Lajmidites.com

Tag: organizatë

  • Ndjekje si nëpër filma, Policia: Kapet kreu i një organizate kriminale ndërkombëtare (VIDEO)

    Ndjekje si nëpër filma, Policia: Kapet kreu i një organizate kriminale ndërkombëtare (VIDEO)

    Forcat “Shqiponja” arrestuan sot të shumëkërkuarin I. Koçiaj, 59 vjeç. Në videon e publikuar nga policia, shihet momenti ku i shumëkërkuari ka tentuar që t’i shpëtojë efektivëve duke u arratisur me automjetin e tij tip “Audi Q5”.
    Njoftimi i Policisë së Shtetit

    Finalizohet operacioni policor i koduar “Hierarkia”.Kapet kreu i një organizate kriminale ndërkombëtare, shtetas me rrezikshmëri shoqërore, i dënuar me 18 vjet burgim.59-vjeçari tentoi t’iu ikte shërbimeve të Policisë, me një automjet tip “Audi Q5” që u sekuestrua nga Policia.Si rezultat i një pune të mirorganziuar informative dhe operacionale, shërbimet e Seksionit të Kërkimit të Sektorit të Forcës së Posaçme për Operacione Speciale dhe Kërkime, në bashkëpunim me shërbimet e Forcës së Posaçme “Shqiponja”, finalizuan me sukses operacionin “Hierarkia”, gjatë të cilit u vu në pranga shtetasi:-Ilir Kociaj (Koçiaj), 59 vjeç.59-vjeçari, u kap në flagrancë teksa tentonte të largohej me automjetin e tij, në autostradën “Tiranë–Elbasan”.Shtetasi Ilir Kociaj (Koçiaj) ishte shpallur në kërkim nga Drejtoria Vendore e Policisë Elbasan, në zbatim të vendimit të Gjykatës së Apelit Tiranë për njohjen e vendimit të Gjykatës së Firences, Itali, që e dënon atë me 18 vite burgim, për veprën penale “Trafikimi i lëndëve narkotike”, kryer në kuadër të një organizate kriminale.59-vjeçari iu dorëzua Policisë së Elbasanit, për kryerjen e veprimeve të mëtejshme.
     

  • DETAJE / Kapet në autostradën Tiranë–Elbasan, kreu i një organizate kriminale

    DETAJE / Kapet në autostradën Tiranë–Elbasan, kreu i një organizate kriminale

    Policia e Tiranës ka vënë në pranga 59-vjeçarin Ilir Kociaj (Koçiaj), kreun e një organizate kriminale ndërkombëtare, i shpallur në kërkim dhe i dënuar me 18 vite burg nga autoritetet italiane për trafikim të lëndëve narkotike.
    Policia njofton se Kociaj u kap në flagrancë teksa tentonte të largohej me automjetin e tij tip “Audi Q5” në autostradën Tiranë–Elbasan, ndërsa automjeti u sekuestrua nga Policia.
    “59-vjeçari, u kap në flagrancë teksa tentonte të largohej me automjetin e tij, në autostradën “Tiranë–Elbasan”. Shtetasi Ilir Kociaj (Koçiaj) ishte shpallur në kërkim nga Drejtoria Vendore e Policisë Elbasan, në zbatim të vendimit të Gjykatës së Apelit Tiranë për njohjen e vendimit të Gjykatës së Firences, Itali, që e dënon atë me 18 vite burgim, për veprën penale “Trafikimi i lëndëve narkotike”, kryer në kuadër të një organizate kriminale”, njofton Policia.
    Operacioni “Hierarkia” u finalizua nga Forca e Posaçme për Operacione Speciale dhe Kërkime në bashkëpunim me “Shqiponjat” dhe Seksionin e Kërkimit, ndërsa i arrestuari iu dorëzua Policisë së Elbasanit për veprime të mëtejshme procedurale.

  • I dënuar në Itali për drogë/ Kapet në Tiranë 59-vjeçari, kreu i një organizate kriminale (Emri)

    I dënuar në Itali për drogë/ Kapet në Tiranë 59-vjeçari, kreu i një organizate kriminale (Emri)

    Si rezultat i një pune të mirorganziuar informative dhe operacionale, shërbimet e Seksionit të Kërkimit të Sektorit të Forcës së Posaçme për Operacione Speciale dhe Kërkime, në bashkëpunim me shërbimet e Forcës së Posaçme “Shqiponja”, finalizuan me sukses operacionin “Hierarkia”, gjatë të cilit u vu në pranga shtetasi:
    -Ilir Kociaj (Koçiaj), 59 vjeç.
    59-vjeçari, u kap në flagrancë teksa tentonte të largohej me automjetin e tij, në autostradën “Tiranë–Elbasan”.
    Shtetasi Ilir Kociaj (Koçiaj) ishte shpallur në kërkim nga Drejtoria Vendore e Policisë Elbasan, në zbatim të vendimit të Gjykatës së Apelit Tiranë për njohjen e vendimit të Gjykatës së Firences, Itali, që e dënon atë me 18 vite burgim, për veprën penale “Trafikimi i lëndëve narkotike”, kryer në kuadër të një organizate kriminale.
    59-vjeçari iu dorëzua Policisë së Elbasanit, për kryerjen e veprimeve të mëtejshme.

  • Trump nxjerr sërish SHBA nga UNESCO: Organizatë e përçarë

    Trump nxjerr sërish SHBA nga UNESCO: Organizatë e përçarë

    Donald Trump

    SHBA-Presidenti i Shteteve të Bashkuara, Donald Trump, ka vendosur të tërheqë vendin nga Organizata e Kombeve të Bashkuara për Arsim, Shkencë dhe Kulturë (UNESCO), ka bërë të ditur një zyrtar i Shtëpisë së Bardhë për CNN.
    “Presidenti Trump ka vendosur të tërhiqet nga UNESCO – një organizatë që mbështet kauza kulturore dhe sociale ‘woke’, të përçara dhe të shkëputura nga politikat e shëndosha për të cilat amerikanët votuan në nëntor,” u shpreh zëdhënësja e Shtëpisë së Bardhë, Anna Kelly.
    Ky vendim përbën një goditje për UNESCO-n, një agjenci me qendër në Paris e themeluar pas Luftës së Dytë Botërore me synimin për të promovuar paqen përmes bashkëpunimit ndërkombëtar në fushat e arsimit, shkencës dhe kulturës. Ndër iniciativat më të njohura të UNESCO-s janë shpallja e Vendeve të Trashëgimisë Botërore.
    SHBA ishte një ndër themeluesit e UNESCO-s në vitin 1945, por u tërhoq për herë të parë në vitin 1984, duke akuzuar agjencinë për menaxhim të dobët financiar dhe paragjykim ndaj interesave amerikane. Pas rreth 20 vitesh, në vitin 2003, nën administratën e presidentit George W. Bush, SHBA u rikthye në UNESCO, pasi agjencia kishte ndërmarrë reforma të rëndësishme.
    Aktualisht, SHBA mbulon rreth 8% të buxhetit të përgjithshëm të UNESCO-s, një rënie e ndjeshme krahasuar me 20% që kontribuonte para tërheqjes së parë të ndërmarrë nga Trump gjatë mandatit të tij të parë. Kjo tërheqje pritet të ketë pasoja të mëdha si për funksionimin e UNESCO-s, ashtu edhe për rolin e SHBA në bashkëpunimin global për çështje kulturore dhe arsimore./ZËRI

  • Grupi i financuar nga Sorosi ‘No Kings’ nis program trajnimi për aktivistët

    Grupi i financuar nga Sorosi ‘No Kings’ nis program trajnimi për aktivistët

    Indivisible Project, një organizatë e mbështetur nga George Sorosi dhe organizatore e lëvizjes mbarëkombëtare “No Kings”, ka nisur një program rekrutimi aktivistësh me synimin për të trajnuar 1 milion protestues kundër Trump-it për t’u “kundërpërgjigjur”.

    Plani virtual i trajnimit, i quajtur “One Million Rising”, mëson “bazat e organizimit komunitar”, mobilizimin në masë dhe “mosbashkëpunimin strategjik”. Programi fillon përmes thirrjeve në Zoom, por përfshin edhe takime të detyrueshme fizike.

    “Le të organizohemi. Le të ndalim Trump-in,” thuhet në faqen e regjistrimit, ku përmenden deportimet masive të emigrantëve të paligjshëm gjatë administratës Trump.

    Seria e parë e trajnimit nisi të mërkurën me “Sesioni 1: Momenti dhe Misioni yt”, një orientim online që përshkruan mënyra për t’i rezistuar përpjekjeve të qeverisë federale. Trajnerët, që e quajnë veten “trajnerë të lirisë”, sugjeruan, si shembull, “ushtrimin e presionit ndaj sherifëve lokalë për të mos bashkëpunuar me ICE-n”.

    Në fund të seancës hyrëse, 5000 pjesëmarrës morën “Premtimin One Million Rising” për të organizuar një protestë gjatë verës.

    “Sesioni 2: Si të veprosh”, i planifikuar për mbrëmjen e 30 korrikut, është një trajnim DIY që udhëzon pjesëmarrësit se si të organizojnë vetë “mbledhje rezistence komunitare”. “Mëso jo vetëm strategjinë tonë, por edhe si të trajnosh të tjerët dhe t’i përfshish në këtë nismë,” thuhet në program. “Ky trajnim për trajnerët është mënyra sesi arrijmë një milion.”

    Pjesëmarrësit marrin gjithashtu një “paketë proteste” me këshilla për planifikim dhe pika kryesore për t’u përdorur gjatë drejtimit të aktiviteteve të tyre lokale. Një udhëzues prej 10 faqesh u kërkon rekrutëve të ngarkojnë foto si dëshmi të mbajtjes së ngjarjes.

    Pjesa e tretë dhe e fundit, “Sesioni 3: Çfarë tani?”, do të zhvillohet më 13 gusht dhe përfshin njohuri bazë mbi dizajnin e fushatave dhe zbatimin e tyre në nivel lokal, si dhe përfshirjen në fushatën e ardhshme kombëtare të Indivisible.

    Modulet e trajnimit shënojnë fazën tjetër të lëvizjes së Indivisible, pas “Ditës No Kings”, një ditë protestash e organizuar muajin e kaluar në qytete të mëdha amerikane.

    “Mobilizimet njëditore si Dita No Kings janë shfaqje të mrekullueshme të energjisë së lëvizjes, por, nga natyra, kufizohen në një ditë të vetme,” shkroi udhëheqësja e Indivisible në një email drejtuar mbështetësve. “Për të mundur MAGA-n, duhet të mobilizojmë më shumë njerëz dhe në mënyrë të vazhdueshme. Këtu hyn One Million Rising.”

    “Nëse arrijmë ta motivojmë, trajnojmë dhe pajisim këtë lëvizje me praktikat e mosbashkëpunimit strategjik,” vijon thirrja për veprim e Indivisible, “mund të pengojmë, vonojmë dhe ndonjëherë ta bëjmë të pamundur për këtë administratë që të zbatojë politika të korruptuara.”

    Indivisible është një organizatë jofitimprurëse e regjistruar si organizatë sociale mirëqenieje, e financuar kryesisht nga Open Society Foundations (OSF), qendra e rrjetit të fondeve të George Soros. Midis viteve 2017 dhe 2023, organizata mori mbi 7.6 milionë dollarë nga OSF, sipas të dhënave të saj publike.

    I themeluar në vitin 2016 nga dy ish-punonjës të Kongresit, bashkëshortët Leah Greenberg dhe Ezra Levin, Indivisible ka për qëllim mobilizimin kundër politikave të Presidentit Donald Trump. Edhe pse me seli në Uashington, grupi drejton dhjetëra degë lokale në mbarë vendin.

    Si pjesë e lëvizjes më të gjerë “No Kings”, Indivisible organizoi më herët këtë vit protesta kundër Elon Musk-ut nëpërmjet demonstratave “anti-DOGE” pranë salloneve të Teslës dhe takimeve republikane.

    Grupi u bëri thirrje mbështetësve lokalë të “ndalin grushtin e Trump-Musk-ut” dhe madje ofroi të rimbursonte shpenzimet e protestave “Musk or Us”, përfshirë tarifat e vendndodhjes, pajisjet audiovizuale, shtypjen e materialeve, ushqimin, pijet dhe udhëtimet.

    Sipas një formulari aplikimi që më pas u hoq nga interneti, degët e Indivisible mund të përfitonin të paktën 200 dollarë për grup, ndërsa mund të aplikonin për më shumë nëse fondet nuk mjaftonin.

    Indivisible rekomandonte që rimbursimet të depozitoheshin në llogarinë e tyre të ngritur për grumbullim fondesh, një platformë e thjeshtuar që u lejonte degëve të menaxhonin donacione përmes një karte debiti pa u regjistruar si organizatë e pavarur apo të merrnin statusin jofitimprurës.

    “Na besoni, sepse kur formuam organizatën tonë: regjistrimi kërkon kohë, dokumentacion të pafund dhe qindra apo edhe mijëra dollarë në tarifa,” thuhet në faqen e pyetjeve më të shpeshta të Indivisible. “Për më tepër, çdo lloj organizate jofitimprurëse ka kufizime ligjore të ndryshme… Me sistemin tonë të grumbullimit të fondeve, nuk keni pse të shqetësoheni për menaxhimin e donacioneve, ne do ta bëjmë pjesën më të madhe të punës për ju.”

    Indivisible gjithashtu subvencionon “aktivitete për ndërtim komuniteti” për të ndihmuar aktivistët të “rikuperohen” pas protestave. Grupi mbulon deri në 1500 dollarë për aktivitete si grumbullime shoqërore, barbekju, festa me akullore, biseda me kafe, klube librash, mbrëmje lojërash, ecje dhe takime në plazh.

    Indivisible u kontaktua për koment lidhur me nismën e saj “One Million Rising”. / Washington Examiner

  • Etiketoi UÇK-në si “organizatë terroriste”, arrestohet në Kosovë zyrtari serb (Emri)

    Etiketoi UÇK-në si “organizatë terroriste”, arrestohet në Kosovë zyrtari serb (Emri)

    Igor Popoviç, përfaqësues i Zyrës për Kosovën në Qeverinë e Serbisë, është arrestuar të premten nga Policia e Kosovës, pas një deklarimi që ka bërë në Rahovec kundër Ushtrisë Çlirimtare të Kosovës (UÇK), raportojnë mediat në Kosovë.
    Popoviç është ndihmës i Petar Petkoviç, shefit të kësaj Zyre në Serbi. Përgjatë deklarimit të tij, Popoviç e ka quajtur UÇK-në organizatë “terroriste”.
    Ushtria Çlirimtare e Kosovës (UÇK) ishte forcë politiko–ushtarake e cila ka luftuar për çlirimin e Kosovës nga sundimi serb në periudhën 1990-1999. Radio Evropa e Lirë ka kërkuar konfirmim prej Policisë së Kosovës lidhur me raportimet për arrestim, por ende nuk ka marrë përgjigje./ REL

  • I kërkuar për pjesëmarrje në organizatë kriminale, arrestohet në Shkodër 40-vjeçari

    I kërkuar për pjesëmarrje në organizatë kriminale, arrestohet në Shkodër 40-vjeçari

    Policia e Shkodrës ka arrestuar 40-vjeçarin Endrit Feraru alias Endrit Cufi, të shpallur në kërkim për pjesëmarrje në organizatë kriminale dhe për trafikimin e narkotikëve.
    “Strukturat e Drejtorisë së Forcës së Posaçme Operacionale në Departamentin e Policisë Kriminale, bazuar në informacionet e siguruara në rrugë operative, lokalizuan, kapën dhe arrestuan shtetasin E. F. alias E. C., 40 vjeç, banues në Shkodër”, njofton Policia.
    Ky shtetas ishte shpallur në kërkim ndërkombëtar, nga Interpol Roma, pasi ndaj tij, Prokuroria e Riminit, Itali, në muajin shkurt 2025, ka lëshuar urdhër arresti, për pjesëmarrje në organizatë kriminale për trafikimin e narkotikëve. Për këtë vepër penale, Kodi Penal italian parashikon dënim deri në 20 vjet burgim.
    Në bashkëpunim me autoritetet italiane, vijojnë procedurat ligjore për ekstradimin e këtij shtetasi.
    Njoftimi i Policisë
    Operacione të njëpasnjëshme nga Drejtoria e Forcës së Posaçme Operacionale, për kapjen e shtetasve në kërkim ndërkombëtar.
    Finalizohet operacioni policor i koduar “Operacionalja 55”.
    Kapet në Shkodër dhe vihet në pranga me qëllim ekstradimin në Itali, një shtetas i shpallur në kërkim ndërkombëtar për pjesëmarrje në organizatë kriminale për trafikimin e narkotikëve.
    Strukturat e Drejtorisë së Forcës së Posaçme Operacionale në Departamentin e Policisë Kriminale, bazuar në informacionet e siguruara në rrugë operative, lokalizuan, kapën dhe arrestuan shtetasin E. F. alias E. C., 40 vjeç, banues në Shkodër.
    Ky shtetas ishte shpallur në kërkim ndërkombëtar, nga Interpol Roma, pasi ndaj tij, Prokuroria e Riminit, Itali, në muajin shkurt 2025, ka lëshuar urdhër arresti, për pjesëmarrje në organizatë kriminale për trafikimin e narkotikëve. Për këtë vepër penale, Kodi Penal italian parashikon dënim deri në 20 vjet burgim.  
    Në bashkëpunim me autoritetet italiane, vijojnë procedurat ligjore për ekstradimin e këtij shtetasi.

  • Kosova nuk jep amnisti për luftëtarët në Siri, pavarësisht qëndrimit të SHBA-së

    Kosova nuk jep amnisti për luftëtarët në Siri, pavarësisht qëndrimit të SHBA-së

    Dikur terroristë, sot jo më – të paktën për SHBA-në. Por, për drejtësinë në Kosovë, ligji s’ndryshon me diplomacinë. Kosovarët që i ishin bashkuar Frontit Al-Nusra në Siri, do të vazhdojnë të ndiqen penalisht dhe dënohen, edhe pasi SHBA-ja e hoqi atë nga lista e organizatave terroriste.Tre vjet e dy muaj, dy vjet, pesë vjet, tre vjet, dënim me kusht…Që një dekadë, gjykatat në Kosovë kanë trajtuar e dhënë verdikte përfundimtare për shumë kosovarë që kanë shkuar, nga viti 2011, për të luftuar në Siri e Irak.Pse janë dënuar ata? Sepse, në vitin 2015, Kosova ka miratuar një ligj që ua ndalon shtetasve të saj të përfshihen në luftëra të huaja.Dënimet variojnë deri me 15 vjet burgim për vepra të ndryshme, jo vetëm për pjesëmarrje në luftë jashtë Kosovës.Dënim parashihet edhe për këdo që i nxit të tjerët të marrin pjesë në këto luftëra, këdo që mbledh fonde për to dhe këdo që fsheh dëshmi për kryerjen e këtyre veprave.Shumë prej dënimeve të shqiptuara lidhen me kosovarët që i janë bashkuar organizatës Hayat Tahrir al-Sham (HTS), e njohur edhe si Fronti Al-Nusra.Ajo është shpallur organizatë terroriste nga SHBA-ja në vitin 2013, për shkak të lidhjeve të mëparshme të saj me Al-Kaidën e Sirisë.Por, këtë javë, SHBA-ja mori vendim për ta hequr atë nga lista e organizatave terroriste.Radio Evropa e Lirë e pyeti Qeverinë e Kosovës për qëndrimin e saj ndaj kësaj organizate, por nuk mori përgjigje.E, a mund të apelohen dënimet e shqiptuara dhe a do të ndalet ndjekja penale e kosovarëve që u bënë pjesë e Al-Nusrës, nëse ajo nuk njihet më si organizatë terroriste?Përgjigjja është e thjeshtë, thotë Ehat Miftaraj, drejtor ekzekutiv i Institutit të Kosovës për Drejtësi: Jo.“Në Kosovë nuk ka një ligj për amnisti, që, në njëfarë mënyre, do t’i amnistonte këta persona nga ndjekja penale apo vuajtja e dënimit, kështu që për organet e drejtësisë në Kosovë mbeten në fuqi vendimet gjyqësore”, thotë Miftaraj për Radion Evropa e Lirë.Kjo nuk vlen vetëm për rastet për të cilat tashmë është marrë vendim gjyqësor, sipas tij. E njëjta do të vlejë edhe për ata që do të sillen para drejtësisë në të ardhmen për pjesëmarrje në atë organizatë.Kjo për dy arsye: Kosova e ndalon pjesëmarrjen në çfarëdo konflikti jashtë vendit dhe kryerja e veprës penale është bërë në kohën kur Al-Nusra është njohur ende si organizatë terroriste nga shtetet e mëdha perëndimore.“Këto veprime, gjatë kohës kur janë kryer, kanë qenë akte terroriste, andaj institucionet në Kosovë janë të obliguara të vazhdojnë me ndjekjen penale, edhe pse SHBA-ja e ka hequr nga lista e organizatave terroriste”, sqaron Miftaraj.Këshilli i Sigurisë i Kombeve të Bashkuara ende e njeh Al-Nusrën si organizatë terroriste, ndërsa qëndrimi i Kosovës nuk është publik.Vendimet gjyqësore që janë marrë deri më tani, kanë cituar përcaktimin e Al-Nusrës si organizatë terroriste nga OKB-ja.Kush është Al-Nusra?Një vit pas nisjes së luftës civile në Siri, në vitin 2012, u shfaq një grup me emrin Jabhat al-Nusra, apo Fronti Al-Nusra, që njihej si degë siriane e organizatës terroriste, Al-Kaida.Ky grup militant e ndryshoi më pas emrin disa herë dhe, më 2016, shkëputi lidhjet me grupin xhihadist, Al-Kaida, në përpjekje për të ndryshuar imazhin e vet publik.Një vit më vonë, Al-Nusra u bashkua me grupe të tjera opozitare në veriperëndim të Sirisë, për të formuar HTS-në. Ajo mori nën kontroll një pjesë të atij rajoni sirian, administrimi i së cilës u përcoll me akuza për abuzime të atyre që e kundërshtonin regjimin.Fronti Al-Nusra u shndërrua në një nga grupet më vdekjeprurëse që luftuan kundër regjimit të presidentit sirian, Bashar al-Assad, duke përdorur taktika si bombardimet vetëvrasëse dhe pajisjet artizanale plasëse.Më 2018, ai u listua si organizatë terroriste nga SHBA-ja dhe grupet aleate.Por, në janar të këtij viti, një koalicion i armatosur, i udhëhequr nga lideri i Al-Nusrës, Ahmed al-Sharaa, e rrëzoi Qeverinë e Bashar al-Assadit, duke i dhënë fund regjimit brutal që kishte zgjatur për gjysmë shekulli nga familja al-Assad.Pas rrëzimit të këtij regjimi, autoritetet e reja bënë të ditur për shpërbërjen e të gjitha fraksioneve të armatosura dhe thanë se ato janë integruar në trupa shtetërore, si forca e re policore.Al-Sharaa u vetëshpall president i përkohshëm – vendim që u mirëprit, por jo me doza të larta entuziazmi, në Uashington, Evropë dhe vende të tjera.Në maj të këtij viti, presidenti amerikan, Donald Trump, takoi al-Sharaan në Riad – hap që u pa jo vetëm si një kapitull i ri për vendin e shkatërruar nga lufta, por edhe si një ripozicionim i aleancave rajonale dhe dinamikave të pushtetit në Lindjen e Mesme.Kush kishte shkuar për të luftuar në Siri?Shumë kosovarë kishin formuar lidhje me Al-Nusrën shumë kohë para se ajo të legjitimohej nga SHBA-ja.Të dhëna të mëhershme tregojnë se mbi 350 persona besohet të kenë shkuar në Siri që nga viti 2011, kryesisht për t’iu bashkuar grupit ekstremist, Shteti Islamik.Deri në shpartallimin e Shtetit Islamik në fund të vitit 2017, shumica e kosovarëve në Siri jetonin në territoret që kontrolloheshin nga grupi Al-Nusra.Më herët është thënë se rreth 100 kosovarë vazhdojnë të mbesin në territorin e Sirisë dhe Irakut, edhe pse nga viti 2019, qindra persona janë kthyer përmes disa operacioneve të riatdhesimit që ka organizuar Kosova.Sipas Qendrës për Luftimin e Terrorizmit, një institut kërkimor në kuadër të Akademisë Ushtarake të SHBA-së në West Point, Kosova ishte një nga burimet më të mëdha të xhihadistëve evropianë në Siri dhe Irak, kur merret parasysh madhësia e popullsisë së saj.Me rreth 16 xhihadistë për çdo 100 mijë banorë, shkalla e rekrutimit nga Kosova ishte tetë herë më e lartë sesa e Francës, që kishte në përgjithësi numrin më të madh të xhihadistëve në Siri dhe Irak në të gjithë Evropën.Sipas Adrian Shtunit, ekspert i politikës së jashtme dhe sigurisë që vepron në Uashington dhe bashkëpunëtor i Qendrës Ndërkombëtare për Kundërterrorizëm, të rekrutuarit nga Kosova ishin në përgjithësi djem të rinj nga mosha 21 deri në 25 vjeçe.Lavdrim Muhaxheri, militant i Shtetit Islamik, i cili më 2017 u tha se është vrarë në moshën 27 apo 28 vjeçe, njihej si udhëheqës i shqiptarëve në formacionet terroriste të Shtetit Islamik.Kush është gjykuar për lidhje me Al-Nusrën?Në fund të vitit të kaluar, Shërbimi Korrektues i Kosovës i kishte thënë REL-it se, pas proceseve gjyqësore, nëpër institucionet korrektuese të Kosovës kanë kaluar rreth 42 të burgosur për pjesëmarrje në luftëra të huaja.Në vitin 2017, gjatë procesit gjyqësor kundër Q.K., babai i tij kishte thënë se djali i tij nuk po kthehej në Kosovë sepse i frikësohej burgimit.Nuk ka të dhëna publike për vijueshmërinë e këtij rasti dhe nëse Q.K. në fund është kthyer në Kosovë.Por, proceset gjyqësore ndaj shumë personave të tjerë që kanë ndjekur të njëjtin rrugëtim si ai, kanë qenë publike.Vetëm këtë muaj, Gjykata Themelore në Prishtinë e dënoi shtetasin e Kosovës, M.D., me 20 vjet burgim për krime kundër njerëzimit në Irak dhe Siri, ndërsa në janar të vitit 2019 ai ishte dënuar me pesë vjet burgim për vepra penale që lidheshin me terrorizëm.Ai e kishte pranuar fajësinë për veprën penale të organizimit dhe pjesëmarrjes në grupe terroriste.Në janar të këtij viti, edhe O.K. ishte dënuar me tre vjet e dy muaj burgim për organizim dhe pjesëmarrje në Al-Nusra, pasi kishte arritur marrëveshje për pranim fajësie me Prokurorinë.Ai akuzohej se i ishte bashkuar Al-Nusrës në janar të vitit 2013, kur ishte pajisur me armë të llojit AK-47 dhe municion, për të kryer detyrat e kërkuara nga ajo organizatë në një territor afër qytetit të Damaskut.Rreth një vit më parë, në janar të 2023-ës, Y.B. ishte dënuar me pesë vjet burgim për pjesëmarrje në grup terrorist.Ai thuhet se ishte bërë pjesë e Al-Nusrës në mars të vitit 2013, ndërsa ishte kthyer në Kosovë në maj të vitit 2022.Një vit para kthimit të tij në Kosovë, një tjetër kosovar, N.S., ishte dënuar me tre vjet burgim për pjesëmarrje në Al-Nusra.Të gjithë këta thuhej se kishin udhëtuar nga Aeroporti i Prishtinës për në Turqi, prej ku pastaj ishin nisur me persona të tjerë drejt Sirisë.Dënime të ngjashme kanë marrë edhe shumë kosovarë të tjerë për pjesëmarrje në Al-Nusra, përfshirë edhe disa gra, të cilat, megjithatë, më shpesh janë dënuar me kusht.Por, gjykimi më me nam lidhur me pjesëmarrjen e kosovarëve në Al-Nusra kishte përfunduar me gjykim lirues – rasti i gjykimit të imamit Shefqet Krasniqi.Në shkurt të vitit 2017, ai ishte akuzuar për shtytje në kryerjen e veprave penale, sepse thuhej se, me ligjëratat e tij, kishte bërë që shumë persona t’iu bashkoheshin organizatave si Shteti Islamik dhe Al-Nusra.Në aktakuzë përmendej, ndër të tjerë, edhe Blerim Heta. Sipas prokurorisë, Heta, në vitin 2014, kishte kryer veprim terrorist vetëvrasës, nga i cili kishin mbetur të vrarë 52 persona në Irak.Por, në fund të procesit gjyqësor, Krasniqi u lirua nga të gjitha akuzat si nga Gjykata Themelore, ashtu më vonë edhe nga Gjykata e Apelit.Raste të tjera të përfshirjes së kosovarëve në Al-Nusra vazhdojnë ende të hetohen nga gjykatat në Kosovë, ku gjatë gjykimeve është argumentuar plot herë se shtytja për t’iu bashkuar luftërave atje, kishte ardhur nga platforma online./REL/

  • “Nëse e sheh Ramën në zonën tënde, frikësohu”, Saraçi godet fort qeverinë: Kryeministri vepron si organizatë kriminale

    “Nëse e sheh Ramën në zonën tënde, frikësohu”, Saraçi godet fort qeverinë: Kryeministri vepron si organizatë kriminale

    I ftuar në  një emision televiziv, Romir Saraçi, komentoi mbi protestën e banorëve të Thethit kundër shembjes së bujtinave.
    Saraçi e quajti këtë veprim “tradhti ndaj qytetarëve dhe popullit”, duke theksuar se pas premtimeve elektorale për faljen e gjobave për ndërtimet pa leje, qeveria veproi si “organizatë kriminale” për të grabitur pronat e tyre. Gjithashtu shtoi se kjo nuk është rastësi, por një projekt i planifikuar, dhe paralajmëroi me ironi qytetarët që të shqetësohen sa herë kryeministri viziton zonat e tyre.
    “Unë e kam cilësuar tradhti ndaj qytetarëve dhe ndaj popullit, sepse jemi përballë faktit, nuk jemi përballë një ndryshimi të planit gjatë rrugës. Përballë atyre banorëve që sot shtriheshin për të mbrojtur pronat e tyre, iu ka premtuar që do t’ju falë gjobat për ndërtimet pa leje, duke cituar që e di se keni ndërtuar në një zonë të mbrojtur. Kaluan zgjedhjet e 11 majit, kryeministri u hodh në aksion për t’i shembur, këtu kemi të bëjmë me një tradhti.
    Duke hulumtuar më pas, përveçse tradhti nga ato që parë, bën një lloj deduksioni që ky është një krim shtetëror që ne e kemi parë edhe në raste të tjera, ku qeveria dhe kryeministri i vendit vepron si organizatë kriminale për të grabitur ato prona të atyre qytetarëve. Është një grabitje që po bëhet dhe një projekt i paracaktuar. Kryeministrit mund t’i ketë lindur ideja për ta rrafshuar Thethin pikërisht nga këto vizitat që ka bërë. Në mënyrë ironike do t’i thoja çdo qytetari: nëse shihni kryeministrin në zonën tuaj, shqetësohuni, sepse një gjë e keqe do t’ju vijë.” – tha Saraçi.
     
     

  • SPAK akuzë për trafikimin e 1 ton kanabis/Pranga shqiptarit,pjesë e një organizate..

    SPAK akuzë për trafikimin e 1 ton kanabis/Pranga shqiptarit,pjesë e një organizate..

    Kapet në Francë, pjesëtari i një organizate kriminale ndërkombëtare që akuzohet nga SPAK, për trafikimin e mbi 1 ton Cannabis, në Bari, nëpërmjet rrugës detare.
    “Si rezultat i sigurimit të informacionit nga struktura të specializuara të Policisë së Shtetit, dhe shkëmbimit të tij në kohë reale, nëpërmjet Interpol Tiranës, me homologët në Paris, në kuadër të kësaj faze të operacionit “The Wanted”, policia franceze lokalizoi dhe arrestoi me qëllim ekstradimin në Shqipëri, shtetasin shqiptar, të shpallur në kërkim ndërkombëtar, P. D., 50 vjeç.
    GjKKO-ja i ka caktuar 50-vjeçarit, masën e sigurisë “Arrest në burg”, për trafikim të lëndëve narkotike dhe pastrim parash, kryer në kuadër të organizatës kriminale.
    Nga hetimet e kryera dyshohet se shtetasi P. D., në bashkëpunim me shtetas shqiptarë dhe italianë, kanë tentuar të trafikojnë në Itali, nëpërmjet rrugës detare, 1016 kilogramë lëndë narkotike Cannabis Sativa të kultivuar në Shqipëri. Sasia e lëndës narkotike u sekuestrua në Bari, nga Policia italiane, ku gjithashtu u arrestuan 2 pjesëtarë të kësaj organizate kriminale”, thuhet në njoftim e policisë.
    Interpol Tirana vijon të bashkëpunojë me Francën për të finalizuar procedurën për ekstradimin në Shqipëri, të 50-vjeçarit.