3 Qershor 2025
14:40
Telesport
Manchester City ka shfaqur interes konkret për nënshkrimin e Rayan Ait Nouri nga ekipi i Wolves.
Pronari i City, Khaldoon Al Mubarak, ka thënë se ata synojnë të kenë “skuadrën e re” gati për Kupën e Botës për klube, kështu që kjo është një marrëveshje që mund të finalizohet shumë shpejt.
“Sky Sports News” konfirmon se “citizens” synojnë të forcohen në krahun e majtë dhe 23-vjeçari është kandidati kryesor. Ende nuk është arritur një marrëveshje mes dy klubeve për algjerianin, por të gjitha palët presin që një lëvizje të ndodhë.
Rayan Ait Nouri shënoi tre gola dhe dha shtatë asistime për Wolves në 37 paraqitjet e tij sezonin e kaluar. Mësohet se ka qenë trajneri Pep Guardiola ai që i ka kërkuar klubit të insistojë për lojtarin, që ta ketë në Botërorin e klubeve.