Lajmidites.com

Tag: ndarjen

  • Veliaj reagon për ndarjen nga jeta të Nanos: Kujtojmë me respekt një udhëheqës tolerant

    Veliaj reagon për ndarjen nga jeta të Nanos: Kujtojmë me respekt një udhëheqës tolerant

    Pjesë e ngushëllimeve për ndarjen nga jeta të Fatos Nanos u bë edhe Erion Veliaj.

    Me anë të një postimi në rrjetet sociale, Veliaj e cilëson Nanon si një qytetar me vizion thellësisht europian, i cili besonte se e majta duhet të ishte hapje, debat dhe progres, jo thjeshtë dogmë.
    “Me trishtim mora lajmin e ndarjes nga jeta të Fatos Nanos, kryetari që formësoi Partinë Socialiste dhe politikën moderne shqiptare.
    Me vizionin e tij qytetar dhe thellësisht europian, ai besoi se e majta duhet të ishte hapje, debat dhe progres, jo thjesht dogmë.
    Sot kujtojmë me respekt një udhëheqës tolerant e liberal, i cili diti t’i tregojë këto cilësi edhe me mua, vite më parë, në ditët e rebelimit aktivist.
    Demokracia nuk matet me sa shumë flasim, por si debatojmë me qytetari dhe sa shumë dimë të dëgjojmë njëri-tjetrin. Sepse liria nuk është vetëm e drejta për të folur, por edhe përgjegjësia për të kuptuar.
    Kjo ishte fryma që Fatos Nano i dha të majtës shqiptare dhe për çka duhet t’i jemi mirënjohës.
    U prehtë në paqe”, shkruan Veliaj.

  • Ndahet nga jeta Fatos Nano/ Nuk mungojnë mesazhet nga presidenti dhe politikanët

    Ndahet nga jeta Fatos Nano/ Nuk mungojnë mesazhet nga presidenti dhe politikanët

    Ndarja nga jeta e ish-kryeministrit Fatos Nano, ka sjellë reagime të shumta nga politika shqiptare si majtas dhe djathtas.
    Presidenti Bajram Begaj, në një mesazh në rrjetet sociale ka shprehur ngushëllimet e tij për ndarjen nga jeta të ish-Kryeministrit të Shqipërisë, Fatos Nano.
    Ai vlerësoi rolin e liderit socialist Fatos Nano përgjatë tranzicionit të vendit, si dhe politikat reformiste e liberale që ai ndoqi përgjatë aktivizimit në politikën shqiptare.
    “Me hidhërim të thellë mësova ndarjen nga jeta të Fatos Nanos, liderit socialist dhe të tranzicionit të Shqipërisë në vitet ‘90 dhe 2000. Fatos Nano do të mbahet mend si lideri liberal dhe reformator.  Ngushëllimet i shkojnë familjes, si dhe miqve e dashamirësve të shumtë të tij. I paharruar!”, shkroi Begaj në mesazhin e ngushëllimit.
    Ish-Presidenti Bamir Topi në reagimin e tij tha se vlerëson sjelljen Nanos me kundërshtarët politikë, ndërsa ka kujtuar një rast kur Nano sipas tij ka tejkaluar pozicionin politik dhe votoi Topin për president të vendit.
    “Keqardhje për ndarjen nga jeta të z. Fatos Nano. Nano ishte një politikan qytetar, liberal dhe komunikues modern në politikë e në shoqëri. Sjellja e tij politike me kundërshtarët politikë ishte plot predispozicion për dialog e kompromis. Personalisht i jam mirënjohës, pasi tejkaloi pozicionin e tij politik për të më votuar si President i Republikës, duke menjanur krizën politike e kushtetuese. U prehtë në paqen e përjetshme!”, shkruan Topi.
    Nga radhët e demokratëve ka qenë deputeti Tritan Shehu, i cili përmes një mesazhi në rrjete sociale ka shprehur ngushëllimet për ndarjen nga jeta të ish-kryesocialistit.
    “Ngushëllimet më të sinqerta për humbjen e Z. Fatos Nano! Një humbje për familjen socialiste. Një humbje për politikën shqiptare. Ngushëllime familjes së tij, që e ndjen e përjeton më shumë se gjithë se kush këtë humbje. Bashkëpuntorëve në vite. Miqve e shokëve. Ngushëllime!”, shprehet Shehu.
    Për deputetin Erion Braçe, Fatos Nano është njeriu që ribëri të majtën shqiptare.
    “Fatos Nano, njeriu që ribëri të majtën shqiptare, u shua sapo! Pusho në paqe dhe faleminderit për gjithçka!”, shkruan Braçe.

  • SHBA ‘fik’ shpresat e Ramës, Vuçiçit dhe Sorosit: Nuk do mbështetet asnjë ndryshim kufijsh në Ballkanin Perëndimor

    SHBA ‘fik’ shpresat e Ramës, Vuçiçit dhe Sorosit: Nuk do mbështetet asnjë ndryshim kufijsh në Ballkanin Perëndimor

    Që prej shpërbërjes së ish-Jugosllavisë, ideja e ndryshimit të kufijve në Ballkan ka qenë një nga çështjet më të debatueshme dhe më të rrezikshme për stabilitetin e rajonit. Nga luftërat e viteve ’90, deri tek diskutimet për “korrigjime territoriale” mes Kosovës dhe Serbisë, çdo tentativë për rivizatim kufijsh ka ngritur shqetësime për rikthim të tensioneve etnike dhe konflikteve. Tani, Uashingtoni duket se e mbyll përfundimisht këtë kapitull.

    Kujtojmë se ideja e ndryshimit të kufijve në Ballkan u rikthye fuqishëm në qendër të debatit pas vitit 2018, kur në tavolinat diplomatike u hodh projekti për ndarjen e Kosovës dhe shkëmbimin e territoreve me Serbinë. Kjo nismë, e mbështetur në prapaskenë nga Aleksandër Vuçiç dhe disa aktorë ndërkombëtarë u mbështet fuqishëm publikisht edhe nga Edi Rama. E gjithë skema e ndarjes ishte bërë nën ndikimin e fondacionit të George Sorosit. Propozimi synonte ndarjen e veriut të Kosovës, por hasi në kundërshtim të ashpër nga Uashingtoni dhe Berlini, që e panë si kërcënim për stabilitetin e rajonit. Tani, me projektligjin e ri amerikan, kjo çështje duket se mbyllet përfundimisht dhe kështu fiken edhe shpresat e Ramës, Vuçiçit dhe Sorosit për këtë projekt antishqiptar.

    “Akti i Demokracisë dhe Progresit në Ballkanin Perëndimor” është projektligji që po pret miratimin nga Kongresi dhe Senati në Amerikë.
    Në mesin e shumë pikave, ky dokument thekson angazhimin e Shteteve të Bashkuara që politika e tyre e jashtme të mos mbështesë ndarjen e territoreve, shkëputjen apo ndonjë ndryshim tjetër kufitar bazuar mbi etni në Ballkanin Perëndimor, përfshirë marrëveshjet midis Kosovës dhe Serbisë, si dhe ndarjen e mundshme të Republika Sërpskas.

    Ky parashikim është pjesë e Seksionit 11 të projektligjit, që merret me raportet midis Kosovës dhe Serbisë.
    Aty theksohet se marrëveshja për normalizimin e marrëdhënieve midis Beogradit dhe Prishtinës, e arritur më 27 shkurt 2023 me mbështetjen e Bashkimit Evropian, duhet të zbatohet shpejt. Ligji promovon gjithashtu biseda bilaterale, iniciativa konkrete për rritjen e tregtisë dhe investimeve, si dhe mbështetje nga SHBA-ja për një marrëveshje përfundimtare.

    “SHBA-ja nuk do të ndjekë asnjë politikë që mbështet shkëmbimet e territoreve, shkëputjen ose forma të tjera të rivizatimit të kufijve përgjatë vijave etnike në Ballkanin Perëndimor si një mjet për të arbitruar mosmarrëveshjet midis shteteve kombëtare në rajon”, thuhet në projektligj.

  • Lela Seferi flet për herë të parë për ndarjen nga Leo

    Lela Seferi flet për herë të parë për ndarjen nga Leo

    Pas disa javësh të mbushura me thashetheme dhe aludime për ndarjen e saj nga Leo, Lela Seferi ka thyer më në fund heshtjen. Ish-banorja e “Big Brother VIP Kosova” ka zgjedhur të ndajë me ndjekësit e saj një mesazh të gjatë në “Instagram Story”, ku reflekton mbi mënyrën si është gjykuar, keqkuptuar dhe mbi forcën që ka gjetur për të vazhduar përpara.
    Në rrëfimin e saj, Lela tregon se ka qenë e lodhur nga komentet dhe gjykimet që kanë shoqëruar çdo hap të saj që prej pjesëmarrjes në reality show. “Që nga dita kur historia ime u pa në dritë, u gjykua më shumë sesa u kuptua. U komentua çdo gjest, çdo fjalë, çdo heshtje ime, sikur të isha një personazh dhe jo një njeri,” – shkruan ajo.
    Sipas saj, kjo periudhë i ka mësuar të mos ketë më nevojë të justifikohet, as të shpjegojë veten për të bindur të tjerët. “Kam mësuar që s’ke nevojë të shpjegosh asgjë për të mbrojtur të vërtetën tënde,” – shton ajo.
    Në vazhdim të reagimit, Lela thekson se nuk dëshiron të shihet si viktimë, por si një grua që ka zgjedhur forcën dhe qetësinë. Ajo pranon se ndonjëherë heshtja është mënyra më e mirë për t’u përballur me zhurmën e botës virtuale.
    “Unë sot nuk jam as viktimë, as histori e dikujt tjetër. Jam thjesht unë. Dua të ec përpara me dinjitet, me qetësi dhe me gjithë projektet që më presin,” – ka shkruar ajo.

  • Lifestyle Probleme me ndarjen, Cardi B: Offset po më pengon divorcin dhe po më përdor…

    Lifestyle Probleme me ndarjen, Cardi B: Offset po më pengon divorcin dhe po më përdor…

  • Gerd Vaso rrëfen për herë të parë ndarjen me Enada Hoxhën: Humba dinjitetin tim…

    Gerd Vaso rrëfen për herë të parë ndarjen me Enada Hoxhën: Humba dinjitetin tim…

    Gazeta “KOHA JONË” themeluar si e pavarur më datë 11 Maj 1991
    Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA

  • Gerd Vaso rrëfen ndarjen nga Enada Hoxha: “Nuk isha vetvetja”

    Gerd Vaso rrëfen ndarjen nga Enada Hoxha: “Nuk isha vetvetja”

    Showbiz E Diel, 19 Tetor 2025 19:30
    Balerini i njohur Gerd Vaso ka ndarë për herë të parë detaje personale mbi ndarjen nga partnerja e tij,  Enada Hoxha,  në një intervistë ekskluzive për “Grida Duma Podcast”. Në një rrëfim të ndjerë dhe reflektues, ai ka folur për sfidat e jetës në çift,  karrierën artistike dhe përjetimet familjare që kanë shënjuar rrugëtimin e tij.
    Gerd Vaso ka treguar se periudha e fundit e marrëdhënies me Enada Hoxhën ka qenë e vështirë dhe e mbushur me dilema personale. Ai pranoi se nuk ndihej më vetvetja dhe se kishte humbur shumë gjatë këtij rrugëtimi:

    “Nuk isha vetvetja. Kam humbur shumë gjatë rrugëtimit tonë,” tha Vaso,  duke reflektuar mbi ndikimin emocional dhe profesional që pati marrëdhënia në jetën e tij.

    Për herë të parë,  balerini foli hapur për krisjen e martesës dhe përfundimin e saj,  duke theksuar se ndarja nuk ishte e lehtë,  por e domosdoshme për të rikthyer ekuilibrin personal dhe profesional.

    Ai nuk hyri në detaje të thella,  por la të kuptohet se vendimi për t’u ndarë ishte i menduar dhe i ndikuar nga nevoja për të rigjetur vetveten.

  • Selvija flet për herë të parë për ndarjen nga Shpati

    Selvija flet për herë të parë për ndarjen nga Shpati

    Selvije Jao ka vendosur të thyejë heshtjen dhe të reagojë publikisht për ndarjen nga këngëtari i njohur, Shpati Kasapi.
    Përmes një postimi të gjatë në rrjetet sociale, ajo ka ndarë me ndjekësit e saj detaje të sinqerta mbi raportin që tashmë i ka dhënë fund.
    Selvija ka treguar se ajo dhe Shpati janë ndarë prej më shumë se gjashtë muajsh, duke theksuar se çdo gjë që ata bëjnë sot, e bëjnë vetëm për mirëqenien e djalit të tyre, Roelit, të cilin e quan “një engjëll që nuk ka asnjë faj në këtë mes”.
    “Nuk kam folur asnjëherë publikisht për ndarjen me Shpatin, por e shoh që njerëzit kanë kaluar çdo kufi që unë mund të toleroj.
    Unë dhe Shpati jemi të ndarë prej më shumë se 6 muajsh. Çdo gjë që bëjmë është vetëm për Roelin dhe mirëqenien e tij. Nuk e kemi më në plan të jemi çift, sado e dhimbshme të tingëllojë, ndoshta për ne ky është vendimi i duhur”, shkruan Selvija.Ajo ka theksuar se mes tyre nuk ka më konflikt, përkundrazi, marrëdhënia e tyre është e bazuar në respekt dhe mirëkuptim, pasi mbeten të lidhur përjetësisht nga fëmija që kanë së bashku.
    “Shpatin e respektoj në maksimum dhe për mua ai do të mbetet njeriu më i afërt në jetën time, sepse kemi ndarë një copë bukë dhe kemi një fëmijë bashkë. Jemi shokë të mirë dhe përpiqemi që askush të mos lëndohet.”
    Ndërkohë, Selvija ka bërë thirrje që njerëzit të mos kalojnë kufijtë me mesazhe apo komente fyese ndaj saj apo Shpatit, duke theksuar se nuk ka asnjë arsye për përfshirje apo ofendime.
    “Ajo që më pengon janë njerëzit që kanë kaluar çdo limit me mesazhe, komente dhe shtrirjen sikur jam unë fajtore. Çdo insinuatë dhe përhapje e lajmeve të rreme do të ndiqet ligjërisht”, ka paralajmëruar ajo.
    Në fund të reagimit të saj, Selvija ka zgjedhur të tregojë pjekuri dhe elegancë duke përgëzuar Shpatin për projektin e tij më të fundit muzikor:
    “E dëgjova këngën e fundit të Shpatit dhe i uroj me zemër suksese! Secili shpreh ndjenjat në mënyrën e vet, arti është mënyra më e bukur për ta bërë këtë. Unë i uroj gjithë të mirat dhe shpresoj që muzika e tij të prekë zemrat, ashtu siç ka prekur dikur timen.”

  • Qeveria e Kosovës ndan nga 100 eurove për studentët

    Qeveria e Kosovës ndan nga 100 eurove për studentët

    Qeveria në mbledhjen e mbajtur sot ka ndarë 26 milionë euro për studentët. Ajo ka miratuar ndarjen e  nga 100 eurove për të gjithë studentët, gjithashtu edhe bursën e mobilitetit për studentët e nivelit bachelor, për t’i mbështetur ata që studiojnë larg qytetit ku jetojnë.Qeveria në detyrë e Kosovës ka miratuar kërkesën e Ministrisë së Financave për ekzekutimin e 100 eurove për të gjithë studentët që plotësojnë kriteret me fillimin e vitit të ri akademik.Këto mjete pritet të kenë kosto rreth 6 milionë euro.Ministri në detyrë i Financave, Hekuran Murati tha se këto mjete do të sigurohen nga Programi i Ringjalljes Ekonomike.“Siç e theksuat kemi të bëjmë me ndarjen e 100 eurove për studentët që plotësojnë kriteret, ngjashëm siç kanë qenë masat gjatë viteve të mëparshme, dhe ky veprim parashihet të ketë koston rreth 6 milionë euro që pritet të sigurohen nga Pako e Ringjalljes Ekonomike”, tha Murati.Ministri theksoi se për formën e aplikimit dhe datat e ekzekutimit do të njoftohen në vijim.Kryeministri në detyrë, Albin Kurti ka thënë se përveç ndarjes së 100 eurove, studentët që janë në nivelin bachelor do të përfitojnë edhe bursën për mobilitet.“Tashmë e kemi dëshmuar se rritjen ekonomike e ndajmë me qytetaret. Sepse kur rritja ndahet ajo shumohet. Kur zvogëlohet pabarazia në shoqëri, rritet kërkesa agregate në ekonomi. Në kuadër të kësaj ndarje të rritjes ekonomike sot e miratojmë vendimin për ndarjen nga 100 euro për të gjithë studentet që i plotësojnë kriteret. Mbështetja për studentë nuk mbaron me kaq. Sot do të miratojmë edhe bursën e mobilitetit për studentet bachelor. Shuma e mbështetjes do të varet nga distanca nëpërmjet vendbanimit dhe vendit ku studioni”, ka thënë ai.Qeveria ka ndarë një milion euro për  zbatimin e masës 3.4 të pakos së ringjalljes ekonomike – kuponë ushqimi për familjet në nevojë.Ministri në detyrë i Financave, Hekuran Murati ka thënë se synimi është që të arrijnë edhe te këto familje “ngjashëm siç kemi bërë në ditët e kaluara.. e sidomos tash që është stina e dimrit e mund të ketë nevojë”.“Është programi që subvencionon faturën të gjitha ato familje që të ardhurat mesatare për anëtar të familjes i ka 150 euro në muaj. Gjatë vitit të kaluar kemi pasur mbi 80 mijë familje përfituese. Të njëjtat nuk kanë nevojë të aplikojnë”.Qeveria ka aprovuar kërkesën e Ministrisë së Arsimit, Shkencës, Teknologjisë dhe Inovacionit, për ndarjen e buxhetit shtesë për subvencionimin e teksteve dhe materialeve ushqimore.“Është tejet e nevojshme që të përmbyllet ky proces për këtë vit akademik. Si qeveri jemi munduar që në vazhdimësi të arrijmë te secila familje. Megjithatë mekanizmat shtetëror janë të kufizuar se sa familje mund t’i prekim. Kësisoj kemi bërë edhe ndarjen e shumës prej 1 milionë eurove. Edhe këtë vit do të vazhdoj programi i njëjtën programi zbatohet për muajt e stinës së dimrit. Kësisoj nga tetori deri në mars. Edhe kjo masë është tejet e nevojshme dhe mbështet një numër të madh të familjeve në mënyrë që sadopak të lehtësohet barra”.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Nisma e PS në Kuvend: Komisionin të posaçëm për Reformën zgjedhore dhe Ndarjen Administrative

    Nisma e PS në Kuvend: Komisionin të posaçëm për Reformën zgjedhore dhe Ndarjen Administrative

    Taulant Balla: Mund t’ju them se është bërë një punë e mirë me shumë ekspertë, gjej rastin të falëndero OSBE, Këshillin e Europës. Është në ligj që duhet realizuar brenda këtij sesioni.
    Çështja e dytë që do ishte mirë të adresohej puna e komisionit të posaçëm të reformës zgjedhore.  Do ngremë komisionin e posaçëm për reformën zgjedhore
    Këto duhen parë për t’i hapur rrugë reformave të reja, lidhur edhe me ndarjen administrative dhe territoriale. Këto komisione janë shumë të rëndësishme. Të plotësojmë vakancat në këto komisione.
    Lajmi në përditësim…

    Top Channel