Lajmidites.com

Tag: oaktree

  • Marota jo vetëm president, tani me aksione te Inter

    Marota jo vetëm president, tani me aksione te Inter

    Nga drejtor në president klubi, tani me aksione te kompania Oaktree.

    Xhuzepe Marota nuk është më vetëm president i Interit, por edhe aksioner. Njoftimi u bë nga vetë klubi zikaltër, me drejtorin e emëruar në rolin e drejtuesit të lartë një vit më parë nga mbledhja e aksionarëve, i cila bleu gati 2% të aksioneve, duke forcuar partneritetin me Oaktree.

    Ky investim nënvizon, nëse është e nevojshme, përkushtimin e Marotës ndaj klubit dhe kauzës, një zgjedhje që pasqyron angazhimin e tij dhe qëllimet e përbashkëta afatgjata për zhvillimin e klubit.

    Siç u njoftua nga vetë klubi, emërimi i presidentit shënon një hap tjetër në udhëtimin e konsolidimit të Interit. Nga njeri i tregut të transferimeve në lider, Marota i ka shtuar një pjesë tjetër “Interizmit” të tij. Ky angazhim financiar dhe i sinqertë tregon unitetin brenda Interit.

    “Afërisht një vit pas emërimit të tij si Presidentr, si Marotta ashtu edhe fondet e menaxhuara nga Oaktree Capital Management, L.P. (“Oaktree”), kanë forcuar partneritetin e tyre. Investimi i Marottës pasqyron angazhimin e tij ndaj Klubit dhe marrëveshjen e tij të plotë me Oaktree në lidhje me objektivat afatgjata të Klubit për zhvillimin e tij të vazhdueshëm”, thuhet në njoftimin zyrtar të Interit

    Vazhdo leximin

  • Marotta, jo vetëm president i emëruar. Bëhet edhe aksioner i Interit, zbulohet përqindja

    Marotta, jo vetëm president i emëruar. Bëhet edhe aksioner i Interit, zbulohet përqindja

    Lajme të reja vijnë nga Interi. Përmes një njoftimi zyrtar, klubi zikaltër bëri të ditur se presidenti aktual Giuseppe Marotta, i emëruar nga asambleja e aksionarëve më 4 qershor 2024, tani është bërë aksioner me 2%.
    “Një vit pas emërimit si president, si Marotta, ashtu edhe fondet e menaxhuara nga ‘Oaktree Capital Management, L.P’. (‘Oaktree’), kanë vendosur të forcojnë partneritetin e tyre. Investimi i Marotta pasqyron angazhimin e tij ndaj klubit dhe përputhjen e plotë me ‘Oaktree’ mbi objektivat afatgjata për të mirën e Interit dhe zhvillimin e tij të vazhdueshëm, – thuhet në njoftimin zyrtar të klubit nga “Viale della Liberazione”.
    – Falë karrierës së tij pothuajse 40-vjeçare dhe përkushtimit të vazhdueshëm ndaj Interit gjatë 7 viteve të fundit, Marotta ka garantuar një udhëheqje të fortë për klubin. Gjatë sezonit 2024-2025, bashkëpunimi ndërmjet Marotta dhe ‘Oaktree’ ka ndihmuar në vendosjen e bazave të një plani strategjik shumëvjeçar, për të siguruar stabilitetin e klubit, rezultate të forta financiare dhe suksesin e Interit brenda e jashtë fushës.
    Krijimi i ekipit U-23 është shembulli më i fundit i bindjes së përbashkët për rritje të qëndrueshme dhe afatgjatë. Me këtë lajm, Interi nis sezonin e ri me një unitet të madh qëllimesh mes komponentëve të ndryshëm të tij: pronarëve, menaxhmentit, punonjësve, lojtarëve dhe tifozëve”.

  • Marotta: Nuk fshihemi; qëllimi ynë janë gjithmonë trofetë. Chivu nuk ishte plani rezervë

    Marotta: Nuk fshihemi; qëllimi ynë janë gjithmonë trofetë. Chivu nuk ishte plani rezervë

    Beppe Marotta, president dhe CEO i Interit, ka inauguruar sezonin 2025-2026 në “Appiano Gentile” për klubin zikaltër: “E mbyllëm një sezon me 63 ndeshje, që na pa të shkonim deri në fund të të gjitha kompeticioneve. Humbëm finishin, dolëm të dytët për një centimetër, çka duam ta rikuperojmë. Megjithatë, të mbërrish deri aty nuk është diçka e lehtë, ndaj duam të rifillojmë me ambicie dhe me një ‘palmares’ për t’u mbrojtur.
    Është e kotë të fshihemi pas frazave të zakonshme si ‘duam të jemi në katërshen e parë’. Ne jemi mësuar të jemi të qartë; duam të fitojmë. Nëse të tjerët do të jenë më të mirë, do t’i përgëzojmë, por ky është objektivi ynë.
    Po nisim me një trajner të ri. Gjatë këtyre muajve janë shkruar shumë gjëra, si për shembull që ishte një zëvendësim ose një zgjedhje e dytë. Asgjë më të pavërtetë se kjo nuk ka. Kur, bashkë me Oaktree, përcaktuam modelin e skuadrës që donim të ndërtonim, më pas kërkuam të identifikonim profilin e duhur.
    Në një kompani normale, kur përzgjidhet një drejtues, bëhet një seleksionim. Fakti që kemi kontaktuar edhe një figurë tjetër nuk e ul vlerën e Chivu, përkundrazi, e përforcon zgjedhjen për të. Në krahasim me të tjerët, ai njeh ambientin dhe vlerat e këtij klubi. Këto janë avantazhe nga të cilat do të përfitojmë shumë.
    Modeli ka ndryshuar, sepse edhe këtu, me largpamësi të madhe, pronësia (Oaktree) i ka vënë në dispozicion menaxhmentit një shumë të konsiderueshme për ta investuar në profile të caktuara, pra të rinj. Do të vazhdojmë të punojmë në këtë drejtim. Na duhej një lider për këtë grup dhe këtë e kemi identifikuar te Chivu”.