Kryeministri Edi Rama ka publikuar pamje të tjera nga lirimi i hapësirave publike në vendin tonë.
Krahas videos ku shihet se trotuari, dikur i zënë nga bizneset tashmë po lirohet, Rama ka ndarë edhe një mesazh.
“Pa ndalim deri në çlirimin e çdo trotuari”, shkruan kreu i socialistëve.
Top Channel
Këtë të shtunë kryeministri Edi Rama ka postuar pamjet nga aksioni për hapësirën publike, ku e ka edhe një mesazh. Sipas kreut të qeverisë, nuk do të ketë ndalim deri në çlirimin e çdo trotuari. Lirimi i hapësirave publike shihet si pjesë e vizionit të qeverisë “Rilindja Urbane 2.0”. Aksioni ka nisur në fillim të muajit korrik dhe do të vijojë të jetë në fokus të angazhimit të pushtetit vendor dhe qendror në mbrojtje të cilësisë së jetës në komunitet.
Kryeministri Edi Rama ka ndarë sot pamje të reja nga aksioni për lirimin e hapësirave publike në vend. Në një postim të radhës në Facebook, kreu i qeverisë shprehet se aksioni do të vazhdojë pa ndalim.
“Pa ndalim deri në çlirimin e çdo trotuari”, shkruan kreu i qeverisë.
Më herët Rama ka paralajmëruar se aksioni do të jetë konstant dhe do të gjasë gjatë 4 viteve.
Ai ka paralajmëruar gjithashtu se shumë shpejt radha për t’u reformuar do të jetë e strukturës së kontrollit të territorit dhe IMT-ve bashkiake.
Një numër qytetesh në Francë kanë vendosur ndalim-qarkullimi gjatë natës për të rinjtë, pas një vale dhune të lidhur me trafikun e drogës.
Qyteti i fundit që mori këtë masë është Nîmes, në jug të Francës, ku autoritetet vendore e arsyetojnë ndalimin si përpjekje për të “mbrojtur të miturit nga ekspozimi ndaj dhunës” dhe për të “qetësuar tensionet”. Ndalesa zbatohet nga ora 21:00 deri në 06:00, ndërkohë që janë shtuar edhe forcat e policisë.
Gjatë muajit të fundit në këtë qytet janë regjistruar disa të shtëna, përfshirë një në mes të ditës, që lanë një person të vdekur dhe disa të plagosur. Javën e kaluar, trupi i një 19-vjeçari u gjet i djegur në periferi të Nîmes. Kryetari i bashkisë, Jean-Paul Fournier, deklaroi se situata është bërë “e papërballueshme” dhe se trafikantët kanë krijuar një “klimë frike dhe terrori”.
Zëvendëskryetari Richard Schieven shtoi se masa synon të mbrojë jo vetëm të miturit që nuk kanë lidhje me drogën, por edhe ata 12 apo 13 vjeç që shfrytëzohen nga trafikantët.
Në Béziers, një qytet 120 km më në jugperëndim, ndalim-qarkullimi për fëmijët nën 13 vjeç është në fuqi që nga viti i kaluar, ndërsa që nga marsi është zgjeruar edhe për të miturit nën 15 vjeç në disa zona. Kryebashkiaku Robert Ménard deklaroi në vitin 2024: “Një fëmijë 10-vjeçar që endet në rrugë në orën 2 të mëngjesit nuk është aty për asgjë të mirë.”
Megjithatë, dhuna në Béziers vazhdon. Fundjavën e kaluar, të rinj me maska sulmuan policinë me fishekzjarrë, pasi i kishin joshur fillimisht në kurth – sipas mediave lokale.
Sipas Ministrisë së Brendshme, vetëm në vitin 2024, 110 persona kanë humbur jetën dhe mbi 300 janë plagosur nga dhuna e lidhur me drogën.
Përballë kësaj vale kriminale, ministrat Gérald Darmanin (Drejtësia) dhe Bruno Retailleau (Brendshëm) kanë shtyrë një ligj të ri në parlament, që përfshin:
-Dy burgje të sigurisë maksimale për baronët e drogës,
-Një njësi të specializuar të prokurorisë,
-Më shumë kompetenca për hetuesit,
-Status të mbrojtur informatorët.
Të martën, Darmanin njoftoi se 17 trafikantët më të rrezikshëm të vendit janë transferuar në burgun me siguri të lartë në Vendin-le-Vieil, në veri të Francës.
Këtë pranverë, shpërthime me armë zjarri dhe zjarrvënie në disa burgje franceze u konsideruan si sulm hakmarrës i bandave të drogës ndaj goditjeve të qeverisë, shkruan BBC
Për herë të parë që nga viti 1923, qytetarët e Parisit mund të notojnë sërish në lumin Sena, pas më shumë se një shekulli ndalim për shkak të ndotjes së ujërave.
Hapja sezonale për publikun vjen si pjesë e trashëgimisë së Lojërave Olimpike Paris 2024, ku sportistët e disiplinave si notin në ujëra të hapura dhe triatloni garuan në ujërat e pastruara posaçërisht të lumit.
Të shtunën në mëngjes, rreth orës 08:00 me orën lokale, dhjetëra notarë amatorë ishin ndër të parët që u hodhën në ujë, në përurimin zyrtar të hapjes për publikun.
Janë krijuar tre zona të dedikuara për not në lumë: një pranë Kullës Eifel, një tjetër pranë Katedrales Notre-Dame, dhe një në pjesën lindore të qytetit. Këto hapësira janë të pajisura me dhoma zhveshjeje, dushe dhe mobilie plazhi, dhe mund të presin deri në 300 persona njëherësh.
Deri në fund të muajit gusht, këto hapësira do të jenë të hapura falas në orare të caktuara për të gjithë qytetarët, me kufizime të moshës që variojnë nga 10 deri në 14 vjeç, në varësi të vendndodhjes. Në vendngjarje do të jenë të pranishëm edhe rojet e shpëtimit për të garantuar sigurinë e pushuesve.
Përpjekjet për të hequr ndalimin e notit në Sena datojnë që nga viti 1988, kur ish-kryebashkiaku i Parisit dhe më vonë president i Francës, Jacques Chirac, u shpreh për herë të parë në favor të kësaj nisme.
Investimet dhe përmirësimet infrastrukturore të realizuara gjatë dy dekadave të fundit kanë sjellë një reduktim të ndjeshëm të ndotjes bakteriale në lumë. Për plot 100 vjet, ndalimi i notit kishte qenë në fuqi për shkak të ndotjes së lartë që përbënte rrezik për shëndetin publik.
Për përgatitjen e Lojërave Olimpike të vitit 2024, autoritetet investuan mbi 1.4 miliardë euro në pastrimin e lumit.
Megjithatë, pak muaj para fillimit të Olimpiadës, u ngritën dyshime mbi gatishmërinë e Senës për t’u përdorur për garat, pasi rezultatet e analizave të cilësisë së ujit nuk ishin të kënaqshme. Organizatorët fajësuan reshjet e dendura për shtimin e ndotjes, e cila pengoi edhe përgatitjet e sportistëve në disiplina si triatloni, noti maratonë dhe paratriatloni.
Në korrikun e kaluar, kryebashkiakja e Parisit, Anne Hidalgo, së bashku me anëtarë të Komitetit Olimpik, hynë vetë në lumin Sena për të demonstruar se uji ishte i sigurt për not.
Një gjykatë e Madridit ka dhënë dënime me burgim me kusht nga 14 deri në 22 muaj për katër persona pasi ata u shpallën fajtorë për një krim urrejtjeje që përfshinte një kukull në formën e sulmuesit të Real Madridit Vinicius Junior, tha La Liga e Spanjës.
“I pandehuri që postoi videon në internet mori një ndalim të veçantë për të punuar në institucione arsimore, sportive ose rekreative për të rinjtë për një periudhë prej katër vjetësh e tre muajsh, ndërsa të tjerët morën tre vjet e shtatë muaj,” tha La Liga në një deklaratë.
Të gjithë ishin të përfshirë në vendosjen e një banderole me mbishkrimin “Madridi e urren Realin” dhe një kukulle të zezë të fryrë që mbante fanellën me numrin 20 të Brazilit në një urë para ndeshjes së Kupës së Mbretit kundër Atletico Madrid në janar 2023.
Sipas vendimit, një i pandehur u dënua me 15 muaj burg për krime urrejtjeje dhe shtatë muaj shtesë për kërcënime, pasi ai ndau imazhe të aktit në internet. Tre të tjerët u dënuan me shtatë muaj burg për krime urrejtjeje dhe shtatë muaj për kërcënime.
Megjithatë, ata nuk do të vuajnë asnjë dënim me burg pasi të katër nënshkruan letra faljeje drejtuar Vinicius, Real Madrid, La Liga dhe Federatës Spanjolle të Futbollit (RFEF).
I pandehuri i parë u gjobit gjithashtu me 1,084 euro dhe tre të tjerët me 720 euro, me dënime shtesë që përfshijnë një ndalim prej një kilometri për Vinicius, shtëpinë dhe vendin e tij të punës, dhe një ndalim për t’iu afruar stadiumeve të futbollit gjatë ndeshjeve të La Ligës ose RFEF.
Të gjithë do të duhet të marrin pjesë në një program edukativ mbi trajtimin e barabartë dhe mosdiskriminimin në mënyrë që dënimet e tyre me burg të pezullohen.
Nuk pati konfirmim të menjëhershëm nga gjykata ose një reagim nga Vinicius, i cili aktualisht po luan në Kupën e Botës për Klube FIFA në Shtetet e Bashkuara.
Viktimë e abuzimit të vazhdueshëm racist
La Liga ka paraqitur ankesa në vitet e fundit për incidente të ndryshme të abuzimit racist dhe kërcënimeve kundër ndërkombëtarit brazilian.
Tre tifozë të Valencias u dënuan me tetë muaj burg më 10 qershor 2024 për krime urrejtjeje të drejtuara ndaj Vinicius në maj 2023, dënimet e para për abuzim racist në një stadium futbolli në Spanjë.
Shtatorin e kaluar, një gjykatë spanjolle dënoi një tifoz të Mallorca-s i cili fyeu në mënyrë raciste Vinicius në shkurt 2023, dhe ish-lojtarin e Villarreal Samuel Chukwueze shtatë ditë më vonë, me një vit burg dhe një ndalim tre-vjeçar nga stadiumi.
Muajin e kaluar, pesë personave iu dhanë dënime me burgim me kusht prej 12 muajsh dhe gjoba për fyerje raciste ndaj sulmuesit të Real Madridit gjatë një ndeshjeje në dhjetor 2022, vendimi i parë i rëndësishëm në Spanjë që dënon abuzimin racist në një stadium futbolli si një krim urrejtjeje. /tesheshi.com/
Bota E Hënë, 9 Qershor 2025 12:52
Administrata e presidentit Donald Trump ka vënë në fuqi një ndalim të ri udhëtimi që ndalon hyrjen në Shtetet e Bashkuara për shtetasit e 12 vendeve, duke filluar nga kjo e hënë.
Sipas vendimit, ndalimi përfshin qytetarët nga: Afganistani, Mianmari, Çadi, Republika e Kongos, Guinea Ekuatoriale, Eritrea, Haiti, Irani, Libia, Somalia, Sudani dhe Jemeni. Për këto vende, hyrja në territorin amerikan do të ndalohet plotësisht për arsye sigurie dhe politike.
Përveç këtyre, janë njoftuar kufizime të rrepta shtesë për shtetasit nga Burundi, Kuba, Laosi, Sierra Leone, Togo, Turkmenistani dhe Venezuela. Këto masa përfshijnë kontrolle më të ashpra dhe kufizime për marrjen e vizave.
Në një tjetër vendim të diskutueshëm, presidenti Trump ka shpallur se do të kufizojë hyrjen në SHBA për shtetas të huaj që synojnë të ndjekin studimet në universitetin e Harvardit ose të marrin pjesë në programe shkëmbimi të organizuara nga ky institucion. Kufizimi do të ketë një afat fillestar prej gjashtë muajsh, me mundësi zgjatjeje.
Sipas deklaratës së Shtëpisë së Bardhë, këto masa synojnë të forcojnë kontrollin mbi sistemin e imigracionit dhe të adresojnë, sipas administratës, rreziqe të mundshme për sigurinë kombëtare. Departamenti i Shtetit është udhëzuar gjithashtu të rishqyrtojë statusin e vizave për studentët e huaj që aktualisht ndjekin studimet në SHBA.
Vendimi ka ngjallur menjëherë reagime të forta nga organizatat për të drejtat e njeriut dhe institucione akademike, të cilat e konsiderojnë këtë një hap prapa për lirinë e lëvizjes dhe shkëmbimin ndërkombëtar të dijes.
Dy shoferë po kryenin parakalim të gabuar dhe për parkim-ndalim në krahun e gabuar të rrugës, teksa Policia e Qarkullimit i ka identifikuar, lokalizuar dhe gjobitur me 13 mijë lekë të reja në total.
”Në lidhje me dy video të postuara në rrjete sociale, për 2 raste të shkeljes së rregullave të qarkullimit rrugor, ju informojmë se specialistët e Sektorit të Policisë Rrugore kanë identifikuar drejtuesit e këtyre automjeteve dhe kanë vendosur gjobë”, bëri me dije policia vendore ditën e sotme (5 qershor).
Po ashtu u vendos masa administrative me 10 mijë lekë të rinj, ndaj R.Z, që ka kryer parakalimin e gabuar me automjet, në aksin Elbasan-Peqin dhe 3000 lekë të rinj, ndaj Z.B, që nuk e ka pozicionuar automjetin në krahun e djathtë të karrexhatës, në aksin Elbasan-Librazhd.
Më 13 mars 2025, qeveria shqiptare vendosi një ndalim njëvjeçar të aksesit në TikTok, duke përmendur shqetësime mbi sigurinë kibernetike dhe ndikimin negativ të përmbajtjeve të dëmshme tek të rinjtë.Megjithatë, ky ndalim ka rezultuar të jetë joefektiv, pasi përdoruesit shqiptarë kanë gjetur mënyra për ta anashkaluar, kryesisht përmes përdorimit të rrjeteve private virtuale (VPN).Pavarësisht përp…
Reagimi:
RRUGA DREJT SHQIPËRISË2030 VAZHDON PA NDALIM 🇦🇱🤝🇪🇺
Këshilli i BE miratoi çeljen e negociatave për 8 kapituj të rinj nga Grupi 3:
Konkurrueshmëria dhe Rritja Gjithëpërfshirëse, që përfshin arsimin, digjitalizimin, punësimin, politikën ekonomike, tatimet dhe inovacionin😊
✅Deri tani janë hapur negociatat për 24 kapituj në vetëm 8 muaj dhe mbeten vetëm 11 të tjerë për t’u hapur – një ritëm tejet i lartë që tregon përparimin e Shqipërisë dhe mbështetjen e BE-së për të arritur objektivin e përbashkët të mbylljes së negociatave më 2027
Top Channel