Lajmidites.com

Tag: organizata

  • Kryqi i Kuq përballet me krizë financiare, shkurton 3,000 vende pune dhe 17% të buxhetit

    Kryqi i Kuq përballet me krizë financiare, shkurton 3,000 vende pune dhe 17% të buxhetit

    Komiteti Ndërkombëtar i Kryqit të Kuq (KNKK) ka njoftuar se do të ulë buxhetin e tij për vitin 2026 me 17%, duke e çuar atë në 1.8 miliardë franga zvicerane (1.94 miliardë euro), si dhe do të shkurtojë rreth 2,900 vende pune.

    Lajmi u bë i ditur nga organizata në një deklaratë zyrtare. “Realitetet financiare po na detyrojnë të marrim vendime të vështira për të siguruar që të vazhdojmë të ofrojmë ndihmë humanitare kritike për ata që kanë më shumë nevojë”, tha presidentja e KNKK-së, Mirjana Spoljaric, pas një mbledhjeje të asamblesë së organizatës. Ajo theksoi se, pavarësisht sfidave, “KNKK mbetet e përkushtuar të ndërhyjë në vijën e parë të konflikteve, aty ku pak organizata të tjera mund të operojnë”. Buxhetet globale të ndihmës po përballen me shkurtime të papara, pasi donatorët po e zhvendosin fokusin drejt mbrojtjes. Kjo situatë po i detyron agjencitë humanitare të marrin vendime të vështira se kë të ndihmojnë, në një kohë kur konfliktet e shumta dhe zhvendosjet rekord të popullsisë po rritin kërkesën për ndihmë.

    Top Channel

  • OBSH/ 1 në 3 gra në botë kanë përjetuar dhunë

    OBSH/ 1 në 3 gra në botë kanë përjetuar dhunë

    Organizata Botërore e Shëndetësisë publikoi sot, të mërkurën, më 19 nëntor, një raport tronditës mbi përhapjen e dhunës ndaj grave në mbarë botën, duke e përshkruar situatën si një nga krizat më të thella dhe më pak të adresuara të të drejtave të njeriut.
    Sipas OBSH-së, rreth 840 milionë gra, ose pothuajse një në tre, kanë përjetuar dhunë fizike apo seksuale në një moment të jetës së tyre, qoftë nga partneri tyre, qoftë nga persona të tjerë.
    “Dhuna ndaj grave mbetet një nga krizat më të vazhdueshme dhe të paadresuara të të drejtave të njeriut në botë, me shumë pak përparim të bërë në dy dekada”, thuhet në deklaratën e OBSH-së.
    Raporti thekson se në vetëm 12 muajt e fundit, 316 milionë gra — përkatësisht 11% e të gjitha grave mbi 15 vjeç — kanë qenë viktimë e dhunës nga partneri intim.
    Organizata i bëri thirrje shteteve të veprojnë me urgjencë për të forcuar mbrojtjen e grave, duke e cilësuar këtë fenomen “një plagë globale që prek çdo shtresë të shoqërisë” dhe që kërkon investim serioz në parandalim, mbështetje dhe drejtësi.

  • SHBA shpall 4 grupe si organizata terroriste në Europë

    SHBA shpall 4 grupe si organizata terroriste në Europë

    Sekretari amerikan i shtetit, Marco Rubio, shpalli 4 grupe europiane të ANTIFA si organizata terroriste. Ato ishin të lokalizuara me bazë në Gjermani, Itali dhe Greqi.
    Vendosja e tyre në listën e zezë do të hyjë në fuqi javën e ardhshme. Kjo i vendos këto grupe në të njëjtën kategori me organizata terroriste si ISIS-k dhe Al-Shabaab. Si rezultat, amerikanëve u ndalohet që ndërveprojnë me ato grupime apo t’i mbështesin.
    Vendimi, vjen ndërsa presidenti amerikan, Donald Trump, i ka shpallur luftë lëvizjes ANTIFA, që zakonisht anon nga e majta politike, por që nuk ka një drejtues të përcaktuar qartë. Në shtator, Trump firmosi një urdhër ekzekutiv duke e përcaktuar atë si organizatë terroriste brenda SHBA-ve dhe kërkoi që autoritetet të ndërmarrin veprime kundër ANTIFA-s.

  • I shpalli ‘organizata të padëshirueshme’/ Pse Putin ndaloi zyrtarisht fondacionet e Sorosit në Rusi

    I shpalli ‘organizata të padëshirueshme’/ Pse Putin ndaloi zyrtarisht fondacionet e Sorosit në Rusi

    Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona

  • I shpalli ‘organizata të padëshirueshme’/ Pse Putin ndaloi zyrtarisht fondacionet e Sorosit në Rusi

    I shpalli ‘organizata të padëshirueshme’/ Pse Putin ndaloi zyrtarisht fondacionet e Sorosit në Rusi

    Në vitin 2015, qeveria ruse ndaloi zyrtarisht Fondacionet e Shoqërisë së Hapur të miliarderit dhe filantropit George Soros, duke i shpallur ato “organizata të padëshirueshme” në përputhje me një ligj të ri për sigurinë kombëtare.

    Vendimi i Prokurorit të Përgjithshëm të Federatës Ruse u bazua në pretendimet se aktivitetet e fondacioneve “përbënin kërcënim për rendin kushtetues dhe sigurinë kombëtare të vendit.”
    Si pasojë, Fondacioni i Shoqërisë së Hapur dhe Instituti për Shoqëri të Hapur u detyruan të ndërprisnin të gjitha operacionet dhe projektet e tyre në territorin rus.

    Ky veprim bllokoi çdo formë financimi apo granti për organizatat dhe grupet lokale që kishin bashkëpunuar me fondacionet e Sorosit.
    Edhe pse masa nuk e ndaloi personalisht vetë George Sorosin, ajo i dha fund plotësisht pranisë së rrjetit të tij filantropik në Rusi, duke shënuar një nga kundërshtimet më të forta ndërkombëtare ndaj rrjetit të Fondacioneve të Shoqërisë së Hapur.

  • Ushtria e Izraelit: Hamasi na ka dorëzuar kufoma të rreme të pengjeve

    Ushtria e Izraelit: Hamasi na ka dorëzuar kufoma të rreme të pengjeve

    Organizata terroriste Hamas ende nuk i ka dorëzuar trupat e të gjitha pengjeve të vdekura. Sipas hetimeve mjeko-ligjore të ushtrisë izraelite, sërish janë dorëzuar kufoma të gabuara.
    Mbetjet e trupave të tre personave të vdekur, që dorëzoi së fundmi grupi islamist Hamas, nuk u përkasin pengjeve të zhdukur, njoftoi ushtria izraelite, duke ju referuar analizave dhe hetimeve të Institutit të Mjekësisë Ligjore. Mbetjet mortore iu dorëzuan nga Hamasi të premten në mbrëmje përfaqësuesve të Komitetit Ndërkombëtar të Kryqit të Kuq në Rripin e Gazës, dhe ata ia përcollën ato më pas ushtrisë izraelite.
    Izraeli akuzon Hamasin për gënjeshtra
    Një ditë më parë, të enjten 30.10, Hamasi dorëzoi dy trupa pa jetë, të cilët u përkisnin vërtet izraelitëve Amiram Cooper dhe Sahar Baruch. Grupi islamist Hamas ka dorëzuar deri tani trupat e 17 nga 28 pengjet e vdekura. Ndryshe nga sa ishte rënë dakord në planin e paqes së Presidentit të SHBA-së, Donald Trump, për Gazën, organizata terroriste po i liron trupat ngadalë. Ajo e justifikon këtë me pretendimin se është e vështirë për t’i gjetur të vdekurit, sepse janë varrosur nën rrënojat e ndërtesave dhe tuneleve të bombarduara. Izraeli e quan këtë një gënjeshtër të Hamasit.
    Hamasi e pranon gabimin e tij
    Ky nuk është rasti i parë i këtij lloji. Hamasi edhe më parë ka dorëzuar trupa palestinezësh në vend të mbetjeve të personave që u rrëmbyen si pengje. Në mes të tetorit Hamasi dorëzoi trupin e një palestinezi në vend të trupit të një pengu.
    Edhe në muajin shkurt Hamasi dorëzoi trupin e një gruaje palestineze në vend të trupit Shiri Bibas, të marrë peng. Bibas ishte edhe shtetase gjermane. Organizata terroriste e pranoi më vonë një gabim të mundshëm dhe në fund dorëzoi trupin e saktë./ DW

  • Bashkimi i 17 dosjeve/ Ja si u shkatërrua përmes ‘Sky’ organizata ‘Çopja’

    Bashkimi i 17 dosjeve/ Ja si u shkatërrua përmes ‘Sky’ organizata ‘Çopja’

    Një hetim i rregjistruar me Nr.75/9 kundër disa prej eksponentëve të botës së krimit në Elbasan që kryenin vrasjet me pagesë në disa qytete të vendit, ka sjellë zbulimin e një prej organizatave që vepronte në disa vende të botës.
    Për skanimin e veprimtarisë kriminale të kësaj organizate që drejtohej nga vëllezërit Hajdar dhe Franc Çopja, SPAK-ut i është dashur të bashkojë 17 dosje të ndryshme, të cilat janë mbledhur nga prokuroritë e rretheve, duke u hetuar si një çështje e vetme me Nr.Procedimi 75/9.
    Vendimi për bashkimin e 17 dosjeve është marë në 11 Maj 2022, ndërsa janë vënë nën hetim 33 persona, ku ndaj tyre u zbatuan masat e sigurisë “Arrest në burg” dhe masa të tjera.
    Kjo organizatë kriminale drejtohet nga vëllezërit Franc Gargely alias Franc Çopja, Hajdar Bako alias Hajdar Çopja dhe lidhjet e tyre në Europë dhe vendet e Amerikës Latine (Ekuador, Brazil, Kolumbi,Paraguaj dhe Bolivi)të cilat janë vendet e origjinës nga ku sigurojnë lëndën narkotike të llojit kokainë), si dhe lidhjet e tyre shoqërore, miqësore dhe bashkëpunuese në Shqipëri.
    Dyshohet se veprimtaria kriminale e vëllezërve Çopja, shtetasve Hajdar Bako (Çopja), dhe Franc Gergely (Çopja), daton rreth viteve2006 – 2007, ku fillimisht e kanë ushtruar aktivitetin kriminal në Itali duke shpërdarë në sasi të vogla lëndë narkotike të llojit kokainë.
    Me kalimin e viteve vëllezërit Çopja u fuqizuan shumë nga shitja dhe trafikimi i drogës, ku nga Italia e shtrinë/zgjeruan aktivitetin e tyre kriminal edhe në vende të tjera të Europës kryesisht në Holandë, Belgjikë dhe Mbretërinë e Bashkuar.
    Gjithashtu, me kalimin e viteve u rrit potenciali i tyre ekonomik, si rrjedhojë edhe pozita e tyre në raport me grupet e tjera ndryshoi pasi ata krijuan kontakte të cilat ju dhanë më pas atyre mundësi për të krijuar lidhje të drejtpërdrejta me eksponentë të rëndësishëm të narkotrafikut në vendet e Amerikës Latine si vende origjine të kokainës.
    Hetimet treguan se pas vitit 2018, vëllezërit Çopja janë shndërruar në një organizatë kriminale të mirfilltë, e cila në bashkëpunim edhe me grupe të tjera të krimit tëorganizuar transnacional e ka zgjeruar veprimtarinë e saj kriminale në trafikimin e drogave të forta kryesisht kokainë, ku përveç vendeve europiane dyshohet se ka trafikuar kokainë edhe në vende të tjera jashtë kontinentit Europian, siIndi, Afrikën e Jugut, Singapor etj.
    Për të zotëruar tregun dhe për të krijuar hegjemoninë e saj ndaj grupeve të tjera, kjo organizatë kriminale në vitin 2018 filloi vrasjen e kundërshtarëve (nëpërmjet vrasjeve me pagesë), të cilët kishin një rol të rëndësishëm në trafikun e drogës në Europë dhe më gjerë.
    Vrasja e trefishtë, ku u vra shtetasi Endrit Alibej, më 29 dhjetor 2018, në vendin e quajtur rrethrrotullimi i Bradasheshit në Elbasan, provohet përtej dyshimit të arsyeshëm se është kryer nga organizata kriminale “Çopja” dhe qëllimi i kësaj vrasje ka të bëjë me zotërimin e tregut të kokainës dhe krijimin e lidhjeve të drejtpërdrejta me eksponentë të rëndësishëm në trafikun e drogës (shtetas të huaj edhe shtetas shqiptarë të cilët kishin influencë dhe kredite në rrejtet ndërkombëtare të trafikut të kokainës).
    Ndërsa, vjedhja e 50 kg kokainë në Londër, është përdorur si pretekst nga organizata kriminale “ÇOPJA”, me qëllim që të justifikonin vrasjen e shtetasit Endrit Alibej, tek lidhjet e përbashkëta që ata kishin në narkotrafik.
    Këtu është fjala për shtetas të huaj si dhe shtetas shqiptar të cilët punonin me të dyja palët Çopjat dhe shtetasin Endrit Alibej, i cili kishte një rol të rëndësishëm nëtrafikimin e kokainës nga vendet Latine (vendet e origjinës) në drejtim të Italisë, Holandës, Belgjikës, Britanisë së Madhe dhe vende të tjera të Europës.
    Organizata kriminale Çopja për të shkëputur këtë lidhje duhet me patjetër të eleminonte shtetasin Endrit Alibej. Për të humbur gjurmët rezulton nga hetimet se Franc Çopja ka shkuar për ngushëllim në familjen e Endrit Alibej, fakt të cilin e tregon me tallje gjatë bisedave me anëtarët e organizatës.
    Organizata kriminale Çopja pas vrasjes së trefishtë, (me viktima shtetasit Endrit Alibej, Arben Dylgjeri dhe shtetasit turk Erdal Duranay) kryer më datë 29 dhjetor 2019 në Bradashesh, Elbasan, më 1 korrik 2019, në fshatin Broshkë, Elbasan kreu vrasjen e Klevin Baho dhe plagosjen e shtetasit Aldo (Aleksandër) Baho më 13 dhjetor 2019, në fshatin Përparim, Peqin kreu vrasjen e shtetasit Andi Zylyfit dhe plagosjen e shtetasit Ardit Uruçi më 16 janar 2020 në Elbasan, tenton të vrasë shtetasin, Kei Piku.
    Pas këtyre vrasjeve kemi kundërpërgjigjen e grupit Alibej, të cilët më 2 mars 2020 vrasin shtetasit Dorian Shkoza dhe Anxhelo Avdia (ku objektiv i atentatit rezulton të ketë qenë vetëm shtetasi Dorian Shkoza).
    Më 27 Prill 2020, vriten Besmir dhe Viktor Haxhia. Ndërkohë në 20 korrik 2020 në Elbasan vritet shtetasi Emiljano Ramazani, ndërsa më 29 korrik 2020 në Elbasan vitet shtetasi Regis Runaj. Si kundërpërgjigje vijon organizata Çopja e cila më 15 shtator 2020 në fshatin Sinaballaj, Rrogzhinë, kryen vrasjen e shtetasit Klevis Kapllanin. Në vijim, nga grupi Alibej më 17 shtator 2020 në Bradashesh, Elbasan, vritet vëllai i Talo Çelës shtetasi Bujar Çela.
    Ndërsa, nga organizata kriminale Çopja më 27 nëntor 2020 vritet Ardit (Arjan) Spahiu në Molembek, Belgjikë. Gjithashtu, organizata kriminale Çopja më datë 29 Nëntor 2020 në Poshnje, Ura Vajgurore, Berat, tentohet të vrasë shtetasi Irfan Azizi.
    Është provuar se, organizata kriminale Çopja është e dhunshme, e armatosur (kjo pasi kanë kryer një sërë vrasjesh brenda dhe jashtë vendit) por edhe e pushtetshme financiarisht me burim të ardhurash nga trafikimi i drogës nga e cila kanë përfituar shuma monetare të konsiderueshme, një pjesë e të cilave (shuma të konsideruesme) janë përdorur për pagesat e vrasësve të rekrutuar. Kjo organizatë dallohet për shkallën e veçantë të strukturimit, qëndrueshmërisë, kohëzgjatjes së saj, qëllimit për të kryer disa vepra penale dhe fuqisë së saj fianciare.

  • “Kapja e shtetit nga kartelet e drogës”/ Deputeti lëshon bombën: Organizatat terroriste, partnerë të qeverisë Rama

    “Kapja e shtetit nga kartelet e drogës”/ Deputeti lëshon bombën: Organizatat terroriste, partnerë të qeverisë Rama

    Deputeti i Partisë Demokratike, Klevis Balliu, ka reaguar ashpër përmes një postimi në rrjetin social Facebook, ku denoncon lidhjet e ngushta mes krimit të organizuar dhe politikës në Shqipëri, duke e përshkruar vendin si një “narkoshtet”.
    Sipas Balliut, një nga rastet më domethënëse që tregon kapjen e shtetit nga kartelet e drogës është organizata kriminale “Çopja”. Ky grup, thotë ai, përdorte sektorin imobiliar për pastrimin dhe qarkullimin e parave të drogës, duke fshehur aktivitetin kriminal përmes bizneseve dhe pronave.
    Balliu thekson se hetimet kanë zbuluar lidhje direkte të kësaj organizate me njerëz të pushtetit, përfshirë gjyqtarë dhe efektivë të Policisë së Shtetit, të cilët, sipas tij, figurojnë në listëpagesat e grupit kriminal.
    “Ky është përkufizimi i vërtetë i narkoshtetit,” shkruan Balliu, duke akuzuar qeverinë e Edi Ramës për bashkëpunim me organizata kriminale dhe shkatërrim të sistemit të drejtësisë.
    Deputeti opozitar shton se rasti “Çopja” është vetëm një prej shumë shembujve që vërtetojnë akuzat e opozitës. Sipas tij, e njëjta skemë kriminale shfaqet edhe tek grupet “Tropjanët”, “Bajrat” apo organizata të tjera me lidhje ndërkombëtare, si Sinaloa dhe ’Ndrangheta.
    “Ndërsa në SHBA kartelet shpallen organizata terroriste, në Shqipëri ato trajtohen si aleatë dhe partnerë të qeverisë,” përfundon deklaratën e tij Klevis Balliu.

  • Goditet organizata që shfrytëzonte seksualisht vajza me probleme mendore, dy të arrestuar

    Goditet organizata që shfrytëzonte seksualisht vajza me probleme mendore, dy të arrestuar

    Dy të rinj janë arrestuar në Selanik nën akuzat për përfshirje në një organizatë kriminale që shfrytëzonte seksualisht vajza të mitura me probleme të shëndetit mendor dhe shpërndante materiale pornografike me fëmijë.

    Operacioni u zhvillua të enjten në mëngjes nga policia greke, në zbatim të urdhër-arresteve të lëshuara nga autoritetet hetuese. Të arrestuarit janë një 21-vjeçar greko-amerikan, i dyshuar si figura kryesore e grupit, dhe një 18-vjeçar grek, bashkëpunëtor i tij.

    21-vjeçari ishte arrestuar më herët në prill, pas një njoftimi nga SHBA për ekstradim, pasi akuzohej për të njëjtat vepra. Por Këshilli i Apelit i Selanikut e refuzoi ekstradimin, duke pranuar se ai ka shtetësi greke dhe se veprat penale janë kryer në territorin grek.

    Ndërkohë, hetimet e Prokurorisë së Shkallës së Parë të Selanikut çuan në ngritjen e akuzave të rënda ndaj dy të rinjve për: Anëtarësim në organizatë kriminale; Dëmtim të qëllimshëm trupor ndaj të miturve me probleme mendore; Shpërndarje të pornografisë me fëmijë.

    Sipas informacioneve hetimore, organizata kriminale operonte përmes platformave online, ku anëtarët i afroheshin viktimave të mitura, veçanërisht fëmijëve të moshës 8 deri në 17 vjeç që vuanin nga probleme mendore, ishin pjesëtarë të komunitetit LGBTQI+, apo ishin të rinj me ngjyrë.

    Përdoruesit ndanin video me akte dhune, vetëlëndimi, akte seksuale dhe materiale të tjera të rënda, të cilat më pas shpërndaheshin nga organizata.

    Sipas dokumenteve nga autoritetet amerikane, grupi në fjalë njihej si “Organizata 764”, e cilësuar si një strukturë ekstremiste, e dhunshme dhe nihiliste, me një profil të rrezikshëm kriminal.

    Gjatë dëshmisë së tij para autoriteteve greke, 21-vjeçari mohoi çdo përfshirje. Aktualisht, të dy të rinjtë pritet të paraqiten para gjyqtarit të 6-të hetues në Selanik, ku do të japin shpjegime për akuzat e ngritura.

  • Akuzohet për racizëm dhe seksizëm, reagon organizata bamirëse e përfaqësuar nga gruaja e Prince Harryt: Spekulime të pabaza nga ish-punonjësit

    Akuzohet për racizëm dhe seksizëm, reagon organizata bamirëse e përfaqësuar nga gruaja e Prince Harryt: Spekulime të pabaza nga ish-punonjësit

    Një organizatë bamirësie për fëmijë, për të cilën Dukesha e Sussex, Meghan Markle është ambasadore globale, ka mohuar akuzat për racizëm dhe seksizëm.

    Meghan është përfshirë në World Vision që nga viti 2016, viti kur takoi Princin Harry. Ajo ka qenë në udhëtime, duke përfshirë ato në Ruanda dhe Indi, për të parë punën e saj.
    Një fotografi e Meghan duke përqafuar një fëmijë gjatë vizitës në Ruanda u bë virale dhe organizata bamirëse e vlerësoi atë si një “humanitare të vërtetë” që do t’i sillte “energji të madhe” punës së saj mbretërore, pas njoftimit të fejesës së saj.
    Komisioni i Bamirësisë po vlerëson një ankesë se krahu britanik i organizatës bamirëse ndërkombëtare është një vend pune gjoja “toksik” dhe “armiqësor”. Ankesat për racizëm, seksizëm dhe homofobi sipas ankesës janë “injoruar, heshtur ose trajtuar në mënyrë të papërshtatshme” nga udhëheqja e lartë.
    World Vision UK i mohon akuzat, por ka paraqitur një raport serioz incidenti me rregullatorin pas pretendimeve nga faqja e internetit e Sektorit të Tretë, e cila tha se intervistoi 11 punonjës aktualë dhe ish-punonjës.
    Sektori i Tretë pretendoi se departamenti i burimeve njerëzore i organizatës bamirëse ngatërroi dy punonjëse femra me ngjyrë, se emrat e stafit jo të bardhë ishin shqiptuar gabim dhe se theksi i tyre ishte imituar nga kolegët. Punonjëset femra dyshohet se u ankuan se ishin trajtuar me patronazh në takime dhe grupit të barazisë, diversitetit dhe përfshirjes së organizatës bamirëse iu tha dyshohet se “anëtarëve të stafit anti-LGBT duhet t’u lejohet të kenë hapësirë”.
    Padia pretendon se marrëveshjet ligjore të moszbulimit “përdoreshin rregullisht për të heshtur stafin që largohej pas përvojave negative”.
    Organizata bamirëse tha se akuzat ishin të rreme dhe ishin bërë nga një “numër i vogël” ish-punonjësish. Sipas organizatës po kalon një ristrukturim që pritet të përfshijë shkurtimin e 60 vendeve të punës nga 200.
    World Vision pretendon se të paktën tetë anëtarë të lartë të stafit janë larguar gjatë muajve të fundit pasi u detyruan të jepnin dorëheqjen ose sepse ndiheshin në siklet nën udhëheqjen e saj.
    “World Vision UK ka kontaktuar Komisionin e Bamirësisë dhe ndërsa çdo anëtar i publikut mund të paraqesë një ankesë tek ata, nuk ka hetim kundër organizatës bamirëse. Nëse komisioni na kontakton në lidhje me ndonjë ankesë, ne sigurisht që do të bashkëpunojmë plotësisht”, tha në një deklaratë organizata bamirëse.
    “World Vision UK vepron sipas standardeve më të larta të përcaktuara nga Komisioni i Bamirësisë. Proceset tona janë të përkushtuara për të përmbushur këto standarde të larta në të gjitha operacionet tona. Akuzat për të cilat jemi vënë në dijeni nga Sektori i Tretë janë të rreme dhe mendohet se vijnë nga një numër i vogël punonjësish që janë larguar nga organizata, shkruhet në deklaratë”, vijon deklarate e organizatës.
    “Stafi ynë është jashtëzakonisht i rëndësishëm për ne. Ne ofrojmë mekanizma të ndryshëm për t’u marrë me çdo ankesë të stafit dhe nëse këto mbështeten, ne veprojmë menjëherë për të rregulluar gjërat dhe për të ndërmarrë veprime”, përfundon deklarata e organizatës së bamirësisë.
    Fola Komolafe u emërua si drejtoresha e parë femër dhe drejtoresha e parë me ngjyrë e organizatës bamirëse në prill.
    Llogaritë e saj më të fundit tregojnë të ardhura prej 66.7 milionë paundësh, nga 74.6 milionë paundësh vitin e kaluar. Sipas organizatës të ardhurat janë pjesë e Partneritetit World Vision, i cili pretendon të jetë organizata bamirëse më e madhe ndërkombëtare për fëmijë në botë.
    “Aktualisht po vlerësojmë shqetësimet në lidhje me World Vision UK për të përcaktuar se çfarë roli, ka për komisionin si rregullator”, tha Komisioni i Bamirësive.

    Top Channel