Lajmidites.com

Tag: ndryshme

  • Shaka pa zarar! Si festohet Dita e Gënjeshtrave në vende të ndryshme

    Shaka pa zarar! Si festohet Dita e Gënjeshtrave në vende të ndryshme

    1 Prilli apo Dita e Gënjeshtrave nuk ka një zanafillë të mirëpërcaktuar, por qëllimi i saj mbetet i njëjtë: rrengje dhe shaka që nuk dëmtojnë askënd. Vende të ndryshme kanë mënyrat e tyre për të mashtruar ‘prenë’ duke sjellë tradita mjaaft interesante.
    Në Francë, Belgjikë, Itali dhe zonat frankofone të Zvicrës e festojnë duke ngjitur një peshk letre në shinën e njerëzve, duke bërë të pamundurën të dallohen dhe më pas thërrasin “peshk prilli!” Sipas historive, peshku tregon që kapesh lehtë.

    Në Angli, Dita e Gënjeshtrave festohet vetëm gjysmë dite. Rrengjet dhe shakatë lejohen deri në mesditë dhe pasi akrepat e orës shënojnë 12:00, duhet t’i zbulosh rrengjet. Kushdo që bën të tilla pas mesditës, konsiderohet ‘viktima’ e 1 Prillit.
    Në Skoci, 1 Prilli festohet për dy ditë. Quhet Dita e Qyqes pasi simbolizon njeriun naiv. Dita e parë festohet me rrengje, ndërsa në të dytën njerëzit i ngjisin njëri-tjetrit bishta në shpinë.
    Në Irlandë, tradita thotë që t’i ngarkosh dikujt “një detyrë të kotë”.Viktimës i jepet një letër ku gjoja kërkon ndihmë. Kur marrësi merr letrën, e hap, e lexon dhe i thotë lajmësit se duhet ta çojë diku tjetër. Kjo vazhdon derisa dikujt t’i vijë keq dhe i tregon atij përmbajtjen e letrës: “Dërgoje te dikush tjetër”.
    Në Hollandë, fqinjtë hedhin peshk drejt njëri-tjetrit.
    Gjermanët luajnë “Aprilscherz” ku duhet të thuash një histori të pabesueshme, por të padëmshme që të gënjesh të tjerët.
    Në Greqi, thonë se kur gënjen dikë në këtë ditë i sjell fat të mirë për gjithë vitin.
    Spanja dhe Portugalia festojnë në ditë të ndryshme. Portugezët nuk e festojnë më 1 Prill dhe preferojnë të dielën dhe të hënën para Kreshmëve. Në këtë ditë, hidhet miell drejt kalimtarëve. Në Spanjë, dita e rrengjeve festohet më 28 dhjetor si Dita e të Pafajshmëve të Shenjtë që do të thotë se askush s’mund të ndëshkohet pasi mashtruesit konsiderohen të pafajshëm.

    Në Islandë synohet që dikush të bëjë “shëtitjen e prillit”. Pra duhet që dikush të mashtrohet dhe të shkojë në një vend tjetër. Edhe agjencitë e lajmeve marrin pjesë në Ditën e Gënjeshtrave. Në vitin 2014, Iceland Review postoi një artikull me titullin “Google firmos marrëveshje me Islandën” duke thënë se lajmi fals ishte pjesë “e një tradite të gjatë të medias islandeze”.

  • “Në kulturë, tre projekte madhore në mandatin e katërt!”/ Rama: Brenda 2026, digjitalizim i plotë i Kadastrës

    “Në kulturë, tre projekte madhore në mandatin e katërt!”/ Rama: Brenda 2026, digjitalizim i plotë i Kadastrës

    Kryeministri Edi Rama në fjalimin e tij theksoi përpjekjet dhe arritjet e qeverisë në fusha të ndryshme, duke përmendur digjitalizimin e kadastrës, që do të përfundojë brenda 2026, dhe përmbylljen e procesit të legalizimeve deri në 2028. Ai gjithashtu vuri në dukje avancimet në sektorin e kulturës, duke përmendur ndërtimin e teatrove dhe muzeve, si dhe investimet në restaurimin e objekteve kulturore. Rama theksoi ambicien për të zhvilluar një rrjet kulturor shqiptar në vende të ndryshme, si dhe për të ndërtuar Galerinë Kombëtare dhe Muzeun Kombëtar gjatë mandatit të katërt.
    Rama: “Brenda 2026, falë edhe financimeve do të përfundojmë digjitalizimin e kadastrës. Regjistrimi fillestar od të mbyllet brenda 2028 dhe do të jetë cdo gjë ndryshe. Legalizimet, 21 750 ishin në ditën që kam marrë unë detyrën. 270 mijë legalizime kemi kryer ne dhe brenda 2028 do të mbyllen dhe ato që kanë mbetur.
    Në kulturë kemi realizuar 650 operacione shpëtimi dhe rinkonstrukioni të objekteve që ishin në prag të mbylljes. Jemi e para qeveri që ka ndërtuar Teatro dhe muze. Kemi bërë 20 salla teatri dhe 20 muzeume. Në mandatin e katërt synojmë Galerinë Kombëtare, Teatrin dhe Muzeun Kombëtar. Ambicie, ngritja e rrjetit që qendrave kulturore shqiptare në vende të ndryshme, kërkesë që vjen nga Diaspora”, tha Rama.

  • Si Të Dekoroni Pemën E Festave Në 3 Hapa Të Thjeshtë

    Si Të Dekoroni Pemën E Festave Në 3 Hapa Të Thjeshtë

    Dekorimi i pemës gjatë periudhës së festave të fundvitit është një traditë që ndiqet nga shumë familje në mbarë botën.

    Elementet kryesorë që përdoren për dekor janë dritat, topat, shiritat dhe stoli të ndryshme që njihen nga të gjithë.

    Por kur bëhet fjalë për krijimin e një peme që shpreh stil dhe personalitet opsionet janë të pafundme.

    Pemët më të bukura janë të mbushura me plot me elementë traditash, me kujtime dhe zbukurime të punuara me dorë por edhe të blera në dyqan.

    Sekreti për të dekoruar sa më bukur pemën e festave është e thjeshtë: ndiqni më poshtë hap pas hapi udhëzimet e AgroWeb.org.

    Vendosni dritat

    Hapi i parë për të dekoruar pemën është vendosja dritave.

    Për këtë duhet të zgjidhni ngjyrën e fijes së telit që përputhet me ngjyrën e pemës tuaj në mënyrë që ai të mos duket.

    Filloni nga poshtë pemës dhe shkoni lart, duke mbështjellë dritat rreth çdo dege kryesore dhe duke u futur edhe në brendësi të trungut.

    Ju mund të përdroni edhe dritat Led që janë më të reja se dritat tradicionale dhe nuk prodhojnë nxehtësi e cila mund të shëndrrohet në rrezik.

    Nëse dëshironi mund të vendosni edhe lloje të tjera dritash si topat me drita shumëgjyrëshe.

    Ato vijnë në shumë madhësi dhe kanë një shkëlqim më të butë se dritat e zakonshme.

    Eksperimentoni me skema të ndryshme ndriçimi derisa të gjeni atë që ju pëlqen.

    Vendosni shirita

    Filloni nga maja e pemës dhe ngadalë rrisni sasinë e shiritit midis secilës degë ndërsa shkoni për poshtë.

    Për të shmangur një pamje të ngarkuar, dekorojeni pemën me një shumëllojshmëri shiritash nga ato të thjeshtat e të hollat.

    Shiritat mund të jenë të ndryshëm dhe duken mire kur mbështillen lirshëm rreth pemës.

    Për të shtuar interesin, provoni të bëni harqe të mëdha ose t’i vendosni vertikalisht në pemë.

    Varni stoli të ndryshme

    Hapi i fundit është të varni stoli. Për të ekspozuar stolitë tuaja të preferuara, vendosini ato në pozicionet kryesore në pemë.

    Më pas varni stolitë që janë më të mëdha, duke i ndarë në mënyrë të barabartë rreth pemës.

    Topat e zbukurimit në ngjyrë të njëjtë, por me madhësi dhe tekstura të ndryshme, do të krijojnë vazhdimësi nga lart poshtë.

    Varni ato më të mëdhatë në fund dhe më të voglat në krye.

    Plotësoni hapësirat bosh me stoli të përmasave të mesme dhe të vogla.

    Sigurohuni që disa prej tyre t’i varni më afër trungut për të krijuar thellësi.

    Ato do të reflektojnë dritën duke e bërë pemën tuaj të shkëlqejë nga brenda.

    Bëjeni pemën më të veçantë duke shtuar artikuj të punuar me dorë dhe përfundojeni duke shtuar në majë të saj një nga zbukurimet tuaj të preferuara.

    Qëndroni në disatanë dhe studioni pemën tuaj nga këndvështrime të ndryshme për të përcaktuar nëse ka zona boshe që duhen mbushur./AgroWeb.org