Lajmidites.com

Tag: objektiva

  • Një rinovim dhe një afrim, Barcelona me objektiva konkretë në merkato që kushtojnë 50 milionë euro

    Një rinovim dhe një afrim, Barcelona me objektiva konkretë në merkato që kushtojnë 50 milionë euro

    19 Nëntor 2025

    13:23

    Telesport

    Te Barcelona po punojnë që tani për të ndërtuar një ekip sa më kompetitiv, si për pjesën e dytë të sezonit ashtu dhe për të ardhmen (verën 2026). Mediat spanjolle konfirmojnë se klubi katalanas ka disa objektiva konkretë në sulm.
    Objektivi i parë është blerja e kartonit të Marcus Rashford, që ka realizuar 6 gola dhe 9 asist në 16 ndeshje zyrtare. Një lojtar që kishte përjetuar disa vështirësi serioze te Manchester United, nga ku ka ardhur i huazuar këtë verë.
    Anglezi duket se është rikuperuar, duke u bërë pjesë e dinamikës së Barcelonës së Flick. Blaugranët janë të vetëdijshëm për këtë dhe tani synojnë ta blejnë sulmuesin: klauzola e lirimit të lojtarit është rreth 35 milionë euro.
    Një shifër që klubi spanjoll synon ta ulë për të lehtësuar suksesin e marrëveshjes, ndoshta duke shfrytëzuar edhe dëshirën e lojtarit për të qëndruar te Barça.
    Ndërkohë, Barcelona i ka vënë syrin sulmuesit Alejandro Grimaldo, një lojtar që luan në krahun e majtë. Nëse mbërrin një ofertë nga La Liga, skuadra e Bayer Leverkusen mund ta lirojë 30-vjeçarin për 15 milionë euro.
    Në nëntë ndeshje të Bundesligës të luajtura deri më tani, Grimaldo ka grumbulluar katër gola dhe tre asiste.

  • Kupa e Botës 2026, Shqipëria pret Anglinë, skuadrat me objektiva të përmbushura

    Kupa e Botës 2026, Shqipëria pret Anglinë, skuadrat me objektiva të përmbushura

    Sot në orën 18:00 në “Air Albania” luhet Shqipëri – Angli, duel që vlen për kualifikueset e Grupit K të Kupës së Botës 2026.
    Kjo sfidë është e fundit për të dyja skuadrat, që i kanë përmbushur objektivat. Anglia, si e para e grupit ka marrë biletën për në fazën finale të Botërorit 2026, që do zhvillohet verën që vjen në Amerikën e Veriut.
    Nga ana tjetër, ekipi ynë do jetë pjesë e fazës play-off dhe më 20 nëntor do mësojë rivalin për gjysmëfinalen që do luhet më 26 mars 2026.
    Arritja historike e Shqipërisë në play-off dhe përballja pa objektiva pritet të jetë më shumë një “miqësore luksi”, me 22 mijë tifozë që do jenë në stadium.
    Festa pritet të jetë kuqezi, ndërsa në impiant do ketë edhe tifozë të “Tre Luanëve”.

  • Çfarë janë raketat Tomahawk/ Rreze veprimi dhe karakteristikat, mbi 2000 vende ruse në rrezik

    Çfarë janë raketat Tomahawk/ Rreze veprimi dhe karakteristikat, mbi 2000 vende ruse në rrezik

    Nëse administrata e Donald Trump jep miratimin përfundimtar, Ukraina mund të autorizohet së shpejti të blejë dhe të përdorë raketa lundruese Tomahawk, një zgjerim potencialisht i rëndësishëm i kapaciteteve të Kievit ndaj objektivave brenda territorit rus.

    Tomahawkët, të prodhuar në SHBA, kanë rreze veprimi shumë më të madhe se raketat e përdorura aktualisht nga forcat e Ukrainës. Disa variante të Tomahawk-ut mund të fluturojnë midis 700 dhe 1,500 miljesh dhe janë projektuar për të goditur objektiva tokësore nga platforma detare dhe nënujore. Karakteristika e fluturimit të ulët i bën ata të vështirë për t’u detektuar dhe të përshtatshëm për sulme të synuara kundër objektivave strategjike.
    Pse Tomahawkët janë të rëndësishëm për Ukrainën
    Analiza nga Instituti për Studimin e Luftës (ISW) sugjeron se furnizimi me Tomahawk mund të ulë ndjeshëm efektivitetin luftarak të forcave ruse në vijat e frontit. Derisa forcat e Kievit kanë zhvilluar kapacitete për sulme me dronë me rreze të gjatë, ngarkesat goditëse të dronëve mbeten të kufizuara dhe shpesh të pamjaftueshme për të shkatërruar objektiva strategjikë me vlerë të lartë.
    Tomahawkët, me fuqi shpërthyese dhe rreze më të madhe, mund të synojnë instalime ushtarake dhe infrastrukturë të brendshme ruse që sot janë jashtë mundësive të dronëve ukrainas.
    ISW raporton se qindra objektiva ushtarake ruse do të hynin në rrezen e veprimit të variantëve Tomahawk, përfshirë fabrika prodhuese dhe baza ajrore strategjike, si fabrika e dronëve Shahed në Yelabuga (Tatarstan) dhe baza Engels-2 në Saratov Oblast, të cilat përdoren për operacione me bombardues strategjikë që godasin Ukrainën.
    DeepStrike mund të fuqizohet
    Që nga fillimi, fushata që ukrainasit e quajnë “DeepStrike” ka mbështetur goditje larg në territorin rus kryesisht me dronë. Sipas raporteve, në më pak se dy muaj forcat e Kievit kanë goditur rreth 85 objektiva me vlerë të lartë brenda territorit rus — përfshirë vende ushtarake, baza, depo, aeroporte dhe objekte të industrisë ushtarake. Shtimi i raketave me rreze të gjatë si Tomahawk mund të rrisë ndjeshëm kapacitetin shkatërrues të saj dhe të shkaktojë “dhimbje koke” shtesë për Kremlinin.
    Përpjekjet vendase: FP-5 “Flamingo”
    Ndërsa pret një vendim nga Washingtoni, Ukraina po zhvillon dhe po rrit prodhimin e raketave të saj vendase. Prodhimi serik i raketës FP-5 “Flamingo”, me rreze të deklaruar deri në 3,000 kilometra dhe një kokë shpërthyese të rëndë, ka nisur, por testimet dhe zgjerimi i kapaciteteve prodhuese nuk kanë përfunduar ende. Nëse “Flamingo” arrin të thyejë mbrojtjen ajrore ruse, ajo mund të çojë DeepStrike në një nivel tjetër të aftësisë sulmuese.
    Sipas disa vlerësimeve, prodhimi i “Flamingo”-s përdor motorë turbofan të rinovuar sovjetikë dhe konstruksion me fibrë karboni që kërkon vetëm disa orë për përfundim. Aktualisht po prodhohen disa raketa në ditë, me synimin për rritje të prodhimit; secila raketë kushton rreth 500,000 dollarë — shumë më pak se kostoja e një Tomahawk. Sidoqoftë, “Flamingo” njihet si më pak i saktë se Tomahawk.
    Pengesat politike dhe strategjike
    Një vendim i Shteteve të Bashkuara për të furnizuar Ukrainën me Tomahawk do të ketë pasoja politike dhe strategjike. Shtëpia e Bardhë dhe aleatët do të vlerësojnë ndikimin në tërheqjen e konfliktit, rrezikun e përshkallëzimit dhe nevojën për të ruajtur rezervat e forcave të tyre. Sipas analizave, duke lejuar Ukrainën të përdorë Tomahawk, Uashingtoni mund të rrisë ndjeshëm presionin mbi linjat logjistike dhe instalimet ruse, por gjithashtu do të nxisë debate për përplasjen e hapësirës ushtarake dhe diplomatike.
    Nëse leja e SHBA-së do të jepet, Tomahawkët do të përforcojnë në mënyrë të konsiderueshme kapacitetet goditëse të Ukrainës për objektiva me rëndësi strategjike brenda thellësisë së territorit rus. Në të njëjtën kohë, zhvillimet vendore si FP-5 “Flamingo” tregojnë përpjekjet e Kievit për të zvogëluar varësinë nga furnizimet perëndimore, por preciziteti dhe koha e prodhimit mbeten sfida kryesore.

    Top Channel

  • Zelensky i kërkon Trump raketa ‘Tomahawk’: Duam të godasim objektiva në Moskë!

    Zelensky i kërkon Trump raketa ‘Tomahawk’: Duam të godasim objektiva në Moskë!

    Presidenti ukrainas Volodymyr Zelensky i kërkoi homologut të tij amerikan, Donald Trump, gjatë një takimi privat , që Shtetet e Bashkuara të furnizojnë Ukrainën me raketa Tomahawk, armë që, sipas tij, do t’i jepnin Kievit aftësinë për të goditur objektiva deri në Moskë.
    Zelensky tha në emisionin “The Axios Show” se i ka kërkuar Trumpit një sistem shtesë armësh, përmes të cilave sipas tij do të mund ta detyronte presidentin rus Vladimir Putin të ulej në bisedime paqeje dhe se synimi ishte që dhënia e këtij kapaciteti të shërbente si një mjet presioni, pa nevojën e përdorimit të tij.
    Raketa BGM-109 Tomahawk është raketë me rreze të gjatë veprimi, e zhvilluar nga SHBA-ja dhe e destinuar për sulme kundër objektivave tokësore. Ajo mund të përdoret në operacione sulmuese për të goditur objektiva të theksuara në distanca të mëdha.
    Kërkesa e Zelensky vjen në një moment kur mbështetja ushtarake dhe llojet e armëve që mund t’u sigurohen Ukrainës vazhdojnë të jenë çështje kyçe në bisedimet ndërkombëtare.
    Një kërkesë e tillë pritet të ngrejë debate të fuqishme në komunitetin ndërkombëtar për pasojat e një zgjerimi të kapaciteteve goditëse të Ukrainës. /Telegraph

  • Ukraina godet objektiva strategjikë rusë në Krime, publikon pamjet e operacionit special

    Ukraina godet objektiva strategjikë rusë në Krime, publikon pamjet e operacionit special

    Drejtoria e Inteligjencës Ushtarake të Ukrainës (HUR) ka publikuar një video të një operacioni të suksesshëm të njësive speciale në territorin e pushtuar të Krimesë, duke goditur objektiva të rëndësishëm ushtarakë rusë.

    Sipas raportit të HUR-it, luftëtarët elitë të njësisë speciale “Prymary” realizuan sulme të koordinuara ndaj dy caqeve strategjike: një bazë ajrore në Hvardiiske dhe një anije ushtarake në Gjirin e Sevastopolit.
    Në bazën ajrore pranë Simferopolit, dronët ukrainas shkatërruan të paktën dy helikopterë luftarakë Mi-8, me një vlerë totale që varion nga 20 deri në 30 milionë dollarë. Baza ishte përdorur nga forcat ruse për operacione ajrore në rajon.

    Ndërkohë, një tjetër sulm preku një rimorkiator ushtarak rus, i identifikuar si BUK-2190, i cili ndodhej në ujërat e Gjirit të Sevastopolit – një pikë kyçe për flotën ruse të Detit të Zi.
    Njësitë “Prymary”, të përbëra nga zhytës të specializuar në operacione të avancuara zbuluese dhe sabotuese, janë ndër më elitat e ushtrisë ukrainase. Trajnimi i tyre zgjat me vite dhe kërkon investime prej miliona dollarësh, ndërsa ata janë të pajisur me teknologjinë më moderne të luftës speciale.
    /vizionplus.tv

  • U transferua në Turqi, Laçi premton: Bëj maksimumin për Rizespor

    U transferua në Turqi, Laçi premton: Bëj maksimumin për Rizespor

    Qazim Laçi u largua së fundmi nga Sparta e Pragës për t’u transferuar tek Rizespor. Pas kalimit te skuadra turke, Laçi i ka dërguar mesazh tifozëve, teksa premtoi maksimumin.
    “Tifozët do të shohin një lojtar që nuk dorëzohet kurrë në fushë dhe lufton vazhdimisht për veten dhe ekipin e tij. Klubi ynë ka objektiva dhe unë dua të kontribuoj sa më shumë që të mundem për këto objektiva.

    Ndër pritjet tona është një vend në garat evropiane këtë vit. Ky objektiv është motivim shtesë për mua. Do të bëj më të mirën për ekipin”,- tha ai.

  • Trump paralajmëron Iranin: Bëni paqe, përndryshe do të ketë sulme të tjera

    Trump paralajmëron Iranin: Bëni paqe, përndryshe do të ketë sulme të tjera

    Presidenti Donald Trump paralajmëroi Iranin se SHBA mund të godasë objektiva të tjerë nëse Irani nuk bën paqe, duke mbrojtur një zgjidhje diplomatike pas vendimit të tij për të sulmuar tre objekte bërthamore iraniane të shtunën.

    “Irani, ngacmuesi i Lindjes së Mesme, duhet tani të bëjë paqe. Nëse nuk e bën, sulmet e ardhshme do të jenë shumë më të mëdha dhe shumë më të lehta për t’u kryer,” tha Trump në një fjalim drejtuar kombit mbrëmjen e së shtunës.
    Ai shtoi: “Kjo nuk mund të vazhdojë. O do të ketë paqe, ose do të ketë tragjedi për Iranin, shumë më e madhe se ajo që kemi parë gjatë tetë ditëve të fundit. Mos harroni, ka ende shumë objektiva.”
    Trump paralajmëroi se SHBA mund të “godasë ato objektiva të tjerë me saktësi, shpejtësi dhe aftësi,” gjë që sipas tij “mund të realizohet brenda pak minutash.”

    Top Channel

  • Ja pse “Kupola e Hekurt” izraelite është plot me boshllëqe dhe pse nuk arrin t’i mbrojë qytetet

    Ja pse “Kupola e Hekurt” izraelite është plot me boshllëqe dhe pse nuk arrin t’i mbrojë qytetet

    Izraeli, një nga shtetet më të avancuara në teknologji ushtarake, ka në arsenalin e tij raketën anti-balistikë më të sofistikuar në botë: Arrow 3, një armë që shkatërron raketat armike jashtë atmosferës. Megjithatë, ajo nuk ka arritur të ndalojë dot sulmet me raketa nga Irani dhe grupet aleate të tij, që vazhdojnë të bien mbi qytete izraelite. Arsyeja? Ka shumë pak interceptorë dhe ato që janë, ruhen për objektiva kritike si impianti bërthamor i Dimonas.
    Një përplasje filozofike: mburoja apo shpata?
    Që prej lindjes së shtetit të Izraelit, ka ekzistuar një konflikt i heshtur mes vizionit të civilëve dhe atij të ushtarakëve. Gjeneralët nuk besojnë te mbrojtja, por te sulmi parandalues. Motoja e tyre është e qartë: “Çohu dhe vrite i pari.” Kështu që investimet kanë shkuar historikisht drejt avionëve luftarakë, tanke, njësi speciale, drone dhe madje edhe armë bërthamore të pa konfirmuara zyrtarisht.
    Kjo filozofi u sfidua më 1991 gjatë Luftës së Gjirit, kur raketat Scud të Saddam Husseinit goditën tokën izraelite. Izraeli mbeti i pambrojtur. Patriotët amerikanë që u vendosën përkohësisht ishin më shumë propagandë sesa zgjidhje reale. Ky shok shtyu qeverinë të ndërtojë një sistem mbrojtës të avancuar kundër raketave – një projekt shumë kompleks dhe i kushtueshëm.
    “Arrow”: një mburojë e vonuar dhe e kufizuar
    Programi u drejtua nga një civil, Uzi Rubin, që kishte për detyrë të ndërtonte një mburojë kundër raketave balistike. Më pas u ndërtua edhe Iron Dome, për raketat me rreze të shkurtër të Hamas dhe Hezbollah. Por për raketat strategjike u krijuan Arrow 2 dhe më pas Arrow 3, që mund të godasë objektiva në lartësi prej 100 kilometrash – një armë thuajse hapësinore.
    Arrow 3 është vendimtare për mbrojtjen nga raketat me ogiva bërthamore apo kimike, pasi i shkatërron përtej atmosferës, duke shmangur ndotjen e tokës. Por në praktikë, numri i baterive është shumë i kufizuar dhe s’mjafton për të mbrojtur të gjithë territorin izraelit.
    Testi i vërtetë: sulmet e Iranit në prill dhe tetor 2024
    Arrow 3 kaloi provën e parë pas 7 tetorit 2023, kur shkatërroi në hapësirë një raketë balistike të rebelëve Houthi. Por më 13 prill dhe 1 tetor 2024, kur Irani nisi breshëri raketash ndaj Izraelit, sistemi tregoi një limit të qartë: nuk kishte mjaftueshëm interceptorë për të ndalur të gjitha raketat njëherësh. Disa raketa u përqendruan te objektiva ushtarakë dhe ranë në zona të pabanuara – fatmirësisht pa pasoja të mëdha.
    Por çfarë ndodh nëse objektivi herës tjetër janë qytetet? Pikërisht ky skenar ka shkaktuar panik dhe debat në qeveri. Rubin ka paralajmëruar prej kohësh: “Nuk kemi mjaftueshëm sisteme mbrojtjeje. Lufta e sotme nuk synon më ushtrinë, por civilët. Ne duhet të mbrojmë jo vetëm bazat, por edhe energjinë, ushqimin, ujin.”
    Vendimi emergjent: më shumë Arrow 3
    Më 24 dhjetor 2024, ministri i Mbrojtjes Izrael Katz urdhëroi rritjen e menjëhershme të prodhimit të Arrow 3, duke i besuar këtë mision Daniel Gold, arkitekti i Iron Dome. Por edhe Gold nuk bën mrekulli. Deri atëherë, një raketë e vetme Arrow 3 kërkonte 18-24 muaj për t’u prodhuar. Sipas “Wall Street Journal”, Izraeli prodhonte vetëm 20–25 raketa në vit. Deri në vitin 2024, besohet se kishte më pak se 150 raketa aktive, nga të cilat dy të tretat tashmë janë përdorur në përplasjet me Iranin dhe Houthit.
    Izraeli ka gjithsej vetëm tre bateri Arrow 3, dhe secila mund të asgjësojë pesë objektiva brenda 30 sekondave. Në një përballje të madhe, kjo është e pamjaftueshme.
    Goditjet që lënë plagë edhe kur ndalohen
    Edhe pse 90% e raketave ndalohen, siç theksojnë gjeneralët, ato që shpëtojnë shkaktojnë tmerr psikologjik: sirena alarmi, ndërtesa të shkatërruara, spitale të dëmtuara, njerëz të frikësuar dhe ekonomi e paralizuar.
    Sistemi i mbrojtjes është trefazor: Arrow 3 për objektiva në lartësi, Fionda e Davidit për mesatare, dhe Iron Dome për raketat e vogla. Por vetëm Arrow 3 mund të ndalojë raketat balistike – dy të tjerët merren me mbetjet që bien nga qielli dhe janë ende vdekjeprurëse.
    Teknologji miliarda-dollarëshe, por pa garanci
    Izraeli mbështetet edhe nga SHBA me sistemin Thaad dhe raketat SM-3 nga anijet amerikane. Megjithatë, më 4 maj 2024, një raketë Houthi arriti të shpëtojë si Arrow 3, ashtu edhe Thaad, duke shpërthyer afër aeroportit të Tel Avivit. Pesë ditë më vonë, një tjetër raketë shmangu Thaad dhe u shkatërrua në momentin e fundit nga izraelitët.
    E vërteta është se nuk ka mburojë të pathyeshme. Edhe Irani është përgatitur: përdor raketa me shumë aftësi manovrimi në fazën finale për të shmangur parashikimin nga kompjuterët.
    Ra Repubblica

  • Vijojnë tensionet e ashpra mes dy vendeve, avionët izraelitë godasin objektiva ushtarake në Iranin jugperëndimor

    Vijojnë tensionet e ashpra mes dy vendeve, avionët izraelitë godasin objektiva ushtarake në Iranin jugperëndimor

    Forcat Mbrojtëse të Izraelit (IDF) kanë dhënë detaje të mëtejshme mbi sulmet e tyre në Iranin jugperëndimor.
    “Më herët sot, afërsisht 30 avionë luftarakë të Forcave Ajrore, nën drejtimin e inteligjencës nga Departamenti i Inteligjencës, sulmuan dhjetëra objektiva ushtarake në zonën Mahvaz në Iranin jugperëndimor me më shumë se 50 municione”, shkruajnë ata në X.
    Një vendndodhje ushtarake ku ruheshin lëshues raketash dhe infrastrukturë tjetër ushtarake ishte në shënjestër, shtohet në deklaratë.
    “IDF vazhdon të intensifikojë sulmet e saj ndaj aftësive ushtarake të regjimit iranian me qëllim ruajtjen e sigurisë së Shtetit të Izraelit“, thotë IDF.

  • Ushtria izraelite ka goditur 50 objektiva ushtarake në Iran, janë përdorur 180 bomba

    Ushtria izraelite ka goditur 50 objektiva ushtarake në Iran, janë përdorur 180 bomba

    Që nga mesnata, Forcat Ajrore Izraelite kanë kryer dy valë të mëdha sulmesh në Iranin qendror, duke goditur 25 objektiva dhe janë përdorur 180 bomba tha një zëdhënës i IDF-së.
    Një valë e tretë u krye në orët e mëngjesit dhe të pasdites, me 50 bomba të tjera që u përdorën kundër 20 objektivave të tjera, duke përfshirë radarë, baza detare dhe qendra komande në zonën e Ahvazit.
    Dronët shkatërruan dhjetëra lëshues raketash të llojeve të ndryshme gjatë natës. Disa nga lëshuesit ishin në kamionë të braktisur në anë të rrugës, pasi ushtarët iranianë ikën dhe i lanë aty.