Përfaqësuesja e Bashkimit Evropian për Politikë të Jashtme dhe Sigurinë, Kaja Kallas, ka shprehur shqetësim pas pjesëmarrjes së presidentit serb, Aleksandar Vuçiç, në paradën ushtarake në Moskë, duke theksuar se shumë shtete anëtare të BE-së kanë pyetje për qëndrimet e tij dhe lidhjet që Serbia ka zhvilluar me regjimin e Vladimir Putinit. Kallas e cilësoi këtë vizitë si një shenjë shqetësuese, duke shtuar se shtetet e BE-së kërkojnë të kuptojnë se kush është vërtet “miku” i Serbisë në këtë periudhë të tensionuar ndërkombëtarisht.Për këtë ngjarje ka reaguar gjithashtu Ministrja e Jashtme në Detyrë e Kosovës, Donika Gërvalla, e cila e cilësoi vizitën e Vuçiçit në Rusi si një mesazh të fortë për perëndimin. Ajo theksoi se, pavarësisht angazhimeve të vazhdueshme të diplomacisë ndërkombëtare, vizita e Vuçiçit në Moskë tregon që presidenti serb po përshkon një rrugë të qartë, duke mbështetur politikën e Kremlinit. Gërvalla theksoi gjithashtu se kjo vizitë është një kujtesë për Perëndimin se politika “ledhatuese” ndaj Serbisë ka dështuar dhe nuk do të funksionojë as në të ardhmen.Në një tjetër deklaratë, Gërvalla kujtoi ngjarjet e shtatorit 2023, kur Serbia kishte mbështetur një sulm të drejtuar nga paramilitarë serbë kundër Kosovës, duke përdorur armë të rënda, që ishin një kërcënim për paqen në rajon. Gërvalla vuri në dukje se ky është një mesazh i qartë për Bashkimin Evropian, që të ndalë çdo lloj mbështetjeje ndaj një politike të tillë.Në anën tjetër, Kallas shprehu se ndonëse ushtria serbe nuk mori pjesë në paradën ushtarake, vizita e Vuçiçit ngre pyetje të rëndësishme për të ardhmen e marrëdhënieve ndërkombëtare të Serbisë dhe qëndrimet e saj ndaj agresionit rus. “Shtetet anëtare kanë shumë pyetje: kush është vërtet miku juaj?”, tha Kallas, duke theksuar se lidhjet e Serbisë me Rusinë janë një shqetësim për të gjithë rajonin dhe për sigurinë në Europë.Kritikat për Vuçiçin vijnë në një kohë kur marrëdhëniet ndërkombëtare janë thelluar për shkak të luftës në Ukrainë dhe tensioneve në Ballkan, duke e bërë vizitën e Vuçiçit një moment kyç për analizën e qëndrimeve të Serbisë në arenën ndërkombëtare.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Përfaqësuesja e Bashkimit Evropian për Politikë të Jashtme dhe Sigurinë, Kaja Kallas, ka shprehur shqetësim pas pjesëmarrjes së presidentit serb, Aleksandar Vuçiç, në paradën ushtarake në Moskë, duke theksuar se shumë shtete anëtare të BE-së kanë pyetje për qëndrimet e tij dhe lidhjet që Serbia ka zhvilluar me regjimin e Vladimir Putinit. Kallas e cilësoi këtë vizitë si një shenjë shqetësuese, duke shtuar se shtetet e BE-së kërkojnë të kuptojnë se kush është vërtet “miku” i Serbisë në këtë periudhë të tensionuar ndërkombëtarisht.Për këtë ngjarje ka reaguar gjithashtu Ministrja e Jashtme në Detyrë e Kosovës, Donika Gërvalla, e cila e cilësoi vizitën e Vuçiçit në Rusi si një mesazh të fortë për perëndimin. Ajo theksoi se, pavarësisht angazhimeve të vazhdueshme të diplomacisë ndërkombëtare, vizita e Vuçiçit në Moskë tregon që presidenti serb po përshkon një rrugë të qartë, duke mbështetur politikën e Kremlinit. Gërvalla theksoi gjithashtu se kjo vizitë është një kujtesë për Perëndimin se politika “ledhatuese” ndaj Serbisë ka dështuar dhe nuk do të funksionojë as në të ardhmen.Në një tjetër deklaratë, Gërvalla kujtoi ngjarjet e shtatorit 2023, kur Serbia kishte mbështetur një sulm të drejtuar nga paramilitarë serbë kundër Kosovës, duke përdorur armë të rënda, që ishin një kërcënim për paqen në rajon. Gërvalla vuri në dukje se ky është një mesazh i qartë për Bashkimin Evropian, që të ndalë çdo lloj mbështetjeje ndaj një politike të tillë.Në anën tjetër, Kallas shprehu se ndonëse ushtria serbe nuk mori pjesë në paradën ushtarake, vizita e Vuçiçit ngre pyetje të rëndësishme për të ardhmen e marrëdhënieve ndërkombëtare të Serbisë dhe qëndrimet e saj ndaj agresionit rus. “Shtetet anëtare kanë shumë pyetje: kush është vërtet miku juaj?”, tha Kallas, duke theksuar se lidhjet e Serbisë me Rusinë janë një shqetësim për të gjithë rajonin dhe për sigurinë në Europë.Kritikat për Vuçiçin vijnë në një kohë kur marrëdhëniet ndërkombëtare janë thelluar për shkak të luftës në Ukrainë dhe tensioneve në Ballkan, duke e bërë vizitën e Vuçiçit një moment kyç për analizën e qëndrimeve të Serbisë në arenën ndërkombëtare.
Tag: ndërkombëtare
-
Bëhet fluturimi certifikues në Aeroportin e Vlorës, Rama: Në Kukës, kompania “Air Kosova”
Në pistën e Aeroportit Ndërkombëtar të Vlorës është ulur këtë të enjte (8 maj) avioni i parë. Ky ishte fluturimi certifikues i pistës së aeroportit, ndërsa të pranishëm ishin edhe kryeministri Edi Rama dhe Ministrja e Infrastrukturës dhe Energjisë, Belinda Balluku.
Ky aeroport do të jetë operacional brenda verës së këtij viti, për të gjitha fluturimet civile ndërkombëtare, sipas ministres Balluku. Ministrja u shpreh se ky projekt ka kaluar edhe shifrën fillestare të investimit prej 104 mln euro që ishte parashikuar, duke shkuar në 140 mln euro.
“Ky është një moment historik për Vlorën. Sot jemi në Vlorë për të dorëzuar një vepër, sot është certifikuar pista dhe më pas do vazhdojmë me komponentët e tjerë që do ta sjellin këtë aeroport brenda kësaj vere që të jetë operacional për të gjitha fluturimet civile ndërkombëtare. Kur e nisëm këtë projekt, flitej për një investim rreth 104 ml euro dhe terminal 5 mijë metër katrorë, sot që flasim bëhet fjalë për në investim 140 mln euro dhe terminali është 17 mijë metër katrorë. Këtu në Vlorë do aplikohen 3 modele biznesi, që kanë të bëjnë me bërthamën, mirëmbajtja e avionëve, një sektor totalisht i ri që përveç faktit që do sjellë të ardhura shtesë në aviacionin civil, krijon edhe mundësi të re punësimi. Modeli i tretë është kargo e mirfilltë, e papërdorur deri më sot, për ngarkesa ndërkombëtare. Ky aeroport do të lidhet me Vlorën përmes një hekurudhe, siç lidhen të gjithë aeroportet ndërkombëtare europiane. Do lidhet me hekurudhën që vjen nga Rrogozhina në drejtim të Vlorës. Ky është një aeroport i dizajnuar për fluturimet transoqeanike”, tha Balluku.
Kryeministri Edi Rama dha lajmin se pas “Air Albania” është regjistruar edhe një tjetër kompani shqiptare që quhet “Air Kosova” dhe që do të operojë shumë shpejt në Aeroportin e Kukësit.
Ndërtimin e Aeroportit të Vlorës, Rama e konsideroi si “sfidues”, teksa theksoi se do të shtohen linja prestigjioze fluturimi, duke përmendur “Qatar Airways”.
“Ky projekt që s’ka qenë aspak i lehtë dhe tejet sfidues. Mjafton të shohësh pak më larg se si i gjithë aeroporti është ngritur dy metra nga sipërfaqja e terrenit, pasi terreni është 2 m nën nivelin e detit dhe çfarë pune e jashtëzakonshme është bërë në të gjithë pjesën e padukshme për të garantuar një platformë solide të kategoritë më të lartë ndërkombëtare. Do shtojmë linja shumë prestigjioze duke filluar nga “Qatar Airways”. Ka nisur puna prej kohësh dhe në janar është regjistruar zyrtarisht një kompanie re shqiptare e cila do të nisë sëshpejti për të mos i ndalur më fluturimet në aeroportin e Kukësit. Air Kosova do të jetë kompania tjetër shqiptare dhe këta dy avionë (Air Albania dhe Air Kosova) do jenë dy avionët e krenarisë sonë të përbashkët. Aeroporti i Vlorës do të jetë një aeroport ndërkombëtar për të gjithë vitin, jo thjeshtë aeroport turistik. Ndërsa Gjirokastra që do të jetë aeroporti i mandatit të ardhshëm, do të jetë turistik, sezonal”, theksoi Rama. -
Sudani ndërpret marrëdhëniet diplomatike me Emiratet e Bashkuara Arabe, mes akuzave për mbështetje ndaj RSF-së
Sudani ka ndërprerë zyrtarisht marrëdhëniet diplomatike me Emiratet e Bashkuara Arabe (EBA), duke akuzuar shtetin e Gjirit për mbështetjen e Forcave të Mbështetjes së Shpejtë (RSF), grupi paraushtarak rival në luftën civile që ka tronditur vendin që prej vitit 2023.
Ky zhvillim vjen pas një vale të re dhune në qytetin portual të Port Sudanit, që deri më tani konsiderohej si një prej zonave më të sigurta të vendit. Për tre ditë rresht, qyteti është goditur nga sulme të koordinuara me dronë, duke përfshirë një aeroport ndërkombëtar, një termocentral dhe një hotel të njohur. Ushtria ka fajësuar RSF-në për këto sulme, por grupi ende nuk ka dhënë asnjë reagim.
Ministri i Mbrojtjes i Sudanit, Yassin Ibrahim, deklaroi të martën se Emiratet kanë shkelur sovranitetin e vendit të tij përmes mbështetjes ndaj RSF-së, të cilën e cilësoi si “përfaqësues” të interesave të Abu Dhabit në konflikt. EBA i ka mohuar kategorikisht akuzat për ndihmë financiare, ushtarake apo politike ndaj forcës paraushtarake.
Si pasojë e këtij vendimi diplomatik, Sudani ka urdhëruar tërheqjen e ambasadorit të tij nga Emiratet dhe do të mbyllë të gjitha misionet diplomatike në këtë vend.
Përplasja diplomatike vjen në një kohë kur përpjekjet ndërkombëtare për t’i dhënë fund konfliktit janë shtuar. Si Mbretëria e Bashkuar ashtu edhe SHBA-ja kanë bërë thirrje që vendet e huaja, përfshirë Emiratet, të ndalojnë furnizimin dhe mbështetjen për palët ndërluftuese në Sudan.
Megjithatë, të hënën, Gjykata Ndërkombëtare e Drejtësisë në Hagë rrëzoi një padi të ngritur nga Sudani ndaj Emirateve për bashkëpunim në gjenocid. Sipas vendimit, Emiratet nuk mund të paditen për këtë çështje pasi nuk e kanë pranuar juridiksionin përmes Nenit 9 të Konventës për Gjenocidin.
Zëvendësndihmës ministrja e jashtme e Emirateve, Reem Ketait, tha se vendimi i gjykatës ishte “i qartë dhe vendimtar”, duke i bërë thirrje bashkësisë ndërkombëtare të përqendrohet në ndaljen e luftës dhe në ofrimin e ndihmës humanitare për miliona civilë të prekur.
Që prej fillimit të luftës civile në prill 2023, dhuna ka marrë jetën e mijëra njerëzve, ka zhvendosur miliona dhe ka shkaktuar një nga krizat humanitare më të rënda në botë. Të dyja palët, si ushtria e Sudanit ashtu edhe RSF-ja, janë akuzuar për krime lufte nga organizatat ndërkombëtare.
-
Polymarket: Tregjet ndërkombëtare parashikojnë mandatin e katërt për Edi Ramën
Teksa Shqipëria përgatitet për zgjedhjet parlamentare të 11 majit 2025, një prej treguesve më interesantë ndërkombëtarë për zhvillimet politike është Polymarket, platforma më e njohur e tregjeve të parashikimeve në botë.
Aktualisht, Polymarket i jep Edi Ramës një probabilitet prej 75% për të qenë sërish Kryeministër i vendit pas këtyre zgjedhjeve – një sinjal i qartë i besimit të tregjeve globale tek vazhdimësia dhe stabiliteti që ofron lidershipi aktual.
Çfarë është Polymarket?
Polymarket është një platformë e decentralizuar që funksionon në bazë të teknologjisë blockchain dhe që i lejon përdoruesit të investojnë mbi rezultatet e ngjarjeve reale – nga politika te sporti dhe ekonomia. Çmimet ndryshojnë në kohë reale bazuar në ofertë dhe kërkesë, duke reflektuar perceptimet e tregut mbi zhvillimet më të fundit. Kjo e bën Polymarket një barometër të fuqishëm për pritshmëritë ndërkombëtare.
Fakti që mbi 75% e pjesëmarrësve në këtë platformë besojnë se Edi Rama do të ruajë postin e tij tregon jo vetëm forcën elektorale të Partisë Socialiste, por edhe perceptimin ndërkombëtar të stabilitetit institucional që ajo ka sjellë ndër vite.
Ky trend përputhet edhe me gjetjet e sondazhit të publikuar javët e kaluara nga Top Channel në bashkëpunim me ekspertin amerikan të sondazheve John McLaughlin, i cili sugjeron se Edi Rama dhe Partia Socialiste – mbetet forca politike më e mbështetur në vend, me një avantazh të ndjeshëm ndaj opozitës së fragmentuar. Si të dhënat vendase ashtu edhe tregjet ndërkombëtare duket se konsolidojnë idenë se vazhdimësia në qeverisje është një pritshmëri reale për zgjedhjet e 2025-ës.
Linku i PolymarketTop Channel
-
Kosova hap ambasadë në Malajzi, zgjeron praninë në Azinë Juglindore
Kosova ka shënuar një moment historik në forcimin e marrëdhënieve ndërkombëtare me hapjen zyrtare të Ambasadës së saj në Kuala Lumpur, kryeqytetin e Malajzisë. Lajmi u konfirmua përmes një komunikate për media të Ministrisë së Punëve të Jashtme dhe Diasporës, ku theksohet se ky hap përfaqëson një gur themeli në angazhimin diplomatik të Kosovës për të zgjeruar ndikimin dhe bashkëpunimin me vendet e Azisë Juglindore.“Malajzia ka qenë ndër vendet e para që ka njohur pavarësinë e Kosovës, dhe hapja e ambasadës në kryeqytetin e saj është një dëshmi e përkushtimit të ndërsjellë për avancimin e marrëdhënieve tona,” deklaroi ministrja Donika Gërvalla. Ajo shtoi se ky zhvillim nuk është thjesht një zgjerim diplomatik, por një shprehje konkrete e vullnetit për ndërtimin e urave të miqësisë, bashkëpunimit dhe zhvillimit me një nga rajonet më dinamike të botës.Ambasada e re do të shërbejë si një pikë referimi për avancimin e diplomacisë bilaterale, shkëmbimeve kulturore, bashkëpunimit ekonomik dhe përkrahjes së qytetarëve të Kosovës që jetojnë apo udhëtojnë në këtë rajon. Ky zhvillim pasqyron angazhimin institucional të Kosovës për të forcuar pozicionin e saj në skenën ndërkombëtare dhe për të rritur bashkëpunimin me partnerët globalë.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Kosova ka shënuar një moment historik në forcimin e marrëdhënieve ndërkombëtare me hapjen zyrtare të Ambasadës së saj në Kuala Lumpur, kryeqytetin e Malajzisë. Lajmi u konfirmua përmes një komunikate për media të Ministrisë së Punëve të Jashtme dhe Diasporës, ku theksohet se ky hap përfaqëson një gur themeli në angazhimin diplomatik të Kosovës për të zgjeruar ndikimin dhe bashkëpunimin me vendet e Azisë Juglindore.“Malajzia ka qenë ndër vendet e para që ka njohur pavarësinë e Kosovës, dhe hapja e ambasadës në kryeqytetin e saj është një dëshmi e përkushtimit të ndërsjellë për avancimin e marrëdhënieve tona,” deklaroi ministrja Donika Gërvalla. Ajo shtoi se ky zhvillim nuk është thjesht një zgjerim diplomatik, por një shprehje konkrete e vullnetit për ndërtimin e urave të miqësisë, bashkëpunimit dhe zhvillimit me një nga rajonet më dinamike të botës.Ambasada e re do të shërbejë si një pikë referimi për avancimin e diplomacisë bilaterale, shkëmbimeve kulturore, bashkëpunimit ekonomik dhe përkrahjes së qytetarëve të Kosovës që jetojnë apo udhëtojnë në këtë rajon. Ky zhvillim pasqyron angazhimin institucional të Kosovës për të forcuar pozicionin e saj në skenën ndërkombëtare dhe për të rritur bashkëpunimin me partnerët globalë.
-
Zbardhet takimi i Presidentit Begaj me Mbretin Abdullah II: Shqipëri-Jordani, vullnet për thellimin e bashkëpunimit
Është zbardhur takimi tête-à-tête mes Presidentit të Republikës, Bajram Begaj, dhe Mbretit të Jordanisë, Abdullah II, zhvilluar në kuadër të vizitës së tij zyrtare.
Në qendër të bisedimeve ka qenë rritja e dialogut politik dhe thellimi i bashkëpunimit ekonomik dhe tregtar midis dy vendeve. Presidenti Begaj theksoi se është me rëndësi të rriten shkëmbimet tregtare dhe të promovohen investimet jordaneze në Shqipëri, duke vlerësuar potencialet e mëdha që ofron vendi ynë.Lexo edhe :Related Posts
Në takim u diskutua gjithashtu për çështje të politikës rajonale dhe ndërkombëtare. Presidenti Begaj vlerësoi mbështetjen e Jordanisë për Kosovën, si në procesin e njohjeve të reja ndërkombëtare, ashtu edhe në anëtarësimin e saj në organizata ndërkombëtare.Një tjetër temë e rëndësishme ishte forcimi i bashkëpunimit në fushën e sigurisë dhe mbrojtjes. Presidenti Begaj konfirmoi mbështetjen e Shqipërisë për hapjen e një zyre ndërlidhëse të NATO-s në Jordani, duke theksuar se Jordania është një partner i rëndësishëm në krahun jugor të Aleancës Atlantike.
Presidenti shqiptar vlerësoi gjithashtu Iniciativën e Procesit të Aqaba-s, të promovuar nga Jordania, si një nismë e suksesshme në luftën globale kundër terrorizmit dhe ekstremizmit të dhunshëm. Ai e cilësoi Jordaninë si një “kolonë të fortë stabiliteti” në Lindjen e Mesme dhe nënvizoi nevojën për forcimin e bashkëpunimit në sektorin e mbrojtjes dhe sigurisë.
Në lidhje me situatën në Lindjen e Mesme, Presidenti Begaj dhe Mbreti Abdullah II ndanë të njëjtin qëndrim se zgjidhja me dy shtete është e vetmja rrugë e drejtë për arritjen e paqes së qëndrueshme në rajon./vizionplus.tv -
Aeroporti më i ‘frikshëm’ në botë, ja ku ndodhet
Një aeroport në Zelandën e Re ka tërhequr vëmendjen ndërkombëtare duke u cilësuar si një nga më të frikshmit në botë, jo për shkak të kushteve ekstreme të motit apo vendndodhjes në ndonjë majë mali, por për një arsye vërtet të pazakontë: një linjë hekurudhore që e pret pistën në mes.
Bëhet fjalë për Aeroportin Gisborne, i cili ndodhet në bregun lindor të Zelandës së Re. Ky aeroport unik është përfshirë në listat ndërkombëtare të pistave më sfiduese për pilotët, për shkak të bashkëjetesës së paprecedentë mes trafikut ajror dhe atij hekurudhor.
Në mes të pistës kryesore kalon një linjë hekurudhore që përdoret nga një tren me avull – lokomotiva historike e ‘Gisborne City Vintage Railway’, e cila operon vetëm rreth 15 herë në vit, kryesisht gjatë sezonit turistik. Misioni për të shmangur përplasjet e mundshme i takon kontrollorëve të trafikut ajror në kullën e aeroportit, të cilët duhet të koordinojnë me kujdes lëvizjet e avionëve dhe trenit.
Treni historik shërben si një atraksion për turistët që vizitojnë qytetin e Gisborne dhe bëjnë udhëtime panoramike deri në Muriwai.
Megjithëse përdoret rrallë nga treni, linja hekurudhore mbetet një sfidë për pilotët dhe një kuriozitet për pasagjerët që për herë të parë zbulojnë se pista ku ndodhen mund të përshkohet nga një lokomotivë me avull. Syri.net-iefimerida
-
1 Maji festohet ndryshe këtë vit, qytetarët mbushin bregdetin në Durrës
Ditën e sotme për shkak të temperatuarve të larta, Dita Ndërkombëtare e Punëtorëve, është festuar ndryshe këtë vit në Durrës.
Kjo ditë shoqërohet me aktivitete që promovojnë të drejtat e punëtorëve. Qytetarët ë shumtë kanë zgjedhur që këtë ditë pushimi ta kalojnë në bregdet.
Dita ndërkombëtare e punëtorëve është gjithnjë e më shumë vetëm një ditë pushimi e festimi. -
Sot 1 Maji, Dita Ndërkombëtare e Punëtorëve!
Dita Ndërkombëtare e Punëtorëve , e njohur gjithashtu si “Dita e Punës” në disa vende dhe shpesh e referuar si “Dita e Majit” , është një festë e punëtorëve dhe klasave punëtore që promovohet nga lëvizja ndërkombëtare e punëtorëve dhe ndodh çdo vit më 1 maj, ose të hënën e parë të majit.
Tradicionalisht, 1 maji është data e festës evropiane. Në 1889, Kongresi Socialist Ndërkombëtar Marksist u mblodh në Paris dhe themeloi Internacionalen e Dytë si pasuese të Shoqatës së mëparshme Ndërkombëtare të Punëtorëve .
Ata miratuan një rezolutë për një ”demonstratë të madhe ndërkombëtare” në mbështetje të kërkesave të klasës punëtore për të punuar tetë orë në ditë . Data 1 maj u zgjodh nga Federata Amerikane e Punës për të përkujtuar një grevë të përgjithshme në Shtetet e Bashkuara, e cila kishte filluar më 1 maj 1886 dhe kulmoi me çështjen Haymarket katër ditë më vonë.Demonstrata më pas u bë një ngjarje vjetore. Konferenca e Gjashtë e Internacionales së Dytë e vitit 1904 u bëri thirrje “të gjitha organizatave të Partisë Socialdemokrate dhe sindikatave të të gjitha vendeve që të demonstrojnë në 1 maj për vendosjen ligjore për tetë orë punë në ditë , për kërkesat klasore të proletariatit dhe për paqen universale ”.
1 maji, ose e hëna e parë e majit, është një festë publike kombëtare në shumë vende, në shumicën e rasteve si “Dita Ndërkombëtare e Punëtorëve”. Disa vende festojnë Ditën e Punës në data të tjera të rëndësishme për ta, të tilla si Shtetet e Bashkuara dhe Kanadaja , të cilat festojnë Ditën e Punës të hënën e parë të shtatorit
Më 21 prill 1856, gurgdhendësit australianë në Victoria ndërmorën një ndalesë masive si pjesë e lëvizjes tetë-orëshe të ditës së punës. 1 maji u zgjodh si Dita Ndërkombëtare e Punëtorëve për të përkujtuar aferën Haymarket të vitit 1886 në Çikago . Në atë vit, duke filluar nga 1 maji, pati një grevë të përgjithshme për ditën e punës tetë-orëshe. Më 4 maj, policia veproi për të shpërndarë një tubim publik në mbështetje të grevës kur një person i paidentifikuar hodhi një bombë. Policia është kundërpërgjigjur duke qëlluar mbi punëtorët.
Ngjarja çoi në vdekjen e shtatë oficerëve të policisë dhe të paktën katër civilëve; gjashtëdhjetë policë u plagosën, si dhe njëqind e pesëmbëdhjetë civilë. Qindra liderë dhe simpatizues të punës u arrestuan më vonë dhe katër u ekzekutuan me varje, pas një gjyqi që u pa si një dështim i drejtësisë .
Në 1889, takimi i parë i Internacionales së Dytë u mbajt në Paris , pas një propozimi të Raymond Lavigne që bënte thirrje për demonstrata ndërkombëtare në përvjetorin e 1890 të protestave të Çikagos.
Më 1 maj 1890, thirrja inkurajoi demonstratat e Ditës së Majit që u zhvilluan në Shtetet e Bashkuara dhe në shumicën e vendeve të Evropës. Demonstrata u mbajtën gjithashtu në Kili dhe Peru. Dita e Majit u njoh zyrtarisht si një ngjarje vjetore në kongresin e dytë ndërkombëtar në 1891.
Në Shtetet e Bashkuara dhe Kanada, Dita e Punës , u propozua për herë të parë në vitet 1880. Në 1882, Mattheë Maguire , një makinist , propozoi për herë të parë një festë të Ditës së Punës të hënën e parë të shtatorit, ndërsa shërbente si sekretar i Unionit Qendror të Punës (CLU) të Nju Jorkut. Të tjerë argumentojnë se u propozua për herë të parë nga Peter J. McGuire i Federatës Amerikane të Punës në maj 1882, pasi dëshmoi festivalin vjetor të punës të mbajtur në Toronto, Kanada . Në 1887,Oregon ishte shteti i parë i Shteteve të Bashkuara që e bëri atë një festë zyrtare publike .
Në kohën kur u bë një festë zyrtare federale në 1894, tridhjetë shtete të SHBA-së festuan zyrtarisht Ditën e Punës. Kështu që nga viti 1887 në Amerikën e Veriut, Dita e Punës ishte një festë zyrtare, por në shtator, jo më 1 maj.
1 Maji ka qenë një pikë qendrore për demonstratat e grupeve të ndryshme socialiste, komuniste dhe anarkiste që nga Internacionalja e Dytë. 1 Maji është një nga festat më të rëndësishme në vendet komuniste si Kina , Vietnami , Kuba , Laosi , Koreja e Veriut dhe vendet e ish -Bashkimit Sovjetik. -
Dita Ndërkombëtare e Punëtorëve, si lindi dhe historiku i 1 Majit
1 Maji njihet si Dita Ndërkombëtare e Punëtorëve. Ky manifestim lindi nga lufta e punëtorëve për të kërkuar dhe siguruar të drejtat, liritë dhe kushtet e punës e të jetesës.
Kjo ditë, ju referohet protestave të punëtorëve, për orar të punës 8 orë, për paga mesatare të garantuara, për pajisje mbrojtëse në vendin e punës.
Kërkesa e parë publike është paraqitur në Australi gjatë vitit 1885 me këtë përmbajtje: ”8 orë punë, 8 orë dëfrim e 8 orë gjumë”.
Kremtimi i 1 Majit lidhet ngushtë me protestat e përgjithshme e të përgjakshme të dhjetëra mijëra punëtorëve të fabrikave të Çikagos në Amerikë, më 1 maj 1886.Manifestimi masiv dhe madhështor u bë një vit më vonë, në të njëjtin qytet më 1 maj 1887.
Kështu filloi rrugëtimi i kësaj dite e date të rëndësishme, i përqafuar nga miliona punëtorë, i organizuar përmes Lëvizjes sindikaliste dhe partive, që në fokus e kanë pozitën socio-ekonomike të punëtorëve.
Sindikata botërore e caktoi 1 Majin ditë në të cilën të gjithë punëtorët ushtrojnë presion për sigurimin dhe avancimin e të drejtave të tyre.
Në Evropë, 1 Maji filloi manifestimin me Internacionalen e parë të Gjenevës.
Nga viti 1890 në Paris, Kongresi themelues i Internacionales së dytë, vendosi që pikërisht 1 Maji të mbetet Dita Ndërkombëtare e Punëtorëve.
Nga viti 1891, Kongresi i tretë i Internacionales në Bruksel, mori vendim, që: dita e 1 Majit do të kremtohet përgjithmonë dhe në të gjitha vendet, si Festa e Punëtorëve, në të cilën punëtorët do t’i identifikojnë, avancojnë dhe mbrojnë me Kushtetutë e ligje; liritë, të drejtat, kushtet e punës, rrogën mesatare të garantuar, pushimin ditor, javor, vjetor dhe pushimet tjera sipas nevojës.