Lajmidites.com

Tag: nxënësit

  • Begaj pret në Presidencë nxënësit e shkollës fillore “Mahmut Lekić” e Komunës Tuz

    Begaj pret në Presidencë nxënësit e shkollës fillore “Mahmut Lekić” e Komunës Tuz

    Një grup nxënësish nga shkolla fillore “Mahmut Lekić” e Komunës Tuz vizituan sot Institucionin e Presidentit të Republikës.
    Gjatë kësaj vizite, nxënësit u njohën me ambientet e Institucionit të Presidentit, ku zhvillohen takime të rëndësishme kombëtare e ndërkombëtare, funksionin, vendimmarrjet, si dhe aktivitetet kryesore.

    Ndërkohë që Presidenti i Republikës i uroi mirëseardhjen miqve të vegjël nga Tuzi, nxënësit e përshëndetën me një këngë me çifteli dhe me interpretimin e një poezie patriotike.Duke theksuar rëndësinë e intensifikimit të vizitave të ndërsjella mes shqiptarëve të Shqipërisë dhe atyre të Malit të Zi, Presidenti Begaj u shpreh: “Me anëtarësimin tonë të përbashkët në Bashkimin Evropian, kufijtë do të mbeten vetëm në hartë”.
    Kreu i Shtetit propozoi hapjen e dyerve të institucioneve për fëmijët nga të gjitha trevat dhe zhvillimin e vizitave të tyre në familjet shqiptare, por edhe mësimin e historisë në institucionet përkatëse.
    Gjatë bashkëbisedimit me ta, Presidenti Begaj u fokusua te leximi, marrja e dijeve përmes shkollës dhe përkushtimi që duhet të ketë secili fëmijë, pasi, siç u shpreh: “Ëndrrat janë të bukura kur punohet për t’i realizuar”.
    Kreu i Shtetit përgëzoi drejtorin e shkollës, Luigj Dedvukaj, dhe mësuesen Hana Canaj për pasionin dhe dashurinë në ushtrimin e profesionit dedikuar mësimit të gjuhës shqipe.
    Presidenti Begaj këshilloi ndjekjen e modelit arbëresh për ruajtjen dhe pasurimin e gjuhës shqipe, ndërsa theksoi rëndësinë e shfrytëzimit të teknologjisë në dobi të gjuhës amtare.Gjithashtu, Presidenti i Republikës shprehu besimin se vetëm nëpërmjet bashkëpunimit midis institucioneve arsimore të Shqipërisë dhe atyre Malit të Zi do të realizohen projekte që rrisin cilësinë në mësimdhënie, bazuar në shkëmbimin e përvojave më të mira në këtë fushë.

  • Drejt universiteteve, maturantët mes pasionit dhe realitetit të tregut

    Drejt universiteteve, maturantët mes pasionit dhe realitetit të tregut

    Maturantët kanë nisur përgatitjet për provimet e maturës, ndërsa ndodhen përballë një prej vendimeve më të rëndësishme të jetës: zgjedhjen e degës së studimit dhe të së ardhmes së tyre profesionale.

    Midis frikës dhe dëshirës për të ndjekur pasionet, ata ndajnë mendimet dhe dilemat që i shoqërojnë në këtë periudhë.

    Në gjimnazin “Qemal Stafa” në Tiranë, përgatitjet janë intensifikuar. Nxënësit jo vetëm që punojnë për provimet përfundimtare, por gjithashtu po ndihmohen nga orët e këshillimit të karrierës për të kuptuar më mirë aftësitë dhe interesat e tyre.

    “Këshillimi i karrierës më ka ndihmuar të zgjedh çfarë profesioni dhe çfarë dege do të vazhdoj, si edhe të përgatitem për testet. Kam dëshirë të ndjek psikologjinë. Më duket një degë interesante dhe jo shumë e kërkuar, prandaj mendoj ta provoj. Më pëlqen aftësia për të kuptuar njerëzit”, thotë Kleana Zhupa, maturante në “Qemal Stafa”.

    Geraldina Pritaj, gjithashtu maturante, ndan pasiguritë e saj për shkencat ekzakte:

    “Këto shkencoret nuk janë ndonjë talent i imi, aty kam pak frikë. Na ka ndihmuar edhe këshillimi i karrierës, duke na dhënë teste për të tre lëndët që kemi. Kam qenë mes shumë degëve, por tani jam më e fokusuar te ekonomiku, artet, shkencat politike ose marketingu.”

    Ndërkohë, ka dhe maturantë që i referohen më shumë realitetit të tregut të punës sesa pasionit për të bërë zgjedhjen e tyre.

    Gerald Bardhi, maturant, shprehet:

    “Jam mes inxhinierisë dhe ekonomikut. Është një zgjedhje personale, por edhe në varësi të tregut të punës në Shqipëri. Në bazë të analizave që kam bërë, kam parë që ka kërkesë për këto fusha”, thotë maturanti Gerald Bardhi.

    Pavarësisht vullnetit të tyre, vendimmarrja e maturantëve shpesh ndikohet edhe nga familja. Prindërit kërkojnë ndihmën e mësuesve dhe, në shumë raste, dëshirojnë që fëmijët të ndjekin gjurmët e tyre profesionale.

    “Kemi pasur prindër që nuk janë shumë të informuar për mënyrat e konkurrimit dhe shprehen: ‘Nuk e dimë se cila është zgjedhja më e mirë për fëmijën tonë.’ Ne i këshillojmë bazuar në aftësitë e nxënësit dhe japim mendimin tonë. Ka dhe prindër që duan që fëmija të ndjekë profesionin e tyre dhe thonë: ‘Djali im mund të bëhet mjek, mund të bëhet inxhinier.’ Ne u paraqesim edhe një version tjetër, më të hapur, bazuar në interesat dhe mundësitë e vetë nxënësit”, thotë Elizabeta Drita, mësuese në “Qemal Stafa”.

    Teksa maturantët përgatiten për hapin e radhës, mbështetja nga shkolla dhe familja mbetet thelbësore për të bërë një zgjedhje të informuar dhe të suksesshme.

    Stylish GIF
  • Finlanda ndalon telefonat celularë në klasë, përdorimi nga nxënësit është i kushtëzuar

    Finlanda ndalon telefonat celularë në klasë, përdorimi nga nxënësit është i kushtëzuar

    Parlamenti finlandez ka miratuar një ligj që kufizon përdorimin e celularëve nga nxënësit në shkollat ​​fillore dhe të mesme.
    Ligji ndalon përdorimin e telefonave gjatë orës së mësimit. Jashtë orës së mësimit, përdorimi do të lejohet në rrethana të caktuara.
    Nxënësit duhet të marrin leje të veçantë nga mësuesit për të përdorur telefonat e tyre, si për shembull për t’i ndihmuar me studimet ose për probleme shëndetësore.

    Për më tepër, stafi mësimdhënës do të jetë në gjendje të konfiskojë pajisjet nëse ato shkaktojnë probleme me mësimdhënien ose të nxënit.
    Dispozitat do të hyjnë në fuqi nga 1 gushti, pas pushimeve verore.
    Finlanda po ndjek shembullin e vendeve të tjera evropiane që kufizojnë përdorimin e telefonave celularë ose madje i ndalojnë ato në disa raste.
    Danimarka i ka ndaluar telefonat në të gjitha shkollat, Franca kohët e fundit i zgjeroi kufizimet dhe Norvegjia futi një kufizim moshe (15 vjeç) në mediat sociale.
    Edhe në Britani, shumica dërrmuese e shkollave kanë futur disa ndalime për përdorimin, megjithëse nuk ka një mandat zyrtar për këtë./vizionplus.tv

  • Nju Jorku zgjedh ideologjinë majtiste para nxënësve

    Nju Jorku zgjedh ideologjinë majtiste para nxënësve

    Kritikët thonë se zyrtarët e shkollave publike të Nju Jorkut vënë në plan të parë diversitetin, barazinë dhe përfshirjen (DEI), duke i vendosur madje edhe përpara arsimit akademik të mirëfilltë. Duke sfiduar urdhrin e administratës Trump për të ndalur DEI-n ose për të humbur 2 miliardë dollarë nga fondet federale, ata duken sikur duan të vërtetojnë pikërisht akuzat e kritikëve.

    Në një deklaratë javën e kaluar, zyrtarët e shkollave publike në Nju Jork refuzuan të përmbushnin kërkesën dhe të konfirmonin se DEI është mbyllur. Daniel Morton-Bentley, këshilltar dhe zëvendës komisioner në Departamentin e Arsimit të shtetit, argumentoi se administrata Trump nuk ka bazë ligjore për të ndërprerë financimin federal pa një proces administrativ.

    “E kuptojmë që administrata aktuale kërkon të censurojë gjithçka që ajo e konsideron si ‘diversitet, barazi dhe përfshirje’,” tha Morton-Bentley në një letër drejtuar Departamentit të Arsimit. “Por nuk ka ligje federale apo shtetërore që ndalojnë parimet e DEI-t.”

    Deklarata ishte një përgjigje ndaj një urdhri të datës 14 shkurt nga Departamenti i Arsimit, që u kërkonte shkollave K-12 në të gjithë vendin të konfirmonin përputhshmërinë me Titullin VI të Aktit për të Drejtat Civile, i cili ndalon diskriminimin bazuar në racë, ngjyrë ose origjinë kombëtare. Sfida e Nju Jorkut e vë sistemin shkollor të qytetit në rrezik të humbjes së fondeve federale, që përbëjnë afërsisht 5% të buxhetit të arsimit.

    Pretendimi i shtetit se parimet e DEI-t janë në përputhje me Aktin për të Drejtat Civile është i dyshimtë.

    Programi pilot “Diversitet në pranime” i qytetit të Nju Jorkut është një shembull klasik i shkeljes së Titullit VI, pasi përqendrimi në rritjen e regjistrimit të nxënësve afro-amerikanë dhe latinë shkon në dëm të grupeve të tjera racore. Vendimi i Gjykatës së Lartë në vitin 2023 për çështjen “Nxënësit për pranime të drejta kundër Harvardit” vendosi se përdorimi i racës në pranime shkelte klauzolën e mbrojtjes së barabartë të Amendamentit të 14-të dhe, për rrjedhojë, edhe Titullin VI. Kjo krijoi një precedent që pranimi bazuar në racë është diskriminues. Programi DIA dhe përpjekje të ngjashme të zakonshme në nismat DEI duhet të ndalen në mënyrë që Nju Jorku të jetë në përputhje me ligjin.

    Programet DEI, siç mund të vërtetojë shumica, pesë vjet pas “ndërgjegjësimit racor” të vitit 2020, shkelin detyrimin e Titullit VI për mosdiskriminim në mënyra të ndryshme dhe minojnë parimet thelbësore të Aktit për të Drejtat Civile. Materiali promovon stereotipizimin, dhe kërkimet sugjerojnë se ai përkeqëson tensionet racore. Njerëzit të paraprogramuar me narrativat DEI, veçanërisht ato që lidhen me “shtypjen sistemike”, janë më të prirur të bëjnë akuza të pabaza për diskriminim. Në vend që të promovojnë pajtim dhe harmoni racore, iniciativat DEI gjenerojnë dhe amplifikojnë përçarje, pa të cilat industria e DEI-t nuk do të ekzistonte. Praktikuesit e DEI-t janë bërë të korruptuar, me interesa të lidhura që veprojnë kundër vendit dhe fëmijëve të tyre.

    Të mësosh mendjet e reja të shohin çdo situatë përmes një lente racore, dhe më keq akoma, të kategorizojnë njerëzit si “shtypës” apo “të shtypur”, mbjell pakënaqësi dhe paranojë. Kjo me shumë gjasë shkel Titullin VI duke krijuar atmosfera të ngarkuara me tension racor që dëmtojnë nxënësit. Pesë vjet ishin kohë e mjaftueshme për të parë nëse programe të tilla mund të rishpiknin dhe përmirësonin marrëdhëniet shoqërore në frymën e Aktit për të Drejtat Civile. Tani mund të thuhet me siguri se ato bëjnë të kundërtën.

    Nëse sistemi shkollor i Nju Jorkut vazhdon të kundërshtojë urdhrin ligjor të administratës Trump, do të ndëshkojë nxënësit për të cilët pretendon se kujdeset më shumë. 5% e buxhetit të arsimit në qytetin e Nju Jorkut që mund të humbet, mbështet nxënësit më të brishtë, veçanërisht përmes fondeve të Titullit I që ndihmojnë shkollat me përqindjen më të lartë të nxënësve me të ardhura të ulëta. Këto fonde paguajnë për ndihmës arsimtarë, shërbime për shëndetin mendor, përmirësime teknologjike, programe pas shkollës dhe aktivitete zbavitëse si vallëzim, art dhe muzikë. E gjithë kjo rrezikon të flijohet në altarin e aktivizmit ideologjik.

    Ulja e financimeve ka gjasa të bëjë që më shumë familje të braktisin shkollat publike, veçanërisht në qytetin e Nju Jorkut, që ka parë një rënie prej 11% të regjistrimeve krahasuar me periudhën para COVID-19. Ky është lajm i keq për nxënësit që mbeten në shkolla të dështuara, pasi buxhetet e shkollave bazohen në financimin për çdo nxënës. Kjo do të thotë më pak mësues të rinj, klasa më të mëdha dhe shërbime të reduktuara që normalisht mbulohen nga fondet federale.

    Asnjëra prej këtyre nuk ka rëndësi për aktivistët radikalë që janë në krye të shkollave në Nju Jork. Për ta, ideologjia është më e rëndësishme se arsimi. / Washington Examiner – Syri.net

  • Numri dymbëdhjetë i revistës “Bashkimi”

    Numri dymbëdhjetë i revistës “Bashkimi”

    Në numrin e dymbëdhjetë të revistës “Bashkimi” janë shpalosur njoftimet dhe shkrimet e mrekullueshme për shkollat shqipe, si dhe përpjekjet tona të përbashkëta në përhapjen e dritës së dijes në gjuhën shqipe në Zvicër.Ky fillim pranvere solli me vete botimin e numrit të dymbëdhjetë të revistës “Bashkimi”, në Uster të Zvicrës. Kjo revistë sjell në faqet e saj rezultatet e një pune të palodhshme dhe të përkushtuar për ruajtjen e gjuhës dhe kulturës kombëtare. Shoqata “Bashkimi” tashmë është bërë emër i njohur në mesin e shoqatave kulturore, jo vetëm në Zvicër, por edhe më gjerë.Në faqet e revistës do të gjeni informacione mbi punën e përditshme të shoqatës “Bashkimi”, aktivitetet, përgatitjet për kuvendin, riorganizimin e grupeve të valleve dhe, mbi të gjitha, nga faqja 10 deri në faqen 20, do të njiheni me anëtarët e shoqatës dhe përkushtimin e tyre për ta mbajtur gjallë jetën kulturore në këtë pjesë të Zvicrës.Në faqet 50–53 do të gjeni aktivitetet e shkollave shqipe në Zvicër, përfshirë veprimtarinë kushtuar 21 Shkurtit – Ditës Ndërkombëtare të Gjuhëve Amtare – e zhvilluar nga nxënësit e shkollës shqipe në Neuenhof, në kantonin e Argaut. Do të lexoni  po ashtu, edhe për takimin e mësuesve me rastin e kësaj dite të rëndësishme, të cilët pa u lodhur angazhohen për t’ua mësuar gjeneratave të reja shqiptare gjuhën amtare, duke u dhënë mundësinë të ruajnë rrënjët e tyre dhe të ndihen krenarë për origjinën që kanë. Ata krijojnë ura mes historisë dhe së ardhmes, duke u kujdesur që gjuha jonë të mos humbasë në rrjedhën e kohës dhe të integrimit. Do të njiheni, gjithashtu, me njoftimin për klasën e përbashkët të fëmijëve shqiptarë në Zvicër dhe nxënësve arbëreshë në Kalabri,  ku për herë  të parë janë bërë përpjekjet tepër interesante dhe shpresëdhënëse për bashkëpunime vëllazërore. Në revistë do të lexoni edhe për mbrëmjen festive të organizuar me nxënësit e shkollave shqipe në Zvicër, në bashkëpunim me këshillat prindërorë të pikave shkollore në: Neuenhof, Spreitenbach, Affoltern, Regensdorf, Dällikon, Fahrweid, Rümlang, Uster, Wetzikon, Rüti, Pfäffikon, Volketswil, Schwerzenbach dhe Fehraltorf. Nxënësit kishin përgatitur një program të pasur kulturo-artistik me këngë, recitime dhe valle, duke sjellë emocione të veçanta për prindërit shqiptarë që kishin mbushur përplot sallën e madhe në Neuenhof. Gëzimi, atdhedashuria dhe krenaria për shkollën shqipe pasqyrohej qartë në fytyrat e prindërve, të ardhur nga vende të ndryshme të kantoneve të Cyrihut dhe Argaut.Pastaj do të keni rastin të njiheni me pikat e reja shkollore, siç janë:Shkolla Shqipe në Küsnacht, në kantonin e Cyrihut, ku mësimet i zhvillon mësuesja Miranda Rahmani;Shkolla Shqipe në Rorschach, e cila ka hapur dyert për fëmijët e Rorschach dhe Rorschacherberg, nën udhëheqjen e mësueses Jehona Shala;Shkolla Shqipe në Saxon, me mësuesen Edona Haradini, e cila me përkushtimin e saj po lë gjurmë të qëndrueshme në mësimin e gjuhës shqipe.Hapja e këtyre shkollave është bërë tashmë kryefjalë e përpjekjeve të mësuesve dhe veprimtarëve të arsimit shqip në Zvicër. Këto përpjekje të pandalshme kanë rezultuar me shtimin e numrit të nxënësve dhe me hapjen e pikave të reja shkollore, duke e shndërruar këtë angazhim në një mision kombëtar.Në revistë pasqyrohet edhe aktiviteti i zhvilluar më, 1 shtator 2024, me nxënësit e mësuese Qefsere dhe mësuesit Vaxhid Sejdiu, nga shkollat ku ata punojnë dhe veprojnë. Nxënësit realizuan një shëtitje në Conny Land, në Lipperswil të kantonit Thurgau, të cilën e pagëzuan me titullin: “Një shëtitje për një fillim të mbarë – Viti i Ri Shkollor 2024–2025”. Revista përmbyllet me organizimin e turneut të futbollit “Zvicër 2024”, nga Lidhja e Arsimtarëve dhe Prindërve Shqiptarë “Naim Frashëri”, në bashkëpunim me Unionin e Klubeve Shqiptare të Futbollit në Zvicër. Me mbi 300 nxënës pjesëmarrës, nga shkollat: Affoltern, Dällikon, Neuenhof, Rüti, Uster, Pfäffikon, Volketswil, Spreitenbach, Fehraltorf, Hunzenschwil, Birr, Othmarsingen, Vevey, Zug, Windisch, Lozanë, Trübach, Niedergösgen, Sempach e të tjera – kjo ishte një ditë festive e paharrueshme, që do të mbahet mend gjatë!Fëmijët shqiptarë në Zvicër, të cilët me dashuri dhe përkushtim mësojnë, ruajnë dhe zhvillojnë gjuhën amtare, janë shembulli më i mirë i atdhedashurisë dhe i integrimit në vendin ku jetojnë bashkë me prindërit e tyre.Urime e dashuri pa fund për të gjithë këta nxënës të shkollave shqipe, të cilët, me përpjekje dhe përkushtim, vazhdojnë rrugën e prindërve të tyre për ta mbajtur gjallë flamurin e gjuhës shqipe!

  • ‘Transport dhe ushqim falas për nxënësit në shkollat publike’, Gonxhja: Lehtësi për familjet

    ‘Transport dhe ushqim falas për nxënësit në shkollat publike’, Gonxhja: Lehtësi për familjet

    Ministri i Ekonomisë, Kulturës dhe Inovacionit, Blendi Gonxhja, njoftoi sot se në bashkitë kryesore të qarqeve, duke nisur me Tiranën, transporti publik për nxënësit e shkollave publike do të garantohet nga shteti.
    Gjatë një takimi me punonjës të industrisë së lehtë në Tiranë, Gonxhja deklaroi se një kompani e re kombëtare e transportit publik do të ngrihet dhe brenda saj do të funksionojë një degë specifike për transportin shkollor. Ai theksoi se ky shërbim do të jetë në ndihmë të familjeve, pasi “shkolla publike do të fillojë nga dera e shtëpisë dhe do të mbarojë po para derës së shtëpisë.”
    Një tjetër masë që pritet të nisë së shpejti është programi “dreka në shkollë”, i cili synon të ofrojë një vakt të shëndetshëm për nxënësit. Me këtë program, orari i mësimit do të zgjatet deri në orën 16:30, nga 12:30 që është aktualisht. Gjatë pasdites, fëmijët do të përfshihen në aktivitete rekreative, sportive dhe artistike të financuara nga shteti, duke lehtësuar edhe më shumë prindërit që punojnë.
    “Do të jetë edhe kjo në ndihmë të familjes, pasi edhe kjo është kosto,” tha Gonxhja.

  • Franca forcon ndalimin e telefonave në shkolla: “Pauzë dixhitale” e detyrueshme për nxënësit

    Franca forcon ndalimin e telefonave në shkolla: “Pauzë dixhitale” e detyrueshme për nxënësit

    Franca po planifikon të ashpërsojë masat për ndalimin e përdorimit të telefonave celularë në shkollat e mesme, duke zbatuar një sistem ku nxënësit e moshës 11 deri në 15 vjeç do t’i lënë pajisjet e tyre në një vend të caktuar – si një dollap apo në çantë – që në fillim të ditës dhe nuk do t’i kenë më në dispozicion deri në përfundim të orarit mësimor.
    Ministrja e Arsimit, gjatë një seance në senat, theksoi se qëllimi është që të rinjtë të shkëputen plotësisht nga telefonat gjatë gjithë ditës së shkollës, duke filluar nga shtatori në të gjitha shkollat e mesme franceze. Ajo theksoi se, duke pasur parasysh ndikimet negative që kanë telefonat, kjo nismë është e domosdoshme për të garantuar mirëqenien dhe suksesin e nxënësve.
    Që prej vitit 2018, në Francë është në fuqi një ndalim që ua ndalon fëmijëve përdorimin e telefonit brenda ambienteve të shkollës – madje edhe gjatë pushimeve. Telefonat duhet të qëndrojnë të fikur dhe të mos përdoren askund në territorin e shkollës.

    Disa shkolla kanë raportuar përfitime të dukshme nga kjo masë, si rritje të ndërveprimit social, më shumë aktivitet fizik, ulje të rasteve të ngacmimeve dhe përmirësim të përqendrimit. Megjithatë, ka pasur raste ku nxënësit përpiqeshin të përdornin telefonët fshehurazi, kryesisht në tualete gjatë pushimeve.
    Për të adresuar këtë, autoritetet janë të vendosura të shkojnë edhe më tej – duke siguruar që telefonat të mos jenë fare të aksesueshëm gjatë gjithë kohës së qëndrimit në shkollë.
    E ashtuquajtura “pauzë dixhitale” – siç e përshkruan qeveria – është testuar për gjashtë muajt e fundit në rreth 100 shkolla përmes një projekti pilot. Në këtë skemë, fëmijët dorëzojnë telefonët sapo mbërrijnë në shkollë, duke i vendosur në dollapë, kuti të posaçme, ose qese që mund të zhbllokohen vetëm përmes një sistemi elektronik në fund të ditës, kur largohen për në shtëpi.
    /vizionplus.tv

  • Francë, propozohet ideja për ndalimin e telefonave në gjimnaze

    Francë, propozohet ideja për ndalimin e telefonave në gjimnaze

    Në Francë janë duke menduar që të ndalin nxënësit e shkollave të mesme të përdorin telefonat e tyre inteligjentë.Ky është propozimi që vjen nga Ministrja franceze e Arsimit, Élisabeth Borne, në të cilin thuhet se nxënësit e moshave nga 11 deri në 15 vjeç do t’u ndalohet rreptësisht përdorimi i aparateve celularë, duke i detyruar ata që këto pajisje t’i kyçin në një dollap të posaçëm, e për t’i rimarrë ato sërish pas përfundimit të mësimit.
    Ideja e cila do të zbatohet duke nisur që në muajin Shtator, bëhet me qëllim për t’i larguar këta të rinj nga aksesi i tepruar në rrjete sociale dhe për t’u fokusuar plotësisht në ndjekjen e rregullt të mësimeve.“Një masë e tillë shihet si thelbësore për të ruajtur mirëqenien dhe garantuar suksesin e fëmijëve tanë në shkollë”, shprehet ministrja franceze Borne.
    Më herët, ky vend zbatoi të njëjtin propozim në vitin 2018, për nxënësit e kolegjeve duke i shkëputur ata prej telefonave inteligjentë. I vetmi ndryshim ishte se këta fëmijë mund t’i fiknin telefonat e tyre dhe t’i mbanin në çantë për të vazhduar me procesin mësimor, teksa këtë herë parashikohet një shtrëngim masash më i ashpër për t’i larguar akoma dhe më shumë nxënësit nga këto pajisje.
    Qeveria u shpreh se nëse do të jetë e nevojshme për të ndërhyrë më shumë në mënyrë që fëmijët të ishin më të përqëndruar në mësime, do ta ndjekin me shumë interes këtë propozim.
    Telefonat momentalisht në Francë janë të ndaluar plotësisht vetëm në shkollat fillore, teksa në muajt në vazhdim, kjo ndalesë do të zgjerohet masivisht dhe në shkollat e mesme.
    Ministrja Borne tha gjithashtu se kjo ide u mbështet edhe nga prindërit dhe mësuesit që kërkojnë më shumë kujdes për t’i trajtuar nxënësit, për t’i mbajtur kështu sa më larg rrjeteve sociale që bëhen faktor shpërqendrimi.

  • Francë, propozohet ideja për ndalimin e telefonave në shkollat e mesme

    Francë, propozohet ideja për ndalimin e telefonave në shkollat e mesme

    Në Francë janë duke menduar që të ndalin nxënësit e shkollave të mesme të përdorin telefonat e tyre inteligjentë.

    Ky është propozimi që vjen nga Ministrja franceze e Arsimit, Élisabeth Borne, në të cilin thuhet se nxënësit e moshave nga 11 deri në 15 vjeç do t’u ndalohet rreptësisht përdorimi i aparateve celularë, duke i detyruar ata që këto pajisje t’i kyçin në një dollap të posaçëm, e për t’i rimarrë ato sërish pas përfundimit të mësimit.

    Ideja e cila do të zbatohet duke nisur që në muajin Shtator, bëhet me qëllim për t’i larguar këta të rinj nga aksesi i tepruar në rrjete sociale dhe për t’u fokusuar plotësisht në ndjekjen e rregullt të mësimeve.

    “Një masë e tillë shihet si thelbësore për të ruajtur mirëqenien dhe garantuar suksesin e fëmijëve tanë në shkollë”, shprehet ministrja franceze Borne.

    Më herët, ky vend zbatoi të njëjtin propozim në vitin 2018, për nxënësit e kolegjeve duke i shkëputur ata prej telefonave inteligjentë. I vetmi ndryshim ishte se këta fëmijë mund t’i fiknin telefonat e tyre dhe t’i mbanin në çantë për të vazhduar me procesin mësimor, teksa këtë herë parashikohet një shtrëngim masash më i ashpër për t’i larguar akoma dhe më shumë nxënësit nga këto pajisje.

    Qeveria u shpreh se nëse do të jetë e nevojshme për të ndërhyrë më shumë në mënyrë që fëmijët të ishin më të përqëndruar në mësime, do ta ndjekin me shumë interes këtë propozim.

    Telefonat momentalisht në Francë janë të ndaluar plotësisht vetëm në shkollat fillore, teksa në muajt në vazhdim, kjo ndalesë do të zgjerohet masivisht dhe në shkollat e mesme.

    Ministrja Borne tha gjithashtu se kjo ide u mbështet edhe nga prindërit dhe mësuesit që kërkojnë më shumë kujdes për t’i trajtuar nxënësit, për t’i mbajtur kështu sa më larg rrjeteve sociale që bëhen faktor shpërqendrimi.

  • Vlerësimi ndërkombëtar PISA 2025/ Ministrja Manastirliu: Angazhimi i madh i nxënësve, do të jetë rezultati i rradhës

    Vlerësimi ndërkombëtar PISA 2025/ Ministrja Manastirliu: Angazhimi i madh i nxënësve, do të jetë rezultati i rradhës

    Gjatë një takimi me mësuesit në gjimnazin “Sami Frashëri”, Ministrja e Arsimit dhe Sportit, Ogerta Manastirliu, u shpreh se janë marrë masat që ky testim të pasqyrojë realisht nivelin e përgjithshëm të arsimit në Shqipëri, punën e të gjithë mësuesve, si dhe arritjet dhe kompetencat e fituara nga nxënësit.Ka nisur sot testimi ndërkombëtar PISA 2025, që do të zhvillohet në 160 shkolla të vendit, ku marrin pjesë 6,330 nxënës 15-vjeçarë, për vlerësimin e njohurive dhe kompetencave të tyre në lexim, lëndët shkencore dhe matematikë, vlerësim që do të zhvillohet online.
    “Ne kemi punuar gjatë gjithë vitit sepse duam që ky vlerësim dhe testim për ne të jetë një testim realist dhe të tregojë vërtetë ato kontribute dhe vlera të arsimit shqiptar. Është një vlerësim që pasqyron nivelin e arsimit në vend, punën e të gjithë mësuesve dhe arritjet dhe kompetencat e fituara nga nxënësit e moshës 15 vjeçare.”,- tha Manastirliu. Ministrja e Arsimit ka vlerësuar rëndësinë e këtij testimi, teksa tha se përgatitjet për të janë kryer për nxënësit, mësuesit dhe infrastrukturën e duhur.
    “Unë jam e bindur që angazhimi i madh i nxënësve dhe mësuesve do të na bëjë ne te kemi rezultate të mira në rezultatin e radhës, tashmë jemi të përgatitur me mësuesit, me infrastrukturën e duhur sepse testimi është online për të tre degët”, – tha Ministrja Manstirliu.Qëllimi i testit PISA (Programme for International Student Assessment) është të vlerësojë se sa mirë janë të përgatitur nxënësit 15-vjeçarë (zakonisht në klasën e 9-të ose të 10-të) në lexim, lëndët shkencore dhe matematikë, në kontekstin për të përballuar sfidat reale të jetës. Testimi do të zhvillohet sipas një kalendari në dy javët në vijim në shkollat në të gjithë vendin. Përgatitjet për testimin PISA kanë nisur prej 1 viti, me trajnimin e mësuesve, ku janë trajnuar 1000 mësues si dhe realizimin e testeve prove për nxënësit.
    Ministria e Arsimit dhe Sportit ka hartuar dhe po zbaton një plan të detajuar për përmirësimin e rezultateve në PISA 2025, i cili përfshin: analiza të thelluara të rezultateve të mëparshme, trajnime periodike për mësuesit në fushat kyçe, si dhe zhvillimin e materialeve mbështetëse për mësimdhënie.