Lajmidites.com

Tag: ndihma

  • Dhjetëra anije drejt Gazës për ndihma humanitare, Greta Thunberg e provon përsëri

    Dhjetëra anije drejt Gazës për ndihma humanitare, Greta Thunberg e provon përsëri

    Dhjetëra varka, aktivistë nga 44 vende dhe mijëra mbështetës në tokë që po organizojnë mobilizime.
    Afrohet nisja e Global Sumud Flotilla, misioni ndërkombëtar i shoqërisë civile që synon të arrijë në Rripin e Gazës për të dërguar ndihma humanitare dhe për të ushtruar presion mbi komunitetin ndërkombëtar.
    “Përballë një pasiviteti që zgjat prej më shumë se 20 muajsh, është shoqëria civile që po lëviz”, deklarojnë organizatorët.
    Nisjet edhe nga Italia
    Sipas planit, më 31 gusht, nëse lejon moti, pjesa e parë e flotës do të niset nga Spanja dhe Genova. Më 4 shtator do të nisen edhe anije të tjera nga Sicilia, Tunizia dhe Greqia, të gjitha me destinacion Gazën.
    Iniciativa nuk është pa rrezik. Edhe më parë, velierët Madleen dhe Handala janë ndaluar në ujëra ndërkombëtare, ekuipazhet e tyre janë arrestuar, mes tyre edhe aktivistja Greta Thunberg dhe eurodeputetja Rima Hassan, të cilat më pas u dëbuan me ndalim hyrjeje 100-vjeçar në Izrael.
    Greta Thunberg përsëri në bord
    Pavarësisht ndalimit, Greta Thunberg do të jetë sërish mes aktivistëve që do të nisen nga Barcelona, bashkë me Thiago Avila dhe Yasemin Acar.
    Organizatorët kujtojnë se emri i flotiljes, Sumud, që në arabisht përfaqëson rezistencën dhe qëndrueshmërinë, është simbol i misionit të tyre.
    Pjesëmarrje globale
    Flotilja ka marrë mbështetje edhe nga Azia Juglindore: Indonezia, Pakistani, Maldivet, Sri Lanka, Bangladeshi, Tajlanda dhe Filipinet kanë përgatitur delegacionet e tyre. Në bordin e anijeve do të jenë gjithashtu parlamentarë, gazetarë, juristë dhe mjekë.
    “Nuk jemi kërcënim, por frikësohemi nga dhuna”
    “Flotilja është paqësore dhe jo e dhunshme”, shpjegon përfaqësuesja italiane Maria Elena D’Elia. Anijet janë të vogla, me jo më shumë se dhjetë pasagjerë, për të shmangur çdo keqinterpretim.
    Megjithatë, organizatorët druajnë nga një reagim i ashpër i Izraelit, siç ka ndodhur edhe më parë. Kujtohet rasti i vitit 2010, kur komando izraelite sulmuan anijen turke Mavi Marmara, duke vrarë 10 aktivistë.
    Mobilizimi në Itali: 45 tonë ndihma
    Nga Genova është nisur një fushatë e madhe për mbledhjen e ushqimeve dhe barnave të emergjencës, me synimin për të mbushur velierët me të paktën 45 ton ndihma humanitare.
    “Jo vetëm do ta arrijmë, por do ta tejkalojmë këtë objektiv”, thonë organizatorët.

  • SYRI TV/ 6 anëtarë të një familje jetojnë në skamje, drama e familjes Cora në Labinot Fushë

    SYRI TV/ 6 anëtarë të një familje jetojnë në skamje, drama e familjes Cora në Labinot Fushë

    Gjashtë anëtarë të familjes Cora në Labinot-Fushë jetojnë në kushte të skajshme varfërie.
    Banesa e tyre është në gjendje të rëndë dhe rrezikon të shembet, ndërsa e vetmja e ardhur mujore për familjen është ndihma ekonomike prej vetëm 4500 lekësh.

    Kryefamiljari, Xhevahir Cora, thotë se është zhytur në borxhe për të kuruar nënën e sëmurë, ndërsa motra e tij 56-vjeçare, Fati Cora, e cila vuan nga nanizmi, tregon se prej një viti i është ndërprerë ndihma ekonomike nga shteti. Të dy apelojnë për ndihmë dhe kërkojnë ndërtimin e një banese të re për të shpëtuar nga kushtet çnjerëzore ku jetojnë.

    Kjo është thirrja e dëshpëruar e një familjeje që po përballet çdo ditë me mbijetesën. Xhevahiri kujdeset për dy fëmijët, bashkëshorten, nënën dhe motrën e sëmurë në një situatë që ai e përshkruan si të pashpresë.

    Pamjet nga banesa në fshatin Labinot-Fushë, në Elbasan, tregojnë më shumë se çdo fjalë. Shtëpia është në prag shembjeje: muret janë të mbuluara nga lagështira, tavani ka nisur të bjerë dhe dëmtimet strukturore e bëjnë të pasigurt edhe qëndrimin brenda saj.

    Pavarësisht gjendjes së rëndë, ndihma e vetme që merr familja është ndihma ekonomike minimale prej 4500 lekësh në muaj e pamjaftueshme për të mbuluar nevojat bazë.

    Situatën e vështirë e ka rënduar edhe më tej shteti, duke ndërprerë për arsye të paqarta ndihmën ekonomike të Fati Corës, motrës së Xhevahirit. Ajo tregon se prej një viti nuk ka marrë asnjë mbështetje financiare, ndonëse vuan nga probleme serioze shëndetësore dhe ka bërë disa herë ankesa në institucionet përkatëse.

    Deri më sot, bashkia e Elbasanit nuk ka ofruar asnjë formë ndihme për këtë familje, ndërsa kërkesat dhe ankesat e tyre duket se kanë rënë në vesh të shurdhët.

  • Një anije me qindra tonë ushqim niset drejt Gazës

    Një anije me qindra tonë ushqim niset drejt Gazës

    Pasi u nis nga Qiproja, një anije e mbushur me 1.200 tonë furnizime ushqimore për Rripin e Gazës i është afruar portit izraelit të Ashdodit të martën, si pjesë e përpjekjeve po vazhdojnë për të lehtësuar krizën ushqimore në territorin palestinez.

    Anija, e regjistruar në Panama, është ngarkuar me 52 kontejnerë me ushqime, sikurse pasta, oriz, ushqim për foshnja dhe ushqime të konservuara. Zyrtarët doganorë izraelitë kanë kontrolluar ndihmat në portin qipriot të Limasolit, prej ku anija nisi lundrimin të hënën.
    Rreth 700 tonë me ndihma vijnë nga Qiproja, që janë blerë me paratë e dhuruara nga Emiratet e Bashkuara Arabe përmes Fondit Amalthea, i krijuar vitin e kaluar që donatorët të ndihmojnë me ndihma detare. Pjesa tjetër e ndihmës vjen nga Italia, Qeveria e Maltës, një urdhër katolik fetar në Maltë, si dhe nga organizata joqeveritare nga Kuvajti, Asociacioni Al Salam.

    Vitin e kaluar, Qiproja dërgoi 22.000 tonë ndihma përmes anijeve për në Gazë. Ndihmat u dërguan përmes një porti të operuar nga organizata bamirëse World Central Kitchen dhe ushtria amerikane.
    Në fund të korrikut të vitit të kaluar, grupet e ndihmës u tërhoqën nga ky projekt, duke i dhënë fund këtij misioni për shkak të problemeve të vazhdueshme të sigurisë dhe kufizimeve se sa ndihma mund të dërgoheshin.
    Qiproja tha se misioni i fundit i ndihmës udhëhiqet nga Kombet e Bashkuara dhe sapo ndihma të arrijë në Ashdod, punëtorët e ndihmës të OKB-së do ta bartin ndihmën në kamionë dhe në depo apo stacione ushqimore që operohen nga World Central Kitchen.
    Përmes anijeve mund të dërgohen sasi më të mëdha të ndihmës në Gazë sesa ndihmat që hidhen nga ajri, siç kanë bërë disa shtete së fundi.
    Dërgesat e fundit të ndihmës vijnë një ditë pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – thanë se kanë pranuar një propozim të ri nga ndërmjetësit arabë për armëpushim. Deri më tani, Izraeli nuk e ka miratuar një propozim të tillë.
    Izraeli ka njoftuar për plane për të ripushtuar Qytetin e Gazës dhe zona të tjera të populluara pasi bisedimet për armëpushim u bllokuan muajin e kaluar – duke rritur shqetësimet për përkeqësimin e mundshëm të katastrofës humanitare në Gazë.
    Lufta nisi më 7 tetor 2023, pasi Hamasi sulmoi jugun e Izraelit duke vrarë afër 1.200 persona dhe duke rrëmbyer 251 të tjerë.
    Ofensiva izraelite ka vrarë më shumë se 62.000 palestinezë, sipas Ministrisë së Shëndetësisë në Gazën e kontrolluar nga Hamasi – shifra që OKB-ja i konsideron të besueshme./REL

  • Kriza e urisë, anija me qindra tonë ushqim niset drejt Gazës

    Kriza e urisë, anija me qindra tonë ushqim niset drejt Gazës

    Pasi u nis nga Qiproja, një anije e mbushur me 1.200 tonë furnizime ushqimore për Rripin e Gazës i është afruar portit izraelit të Ashdodit të martën, si pjesë e përpjekjeve po vazhdojnë për të lehtësuar krizën ushqimore në territorin palestinez.

    Anija, e regjistruar në Panama, është ngarkuar me 52 kontejnerë me ushqime, sikurse pasta, oriz, ushqim për foshnja dhe ushqime të konservuara. Zyrtarët doganorë izraelitë kanë kontrolluar ndihmat në portin qipriot të Limasolit, prej ku anija nisi lundrimin të hënën.
    Rreth 700 tonë me ndihma vijnë nga Qiproja, që janë blerë me paratë e dhuruara nga Emiratet e Bashkuara Arabe përmes Fondit Amalthea, i krijuar vitin e kaluar që donatorët të ndihmojnë me ndihma detare. Pjesa tjetër e ndihmës vjen nga Italia, Qeveria e Maltës, një urdhër katolik fetar në Maltë, si dhe nga organizata joqeveritare nga Kuvajti, Asociacioni Al Salam.
    Vitin e kaluar, Qiproja dërgoi 22.000 tonë ndihma përmes anijeve për në Gazë. Ndihmat u dërguan përmes një porti të operuar nga organizata bamirëse World Central Kitchen dhe ushtria amerikane.
    Në fund të korrikut të vitit të kaluar, grupet e ndihmës u tërhoqën nga ky projekt, duke i dhënë fund këtij misioni për shkak të problemeve të vazhdueshme të sigurisë dhe kufizimeve se sa ndihma mund të dërgoheshin.
    Qiproja tha se misioni i fundit i ndihmës udhëhiqet nga Kombet e Bashkuara dhe sapo ndihma të arrijë në Ashdod, punëtorët e ndihmës të OKB-së do ta bartin ndihmën në kamionë dhe në depo apo stacione ushqimore që operohen nga World Central Kitchen.
    Përmes anijeve mund të dërgohen sasi më të mëdha të ndihmës në Gazë sesa ndihmat që hidhen nga ajri, siç kanë bërë disa shtete së fundi.
    Dërgesat e fundit të ndihmës vijnë një ditë pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – thanë se kanë pranuar një propozim të ri nga ndërmjetësit arabë për armëpushim. Deri më tani, Izraeli nuk e ka miratuar një propozim të tillë.
    Izraeli ka njoftuar për plane për të ripushtuar Qytetin e Gazës dhe zona të tjera të populluara pasi bisedimet për armëpushim u bllokuan muajin e kaluar – duke rritur shqetësimet për përkeqësimin e mundshëm të katastrofës humanitare në Gazë.
    Lufta nisi më 7 tetor 2023, pasi Hamasi sulmoi jugun e Izraelit duke vrarë afër 1.200 persona dhe duke rrëmbyer 251 të tjerë.
    Ofensiva izraelite ka vrarë më shumë se 62.000 palestinezë, sipas Ministrisë së Shëndetësisë në Gazën e kontrolluar nga Hamasi – shifra që OKB-ja i konsideron të besueshme. /rel

    Top Channel

  • Të dhënat e OKB: Që nga muaji maj, mbi 1700 të vrarë teksa po prisnin për ndihma në Gazë!

    Të dhënat e OKB: Që nga muaji maj, mbi 1700 të vrarë teksa po prisnin për ndihma në Gazë!

    “Që nga 27 maji e deri më 13 gusht, ne kemi regjistruar të paktën 1.760 palestinezë të vrarë teksa po kërkonin të merrnin ndihma. Prej tyre, 994 u vranë në afërsi të qendrave të Fondacionit Humanitar për Gazën [GHF] dhe 766 përgjatë rrugëve ku kalojnë kamionët me ndihma. Shumica e këtyre vrasjeve u kryen nga ushtria izraelite”, tha zyra e agjencisë së OKB-së për territoret palestineze.
    Më 1 gusht, kjo zyrë kishte raportuar për 1373 të vrarë.
    Përditësimi i të dhënave vjen pasi agjencia për mbrojtje civile në Gazë tha se të paktën 23 persona u vranë nga Izraeli të premten, përfshirë 12 persona të cilët po prisnin për ndihma humanitare.
    Më herët gjatë javës, shefi i ushtrisë izraelite tha se janë miratuar planet për ofensivën e re në Gazë. Ofensiva ka për synim mposhtjen e Hamasit – grupit palestinez të shpallur organizatë terroriste nga SHBA-ja dhe BE-ja – dhe lirimin e pengjeve të mbetura.
    Ushtria izraelite synon të marrë nën kontroll Qytetin e Gazës dhe kampet e refugjatëve që gjenden në afërsi. Këto janë disa nga zonat më të populluara të Rripit të Gazës, që ka pësuar shkatërrime të mëdha gjatë 22 muajve luftë.
    Planet e qeverisë izraelite për të zgjeruar luftën kanë nxitur reagime të ashpra ndërkombëtare, si edhe kundërshtime në Izrael.
    Ekspertë të mbështetur nga OKB-ja kanë paralajmëruar për uri të thelluar në Gazë, ku Izraeli ka kufizuar ndjeshëm sasinë e ndihmës humanitare që lejon të hyjë në këtë territor.
    Një uri e përhapur që po zhvillohet në territor, ku Izraeli ka kufizuar ndjeshëm sasinë e ndihmës humanitare që lejon të hyjë. Lufta nisi më 7 tetor 2023, pasi Hamasi sulmoi jugun e Izraelit duke vrarë afër 1.200 persona dhe duke rrëmbyer 251 të tjerë.
    Ofensiva izraelite ka vrarë më shumë se 61.000 palestinezë, sipas Ministrisë së Shëndetësisë në Gazën e kontrolluar nga Hamasi – shifra që OKB-ja i konsideron të besueshme. /REL/

  • OKB: Që nga maji, mbi 1.700 të vrarë teksa po prisnin për ndihma në Gazë

    OKB: Që nga maji, mbi 1.700 të vrarë teksa po prisnin për ndihma në Gazë

    Zyra për të Drejtat e Njeriut e Kombeve të Bashkuara tha të premten se të paktën 1.760 palestinezë janë vrarë teksa po kërkonin që të merrnin ndihma humanitare në Rripin e Gazës që prej fundit të majit.

    “Që nga 27 maji e deri më 13 gusht, ne kemi regjistruar të paktën 1.760 palestinezë të vrarë teksa po kërkonin të merrnin ndihma. Prej tyre, 994 u vranë në afërsi të qendrave të Fondacionit Humanitar për Gazën [GHF] dhe 766 përgjatë rrugëve ku kalojnë kamionët me ndihma. Shumica e këtyre vrasjeve u kryen nga ushtria izraelite”, tha zyra e agjencisë së OKB-së për territoret palestineze.

    Më 1 gusht, kjo zyrë kishte raportuar për 1.373 të vrarë.

    Përditësimi i të dhënave vjen pasi agjencia për mbrojtje civile në Gazë tha se të paktën 23 persona u vranë nga Izraeli të premten, përfshirë 12 persona të cilët po prisnin për ndihma humanitare.

    Më herët gjatë javës, shefi i ushtrisë izraelite tha se janë miratuar planet për ofensivën e re në Gazë. Ofensiva ka për synim mposhtjen e Hamasit – grupit palestinez të shpallur organizatë terroriste nga SHBA-ja dhe BE-ja – dhe lirimin e pengjeve të mbetura.

    Ushtria izraelite synon të marrë nën kontroll Qytetin e Gazës dhe kampet e refugjatëve që gjenden në afërsi. Këto janë disa nga zonat më të populluara të Rripit të Gazës, që ka pësuar shkatërrime të mëdha gjatë 22 muajve luftë.

    Planet e qeverisë izraelite për të zgjeruar luftën kanë nxitur reagime të ashpra ndërkombëtare, si edhe kundërshtime në Izrael.

    Ekspertë të mbështetur nga OKB-ja kanë paralajmëruar për uri të thelluar në Gazë, ku Izraeli ka kufizuar ndjeshëm sasinë e ndihmës humanitare që lejon të hyjë në këtë territor.

    një uri të përhapur që po zhvillohet në territor, ku Izraeli ka kufizuar ndjeshëm sasinë e ndihmës humanitare që lejon të hyjë.

    Lufta nisi më 7 tetor 2023, pasi Hamasi sulmoi jugun e Izraelit duke vrarë afër 1.200 persona dhe duke rrëmbyer 251 të tjerë.

    Ofensiva izraelite ka vrarë më shumë se 61.000 palestinezë, sipas Ministrisë së Shëndetësisë në Gazën e kontrolluar nga Hamasi – shifra që OKB-ja i konsideron të besueshme./ REL/ 

  • Izraeli nuk ndal sulmet! Të paktën 34 të vrarë në Gaza, mes tyre edhe palestinezët që prisnin ndihma ushqimore

    Izraeli nuk ndal sulmet! Të paktën 34 të vrarë në Gaza, mes tyre edhe palestinezët që prisnin ndihma ushqimore

    Agjencia e mbrojtjes civile e Gazës tha se të paktën 34 persona u vranë të shtunën, përfshirë edhe ata që prisnin të merrnin ndihma.

    Mijëra palestinezë mblidhen çdo ditë pranë pikave të shpërndarjes së ushqimit në Gaza, përfshirë katër të menaxhuara nga Fondacioni Humanitar i Gazës i mbështetur nga SHBA-të dhe Izraeli. Që nga nisja në fund të majit, operacionet e saj janë shoqëruar me raportime pothuajse të përditshme se forcat izraelite qëllojnë mbi ata që presin të marrin ndihma.
    Kufizimet izraelite për hyrjen e furnizimeve në Gaza që nga fillimi i luftës gati dy vjet më parë kanë çuar në mungesë të ushqimit dhe produkteve thelbësore, duke përfshirë ilaçet dhe karburantin, të cilat spitalet i kërkojnë për të furnizuar me energji gjeneratorët e tyre.
    Kryeministri Benjamin Netanyahu përballet me presion në rritje për të rënë dakord për një armëpushim për të shmangur një katastrofë humanitare për mbi dy milionë banorë të territorit.
    Të premten në mëngjes, kabineti izraelit i sigurisë miratoi planet për një operacion të madh për të ndërhyrë në Gaza, duke shkaktuar një valë zemërimi në të gjithë globin. Në një postim në mediat sociale të premten vonë, Netanjahu tha se “nuk do të pushtojë Gazën – por do ta çlirojë nga Hamasi

    Top Channel

  • Mbrojtja Civile e Gazës ngre alarmin: Civilët po lëndohen dhe po humbin jetën nga pakot e ndihmës që hidhen nga ajri

    Mbrojtja Civile e Gazës ngre alarmin: Civilët po lëndohen dhe po humbin jetën nga pakot e ndihmës që hidhen nga ajri

    Mbrojtja Civile në Rripin e Gazës paralajmëroi sot për “rreziqe në rritje” të lëndimeve dhe vdekjeve midis civilëve nga dërgesat e ndihmave që hidhen nga ajri në enklavën palestineze.

    “Sot, Karam al-Kahlut, 19 vjeç, u plagos rëndë nga rënia e një kutie me ndihma në rrugën Al-Jalaa, në pjesën perëndimore të qytetit të Gazës”, tha zëdhënësi i Mbrojtjes Civile, Mahmoud Bashal për Agjencinë Franceze të Lajmeve.
    “Këto hedhje ndihmash nga ajri përbëjnë një rrezik shumë të lartë për jetën e civilëve. Lëndime dhe vdekje të shkaktuara nga pakot e rënda që bien mbi kokat e njerëzve në zonat me popullsi të dendur regjistrohen çdo ditë”, theksoi ai.
    “Për më tepër, grumbullimi i qindra njerëzve në zonat ku hidhet ndihma shpesh çon në lëndime dhe në disa raste vdekje për shkak të shkeljes ose rënies”, shtoi Bassal, i cili u bën thirrje donatorëve ndërkombëtarë dhe organizatave humanitare të miratojnë metoda të sigurta dhe të organizuara për shpërndarjen e ndihmës, përmes kalimeve tokësore dhe me koordinim në terren.
    Pas 22 muajsh të një lufte shkatërruese, e cila filloi më 7 tetor 2023 me sulmin e përgjakshëm të Hamasit në territorin izraelit nga Gaza, enklava e vogël palestineze kërcënohet nga një “uri e përgjithshme”, sipas OKB-së dhe është plotësisht e varur nga ndihma humanitare, e cila shpërndahet në sasi të pamjaftueshme, sipas anëtarëve të organizatave humanitare.
    Sot, ushtria izraelite njoftoi, se Jordania, Gjermania, Franca, Belgjika, Holanda dhe Emiratet e Bashkuara Arabe hodhën nga ajri 67 ton ndihmë humanitare në Gaza.

    Top Channel

  • E rëndë në Gaza, kamioni me ndihma ushqimore përmbyset mbi turmën e njerëzve! Të paktën 20 viktima, shkaqet ende enigmë

    E rëndë në Gaza, kamioni me ndihma ushqimore përmbyset mbi turmën e njerëzve! Të paktën 20 viktima, shkaqet ende enigmë

    Të paktën 20 palestinezë kanë humbur jetën dhe dhjetëra të tjerë janë plagosur pasi katër kamionë që transportonin ndihma ushqimore u përmbysën në Rripin e Gazës, sipas agjencisë së mbrojtjes civile të drejtuar nga Hamasi.

    Sipas një deklarate të zyrës së medias qeveritare në Gaza, një nga kamionët u përmbys mbi një turmë njerëzish në pjesën qendrore të rajonit, duke shkaktuar viktima të shumta. Ngjarja ndodhi teksa qytetarët po përpiqeshin të siguronin ushqime dhe mallra të tjera të domosdoshme.
    Agjencia e mbrojtjes civile raportoi më vonë se gjithsej katër kamionë tregtarë u përmbysën, me shkakun e mundshëm të rrugëve të dëmtuara dhe të rrezikshme në zonë.
    Sipas një shoqate lokale transporti, 26 kamionë po transportonin mallra për tregtarët e Gazës, pasi Izraeli kishte rënë dakord të lejonte për herë të parë pas disa muajsh importet private në territorin e rrethuar.
    Ndërkohë, BBC Verify po shqyrton një video që supozohet se tregon pasojat e incidentit, për të konfirmuar detaje të mëtejshme.
    Ushtria izraelite ka deklaruar se po shqyrton raportet dhe BBC ka kërkuar koment nga Cogat, organi ushtarak izraelit që mbikëqyr hyrjen e ndihmave në Gaza.
    Kujtojmë se qeveria izraelite nuk lejon organizatat ndërkombëtare të lajmeve, përfshirë BBC-në, të raportojnë lirshëm nga brenda Gazës, gjë që vështirëson verifikimin e pavarur të informacionit.

    Top Channel

  • Përmbyset kamioni me ndihma në Gaza, 20 të vdekur dhe dhjetëra të plagosur

    Përmbyset kamioni me ndihma në Gaza, 20 të vdekur dhe dhjetëra të plagosur

    Të paktën 20 persona kanë humbur jetën dhe dhjetëra të tjerë janë plagosur në Gazën qendrore, pasi një kamion që transportonte ndihma humanitare u përmbys mbi një turmë civilësh që prisnin për ushqime.

    Ngjarja ndodhi pranë kampit të refugjatëve Nuseirat, në një nga zonat më të goditura nga lufta mes Izraelit dhe Hamasit.

    Sipas një deklarate nga Agjencia e Mbrojtjes Civile të Gazës, e cila vepron nën administrimin e Hamasit, incidenti ndodhi rreth mesnatës, në një rrugë të dëmtuar rëndë nga bombardimet izraelite, ku qindra civilë të uritur po prisnin ndihmat.

    “Njëzet persona u vranë dhe dhjetëra u plagosën rreth mesnatës… ndërsa qindra civilë po prisnin ndihmë,” – deklaroi zëdhënësi i agjencisë, Mahmoud Bassal.

    Shoferët e kamionëve kanë deklaruar se shpërndarja e ndihmave është bërë gjithnjë e më e rrezikshme.

    Hamasi ka akuzuar Izraelin se i detyron kamionët të ndjekin rrugë të pasigurta për të arritur në qendrat e shpërndarjes, ndërsa civilët kanë pritur me javë për nevojat më bazike.

    Ndërkohë, përpjekjet për ndërmjetësim mes Izraelit dhe Hamasit kanë dështuar javën e kaluar, pavarësisht presionit të shtuar ndërkombëtar për një armëpushim që do të lehtësonte krizën humanitare në enklavën e rrethuar palestineze.