Lajmidites.com

Tag: ndërtimin

  • Hekurudha Tiranë-Rinas-Durrës, zëvendëskryeministrja Balluku inspekton punimet për ndërtimin e stacioneve

    Hekurudha Tiranë-Rinas-Durrës, zëvendëskryeministrja Balluku inspekton punimet për ndërtimin e stacioneve

    Zëvendëskryeministrja Balluku, njëherësh dhe ministre e Infrastrukturës ka inspektuar punimet në ndërtimin e hekurudhës.
    Puna për ndërtimin e linjës hekurudhore Tiranë-Rinas-Durrës vijon me ritëm të avancuar për të pasur një projekt të përfunduar me kushte bashkëkohore. Risia do të jetë se do krijojë lidhjen e aeroportit me Stacionin e Trenit.

    Projekti në Stacionin e Trenit në kryeqytet parashikon një ndërtesë qendrore me peronët nëntokë, katin zero që do të jetë zonë komerciale dhe kati i dytë dhe i tretë ku do të zhvendosen zyrat e Hekurudhës Shqiptare.

  • Blushi i PL: Edi Rama është kryepiromani i Shqipërisë, zjarret të qëllimshme për t’i hapur rrugë krijimit të…

    Blushi i PL: Edi Rama është kryepiromani i Shqipërisë, zjarret të qëllimshme për t’i hapur rrugë krijimit të…

    Sekretari i Përgjithshëm i Partisë së Lirisë, Tedi Blushi, ka akuzuar dje kryeministrin Edi Rama si fajtor të zjarreve në vend. Në një deklaratë për mediat nga selia e partisë, Blushi e konsideroi Ramën si “kryepiromanin e Shqipërisë”. “Edi Rama, arkitekti i shkatërrimit barbar, urban dhe mjedisor të Shqipërisë, është kryepiromani, nxitësi i vetëm dhe kryesor i flakëve, që prej javësh po djegin vendin cep më cep. Fillimisht, si Kryetar i Bashkisë së Tiranës, Edi Rama inkurajoi prishjen nëpërmjet djegies me zjarr të shtëpive të vjetra tiranase, për t’i hapur rrugën betonizimit të kryeqytetit nëpërmjet një vale ndërtimesh kaotike kullash dhe pallatesh shumëkatëshe, që po e përvëlojnë, kanë shkatërruar çdo hapësirë të gjelbër e publike, i kanë marrë frymën dhe i kanë ndryshuar përfundimisht fizionominë historike këtij qyteti.
    Më pas, si Kryeministër, ky model i piromanisë institucionale u zgjerua në nivel kombëtar, me shkatërrimin sistematik të pyjeve dhe kullotave, që digjeshin nga organizatat kriminale me lejen e Edi Ramës për t’u shndërruar në parcela për kultivimin e hashashit, në funksion të strategjisë shtetërore të “Rilindjes” për kanabizimin e plotë të vendit”. Sipas Tedi Blushit, zjarret në vend janë të qëllimshëm për të krijuar hapësirat e nevojshme për ndërtimin e resorteve. Madje sipas tij, kjo do të shërbejë edhe për krijimin e parcelave të reja të kanabisit.
    “Shqipëria po digjet jo vetëm për të krijuar terrenin e favorshëm për ndërtimin e resorteve, hapjen e parcelave të reja të kanabisit si shpërblim për bandat elektorale me të cilat vrau zgjedhjet më 11 Maj, por raportime të besueshme nga komunitetet në terren bëjnë me dije se veçanërisht në zonat që shohin nga deti dhe ku ka diell më shumë se gjysmën e vitit, po krijohen terrenet e favorshme, për një tjetër biznes fitimprurës, sigurisht për oligarkët dhe klientët strategjikë të qeverisë, ndërtimin e parqeve fotovoltaike. Piromani i vërtetë i Shqipërisë është Edi Rama, sepse ai e ka ngritur djegien, shkatërrimin urban dhe mjedisor dhe mashtrimin në një sistem qeverisës”, deklaroi dje Blushi ndër të tjera. Sekretari i Përgjithshëm i PL duket se është në një linjë me shefin e tij, Ilir Meta, i cili dy ditë më parë nga qelia e paraburgimit, përmes një statusi në “Facebook” aludoi se zjarri në Syrin e Kaltër në Delvinë ishte për t’i hapur rrugë betonizimit.

  • Elon Musk humb një tjetër bashkëpunëtor, jep dorëheqjen bashkëthemeluesi i xAI

    Elon Musk humb një tjetër bashkëpunëtor, jep dorëheqjen bashkëthemeluesi i xAI

    Igor Babuschkin, një nga bashkëthemeluesit e kompanisë së Elon Musk, xAI, ka njoftuar largimin e tij prej saj përmes një postimi në X. Babuschkin udhëhiqte ekipet e inxhinierisë në xAI dhe ndihmoi në ndërtimin e një prej zhvilluesve të modeleve të Inteligjencës Artificiale, pak vite pas themelimit.
    “Sot ishte dita ime e fundit në xAI, kompania në të cilën ndihmova të ngrihej në vitin 2023 me Elon Musk. E kujtoj ende ditën kur takova Elon për herë të parë, folëm për orë të tëra mbi IA dhe çfarë mund të sjellë e ardhmja. Të dy ndiemë se nevojitej një kompani e re IA me një tjetër lloj misioni.”
    Babuschkin tha se arsyeja e largimit është themelimi i kompanisë së tij, Babuschkin Ventures që do të mbështesë kërkimet e sigurisë në IA dhe të mbështesë startup-e që “përparojnë njerëzimin dhe zbërthejnë misteret e universit.”
    Ai përshkruan disa nga sfidat me të cilat u përball bashkë me Musk në ndërtimin e xAI. Ai thekson se veteranët e industrisë e quajtën “të pamundur” synimin e xAI për të ndërtuar brenda tre muajsh superkompjuterin në Memfis, Tenesi.
    Largimi i Babuschkin vjen në një periudhë pak të trazuar për xAI pasi kompania është ëprfshirë në disa skandale lidhur me chatbot-in Grok.
    Megjithatë, ai shton se ndihet krenar për këtë periudhë të kaluar në kompani duke thënë:
    “Mësova dy leksione të paçmueshme nga Elon: 1. Mos ki frikë të përveshësh mëngët që t’u hysh vetë problemeve teknike, 2. Ki një sens maniak emergjence”, tha ai.
    Kujtojmë që në korrik, edhe CEO e platformës X, Linda Yaccarino dha dorëheqjen.

  • Balluku inspekton punimet për ndërtimin e aksit Berat-Ballaban: I aksesueshëm brenda këtij viti!

    Balluku inspekton punimet për ndërtimin e aksit Berat-Ballaban: I aksesueshëm brenda këtij viti!

    Punimet për ndërtimin e aksit rrugor Berat-Ballaban kanë avancuar ndjeshëm. Është hapur traseja në të gjithë gjatësinë e rrugës dhe po punohet paralelisht për ndërtimin e murevembajtës si dhe ndërtimin e shtresave. Ndërkohë, ka nisur edhe hedhja e binderit në kilometrat e parë të kësaj vepre.

    Zëvendëskryeministrja, njëherësh Ministër i Infrastrukturës dhe Energjisë, Belinda Balluku, së bashku me Ministren e Turizmit dhe Mjedisit, Mirela Kumbaro,  drejtori i Autoritetit Rrugor Shqiptar, Gentian Gjyli dhe kryetari i Bashkisë Këlcyrë, Klement Ndoni ndoqën nga afër ecurinë e punimeve për ndërtimin e këtij aksi në zonën e bashkisë së Këlcyrës.
    Drejtori Gjyli sqaroi se janë realizuar më shumë se 50% e punimeve fizike, duke shtuar se synimi është që brenda këtij viti aksi të jetë i aksesueshëm për automjetet.

    Impakti i kësaj vepre në të gjithë zonën ka nisur që me fillimin e punimeve, ku shumë prej banorëve kanë investuar në ngritjen e bujtinave të para, ndërsa përfundimi i aksit pritet t’i japë një zhvillim të gjithë zonës.
    “Kur ende nuk ishte hapur traseja në zonë kanë filluar iniciativat e para të turizmit. Unë nuk e shikoj vetëm si një aks të rëndësishëm për banorët e zonës, padyshim për zonën e Ballabanit, por është shumë e rëndësishme për të gjithë aksin Leskovik-Përmet-Këlcyrë-Memaliaj që e lidh me Beratin përsa i përket turizimit”, tha Kumbaro.
    Zëvendëskryeministrja Balluku theksoi se ky projekti cili prek dy qarqe dhe disa bashki, jo vetëm do të shkurtojë kohën dhe distancën e udhëtimit, por do të ketë një ndikim në të gjithë zonën me potenciale të mëdha bujqësore dhe turistike.
    “Projekti ka nisur për të rritur kualitetin e jetës së banorëve të zonës, për të rritur volumet e shkëmbimeve bujqësore, për të lehtësuar fëmijët që shkojnë në shkolla, shkëmbimet midis fshatrave ku rruga kalon, pasi kjo është një rrugë që kalon në tre krahina të rëndësishme, siç është Përmeti, Skrapari dhe Berati. Ndërkohë që ne projektonim, ndërkohë që u bë procedura, u hap kantieri, ndërkohë që ne jemi duke ndërtuar rrugën ka përparuar shumë iniciativa individuale e banorëve të zonës për të bërë agroturizëm”, nënvizoi Balluku.
    Ministrja e Infrastrukturës dhe Energjisë, referuar ecurisë së punimeve, tha se është e rëndësishme që kantieri të përfundojë brenda muajit tetor, ndërkohë që duke nisur nga viti i ardhshëm kjo rrugë do të jetë një arterie e rëndësishme për turizmin.
    “Do ishte mirë që brenda muajit tetor ta mbyllnim të gjithë kantierin, megjithëse këtu duket që puna po shkon drejt fundit përsa i përket të gjithë volumeve parësore që janë gërmimet, shtrati i rrugës apo skarpatet, kështu që deri në fund të tetorit nëse e dorëzojmë, sezoni ardhshëm veror do t’ju gjejë me një rrugë totalisht të re”, theksoi Balluku.
    Aksi rrugor Berat-Ballaban nis në dalje të qytetit të Beratit dhe përfundon në fshatin pranë urës së Ballabanit.
    /vizionplus.tv

  • Italia do të ndërtojë urën për në Siçili

    Italia do të ndërtojë urën për në Siçili

    Foto ilustruese

    ITALI- Ura për në Sicili është projekti i zemrës për ministrin e Komunikacionit Matteo Salvini. Ndërtimi i urës do të hyjë në histori. Salvini bashkë me kryeministren Giorgia Meloni e ka shpallur këtë si një projekt prestigji. Që nga fillimi i qeverisjes së tyre ata kanë miratuar hap pas hapi pjesë të ndryshme të projektit. Së fundi u dha drita e gjelbër edhe nga forumi, që miraton në Itali paratë për projekte të mëdha kombëtare. Kësisoj projekti i urës është më pranë konkretizimit se kurrë më parë.
    “Ura do të jetë një përshpejtuese e zhvillimit. Ajo do të zgjidhë një pjesë të problemeve në jug të Italisë”, premtoi Salvini. Ura do të krijojë vende pune, do të afrojë në rajon inxhinierë të mirë dhe do të thjeshtojë transportin e rajonit. Për të gjitha këto kanë nevojë rajonet e Sicilisë dhe Kalabrisë, që do të lidhen përmes urës. Këto rajone janë të prekura nga papunësia dhe infrastruktura e dobët.
    Kantjer ndërtimi në një zonë sizmike
    Gino Sturniolo nga Mesina në Sicili nuk beson, që prej urës gjendja do të bëhet më mirë në rajonin e tij. Paratë për që do të shpenzohen për urën, rajoni mund t’i përdorte më mira për gjëra të tjera.
    “Ne ndonjëherë kemi në shtëpi vetëm për disa orë ujë, sepse linjat e ujësjellësit janë në gjendje të keqe. Paratë do të ishte më mirë të shpenzoheshin për nevoja thelbësore si furnizimi me ujë.”
    Struniolo angazhohet në nismën qytetare “No Ponte” (jo urë). Kritikët gjithashtu qysh në krye të herës kanë ngritur problemin e pozëitës gjeografike, pasi kjo është një zonë me aktivitet të lartë sizmik. Gjithashtu ngrihen shqetësime për cënimin e sistemit ekologjik në ngushticën e Mesinës. Po ashtu shtrohet edhe problemi i investimit të parave në projekte të tjera më të nevojshme për rajonin.
    Konkurim ideshë urën e Mesinës qysh më 1969
    Diskutimi për ndërtimin e urës për në Sicili ka nisur dekadamë parë. Më 1969, përpara më shumë se 50 vjetësh, është hapur konkursi i ideve për një projket të tillë. Kryesisht Silvio Berlusconi ka pas ndërmarrë disa nisma për realizimin eurës. Por asnjëherë nuk u arrit kjo, sepse qeveritë pasuese vazhdimisht e ndalonin ndërtimin e urës.
    Nisma qytetare “No Ponte” ka edhe një tjetër shqetësim, drojën se rajoni do të shndërrohet në një kantjer gjigant ndërtimi që mund të zgjasë me dekada. E në fund shuma të mëdha parashë publike do të shpenzohen pa e prekur konkretisht rezultatin, thotë, Struniolo
    Kostot e parashikuara 13,5 miliardë euro gjithsej
    Por sipas ministrit të Komunikacionit Salvini, kjo nuk do të ndodhë. Qeveria lë të kuptohet, se ka mjaft para për ndërtimin e urës. Duke e shpallur urën si relevante për mbrojtjen synohet që projekti për ndërtimin e saj të klasifikohet si projekt strategjik infrastrukture me rëndësi për NATO-n. Në këtë mënyrë shtohen mundësitë për financimin. Ndërtimi i urës është parashikuar të ketë një kosto të përgjithshme rreth 13,5 miliardë euro. Gjashtë korsi autostradë janë planifikuar mbi të si dhe dy linja hekurudhore.
    Ministri Salvini është i sigurt që punimet e ndërtimit mund të fillojnë qysh këtë vjeshtë n shtator ose tetor. Kundërshtarët e urës kanë planifikuar një demonstratë të re në fundjavë në Mesina./DW

  • Italia do të ndërtojë urën për në Sicili 13.5 miliardë euro

    Italia do të ndërtojë urën për në Sicili 13.5 miliardë euro

    Një urë për në Sicili e ëndërrojnë prej dekadash politikanët iatalinë. Ministri i Komunikacionit Matteo Salvini deklaroi, se është dhënë leja për ndërtimin e urës. Kritikët druajnë për një kantjer ndërtimi pa fund.
    Ura për në Sicili është projekti i zemrës për ministrin e Komunikacionit Matteo Salvini. Ndërtimi i urës do të hyjë në histori, deklaroi ai (06.08.2025). Salvini bashkë me kryeministren Giorgia Meloni e ka shpallur këtë si një projekt prestigji. Që nga fillimi i qeverisjes së tyre ata kanë miratuar hap pas hapi pjesë të ndryshme të projektit. Së fundi u dha drita e gjelbër edhe nga forumi, që miraton në Itali paratë për projekte të mëdha kombëtare. Kësisoj projekti i urës është më pranë konkretizimit se kurrë më parë. “Ura do të jetë një përshpejtuese e zhvillimit. Ajo do të zgjidhë një pjesë të problemeve në jug të Italisë”, premtoi Salvini. Ura do të krijojë vende pune, do të afrojë në rajon inxhinierë të mirë dhe do të thjeshtojë transportin e rajonit. Për të gjitha këto kanë nevojë rajonet e Sicilisë dhe Kalabrisë, që do të lidhen përmes urës. Këto rajone janë të prekura nga papunësia dhe infrastruktura e dobët.

    Kantjer ndërtimi në një zonë sizmike

    Gino Sturniolo nga Mesina në Sicili nuk beson, që prej urës gjendja do të bëhet më mirë në rajonin e tij. Paratë për që do të shpenzohen për urën, rajoni mund t’i përdorte më mira për gjëra të tjera. “Ne ndonjëherë kemi në shtëpi vetëm për disa orë ujë, sepse linjat e ujësjellësit janë në gjendje të keqe. Paratë do të ishte më mirë të shpenzoheshin për nevoja thelbësore si furnizimi me ujë.”
    Struniolo angazhohet në nismën qytetare “No Ponte” (jo urë). Kritikët gjithashtu qysh në krye të herës kanë ngritur problemin e pozëitës gjeografike, pasi kjo është një zonë me aktivitet të lartë sizmik. Gjithashtu ngrihen shqetësime për cënimin e sistemit ekologjik në ngushticën e Mesinës. Po ashtu shtrohet edhe problemi i investimit të parave në projekte të tjera më të nevojshme për rajonin.
    Konkurim ideshë urën e Mesinës qysh më 1969
    Diskutimi për ndërtimin e urës për në Sicili ka nisur dekadamë parë. Më 1969, përpara më shumë se 50 vjetësh, është hapur konkursi i ideve për një projket të tillë. Kryesisht Silvio Berlusconi ka pas ndërmarrë disa nisma për realizimin eurës. Por asnjëherë nuk u arrit kjo, sepse qeveritë pasuese vazhdimisht e ndalonin ndërtimin e urës.
    Nisma qytetare “No Ponte” ka edhe një tjetër shqetësim, drojën se rajoni do të shndërrohet në një kantjer gjigant ndërtimi që mund të zgjasë me dekada. E në fund shuma të mëdha parashë publike do të shpenzohen pa e prekur konkretisht rezultatin, thotë, Struniolo
    Kostot e parashikuara 13,5 miliardë euro gjithsej
    Por sipas ministrit të Komunikacionit Salvini, kjo nuk do të ndodhë. Qeveria lë të kuptohet, se ka mjaft para për ndërtimin e urës. Duke e shpallur urën si relevante për mbrojtjen synohet që projekti për ndërtimin e saj të klasifikohet si projekt strategjik infrastrukture me rëndësi për NATO-n. Në këtë mënyrë shtohen mundësitë për financimin. Ndërtimi i urës është parashikuar të ketë një kosto të përgjithshme rreth 13,5 miliardë euro. Gjashtë korsi autostradë janë planifikuar mbi të si dhe dy linja hekurudhore.
    Ministri Salvini është i sigurt që punimet e ndërtimit mund të fillojnë qysh këtë vjeshtë n shtator ose tetor. Kundërshtarët e urës  kanë planifikuar një demonstratë të re në fundjavë në Mesina.
     

  • Kontesha Carnavon, kishte mbledhur fonde për zhdukjen e malarjes, ndërtimin e shkollave, spitaleve, bibliotekave dhe shtëpive në Shqipëri..

    Kontesha Carnavon, kishte mbledhur fonde për zhdukjen e malarjes, ndërtimin e shkollave, spitaleve, bibliotekave dhe shtëpive në Shqipëri..

    Daut Dauti

    Betty Lindsay (1897-1953)Kontesha Carnavon, duke e përmbushur amanetin e birit të saj, Aubrey Herbert, kishte mbledhur fonde dhe një ekip ekspertësh britanikë që do të angazhoheshin në Shqipëri për zhdukjen e malarjes, ndërtimin e shkollave, spitaleve, bibliotekave dhe shtëpive. Në vitin 1926, ftesës së konteshës Carnavon për të bërë punë vullnetare në Shqipëri, në mes tjerëve, iu përgjigjën edhe pesë gra: dy mjeke, një infermiere, një shofere dhe një inxhinjere. Inxhinjerja është quajtuar Betty Lindsey dhe ishte ndër gratë e para të këtj profesioni në Britani. Betty punoi në Shqipëri deri në vitin 1939 kur vendin e okupoi Italia.Betty ka qenë e angazhuar në ndërtimin e kanaleve për tharjen e moqaleve dhe në programin e zhdukjes së mushkojnave që e shkaktonin malarjen, një sëmundje serioze që i kërcënohej banorëve bregdetarë të Shqipërisë së mesme. Një kohë ajo punoi edhe me Frdedrick Knipe dhe Dr. Lewis Hacket, që të dy malarialogjistë të njohur. Në foto Betty shihet mes këtyre dy shkencëtarëve diku në Shqipëri.Gjatë Luftës së Dytë Botërore ajo punoi në ministrinë britanike të luftës si përkthyese e gjuhës shqipe dhe spanjolishte. Betty, poashtu, mbahet mend për përshtypjet e saja të mira ndaj Shqipërisë për të cilën gjë u fliste shpesh njerëzve në Britani.

  • FOTO / Arabia Saudite nis ndërtimin e aeroportit më të madh në botë, do hapet në 2030

    FOTO / Arabia Saudite nis ndërtimin e aeroportit më të madh në botë, do hapet në 2030

    Arabia Saudite ka nisur ndërtimin e Aeroportit Ndërkombëtar të Mbretit Salman, i cili pritet të jetë më i madhi në botë dhe të hapet në vitin 2030. Ai do të shtrihet në një sipërfaqe prej 57 kilometra katrorë e barabartë me madhësinë e 14,000 fushave futbolli, dhe do të ndërtohet rreth Aeroportit aktual King Khalid në Riad.
    Aeroporti i ri do të ketë gjashtë pista fluturimi, hapësira moderne për pushim dhe argëtim, si dhe 12 kilometra katrorë të dedikuara për qendra tregtare. Kapaciteti do të jetë 120 milionë pasagjerë në vit deri në 2030 dhe 185 milionë deri në vitin 2050.

    Me hapjen e tij, numri i ngritjeve dhe uljeve të avionëve në vend do të rritet nga 211 mijë në mbi një milion në vit. Kostoja e projektit vlerësohet në 30 miliardë dollarë.
    Aeroporti do të ofrojë ambiente të brendshme dhe të jashtme me shumë gjelbërim, dritare gjigante panoramike për të parë avionët, një qytet argëtimi, një park ujor gjigant me makina zhytëse dhe katër atraksione madhore, përfshirë trenin më të lartë ujor në botë.

    Në janar 2025, përfundoi edhe riparimi i terminalit të Aeroportit King Khalid, duke e çuar projektin një hap më pranë realizimit.

  • SYRI TV/ Divjakë, Rama ndërton urën që nuk lidh asnjë rrugë

    SYRI TV/ Divjakë, Rama ndërton urën që nuk lidh asnjë rrugë

    SYRI TV

    Investimet qesharake të qeverisë kanë kapur nivelet e talljes në zonën e Divjakës. Një urë e shembur e kthyer në gangrene për banorët e zonës është rindërtuar me para të Fondit të Zhvillimit. Por kjo urë, e vijëzuar edhe me vija të bardha, fatkeqësisht nuk lidh asnjë rrugë, sepse investimi i parashikuar ndërtoi urën mbi lum, por jo rrugën në dy anët e saj.

    Kryeministri Edi Rama njoftoi dje investimin më të fundit të qeverisë së tij, ndërtimin e një ure që lidh fshatin Kulari me Sulzotajn dhe Divjakën. Infrastruktura e kësaj zone prej vitesh ka probleme të mëdha, duke detyruar banorët dhe fermerët të përshkojnë kilometra më shumë për tu lidhur me Divjakën dhe Tregun. Ndërtimi i kësaj ure, një vepër e mirëpritur nga banorët e zonës, u shfrytëzua nga kryeministri për shown e radhës propagandistik si premtim i mbajtur, duke e shoqëruar njoftimin edhe me fotot përkatëse, ku çdo gjë dukej perfekte.

    Por propaganda e kryeministrit u tradhtua nga postimi pa filtra i ish-deputetit të zonës Erion Braçe, i cili kishte postuar edhe disa foto të fshehura nga kryeministri, ku dukej Ura e ndërtuar por pa rrugë.

    Syri Tv kreu një vëzhgim në këtë zonë, ku rezultoi se sinqeriteti i deputetit Erjon Braçe ishte real, që ura e ndërtuar është e vetmja njollë asfalti në kilometra të tëra rrugë të shkatërruar dhe me çakull.

    Investimi për ndërtimin e urës, shkon në kufijtë e talljes, ku për urën që lidh rrugën me balt dhe çakull janë kujdesur edhe për vijëzimin e saj, por askujt nuk i shkoi ndërmend, apo nuk e kanë pasur për qëllim, që bashkë em urën, të rikonstruktojnë dhe rrugën, që banorëve të kësaj zone tu jepej zgjidhja e kërkuar prej vitesh.

    Banorët shprehen të kënaqur edhe me ndërtimin e vetëm të kësaj ure, por shpresojnë që në një të ardhme, dikush do të kujtohet që në të dy krahët e kësaj ure të nis edhe ndërtimin e rrugës.

    E mbushur me ironi është edhe historiku i ndërtimit të vetë urës, pasi është përdorur për të marrë votat e banorëve në 3 palë zgjedhje. Pas shembjes rreth 7 vite më parë, banorëve iu premtua në zgjedhjet e vitit 2021 se do të ndërtohej rrugë dhe urë e re, dhe në zgjedhje lokale nisi edhe projektimi. Më pas për çdo këmbë të urës që ndërtohej ndër vite, deputeti Erion Bracce kryente inspektimin dhe postimin e radhës.

    Puna u intesifikua vetëm para zgjedhjeve të 11 Majit, ku tashmë betonieret po ndërtonin edhe këmbët e radhës.

    Tashmë, pas zgjedhjeve, banorët e kësaj zone e kanë urën e vërtetë, siç deklaron Erion Braçe, madje të vijezuar, por për rrugën që do të lidh dy anët me baltë të saj, duket se do duhet të presion deri në zgjedhjet e ardhshme.

  • “Burg për parkimin, faturat dhe ndërtimin në tokën tënde”, Berisha: Kodi i ri penal dyfishon dhunën mbi qytetarët

    “Burg për parkimin, faturat dhe ndërtimin në tokën tënde”, Berisha: Kodi i ri penal dyfishon dhunën mbi qytetarët

    Për të dytën ditë me radhë, kryetari i Partisë Demokratike, Sali Berisha ka kundërshtuar draftin e Kodit të ri Penal të bërë publik pak ditë më parë nga krerët më të lartë të drejtësisë në vend.

    Në një konferencë për shtyp ai tha se kodi i ri dyfishon dhunën ndaj qytetarëve dhe përgjysmon dënimin ndaj zyrtarëve abuzues.
    “Kur unë u deklarova ju se ai ka dalë nga shpellat e mafies, sigurisht që pati njerëz të cilët e përcollën me habi. Por ja pra, unë u them të gjithë atyre që u habitën, tani që Prokurori i Përgjithshëm deklaron se institucioni i tij as që është pyetur ndonjëherë as për konsultë, as për mendim, kuptoni ju se çfarë përfaqëson kodi që të vërtetë shënon pothuaj dyfishimin e dhunës ligjore mbi qytetarët. Burg për parkime, burg për faturat e dritave, burg për faturat e ujit, burg për ndërtimin në tokën tënde, në truallin tënd. Pra, dhe përgjysmim i dënimeve për zyrtarët abuzivë”, u shpreh Berisha.
    Sipas tij “është atentat madhor kundër fjalës së lirë, mendimit të lirë. Shkohet në atë shkallë sa bëhet një nen për të mbrojtur Altin Dumanin dhe Irena Gjokën. A mundet? Nuk besoj të ketë një vend në botë ku qytetarët, avoketërit, të mos kenë të drejtë të denoncojnë dhe dënojnë padrejtësinë që u bëhen në sallën e gjyqit. Absurditeti i kodit tejkalon çdo kufi”.

    Top Channel