Lajmidites.com

Tag: numër

  • Lamine Yamal hyn në “klubin” e legjendave me numrin 10 te Barcelona

    Lamine Yamal hyn në “klubin” e legjendave me numrin 10 te Barcelona

    Lamine Yamal do të mbajë sezonin e ardhshëm numrin 10 në shpinë. Largimi tashmë i konfirmuar i Ansu Fati drejt Monaco e liron këtë numër legjendar, i cili gjatë 4 viteve të fundit i përkiste ish-futbollistit të Barcelonës, që e mori këtë “10” pas largimit të Leo Messit nga klubi. Në atë kohë dukej se Ansu do të ishte ylli i madh i së ardhmes për ekipin blaugrana. Megjithatë, nuk ndodhi kështu, pasi dëmtimet ia pamundësuan këtë.
    Këtë numër e kanë mbajtur futbollistët më të mirë të Barcelonës. Leo Messi ishte shembulli më i madh i viteve të fundit. Argjentinasi ishte lojtari më i mirë në botë për shumë sezone, teksa mbante numrin 10 si te Barcelona, ashtu edhe në kombëtaren e Argjentinës. Me këtë numër, Messi e çoi Barcelonën në majat më të larta të futbollit, duke fituar të gjithë titujt e mundshëm, si në nivel ekipor, ashtu edhe individual.

    Diego Armando MaradonaNjë tjetër “10” legjendar blaugrana ishte gjithashtu argjentinas. Diego Armando Maradona e mbajti këtë numër gjatë viteve kur veshte fanellën e Barcelonës. Ashtu si Messi, e mbante atë edhe në përfaqësuese. Edhe pse në Barcelonë nuk kaloi vitet më të mira të karrierës së tij, të cilat u karakterizuan nga polemikat, një dëmtim i rëndë dhe një sëmundje që e penguan të luante pothuajse një sezon të tërë, ai spikati falë talentit të jashtëzakonshëm, u përshëndet me duartrokitje edhe në “Bernabeu”. Një tjetër lojtar i madh që mbajti numrin 10 ishte Riquelme, por te Barcelona nuk pati performancat e pritshme.

    Ardhja e RonaldinhosNga argjentinasit kalojmë te brazilianët. Para se të vinte Leo Messi, ky numër ishte në shpinën e Ronaldinhos. Ai ishte nënshkrimi i madh i periudhës së parë të Laportës president, arriti falë menaxhimit të mirë të Sandro Rosell, një njohës i mirë i tregut brazilian. Një transferim kyç në historinë e Barcelonës, sepse Ronaldinho i riktheu buzëqeshjen tifozërisë blaugrana pas 5 vitesh pa fitore titulli. Ai ishte “flamuri” i ekipit për disa sezone dhe një element kyç në fitimin e Champions-it të dytë nga Barcelona.

    Rivaldo dhe RomarioDy brazilianë të tjerë me shumë cilësi e mbajtën numrin 10 në shpinë, te Barcelona. Rivaldo përkoi gjatë viteve të vështira për ekipin blaugrana, pa të historia do të kishte qenë shumë më keq. Ai ishte një lojtar i shkëlqyer, që përjetoi një nga periudhat më të errëta të Barcelonës nën presidencën e Joan Gaspart. Romario, gjithmonë me numrin 10 në shpinë (edhe pse atëherë numrat nuk ishin të përcaktuar zyrtarisht), pati një sezon ëndrrash me Barcelonën, me të cilën fitoi një kampionat dhe arriti finalen e Champions League.

    Tani është radha e Lamine YamalTani i ka ardhur radha Lamine Yamal. Gjithçka tregon se ai do të jetë një trashëgimtar dinjitoz i këtij numri, bazuar në atë që kemi parë deri tani, edhe pse ende nuk ka mbushur 18 vjeç. Nëse vazhdon këtë përparim, ai do të bëhet ylli kryesor i Barcelonës në vitet në vazhdim. Tifozët shpresojnë se ai do të jetë çelësi i shumë titujve.

  • Lufta ndërpreu menjëherë të gjithë fluksin që vinte nga Lindja e Mesme, rreziqet ndaj turizmit

    Lufta ndërpreu menjëherë të gjithë fluksin që vinte nga Lindja e Mesme, rreziqet ndaj turizmit

    Linjat 1800 kilometra larg në vijë ajrore si dhe 3 orë fluturim, sollën këtë fillim-vit në Shqipëri një numër të konsiderueshëm turistësh nga Lindja e Mesme.

    Konflikti Iran-Izrael dhe mbyllja e hapësirës ajrore është kthyer në një shqetësim për bizneset shqiptare turistike që këtë vit presin një numër të lartë turistësh nga këto vende.
    Nga viti në vit këta shtetas ishin kthyer tashmë në besnik të Shqipërisë numri i të cilëve arriti në 7 mijë e 625 në 5 muaj me një rritje 49%.
    “Ka patur një rritje nga vendet e lindjes së mesme por dhe Izraeli për shkak të linjave direkte. Për fat të keq ky numër është ekzistente për shkak të mbylljes së hapësirave ajrore të shumë vendeve të lindjes mesme. Shumë tur-operatorë jemi në situatë të vështirë se ata ndodhen përballë dy zjarreve kërkojnë hotelet tu paguhen ndërsa partnerët kërkojnë tu mbahen rezervimet edhe pak se kanë besim tek qeveria e tyre për rregullim të situatës”, tha Rahman Kasa-Unioni Turistik Shqiptar.
    Por përtej turistëve nga lindja e Mesme, turistët nga Shqipëria po largohen edhe për shkak të një sërë problematikash të tjera jo vetëm infrastrukturore por dhe mungesa e ujit në disa qytete si dhe zhurmat apo ndërtimet pa kriter.
    Shqiptarët e Kosovës që janë dhe shtylla kryesore e totalit të turistëve në Shqipëri, sipas tur-operatorëve po braktisin vendin për oferta më të mira në shtete të tjera.
    “Kemi një reduktim të qytetarëve të Kosovës. Zakonisht vijnë fundjavave deri në fillim të sezonit dhe në sezon edhe për shkak të çmimeve reduktojnë numrin dhe gjejnë vende të gjera si Halkidiki me resorte të mëdha. Dhe turistët nga Evropa kanë pësuar rënie. Zgjedhin vende të reja kryesisht individualët.
     Në hotelet e Durrësit mungon ujë, hotelet zbrazin pishinat për të mbushur depozitat që të lahen turistët. Jemi në pikun e vapës dhe imagjinoni turistë që s’ka ujë pasi del nga plazhi. Problematikë serioze ndërtimet që vazhdojnë përgjatë bregdetit. Shpeshherë klientët u thonë guidave më mirë të merrnim rroba pune dhe jo plazhi”.
    Ndonëse parashikimi i qeverisë për vitin 2025 arrin deri në 15 milionë turistë, tur-operatorët presin një ngadalësim të zhvillimit të turizmit veror, ndërsa shpresa e tyre mbetet tek grupet e organizuara të cilat respektojnë kontratat.

    Top Channel

  • E trishtë/ Reali ‘në zi’ para ndeshjes, ndahet nga jeta anëtari numër ‘1’

    E trishtë/ Reali ‘në zi’ para ndeshjes, ndahet nga jeta anëtari numër ‘1’

    Real Madrid ka shpërndarë lajmin e trishtë për ndarjen nga jeta të Serxhio Nieto Diaz Albo. Ky i fundit ka vdekur në moshën 100-vjeçare, ndërsa kujtohet si anëtari numër 1 i Realit.
    Serxhio ishte anëtar i komunitetit të madrilenëve prej 93 vitesh, pikërisht nga dhjetori i vitit 1932. Komuniteti i gjera ka mbi 100 mijë anëtarë.
    Reali ka shprehur ngushtëllimet e sinqerta nga presidenti Perez, bordi drejtues. Ky lajm i hidhur vjen para ndeshjes në Botërorin e klubeve, që Reali do të luajë me Paçukën.

  • E TRISHTË/ Reali ‘në zi’ para ndeshjes, ndahet nga jeta anëtari numër 1

    E TRISHTË/ Reali ‘në zi’ para ndeshjes, ndahet nga jeta anëtari numër 1

    Real Madrid ka shpërndarë lajmin e trishtë për ndarjen nga jeta të Serxhio Nieto Diaz Albo. Ky i fundit ka vdekur në moshën 100-vjeçare, ndërsa kujtohet si anëtari numër 1 i Realit.
    Serxhio ishte anëtar i komunitetit të madrilenëve prej 93 vitesh, pikërisht nga dhjetori i vitit 1932. Komuniteti i gjera ka mbi 100 mijë anëtarë.
    Reali ka shprehur ngushtëllimet e sinqerta nga presidenti Perez, bordi drejtues. Ky lajm i hidhur vjen para ndeshjes në Botërorin e klubeve, që Reali do të luajë me Paçukën.

  • Giroud: Kur mbërrita te Milani, Maldini më tha se numri 9 ishte i mallkuar. Unë i tregova…

    Giroud: Kur mbërrita te Milani, Maldini më tha se numri 9 ishte i mallkuar. Unë i tregova…

    Ish-sulmuesit Pierre-Emerick Aubameyang, Romelu Lukaku, Gonzalo Higuain, Fernando Torres dhe Radamel Falcao janë disa nga emrat që kanë dështuar në Londrën Perëndimore, pasi zgjodhën të veshin fanellën “famëkeqe” me numrin 9. Tani, pas transferimit nga Ipswich Town, Liam Delap ka zgjedhur të marrë këtë numër, një zgjedhje për të cilën Olivier Giroud e paralajmëron që të jetë i kujdesshëm.
    22-vjeçari do të mbajë fanellën me numrin 9, që ka qenë e lirë prej largimit të Aubameyang nga Chelsea. Sulmuesi francez, i cili nuk e guxoi ta vishte atë fanellë gjatë kohës së tij te Chelsea, u pyet përse kaq shumë sulmues e kanë pasur të vështirë ta përballojnë presionin që sjell ky numër.
    “Kur firmosa për Milanin, Paolo Maldini më tha në takimin e parë në ‘Zoom’: A je i sigurt për numrin 9? Është disi i mallkuar. Unë iu përgjigja se nuk është numri në shpinë, ai që do të më bëjë të jem i mirë dhe të shënoj gola. Jo, unë e dua numrin 9. Dhe më pas i tregova se nuk kishte asnjë mallkim me këtë numër te Milani, po bëja shumë mirë.
    Nuk ka të bëjë me numrin 9, ka të bëjë me rolin në fushë. Të qenit sulmues është diçka jashtëzakonisht kërkuese. Mund të jesh në qendër të vëmendjes kur gjërat ecin mirë, por je gjithashtu i pari që kritikohesh kur nuk shënon.
    Duhet të tregosh karakter dhe forcë mendore. Duhet të jesh i fortë në kokë, edhe në momentet e vështira, të qëndrosh i sigurt te vetja dhe të vazhdosh të punosh fort. Ka shumë presion kur luan si sulmues, por për mua është pozicioni më i bukur në futboll. Ka ulje-ngritje, por duhet të jesh gati për këtë”.
    Delap është përfshirë në listën e lojtarëve të Chelsea për Botërorin e Klubeve, që nis këtë fundjavë. Giroud e vlerësoi të riun anglez, për të cilin beson se ka cilësitë e duhura që ta përballojë presionin e pashmangshëm gjatë sezonit.
    “Unë mendoj se ai është shumë i talentuar, – tha Giroud. – Djemtë do ta ndihmojnë të përshtatet, mendoj se do t’ia dalë mirë”.

  • “Po të mos ishte feja islame, shqipëtarët do të ishin më të shumtë në numër, por nuk do të ishin më shqipëtarë”

    “Po të mos ishte feja islame, shqipëtarët do të ishin më të shumtë në numër, por nuk do të ishin më shqipëtarë”

  • Tom Cruise futet në Librin e Rekordeve Guinness

    Tom Cruise futet në Librin e Rekordeve Guinness

    Aktori hollivudian Tom Cruise ka fituar një titull të ri në Librin e Rekordeve Guinness për një numër akrobacie spektakolar që realizoi gjatë xhirimeve të filmit më të fundit të sagës “Mission: Impossible”.
    Ai është tani mbajtës i rekordit për “numrin më të madh të kërcimeve me një parashutë në flakë nga një individ”, duke arritur një total prej 16 hedhjesh.
    Sipas Craig Glenday, kryeredaktor i Guinness World Records, “Tom nuk është vetëm një yll i filmave aksion, por është vetë një superhero! Një pjesë e madhe e suksesit të tij buron nga përkushtimi i plotë ndaj autenticitetit dhe sfidimit të kufijve të asaj që një aktor protagonist mund të bëjë”. Ai shtoi se ishte “një nder ta shpërblejmë për guximin e tij absolut me këtë rekord të ri botëror”.
    Kërcimet u realizuan gjatë xhirimeve të filmit të tetë të serisë, “Mission: Impossible – The Final Reckoning”, ku Cruise është protagonist që nga viti 1996. Në një video të publikuar në faqen zyrtare të YouTube të Paramount Pictures, shfaqet Cruise duke diskutuar me koordinatorët e stunt-eve, duke theksuar rreziqet e manovrës: “Nëse parashuta është e përdredhur ndërsa digjet, unë do të filloj të rrotullohem dhe do të digjem”, thotë ai.
    Edhe pse Cruise e pranon seriozitetin e situatës, ai i shton një notë humori: “Dua të jem i zgjuar, nuk po them të rrezikoj, sigurisht që nuk marrim rreziqe”.
    Ky numër akrobacie është vetëm një nga shumë të tjerë që e kanë bërë Tom Cruise të njohur për vendosmërinë e tij për të realizuar vetë skenat e rrezikshme në filmat e tij. Me këtë arritje të re, ai vazhdon të mbetet një nga figurat më të guximshme dhe të përkushtuara të kinemasë botërore.

  • “U mbushën kutitë me fletë votimi joorigjinale”, denoncimi i fortë i Këlliçit: Një numër i konsiderueshëm u nxorën..

    “U mbushën kutitë me fletë votimi joorigjinale”, denoncimi i fortë i Këlliçit: Një numër i konsiderueshëm u nxorën..

    Drejtuesi politik i PD për Tiranën, Belind Këlliçi ndodhet në Bregun e Fildishtë së bashku me Albana Vokshin, ku po zhvillohet asambleja e CDI-IDC.
    Në një dalje në jë emision televiziv Këlliçi tha se PD ka dyshime të forta që në zgjedhjet e 11 majit një numër i lartë i fletëëve të votimit u nxorën jashtë kutive dhe u përdorën vula false.
    Më tej, Këlliçi tha se denoncimet e bëra nga PD nuk lihen pa u vënë re nga aleatët ndërkombëtarë.
    “Futja e fletëve, që një pjesë nuk ka qenë e procesit elektoral. Kemi dyshime të forta që tregojnë për nxjerrje jashtë të një sasie të konsiderueshme të fletëve të votimit dhe përdorimi i vulave false. Janë përdorur fletë që në gjykimin e numëruesve të PD dhe PS nuk ishin origjinale, një rast flagrant i mbushjes së kutive me fletë joorigjinale. Këto denoncime që bëjmë ne nuk ikim pa u vënë re te partnerët ndërkombëtarë.
    Së bashku me Vokshin kemi ardhur për shkak se organizohet asambleja vjetore e IDC/CDI, me 108 parti anëtare. Dy personalitete botërore udhëheqin këtë organizatë”, tha Këlliçi.
     

  • Ja kush do e mbajë numrin 10 te Real Madrid pas lamtumirës së Modric

    Ja kush do e mbajë numrin 10 te Real Madrid pas lamtumirës së Modric

    Kylian Mbappe thuhet se i është ofruar fanella ikonike me numër 10 te Real Madridi, ndërsa ai ndjek hapat e Luis Figos dhe Mesut Ozilit. Fituesi i Kupës së Botës trashëgoi numrin 9 në “Santiago Bernabeu” kur u bë një tjetër “Galaktiko” në kryeqytetin spanjoll gjatë verës së vitit 2024.
    Ai e mori atë fanellë nga bashkëkombësi francez Karim Benzema, i cili ishte larguar nga Madridi një vit më parë. Sezoni debutues i Mbappes në Spanjë e pa atë të regjistronte 43 gola në të gjitha garat, duke e ndihmuar atë të fitonte “Këpucën e Artë” të La Ligas  dhe “Këpucën e Artë” të Evropës.
    Ai humbi trofe të rëndësishëm ndërsa fitoi Superkupën e UEFA-s dhe Kupën Ndërkontinentale. Tani po pretendohet se ai mund të ketë një pamje të re për sezonin 2025-26. Sipas “El Chiringuito”, Mbappe-s i është dhënë mundësia të marrë fanellën me numër 10 të Realit pas largimit të fituesit të “Topit të Artë”, Luka Modric.

    Kroati e ka veshur atë fanellë që nga viti 2017, ndërsa më parë është veshur nga  si fituesi i Kupës së Botës Ozil, superylli portugez Figo, mesfushori holandez Clarence Seedorf dhe legjenda daneze Michael Laudrup.

  • Del edhe rezultati për njësinë numër 10, kryeson Partia Socialiste! Pasohet nga PD dhe Partia Mundësia

    Del edhe rezultati për njësinë numër 10, kryeson Partia Socialiste! Pasohet nga PD dhe Partia Mundësia

    Tashmë është publikuar edhe rezultati i njësisë numër 10 në Tiranë aty ku votimi u bë në mënyrë elektronike.

    Në rezultatet përfundimtare, PS-ja ka arritur të marrë 5304 vota, duke u pasuar nga PD-ja me 3498 vota.
    Një numër të konsiderueshme ka marrë Partia Mundësia, me një total prej 694 votash.

    Top Channel