Lajmidites.com

Tag: nevojë

  • Rama në Kuçovë: Shqipëria ka nevojë të anëtarësohet në BE! “Shtëpi të pasurish”që funksionon si një familje

    Rama në Kuçovë: Shqipëria ka nevojë të anëtarësohet në BE! “Shtëpi të pasurish”që funksionon si një familje

    Kryetari i Partisë Socialiste, Edi Rama pasditen e sotme ka zhvilluar një takim elektoral në qytetin e Kuçovës. Kreu i qeverisë siguroi banorët se do të vijojnë të mbështesin bashkinë e Kuçovës me gjithçka që do të munden dhe do të vijojnë të mbështesin qarkun e Beratit, i cili ka hyrë në një dinamikë të re.
    Rama: Kuçova e ka mbështetur pa rezervë PS dhe më vjen mirë që nuk e kemi marrë mbështetjen tuaj si diçka që e kemi në xhep. Kemi bërë jo aq sa do të donim, por aq sa kemi mundur, në mënyrë që ky komunitet i mrekullueshëm ta ndiejë ndryshimin që ka ndodhur në gjithë Shqipërinë.
    Gjithashtu renditi arsyet se pse është shumë e rëndësishme që Shqipëria të integrohet në BE.

    Rama: Si gjithë Shqipëria, edhe ky qark, ka nevojë për diçka më të madhe, përmbushja e një misioni historik për Shqipërinë, anëtarësimi në BE. Në rrugëtimin e këtyre tre mandateve ne kemi pasur mbështetje nga BE. Ka qenë një mbështetje që ka ardhur në rritje. Ne kemi marrë nga BE diçka më shumë se 1 mld euro nga të cilat 90% janë kredi të buta, por janë borxhe. Ndërkohë që me anëtarësimin në BE, Shqipëria do të marrë 1 mld euro çdo vit. Nuk do të jenë 90% kredi, por do të jenë 90% kontribut i asaj shtëpie të përbashkët për Shqipërinë. Në bujqësi kemi ecur më shumë se asnjëherë tjetër në këto vite. Kemi marrë shumë më pak se 200 mln euro mbështetje, por ka qenë një shumë e konsiderueshme. Me anëtarësim në BE bujqësia do të marrë 300 mln euro në vit. E gjitha mbështetje e drejtpërdrejtë dhe jo kredi.
    Rama tha se këto dy të dhëna mjaftojnë për të kuptuar se me hyrjen në atë shtëpi, Shqipëria bëhet me një buxhet ekstra, përveç atij që krijohet nga të ardhurat si rezultat i rritjes ekonomike të vendit.
    Rama: Ajo është një shtëpi të pasurish. Ka dy kategori; kontribuesit dhe përfituesit, siç do të jetë Shqipëria. Ajo shtëpi funksionon si një familje. Ata që kanë nevojë të forcohen, familja kontribuon në mënyrë të drejtpërdrejtë.
    Kreu i qeverisë theksoi se BE nuk e ka hapur derën përgjithmonë dhe prandaj është e rëndësishme zgjedhja që do të bëhet më 11 maj./vizionplus.tv

  • “Nuk besonim se mund të dulonim për titullin, falë Conte po ia dalim mbanë por duhet kujdes”

    “Nuk besonim se mund të dulonim për titullin, falë Conte po ia dalim mbanë por duhet kujdes”

    1 Maj 2025

    10:23

    Telesport

    “Ne besojmë te tituli dhe do të bëjmë gjithçka për të arritur qëllimin“. Janë këto fjalë e Giovanni Di Lorenzo, kapiteni i Napolit, i cili shpreson të ngrejë për të dytën herë në karrierë titullin kampion me skuadrën napoletane.
    “Nuk e mendonim se do të arrinim këtu. E dimë që do të jetë e vështirë, por është në duart tona dhe do të përpiqemi të japim gjithçka në këto katër ndeshje për të parë se ku do të arrijmë. Duhet të bëjmë një hap të fundit dhe jemi gati të luftojmë deri në fund“, tha Di Lorenzo.
    Shumë do të varet nga puna e trajnerit Antonio Conte. “Kam një marrëdhënie me të bazuar në sinqeritet, – vazhdoi Di Lorenzo. – Isha në Evropian, lexova për emrin e trajnerit dhe menjëherë mendova se ai ishte trajneri dhe personi i duhur për ne. Pas 10 muajsh mund ta konfirmoj”.
    “Që nga telefonatat e para, ai menjëherë më përcolli besim dhe respekt dhe më tha se kishte nevojë që unë të filloja përsëri për ta rikthyer Napolin në garë. Edhe unë kisha nevojë për të, skuadra kishte nevojë për të. Trajneri na ka çuar në një nivel të rëndësishëm në një kohë të shkurtër“, shtoi Di Lorenzo.

  • “Ne kemi projeksione, jo përralla”, Rama: Kandidati më i ri dhe i vjetër jam unë

    “Ne kemi projeksione, jo përralla”, Rama: Kandidati më i ri dhe i vjetër jam unë

    Teksa po fliste për projeksionet financiare të Shqipërisë 2030, kryeministri Edi Rama ironizoi duke thënë se PS nuk ka një program si të “bufit apo Latifit”, duke ironizuar kryetarin e PD, Sali Berisha dhe Chris LaCivita.
    “Këto që flasim ne për Shqipërinë 2030, nuk janë si programi i bufit dhe Latifit. Këto janë projeksione t ëmbështetyra në analizat e ekspertëve të ministrisë së Financave dhe ndërkombëtare. Prej kohësh prej ne me mua punon kryekëshilltari ekonomik i kancelares gjermane. Për të përmendur dy nga të tjerë që ne i konsultojmë herë pas here. Këto janë projeksione financiare dhe jo përralla me mbret, as përralla me buf dhe latif.”, u shpreh Rama. 
    Në përgjigje të një komentuesi që shkruante se nuk duhen votuar partitë e vjetra, por populli ka nevojë për një kandidat të ri, Rama tha se kandidati më i ri dhe më i vjetër në kuptimin e energjisë dhe eksperiencës është vetë ai. Nuk la pa ironizuar edhe partitë e reja.
    “Kandidati më i ri dhe më i vjetër këtu jam unë. Në kuptimin e energjisë dhe eksperiencës. Partia më e re dhe më e vjetër është PS dhe në listat tona, në çdo qark, gjen më të rinjtë dhe ata më me eksperiencë. Kjo teoria duhet një kandidat i ri, pa parti pas dhe pa struktura apo ekspertizë dhe vetëm bla bla bla, imitacione të një partie që ishte ndjesë pastë e treta e vërteta dhe që u bë barra dhe halli i madh i politikës shqiptare nuk ka nevojë Shqipëria. Nuk ka nevojë Shqipëria për këto të tretat dhe të vërtetat që janë vetëm shëmbëlltyra që kërkojnë të hyjnë në valle dhe më pas bëhen grabitqare.”, tha Rama. 

  • Shtimi i aksidenteve/ Eksperti: Kodi Rrugor ka nevojë për rishikim

    Shtimi i aksidenteve/ Eksperti: Kodi Rrugor ka nevojë për rishikim

    Eksperti rrugor Gëzim Hoxha thotë se Kodi Rrugor ka nevojë për rishikim përballë situatës me aksidentet rrugore.
    Nga studio e “MCN Informacion” ai deklaroi se kamerat inteligjente kanë filluar të montohen në Shqipëri, por se realisht nuk dimë të ecim me makinë.
    “Të dy palët ecim të vijat dhe shpesh makinat i përplasim te vijat ndarëse.
    Makinat përplasen te vijat ndarëse, duhet bërë ndryshim në ligj, për të ndëshkuar dhe pasur gjoba specifike”, tha ai.

  • PL: Në 11 maj votoni për Shqipërinë Madhështore dhe për dinjitetin e qytetarëve

    PL: Në 11 maj votoni për Shqipërinë Madhështore dhe për dinjitetin e qytetarëve

    Zëvendës Sekretarja e Përgjithshme e Partisë së Lirisë, Brunilda Haxhiu, ka prezantuar planin konkret të Aleancës për Shqipërinë Madhështore për 100 ditët e para të qeverisjes, duke u fokusuar te përmirësimi i menjëhershëm i kushteve të jetesës për qytetarët në nevojë.

    Në një deklaratë për media, Haxhiu theksoi se “Paketa e Dhembshurisë” synon të japë zgjidhje të menjëhershme për varfërinë ekstreme dhe të rikthejë dinjitetin e munguar për mijëra familje shqiptare.

    Deklarata e Zv. Sekretares së Përgjithshme të Partisë së Lirisë, Brunilda Haxhiu

    Të nderuar qytetarë!

    Aleanca për Shqipërinë Madhështore brenda 100 ditëve të para do të ndërhyjë në përmirësimin direkt të cilësisë së jetës së shqiptarëve. Paketa e dhembshurisë është zgjidhja e menjëhershme e varfërisë ekstreme në të cilën ndodhen familjet në nevojë. Aleanca jonë do të qeverisë me dhembshuri për popullin e vet, duke përkrahur atë shtresë të shoqërisë që është më në nevojë.

    Ne  e dimë mirë që familja shqiptare sot është në kushtet e mbijetesës. Plotësimi i kushteve më bazike të jetës është kthyer në një sfidë të madhe sepse në Shqipëri janë rrogat dhe pensionet më të ulëta, por çmimet e larta si në vendet më të zhvilluara të Europës. Shqiptarët paguajnë përherë e më shumë para në sektorin e arsimit jopublik dhe spitalet private sepse ka rënë cilësia e shërbimeve në institucionet shtetërore dhe është rritur vështirësia për t’i aksesuar ato.

    Aleanca Për Shqiperinë Madhështore brenda 100 ditëve të saj të para do të kthejë dinjitetin në jetën e të gjithë shqiptarëve, edhe të atyre që janë në nevojë.

    Me anë të Paketës së Dhembshurisë asnjë ndihmë ekonomike për njerëzit në nevojë, për gratë, studentet, pensionistët etj, nuk do të jetë nën 200 euro që është minimumi jetik. Pensionet që u jepen sot të moshuarve janë tallëse dhe nuk dalin as për të blerë ilaçet. Gjyshërit, prindërit tanë nuk e mbyllin dot muajin me pensionet që marrin, por presin ndihmën nga familjarët e tyre. Do të vendosim listën e rimbursimit 100% të barnave, identike  me vendet europiane. PD-ASHM do të rrisë pensionet  me 20%. 

    Paga minimale do të jetë 500 euro dhe paga mesatare 1200 euro. Shqiptarët do t’i afrohen pagës europiane, në mënyrë që Europën ta ndërtojnë në atdheun e tyre.

    Karta e konsumatorit do t’u kthejë shqiptarëve deri në 450 euro në vit si kthim TVSH-je. Me anë të kësaj karte, çdo pensionist, çdo qytetar në minimumin jetik, do të marrë ushqimet dhe gjërat bazë, 20% më lirë se qytetarët e tjerë.

    Shqiptarët e paguajnë energjinë më shtrenjtë se kudo në Rajon, ndërkohë që është prodhuese dhe eksportuese e energjisë. Çmimi i energjisë do të jetë 7 lekë kë/h. Çmimi i naftës do të ulet me 35%. Nafta nuk do të shitet më shumë se çmimi i saj në Maqedoni apo në Kosovë.

    Vëmendje e veçantë do t’u kushtohet personave me aftësi të kufizuar. Ata do të mbështeten me pagesa dinjitoze, me shërbime të specializuara dhe me pagesa të kujdestarëve të tyre dhe njohjen e vjetërsisë në punë të kujdestarëve.

    Në 11 Maj votoni programin që nxjerr Shqipërinë nga varfëria dhe nxit zhvillimin ekonomik për ta bërë  Shqipërinë vërtet Madhështore.

    Në 11 Maj votoni NR.1!

  • Çfarë mund të mësojnë drejtuesit nga Papa Françesku

    Çfarë mund të mësojnë drejtuesit nga Papa Françesku

    Papa Francesku udhëhoqi organizatën më të madhe në botë me përulësi dhe gatishmëri, duke u angazhuar me grupime të shumta dhe duke dëgjuar pikëpamje të ndryshme.

    Papa Françesku u nda nga jeta mëngjesin e 21 prilit në Romë, duke shënuar fundin e një papati që ndikoi shumë më tepër sesa vetëm Kishën Katolike. Në 12 vitet e tij si papë, ai udhëhoqi me një stil, që ofron mësime të qëndrueshme lidershipi për këdo që është në një pozicion autoriteti, veçanërisht në biznes.

    Pavarësisht besimit fetar, ka shumë gjëra që mund të mësoni rreth udhëheqjes së tij të Kishës Katolike dhe t’i zbatoni në jetë dhe biznes.

    Udhëheqje nga ‘mesi’, jo nga lart

    Skip Prichard, president dhe drejtor ekzekutiv në OCLC, ndau një histori të Papa Françeskut:

    “Kur Françesku u zgjodh si Papë, iu kërkua të ngjitej në një piedestal për të përshëndetur mijëra njerëz, që ishin mbledhur në Sheshin e Shën Pjetrit. Ai refuzoi, duke thënë: “Më pëlqen këtu poshtë.” Ai refuzoi ta vendoste veten mbi këdo. Dhe kjo ndodhi brenda pak minutash nga zgjedhja e tij. Ai gjithashtu u kërkoi njerëzve të mbledhur të luteshin për të – një sjellje gjithashtu e pashembullt – në thelb duke thënë se ai “do të kishte nevojë për të gjithë ndihmën që mund të merrte”.

    Papa e dinte atë, që të gjithë udhëheqësit e biznesit duhet ta dinë – ata kanë nevojë për njerëzit. Qoftë për punonjësit apo klientët, nëse shkëputeni, do të humbni shpejt kontaktin me njerëzit që doni të udhëhiqni.

    Dëgjoni zëra të ndryshëm

    Papa Françesku vetë ishte një zgjedhje e pazakontë në papat. Ai ishte papa i parë jezuit dhe i pari nga kontinenti amerikan si dhe i pari nga Amerika Latine. Papa i fundit jo-europian ishte Papa Gregori i Sirisë në shekullin e tetë.

    Ardhja nga jashtë mund të ketë ndikuar në dëshirën e tij për të dëgjuar të tjerët. Valeria Bellagamba, dekane e asociuar për operacionet akademike dhe globale për Georgetown McDonough, tha për Papa Françeskun: “Ai ka marrë një qëndrim unik në refuzimin e normave dhe u drejtohet të gjithëve, jo vetëm katolikëve.”

    Dëgjoni ata përreth jush – edhe nëse mund të mos jeni dakord me ta. Ndërsa Papa Françesku e qortoi publikisht administratën Trump, ai u takua gjithashtu me Zëvendëspresidentin JD Vance dje. Nëse izoloheni nga ata që nuk janë dakord, nuk do të keni mundësinë të mësoni.

    Vendosni kufij kur është e nevojshme

    Ndërsa Papa Françesku ishte shumë më “liberal” se paraardhësi i tij, ai nuk kishte frikë të vinte kufij kur ishte e nevojshme.

    Në një intervistë të vitit 2018 me Reuters, ai u pajtua se gratë kanë nevojë për një rol më të spikatur në kishën katolike.

    Mund të pajtoheni ose të mos pajtoheni me Papën, por kjo është e parëndësishme. Ai dëgjoi zërat e jashtëm, por qëndroi i vendosur në atë që mendonte se ishte më e mira. Ndonjëherë, si udhëheqës, duhet të bësh zgjedhje të vështira. Dëgjo, vlerëso dhe merr vendimin tënd, edhe nëse të tjerët nuk janë dakord.

    Mendoni në afatgjatë

    Papa Françesku ishte 76 vjeç kur u bë papë. Ai mund të ishte përqendruar në gjërat afatshkurtra për të cilat dinte se do të ishte këtu. Por ai gjithashtu mori në konsideratë çështje afatgjata, të tilla si mjedisi, duke shkruar Laudato Si’, një enciklikë papnore që pyet: “Çfarë lloj bote duam t’u lëmë atyre që vijnë pas nesh, fëmijëve që tani po rriten?”

    Bizneset, që përqendrohen në rezultatet e tremujorit të ardhshëm dhe nuk planifikojnë për një periudhë afatgjatë, shpesh përfundojnë duke u shkatërruar kur ndodh e papritura.

    Pranoni hapur gabimet

    Kisha Katolike mund të besojë në Pagabueshmërinë Papnore, por sigurisht që nuk beson se njerëzit në kishë janë pa gabime. Në tetor 2024, Papa Françesku mbajti një shërbesë lutjeje duke kërkuar “falje për dështimet e Kishës Katolike, duke përfshirë mënyrën se si ishin trajtuar nga kleri gratë dhe të mbijetuarit e abuzimit seksual”.

    Nëse bëni një gabim – nëse organizata juaj bën një gabim – pranojeni atë. Kërkoni falje. Mos u përpiqni ta fshihni. Kjo i përkeqëson gjërat.

    Papa Françesku do të na mungojë si udhëheqës i pashoq, dhe zbatimi i mësimeve nga shembujt e tij mund t’ju bëjë një drejtues më të mirë. /Monitor

  • Kontrata 6 mln dollarëshe e Berishës/ Shabani: Shifra sa rrogat e 12 mijë demokratëve! Qori: ‘Makiazhi’ me paratë e vjedhura

    Kontrata 6 mln dollarëshe e Berishës/ Shabani: Shifra sa rrogat e 12 mijë demokratëve! Qori: ‘Makiazhi’ me paratë e vjedhura

    “Rrogën mesatare të 12 mijë demokratëve e marrin dhe e fusin në thes për një lobim që zoti e di për çfarë“, – thotë drejtuesi i Nismës “Thurja”, Endri Shabani teksa ilustron me një kavanoz me oriz.
    “Nëse ti ke para sa për 120 mijë ndihma ekonomike ose 12 mijë rroga mesatare për tja dhënë një lobisti ti nuk je më në opozitë, ti je në pushtet dhe je i korruptuar”, – thotë më tej Shabani.
    Nga ana tjetër Arlind Qori, kreu i Lëvizja Bashkë shton se ky është një rast skandaloz dhe shtron pyetjen ‘se ku i gjejnë paratë?’
    “Paratë sigurisht i gjejnë te burime të paligjshme te oligarkia ekonomike, te krimi i organizuar, te njerëz që investojnë sot  për të marrë përfitime nesër.”
    Kontrata e Berishës në SHBA, veç përpjekjes për të hequr njollën e tij si i padëshirueshëm nga Departamenti i Shtetit, për Shabanin e Qorin, është shenjë se ai ka humbur besimin e votuesve brenda vendit.
    “Nevojë për legjitimitet të jashtëm. Tregon që kanë humbur besimin e qytetarëve këtu. Ata që e kanë vjedhur dhe poshtëruar shqipërinë për 34 vjet, kanë nevojë për makiazh, kanë nevojë për lobim,  kane nevojë që një pjese të parave të vjedhura ta përdorin për retushim të imazhit”, – thotë Qori.
    Ata thonë se është domosdoshmëri që ligjet e vendit të ashpërsohen për të parandaluar financimin me para të dyshimta të partive politike.
    “Ne kemi propozuar një projekt ligj që financimi të bëhej vetëm nga buxheti i shtetit”, -shprehet Shabani.
    “Kuadri i sotëm ligjor ka shumë vrima  dhe të gjitha këto gjëra ndodhin jo vetëm se shkelin ligjin, por edhe se ka mangësi ligjore. Duhet një kuadër i ri shumë i rreptë”, -shprehet Qori.
    Ndërkohë, nga partitë e tjera opozitare, rivale në këto zgjedhje, ende nuk ka një reagim.

  • Milani fitoi 2-0, trajneri i Venecias reagon ashpër kundër arbitrave: Nuk donte të shkonte në VAR, ky Milan nuk ka nevojë për ndihmë 

    Milani fitoi 2-0, trajneri i Venecias reagon ashpër kundër arbitrave: Nuk donte të shkonte në VAR, ky Milan nuk ka nevojë për ndihmë 

    Milani arriti që të fitojë në shifrat 0-2 ndaj Venecias në transfertë. Falë golave të Pulisic dhe Gimenez, kuqezinjtë u kthyen për të marrë tre pikët edhe në kampionat, për t’u afruar sadopak me vendet e Europës. 
    Megjithatë trajneri i Venecias, Di Franceso, ka qenë shumë i pakënaqur me sjelljen e arbitrit karshi ekipit të tij. “Në mesfushë, faulli për golin e dytë u bë ndaj Theos, i cili gjithmonë tenton të bjerë lehtësisht në fushë. Kontakti me krahun e Yeboah duhet të të bëjë të kthehesh në VAR. Nuk më pëlqeu arbitri sot dhe nuk kam folur kurrë për të. Ne po luajmë për diçka aq të rëndësishme, sa nuk ka respekt fare për ne. 
    Pavloviç nuk është i interesuar për topin. Unë mërzitem, vlerësimet duhet të jenë të njëjta për të gjithë, dhe në këtë ndeshje unë zemërohem sepse një ekip më i fortë nuk kishte nevojë për këto ndihma të vogla, Milani nuk ka nevojë për ndihmën e arbitrave”, tha Di Francesco. /Elio Hajdari-Sport Ekspres/ 
     

  • Tabaku: Biznesi nuk ka nevojë për premtimet bosh të Ramës, por për një shtet që punon për të

    Tabaku: Biznesi nuk ka nevojë për premtimet bosh të Ramës, por për një shtet që punon për të

    Kandidatja për deputete në listën e hapur të Partisë Demokratike në Tiranë, Jorida Tabaku, ka ndarë një mesazh të qartë në rrjetet sociale, duke theksuar se Shqipëria ka nevojë për një model të ri ekonomik që i jep frymë biznesit dhe familjeve shqiptare.
    “Biznesi nuk ka nevojë për premtime bosh. Ka nevojë për siguri, për rritje, për një shtet që punon për të, jo kundër tij!”, u shpreh Tabaku, duke theksuar rëndësinë e një ekonomie të ndërtuar mbi baza të qëndrueshme dhe të ndershme.
    Ajo rikujtoi se Taksa e Sheshtë dhe një Kod Fiskal i qartë dhe i drejtë janë rruga për një ekonomi të fortë dhe për një familje shqiptare më të sigurt financiarisht. Në kundërshtim me modelin aktual ekonomik, që sipas saj ka favorizuar një pakicë të vogël për 12 vite me radhë, Tabaku tha se Partia Demokratike po lufton për një ekonomi ku çdo shqiptar të ketë mundësi të barabarta.
    “Më 11 maj është dita e ndryshimit! Voto Partinë Demokratike! Voto Jorida Tabaku!”, përfundoi ajo mesazhin e saj.

  • Zgjedhjet parlamentare/ Kojku: Arsimi është themeli i zhvillimit, Dibra ka nevojë për investim në dije dhe teknologji

    Zgjedhjet parlamentare/ Kojku: Arsimi është themeli i zhvillimit, Dibra ka nevojë për investim në dije dhe teknologji

    Kandidati për deputet i Koalicionit Euroatlantik në Dibër, Albert Kojku, ka vendosur arsimin në qendër të platformës së tij elektorale, duke theksuar se zhvillimi i qëndrueshëm nuk mund të ndodhë pa investime serioze në edukim dhe teknologji.
    Në një mesazh drejtuar qytetarëve të Dibrës, Kojku, i cili vjen me një përvojë të gjatë në fushën e arsimit dhe teknologjisë së informacionit, shprehet se Dibra ka nevojë urgjente për reforma në shkolla dhe për krijimin e mundësive të reja për të rinjtë.
    “Arsimi nuk është vetëm një pjesë e shoqërisë, është themeli i së ardhmes sonë,” – thekson Kojku, duke theksuar disa prioritete konkrete si:  Pajisjen e shkollave me mjete bashkëkohore; Rindërtimin e arsimit profesional sipas kërkesave të tregut të punës; Krijimin e qendrave teknologjike dhe inovative; Rikthimin e dinjitetit të mësuesve dhe mbështetjen për ta.
    Ai nënvizon se ëndrra e çdo të riu duhet të realizohet në Dibër dhe jo jashtë saj, ndërsa bën thirrje për një bashkëpunim të ngushtë mes arsimit, bujqësisë, turizmit dhe tregut të punës.
    “Është koha të investojmë në dije,” – përfundon Kojku, duke ftuar qytetarët, veçanërisht të rinjtë dhe prindërit, që më 11 maj të votojnë për numrin 4 në fletën e votimit.
    Postimi i plotë:
    DIBRA KA NEVOJË PËR ARSIM TË FORTË.
    PA DIJE S’KA ZHVILLIM!
    Arsimi nuk është vetëm një pjesë e shoqërisë, është themeli i së ardhmes sonë.Unë jam formuar dhe kam shërbyer në arsim për dekada – si mësues, përgjegjës i sektorit të teknologjisë së informacionit dhe komunikimit, pedagog universitar dhe sot si kandidat për doktoraturë në sigurinë kibernetike.Kjo përvojë më ka bindur se nuk mund të ketë zhvillim pa arsim cilësor dhe teknologji moderne.
    Dibra ka nevojë për:  Shkolla të pajisura me mjete bashkëkohore. Rindërtimin e arsimit profesional në funksion të tregut të punës. Krijimin e qendrave teknologjike dhe inovative për të rinjtë. Rikthimin e dinjitetit të mësuesit dhe përkrahje për ta.
    Dua që asnjë i ri të mos ndihet i detyruar të largohet nga Dibra për të ndjekur ëndrrat e tij.Arsimi duhet të jetë motori që ndez ekonominë, duke lidhur shkollat me bujqësinë, turizmin dhe tregun e punës.Është koha të investojmë në dije.
    Të ndërtojmë një Dibër të dijes dhe të inovacionit.Unë e marr këtë si mision personal: për fëmijët tuaj, për të ardhmen tonë të përbashkët.
    Ftoj të gjithë të rinjtë dhe të rejat që votojnë për herë të parë, studentët dhe prindërit, që më datë 11 maj të votojnë për numrin 4 – Albert Kojku.Së bashku për një Dibër të dijes, zhvillimit dhe shpresës!
    #Voto4#AlbertKojku#KoalicioniEuroatlantik#DibraMeritonMëShumë#ArsimiËshtëEArdhmja