Lajmidites.com

Tag: negociatave

  • Zbardhen prapaskenat e takimit 90 minutësh të tensionuar Meloni- Zelensky, kryeministrja: Duhet të japësh disa koncesione të dhimbshme

    Zbardhen prapaskenat e takimit 90 minutësh të tensionuar Meloni- Zelensky, kryeministrja: Duhet të japësh disa koncesione të dhimbshme

    Pas fasadës së një takimi konstruktiv dhe me besim të ndërsjellë, përtej komunikatave zyrtare, nga 90 minutat e ballafaqimit mes Melonit dhe Zelenskyt del edhe një histori tjetër.

    Një histori në të cilën presionet ndaj stafit ukrainas në Romë janë shprehur në mënyrë të qartë. Dhe gjithashtu nga ana e kryeministres italiane, diskutimi ka qenë i hapur, me një mesazh që mund të përmblidhet kështu: “Merr parasysh që disa koncesione të dhimbshme ndoshta je i detyruar t’i bësh”.
    Nëntëdhjetë minuta ballafaqim, të paraprirë nga një mbledhje e ngushtë e Melonit me ministrat e Mbrojtjes dhe të Jashtëm, Guido Crosetto dhe Antonio Tajani, e shoqëruar nga takime paralele ballë për ballë mes dy ministrave dhe homologëve ukrainas, shënuan një pasdite që në Palazzo Chigi nuk ka qenë aspak e lehtë. Dhe për të paktën dy ose tre arsye: Italia mbështet nxitimin që amerikanët po i japin negociatave; stafi i Melonit nuk është imun ndaj vlerësimeve që e shohin Zelenskyn të dobësuar pas hetimeve për korrupsion në qeverinë e tij; roli i ekzekutivit italian, siç vazhdon të përsërisë kryeministrja, është të arrijë një plan paqeje të drejtë dhe të qëndrueshëm, por duke marrë parasysh më shumë drejtimin amerikan se atë evropian.
    Disa “spin”, copa të thashethemeve, mbërrijnë në mbrëmje nga partia Fratelli d’Italia, përhapen në Partinë Demokratike, dhe tregojnë për një kryeministre që po ushtron një lloj “bindjeje morale” ndaj Zelenskyt edhe në emër të Shtëpisë së Bardhë; dhe kjo ndërkohë që Zelensky bën të kundërtën, i kërkon kryeministres sonë të zbusë pozicionin e Trumpit, të përpiqet të zbutë vendimin që duket se ka marrë qeveria amerikane: atë të mbylljes sa më shpejt të një plani paqeje.
    Në mbrëmje vjen madje edhe hapja e Zelenskyt ndaj zgjedhjeve të reja, e cila duket më shumë si një sfidë sesa si një hap prapa, dhe që shton një faktor të ri kompleksiteti në gjendjen e negociatave. Sigurisht, mbeten në fuqi fjalët e qarta, publike, që dje janë vënë bardh e zi nga ministri i Jashtëm ukrainas, Andrii Sybiha, i cili në Palazzo Chigi ka bërë me mirësjellje një lloj liste të asaj që Kievi i kërkon Italisë dhe që deri tani nuk e ka parë: një rol aktiv dhe më të fortë në zhbllokimin e aseteve ruse të ngrira në Belgjikë; dalja nga limboja e mungesës së një vendimi mbi programin Purl; blerja e armëve amerikane që deri tani ka përfshirë më shumë se 15 shtete të BE-së por jo Romën (armë për t’ia kaluar Kievit, siç ka kërkuar vetë Trump); dhe në fund madje devijimi i disa burimeve (për Italinë 15 miliardë euro) që programi evropian Safe ua dedikon forcimit të ushtrive të shteteve anëtare. Italia është mes atyre, 4 shtete nga 19, që nuk do të përdorin një pjesë të fondeve për ndihmën ushtarake ndaj Ukrainës.
    Ka mjaftueshëm “mish në zjarr” për të besuar se jo çdo gjë ka shkuar vaj, se disa dallime janë shprehur për herë të parë, nga të dyja palët, në mënyrë të qartë. Në fund të fundit, Meloni, të paktën për PD-në dhe pjesën tjetër të opozitës, vazhdon të qëndrojë me njërën këmbë në dy fronte: e lidhur me përpjekjet evropiane në mbrojtje të Kievit – madje edhe kundër sulmeve diplomatike të Shteteve të Bashkuara – por njëkohësisht ngurruese për të marrë qoftë edhe një distancë minimale nga qasja shumë e ashpër që Donald Trump po i jep negociatave aktuale.

    Top Channel

  • Kancelari gjerman Merz fton Rusinë në “Tavolinën e Negociatave”

    Kancelari gjerman Merz fton Rusinë në “Tavolinën e Negociatave”

    Moska duhet të ulet “në tryezën e negociatave”, në mënyrë që një plan paqeje në Ukrainë të ketë një shans për të pasur sukses.
    Kështu theksoi sot kancelari gjerman Friedrich Merz, duke e konsideruar të pamundur të bëhet “përparim” i rëndësishëm diplomatik këtë javë. Sipas tij, Rusia duhet të jetë e pranishme në tryezën e negociatave.
    “Rusia duhet të jetë e pranishme në tryezën (e negociatave). Nëse kjo ndodh, çdo përpjekje do të jetë e justifikuar, dhe nëse jo, do të duhet të bëhen më shumë përpjekje”, tha Merz në margjinat e Samitit Bashkimi Evropian-Bashkimi Afrikan në Luanda të Angolës.

    Berlini shprehu kënaqësi me “progresin” e bërë gjatë negociatave në Gjenevë midis amerikanëve, ukrainasve dhe evropianëve.
    Paqja në Ukrainë nuk do të vijë brenda natës
    Kancelari gjerman tha gjithashtu se Presidenti i SHBA-së shprehu gatishmërinë për të punuar së bashku mbi një plan paqeje për Ukrainën gjatë bisedës së tyre telefonike javën e kaluar.
    “Dhe kjo është pikërisht ajo që përfaqësuesit e Ukrainës, Shteteve të Bashkuara dhe shteteve anëtare evropiane arritën dje në Gjenevë”, tha Merz në margjinat e Samitit të Luandës. “Ne e mirëpresim faktin që këto bisedime u zhvilluan në Gjenevë. Ne gjithashtu mirëpresim rezultatin e përkohshëm. Disa çështje u sqaruan, por ne gjithashtu e dimë: paqja në Ukrainë nuk do të vijë brenda natës”, tha ai.
    Bisedimet u bazuan në planin 28-pikësh të Uashingtonit për t’i dhënë fund luftës gati katërvjeçare dhe pushtimit në shkallë të gjerë të Ukrainës nga Rusia. Plani shihet gjerësisht si shumë pro-Moskës.
    “Ky është një proces i vështirë, nuk pres ndonjë përparim domethënës këtë javë”, tha Merz.
    Sekretari i Shtetit i SHBA-së, Marco Rubio, kishte thënë më parë se ishte “shumë optimist” për mundësinë e arritjes së një marrëveshjeje “shumë shpejt”.
    Evropianët duhet të kenë një rol
    Evropianët do të duhet të miratojnë çdo aspekt që ndikon në sigurinë e tyre në një marrëveshje të ardhshme që do t’i japë fund luftës në atë vend, paralajmëroi gjithashtu kancelari gjermane.
    “Është e rëndësishme për ne që një plan paqeje për Ukrainën të mos mund të hartohet pa marrëveshjen tonë për çështjet që prekin interesat evropiane dhe sovranitetin evropian”, tha ai.
    Versioni fillestar i dokumentit amerikan kishte provokuar kundërshtim nga Kievi dhe aleatët e tij evropianë – Parisi, Londra, Berlini, Roma – të cilët shkuan në Gjenevë të dielën për të parandaluar një paqe në formën e kapitullimit.
    Megjithatë, pas këtyre bisedimeve diplomatike, Shtetet e Bashkuara dhe Ukraina “hartuan një version të ri dhe të përmirësuar të një kuadri paqeje (për një marrëveshje) që duhet të respektojë plotësisht sovranitetin e Ukrainës”, sipas një deklarate të përbashkët.
    Teksti origjinal i Planit Trump, i cili u mbështet nga Presidenti rus Vladimir Putin, përfshinte kërkesat thelbësore të Moskës: që Kievi të lëshonte territor, të binte dakord të zvogëlonte madhësinë e ushtrisë së saj dhe të braktiste idenë e anëtarësimit në NATO, ndërsa ofronte garanci sigurie perëndimore për Ukrainën për të penguar çdo agresion të ri rus.

  • Nga hapja e grupkapitullit të fundit me BE te Samiti i Planit të Rritjes, ngjarjet kryesore të javës

    Nga hapja e grupkapitullit të fundit me BE te Samiti i Planit të Rritjes, ngjarjet kryesore të javës

    Java që lamë pas shënoi një moment kulmor në procesin e negociatave me Bashkimin Europian.
    Në 17 nëntor, Shqipëria mbërriti në në një moment historik në procesin e negociatave të anëtarësimit në Bashkimin Europian, me hapjen e Grup-Kapitullit V “Burimet, Bujqësia dhe Kohezioni”, në Konferencën e 7-të Ndërqeveritare Shqipëri–BE, që u mbajt në Bruksel.

    Ky ishte grupkapitulli i fundit që u hap për vendin tonë dhe përfaqëson një pikë kthese strategjike, pasi përmbyll formalisht fazën e hapjes së të 33 kapitujve të negociatave brenda një periudhe vetëm njëvjeçare.

    Në këtë mënyrë Shqipëria bëhet një prej vendeve me ecurinë më të shpejtë dhe më koherente në rajon në këtë proces.

    Në nisje të podkastit “Flasim”, kryeministri Edi Rama solli në vëmendje momente nga kjo ngjarje, Ku delegacioni shqiptar i kryesuar prej tij u paraqit në Bruksel me një axhendë që synon të përcjellë gatishmërinë, maturinë dhe ambicien e Shqipërisë në fazën e re të negociatave.
    Nga Brukseli, ministrja e Punëve të Jashtme të Danimarkës Marie Bjerre, vend i cili mban presidencën e radhës së BE-së vlerësoi se Shqipëria ka bërë një përpjekje të fortë për reformat e harmonizimin me BE, ndërsa e cilësoi këtë “një shpejtësi rekord”.
    “Është mbresëlënëse se sa shpejt po jepni rezultate. Vazhdoni kështu dhe do të jepni rezultate më shpejt se sa vonë”, inkurajoi ajo.
    Ndërsa komisionerja për Zgjerimin në BE, Marta Kos vlerësoi po ashtu se ky moment tregon që BE ofron rezultate dhe mund të mbështetemi tek Shqipëria në të ardhmen.
    Suksesi i Shqipërisë, sipas saj “është rezultat i punës së autoriteteve shqiptare me shoqërinë civile dhe me aktorë të tjerë për zbatimin e reformave të rëndësishme të BE”.
    Kos e cilësoi Shqipërinë frymëzim për shumë vende në Ballkanin Perëndimor, ndërsa u shpreh se “jemi të përkushtuar t’ju mbështesim të ndërtoni një të ardhme të begatë për të gjithë shqiptarët në shtëpinë e tyre në Bashkimin Europian”.
    Nga ana e tij, kryeministri Rama shprehu besimin se i gjithë ai rrugëtim na bëri më të fortë.
    Rama vlerësoi mbështetjen e Presidencës suedeze në këtë rrugëtim, ndërsa siguroi se Shqipëria do të bëjë gjithçka ka në dorë për të ecur përpara me të njëjtin intensitet dhe disiplinë.
    Një tjetër ngjarje me rëndësi në javën që lamë pas ishte edhe organizimi në Tiranë i Samitit rajonal të liderëve Growth Plan “Our Pathway to the EU”.
    Në 21 nëntor, Tirana mirëpriti liderët e vendeve të Ballkanit Perëndimor si dhe Komisioneren për Zgjerimin në BE, Marta Kos në këtë samit ku u lançua Udhërrëfyesi për Ballkanin Perëndimor.
    Në samit u diskutua po ashtu mbi pozicionimin e rajonit në ekosistemin AI të BE, korsitë e gjelbra, bashkëpunimin në fushën e turizmit, mbi progresin dhe hapat e ardhshëm drejt tregut të përbashkët rajonal etj.
    Rama e cilësoi organizimin e Samitit në Tiranë, një tjetër ditë europiane për Shqipërinë.
    Kryeministri u shpreh se Plani i ri i Rritjes është një urë e shpejtë dhe e sigurt drejt tregut të përbashkët europian.
    ATSH

  • ‘Të çojmë përpara ritmin e negociatave me BE-në’, Peleshi takim me Marta Kos

    ‘Të çojmë përpara ritmin e negociatave me BE-në’, Peleshi takim me Marta Kos

    Kryetari i Kuvendit, Niko Peleshi priti pasditen e sotme në një takim Komisioneren për Zgjerim të Bashkimit Europian, Marta Kos.
    Takimi u zhvillua në kuadër të ecurinë e integrimit europian dhe prioritetet e këtij procesi pas çeljes së të gjithë kapitujve të negociatave.
    Gjatë takimit, Komisionerja Kos vlerësoi rezultatet e arritura nga Shqipëria, duke theksuar se vendi ka bërë progres mbresëlënës.
    “Është e lehtë të mbështesësh Shqipërinë për shkak të performancës së lartë. Zgjerimi e bën Europën më të fortë. Shqipëria në vitet e fundit ka bërë një punë të shkëlqyer. Vlerësojmë shumë mbështetjen popullore dhe konsensusin politik e parlamentar për integrimin në BE”,-tha Kos.
    Kryeparlamentari Peleshi nënvizoi angazhimin e palëkundur të Shqipërisë për integrimin europian, duke e cilësuar atë si prioritet madhor dhe objektiv strategjik kombëtar.
    “Integrimi europian ka rrënjë në historinë dhe identitetin tonë, në moton e rilindasve “Për Shqipërinë, dielli lind nga perëndon”. Kuvendi do të vazhdojë të garantojë legjitimitetin demokratik, transparencën dhe karakterin gjithëpërfshirës të procesit. Si Kryetar i Kuvendit do të mbështes aksesin dhe kontributin e opozitës dhe qytetarëve në integrim”, -tha Peleshi.
    Takimi u përmbyll me angazhimin e përbashkët për të çuar përpara ritmin e negociatave dhe forcimin e bashkëpunimit me institucionet europiane.

  • Hapja e kapitujve me BE, një proces më i mirë në letër se sa në praktikë

    Hapja e kapitujve me BE, një proces më i mirë në letër se sa në praktikë

    Të hënën në Bruksel u mbajt konferenca e 7-të Ndërqeveritare Shqipëri–BE që shënoi hapjen e grupkapitullin e fundit të negociatave brenda 12 muajve nga çelja e grupkapitullit të parë, që është dhe më i rëndësishmi në vlerësimet e BE-së, pasi lidhet me standardet demokratike dhe sundimin e ligjit.
    Kapitujt e fundit, të titulluar “Burimet, Bujqësia dhe Kohezioni” përmbyllin formalisht fazën e hapjes së 33 kapitujve të negociatave, një hap që sipas Kryeministrit Edi Rama dukej si ëndërr një vit më parë, por tashmë kthehet në një përgjegjësi më të madhe për Shqipërinë.
    Rama, i cili fitoi mandatin e katërt qeverisës në maj, e fokusoi gjithë fushatën e tij në premtimin për përmbylljen e negociatave me BE-në brenda këtij mandati qeverisës.
    Por pavarësisht se hapja e të gjithë grupkapitujve vlerësohet si një hap ambicioz për qeverinë shqiptare, për ekspertët e integrimit procesi rrezikon të mbetet teknik dhe të mos përkthehet në një proces transformues për vendin.
    “Qeveria shqiptare e shikon integrimin si një medalje, jo si proces transformues,” i tha BIRN Altin Gjeta, studiues i Shkencave Politike pranë Universitetit të Birmingham. Sipas tij, hapja e të gjithë kapitujve është ambicioze, por mbyllja e tyre me sukses do të jetë sfidë.
    Gledis Gjepali, drejtues i organizatës “European Movement Albania” e shikon hapjen e të gjithë kapitujve si një vlerësim pozitiv për Shqipërinë dhe rikuperim të kohës së humbur. Por sipas tij, ekziston gjithmonë rreziku që procesi të jetë më i mirë në letër se sa në praktikë dhe kjo është sfida me të cilën do të përballet qeverisja në dy vitet e ardhshme.
    “Sigurisht që procesi ka rrezik që të duket i mirë në letër, raportime të mira, pjesa formale e përafrimit të legjislacionit realizohet në kohë rekord, por që të çedojmë tek pjesa praktike e zbatimit do të jetë shumë e vështirë që Komisioni Europian apo vendet anëtare ta pranojnë këtë gjë, pasi ata janë aty për të kontrolluar që standardet janë arritur në mënyrën e duhur dhe mjaftueshëm për të treguar që vendi është europianizuar në mënyrë të qënësishme,” i tha ai BIRN-it duke komentuar çeljen e kapitujve të fundit të negociatave.
    Sipas Gjipalit, vetë çelja në një kohë kaq të shkurtër e kapitujve tregon se ka pasur një përgatitje paraprake, por gjatë plotësimit të kritereve hap pas hapi vendi ynë do të vlerësohet sa i aftë është, jo vetëm të bëjë përafrim të legjislacionit, por edhe ta zbatojë atë.
    Nga ana teknike, sipas tij, në këtë pikë ku ndodhemi negociatat vijojnë me ‘piketat e ndërmjetme’ që janë në disa grupkapitujt më kryesorë, siç është ai i themelorëve.
    “Për kapitujt themelorë do të vlerësohemi në fund të vitit dhe kjo ndikon të gjithë kapitujt  e tjerë dhe do të jetë testi i parë se sa shpejt ecim ne pas hapjes së negociatave,” shtoi më tej Gjipali.
    Edhe Gjeta e lidh mbylljen e negociatave në aspektin teknik me kapitujt themelorë që lidhen me funksionimin e institucioneve demokratike, “ku Shqipëria ka probleme të theksuara”.
    Nga ana tjetër, ai e sheh procesin e zgjerimit të BE si thellësisht politik, nga njëra anë vullnetin e Shqipërisë për plotësimin formal të kritereve dhe nga ana tjetër krijimin nga Brukseli të një “dritareje mundësie për të integruar disa vende si mesazh force dhe suksese në një kohë krizash gjeopolitike”.
    Por, sipas Gjetës, pavarësisht avantazhit që i ofrohet Shqipërisë procesi do të shfaqë probleme në një prespektivë afatgjatë.
    “Shqipëria nuk negocion asgjë; thjesht plotëson kriteret sipas pozicionit negociues të BE. Procesi rrezikon të jetë i mirë në letër dhe i patransferueshëm në praktikë. Shqipëria nuk ka brendësuar vlerat e BE. E ka parë procesin më shumë si formë, si imitim dhe simulim sesa si një akt transformues. Kjo do ta përballë me sfida në rast integrimi eventual brenda 5-7 vitesh,” theksoi ai.
    Ndryshe nga Gjeta, Gjipali këmbëngul se do të jetë vetë BE dhe vendet anëtare që do të sigurohen që procesi të mos mbetet thjesht në letër.
    “Janë një sërë vendesh që pas anëtarësimit kanë hapur probleme për BE dhe kjo bën që ata të jenë shumë të kujdesshëm dhe të kërkojnë zbatim rigoroz të gjitha kërkesave dhe sidomos shtetin e së drejtës dhe më pas të lejojnë anëtarësimin,” thotë ai, duke vlerësuar se dy vitet e ardhshme do të jenë kyçe për të treguar nëse kemi ritmin e duhur dhe cilësinë e duhur për të përmbushur reformat. /BIRN

  • BIRN/ Hapja e kapitujve me BE, një proces më i mirë në letër se sa në praktikë

    BIRN/ Hapja e kapitujve me BE, një proces më i mirë në letër se sa në praktikë

    Shqipëria çeli grupkapitullin e fundit të negociatave me Bashkimin Europian, një proces që sipas ekspertëve rrezikon të mbetet teknik dhe të mos përkthehet në një proces transformues për vendin.
    Të hënën në Bruksel u mbajt konferenca e 7-të Ndërqeveritare Shqipëri–BE që shënoi hapjen e grupkapitullin e fundit të negociatave brenda 12 muajve nga çelja e grupkapitullit të parë, që është dhe më i rëndësishmi në vlerësimet e BE-së, pasi lidhet me standardet demokratike dhe sundimin e ligjit.
    Kapitujt e fundit, të titulluar “Burimet, Bujqësia dhe Kohezioni” përmbyllin formalisht fazën e hapjes së 33 kapitujve të negociatave, një hap që sipas Kryeministrit Edi Rama dukej si ëndërr një vit më parë, por tashmë kthehet në një përgjegjësi më të madhe për Shqipërinë.
    Rama, i cili fitoi mandatin e katërt qeverisës në maj, e fokusoi gjithë fushatën e tij në premtimin për përmbylljen e negociatave me BE-në brenda këtij mandati qeverisës.
    Por pavarësisht se hapja e të gjithë grupkapitujve vlerësohet si një hap ambicioz për qeverinë shqiptare, për ekspertët e integrimit procesi rrezikon të mbetet teknik dhe të mos përkthehet në një proces transformues për vendin.
    “Qeveria shqiptare e shikon integrimin si një medalje, jo si proces transformues,” i tha BIRN Altin Gjeta, studiues i Shkencave Politike pranë Universitetit të Birmingham. Sipas tij, hapja e të gjithë kapitujve është ambicioze, por mbyllja e tyre me sukses do të jetë sfidë.
    Gledis Gjepali, drejtues i organizatës “European Movement Albania” e shikon hapjen e të gjithë kapitujve si një vlerësim pozitiv për Shqipërinë dhe rikuperim të kohës së humbur. Por sipas tij, ekziston gjithmonë rreziku që procesi të jetë më i mirë në letër se sa në praktikë dhe kjo është sfida me të cilën do të përballet qeverisja në dy vitet e ardhshme.
    “Sigurisht që procesi ka rrezik që të duket i mirë në letër, raportime të mira, pjesa formale e përafrimit të legjislacionit realizohet në kohë rekord, por që të çedojmë tek pjesa praktike e zbatimit do të jetë shumë e vështirë që Komisioni Europian apo vendet anëtare ta pranojnë këtë gjë, pasi ata janë aty për të kontrolluar që standardet janë arritur në mënyrën e duhur dhe mjaftueshëm për të treguar që vendi është europianizuar në mënyrë të qënësishme,” i tha ai BIRN-it duke komentuar çeljen e kapitujve të fundit të negociatave.
    Sipas Gjipalit, vetë çelja në një kohë kaq të shkurtër e kapitujve tregon se ka pasur një përgatitje paraprake, por gjatë plotësimit të kritereve hap pas hapi vendi ynë do të vlerësohet sa i aftë është, jo vetëm të bëjë përafrim të legjislacionit, por edhe ta zbatojë atë.
    Nga ana teknike, sipas tij, në këtë pikë ku ndodhemi negociatat vijojnë me ‘piketat e ndërmjetme’ që janë në disa grupkapitujt më kryesorë, siç është ai i themelorëve.
    “Për kapitujt themelorë do të vlerësohemi në fund të vitit dhe kjo ndikon të gjithë kapitujt e tjerë dhe do të jetë testi i parë se sa shpejt ecim ne pas hapjes së negociatave,” shtoi më tej Gjipali.
    Edhe Gjeta e lidh mbylljen e negociatave në aspektin teknik me kapitujt themelorë që lidhen me funksionimin e institucioneve demokratike, “ku Shqipëria ka probleme të theksuara”.
    Nga ana tjetër, ai e sheh procesin e zgjerimit të BE si thellësisht politik, nga njëra anë vullnetin e Shqipërisë për plotësimin formal të kritereve dhe nga ana tjetër krijimin nga Brukseli të një “dritareje mundësie për të integruar disa vende si mesazh force dhe suksese në një kohë krizash gjeopolitike”.
    Por, sipas Gjetës, pavarësisht avantazhit që i ofrohet Shqipërisë procesi do të shfaqë probleme në një prespektivë afatgjatë.
    “Shqipëria nuk negocion asgjë; thjesht plotëson kriteret sipas pozicionit negociues të BE. Procesi rrezikon të jetë i mirë në letër dhe i patransferueshëm në praktikë. Shqipëria nuk ka brendësuar vlerat e BE. E ka parë procesin më shumë si formë, si imitim dhe simulim sesa si një akt transformues. Kjo do ta përballë me sfida në rast integrimi eventual brenda 5-7 vitesh,” theksoi ai.
    Ndryshe nga Gjeta, Gjipali këmbëngul se do të jetë vetë BE dhe vendet anëtare që do të sigurohen që procesi të mos mbetet thjesht në letër.
    “Janë një sërë vendesh që pas anëtarësimit kanë hapur probleme për BE dhe kjo bën që ata të jenë shumë të kujdesshëm dhe të kërkojnë zbatim rigoroz të gjitha kërkesave dhe sidomos shtetin e së drejtës dhe më pas të lejojnë anëtarësimin,” thotë ai, duke vlerësuar se dy vitet e ardhshme do të jenë kyçe për të treguar nëse kemi ritmin e duhur dhe cilësinë e duhur për të përmbushur reformat

  • Çelja e grupkapitullit të fundit të negociatave, Spiropali: Kurorëzimi i një dekade reformash të guximshme, një horizont i ri sfidash e mundësish

    Çelja e grupkapitullit të fundit të negociatave, Spiropali: Kurorëzimi i një dekade reformash të guximshme, një horizont i ri sfidash e mundësish

    Ministrja për Europën dhe Punët e Jashtme, Elisa Spiropali ka komentuar çeljen e grup-kapitullit të fundit të negociatave me Bashkimin Europian.

    Sipas saj, kjo ngjarje shënon kurorëzimin e një dekade reformash të guximshme.
    Në një postim në rrjetet sociale, ministrja shprehet se  sot u mbyll një cikël përpjekjesh dhe hapet një horizont i ri sfidash e mundësish.
    “Sot mbyllet një cikël përpjekjesh dhe hapet një horizont i ri sfidash e mundësish.
    Me çdo kapitull të hapur, Shqipëria shkruan një faqe të re të historisë europiane, jo më si aspiratë, por si një realitet në ndërtim.
    Ky është kurorëzimi i një dekade punësh të vështira, reformash të guximshme dhe besimi të palëkundur tek rruga e një Shqipërie me institucione të forta demokratike, me zhvillim ekonomik e social të qëndrueshëm, me drejtësi e mirëqënie për të gjithë.
    Ne nuk do të ndalemi derisa flamuri ynë të jetë në tryezën e përbashkët europiane, për Shqipërinë, Europën e Ballkanit.
    Gati për sfidat e punët që na presin për mbylljen e negociatave në vitin 2027.
    Shqipëria nuk ndalet”, shprehet ministrja Spiropali.

    Top Channel

  • Rama pas hapjes së grupkapitullit të fundit negociatave me BE: Krenar për skuadrën e Shqipërisë

    Rama pas hapjes së grupkapitullit të fundit negociatave me BE: Krenar për skuadrën e Shqipërisë

    Kryeministri Edi Rama: Kjo është pjesë e skuadrës së negociatave që drejtohen nga këto dy zonja, Majlinda dhe Adea, dhe që sot ishin të pranishëm në mbledhjen e fryteve të para të punës së tyre, pasi u hapën të gjithë kapitujt dhe dua t’i falënderoj me respekt dhe admirim të gjithë negociatorët dhe qindra të tjerët që nën drejtimin e tyre, e bëjnë krenare Shqipërinë këtu në Bruksel, dhe nuk është e lehtë.

    Top Channel

  • Konferenca e 7-të Ndërqeveritare! Rama në Bruksel: Hapim në kohë rekord grupkapitullin e fundit të negociatave me BE

    Konferenca e 7-të Ndërqeveritare! Rama në Bruksel: Hapim në kohë rekord grupkapitullin e fundit të negociatave me BE

    Në Bruksel zhvillohet sot Konferenca e 7-të Ndërqeveritare Shqipëri–BE, ku do të hapet grupkapitulli i fundit i negociatave, “Bujqësia dhe Kohezioni”.
    Kryeministri Edi Rama publikoi një video nga Brukseli në rrjetet sociale, duke theksuar:
    “Hapim grupkapitullin e fundit të negociatave me Bashkimin Europian, në një kohë rekord vetëm 12 muaj.”

    Kujtojmë se mbrëmjen e djeshme u mbajt edhe ceremonia e hapjes së godinës së misionit të Shqipërisë në BE.
    /vizionplus.tv

  • Video/ Rama nga Brukseli: Hapim grupkapitullin e fundit të negociatave, në një kohë rekord

    Video/ Rama nga Brukseli: Hapim grupkapitullin e fundit të negociatave, në një kohë rekord

    Sot mbahet Konferenca e 7-të Ndërqeveritare mes Shqipërisë dhe Bashkimit Europian në Bruksel.

    Kryeministri Edi Rama, i cili do të marrë pjesë në këtë takim, ka ndarë pamje të tjeera nga Brukseli.
    “Konferenca e 7-të Ndërqeveritare Shqipëri–BEBruksel – Hapim grupkapitullin e fundit të negociatave me Bashkimin Europian, në një kohë rekord vetëm 12 muaj”, shprehet Rama.

    Top Channel