Lajmidites.com

Tag: organizatën

  • Rusia shpall të paligjshme organizatën Human Rights Watch, masa të rrepta edhe për bashkëpunëtorët

    Rusia shpall të paligjshme organizatën Human Rights Watch, masa të rrepta edhe për bashkëpunëtorët

    FOTO ILUSTRUESE

    RUSI- Autoritetet ruse kanë shpallur të paligjshme organizatën “Human Rights Watch”. Përfaqësuesit rusë janë shprehur se grupi ndërkombëtar për të drejtat e njeriut duhet të ndalojë të gjitha aktivitetet në Rusi. Po ashtu, masa të rrepta deri në ndjekje penale do të ketë edhe për ata që bashkëpunojnë ose mbështesin organizatën. Mediat ndërkombëtare e kanë cilësuar vendimin e Zyrës së Prokurorit të Përgjithshëm të Rusisë këtë lëvizje të radhës si shtypje ndaj kritikëve të Kremlinit, gazetarëve dhe aktivistëve, që nga nisja e sulmeve ruse në Ukrainë në shkurt 2022.
    Lista ruse e “organizatave të paligjshme” aktualisht përfshin më shumë se 275 entitete, përfshirë media të pavarura dhe grupe të drejtat e njeriut. Midis tyre janë organizata të njohura mediatike si “Radio Free Europe”, grupi anti-korrupsion “Transparency International” dhe organizata e mbrojtjes së mjedisit WWF.
    Human Rights Watch është themeluar në vitin 1978, e cila monitoron dhe heton shkeljet e të drejtave të njeriut në vende të ndryshme të botës. Grupi ka qenë i hapur në kundërshtimin e tij ndaj pushtimit rus të Ukrainës dhe së fundmi publikoi një hetim mbi përdorimin e dronëve nga forcat ruse për të vrarë qëllimisht civilët që jetojnë në rajonin e Khersonit në Ukrainë./ZËRI

  • Me pranga në këmbë e duar dhe me helmetë në kokë, del VIDEO e arrestimit të Vilson Pepës

    Me pranga në këmbë e duar dhe me helmetë në kokë, del VIDEO e arrestimit të Vilson Pepës

    Janë publikuar pamjet nga momenti i arrestimit të Vilson Pepës, 40-vjeçarit që u kap në Republikën Dominikane, pasi ishte shpallur në kërkim nga SPAK si pjesë e grupit kriminal të trafikut ndërkombëtar të drogës të drejtuar nga Ervis Çela dhe Franc Çopja
    Siç shihet nga pamjet, përveç prangave në duar, shihet teksa ka edhe zinxhir në këmbë, ndërsa shoqërohet nga forcat e Interpol. 40-vjeçari mbante në kokë edhe një helmetë dhe jelek antiplumb.
    Sipas mediave vendase, Vilson Pepa u ndalua më 3 shtator në Santo Domingo. 40-vjeçari, i njohur edhe si Soni Pepa, rezulton i përfshirë me një ngarkesë prej 11 tonësh kokainë, 600 kg prej të cilave u sekuestruan në Roterdam të Holandës midis 7 dhe 8 nëntorit 2020. Ai akuzohet gjithashtu për financimin e blerjes së 10 kg të tjerë në të njëjtin qytet.

    Ngarkesa e përmendur u nis nga porti i Villetas, në Paraguai, me destinacion portin e Antverpit, në Belgjikë. Në momentin e ndalimit, 40-vjeçarit iu gjetën një pasaportë shqiptare, disa dokumente italiane si dhe pesë telefona celularë të koduar dhe para në dorë.
    Vilson Pepa ishte shpallur në kërkim pas operacionit të SPAK më 8 gusht, ku u godit sërish organizatën kriminale të Franc Çopjas në Elbasan. Prokuroria lëshoi 16 urdhër arreste në kuadër të këtij hetimi, 14 masa arresti në burg ndërsa dy të tjerë në detyrim paraqitje.
    Sipas SPAK, grupi akuzohet për trafikun e 28 ton kokainëve në Europë në 2 episode të ndryshme, nga të cilat 17 ton u sekuestruan. Prokuroria e ka cilësuar organizatën e Çopjave si ndër më të fuqishmet dhe që ndikon çmimin e kokainës në tregjet evropiane.
    SPAK akuzon organizatën për dy episode të trafikut të drgoës. Në shtator të vitit 2020, u organizua trafiku i 11.6 tonëve kokainë, e fshehur në kuti sapuni dhe kuti boje metalike me logon “Fox”, ngarkesë e cila u nis nga porti i Villeta në Paraguaj  dhe mbërriti në Anvers më 04.11.2020. 600 kg u sekuestruan dhe 2 milionë euro, ndërsa u arrestuan dy shqiptarë.
    Në periudhën dhjetor 2020-shkurt 2021 u trafikuan 16.4 ton kokainë, fshehur në bombola metalike me bojë/kollë ndërtimi dhe të stampuara me logo me vlerë tregu prej 1.5 miliard deri 3.5 miliard euro. Ngarkesa, e shpërndarë në disa kontejnerë, mbërriti në Hamburg më 12.02.2021 dhe u sekuestrua nga autoritetet doganore gjermane.

  • “Berisha, kusari më i madh i Shqipërisë”, paralajmërimi i avokatit: Shumë shpejt për ’21 janarin’ do t’i vijë një….

    “Berisha, kusari më i madh i Shqipërisë”, paralajmërimi i avokatit: Shumë shpejt për ’21 janarin’ do t’i vijë një….

    Avokati Idajet Beqiri, i ftuar në “Ora e Fundit” u shpreh se Sali Berisha është arkitekti kryesor i shkatërrimit të vendit.
    Ai theksoi se nuk ka qytetarë, që nuk e dinë mënyrën se si Sali Berisha ka pasuruar veten dhe familjarët e tij.
    Sipas avokatit, Sali Berisha grabiti çdo sektor të vendit dhe paratë i ndau me organizatën e tij kriminale.
    “Sali Berisha është arkitekt i shkatërrimit të vendit. Nuk ka shqiptar që nuk e di si është pasuruar Berisha dhe familja e tij. Nuk ka shqiptarë që nuk e di, që është kusari më i madh i Shqipërisë dhe i shqiptarëve.
    E filloi kusarinë e tij që në vitin 1992 dhe vazhdoi deri në fund korrupsion, vjedhje, vrasje, e të tjera, shkatërrim të Shqipërisë për xhepin e tij dhe familjarëve të tij. Sali Berisha me organizatën e tij kriminale, Ilir Meta, me organizatën e tij kriminale ata vetëm grabitën dhe vodhën. Pasuritë e vendit u gllabëruan nga këto njerëz”, tha ai.
    Gjatë diskutimit në “Ora e Fundit”, avokati Beqiraj theksoi se Sali Berisha iu gëzua faktit që e liruan nga masa e arrestit në shtëpi për dosjen “Partizani”, por ky gëzim shtoi ai nuk do të zgjasë shumë.
    Sipas Beqirit, Sali Berisha nuk do t’i shpëtojë dot krimit shtetëror, që ka kryer më 21 janar të 2011, ku katër qytetarë, të cilët po protestonin paqësisht u vranë në mes të bulevardit.
    “U gëzua Saliu se iu hoq masa e arrestit në shtëpi, por do t’i vijë tjetra tani se nuk ka se nga të lëvizi për 21 janarin. Do ketë se nuk bën, sepse ajo dosje do një vendim. Strasburgu e përcaktoi fajtorin për 21 janari, e përcaktoi se është krim shtetëror”, theksoi ai.

  • Turqia zhvillon operacion kundër ISIS-it në 47 provinca, 298 persona të arrestuar

    Turqia zhvillon operacion kundër ISIS-it në 47 provinca, 298 persona të arrestuar

    Si rezultat i një operacioni antiterrorist të zhvilluar në 47 provinca të Turqisë, janë arrestuar 298 persona të dyshuar për lidhje me organizatën terroriste ISIS, tha Ministri i Punëve të Brendshme turke, Ali Yerlikaya , raporton TRT Haber.

    Gjithsej 139 të dyshuar për të cilët u konstatua se po siguronin burime financiare për organizatën terroriste ISIS, si dhe po kryenin propagandë për organizatën, u arrestuan gjatë operacioneve të kryera në Aksaray, Amasya, Ankara, Adana, Adiyaman, Antalia, Artvin, Burdur, Bursa, Eskisehir, Hatay, Igdir, Stamboll, Izmir, Kimarashir, Mugla, Sakarya, Sanliurfa, Tekirdag, Van, Yalova dhe Zonguldak.

    Si rezultat i operacioneve u sekuestruan disa armë zjarri, dokumente të shumta që i përkisnin grupit dhe materiale dixhitale.

    Operacioni u krye nga zyrat e prokurorëve provincialë, i koordinuar nga Departamenti Kundër Terrorizmit i Komandës së Përgjithshme të Xhandarmërisë dhe komandat e xhandarmërisë provinciale.

  • Gonxhja me organizatën e veteranëve të luftës Nacional Çlirimtare dhe pasardhësve të tyre

    Gonxhja me organizatën e veteranëve të luftës Nacional Çlirimtare dhe pasardhësve të tyre

    Ministri dhe drejtuesi politik i PS-së në Njësinë 6, këtë të hënë është takuar me organizatën e Veteranëve të Luftës Nacional Çlirimtare dhe Pasardhësve të tyre. ”Kombinat, Njësia 6 me Organizatën e Veteranëve të Luftës Nacional Çlirimtare dhe Pasardhësve të tyre, duke i falenderuar për sakrificat dhe për kontributin e tyre ndaj atdheut, krahas rolit të tyre sot në shoqëri e rëndësisë që ka vepra e tyre dhe shembulli i tyre për të gjithë brezat”,-shkruan Gonxhja.

  • Lufta tregtare, Kina paraqet ankesë në Organizatën Botërore të Tregtisë kundër tarifave të Trump

    Lufta tregtare, Kina paraqet ankesë në Organizatën Botërore të Tregtisë kundër tarifave të Trump

    Kina ka paraqitur një ankesë në Organizatën Botërore të Tregtisë (OBT) kundër tarifave të mëtejshme të SHBA.

    “Kina paraqiti një ankesë në OBT kundër masave të tjera tarifore prej 50% të Shteteve të Bashkuara për produktet kineze”, thuhet në një deklaratë.
    Sipas Kinës tarifat e vendosura nga presidenti amerikan Donald Trump, po kërcënon dhe destabilizon tregtinë globale.
    Që pas shpalljes së tarifave, Pekini është hakmarrë duke vendosur tarifa shtesë për mallrat amerikane që do të hyjnë në fuqi nga nesër.

    Top Channel