Getoar Selimi ka prekur ndjekësit me një dedikim plot ndjenja për vajzën e tij, Marget, e cila feston 4-vjetorin. Ai publikoi një foto të vogëlushes së veshur me një fustan të bukur, ndërsa e shoqëroi me një mesazh të gjatë dhe emocional, ku shfaqet qartë lidhja e fortë mes tyre.
“Sa shpejt kalojnë vitet, qika jeme! U bëre 4 vjeçe, ti më bëre baba me plot kuptimin e fjalës. Tani e gjithë jetën do të mburrem me ty…”– shkruan Getoari, duke treguar keshtu edhe portretin e vogëlushes, të cilin e mbanin shume diskret.
Ai pranon se shkrimi i këtyre fjalëve është i bukur, por po aq i vështirë, për shkak të emocioneve që e pushtojnë sa herë përpiqet të shprehë dashurinë për vajzën e tij. “Më duket sikur nuk do t’ia dal kurrë të shpreh atë dashuri të thellë që kam për ty”- shton ai.
Reperi i uron Margetit shëndet, jetë të gjatë dhe lumturi, duke e mbyllur me fjalët: “Të dua pa fund!”
Postimi mori menjëherë mijëra pëlqime dhe komente nga ndjekës, kolegë dhe miq të artistit, të cilët u bashkuan në urime për vogëlushen. Nga ana tjetër, Marina Vjollca ende nuk ka bërë postim për vogëlushen e saj, e cila sot ka ditën e saj më të lumtur.
Tag: ndjekësit
-
‘Qika jeme’/ Marget bën sot 4-vjeç, Getoar Selimi ndan me ndjekësit portretin e saj
-
Ambasada e SHBA-ve në Tiranë u druhet sulmeve kibernetike, njoftimi i rëndësishëm për qytetarët
Ambasada e SHBA në Tiranë ka bërë një njoftim të rëndësishëm për qytetarët duke treguar se cilat janë kanalet e vetme zyrtare të saj.
Ambasada e SHBA përmes një postimi në rrjete sociale duket se tregon që i druhet sulmeve kibernetike ndërsa thekson se vlerëson angazhimin e vazhdueshëm me ndjekësit.
Sakaq, në postim Ambasada e SHBA në Tiranë paralajmëron që ndjekësit të jenë të kujdesshëm kur të ndërveprojnë me profile ose mesazhe që pretendojnë se përfaqësojnë vetë ambasadën.
“Ne e vlerësojmë angazhimin e vazhdueshëm me ndjekësit tanë. Për të siguruar një komunikim të sigurt, duam t’ju kujtojmë se kanalet tona të VETME zyrtare janë:▪️Facebook: @usembassytirana▪️Instagram: @usembassytirana▪️X: @USEmbassyTirana▪️Youtube: @USEmbassyTirana▪️website: al.usembassy.govJu inkurajojmë të jeni të kujdesshëm kur ndërveproni me profile ose mesazhe që pretendojnë se na përfaqësojnë ne. Siguria online ka rëndësi për të gjithë ne.”-shkruan Ambasada e SHBA në Tiranë. -
Selvije Jao: Kam ëndërruar që të rris fëmijën me të dy prindërit, por kjo është jeta
Ish-partnerja e këngëtarit Shpat Kasapi, Selvije Jao, ka ndarë së fundmi një mesazh të ndjerë me ndjekësit e saj në rrjetet sociale, duke hapur zemrën për sfidat e të qenit nënë beqare dhe përkushtimin e saj ndaj djalit të saj, Roelit. Ajo foli në një bisedë me ndjekësit në InstaStory, ku njëri prej tyre e pyeti nëse kishte qenë e vështirë për të të ishte nënë e vetme.
Me sinqeritet, Selvije u përgjigj: “Normal që po. Gjëja që unë kam ëndërruar gjithmonë ka qenë të kem familje dhe fëmija të rritet me të dy prindërit, por kjo është jeta.” Megjithatë, ajo theksoi se, pavarësisht ndarjes, ajo është e vendosur të krijojë një ambient të qetë dhe të lumtur për të birin.
“Për Roelin do luftoj që të rritet në një ambient ku mbizotëron qetësia dhe lumturia,” ka shtuar ajo, duke theksuar se do të bëjë gjithçka që të birit t’i ofrohet një rritje sa më të shëndetshme dhe të plotë. Ajo ka shpresë që t’i ketë forcat e nevojshme për të përballuar çdo sfidë që mund të dalë në rrugën e saj.
Pavarësisht ndarjes nga Shpati, ata kanë ruajtur marrëdhënie të mira për hir të djalit të tyre, Roelit. Postimi i Selvijes është pritur me një mori komentesh mbështetëse nga ndjekësit, të cilët kanë vlerësuar guximin dhe sinqeritetin e saj si nënë.
Selvije ka treguar se është një shembull i forcës dhe përkushtimit, duke sfiduar vështirësitë dhe duke u përpjekur për të ofruar më të mirën për të birin e saj. -
Kush është ai? Heidi Baci merr dhurata romantike nga partneri
Ish-banoria e Big Brother VIP Albania, Heidi Baci, ka ngjallur sërish kuriozitet tek ndjekësit me disa postime të bëra mbrëmë në Instagram, duke lënë të kuptohet se në jetën e saj mund të ketë hyrë një romancë e re.
Në fotografitë e publikuara, Heidi shfaqet me një buqetë të madhe lulesh dhe një tortë të personalizuar me dedikim romantik. Gjithçka duket e kuruar me delikatesë, duke krijuar atmosferën e një surprize të menduar posaçërisht për të. Ajo shihet e buzëqeshur dhe e lumtur, ndërsa mesazhet e shkruara prej saj kanë bërë menjëherë bujë në rrjet.
“Ti më bën të ndjehem e veçantë! Faleminderit”, ka shkruar Heidi mbi një nga postimet, duke mos zbuluar identitetin e personit që i ka dërguar dhuratat.
Edhe pse për momentin, Heidi ka zgjedhur të ruajë privatësinë dhe të mos japë asnjë emër, gjuha e trupit dhe mënyra se si e ka përcjellë emocionin në postime lë të kuptohet se bëhet fjalë për dikë që ka një vend të rëndësishëm në jetën e saj private.
Ndjekësit po presin me kuriozitet nëse ish banorja e ‘BBVA’ do të konfirmojë së shpejti identitetin e personit misterioz, apo nëse kjo romancë do të mbetet për pak kohë “vetëm për zemrën”. -
Mevlani përfundon në spital, çfarë ndodhi me të?
Ish-banori i Big Brother VIP Kosova dhe ish-konkurrent i “Për’puthen”, Mevlan Shaba, ka shqetësuar ndjekësit e tij pas një postimi të fundit në Instagram, ku shihet në spital me serum në dorë. Mevlani ka ndarë një foto në InstaStory, ku shihet me një infuzion, por nuk ka dhënë detaje të tjera mbi gjendjen e tij shëndetësore. Ai ka shkruar vetëm: “Më mirë do bëhet”, duke u munduar disi të qetësojë ndjekësit dhe të afërmit e tij.
Postimi në fjalë:
Për më tepër, Mevlani ka zgjedhur që të mbajë një jetë private dhe larg vëmendjes mediatike, pas daljes nga reality show. Ai tani jeton një jetë më të qetë me partneren e tij, Ornelda, dhe vajzën e tyre, Mei. Pas periudhës së famës, Mevlani është fokusuar më shumë te familja dhe ndjekësit kanë qenë të shqetësuar për shëndetin e tij.
Për momentin, ende nuk dihet se çfarë problemi shëndetësor e ka detyruar atë të shkojë në spital, por ndjekësit janë të shqetësuar dhe po e mbështesin atë në këtë periudhë. Pas postimit, shumë fansa kanë lënë komente inkurajuese, duke i dëshiruar shërim sa më të shpejtë.
Ndjekësit janë në pritje të më shumë informacioni mbi gjendjen e tij, dhe shpresojnë që Mevlani të rikuperohet sa më shpejt. -
Si është raporti sot mes Beniadës, Jorit dhe Heidit?
Beniada Nishani ka ndarë me ndjekësit e saj një anë më personale të marrëdhënieve që ka me dy mikeshat e saj, Jori Delin dhe Heidi Baçin. Përmes një pyetjeje në “Instagram Story”, ku ajo ftonte ndjekësit të bënin pyetje e kuriozitete, një prej tyre e pyeti: “Çfarë marrëdhënie ke me Jorin dhe Heidin?”
Modelja u përgjigj me sinqeritet, duke treguar se me Jorin e lidh një miqësi shumëvjeçare, e bazuar në mirëkuptim dhe afërsi shpirtërore.
“Me Jorin njihemi prej shumë vitesh. Është një nga ato marrëdhënie që nuk kanë nevojë për fjalë apo shprehje të bukura. Mund të jemi larg për ditë apo javë të tëra, por është sikur flasim çdo ditë,”- shkroi ajo, duke treguar se lidhja mes tyre nuk ndikohet nga distanca apo rutina e përditshme.
Ndërsa për Heidin, Beniada zbuloi se njohja e tyre ka nisur pas eksperiencës në “Big Brother VIP”, ku të dyja u bënë të dashura për publikun shqiptar.“Me Heidin jemi njohur pas eksperiencës së ‘Big Brother’-it. E vlerësoj shumë, është një person shumë e sinqertë. Edhe pse shihemi më rrallë për shkak të ritmeve të jetës dhe punës,” – shtoi ajo.
Beniada i tregoi ndjekësve se pavarësisht famës dhe angazhimeve, ajo i çmon fort miqësitë e vërteta, ato që nuk kanë nevojë për fjalë të mëdha për t’u ndjerë të thella.
Screenshot
-
Këngëtarja shqiptare surprizon ndjekësit me lajmin e ëmbël të shtatzënisë
Vetëm pak muaj pas dasmës së saj verore, këngëtarja e njohur shqiptare Luar Arani ka ndarë me publikun një tjetër lajm të mrekullueshëm, ajo dhe bashkëshorti i saj, Etjen Ymeraj, janë në pritje të fëmijës së tyre të parë.
Çifti kurorëzoi dashurinë në një ceremoni romantike buzë detit, e cila u zhvillua në një atmosferë intime ne bregdet, ku kishte shume ngrohtësi dhe plot harmoni.
Tashmë, pas disa muajsh martesë, Luar ka vendosur të ndajë me ndjekësit e saj një tjetër faqe të bukur të jetës. Me një postim artistik në Instagram, ku shihet hija e saj pranë partnerit dhe një palë balona në formë zemre, këngëtarja ka zgjedhur një mënyrë simbolike për të zbuluar lajmin e shtatzënisë. Mbi foto ajo ka shkruar:
“Pasagjer i ri në bord”, një frazë e shkurtër, por e mbushur me ndjenja.Reagimet kanë qenë të menjëhershme, kolegë të njohur të skenës muzikore, miq dhe fansa kanë mbushur rrjetet me urime dhe mesazhe dashurie për çiftin.
Ky është padyshim një nga momentet më të lumtura në jetën e Luar Aranit, e cila pas një periudhe të gjatë suksesi në muzikë, po përjeton tani rolin më të bukur, atë të nënës së ardhshme. Artistja ende nuk ka zbuluar gjinine e bebit. -
18 vjet dashuri! Alban Skenderaj dhe Miriam Cani rikthehen pas në kohë me një foto të rrallë
Alban Skenderaj dhe Miriam Cani janë një prej çifteve më të njohura dhe të dashura të skenës shqiptare, të cilët gëzojnë një martesë të lumtur prej 6 vitesh, por lidhja e tyre ka nisur tash e 18 vjet. Historia e tyre bashkë është shembull frymëzues për shumë çifte të tjera, duke treguar sesi mund t’i rezistosh kohës, rrethanave dhe sfidave të ndryshme.
Së fundmi, Albani ka ndarë me ndjekësit e tij një fotografi të rrallë me Miriamin, të shkrepur shumë vjet më parë. Fotografia ka ngjallur nostalgji te artisti, i cili ka shkruar: “U bëmë pak nostalgjikë sot”. Për ta kompletuar momentin, Albani ka bashkëngjitur edhe kolonën zanore të këngës së tyre të përbashkët “Let Me Die With You”, duke rikthyer kujtime të veçanta nga koha kur muzika i bashkonte edhe më shumë.
Çifti është prindër i dy fëmijëve dhe ndonëse jeta publike i mban shpesh në vëmendjen e mediave, ata ruajnë momente intime dhe familjare që i ndajnë me ndjekësit e tyre herë pas here. Bashkëjetesa e gjatë dhe respekti reciprok janë disa nga elementët që e bëjnë historinë e tyre të veçantë dhe të admirueshme.
Fansat dhe ndjekësit e çiftit shpesh i shohin si shembull për dashurinë e qëndrueshme dhe partneritetin në jetën private, duke vlerësuar mënyrën se si Albani dhe Miriami ruajnë balancën mes karrierës, familjes dhe lidhjes së tyre. -
Arbenita Ismajli surprizohet me një buqetë gjigante trëndafilash, kush është personi që ia dërgoi?
Modelja Arbenita Ismajli ka ndarë me ndjekësit një moment të veçantë në InstaStory, që ka ngjallur shumë reagime e kureshtje në rrjete sociale. Në një postim të fundit, Arbenita shihet përballë një tufe madhështore trëndafilash të bardhë, një dhuratë e cila menjëherë tërhoqi vëmendjen e fansave për elegancën dhe mesazhin që mund të përcjellë.
Ngjyrat neutrale dhe atmosfera romantike e fotos kanë bërë që ndjekësit të nisin menjëherë të komentojnë e të hamendësojnë: “Kush mund të jetë ai që i ka dërguar dhuratën?”Megjithatë, modelja nuk ka zbuluar identitetin e personit që qëndron pas kësaj surprize, duke lënë gjithçka të mbuluar nga misteri.
Kujtojmë që modelja i ka dhënë fund marrëdhënies me reperin Fero, me të cilin ka edhe një vajzë. Ndarja e tyre u shoqërua me shumë bujë mediatike dhe deklarata të ndërsjella në rrjete sociale. Prej asaj kohe, Arbenita ka zgjedhur të fokusohet në karrierën e saj si modele dhe në jetën personale, duke u shfaqur gjithmonë e pavarur dhe plot vetëbesim.
Arbenita ende s’ka bërë një reagim publik për deklaratat e Feros për të në podcastin e Arbana Osmanit, “Mirëmbrëma Yje”, por mesa duket ka zgjedhur të heshtë dhe të vazhdojë jetën e saj e qetë në Dubai. -
Çifti i ‘Përputhen’ bëhen prindër, ky është emri i veçantë i vajzës
Roela Meka, një nga figurat e njohura nga emisioni “Për’puthen”, ka përjetuar momentin më të lumtur të jetës së saj. Ajo është bërë nënë për herë të parë, duke sjellë në jetë një vajzë të shëndetshme, e cila tashmë ka pushtuar zemrat e të gjithë atyre që e ndjekin.
Vetëm një ditë pasi ndau me ndjekësit e saj pamje të ëmbla nga “baby shower”-i i organizuar në muajin shtator, burime të sigurta për Prive by Liberta Spahiu kanë konfirmuar lajmin e gëzueshëm.
Vajza e porsalindur ka marrë emrin Siela, një emër i rrallë dhe me kuptim të veçantë, që përfaqëson butësinë, pastërtinë dhe frymën e re që ajo ka sjellë në jetën e prindërve të saj.
Gjatë “baby shower”-it, ndjekësit vunë re mungesën e partnerit të saj, Vedatit, gjë që ngriti pyetje në rrjete sociale. Megjithatë, sipas burimeve të afërta me çiftin, arsyeja ka qenë plotësisht personale. Nëna e Vedatit ishte nisur për në Mekë për arsye fetare, ndërsa ai vetë ka qenë i angazhuar me punë, duke mos mundur të jetë i pranishëm. Sipas miqve të afërt, Vedati ka qenë pranë Roelës gjatë gjithë shtatzënisë dhe momentit të lindjes, duke e mbështetur në çdo hap. Pas periudhës së ekspozimit në media dhe rrjete sociale, Roela është distancuar disi nga vëmendja publike, duke zgjedhur të jetojë këtë etapë të re në mënyrë më private.