Kreu i Grupit Parlamentar të Partisë Socialiste, Taulant Balla deklaroi se do të ngrihet një komision për reformën zgjedhore.
Në një deklaratë për mediat, Balla u shpreh se me afrimin e Shqipërisë në BE, vendi duhet të ketë anëtarët e saj në Parlamentin Europian.
“Çështje e dytë, për të cilën, do ishte mirë të adresohej puna për reformën zgjedhore, duhet të kemi nenet përkatëse të kodit zgjedhor, sa i takon edhe zgjedhjeve për Parlamentin Evropian. Në perspektivën tonë, po afrohet momenti kur Shqipëria duhet të ketë anëtarët në PE. Çështja tjetër ka të bëjë me administrimin territorial. Këto duhen parë për t’i hapur rrugë reformave të reja, lidhur edhe me ndarjen administrative dhe territoriale. Këto komisione janë shumë të rëndësishme. Të plotësojmë vakancat në këto komisione”, theksoi ai.
Tag: ndarjen
-
PS planifikon ndryshime në Kodin Zgjedhor dhe ndarjen administrative, Balla zbulon detajet: Ja çfarë synojmë
-
Monica Bellucci thyen heshtjen për ndarjen nga Tim Burton me një deklaratë emocionuese
Monica Bellucci ka folur publikisht për herë të parë që kur konfirmoi ndarjen e saj nga regjisori Tim Burton, dhe fjalët e saj tregojnë se pavarësisht ndarjes, lidhja që kishin ende ka kuptim. Në një deklaratë të lëshuar pas njoftimit se marrëdhënia e tyre dyvjeçare kishte mbaruar, ylli italian e përshkroi Burton si dikë që do të mbante gjithmonë një vend unik në zemrën e saj.
Bellucci, 61 vjeç, dhe Burton, 67 vjeç, zbuluan ndarjen e tyre në një letër të përbashkët në fillim të kësaj jave, duke sinjalizuar fundin e një romance që filloi në vitin 2022 pasi dyshja u lidh për herë të parë në Festivalin e Filmit Lumière në Lyon. Ndërsa vetë ndarja ka tërhequr vëmendje të gjerë, reflektimet e Bellucci-t janë ato që bien në sy tani. Duke folur për Burton, ajo theksoi respektin dhe dashurinë që ajo vazhdon të ketë për të.
“Ai do të ketë gjithmonë një vend unik në zemrën time”, tha Bellucci, duke theksuar se lidhja që ata ndanin nuk ishte diçka e fshirë nga një ndryshim në statusin e tyre në marrëdhënie. Zgjedhja e saj e fjalëve shmangte hidhërimin, duke e portretizuar kohën e tyre së bashku si kuptimplote dhe të paharrueshme. Për një aktore të njohur për elegancën e saj si në ekran ashtu edhe jashtë tij, përgjigja ndihej në karakter – e përmbajtur, e menduar dhe thellësisht personale.
Burton, i njohur për stilin e tij vizual gotik në filma të tillë si Edward Scissorhands , Beetlejuice dhe Alice in Wonderland , nuk kishte bërë komente të tjera përtej deklaratës së përbashkët, por falënderimi nga Bellucci i shton një shtresë humanizmi asaj që përndryshe mund të shihej si një tjetër ndarje e personazheve të famshëm. Duke zgjedhur ta paraqiste atë si dikë që mbetet i rëndësishëm në jetën e saj, ajo i dha njoftimit një dimension emocional.
Bellucci, e cila vazhdon të jetë një ikonë e kinemasë italiane dhe modës ndërkombëtare, rrallë komenton në detaje për jetën e saj personale. Fjalët e saj për Burton mund të shihen si të rralla dhe domethënëse, duke ofruar një pamje të mënyrës se si ajo i vlerëson marrëdhëniet e saj edhe pasi ato ndryshojnë formë. Në vend që të ndalet te humbja, ajo duket se e paraqet ndarjen si një tranzicion, duke e ruajtur të paprekur vlerësimin e saj. -
PS ndan deputetët në komisione, Balla: Mos mungoni në mbledhje
Në nisje të legjislaturës së re në Kuvend, Partia Socialiste ka bërë edhe ndarjen e deputetëve nëpër komisione.
Mësohet se ndarjen e deputetëve e ka komunikuar Taulant Balla në mbledhjen e sotme të grupit parlamentar.
Mbledhja ka zgjatur rreth 30 minuta dhe kreu i grupit ka kërkuar nga deputetët disiplinë maksimale në pjesëmarrjen në komisione që të shmangen shtyrjet e mbledhjeve për shkak të mosarritjes së kuorumit.
Përbërja e komisioneve parlamentare do të miratohet në seancën e ardhshme në Kuvend. -
PS ndan deputetët në komisione, ja porosia që u ka lënë Balla
Në nisje të legjislaturës së re në Kuvend, Partia Socialiste ka bërë edhe ndarjen e deputetëve nëpër komisione.
Ndarjen e deputetëve e ka komunikuar Taulant Balla në mbledhjen e sotme të grupit parlamentar.
Mbledhja ka zgjatur rreth 30 minuta dhe kreu i grupit ka kërkuar nga deputetët disiplinë maksimale në pjesëmarrjen në komisione që të shmangen shtyrjet e mbledhjeve për shkak të mosarritjes së kuorumit.
Përbërja e komisioneve parlamentare do të miratohet në seancën e ardhshme në Kuvend. -
PS depoziton zyrtarisht në Kuvend ndarjen e komisioneve parlamentare
Partia Socialiste ka depozituar zyrtarish në Kuvend, projekt-vendimin për ndryshimin e Rregullores së Kuvendit dhe ndarjen e komisioneve parlamentare sipas propozimit të Edi Ramës në Asamblenë e PS-së.
Dokumenti i është depozituar kryetarit të Kuvendit,Niko Peleshit me firmën e Taulant Ballës, Olta Xhaçkës, Eduard Shalsit, Ulsi Manjës dhe Evis Kushit.
Një komisionet që do sjellë përplasje është përjashtimi i opozitës nga Komisioni për Integrimin Evropian, një çështje që opozita e konsideron shumë strategjike. Megjithatë, me shumicën prej 71 votash që zotëron mazhoranca, pritet që ndryshimet të kalojnë pa vështirësi.
Përbërja e re e komisioneve parlamentare të propozuara nga Rama:
Nën drejtimin e PS:
Ekonomia, Punësimi dhe FinancatÇështjet Ligjore dhe Administrata PublikeÇështjet e Brendshme dhe MbrojtjaBurimet Natyrore, Infrastruktura dhe Zhvillimi i QëndrueshëmBujqësia, Ushqimi dhe Zhvillimi RuralEvropa dhe Punët e JashtmeNismat Qytetare, Bashkëpunimi dhe Mbikëqyrja Institucionale
Nën drejtimin e PD:
Edukimi, Shkenca dhe SportetShëndetësia dhe Mirëqenia SocialeTë Drejtat e Njeriut dhe Mjetet e Informimit PublikKultura, Turizmi dhe Diaspora -
Kryeparlamentarja Spiropali mesazh ngushëllimi për ndarjen nga jeta të regjisorit Dhimitër Anagnosti: U prehsh në paqe Mjeshtër!
Kryetarja e Kuvendit Elisa Spiropali ka shprehur ngushëllimet për ndarjen nga jeta të regjisorit të madh shqiptar, Dhimitër Anagnosti.
Kryeparlajmentarja e quan Anagnostin një artist, kineast, skenarist dhe regjisor të klasit të parë.
“Dhimitër Anagnosti, artisti, kineasti, skenaristi dhe regjisori i klasit të parë, u largua sot nga bota jonë, duke lënë pas dhjetëra filma të tij, në të dy kohët, në të cilët pasqyroi në mënyrë të epërme botën shqiptare. Me personazhet emblematikë që krijoi, Anagnosti do të mbetet përgjithmonë në panteonin e artit kombëtar dhe do të jetojë në kujtesën tonë si një ndër më të mëdhenjtë e kinemasë shqiptare.
Kuvendi i Shqipërisë nderon sot me respekt të thellë deputetin që shërbeu me përkushtim gjatë dy legjislaturave,1991–1992 dhe 1992–1996, si dhe ministrin e Kulturës, Rinisë dhe Sporteve gjatë viteve 1992–1994.
U prehsh në paqe Mjeshtër!”Top Channel
-
Berisha mesazh për ndarjen nga jeta të Naun Shundit: Humbje e madhe për artin dhe kombin shqiptar, do jetojë përmes veprës së tij
Kryetari i Partisë Demokratike, Sali Berisha, ka reaguar me një mesazh prekës për ndarjen nga jeta të aktorit, regjisorit dhe dramaturgut të njohur shqiptar, Naun Shundi.
Në një postim në Facebook, Berisha ka shprehur ngushëllimet më të ndjera për familjen, miqtë dhe komunitetin artistik, duke e cilësuar ndarjen e Shundit si një humbje të pazëvendësueshme për kulturën shqiptare.
“Dielli perëndoi përgjithmonë për Naun Shundin!”, shkruan Berisha, duke theksuar se artisti nuk do të mbahet mend vetëm për rolet e tij me mjeshtëri dhe ngjyra, por edhe për kurajën për të mbrojtur të vërtetat që besonte.
Berisha kujton gjithashtu betejën e Shundit për mbrojtjen e Teatrit Kombëtar dhe vendosmërinë e tij për të mos e ndalur kurrë artin, edhe pas shembjes së tij, kur krijoi miniteatrin “Zonja e Bujtinës”.
“Naun Shundi do jetojë gjithnjë në veprën e tij. I ndritur dhe i paharruar roli i tij në skenë dhe në jetë,” përfundon mesazhin e tij Sali Berisha.
Postimi i plotë:
Dielli perëndoi përgjithmonë për Naun Shundin!
Të dashur miq, Naun Shundi, aktor dhe dramaturg i shquar dhe një prind, bashkëshort dhe qytetar shembullor iku përgjithmonë në jetën e përjetshme.
Duke shprehur nderimin tim me të thellë dhe ngushëllimet e mia me të ndjera familjes së tij të respektuar, miqve dhe të afërmve të tij për humbjen e pazëvendësueshme, dua të theksoj se ndarja e Naum Shundit nga jeta është humbje e rëndë edhe për Teatrin, skenën, artin dhe kulturën dhe të gjithë kombin tonë.
Naun Shundi do jetojë gjithnjë në veprën e tij. Ai nuk do kujtohet vetëm si aktori i madh i roleve gjithë ngjyra e mjeshtëri, por edhe si artisti që mbrojti me guxim të vërtetat e mëdha që besonte.
Akti i tij i fundit ishte beteja për Teatrin Kombëtar, i pamposhtur pas shembjes së të cilit ai ngriti miniteatrin privat ‘Zonja e Bujtinës’.
I ndritur dhe i paharruar roli i në skenë dhe në jetë i tij! Amin.
-
Naun Shundi ndahet nga jeta në moshën 66 vjeçare, la pas një trashëgimi të çmuar në artin shqiptar
Aktori, regjisori dhe dramaturgu Naun Shundi u nda nga jeta në moshën 66-vjeçare. Sëmundja e rëndë e kancerit të lëkurës shkaktoi ndarjen e parakohshme nga jeta të artistit të njohur. Naun Shundi dha kontributin e tij të vyer si aktor e regjisor në skenën e teatrit shqiptar. Miq, kolegë dhe më gjerë shprehën ngushëllimet për ndarjen nga jeta të artistit të njohur. Teatri Kombëtar gjithashtu në një postim në rrjetet sociale shprehu ngushëllimet për ndarjen nga jeta të aktorit, regjisorit dhe dramaturgut Shundi.
“Me talentin, pasionin dhe përkushtimin e tij, ai i dha skenës shqiptare një pasuri të pashlyeshme artistike dhe njerëzore. Kujtimi dhe vepra e tij do të mbeten gjithmonë të gjalla në zemrat tona”, thuhet në postimin e TK. Edhe ministri i Ekonomisë, Kulturës dhe Inovacionit, Blendi Gonxhja reagoi të enjten pas lajmit për ndarjen nga jeta të aktorit dhe regjisorit Naun Shundi. “I trishtë lajmi për ndarjen nga jeta të aktorit dhe regjisorit të mirënjohur Naun Shundi, pas një beteje shëndetësore me sëmundje të rëndë.
Artisti që dha shpirt e jetë për skenën shqiptare, do të kujtohet gjithmonë për rolet e tij të paharrueshme dhe dashurinë që përcolli tek publiku. Ngushëllimet më të ndjera familjes, të afërmve, miqve dhe gjithë komunitetit artistik për humbjen e një figure të shquar, që do të mbetet përherë pjesë e identitetit tonë kulturor”, shprehet Gonxhja për artistin që u nda nga jeta të enjten. Arkivi i Filmit shprehet se Naun Shundi një emër i dashur për skenën dhe ekranin shqiptar me një karrierë të gjatë dhe të përkushtuar, ai solli jetë dhe shpirt në dhjetëra role. “Duke lënë pas një trashëgimi të çmuar në artin shqiptar”, thuhet nga AQSHF ndër të tjera në një postim në rrjete sociale. Aktori Naun Shundi lindi më 3 shkurt 1959 në Tiranë. Në vitin 1977 u diplomua për regji në shkollën e Mesme të Kulturës dhe më 1983 në Institutin e Lartë të Arteve dhe më pas u emërua aktor në Teatrin Kombëtar. Naun Shundi dha një kontribut të çmuar për më shumë se katër dekada në fushën e aktrimit, regjisurës dhe dramaturgjisë. Gjatë karrierës së tij, si aktor interpretoi mbi 60 role në teatër dhe mori pjesë në rreth 20 filma. Përveçse aktor dhe regjisor, ai ishte edhe themelues i teatrit të parë privat në Shqipëri, “Zonja e Bujtinës”. Shfaqja e fundit që vetë Shundi shkroi dhe vuri në skenë ishte monodrama “Njeriu i Pyllit”. Me ndarjen nga jeta të Naun Shundit skena shqiptare humbi një artist, që teatrin e deshi shumë. -
Ali Ahmeti për ndarjen nga jeta të Artur Zhejit: Humbje e madhe për gazetarinë dhe jetën publike shqiptare
Në një reagim publik për ndarjen nga jeta të analistit dhe gazetarit Artur Zheji, lideri i BDI-së, Ali Ahmeti, shprehu dhimbjen dhe vlerësimin e tij për figurën e Zhejit.
Përmes një postimi në rrjetet sociale, Ahmeti e cilësoi atë si një zë të guximshëm dhe të pavarur në hapësirën mediatike shqiptare. “Humbja e tij la një boshllëk të madh në gazetari dhe në jetën publike shqiptare”, shkruan ai, duke nënvizuar kontributin intelektual dhe qytetar të Zhejit në debatin publik shqiptar.
“Me pikëllim të thellë mora lajmin për ndarjen nga jeta të gazetarit dhe analistit të njohur Artur Zheji, në moshën 63-vjeçare.
Arturi ishte një zë i guximshëm dhe i pavarur në hapësirën mediatike shqiptare. Ndonëse ndonjëherë në debate dhe diskutime publike kemi ndarë mendime të ndryshme, mirëpo gjithmonë me respekt dhe vlerësim të ndërsjellë, gjë që përbën dëshmi e integritetit dhe kulturës së tij të lartë intelektuale.
Humbja e tij lë një boshllëk të madh në gazetari dhe në jetën publike shqiptare.
Ngushëllimet e mia më të sinqerta familjes, miqve dhe kolegëve të tij. U prehtë në paqe dhe i qoftë e lehtë toka shqiptare.”, shprehet ai. -
Begaj mesazh ngushëllimi për ndarjen nga jeta të Artur Zhejit
Presidenti i Republikës, Bajram Begaj, ka reaguar me një mesazh ngushëllimi në rrjetet sociale pas ndarjes së papritur nga jeta të gazetarit, analistit dhe publicistit të njohur Artur Zheji.
Në statusin e tij në Facebook, Presidenti Begaj u shpreh: “Ngushëllimet më të ndjera familjes dhe komunitetit të medias për ndarjen e papritur nga jeta të Artur Zhejit, një prej zërave më aktiv, më të angazhuar dhe më moderatorë e kontribues në debatin publik në Shqipëri.”
Kreu i shtetit vlerësoi Zhejin si një figurë të rëndësishme të gazetarisë dhe të mendimit analitik shqiptar, i cili për vite me radhë ka dhënë një kontribut të vyer në formësimin e opinionit publik dhe në mbrojtjen e vlerave demokratike.