Lajmidites.com

Tag: ndihmojnë

  • Ju mbajnë të hidratuar gjatë ditëve të nxehta, zbuloni 10 frutat dhe perimet më të pasura me ujë

    Ju mbajnë të hidratuar gjatë ditëve të nxehta, zbuloni 10 frutat dhe perimet më të pasura me ujë

    Përveç ujit, ka shumë fruta dhe perime që përmbajnë sasi të larta uji dhe lëndë ushqyese, të cilat ndihmojnë trupin të përballojë vapën. Ja 10 prej tyre që duhet t’i keni gjithmonë në frigorifer gjatë verës:

    1. Shalqiri

    Me mbi 90% ujë, shalqiri është “mbreti” i hidratimit veror. Përveç freskisë, ai është i pasur me antioksidantë si likopeni, që ndihmojnë në mbrojtjen nga dielli.

    2. Kastraveci

    Kastraveci përmban rreth 96% ujë, duke qenë një nga perimet më hidratuese. Mund të konsumohet në sallata, smoothie ose thjesht si snack.

    3. Luleshtrydhet

    Të ëmbla dhe të pasura me ujë (rreth 91%), luleshtrydhet janë perfekte për hidratim dhe një burim i mirë i vitaminës C.

    4. Domatet

    Edhe pse shpesh i konsiderojmë si perime, domatet janë fruta që përmbajnë mbi 94% ujë. Ato janë ideale për sallata të ftohta verore.

    5. Pjepri

    Një tjetër frut me përmbajtje të lartë uji (rreth 90%). Pjepri është gjithashtu i pasur me kalium, që ndihmon në balancimin e elektroliteve.

    6. Selinoja

    Me 95% ujë, selinoja është shumë e ulët në kalori dhe ndihmon në hidratim, tretje dhe pastrim të trupit.

    7. Portokalli

    Përveç vitaminës C, portokalli ka mbi 85% ujë, duke e bërë një frut të shkëlqyer për hidratim gjatë ditëve të nxehta.

    8. Rrushi

    Rrushi është freskues, i ëmbël dhe i pasur me ujë. Mund të mbahet në frigorifer ose ngrirje për një snack të ftohtë e të shëndetshëm.

    9. Ananasi

    Përveç përmbajtjes së ujit, ananasi ka enzima që ndihmojnë në tretje dhe është shumë freskues në smoothie apo sallata.

    10. Marule jeshile 

    Marulja iceberg përmban rreth 95% ujë. Shtojeni në sanduiçë, tortilja apo sallata për një efekt freskues dhe hidratues.

  • Zbuloni frutat që ndihmojnë me uljen e niveleve të larta të sheqerit në gjak

    Zbuloni frutat që ndihmojnë me uljen e niveleve të larta të sheqerit në gjak

    Asnjë frut nuk është i ndaluar në një dietë të ekuilibruar për menaxhimin e diabetit, e megjithatë disa prej tyre cilësohen si më të mirat. Ato jo vetëm reduktojnë rrezikun e zhvillimit të diabetit, por edhe ndihmojnë në menaxhimin e kësaj sëmundjeje.

    Duke qenë të larta në fibra dhe antioksidantë, ndihmojnë në uljen e niveleve të larta të sheqerit në gjak, duke reduktuar gjithashtu stresin oksidativ dhe dëmtimet nga radikalet e lira të lidhura me rritjen e rrezikut të sëmundjeve kronike.
    Prandaj, frutat e freskëta apo të ngrira, nuk duhet të shmangen tërësisht nga ata që jetojnë me diabet.

    E duke qenë së frutat e ngrira mund të jetojë edhe më gjatë se të freskëtat, për t’i shijuar ato në çdo kohë që dëshironi.
    Luleshtrydhet e ngrira
    Edhe pse janë të ëmbëla, çuditërisht luleshtrydhet janë të ulëta në sheqerna. 1 filxhan me luleshtrydhe të ngrira përmban 7 gram sheqer natyral, së bashku me 3 gram fibra dietike. Luleshtrydhet janë plot vitaminë C, e cila ndihmon në mbrojtjen kundër qelizave të dëmshme që rrisin rrezikun e zhvillimit të sëmundjeve kronike si diabeti. Gjithashtu, antioksidantët e shumtë tek to, luftojnë inflamacionin dhe ndjeshmërinë ndaj insulinës, duke përmirësuar regaimin e trupit tuaj ndaj insulinës.
    Mjedrat e ngrira
    Këto kokrra të vogla janë të jashtëzakonshme për shëndetin dhe janë gjithashtu të ulëta në sheqer dhe të pasura me fibra. Në mënyrë të veçantë, atom und të ndihmojnë në uljen e niveleve të sheqerit në gjak pas konsumit të vaktit.
    Boronicat e ngrira
    Me shijen fantastike dhe ngjyrën blu të thellë, boronicat janë të pasura me lëndë ushqyese dhe përbërës të fuqishëm që japin përfitime miqësore ndaj sheqerit në gjak. Mbani mend se fibrat që gjendet tek frutat ndihmojnë në ngadalësimin e përthithjes së sheqerit. Këto kokrra janë të fuqishme falë vitaminës C, vitaminës K dhe antocianinës, të cilat kontribuojnë në uljen e rrezikut të diabetit.
    Qershitë e ngrira
    Edhe qershitë janë po aq të pasura me lëndë ushqyese sa frutat e përmendura më lart. Plot e përplot me vitaminë C, kalium, magnez dhe një burim i pasur i polifenoleve, të cilat kanë veti anti-inflamatore dhe antioksidante. Të gjitha këto vlera të qershive të ngrira mund të ndihmojnë në menaxhimin e diabetit.
    Avokado e ngrirë
    Edhe pse klasifikohen si perime, avokadot janë në të vërtetë fruta.Dhe ajo që është edhe më interesante është se ato janë të ulëta në sheqer dhe të pasura me lëndë ushqyese. Prandaj janë një zgjedhje e shkëlqyer për ata me diabet. Avokadot janë gjithashtu një burim i yndyrnave të shëndetshme, vitaminës E, folatit, kaliumit dhe magnezit. Lëndë të cilat ofrojnë një kontroll më të mirë të glukozës në gjak.

  • Zbuloni ushqimet që ‘zhdukin’ dëshirën për të konsumuar ëmbëlsira

    Zbuloni ushqimet që ‘zhdukin’ dëshirën për të konsumuar ëmbëlsira

    Kur përpiqemi të mbajmë dietë ose të ushqehemi shëndetshëm, në njëfarë mënyre kjo është kur gjithmonë dëshirojmë diçka të ëmbël. Janë disa ushqime që mund të zvogëlojnë dëshirën për ëmbëlsirat. Yndyrnat e shëndetshme mund të ndihmojnë absolutisht në reduktimin e dëshirave për sheqer, veçanërisht kur konsumohen në mëngjes.

    Kosi
    Kosi (grek) përmban yndyrna të shëndetshme dhe proteina, të cilat ndihmojnë në moderimin e rritjes së insulinës që mund të ndodhë pas një mëngjesi me shumë sheqer si drithërat. Ky lloj mëngjesi ndihmon për të mbajtur energjinë dhe oreksin të qëndrueshëm gjatë gjithë mëngjesit. Kosi grek mund të pasurohet me manaferra të freskëta dhe një lugë gjalpë arra, duke e bërë atë një vakt të shëndetshëm dhe të shijshëm.

    Arrat
    Arrat janë një opsion i duhur për të konsumuar gjatë ditës. Arrat përmbajnë acide yndyrore omega-3, të cilat janë të dobishme për shëndetin e trurit dhe stabilitetin e humorit. Ato gjithashtu mund të ndihmojnë në uljen e dëshirave për ëmbëlsirat.

    Avokado
    Ky ushqim është i pasur me acide yndyrore të pangopura dhe fibra, kështu që siguron një ndjenjë të ngopjes afatgjatë. Kur dikush ha avokado në bukë të thekur, për shembull, ndihmon në rregullimin e oreksit dhe redukton nevojën për të ngrënë ëmbëlsira më vonë gjatë ditës.

  • Konsumojeni patjetër/ Banania, fruti i nënvlerësuar me përfitime të mëdha për shëndetin

    Konsumojeni patjetër/ Banania, fruti i nënvlerësuar me përfitime të mëdha për shëndetin

    Banania, edhe pse shpesh i jepet përparësi frutave më ekzotikë dhe të modës, mbetet një nga frutat më të shijshme dhe më të dobishme për organizmin tonë. E lehtë për t’u gjetur dhe me çmim të përballueshëm, ajo ofron një gamë të gjerë vlerash ushqyese që ndihmojnë në përmirësimin e shëndetit.

    Ky frut përmban vitamina, fibra dhe ëmbëlsues natyralë si sukroza dhe fruktoza, të cilat japin energji dhe mbështesin funksionet e trupit. Banania është më e konsumuar se mollët dhe portokallet së bashku, duke dëshmuar popullaritetin e saj global.
    Përfitimet shëndetësore të bananave janë të shumta:

    • Lehtëson urthin: Banania vepron si anti-acid natyral, duke qetësuar stomakun dhe duke zvogëluar djegien e stomakut.

    • Mbështet tensionin e gjakut: E pasur me potasium dhe me pak sodium, ndihmon në mbrojtjen e zemrës dhe parandalimin e goditjeve në tru.

    • Burim energjie: Konsumimi i një ose dy bananeve para stërvitjes siguron energji të qëndrueshme dhe parandalon ngërçet muskulare.

    • Lufton aneminë: Përmban hekur, i cili stimulojnë prodhimin e qelizave të kuqe të gjakut dhe përmirëson furnizimin me gjak.

    • I përshtatshëm për ulçerën: Banania është e butë dhe e lehtë për stomakun, duke ofruar mbrojtje ndaj aciditetit dhe irritimit.

    • Fruti i lumturisë: Përmban tritotanin që transformohet në serotoninë, hormon që përmirëson humorin dhe lufton depresionin.

    • Qetëson nervat: Vitamina B dhe rregullimi i sheqerit në gjak ndihmojnë në uljen e stresit dhe përmirësimin e qetësisë mendore.

    • Ul temperaturën: Enzimat në banane ndihmojnë në uljen e temperaturës së trupit.
    Banania është një frut që duhet të jetë pjesë e dietës së përditshme. Përfitimet e saj të shumta i bëjnë bananet të domosdoshme për energji, humor të mirë dhe shëndet të fortë, në çdo moment të ditës.

  • ‘Mëngjesi i duhur dhe ai i gabuar’, ushqimet që duhen përfshirë dhe ato që duhet shmangur

    ‘Mëngjesi i duhur dhe ai i gabuar’, ushqimet që duhen përfshirë dhe ato që duhet shmangur

    Nga një gotë kos, një filxhan kafe e deri te një gotë lëng portokalli, për shumë njerëz, ky është imazhi klasik i një mëngjesi ‘të shëndetshëm’. Por çfarë ndodh në të vërtetë me stomakun tonë kur e nisim ditën me disa nga këto ushqime? A janë vërtet ato aq të pafajshme sa duken?

    Shkenca e ushqyerjes ka zbuluar se jo të gjitha ushqimet janë të përshtatshme për t’u konsumuar me stomakun bosh. Disa prej tyre mund të irritojnë sistemin tretës, të shkaktojnë fryrje, aciditet apo edhe të kontribuojnë në sëmundje afatgjata si diabeti apo ulçera. Ndërkohë, disa ushqime të tjera janë aleatë të shkëlqyer për një mëngjes të shëndetshëm dhe funksionimin optimal të organizmit gjatë ditës.

    Çfarë nuk duhet të hash në mëngjes?

    1. Brumërat e fermentuara 
    Shumë prej nesh e nisin ditën me një simite apo një copë bukë të bardhë. Por produktet që përmbajnë maja shkaktojnë irritim të mukozës së stomakut, duke sjellë fryrje dhe ndjesi diskomforti.

    2. Ëmbëlsirat dhe sheqeri
    Sheqeri i konsumuar në mëngjes është një nga fajtorët kryesorë për rritjen e menjëhershme të insulinës në gjak. Kjo barrë e papritur për pankreasin, i cili sapo është ‘zgjuar’, mund të ndikojë në zhvillimin e diabetit dhe luhatje të energjisë gjatë ditës.

    3. Kosi dhe produktet e fermentuara
    Edhe pse konsiderohet si një burim i mirë probiotikësh, kosi nuk duhet konsumuar në mëngjes me stomak bosh, sidomos nëse është i thartë. Aciditeti i stomakut në atë moment shkatërron bakteret e dobishme, duke e bërë efektin pothuajse të pavlefshëm.

    4. Domatet
    Të pasura me acid tanik, domatet e freskëta mund të rrisin aciditetin në stomak dhe të kontribuojnë në zhvillimin e ulçerës.

    5. Trangujt dhe perimet e gjelbra të pagatuara
    Megjithëse të pasura me fibra dhe aminoacide, këto perime mund të shkaktojnë urth dhe fryrje nëse konsumohen në mëngjes, pa asgjë tjetër në stomak.

    6. Ushqimet pikante
    Erëzat djegëse janë armike të mëngjesit: ato irritojnë shtresën e brendshme të stomakut dhe rrisin aciditetin, duke shkaktuar çrregullime të tretjes.

    7. Pijet e ftohta të gazuara
    Pavarësisht se disa njerëz i përdorin si “zgjim të shpejtë”, pijet e gazuara dëmtojnë membranën e stomakut dhe ndikojnë në qarkullimin e gjakut në këtë zonë, duke rritur rrezikun për gastrit dhe ulçerë.

     

    Ushqimet që ndihmojnë në mëngjes

    1. Tërshëra
    Kjo super-ushqim krijon një shtresë mbrojtëse në muret e stomakut dhe ul nivelin e aciditetit. E pasur me fibra të tretshme, tërshëra ndihmon edhe në uljen e kolesterolit dhe përmirësimin e tretjes.

    2. Vezët
    Një burim i shkëlqyer proteinash dhe energjie. Studimet tregojnë se vezët në mëngjes ndihmojnë në kontrollin e urisë dhe zvogëlojnë nevojën për kalori gjatë ditës.

    3. Boronicat
    Të pasura me antioksidantë, boronicat ndihmojnë në përmirësimin e kujtesës, mbajtjen e tensionit të gjakut nën kontroll dhe stimulimin e metabolizmit.

    4. Arrorët
    Në sasi të moderuar, arrorët (arra, bajame, lajthi) ndihmojnë në balancimin e pehashit të stomakut dhe përmirësojnë sistemin tretës. Janë gjithashtu burim i shëndetshëm i yndyrave dhe proteinave.

    5. Mjalti
    Ky eliksir natyror është një zgjues i butë për trupin dhe mendjen. Mjalti rrit prodhimin e serotoninës, hormonit të humorit të mirë, dhe ndihmon në përmirësimin e funksioneve kognitive.

  • Efektet shëndetësore dhe kurative të arrave

    Efektet shëndetësore dhe kurative të arrave

    Arrat janë një burim i pasur me lëndë ushqyese dhe kanë efekte të shumta kurative dhe shëndetësore që janë studiuar gjerësisht në vitet e fundit. Ja disa nga efektet më të njohura dhe të studiuara të arrave në shëndet:

    1.Mbështetje për shëndetin kardiovaskular

    Arrat janë të pasura me acide yndyrore të pangopura (përfshirë omega-3) dhe antioksidantë, që ndihmojnë në uljen e kolesterolit të keq (LDL), duke mbrojtur zemrën dhe duke reduktuar rrezikun e sëmundjeve të zemrës. Studimet kanë treguar se konsumimi i arrave mund të ndihmojë në uljen e tensionit të lartë të gjakut dhe përmirësimin e shëndetit të enëve të gjakut.

    2.Përmirësimi i funksionit mendor dhe ndihma në luftimin e demencës

    Arrat janë të pasura me polifenole dhe antioksidantë që ndihmojnë në ruajtjen e shëndetit të trurit dhe në parandalimin e dëmtimit të qelizave nervore. Ato kanë efekte pozitive në përmirësimin e kujtesës dhe funksionit mendor, duke u treguar premtuese për trajtimin dhe parandalimin e sëmundjeve neurodegjenerative si Alzheimer.

    3.Mbrojtja e shëndetit të lëkurës

    Antioksidantët që gjenden tek arrat, si dhe acidi alfa-linolenik (ALA), kanë një rol të rëndësishëm në mbrojtjen e lëkurës nga dëmtimet e shkaktuara nga rrezet e diellit dhe ndotja. Arrat mund të ndihmojnë gjithashtu në ruajtjen e elasticitetit të lëkurës dhe përmirësimin e shëndetit të përgjithshëm të saj.

    4.Luftimi i inflamacionit dhe mbrojtja nga sëmundjet kronike

    Arrat janë një burim i shkëlqyer i acideve yndyrore omega-3 dhe acideve të tjera yndyrore të pangopura që ndihmojnë në uljen e inflamacionit në trup. Kjo mund të ndihmojë në parandalimin e sëmundjeve kronike si artriti, diabeti i tipit 2, dhe sëmundjet e zemrës.

    5.Përmirësimi i shëndetit të zorrëve

    Arrat janë një burim i shkëlqyer i fibrës, e cila është e rëndësishme për shëndetin e tretjes. Fibrat ndihmojnë në rregullimin e proceseve të tretjes dhe mund të ndihmojnë në parandalimin e problemeve të tilla si kapsllëku. Po ashtu, fibra ka një efekt të dobishëm në ruajtjen e peshës trupore dhe në kontrollin e nivelit të sheqerit në gjak.

    6.Ndihmojnë në menaxhimin e peshës

    Arrat janë një ushqim i pasur me yndyra të shëndetshme dhe proteina, të cilat ofrojnë ndjenjën e ngopjes për një kohë të gjatë. Ky efekt mund të ndihmojë në uljen e oreksit dhe kontrollin e peshës, duke u treguar të dobishme për ata që duan të humbin peshë.

    7.Përmirësimi i shëndetit të sistemit të imunitetit

    Arrat janë të pasura me vitaminë E dhe minerale të tjera, të cilat kontribuojnë në forcimin e sistemit të imunitetit. Ato ndihmojnë trupin të luftojë infeksionet dhe sëmundjet.

    8.Përfitimet anti-kancerogjene

    Disa studime kanë sugjeruar që konsumimi i arrave mund të ketë efekte të mundshme anti-kancerogjene për shkak të përbërësve të tyre bioaktive. Këta përbërës, duke përfshirë acide yndyrore dhe antioksidantë, mund të ndihmojnë në reduktimin e rrezikut të disa llojeve të kancerit.

    9.Përmirësimi i niveleve të hormonit të shëndetshëm të gjakut

    Studimet e fundit kanë sugjeruar që arrat mund të ndihmojnë në balancimin e niveleve të disa hormoneve, përfshirë insulinën dhe testosteronin, dhe mund të kenë një efekt pozitiv në funksionin riprodhues dhe metabolizmin.

    Arrat janë një ushqim shumë i shëndetshëm, me shumë efekte të dobishme për trupin. Ato janë një burim i shkëlqyer i acideve yndyrore omega-3, vitaminave, mineraleve dhe antioksidantëve që mbështesin një sërë funksionesh të trupit, përfshirë shëndetin kardiovaskular, trurin, lëkurën dhe tretjen. Përveç kësaj, ato mund të ndihmojnë në parandalimin e sëmundjeve kronike dhe përmirësimin e shëndetit të përgjithshëm.

    Për të shfrytëzuar sa më shumë këto efekte, është e rekomandueshme që arrat të konsumohen rregullisht, por pa e tepruar, pasi ato janë gjithashtu të pasura me kalori.

     

  • Nga tërshëra te çaji jeshil ja ushqimet që luftojnë kolesterolin

    Nga tërshëra te çaji jeshil ja ushqimet që luftojnë kolesterolin

    Kolesteroli i lartë është një problem i zakonshëm në ditët e sotme, i lidhur ngushtë me mënyrën tonë të të ushqyerit dhe stilin e jetesës.

    Megjithatë nëse kolesteroli juaj është pak më i lartë se normalja, mos u shqetësoni, është e rëndësishme të dini se mund të bëni shumë ndryshime në dietën tuaj për ta kontrolluar atë.

    Sipas ekspertëve këto janë ushqimet që ndihmojnë në uljen e kolesterolit.

    Tërshëra

    Tërshëra është e pasur me fibra të tretshme, të cilat ndihmojnë në largimin e kolesterolit nga gjaku.

    Avokado

    Avokadoja është një burim i shkëlqyer i yndyrnave të shëndetshme. Ajo ndihmon në rritjen e kolesterolit të mirë (HDL) dhe uljen e atij të keq (LDL).

    Vaji i ullirit

    Vaji i ullirit, veçanërisht ai ekstra i virgjër, është plot me antioksidantë dhe yndyrna të pangopura, që ndihmojnë në ruajtjen e elasticitetit të enëve të gjakut dhe në uljen e kolesterolit.

    Fasulet dhe bishtajoret

    Të pasura me proteina bimore dhe fibra, ato ndihmojnë në mbajtjen e ndjenjës së ngopjes dhe përmirësojnë tretjen.

    Frutat (si mollët, dardhat dhe kumbullat)

    Të pasura me pektinë, një lloj tjetër i fibrave të tretshme, këto fruta ndihmojnë në pastrimin e trupit nga kolesteroli i tepërt.

    Arra dhe bajame

    Studimet tregojnë se një grusht arra apo bajame në ditë mund të përmirësojë shëndetin e zemrës, duke ulur kolesterolin dhe përmirësuar elasticitetin e arterieve.

    Çaji jeshil

    Ky çaj përmban antioksidantë që ndihmojnë në përmirësimin e metabolizmit dhe në kontrollin e kolesterolit.

    Reduktimi i ushqimeve të përpunuara, mishrave të yndyrshëm është po aq i rëndësishëm sa edhe shtimi i ushqimeve të mira në dietë.

    Konsultohuni gjithmonë me mjekun apo dietologun përpara se të bëni ndryshime të mëdha në dietë, veçanërisht nëse keni probleme shëndetësore ekzistuese.

  • Ushqimet që ndihmojnë në pastrimin e mëlçisë

    Ushqimet që ndihmojnë në pastrimin e mëlçisë

    Ne jetojmë në një botë ku sëmundjet janë vazhdimisht në rritje. Ky fenomen është për shkak të shumë faktorëve, siç janë mjedisi në të cilin jetojmë, ushqimet që konsumojmë dhe në përgjithësi stili i jetesës që kemi zgjedhur.
    Mëlçia është një nga organet më të rëndësishme që duhet të mbrohet. Burimi më i zakonshëm i dëmtimit të mëlçisë është përdorimi i alkoolit, por edhe yndyra e tepërt në dietën tonë mund ta dëmtojë atë. Për fat të mirë, zgjedhjet e mira ushqimore mund ta mbajnë mëlçinë të shëndetshme.
    Por pse është e rëndësishme mëlçia?

    Është gjëndra më e madhe në trup. Pa mëlçinë, askush nuk mund të mbijetojë. Kryen një numër funksionesh, të cilat janë shumë të rëndësishme për shëndetin.
    Detoksifikon gjakun, për të hequr qafe substancat e dëmshme (si toksinat, drogat, alkoolin)
    Ruan glikogjenin që trupi ta përdorë kur nivelet e sheqerit në trup bien nën normalen
    Prodhon tëmthin, një substancë e nevojshme për tretjen e yndyrnave
    Zbërthen hemoglobinën, si dhe insulinën dhe hormonet e tjera.
    Shkatërron qelizat e kuqe të gjakut të vjetra
    Mëlçia kryen shumë funksione jetësore, prandaj është shumë e ndjeshme ndaj sëmundjeve. Pra, për ta mbajtur mëlçinë tuaj të shëndetshme, mund të përfshini disa nga ushqimet e mëposhtme në dietën tuaj.
    Grejpfrut: Ky frut është i pasur me vitaminë C dhe antioksidantë, të cilët ndihmojnë në detoksifikimin e mëlçisë dhe rrisin procesin e saj natyror të pastrimit.
    Panxhar dhe karrota: Karotat janë të pasura me glutation, një proteinë që ndihmon në detoksifikimin e mëlçisë. Gjithashtu, të dy ushqimet janë të pasura me flavonoide dhe beta-karoten, të cilat ndihmojnë në stimulimin dhe përmirësimin e funksionit të përgjithshëm të mëlçisë.
    Arra: Arrat janë një burim i mirë i glutationit, acideve yndyrore omega-3 dhe aminoacidit argininë, i cili ndihmon në detoksifikimin e mëlçisë, veçanërisht nga amoniaku, një përbërës i dëmshëm për trupin.
    Hudhër: Ai përmban përbërës që aktivizojnë enzimat e mëlçisë, të cilat janë përgjegjëse për eliminimin e toksinave nga trupi. Gjithashtu përmban alicin dhe selen, dy lëndë ushqyese të fuqishme që ndihmojnë në procesin e detoksifikimit dhe mbrojnë mëlçinë nga toksinat.
    Çaj jeshil: Çaji jeshil është plot me antioksidantë, katekinat e njohura, të cilat ndihmojnë mëlçinë të funksionojë siç duhet. Përveç kësaj, kjo pije e njohur mbron mëlçinë nga akumulimi i toksinave, duke zvogëluar efektet e tyre të dëmshme.
    Shafran i Indisë: Shafrani i Indisë është erëza e preferuar e mëlçisë dhe ndihmon në përmirësimin e detoksifikimit. Gjithashtu rinovon qelizat dhe rrit prodhimin e tëmthit.
    Mollë: Ato janë të pasura me pektinë dhe kimikate të tjera të nevojshme për të pastruar dhe çliruar toksinat nga sistemi tretës.
    Manaferra: Boronicat ofrojnë përfitime të shumta, dhe kjo është veçanërisht e vërtetë kur bëhet fjalë për mëlçinë tuaj. Boronicat përmbajnë antioksidantë të quajtur antocianina, të cilët parandalojnë rritjen e qelizave kancerogjene në mëlçi. Studime të shumta mbi kafshët kanë treguar përfitime të mëtejshme. Tek minjtë, konsumi i rregullt i ekstraktit të boronicës rriti përgjigjen e qelizave imune dhe nivelet e enzimave antioksiduese, si dhe ngadalësoi rritjen e fibroideve, lezione në mëlçinë e tyre.

  • Ja ushqimet që luftojnë kolesterolin

    Ja ushqimet që luftojnë kolesterolin

    Kolesteroli i lartë është një problem i zakonshëm në ditët e sotme, i lidhur ngushtë me mënyrën tonë të të ushqyerit dhe stilin e jetesës.
    Fatmirësisht, ndryshimet në dietë mund të kenë një ndikim të drejtpërdrejtë në uljen e niveleve të kolesterolit të keq (LDL), duke përmirësuar ndjeshëm shëndetin e zemrës.
    Ja disa nga ushqimet që ekspertët rekomandojnë për të ndihmuar në uljen e kolesterolit:

    1.Tërshëra dhe drithërat e plota
    Tërshëra është e pasur me fibra të tretshme, të cilat ndihmojnë në largimin e kolesterolit nga gjaku. Një tas me bollgur në mëngjes është një fillim i shkëlqyer për ditën.
    2.Avokado
    Avokadoja është një burim i shkëlqyer i yndyrnave të shëndetshme. Ajo ndihmon në rritjen e kolesterolit të mirë (HDL) dhe uljen e atij të keq (LDL).
    3.Vaji i ullirit ekstra i virgjër
    Ky “ar i lëngshëm” mesdhetar është plot me antioksidantë dhe yndyrna të pangopura, që ndihmojnë në ruajtjen e elasticitetit të enëve të gjakut dhe në uljen e kolesterolit.
    4.Fasulet dhe bishtajoret
    Plot me proteina bimore dhe fibra, ato ndihmojnë në mbajtjen e ndjenjës së ngopjes dhe përmirësojnë tretjen, duke ndikuar pozitivisht në profilin lipidik të gjakut.
    5.Frutat me lëkurë (si mollët, dardhat dhe kumbullat)
    Të pasura me pektinë, një lloj tjetër i fibrave të tretshme, këto fruta ndihmojnë në pastrimin e trupit nga kolesteroli i tepërt.
    6.Arra dhe bajame
    Studimet tregojnë se një grusht arra apo bajame në ditë mund të përmirësojë shëndetin e zemrës, duke ulur kolesterolin dhe përmirësuar elasticitetin e arterieve.
    7.Çaji jeshil
    Kjo pije antike është e mbushur me antioksidantë që ndihmojnë në përmirësimin e metabolizmit dhe në kontrollin e kolesterolit.
    Reduktimi i ushqimeve të përpunuara, mishrave të yndyrshëm dhe yndyrnave trans është po aq i rëndësishëm sa edhe shtimi i ushqimeve të mira në dietë. Një dietë e shëndetshme nuk duhet të jetë e mërzitshme!
    Me zgjedhjet e duhura, mund të shijoni ushqimin dhe njëkohësisht të kujdeseni për zemrën tuaj. Konsultohuni gjithmonë me mjekun apo dietologun përpara se të bëni ndryshime të mëdha në dietë, veçanërisht nëse keni probleme shëndetësore ekzistuese.

  • Nga mollët te shega, ja frutat që ju mbrojnë dhe ndihmojnë në uljen e rrezikut nga sulmet në zemër

    Nga mollët te shega, ja frutat që ju mbrojnë dhe ndihmojnë në uljen e rrezikut nga sulmet në zemër

    Në një kohë kur ritmi i jetës është i shpejtë dhe stresi është pjesë e përditshmërisë, shëndeti i zemrës bëhet gjithnjë e më i rëndësishëm.

    Sipas ekspertëve të shëndetit dhe ushqyerjes, disa fruta janë të pasura me antioksidantë, fibra dhe lëndë ushqyese që ndikojnë drejtpërdrejt në uljen e rrezikut për sëmundje kardiovaskulare dhe sulme në zemër.

    Avokado
    Avokado është një burim i pasur i yndyrave të shëndetshme (të pangopura), të cilat ndihmojnë në uljen e kolesterolit të keq (LDL) dhe rritjen e kolesterolit të mirë (HDL). Për më tepër, përmban kalium, që ndihmon në mbajtjen e tensionit të gjakut në nivele të shëndetshme.

    Frutat e pyllit
    Boronicat, mjedrat dhe luleshtrydhet janë të mbushura me flavonoidë dhe vitamina që përmirësojnë funksionin e enëve të gjakut dhe ndihmojnë në reduktimin e inflamacionit – faktorë të rëndësishëm për uljen e rrezikut të infarktit.

    Mollët
    Mollët përmbajnë pektinë, një fibër që ndihmon në uljen e kolesterolit, dhe janë të pasura me polifenole, që ndikojnë pozitivisht në presionin e gjakut dhe në shëndetin e enëve të gjakut.

    Portokallet dhe agrumet
    Të pasura me vitaminë C, fibra dhe kalium, agrumet ndihmojnë në përmirësimin e qarkullimit të gjakut dhe në reduktimin e tensionit të lartë – një nga faktorët kryesorë të sulmeve në zemër.

    Shega
    Shega është e njohur për përmbajtjen e saj të lartë të antioksidantëve, sidomos polifenolëve, që ndihmojnë në pastrimin e enëve të gjakut dhe në përmirësimin e qarkullimit, duke ulur ndjeshëm rrezikun e sulmeve në zemër.

    Ekspertët këshillojnë se konsumi i përditshëm i frutave, sidomos në formën e tyre të freskët dhe jo në lëngje të përpunuara, është një nga mënyrat më të thjeshta dhe natyrale për të ruajtur shëndetin e zemrës.

    Një dietë e pasur me fruta, e kombinuar me aktivitet fizik dhe shmangien e duhanit, mund të bëjë ndryshim të madh në jetëgjatësinë dhe cilësinë e jetës.