Ministria e Tregtisë e Kinës tha të mërkurën se vendi mirëpret veprimin e qeverisë holandeze, për të pezulluar urdhrin e saj administrativ, në lidhje me prodhuesin e gjysmëpërçuesve Nexperia, një degë jashtë shtetit e kompanisë kineze Wingtech.
Ky është “një hap i parë në drejtimin e duhur drejt një zgjidhjeje të duhur të çështjes”, tha një zëdhënës i ministrisë.
Zyrtarët qeveritarë të të dy vendeve zhvilluan dy raunde konsultimesh në Pekin në lidhje me çështjen Nexperia, të martën dhe të mërkurën, gjatë të cilave pala holandeze ofroi të pezullonte urdhrin administrativ, të lëshuar sipas “Aktit të Disponueshmërisë së Mallrave”, sipas ministrisë.
Megjithatë, pezullimi nuk arrin të revokojë urdhrin administrativ, një veprim që do të adresonte shkakun rrënjësor të turbulencës dhe kaosit në zinxhirët industrialë dhe të furnizimit global të gjysmëpërçuesve, vuri në dukje zëdhënësi .
Të dyja palët kanë rënë dakord të eliminojnë ndërhyrjen administrative dhe të mbështesin ndërmarrjet në zgjidhjen e mosmarrëveshjeve të brendshme, përmes konsultimeve në përputhje me ligjin, gjë që jo vetëm do të mbrojë të drejtat legjitime të investitorëve, por edhe do të krijojë kushte më të mira për rivendosjen e sigurisë dhe stabilitetit të industrisë globale të gjysmëpërçuesve, sipas zëdhënësit.
Tag: nexperia
-
Kina mirëpret pezullimin e urdhrit administrativ nga Holanda në lidhje me Nexperia
-
Europa mes SHBA dhe Kinës, rasti që nxjerr në pah rrezikun nga të dyja
Rasti i kompanisë holandeze të mikroçipave Nexperia po tregon se si Europa po gjendet gjithnjë e më shumë e shtypur mes rivalitetit teknologjik të SHBA-ve dhe Kinës. E themeluar në Nijmegen, kompania prodhon mikroçipa që përdoren gjerësisht në sistemet elektronike të makinave si ato të Volkswagen, Stellantis apo Honda-s. Edhe pse çipat e saj nuk janë ndër më të avancuarit në botë, ato janë të pazëvendësueshëm për industrinë automobilistike, pasi gjenden në qindra komponentë të çdo modeli modern.
Sipas agjencisë Reuters, kompania mëmë e Nexperia-s njoftoi dje se do të ndërpresë furnizimin me wafer, shtresa të holla silikoni, për fabrikën e saj në Kinë, duke ndezur edhe më tej tensionet tregtare. Konflikti nisi pas vendimit të Shtëpisë së Bardhë, e cila në fund të shtatorit shpalli të ashtuquajturën “rregullin e 50%-shit”, që ndalon shitjen e teknologjive të avancuara për çdo kompani që kontrollohet të paktën në gjysmën e kapitalit nga entitete kineze. Si pasojë, Nexperia, që prej vitit 2019 është në pronësi të grupit shtetëror kinez Wingtech Technology, u prek drejtpërdrejt nga sanksionet amerikane.
Në vijim, qeveria holandeze ndërhyri duke shkarkuar drejtorin e saj kinez Zhang Xuezheng dhe vendosi drejtues të emëruar publikisht, duke u justifikuar me “menaxhim të dobët”. Por në fakt, vendimi shihet si pasojë e presionit amerikan. Reagimi i Kinës nuk vonoi. Fabrika e Nexperia-s në Dongguan ndaloi furnizimet për klientët perëndimorë, duke shkaktuar vonesa serioze në zinxhirët e prodhimit të automjeteve. Honda, Volkswagen dhe Stellantis raportuan probleme në prodhim për shkak të mungesës së çipave.
Europa ndodhet tashmë në një bllokim të vërtetë. Qeveria holandeze është mes dy zjarresh. Nga njëra anë presioni i SHBA-ve për të kufizuar ndikimin kinez dhe nga ana tjetër varësia e industrisë evropiane nga furnizimet e Nexperia-s. Edhe pse presidenti Trump ka sinjalizuar një zbutje të përkohshme të kufizimeve, vendet evropiane rrezikojnë që mungesa e çipave të paralizojë prodhimin e miliona automjeteve, duke vënë në pikëpyetje sovranitetin teknologjik të kontinentit. -
Kriza e gjysmëpërçuesve në Evropë
Industria evropiane e makinave ndodhet në ankth, pasi prodhuesit paralajmërojnë se linjat e montimit mund të mbyllen në ditët në vijim për shkak të një mungese akute të gjysmëpërçuesve nga Kina.
Sipas Guardian, Shoqata Evropiane e Prodhuesve të Automobilave (ACEA), anëtarët e së cilës përfshijnë BMW, Fiat, Peugeot dhe Volkswagen, ka lëshuar një paralajmërim urgjent, me drejtoreshën e përgjithshme Sigrid de Vries që thekson se kompanitë tani po operojnë me stoqe “rezervë” që po mbarojnë me shpejtësi: “Ndërprerjet e prodhimit mund të jenë çështje ditësh. Ne u bëjmë thirrje të gjitha palëve të gjejnë menjëherë një zgjidhje diplomatike.”
Mercedes, sipas CEO-s Ola Källenius, po kërkon burime alternative furnizimi në të gjithë botën. Në Japoni, drejtori kryesor i performancës së Nissan, Guillaume Cartier, tha se furnizimet me çipa “do të zgjasin vetëm” deri në javën e parë të nëntorit.
Kriza u intensifikua pasi Ministria e Tregtisë e Kinës vendosi të bllokojë eksportet e produkteve Nexperia nga fabrikat në Kinë, në përgjigje të marrjes në kontroll të kompanisë nga qeveria holandeze dhe pezullimit të drejtorit ekzekutiv kinez pas shqetësimeve të SHBA-së për çështjet e sigurisë. Edhe pse shumica e gjysmëpërçuesve të Nexperia prodhohen në Evropë, rreth 70% paketohen në Kinë para shpërndarjes, duke i përkeqësuar problemet.
Prodhuesit evropianë thonë se ndërsa furnizuesit alternativë janë të disponueshëm, ndërtimi i kapaciteteve shtesë kërkon muaj – kohë që industria nuk e ka. Goditja vjen përveç kufizimeve të rivendosura të Pekinit mbi eksportet e metaleve të rralla, të cilat janë kritike për shumë sisteme në automjetet moderne.
Wingtech, kompania mëmë e Nexperia-s, akuzoi qeverinë holandeze për “veprime të pamatura” që po prishin zinxhirin global të furnizimit. Burimet evropiane thonë se ka vend për kompromis, por ACEA paralajmëron se “koha po mbaron” dhe se efektet më të këqija të mungesës mund të ndihen së shpejti. /tesheshi.com/ -
Qeveria e Holandës merr kontrollin mbi prodhuesin kinez të çipave ‘Nexperia’, tensionet me Pekinin rriten
Qeveria e Holandës ka marr në kontroll prodhuesit e çipave të kompjuterave kinez “Nexperia”.
Ky veprim nga pala holandeze, ka nxitur tensione me Pekinin, ndërsa një luftë globale po zhvillohet mbi pronat teknologjikë.
Më tej, qeveria ka thënë ditën e djeshme se e ka bërë këtë ndërhyrje, si rrjedhojë e ligjit të Holandës. Gjë që parashikon, që kompania të ketë të drejtë të ndërhyjë në vendimet menaxheriale të kompanisë mëmë, “Nexperia”.
Me këtë ligj, aksionet e Wingtech në Shanghai kanë pësuar një rënie prej 10
%.Si përfundim, qeveria holandeze nuk do të marrë pjesë në pronësinë e Nexperia-s, por do të ketë te drejtën për të përmbysur vendime që I konsideron të dëmshme.
Ndërkaq, prodhimi i kompanisë do të vijojë si normalisht.