Lajmidites.com

Tag: ndjek

  • Arsenal “hedh grepat” për yllin spanjoll të Euro 2024, trajneri Arteta e kontakton personalisht

    Arsenal “hedh grepat” për yllin spanjoll të Euro 2024, trajneri Arteta e kontakton personalisht

    3 Prill 2025

    8:41

    Telesport

    Andrea Berta u emërua drejtor sportiv i Arsenal vetëm tri ditë më parë, por, sipas “Fotto Mercato”, ai nuk ka humbur kohë. Ai ka kohë që është duke kërkuar për një nënshkrim të madh të mundshëm këtë verë.
    Ai është gati të investojë një shumë të madhe parash për të ndihmuar “topçinjtë” të mbyllin hendekun me rivalët e tyre dhe të fitojnë një trofe. Dhe lojtari që ai po ndjek me shumë kujdes është Nico Williams.
    Berta mësohet se ka kontaktuar agjentin e anësorit spanjoll, që aktualisht luan me Athletic Club, klub me të cilin ka një kontratë deri në vitin 2027. Pas paraqitjes së mirë në Euro 2024, shumë skuadra e kërkuan lojtarin.
    Mes tyre edhe Bayern, Barcelona e PSG, por Athletic Club arriti t’i rezistojë të gjitha përpjekjeve. Megjithatë, vera e ardhshme mund të jetë ajo e duhura që 23-vjeçari të largohet nga baskët dhe t’i bashkohet një klubi të mirë.
    Arsenal ka kohë që e ndjek Nico Williams, që e konsideron të përshtatshëm për lojën e trajnerit Mikel Arteta. Ky i fundit mësohet se ka biseduar edhe vetë me patriotin e tij për ta bindur të vijë në Londër.

  • “Dënimi im është politik”, Le Pen: Nuk më eliminojnë dot, do ndjek çdo rrugë ligjore

    “Dënimi im është politik”, Le Pen: Nuk më eliminojnë dot, do ndjek çdo rrugë ligjore

    Pas vendimit të gjykatës franceze që e dënoi për përvetësim të fondeve  të Bashkimit Evropian dhe e përjashtoi nga gara presidenciale e vitit 2027, ka ardhur edhe reagimi i  lideres së ekstremit të djathtë Marine Lë Pen. Ajo e cilësoi vendimin politik.

    “Gjyqtarja po thotë: ‘Unë do t’ju bëj menjëherë të pakualifikueshëm dhe po e bëj pikërisht për t’ju penguar të zgjidheni presidente’. Nëse ky nuk është një vendim politik, atëherë nuk e di se çfarë është. Nuk jam vetëm unë që eliminohem nga presidencialet, por janë miliona qytetarë francezë, vota e të cilëve sapo është eliminuar”, tha Le Pen.

    Le Pen u shpreh se është e pafajshme  ndërsa theksoi se do ta apelonte vendimin.

    “Nuk do të lejoj të eliminohem në këtë mënyrë, do  të ndjek çdo rruge ligjore që mundem”, tha Le Pen.

    Kur u pyet se pse u largua nga gjykata para se të dëgjonte vendimin e gjyqtarit Le Pen u përgjigj duke thënë se nuk i duhej të qëndronte më shumë pasi e kuptoi se çfarë po ndodhte.