JD Vance dhe Papa Leoni u takuan këtë mëngjes. Zëvendëspresidenti amerikan ishte në Romë pasi mori pjesë në meshën inauguruese të Papës së ri të mbajtur një ditë më parë.
Vance-it në Vatikan iu bashkua edhe diplomati më i lartë i Uashingtonit, Marco Rubio, tha zëdhënësi i zëvendëspresidentit, Luke Schroeder.
Papa e kritikoi Vance në një postim në rrjetet sociale më parë këtë vit. Në fillim të shkurtit, ai ndau një artikull nga një botim katolik me titullin: “JD Vance gabon: Jezusi nuk na kërkon të vlerësojmë dashurinë tonë për të tjerët”.
Vatikani, i cili u la kryesisht pas dore gjatë tre viteve të para të luftës së Rusisë, është ofruar të organizojë bisedime paqeje.
Pasi përshëndeti shkurtimisht Papën në fund të meshës së djeshme, Vance e kaloi pjesën tjetër të ditës në takime me Volodymyr Zelenskyy dhe Presidenten e Komisionit të BE-së Ursula von der Leyen.
Vatikani ka dhënë tani disa detaje të mëtejshme mbi takimin e Papës me nënpresidentin e SHBA-së.
“Pati një shkëmbim pikëpamjesh mbi disa çështje aktuale ndërkombëtare, duke bërë thirrje për respektimin e ligjit humanitar dhe të drejtës ndërkombëtare në zonat e konfliktit dhe për një zgjidhje të negociuar midis palëve të përfshira”, tha Vatikani.
JD Vance ishte një nga zyrtarët e fundit të huaj që u takua me paraardhësin e Leonit, Françeskun, para vdekjes së Papës argjentinas më 21 prill.
Të dy ishin ngatërruar në çështjen e migracionit, me Françeskun që qortoi publikisht administratën e Donald Trump për planin e saj të deportimit dhe korrigjoi justifikimin teologjik të Vance për të.
Tag: ndërkombëtare
-
Papa takohet me JD Vance, Vatikani: U diskutua mbi disa çështje ndërkombëtare
-
47 liderët e BE në një aeroport! TIA, siguri dhe standarde ndërkombëtare në pritjen e delegacioneve të nivelit të lartë
Aeroporti Ndërkombëtar i Tiranës (TIA) ka përmbyllur me sukses një nga operacionet më të rëndësishme dhe komplekse të këtij viti, duke pritur dhe përcjellë 47 delegacione të nivelit të lartë me kryeministra e presidentë nga e gjithë Europa, të cilët morën pjesë në Samitin Europian të Komunitetit Politik 2025, të zhvilluar për herë të parë në Tiranë më 15 dhe 16 maj.
TIA arriti të menaxhojë me efikasitet jo vetëm flukset e larta të vizitave zyrtare, por gjithashtu garantoi vijimësinë e plotë të trafikut ajror për fluturimet e rregullta, pa shkaktuar asnjë anulim apo vonesë të ndjeshme për pasagjerët.. Ky operacion i përmasave të mëdha u realizua sipas të gjitha standardeve ndërkombëtare të sigurisë dhe protokollit diplomatik, duke ofruar një përvojë pritjeje të denjë për nivelin e lartë të këtij eventi.
Suksesi i këtij menaxhimi është rezultat i përkushtimit të stafit të aeroportit, si dhe i investimeve strategjike të kryera nga Grupi Kastrati në modernizimin e infrastrukturës së TIA-s. Delegacionet u pritën në pistën e rinovuar të aeroportit, me gjatësi 3 kilometra, e cila tashmë mundëson uljen dhe ngritjen e avionëve të të gjitha kapaciteteve, përfshirë avionët e mëdhenj ndërkontinentalë. Paralelisht, janë drejt përfundimit edhe punimet për fasadën e re të aeroportit, që e pozicionojnë TIA-n ndër aeroportet më moderne dhe estetikisht të avancuara në rajon dhe më gjerë.
Ky organizim i shkëlqyer është dëshmi e gatishmërisë së TIA-s për të përballuar sfida të nivelit ndërkombëtar dhe e pozicionon Shqipërinë si një vend të besueshëm organizator për ngjarje të rëndësishme diplomatike e politike në agjendën europiane.Top Channel
-
Dy gëzime në një ditë për Edi Ramën dhe protesta dëshpëruese e Sali Berishës
Dita e nesërme pritet të jetë ndër më të veçantat në karrierën politike të kryeministrit Edi Rama. Dy gëzime në një ditë – një rezultat politik historik dhe një sukses diplomatik në arenën ndërkombëtare – do të përplasen simbolikisht me një protestë të paralajmëruar nga Sali Berisha, e cila më shumë se revoltë, duket si një akt dëshpërimi personal.Reklama në FieriWeb
Gëzimi i parë është fitorja e thellë e Partisë Socialiste në zgjedhjet e 11 majit, ku PS arriti të marrë 83 mandate në Kuvend, duke siguruar jo vetëm shumicën absolute, por edhe një mbështetje masive nga qytetarët shqiptarë. Ky rezultat është një konfirmim i qartë i besimit të elektoratit dhe i stabilitetit që mazhoranca e majtë ka krijuar ndër vite.Reklama në FieriWeb – “COVIM CAFFE”
Gëzimi i dytë është diplomatik dhe me përmasa ndërkombëtare: ardhja e liderëve më të rëndësishëm të Bashkimit Europian në Tiranë për Samitin e BE-Ballkani Perëndimor. Për herë të parë, Tirana kthehet në qendër të diplomacisë europiane, një dëshmi e rolit të ri që Shqipëria po luan në rajon dhe e reputacionit në rritje të qeverisë shqiptare në tryezat e mëdha ndërkombëtare.Reklama në FieriWeb – “PASTIÇERI “RUSTEMAJ”
Por përballë këtyre dy zhvillimeve pozitive që i japin vendit imazh, forcë dhe orientim të qartë europian, opozita e Sali Berishës ka zgjedhur të organizojë një protestë të dëshpëruar, pikërisht në të njëjtën ditë kur Shqipëria pret liderët më të lartë të kontinentit. Reklama në FieriWeb – “STREET FOOD S.O.A”
Kjo protestë nuk ka as kauzë, as peshë publike. Ajo është një përpjekje për të errësuar dritën që bie mbi sukseset e qeverisë dhe për të devijuar vëmendjen nga izolimi gjithnjë e më i thellë i një opozite që nuk përfaqëson më shumicën e qytetarëve, por një pakicë të zhurmshme në mbrojtje të një lidershipi të vjetër dhe të konsumuar.Reklama në FieriWeb – “Oazi i Pishave”
Në një vend ku politika ka nevojë për ide të reja dhe përballje institucionale, protesta e nesërme përfaqëson të kundërtën: retorikë e harxhuar, nostalgji për tension, dhe mungesë totale e një alternative.
Ndërsa Edi Rama mirëpret liderët e Europës dhe feston një fitore madhore zgjedhore, Sali Berisha do të përpiqet të mbledhë turmën e rradhës në rrugë – një rrugë që duket gjithnjë e më shumë pa krye.
Ne foto: Vladimir Muçaj
Vladimir Muçaj / newsalbania.al
-
Incidenti në Kashar, Celibashi: Numërimi ka rifilluar! Vetëm vëzhgues ndërkombëtarë dhe media, hetimet i ka Policia
Kreu i KQZ-së, Ilirjan Celibashi shkoi me urgjencë në KZAZ-në e Kasharit pas incidentit të ndodhur për shkak të një vote të kontestuar, ku u sulmua fizikisht sipas pamjeve të publikuara, edhe sekretari i komisionit.
Për ngjarjen u bë kallëzim në Polici, teksa Celibashi ka vepruar me anë të disa masave të menjëhershme, duke pezulluar të gjitha bezhat e vëzhguesve dhe përjashtuar të gjithë vëzhguesit partiakë të akredituar, përveç atyre të mediave dhe ndërkombëtarë.”Mediat të jenë të pranishme gjatë numërimit. Numërimi në KZAZ-në e Kasharit ka filluar. Numërimi pa praninë e vëzhguesve politikë. Përjashto vëzhguesit ndërkombëtar dhe mediat. Mediat kanë të gjithë të drejtën për ta ndjekur procesin që nga dita e parë.
Numërimi pa prezencën e vëshguesve politikë. Për shqetësimin e mediave sapo ia kemi komunikuar Policisë së shtetit prezencën tuaj. Nëse nuk ju lejojnë do kthehem përsëri këtu. Diskutimin për fletën për të cilën ndodhi ngjarja nuk është vendi për ta komentuar”. -
Shqipëria, destinacioni i vitit 2025 sipas platformës ndërkombëtare HelloSafe
Shqipëria shpallet destinacioni më i mirë për turizëm në vitin 2025 nga platforma ndërkombëtare HelloSafeNë një renditje të përvitshme të vendeve më të preferuara për t’u vizituar në vitin 2025, Shqipëria është kurorëzuar si destinacioni kryesor, sipas analizës së platformës ndërkombëtare HelloSafe. Vlerësimi është bazuar në faktorë kyç si siguria, përballueshmëria ekonomike, klima dhe prezenca në mediat sociale, ku Shqipëria mori një rezultat të lartë prej 75.8 pikësh.HelloSafe e cilëson Shqipërinë si një perlë të Mesdheut në zhvillim e sipër, duke u bërë një alternativë gjithnjë e më tërheqëse ndaj destinacioneve tradicionale si Greqia dhe Kroacia. Raporti nxjerr në pah bukuritë natyrore të bregdetit shqiptar, veçanërisht plazhet e jugut, të cilat përshkruhen si të paprekura dhe magjepsëse.Ksamil konsiderohet një prej destinacioneve më tërheqëse në rajon, me gjiret, ishujt e vegjël, kepat e pyllëzuar dhe lagunat që shkëlqejnë në rrezet e diellit, duke ofruar një përvojë të veçantë për vizitorët. Gjiri i Dafinës në gadishullin e Karaburunit, zonë e mbrojtur natyrore, përmendet si një tjetër thesar që çdo turist duhet ta eksplorojë.Por Shqipëria nuk është vetëm bregdet. Natyrat e bukura të brendshme të vendit janë po aq të mahnitshme. Lugina e Thethit, në zemër të Alpeve Shqiptare, është përshkruar si një nga eksperiencat më të veçanta të vitit 2025, me peizazhe alpine, pyje pishe dhe liqene të kthjellëta, të rrethuara nga maja të thepisura që ofrojnë aventura autentike larg turmave.“Në një kohë kur udhëtarët kërkojnë destinacione autentike dhe të paprekura nga turizmi masiv, Shqipëria renditet si një zgjedhje kryesore për shkak të natyrës së egër, kulturës aktive dhe përballueshmërisë ekonomike,” thekson raporti i HelloSafe.Ky vlerësim ndërkombëtar vjen në një kohë kur Shqipëria po konsolidon pozicionin e saj si destinacion turistik i qëndrueshëm, duke sjellë mundësi të reja për zhvillimin ekonomik dhe promovimin e trashëgimisë natyrore dhe kulturore.
-
Festivali Botëror i Koreve në Selanik, “Siparantum” nga Kosova renditet i treti
Në një sallë të mbushur plot tinguj dhe emocione, kori “Siparantum” nga Kosova dha një nga interpretimet më të vlerësuara të edicionit të 14-të të “World Choir Festival on Musical & Competition”, duke u renditur i dyti mes dhjetëra koraleve ndërkombëtare dhe duke fituar Medaljen e Argjendtë në një garë të jashtëzakonshme që u zhvillua në Universitetin “Aristoteli” në Selanik.Të rrethuar nga koret pjesëmarrëse nga Shtetet e Bashkuara, Greqia, Polonia, Sllovakia dhe Serbia, interpretimi i korit kosovar dalloi për pastërtinë vokale dhe ndjeshmërinë emocionale, duke përfaqësuar me krenari jo vetëm qytetin e Pejës, ku është themeluar, por mbarë Kosovën në një skenë që prej vitesh mbledh disa nga grupet më të mira vokale të globit.Në një konkurrencë të ngushtë, vendi i parë i shkoi “Brigham Young University Singers” nga SHBA, të udhëhequr nga dirigjenti i njohur Dr. Andrew Crane, një emër që dominon skenën ndërkombëtare të muzikës korale. Për “Siparantum”, një ansambël i ri në moshë, por i vendosur në përkushtim, kjo medalje është një dëshmi e rrugës artistike që po ndjek dhe e standardit gjithnjë në rritje.Festivali në Selanik, i njohur për rigorozitetin artistik dhe për përzgjedhjen elitare të pjesëmarrësve, nuk është një ngjarje rutinë për skenën muzikore. Aty ndodh një shkëmbim kulturor i rrallë, ku gjuhët ndryshojnë, por muzika mbetet një gjuhë e përbashkët që bashkon.Për “Siparantum”, ky çmim nuk është vetëm një arritje artistike, por edhe një moment krenarie kombëtare. Në një botë ku emri i Kosovës shpesh përmendet në kontekste politike, kore të tilla i japin vendit një zë ndryshe – një zë që ngjitet në skena ndërkombëtare përmes harmonisë, përkushtimit dhe artit të pastër.Në një kohë kur diplomacia kulturore është po aq e rëndësishme sa ajo formale, performanca e “Siparantum” në Selanik përforcon idenë se arti ka ende fuqinë për të ndërtuar ura dhe për të ngritur popuj të vegjël në skena të mëdha.
-
Festivali Botëror i Koreve në Selanik “Siparantum” nga Kosova renditet i treti
Në një sallë të mbushur plot tinguj dhe emocione, kori “Siparantum” nga Kosova dha një nga interpretimet më të vlerësuara të edicionit të 14-të të “World Choir Festival on Musical & Competition”, duke u renditur i dyti mes dhjetëra koraleve ndërkombëtare dhe duke fituar Medaljen e Argjendtë në një garë të jashtëzakonshme që u zhvillua në Universitetin “Aristoteli” në Selanik.Të rrethuar nga koret pjesëmarrëse nga Shtetet e Bashkuara, Greqia, Polonia, Sllovakia dhe Serbia, interpretimi i korit kosovar dalloi për pastërtinë vokale dhe ndjeshmërinë emocionale, duke përfaqësuar me krenari jo vetëm qytetin e Pejës, ku është themeluar, por mbarë Kosovën në një skenë që prej vitesh mbledh disa nga grupet më të mira vokale të globit.Në një konkurrencë të ngushtë, vendi i parë i shkoi “Brigham Young University Singers” nga SHBA, të udhëhequr nga dirigjenti i njohur Dr. Andrew Crane, një emër që dominon skenën ndërkombëtare të muzikës korale. Për “Siparantum”, një ansambël i ri në moshë, por i vendosur në përkushtim, kjo medalje është një dëshmi e rrugës artistike që po ndjek dhe e standardit gjithnjë në rritje.Festivali në Selanik, i njohur për rigorozitetin artistik dhe për përzgjedhjen elitare të pjesëmarrësve, nuk është një ngjarje rutinë për skenën muzikore. Aty ndodh një shkëmbim kulturor i rrallë, ku gjuhët ndryshojnë, por muzika mbetet një gjuhë e përbashkët që bashkon.Për “Siparantum”, ky çmim nuk është vetëm një arritje artistike, por edhe një moment krenarie kombëtare. Në një botë ku emri i Kosovës shpesh përmendet në kontekste politike, kore të tilla i japin vendit një zë ndryshe – një zë që ngjitet në skena ndërkombëtare përmes harmonisë, përkushtimit dhe artit të pastër.Në një kohë kur diplomacia kulturore është po aq e rëndësishme sa ajo formale, performanca e “Siparantum” në Selanik përforcon idenë se arti ka ende fuqinë për të ndërtuar ura dhe për të ngritur popuj të vegjël në skena të mëdha.
-
Mediat ndërkombëtare: Zgjedhjet e 11 Majit, test për anëtarësimin në BE
Zgjedhjet parlamentare në Shqipëri kanë tërhequr vëmendjen e mediave të huaja, të cilat vlerësojnë se ato janë shumë të rëndësishme për të ardhmen e vendit. Agjencia e lajmeve Reuters i cilëson zgjedhjet e 11 Majit si test për demokracinë dhe anëtarësimin në Bashkimin Europian. Si socialistët, edhe demokratët, thekson Washington Post, synojnë të sigurojnë shumicën në parlament për të çuar përpara negociatat me BE-në.
Agjencia ‘Associated Press’ shkruan se mbajtja e zgjedhjeve të lira dhe të ndershme është kyçe për vijimin e bisedimeve të anëtarësimit. Partitë kryesore kanë premtuar gjatë fushatës një axhendë reformash, rritje të shpejtë ekonomike dhe ulje të papunësisë.
Mediat ndërkombëtare theksojnë se “ky proces zgjedhor do të tregojë nëse vendi ballkanik është gati t’i bashkohet familjes evropiane brenda vitit 2030”.
Socialistët shpresojnë të mbajnë pushtetin për të vijuar Reformën në Drejtësi, ndërsa demokratët kanë premtuar uljen e taksave për të nxitur ekonominë. Edhe mediat italiane theksojnë se objektivi i fituesit të zgjedhjeve është afrimi me Bashkimin Europian. Vëzhguesit ndërkombëtarë nga OSBE-ja, APKE-ja dhe Parlamenti Evropian po vëzhgojnë qendrat e votimit për të verifikuar pretendimet për shenja presioni dhe blerje votash. Klan News -
Zgjedhjet e 11 majit/ KQZ mirëpret 19 delegacione ndërkombëtare në kuadër të programit të vëzhguesve zgjedhorë
Komisioni Qendror i Zgjedhjeve në Shqipëri ka mirëpritur 19 delegacione nga Trupat e Menaxhimit Zgjedhor të vendeve të ndryshme të botës, si dhe përfaqësues të organizatave ndërkombëtare që operojnë në fushën e zgjedhjeve. Vizita u zhvillua në kuadër të “Programit të vëzhguesve ndërkombëtarë të zgjedhjeve”, i cili organizohet për herë të dytë nga KQZ.
Delegacionet pjesëmarrëse përfshijnë përfaqësues nga vende si Armenia, Azerbajxhani, Bosnja dhe Hercegovina, Estonia, Gjeorgjia, Kroacia, Kosova, Lituania, Moldavia, Maqedonia e Veriut, Mali i Zi, Finlanda, Suedia, Turqia, si dhe nga Organizata Botërore e Trupave Zgjedhore.
Gjatë qëndrimit të tyre, delegacionet u njohën me përgatitjet për zgjedhjet në Shqipëri, funksionimin e komisioneve të niveleve të dyta dhe të treta, si dhe proceset e identifikimit dhe votimit elektronik. Gjithashtu, u prezantua puna për monitorimin e fushatës dhe masat për të garantuar integritetin dhe transparencën e procesit zgjedhor.
KQZ prezantoi edhe përpjekjet e përbashkëta me institucionet ligjzbatuese si SPAK dhe Prokuroria e Përgjithshme për të luftuar krimet zgjedhore dhe për të shmangur përdorimin e burimeve shtetërore në fushata.
Programi synon të shkëmbejë eksperiencat më të mira ndërkombëtare, si dhe të promovojë risitë e aplikuara në Shqipëri, përfshirë identifikimin elektronik të votuesve dhe votimin nga jashtë vendit. Delegacionet do të vëzhgojnë zgjedhjet dhe do të vizitojnë edhe disa pika turistike dhe kulturore të vendit. -
Opozita në Serbi tall Vuçiçin, publikojnë një foto nga Moska: Ja sa vlen diktatori i çmendur
Presidenti i Partisë Republikane të Serbisë, Nikola Sanduloviç, sulmoi përsëri Presidentin Aleksandër Vuçiç, këtë herë për shkak të qëndrimit të tij në pritjen e djeshme të liderëve botërorë në Moskë. Në profilin e tij në Facebook, ai postoi një foto ku tregonte se ku ishte pozicionuar Vuçiç, larg qendrës së ngjarjeve, në rreshtat e fundit të liderëve politikë të mbledhur. “Ja sa vlen diktatori i çmendur serb Aleksandër Vuçiç në politikën e vërtetë ndërkombëtare… Ai ulet në rreshtin e fundit me shefin e tij Putin, si dhe në të gjitha takimet e tjera të rëndësishme ndërkombëtare ku mblidhen presidentët e vendeve”, shkroi Sanduloviç. Ai shtoi se Vuçiç arrin ta portretizojë veten vetëm si një burrë shteti relevant në Serbi, ndërsa në skenën ndërkombëtare, siç pretendon ai, ai tregon rregullisht se është thjesht një “ekstrakt”.
“Vetëm në Serbi ai mundet, përmes gënjeshtrave, trillimeve dhe mistifikimeve të veta, të paraqesë veten si një figurë e rëndësishme politike në skenën ndërkombëtare… Përndryshe, gjithmonë mund të shihni në këto tubime se çfarë mendojnë për të dhe si e trajtojnë”, tha Sandulović. Vuçiç shkoi në Moskë për të shënuar 80-vjetorin e fitores mbi fashizmin. Ai mori pjesë në një paradë të madhe ushtarake në Sheshin e Kuq, ku tradicionalisht mblidhen udhëheqësit e vendeve me marrëdhënie të ngushta me Rusinë. Vuçiç vetë e justifikoi vizitën e tij në Moskë me “arsye konkrete dhe racionale”, duke përmendur temat e bashkëpunimit energjetik dhe marrëdhëniet dypalëshe me Rusinë si kryesore. Kjo nuk është hera e parë që pozicioni ndërkombëtar i Vuçiçit, apo zhvendosja e tij gjithnjë e më e dukshme drejt lindjes, është diskutuar publikisht.