlorë, reagoi përmes një lidhjeje Skype kryebashkiaku Ermal Dredha.
    Ai argumentoi se fusha e mbetjeve në qytetin bregdetar, ka mbi 40 vite që shërben si vendgrumbullim dhe se këtë fenomen shqetësues e ka hasur që ditën e parë që ka marrë detyrën.
    Theksoi sërish se situata do marrë zgjidhje, pasi tanimë landfilli i Sherishtës është terësisht funksional.
    “Mos të hidhen akuza në tym, sepse i bëhet dëm Vlorës. Është gjithë ajo punë kolosale. Duhet të kuptojmë një gjë, ka 40 e ca vite që përdoret ajo fushë mbetjesh dhe është jashtë kapaciteteve. Lufta më e madhe që ne kemi pasur, të paktën që kur kam marrë këtë detyrë, ka qenë pjesa ligjore, për të vënë në funksion landfillin. Mbetjet urbane shkojnë të gjitha në landfillin e Sherishtës, që prej 26 prillit 2025. Është një punë shumë e madhe, sepse ka qenë një ngërç edhe në aspektin ligjor. Ka edhe njerëz që tërhiqen, kjo është për t’u përgëzuar se nuk është një gjë e vogël. E përmenda jo pa qëllim, sepse ne kemi projekt me bankën gjermane, që parashikon që faza e tretë e është kapsulimi i landfillit. Kjo është utopike ta mendosh, jo më ta deklarosh.
    Se kush është ai që i vë zjarrin landfillit të vet?! Janë gjithë ata njerëz që luftojnë me flakët, ndërkohë që ka gaz metan prej mbetjeve. Është jashtë çdo lloj imagjinate që këtë mund ta bëjë një institucion lokal. Zjarri ishte vetëm dy orë, por u shua menjëherë. Normalisht ka tym. Në mediat sociale doli sikur zjarri ka zgjatur pesë ditë”, tha kryetari i bashkisë Vlorë.
    Megjithatë, Çuçi vijoi me pretendimet e saj, duke i ushtruar një pyetje ironike.
    Ornela Çuçi: Ca makina me dhe ju kushtonin shumë? Mos e tundni kokën fare!
    Ermal Dredha: Duhet të jesh më e mirëformuar për fushën e mbetjeve. Ajo është 10 hektarë, vitin e shkuar na janë dashur me qindra kamiona.
    Ornela Çuçi: Është detyra juaj ligjore të menaxhoni çdo pikë të depozitimit të mbetjeve. Nuk është logjika që unë po merrem me Sherishtën dhe kjo shkon kështu.
    Ermal Dredha: Edhe sa kam filluar punën, kam qenë para këtij fakti. Edhe nëse ne mbulojmë, 600 ton mbetje ditore prodhon Vlora! Prandaj ne kishim luftë me veten për të hapur Sherishtën. Me ato do bëhet pjesa e kapsulimit. Nuk është çështje vitesh, mund të zgjasë tre, katër muaj.

  • U dhunua nga kolegia në zyrën e gjendjes civile, viktima pushohet nga puna

    U dhunua nga kolegia në zyrën e gjendjes civile, viktima pushohet nga puna

    Më 25 maj 2022, në zyrën e Gjendjes Civile Elbasan, ka ndodhur një konflikt fizik mes dy punonjëseve të kësaj zyre. Njëra prej tyre, tashmë ish-punonjëse, thotë se ka punuar 14 vjet në këtë institucion dhe nuk ka pasur probleme të tilla. Por kur erdhi kolegia e re, Fatbardha Kume, nisi ta ofendonte dhe ta bullizonte, gjë që arriti deri në dhunë fizike.
    Denoncuesja thotë se u ankua te përgjegjësja e gjendjes civile të asaj kohe, por nuk u mor asnjë masë. Më pas iu drejtua Drejtorisë së Policisë Elbasan dhe OPGJ Ornela Leçku e mori në pyetje, i bëri foto dhe zonja mori 5 ditë raport.Pas kthimit në punë situata konfliktuale vijoi dhe denoncuesja humbi edhe vendin e punës.

    Emisioni “Stop” në Tv Klan interesohet pranë OPGj Ornela Leçka, e cila pranon se i kujtohet ky rast. Ajo thotë se ka marrë në pyetje palët, ka bërë këqyrjen e rastit dhe fotot dhe materialet i kanë kaluar prokurorisë.

    OPGJ Ornela Leçka: Rasti është kaluar në Prokurori. Janë referuar letrat në Prokurori. Dy gocat normalisht i njoh se jam nga Elbasani dhe mbaj mend që kam bërë këqyrjen, i kam çuar tek eksperti.
    Gazetarja: Ishte e dhunuar, ishte e traumatizuar?
    OPGJ Ornela Leçka: Më kujtohet diçka, që i kemi bërë foto me ekspertin, po se çfarë shenjash ka pasur konkretisht, nuk di të them, se kuptohet unë kam pasur rast pas rasti. Di që fotot nga eksperti janë bërë. Kjo më kujtohet sepse kemi qenë tek zyra ime kur ia kemi bërë fotot. Më pas janë referuar letrat në Prokurori.
    Në përgjigje të një shkrese, Prokuroria e Elbasanit shprehet se e ka regjistruar procedimin penal dhe në vitin 2023 ka dalë me pushimin e çështjes. Nëse palët kanë pretendime, duhet t’i drejtohen gjykatës./tvklan.al

  • Plas sherri LIVE / “A s’ju vjen zor, do iu ngecë në fyt…”, tensione mes Bozdos e Çuçit: Hapni krahun!

    Plas sherri LIVE / “A s’ju vjen zor, do iu ngecë në fyt…”, tensione mes Bozdos e Çuçit: Hapni krahun!

    Vota e diasporës dhe pretendimet e PD për krime në zgjedhje u bënë “sebep” për debate dhe tensione në studion e emisionit “Opinion” në Tv Klan. Një pyetje e Ornela Çuçit e cila u ndërpre nga demokrati Eno Bozdo. Kaq u desh për të nxitur më pas debatet mes njëri-tjetrit, për paaftësi dhe pa zotësi.
    “S’keni parë gjë akoma do iu ngecë në fyt…”, u dëgjua Bozdo të thoshte. “Nëse jeni të paaftë hapni krahun, keni 2 vjet që bëni protesta e s’keni arritur gjë, vetëm sa na keni bllokuar rrugët”, ia kthen Çuçi.
    “Ju kërkojmë shumë ndjesë!”, ia pret Bozdo me ironi.
    Pjesë nga debati:
    Ornela Çuçi: Tani këto 600 mijë votat që ka hequr kjo qeveri dhe ju e keni thënë me të madhe në këto 12 vitet e fundit. 600 mijë njerëz i ka detyruar kjo qeveri që të ikin. Ju pse nuk ishit të aftë që t’i sillnit të votonin të paktën me këtë postën DHL. Nëse ju jeni të paaftë, pse nuk e hapni krahun që këtë hapësirën e 200 mijë votave të shqiptarëve atje që variojnë sa lart – poshtë, ta marrë dikush tjetër që e meriton, që mund ta mbajë dhe që mund t’i dalë zot.
    Eno Bozdo: Faleminderit për pyetjen, jeni plotësisht në skenar. Për çfarë ka ndodhur fajin nuk e ka mazhoranca, por e ka opozita. Ky është skenari i debatit tuaj, patjetër për pyetjen… Mirë unë që s’po dal dot për zot këtyre votave, por ju more a keni ndonjë pikë zori që këta 1 milionë shqiptarë i përzutë dhe pasi i përzutë po vendosni njerëzit e tyre këtu, për të marrë votën e tyre andej dhe me lekët e mia dhe lekët e tua, e kam parë gjithë administratën në Greqi. Unë 1 jam, por ju s’ju vjen zor që çoni gjithë administratën në Greqi…
    Ornela Çuçi: Jo zotëri ti nuk je 1 njeri, je 1 parti, ke 500 mijë vota shqiptare që përfaqëson. Nëse nuk i përfaqëson dot hap krahun që t’i përfaqësojë dikush tjetër.
    Eno Bozdo: Jo krahun nuk e hap unë. Krahun duhet ta hapë krimi e vetëm krimi. Unë nuk e hap krahun, edhe sikur 1 të ngelen unë nuk e hap krahun. Nuk dorëzohem as unë dhe as miqtë e mi. Ju vazhdoni e keni për të parë se çfarë do ndodhë, kjo kafshata e madhe ka për t’iu ngecur në fyt.
    Ornela Çuçi: Keni qenë në protesta në dy vitet e fundit, por gjë nuk keni arritur me thënë të drejtën. Vetëm se na keni bllokuar rrugën, gjë tjetër nuk keni arritur.
    Eno Bozdo: Na falni shumë që ju kemi bllokuar rrugën! Ju kërkojmë ndjesë!