Rezultatet preliminare, të publikuara nga Komisioni Qendror i Zgjedhjeve (KQZ) për garat me balotazh në 18 komuna të Kosovës, të mbajtura më 9 nëntor, krijuan një balancë të re lokale mes partive politike – me fuqi pothuajse të barabartë.
Bazuar në të dyja rundet e votimeve për kryetarë të 38 komunave, Lëvizja Vetëvendosje (LVV) dhe Lidhja Demokratike e Kosovës (LDK) fituan secila nga shtatë komuna. Partia Demokratike e Kosovës (PDK) fitoi gjashtë, ndërsa Aleanca për Ardhmërinë e Kosovës (AAK) ruajti udhëheqjen në pesë.
Nisma Socialdemokrate, Partia Turke KDTP dhe iniciativa e Ramiz Lladrovcit siguruan nga një komunë secila. Ndërsa, Lista Serbe ka kontrollin në të dhjetë komunat me shumicë serbe.
Një rezultat i fragmentuar politikisht
Sociologu dhe analisti politik, Artan Muhaxhiri, vlerëson për Radion Evropa e Lirë se këto rezultate nuk kanë prodhuar një fitues apo humbës të qartë në nivel partie.
“Në përgjithësi, është një shpërndarje shumë e llojllojshme e fituesve – gjë që, logjikisht, nuk lejon të ketë fitues apo humbës absolut. Por, gjithsesi, partitë do ta interpretojnë sipas dëshirave të tyre”, thotë ai.
Në të njëjtën linjë është edhe politologu Dritëro Arifi, i cili thekson se Lëvizja Vetëvendosje ka dëshmuar një përhapje më të gjerë gjeografike sesa në zgjedhjet e mëparshme, megjithëse në nivel asambleje ajo mbetet forca e tretë.
“Është një balancë interesante. Me asamble, LVV-ja është në vendin e tretë, por me komuna (kryetarë) është më mirë se ka qenë para katër ose tetë vjetësh. Unë do të thosha se jemi duke parë një fragmentarizim të pushtetit lokal – me një rënie të lehtë edhe të PDK-së në krye të komunave, por jo në nivel asambleje”, shpjegon Arifi për Radion Evropa e Lirë.
Përqendrimi në qendrat kryesore
Sipas Muhaxhirit, partitë do ta matin suksesin e tyre në bazë të fitores në qendrat kryesore.
“LDK-ja do të mbështetet te fitorja në Prishtinë, por duhet të merret parasysh se ka humbur dy bastione tradicionale: Fushë Kosovën dhe Obiliqin. Në anën tjetër, LVV-ja ka shënuar avancim të rëndësishëm, veçanërisht me fitoren në Mitrovicën e Jugut”, thotë Muhaxhiri.
Ai shton se PDK-ja nuk ka performuar mirë në këto zgjedhje, por ka arritur të ruajë Prizrenin – një nga komunat më të rëndësishme të vendit.
AAK-ja mbajti të gjitha komunat që i qeveriste më parë, gjë që, sipas Muhaxhirit, është një rezultat i qëndrueshëm.
Pasojat në skenën kombëtare
Zgjedhjet lokale u zhvilluan në një kohë të paqartësive politike në nivel qendror, teksa mbetet e hapur çështja nëse Kosova do të ketë një qeveri të re apo do të shkojë në zgjedhje të parakohshme parlamentare.
Kjo do të qartësohet deri më 19 nëntor, kur përfundon afati për mandatarin e LVV-së, Glauk Konjufca, që të formojë dhe paraqesë qeverinë në Kuvend.
Analistët thonë se rezultatet lokale u japin partive një pasqyrë të qartë për përgatitjen e zgjedhjeve eventuale nacionale. Arifi thekson se vetëm dy komuna – Prishtina dhe Mitrovica e Jugut – kanë peshë reale për matjen e forcës partiake.
“Fitorja në Prishtinë i jep një përparësi të lehtë LDK-së, por nuk është fitore absolute, sepse pjesëmarrja ka qenë e ulët dhe shumë votues nuk i përkasin LDK-së. Por, nuk është matës i mirë vetëm kryetari i komunës dhe balotazhi. Shpeshherë kjo di të mashtrojë”, thotë Arifi.
Në të njëjtën frymë, ai shton se në Mitrovicën e Jugut, ku fitoi Faton Peci i LVV-së ndaj Arian Tahirit të PDK-së, asambleja komunale mbetet e fragmentuar – çka reflekton kompleksitetin e votës lokale.
Sipas Muhaxhirit, rezultatet e zgjedhjeve lokale tregojnë se nuk priten ndryshime të mëdha në skenën politike kombëtare, përveç nëse partitë ndryshojnë qasje.
Nëse partitë vazhdojnë me të njëjtin stil, LVV-ja “do të mbetet në populizëm”, ndërsa të tjerat do të vuajnë nga “mungesa e kreativitetit dhe guximit për të ndryshuar”, thotë ai.
“Nëse kjo gjendje ‘fotokopjohet’ në nivel qendror, nuk do të kemi dallime të mëdha nga sot”, shton Muhaxhiri.
Rënia e pjesëmarrjes – sinjal për partitë
Pjesëmarrja në zgjedhje ishte e ulët: rreth 40 për qind në rundin e parë dhe vetëm 32 për qind në balotazh.
Sipas Arifit, kjo tregon se qytetarët janë zhgënjyer nga ofertat politike, të cilat ende fokusohen në çështje bazike, si kanalizimi e ujësjellësi.
“Unë nuk kam parë kandidat, i cili me të vërtetë ka investuar shumë në një vizion apo program që mund të jetë i zbatueshëm në katër vjetët e ardhshëm. Ne ende flasim për kanalizim e ujë – në vitin 2025”, shprehet Arifi.
Muhaxhiri e sheh rënien e daljes në votime si mungesë motivimi dhe sinjal paralajmërues për partitë para zgjedhjeve të mundshme parlamentare.
“Votuesit kanë kritere reale dhe të sakta. Ata nuk panë ofertë të besueshme… Mesazhi është i qartë: nevojitet politikë racionale dhe më pak polarizuese”, përfundon Muhaxhiri. (REL)
Tag: nivel
-
Analiza: Zgjedhje në Kosovë pa fitues absolut, por me mesazhe për partitë
-
Guardiola thotë se Haaland është në të njëjtin nivel me Ronaldon dhe Messin, norvegjezi e kundërshton
4 Nëntor 2025
16:34
Telesport
Erling Haaland nuk pranon të krahasohet mes Leo Messi-n dhe C.Ronaldon, duke kundërshtuar kështu edhe trajnerin e tij.
Pas fitores në fundjavë ndaj Bournemouth, PepGuardiola u shpreh se të luash me një lojtar si Haaland është njësoj si të luash me Lionel Messi-n dhe Cristiano Ronaldon, për shkak të ndikimit të madh të norvegjezit në fushën e lojës.
“Të luash me Haaland është si të luash me Messin ose Cristianon; ndikimi i tij është i madh. Është e qartë se kemi nevojë për lojtarë të tjerë për të shënuar, por ai e çon ekipin në një nivel tjetër”, tha Guardiola.
Në konferencën e sotme për shtyp para përballjes me Borussia Dortmund në Champions League, Erling Haaland dhe nuk është dakord me trajnerin e tij, duke theksuar se Messi dhe Ronaldo janë nivel tjetër.
“Askush nuk mund t’u afrohet atyre dyve. Unë jam thjesht një sulmues dhe nuk mendoj se jam i veçantë vetëm sepse shënoj shumë gola”, tha Haaland. -
“Kemi probleme, por mbetemi në nivel konkurrues”, Conte: Fokusi te ndeshja ndaj Frankurt në Champions
Napoli synon rezultat pozitiv, në ndeshjen ndaj Franfurt në Champions League. Trajneri i ekipit italian, Antonio Conte tha se skuadra, pavarësisht problemeve, mbetet në nivel konkurrues.
Në ligë, dy gola më pak se vitin e kaluar. A prisni më shumë nga sulmuesit?“Para së gjithash, dikush duhet të ketë shënuar, sepse jemi në krye të tabelës. Gjithmonë e shikon gotën gjysmë bosh, po kemi probleme si me integrimin e lojtarëve të rinj ashtu edhe me dëmtimet. Që nga fillimi i vitit, kam dëgjuar kritika të vazhdueshme, pastaj shikoj tabelën dhe jemi në krye të tabelës. Kemi kompensuar shumë mungesa, dhe pastaj shoh Napolin në krye të tabelës. Bëjini vetes këto pyetje? A duhet të fitojmë? Sa gola të tjerë ka shënuar Anguissa? Tre? Jepini ato gola sulmuesve. Le të bëjmë një analizë serioze”.
Napoli-Eintracht si Itali-Gjermani. Serie A mbetet prapa Bundesligës?
“Sinqerisht, nuk mendoj se liga italiane është prapa Bundesligës, niveli është i njëjtë. Mendoj se Premier League është e paarritshme tani, duke pasur parasysh fuqinë e tyre ekonomike dhe rritjen që kanë përjetuar. Mund ta kemi zili Gjermaninë që luan më pak ndeshje, ky është një avantazh. Ata mund të pushojnë për Krishtlindje, dhe ky është një avantazh. Bayerni bën një kampionat më vete, dhe pastaj ka ekipe të forta si Leverkusen, Eintracht, Stuttgart dhe Borussia Dortmund në nivelin tonë”. -
Pse po preken nga kanceri kaq shumë të rinj të brezit të mijëvjeçarit?
Nëse po e lexon këtë, ka shumë gjasa që edhe ti, si unë, t’i përkasësh brezit të mijëvjeçarit. Nëse po, me siguri ke vënë re gjithnjë e më shumë raste miqsh ose të njohurish që vuajnë nga sëmundje që zakonisht lidhen me moshën e thyer, hipertension, diabet tip 2, apo edhe sëmundjen që të gjithë kemi frikë ta përmendim me emër: kancerin.
Brezi i mijëvjeçarit, njerëzit e lindur mes viteve 1981 dhe 1995, janë brezi i parë që ka një rrezik më të madh për të zhvilluar tumore sesa prindërit e tyre. Mes viteve 1990 dhe 2019, rastet e kancerit të hershëm tek personat nën 50 vjeç u rritën me 79% në nivel global, ndërsa vdekshmëria me 28%.
E vërteta është se rreth 80% e kancereve janë “sporadike”, që do të thotë se nuk shkaktohen nga mutacione të trashëguara, por nga faktorë të jashtëm që dëmtojnë ADN-në me kalimin e kohës. Këtu përfshihen ajo që hamë e thithim, si dhe niveli ynë i aktivitetit fizik, pushimi, stresi dhe ekspozimi ndaj substancave të dëmshme.
Me fjalë të tjera, faktorët që bëjnë diferencën më të madhe janë ata të stilit të jetesës që na rrethojnë çdo ditë, jo gjenetika që trashëgojmë. Dhe e dimë se mënyra e jetesës së prindërve dhe gjyshërve tanë ishte shumë ndryshe nga e jona.
Ndikimi i dietës në organizëm
Një nga faktorët kryesorë pas kësaj “epidemie të re” është ushqyerja. Obeziteti në fëmijëri filloi të rritej në mënyrë të frikshme në vitet 1980. Në vitin 2022, më shumë se 390 milionë fëmijë dhe adoleshentë të moshës 5 deri në 19 vjeç ishin mbipeshë, 160 milionë prej tyre ishin obezë, sipas OBSH-së.
Kjo nuk është vetëm çështje pamjeje: obeziteti lidhet me rezistencë ndaj insulinës, inflamacion kronik në nivel të ulët dhe ndryshime hormonale që rrisin rrezikun për zhvillimin e kancerit kolorektal, të gjirit apo të endometrit.
Më e rëndësishmja, efektet e obezitetit në fëmijëri nuk zhduken me kalimin e viteve. Sipas Fondacionit për Kancerin e Zorrës së Trashë, një meta-analizë që përfshinte mbi 4.7 milionë persona tregoi se ata me indeks të lartë të masës trupore (BMI) në fëmijëri kanë një rrezik më të madh për kancer kolorektal në moshë madhore: 39% më të lartë tek burrat dhe 19% më të lartë tek gratë, krahasuar me ata që kishin një BMI të shëndetshëm në fëmijëri.
Ndryshimet në ushqyerje kanë ndikuar gjithashtu në mikrobiotën e zorrëve. Është vërtetuar se dietat e pasura me ushqime ultra të përpunuara ulin diversitetin bakterial dhe rrisin përqindjen e llojeve që prodhojnë substanca pro-inflamatore.
Kjo ndikon në sëmundje gastrointestinale si sindroma e zorrës së irrituar (IBS) apo SIBO, të cilat duken thuajse endemike mes të lindurve brezit të mijëvjeçarit, pyet një grup tridhjetëvjeçarësh se kush prej tyre ka probleme me stomakun, dhe do shohësh pak duar të ulura.
Efektet e padukshme të alkoolit
Fajtori i dytë kryesor është alkooli, pasi shumë takime shoqërore të brezit të mijëvjeçarit zhvillohen përreth një tavoline plot me ushqim dhe pije. Për vite me radhë besohej se një gotë verë mund të ishte “mbrojtëse”, por sot dihet se nuk ekziston asnjë nivel i sigurt i konsumit të alkoolit. Agjencia Ndërkombëtare për Kërkime mbi Kancerin (IARC) e klasifikon atë si kancerogjen të grupit 1, në të njëjtin nivel me duhanin. Arsyeja është se trupi e shndërron etanolin në acetaldehid, një përbërës që dëmton ADN-në.
Për më tepër, modelet e konsumit ndryshojnë mes brezave. Ndërsa baby boomer-at (të lindur mes 1946 dhe 1964) pinin më shpesh çdo ditë, brezi i mijëvjeçarit pi më rrallë, por në sasi shumë më të mëdha gjatë rasteve të caktuara, një model që mbart rreziqe serioze. Këtë e konfirmon edhe anketa EDADES 2024 e Ministrisë së Shëndetësisë së Spanjës, e cila analizon nivelet e rrezikut sipas sjelljeve të ndryshme në breza.
Sikur të mos mjaftonte kjo, një studim i fundit i Environmental Science & Technology gjeti se shumë birra përmbajnë substanca perfluoroalkile (PFAS), të njohura si “kimikatet e përjetshme”, të cilat lidhen me shkallë më të lartë të kancerit të testikujve dhe të veshkave.
Mungesa e gjumit
Ne flemë më pak dhe më keq se brezat e mëparshëm. Sondazhet e fundit tregojnë se brezi i mijëvjeçarit dhe gjenerata Z flenë mesatarisht 30–45 minuta më pak në natë sesa baby boomer-at, kryesisht për shkak të ekspozimit ndaj ekraneve dhe rrjeteve sociale gjatë natës. Kjo dritë artificiale ndërhyn në çlirimin e melatoninës, një hormon antioksidant që rregullon ciklin qelizor.
Mungesa kronike e gjumit jo vetëm që pengon riparimin e ADN-së, por edhe ul efektet mbrojtëse të melatoninës kundër kancerit. Nivelet e ulëta të këtij hormoni janë lidhur me një aftësi më të reduktuar për të parandaluar dëmtimin oksidativ të ADN-së dhe me rritje të përhapjes së qelizave.
Për më tepër, çrregullimi i ritmeve cirkadiane ndikon në shprehjen e gjeneve që janë thelbësore për riparimin e ADN-së. Kjo bën që mutacionet të grumbullohen me kalimin e kohës, duke rritur rrezikun për zhvillimin e tumoreve.
Pesha e stresit
Brezi i mijëvjeçarit është ndoshta brezi me nivelin më të lartë të kortizolit. Kur ky “hormon stresi” mbetet i lartë për periudha të gjata, ai jo vetëm që nxit rezistencë ndaj insulinës dhe hipertension, por edhe dobëson sistemin imunitar.
Kërkimet tregojnë se stresi kronik rrit inflamacionin, pengon trupin të eliminojë qelizat jonormale dhe madje mund të “zgjojë” qelizat kancerogjene që kanë qenë të fjetura. Në fakt, studime në popullatën e gjerë kanë gjetur se njerëzit me nivel më të lartë stresi kanë deri në dyfish më shumë gjasa të vdesin nga kanceri sesa ata që arrijnë ta menaxhojnë më mirë stresin. / The Independent – Syri.net
-
Marotta u ankua për penalltinë, Conte thumbon Interin: Dua t’u kujtoj se unë iu solla titullin pas 10 vitesh…
Ndryshe nga Inter, ku në vend të trajnerit Cristian Chivu, foli presidenti Giuseppe Marotta, tek Napoli, foli trajneri Antonio Conte, pas fitores 3-1 ndaj zikaltërve.
“Unë e jetoj lojën me lojtarët e mi, në të mirë dhe në të keq, dhe luajtëm kundër, sipas mendimit tim, skuadrës më të mirë në Itali. Ata humbën disa pikë gjatë rrugës, por skuadra e tyre është në letër në një nivel krejtësisht të ndryshëm nga të gjithë të tjerët. Ata nuk arritën në finalen e Ligës së Kampionëve dy herë në tre vjet për shkak të një rastësie.
Të fitosh këtë ndeshje, me të gjitha vështirësitë që patëm, duke humbur lojtarë si Lobotka, Rrahmani, Meret dhe Hojlund, pastaj duke humbur De Bruyne, me Lukaku jashtë që nga para-sezoni…
Ndoshta dikush na ka mallkuar, por ne vazhdojmë gjithsesi. Interi erdhi këtu sot duke synuar të na “vr*së” në një nivel sportiv, por ne nuk kishim ndërmend të “vdi*nim”. Mes të gjitha këtyre problemeve, ne bëmë një performancë të shkëlqyer”, tha Conte.
Trajneri i Napoli-t foli dhe për incidentin që pati me Lautaro Martinez gjatë ndeshjes. “Kur luan ndeshje në këtë nivel, këto gjëra mund të ndodhin. Dua vetëm t’i kujtoj Interit se unë e solla Scudetton përsëri në klub pas 10 vitesh, duke përfshirë nëntë tituj radhazi të Juventusit, dhe ju e dini se çfarë do të thotë kjo për mua. Ruaj kujtime shumë të mira të asaj përvoje. Lautaro është një lojtar shumë i mirë, ndoshta nuk arrita ta njihja aq mirë në një nivel personal. I uroj gjithë të mirat, kjo është në rregull”, shtoi Conte.
Gjithashtu, Conte pati edhe një koment për Beppe Marottën, i cili foli pas ndeshjes duke thënë se penalltia ishte ajo që vulosi fatin e takimit.
“Interi dërgon Marottën dhe drejtorët sa herë që kanë mundësi, ndërsa në Napoli unë vij këtu. Një ekip duhet të vlerësojë dhe të kuptojë pse humbi, duke bërë këtë ata thjesht krijojnë alibi për lojtarët dhe trajnerin. Unë nuk do ta kisha lejuar. Tani Marotta është President, por nuk është e drejtë që ai duhet të vijë këtu dhe të bëjë këto deklarata…”, përfundoi Conte. -
‘Transformim me AI në çdo sektorë’/ Rama zbulon vizionin e tij: Do të shkojmë në nivel tjetër në 2030-n
Kryeministri Edi Rama, ishte i pranishëm këtë të hënë në aktivitetin për prezantimin e Identitetit Dixhital, i cili gjatë fjalimit të tij theksoi se Shqipëria tashmë është një vend lider në rajon sa i përket shërbimeve publike dhe inovacionit.
Sipas tij, vendi jonë është përkushtuar inovacionit, duke krijuar një bazë solide për transformimin e çdo sektori, falë inovacionit dhe tanimë edhe falë AI.
“Besojmë se përmes teknologjisë dhe inteligjencës artificiale do të mund të krijojmë kushte dhe premisa tërësisht të reja për shërbimin shëndetësor, për mundësinë e kujtdo për të pasur një vëzhgim dhe trajtim cilësor, pavarësisht gjeografisë ku ndodhet, për sistemin arsimor. Po punojmë për të digjitalizuar sistemin e transporteve dhe me radhë.
Po ecim me hapa të shpejtë lidhur me fillimin e zbatimit të projektit të smart city që do të na ndihmojnë të dixhitalizojmë të gjithë sistemin e monitorimit të trafikut në qytetet tona, do na ndihmojë të kemi pamje shumë më mbështetëse sa i përket mbledhjes së të dhënave në raport me ligjshmërinë, luftën kundër kriminalitetit.
Do të kemi një pamje më mbështetëse përsa i përket të dhënave, për rendin publik, luftën kundër kriminalitetit dhe pamje në kohë reale të ecurisë së jetës së përditshme në shkolla. Do të rritet mundësia e prindërve për të ndjekur ecurinë e sjelljes së fëmijëve në shkollë në momente kritike por dhe në përditshmëri. Programi është më kompleks. Ne do ta çojmë Shqipërinë në 2030-n në një nivel krejt tjetër nga ky i sotmi, do ta fuqizojmë qytetarin që t’ia lehtësojmë jetën e përditshme. T’i bëjmë të mundura, me më pak stres ndërveprimet që përndryshe kanë nevojë për më tepër kohë”, tha Rama. -
Bergomi “bekon” Interin e Chivu, por edhe apelon: Ky nivel duhet mbajtur për 60 ndeshje
20 Tetor 2025
14:00
Alfred Lleshi
Inter fitoi dhe bindi. Suksesi 0-1 ndaj Romës, megjithë disa rreziqe në pjesën e dytë, gjatë presionit maksimal të verdhekuqve, tregoi versionin më të vendosur të zikaltërve, që arritën fitoren e gjashtë radhazi mes kampionatit dhe Champions-it.
Ish-kapiteni Beppe Bergomi, në “Sky Sport”, vlerësoi momentin pozitiv: “Interi është rikthyer të jetë skuadër. Më pëlqeu shumë përqafimi mes Chivu dhe Barella pas ndeshjes. Interi duhej të rikthehej i motivuar pas fundit të dobët të sezonit të kaluar. Kur është mirë fizikisht, Interin e shoh shumë të fortë”.
Megjithatë, Bergomi paralajmëroi për nevojën e vazhdimësisë: “Këtë nivel duhet ta mbash për 60 ndeshje, nëse do të arrish përsëri deri në fund të çdo gare. Nëse do të pësonte golin e barazimit, do të thoshim se bie në fund. Ekipi është i njëjtë, por ndryshimi i vërtetë nga sezoni i kaluar është mbrojtja, që tani luan më lart”. -
Dalic: Luka Modric po shkëlqen te Milani, e ka çuar klubin në një nivel tjetër
Trajneri i Kroacisë, Zlatko Dalic, ka vlerësuar maksimalisht kontributin e Luka Modric në fushën e lojës, duke e cilësuar si një fenomen edhe në moshën 40-vjeçare.
Në një prononcim për mediat, Dalic u ndal tek forma e mesfushorit legjendar kroat, i cili këtë sezon po luan për Milani, duke dhënë një ndikim të madh në skuadër.“Luka Modric na surprizon gjithmonë. Ajo që po bën në Milano e ka çuar klubin në një nivel tjetër. Ai luan gjithmonë 90 minuta, gjë që tejkalon të gjitha pritjet dhe vazhdon të demonstrojë forcën e tij”, – tha Dalic.
Përzgjedhësi i Kroacisë shtoi se përkushtimi dhe profesionalizmi i Modric është shembull për çdo lojtar të ri, dhe një ndër arsyet pse kombëtarja kroate vazhdon të mbetet konkurruese në nivelin më të lartë të futbollit europian.
Luka Modric, pas një dekade të artë me Real Madridin, iu bashkua Milanit këtë sezon dhe ka qenë një nga pikat më të forta të skuadrës në Serie A dhe në arenën europiane. -
“Modriç na impresionon, e ka dërguar Milanin në nivel tjetër”
Trajneri i Kroacisë, Zlatko Dalic ka vlerësuar në maksimum mesfushorin e kësaj përfaqësuese-je, Luka Modric. Sipas tij, Modric, edhe pse në moshën 40-vjeçare, po tregon cilësi të jashtëzakonshme te Milani.
“Luka Modric na surprizon gjithmonë. Ajo që po bën në Milano e ka çuar klubin në një nivel tjetër. Ai luan gjithmonë 90 minuta, gjë që tejkalon të gjitha pritjet, dhe vazhdon të demonstrojë forcën e tij”,- tha trajneri i kroatëve, Dalic.© BalkanWeb